Ishlab chiqarilayotgan mahsulot uchun hisob-kitoblar tizimini mustahkamlash, tijorat banklari, korxonalar va tashkilotlarning to‘lov intizomiga rioya qilish uchun javobgarligini oshirish, o‘zaro qarzlarni qisqartirishni ta’minlash maqsadida:

2. Vazirliklar, idoralar, konsernlar, korporatsiyalar, uyushmalar, mulkchilik shakllaridan qat’i nazar, korxonalar va tashkilotlar:

respublika iste’molchilariga mahsulotlarni yetkazib berish hajmining kamida 15 foiziga oldindan haq to‘langan holdagina yuklab jo‘natsinlar, qonunchilikda belgilangan hollar bundan mustasno;

xaridorlarga xizmat ko‘rsatuvchi vakolatli banklarning kafolatlari mavjud bo‘lganda, eksportga mahsulot yetkazib berish (xizmat ko‘rsatish) yuzasidan kontraktlar tuzsinlar va ularni bajarsinlar.

3. O‘zbekiston Respublikasi Davlat bojxona qo‘mitasi xaridorlarga xizmat ko‘rsatuvchi banklarning kafolati olingani to‘g‘risida vakolatli bankning tasdiqlovchi hujjatlari mavjud bo‘lmagan taqdirda tovar-moddiy boyliklarning respublikadan tashqariga chiqarilishiga yo‘l qo‘ymasin.

4. O‘zbekiston Respublikasi Moliya vazirligi, Davlat bojxona qo‘mitasi 1996-yil 1-fevraldan boshlab buxgalteriya hisobi tizimiga korxona va tashkilotlar balanslarida to‘lov muddati o‘tib ketgan debitorlik va kreditorlik qarzlarni ajratib ko‘rsatish joriy etilsin.

5. O‘zbekiston Respublikasi Adliya vazirligi Moliya vazirligi, Markaziy bank va Davlat bojxona qo‘mitasi bilan birgalikda bir oy muddatda amaldagi qonunchilikka ushbu Farmondan kelib chiqadigan o‘zgartirishlar va qo‘shimchalarni kiritish yuzasidan takliflar tayyorlasin.