199-сон 10.07.2013. Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida” 2012-yil 24-iyuldagi PF-4456-son Farmoni hamda Oʻzbekiston Respublikasi Prezidentining “Chet tillarni oʻrganish tizimini yanada takomillashtirish chora-tadbirlari toʻgʻrisida” 2012-yil 10-dekabrdagi PQ-1875-son qarori)

Hujjat kuchini yo‘qotgan 22.07.2022

Hujjat 15.07.2013 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida” 2012-yil 24-iyuldagi PF-4456-son Farmoni hamda Oʻzbekiston Respublikasi Prezidentining “Chet tillarni oʻrganish tizimini yanada takomillashtirish chora-tadbirlari toʻgʻrisida” 2012-yil 10-dekabrdagi PQ-1875-son qarori)

LexUZ sharhi

Mazkur qaror Oʻzbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida” 2012-yil 24-iyuldagi PF-4456-son Farmoni hamda Oʻzbekiston Respublikasi Prezidentining “Chet tillarni oʻrganish tizimini yanada takomillashtirish chora-tadbirlari toʻgʻrisida” 2012-yil 10-dekabrdagi PQ-1875-son qarorini bajarish yuzasidan, shuningdek magistraturada tayyorlanadigan kadrlarning ilmiy salohiyatini oshirish, magistraturaga ilmiy faoliyat yuritish qobiliyatiga ega boʻlgan va chet tillarni chuqur biladigan abituriyentlarni qabul qilinishini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I.Ikramov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2013-yil 10-iyul,

199-son

Vazirlar Mahkamasining 2013-yil 10-iyuldagi 199-son qaroriga
ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oliy taʼlimning davlat taʼlim standartlarini tasdiqlash toʻgʻrisida” 2001-yil 16-avgustdagi 343-son qaroriga 1-ilovada:

a) 5.2.1-bandda:

beshinchi, oltinchi va yettinchi xatboshilar quyidagi tahrirda bayon qilinsin:

“ilmiy va ilmiy-texnik axborot bilan ishlash koʻnikmalari va uquvlarini shakllantirishi, tadqiq etiladigan mavzular boʻyicha muntazam ravishda mustaqil tahlil va xulosani tayyorlashi;

ilmiy ijod metodologiyasi, ilmiy tadqiqotlar asoslari, bilishning umumiy usullari, empirik va nazariy tadqiqot usullari, qonunlar va qoidalar mantigʻi, asoslash va inkor qilish usullariga, shuningdek nutq madaniyati asoslari bilimlariga, pedagogik texnologiyalar, mutaxassisliklar boʻyicha menejment va iqtisodiyotga doir bilimlarni taʼminlashi;

amaliy xorijiy tilni, mutaxassislikka yoʻnaltirilgan axborot texnologiyalari va tizimlarini oʻzlashtirishni taʼminlashi”;

oʻn birinchi xatboshi quyidagi tahrirda bayon qilinsin:

“magistratura mutaxassisligi boʻyicha ilmiy-tadqiqot ishlarini bajarish, kasb faoliyatining koʻzlangan natijalariga erishishda jarayonlarni modellashtirish va tizimli yondashish borasidagi ilmiy bilimlar, amaliy uquv va koʻnikmalarni taʼminlashi kerak”;

b) 6.2-bandda:

quyidagi mazmundagi oltinchi xatboshi qoʻshilsin:

“xorijiy tillardan birida ilmiy-tadqiqot ishlari mohiyatini tushunish”;

oltinchi—oʻn ikkinchi xatboshilar tegishli ravishda yettinchi—oʻn uchinchi xatboshilar deb hisoblansin;

oʻn ikkinchi xatboshidagi “aspiranturada” soʻzi “katta ilmiy xodimlar-izlanuvchilar institutida” soʻzlari bilan almashtirilsin;

v) 7.2-band quyidagi tahrirda bayon qilinsin:

“7.2. Magistratura

Barcha turdagi auditoriya va auditoriyadan tashqari oʻquv ishlarini oʻz ichiga olgan oʻquv yuklamasining eng yuqori hajmi haftasiga 54 soat qilib belgilanishi kerak. Kunduzi oʻqish shakli uchun auditoriya mashgʻulotlari va ilmiy faoliyatning eng yuqori hajmi haftasiga 36 soat qilib belgilanishi lozim.

