2476-сон 02.07.2013. Traktorlar, traktor tirkamalari, yoʻl-qurilish va meliorativ texnika, oʻziyurar mashinalarni roʻyxatdan oʻtkazish, ularga davlat raqami belgilarini va texnik pasportlarni, shuningdek qishloq xoʻjaligi mashinasi guvohnomasini berish tartibi toʻgʻrisida nizomni tasdiqlash haqida

Hujjat kuchini yo‘qotgan 02.05.2019

Oʻzbekiston Respublikasi Qishloq va suv xoʻjaligi vazirining

buyrugʻi

Traktorlar, traktor tirkamalari, yoʻl-qurilish va meliorativ texnika, oʻziyurar mashinalarni roʻyxatdan oʻtkazish, ularga davlat raqami belgilarini va texnik pasportlarni, shuningdek qishloq xoʻjaligi mashinasi guvohnomasini berish tartibi toʻgʻrisida nizomni tasdiqlash haqida

[Oʻzbekiston Respublikasi Adliya vazirligi tomonidan 2013-yil 2-iyulda roʻyxatdan oʻtkazildi, roʻyxat raqami 2476]

LexUZ sharhi

Mazkur buyruq Oʻzbekiston Respublikasi qishloq xoʻjaligi vazirining 2019-yil 12-apreldagi 63-sonli ““Traktorlar, traktor tirkamalari, yoʻl-qurilish va meliorativ texnika, oʻziyurar mashinalarni roʻyxatdan oʻtkazish, ularga davlat raqami belgilarini va texnik pasportlarni, shuningdek qishloq xoʻjaligi mashinasi guvohnomasini berish tartibi toʻgʻrisida nizomni tasdiqlash haqida”gi buyruqni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 2476-1, 01.05.2019-y.) asosan oʻz kuchini yoʻqotgan.

Oʻzbekiston Respublikasi Vazirlar Mahkamasining 2012-yil 6-dekabrdagi 345-son “Qishloq xoʻjaligi va meliorativ texnikani, asbob-uskunalarni hisobga olish va ularning texnik holatini nazorat qilish tizimini takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2012-y., 50-son, 559-modda) muvofiq buyuraman:

1. Traktorlar, traktor tirkamalari, yoʻl-qurilish va meliorativ texnika, oʻziyurar mashinalarni roʻyxatdan oʻtkazish, ularga davlat raqami belgilarini va texnik pasportlarni, shuningdek qishloq xoʻjaligi mashinasi guvohnomasini berish tartibi toʻgʻrisida nizom ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir Z. RUZIYEV

Toshkent sh.,

2013-yil 11-may,

99-son

Oʻzbekiston Respublikasi qishloq va suv xoʻjaligi vazirining 2013-yil 11-maydagi 99-son buyrugʻiga
ILOVA

NIZOM

Mazkur Nizom Oʻzbekiston Respublikasi Vazirlar Mahkamasining 2012-yil 6-dekabrdagi 345-son “Qishloq xoʻjaligi va meliorativ texnikani, asbob-uskunalarni hisobga olish va ularning texnik holatini nazorat qilish tizimini takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2012-y., 50-son, 559-modda) muvofiq traktorlar, traktor tirkamalari, yoʻl-qurilish va meliorativ texnika, oʻziyurar mashinalarni (bundan buyon matnda texnika deb yuritiladi) roʻyxatdan oʻtkazish, ularga davlat raqami belgilari va texnik pasportlarni, shuningdek qishloq xoʻjaligi mashinasi guvohnomasini berish tartibini belgilaydi.

I bob. Umumiy qoidalar

1. Mazkur Nizomning talablari tashkilotlar, dehqon va fermer xoʻjaliklari hamda fuqarolarga majburiydir.

2. Texnikani roʻyxatdan oʻtkazish, unga davlat raqami belgilari va texnik pasportini, shuningdek qishloq xoʻjaligi mashinasi guvohnomasini berish Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi huzuridagi Mashina va asbob-uskunalarning texnika holatini nazorat qilish davlat bosh inspeksiyasining Qishloq xoʻjaligi texnikasi boʻyicha tuman va shahar inspektorlari (bundan buyon matnda davlat inspektori deb yuritiladi) tomonidan mazkur Nizomga muvofiq amalga oshiriladi.

II bob. Texnikani va qishloq xoʻjaligi mashinalarini roʻyxatdan va qayta roʻyxatdan oʻtkazish

3. Texnika egalari tomonidan texnika va qishloq xoʻjaligi mashinalari sotib olinganda yoki qabul qilib olinganda, shuningdek texnik hujjatlarga oʻzgartirishlar kiritish lozim boʻlganda, texnikaning texnik holatidan qatʼi nazar, texnika egalari 10 kun ichida yashash manzilidagi davlat inspektoriga ularni roʻyxatdan oʻtkazish uchun murojaat qiladilar.

4. Texnikalarga davlat raqami belgisi hamda texnik pasport berish va qishloq xoʻjaligi mashinalariga guvohnoma berish uchun eng kam oylik ish haqi miqdoridan:

traktor, traktor tirkamasi, yoʻl-qurilish va meliorativ texnika, oʻziyurar mashinaga raqam belgisi berilganligi uchun — 0,9;

traktor, traktor tirkamasi, yoʻl-qurilish va meliorativ texnika, oʻziyurar mashinaga texnik pasport berilganligi uchun — 0,17;

qishloq xoʻjaligi mashinasiga guvohnoma berilganligi uchun — 0,17;

traktor, traktor tirkamasi, yoʻl-qurilish va meliorativ texnika, oʻziyurar va qishloq xoʻjaligi mashinasi, shuningdek asbob-uskunalar hisobdan chiqarilganligi uchun — 0,18;

traktor, traktor tirkamasi, yoʻl-qurilish va meliorativ texnika, oʻziyurar va qishloq xoʻjaligi mashinasi qayta roʻyxatga olinganligi uchun — 0,18;

raqam belgisi, egasining yashash joyi oʻzgargan va boshqa holatlarda traktor, yoʻl qurilish va meliorativ texnika, oʻziyurar mashinalarning texnik pasportida yozuv amalga oshirganligi uchun — 0,17;

raqam belgisi oʻzgargan hollarda traktor tirkamasining texnik pasportida, shuningdek egasining yashash joyi oʻzgargan va boshqa holatlarda qishloq xoʻjaligi mashinasi guvohnomasida yozuv amalga oshirilganligi uchun — 0,08 miqdorda yigʻim undiriladi.

Yoʻqotilgan davlat raqam belgisi, texnik pasport va guvohnoma oʻrniga yangisi berilganligi uchun koʻrsatilgan summa 5 barobar miqdorda undiriladi.

5. Texnika egalari tomonidan texnikalarini va qishloq xoʻjaligi mashinalarini roʻyxatdan oʻtkazish uchun davlat inspektoriga quyidagi hujjatlar taqdim etiladi:

mazkur Nizomning 1, 2-ilovalariga muvofiq ariza;

texnika va qishloq xoʻjaligi mashinasini sotib olinganligini tasdiqlovchi hujjat;

texnika va qishloq xoʻjaligi mashinasi ishlab chiqarilgan zavod tomonidan berilgan texnik hujjatlar;

xorijiy davlatlardan olib kelingan texnika va qishloq xoʻjaligi mashinasining bojxona rasmiylashtiruvidan oʻtkazilganligi toʻgʻrisidagi guvohnoma;

belgilangan yigʻim toʻlanganligini tasdiqlovchi hujjat.

6. Texnika va qishloq xoʻjaligi mashinasi egalari oʻzgarganda mazkur Nizomning 1, 2-ilovalariga muvofiq ariza, belgilangan yigʻim toʻlanganligini tasdiqlovchi hujjat va quyidagi hujjatlardan biri davlat inspektoriga taqdim etiladi:

notarial idoralari tomonidan berilgan hujjat (oldi-sotdi, hadya, ayirboshlash, lizing, sublizing shartnomalari, vorislik, meros va boshqalar);

mulkka egalik qilish huquqini beruvchi hujjat (shartnoma, guvohnoma va boshqalar);

texnika va qishloq xoʻjaligi mashinalari ustav fondiga kiritilganligi va chiqarilganligi toʻgʻrisidagi hujjat;

sud qarori;

tashkilotning roʻyxatida boʻlgan mashinalarni balansdan balansga berilganligi toʻgʻrisidagi qaror yoki buyruqning nusxasi;

bir moliyaviy tizimdagi tashkilotlar uchun yuqori organlarning balansdan balansga bepul ajratilganligi toʻgʻrisidagi buyrugʻidan nusxa.

7. Texnika va qishloq xoʻjaligi mashinasi egalarining nomi (F.I.O.) oʻzgarganda qayta roʻyxatga olish uchun quyidagi hujjatlar davlat inspektoriga taqdim etiladi:

mazkur Nizomning 1, 2-ilovalariga muvofiq ariza;

nomi oʻzgarganligini tasdiqlovchi hujjat (qaror yoki buyruq);

jismoniy shaxslar uchun pasport, familiyasi, ismi va otasining ismi oʻzgarganligini tasdiqlovchi hujjat;

belgilangan yigʻim toʻlanganligini tasdiqlovchi hujjat.