Oʻqishning normativ muddati 2 yil boʻlganda oʻquv jarayoni 100 haftani tashkil etishi zarur.

Oʻqish davrining umumiy hajmi quyidagicha taqsimlanishi zarur:

nazariy taʼlim – 25—30%;

attestatsiya – 4—7%;

taʼtillar – 13—16%;

ilmiy faoliyat – 50%.

Ilmiy faoliyat magistratura talabasining yakka tartibdagi kalendar ish rejasi asosida amalga oshiriladi va quyidagilarga boʻlinadi:

ilmiy tadqiqot ishi va magistrlik dissertatsiyasini tayyorlash – 70—75%;

ilmiy-pedagogik ish va malaka amaliyoti – 25—30%.

Nazariy taʼlim hajmi magistratura mutaxassisligiga qarab quyidagi tarzda fanlar bloklari boʻyicha taqsimlanadi:

umummetodologik fanlar – 30—35%;

mutaxassislik fanlari – 40—50%;

tanlov fanlari – 13—15% .

Magistratura oʻquv rejasining namunasi 2-jadvalda keltirilgan”;

g) 2-jadvalning matni quyidagi tahrirda bayon qilinsin:

“

II. Oʻquv rejasi
T/r	Oʻquv fanlari (kurslar) va ilmiy faoliyat turlarining nomi	Talabaning oʻquv yuklamasi (soatlarda)									Soatlarni semestr va haftalar boʻyicha taqsimlash
		yuklamaning umumiy mehnat sarfi hajmi		auditoriya mashgʻulotlari (soatlarda)					kurs ishi	mustaqil ish	1-bosqich		2-bosqich
											1	2	3	4
											semestrlardagi haftalar
		soat	%	hammasi	maʼruzalar	amaliy mashgʻulotlar	laboratoriya mashgʻulotlari	seminarlar			21	21	21	21
1.00	Umummetodologik fanlar	574	35,6	296	106	160		30		278	8	4	2
1.01	Ilmiy-tadqiqot metodologiyasi	100		60	30	30				40	X
1.02	Fanlarning falsafiy masalalari	80		40	20	20				40	X
1.03	Pedagogik texnologiya va pedagogik mahorat	80		40	20			20		40		X
1.04	Amaliy xorijiy til	160		80		80				80	X	X
1.05	Axborot texnologiyalari	100		40	20	20				60	X
1.06	Nutq madaniyati	54		36	16	10		10		18			X
2.00	Mutaxassislik fanlari	1040	64,4	400	200	200		20		640	4	6	12
2.01	Nazariy fizikaning maxsus boʻlimlari	100		40	20			20		60	X
2.02	Qattiq jism fizikasi	100		40	20	20				60	X
2.03	Mikroelektronika va elektron texnologiyalarning fizik asoslari	100		40	20	20				60		X
2.04	Fizik jarayonlarni modellashtirish	100		40	20	20				60		X
2.05	Lazer fizikasining zamonaviy muammolari	120		40	20	20				80			X
2.06	Lazer texnologiyalar	120		40	20	20				80		X
2.07	Lazerni elektronika sohasida qoʻllash	120		40	20	20				80			X
2.08	Yuqori quvvatli lazerlar fizikasi	120		40	20	20				80			X
2.09	Tanlov fanlari	160		80	20	60				80			X
	Hammasi	1614	100	696	286	360		50		918	10	10	14
3.00	Ilmiy faoliyat	2750								2750	24	26	22	36
3.01	Ilmiy-tadqiqot ishi va magistrlik dissertatsiyasini tayyorlash	1550								1550	12	14	12	30
3.02	Ilmiy-pedagogik ish va malaka amaliyoti	1200		360		360				840	14	12	10	6
	Jami	4364		1056	286	720		50		3308	36	36	36	36

DAVLAT ATTESTATSIYASI:

1. Fanlar (yoki fan) boʻyicha davlat attestatsiyasi

2. Magistrlik dissertatsiyasini himoya qilish

Izoh:

1. Ushbu oʻquv rejasi asosida oliy taʼlim muassasasi qoʻllanma oʻquv rejasini ishlab chiqadi. Bunda oliy taʼlim muassasasiga haftalik yuklamani oʻzgarishsiz saqlab qolgan holda soatlar hajmini fanlar bloklari uchun 5% doirasida, blokka kiruvchi fanlar uchun esa — 10% doirasida oʻzgartirish huquqi beriladi.

2. Maʼruza soatlari hajmi auditoriya vaqtining 50 foizidan oshmasligi kerak. Fan mavzularining kamida 25 foizi mustaqil taʼlim tarzida oʻzlashtirilishi lozim.

3. Fanlar (fan) boʻyicha davlat attestatsiyasiga qadar har bir fan boʻyicha 6 soat hajmida maslahatlar beriladi.

4. Talaba bilimlarini nazorat qilish va baholash reyting tizimi boʻyicha oʻtkaziladi”.

Keyingi tahrirga qarang.

2. Vazirlar Mahkamasining 2010-yil 18-iyundagi 118-son qarori bilan tasdiqlangan Oliy taʼlim muassasalarining magistraturasiga qabul qilish tartibi toʻgʻrisidagi nizomda:

a) 14-band quyidagi tahrirda bayon qilinsin:

“14. Magistraturaga kirish sinovi umumiy ballari quyidagilardan tashkil topadi:

magistraturaga kirishda tanlagan mutaxassislik boʻyicha bilim darajasini belgilovchi maxsus fanlardan sinov oʻtkaziladi (baholash mezoni 0 balldan 100 ballgachani tashkil etadi);

chet tili (xorijiy filologiya, xorijiy til va adabiyoti taʼlim yoʻnalishlari bazasidagi mutaxassisliklar uchun ikkinchi chet tili) boʻyicha sinov oʻtkaziladi (baholash mezoni 0 balldan 50 ballgachani tashkil etadi);

demokratik jamiyat qurish nazariyasi va amaliyoti asoslari boʻyicha sinov oʻtkaziladi (baholash mezoni 0 balldan 50 ballgachani tashkil etadi).

Oliy taʼlim muassasasi bitiruvchisining umumiy reytingi yoki oʻzlashtirish koʻrsatkichi (oʻzlashtirish tegishli ravishda 55 balldan 100 ballgacha boʻlgan diapazonda ifodalanadi) aniqlanadi.

Xalqaro (TOEFL boʻyicha kamida 58 yoki IELTS boʻyicha kamida 5 ball) sertifikat taqdim etganlarga chet tilidan 50 ball qoʻyiladi va ular chet tilidan kirish sinovida ishtirok etmaydi.

Magistraturaga oʻqishga kirishda eng koʻp (maksimal) toʻplanishi mumkin boʻlgan ball – 300 ni tashkil etadi”;

b) 15-bandga quyidagi mazmundagi xatboshi qoʻshilsin:

“chet tili (xorijiy filologiya, xorijiy til va adabiyoti taʼlim yoʻnalishlari bazasidagi mutaxassisliklar uchun ikkinchi chet tili)”;

v) 16-bandga:

quyidagi mazmundagi ikkinchi xatboshi qoʻshilsin:

“Tanlangan mutaxassislik boʻyicha maxsus fanlardan sinov uchun belgilangan ballning 30-50 foizi abituriyentning mutaxassislik boʻyicha ijodiy qobiliyatini, shuningdek ilmiy va ilmiy-texnik axborot bilan mustaqil ishlash, tizimli mustaqil tahlil qilish, xulosalar chiqarish boʻyicha bilimini aniqlashga ajratiladi”;

ikkinchi xatboshi uchinchi xatboshi deb hisoblansin;

g) 25-bandga quyidagi mazmundagi xatboshi qoʻshilsin:

“Magistraturaga har bir kirish sinovi uchun belgilangan maksimal ballning 55 foizi va undan kam ball toʻplaganlar navbatdagi kirish sinoviga kiritilmaydi hamda magistraturaga qabul qilinmaydi”.

(Oʻzbekiston Respublikasi qonun hujjatlari toʻplami, 2013-y., 28-son, 363-modda; Qonunchilik maʼlumotlari milliy bazasi, 13.08.2021-y., 09/21/511/0793-son)