8. Texnika va qishloq xoʻjaligi mashinasining saqlash manzili yoki egalarining yashash joyi oʻzgarganda qayta roʻyxatga olish uchun quyidagi hujjatlar davlat inspektoriga taqdim etiladi:

mazkur Nizomning 1, 2-ilovalariga muvofiq ariza;

texnik hujjatlar (texnik pasport, guvohnoma);

texnika va qishloq xoʻjaligi mashinalarining joyi oʻzgarishiga asos boʻlgan hujjat (ijara shartnomasi, qaror va buyruqlar);

jismoniy shaxslar uchun pasport;

belgilangan yigʻim toʻlanganligini tasdiqlovchi hujjat.

9. Texnikaning raqamli agregatlari oʻzgarganda qayta roʻyxatga olish uchun quyidagi hujjatlar davlat inspektoriga taqdim etiladi:

mazkur Nizomning 1, 2-ilovalariga muvofiq ariza;

raqamli agregatlar qonuniy sotib olinganligi toʻgʻrisida hujjat (hisob-maʼlumotnoma, oldi-sotdi shartnomasi, bojxona guvohnomasi, kirim kassa orderi va yuk xati).

belgilangan yigʻim toʻlanganligini tasdiqlovchi hujjat.

10. Texnika egalari texnikalarni va qishloq xoʻjaligi mashinalarini boshqa shaxsga berish bilan bogʻliq ishonchnomalar va ijaraga berish shartnomalari notarial tartibda tasdiqlangan vaqtdan boshlab 10 kun ichida ularning hisobga qoʻyish uchun yashash manzilidagi davlat inspektoriga taqdim etadilar.

Texnika va qishloq xoʻjaligi mashinasini hisobga qoʻyishda yigʻim undirilmaydi.

III bob. Texnika va qishloq xoʻjaligi mashinalarini roʻyxatdan chiqarish

11. Texnika va qishloq xoʻjaligi mashinalari egalari tomonidan boshqa yuridik va jismoniy shaxslarga sotilganda yoki foydalanishga yaroqsiz deb topilganda roʻyxatdan chiqariladi.

12. Roʻyxatdan chiqarilgan mashinalarning davlat raqam belgilari davlat inspektorlariga topshiriladi, texnik hujjatlarga va qayd qilish kitobida tegishli belgilar qoʻyiladi.

IV bob. Yaroqsiz holga kelgan yoki yoʻqotilgan davlat raqam belgisi, texnik pasport va qishloq xoʻjaligi mashinasi guvohnomasini yangisiga almashtirib berish

13. Texnikaning davlat raqami belgisi, texnik pasporti va qishloq xoʻjaligi mashinasi guvohnomasi yaroqsiz holga kelgan yoki yoʻqotilgan taqdirda, ularning egasi yashash manzilidagi davlat inspektoriga ularni almashtirish uchun murojaat qiladi.

14. Texnika egasi davlat raqami belgisi, texnik pasporti va qishloq xoʻjaligi mashinasi guvohnomasini almashtirish uchun davlat inspektoriga quyidagi hujjatlarni taqdim etadi:

ariza;

yaroqsiz holatda boʻlgan davlat raqami belgisi, texnik pasporti yoki qishloq xoʻjaligi mashinasi guvohnomasi;

belgilangan yigʻim toʻlanganligini tasdiqlovchi hujjat.

15. Yaroqsiz holga kelgan davlat raqami belgisi va texnik pasport yoki guvohnoma davlat inspektori tomonidan chiqim qilinadi.

16. Davlat raqami belgisi va texnik pasporti yoki qishloq xoʻjaligi mashinasining guvohnomasi yoʻqolgan taqdirda, texnika egasi ularni qayta tiklash uchun davlat inspektoriga quyidagi hujjatlarni taqdim etadi:

ariza;

yoʻl harakati xavfsizligi xizmati organlari tomonidan davlat raqam belgisi va texnik pasporti yoki qishloq xoʻjaligi mashinasi guvohnomasi olib qoʻyilmaganligi toʻgʻrisidagi maʼlumotnoma;

belgilangan yigʻim toʻlanganligini tasdiqlovchi hujjat.

17. Davlat inspektori yoʻqotilgan davlat raqami belgisi va texnik pasport yoki qishloq xoʻjaligi mashinasi guvohnomasini berishdan oldin tegishli texnika va qishloq xoʻjaligi mashinasining amalda mavjudligini oʻrganadi.

18. Yoʻqotilgan davlat raqami belgisi va texnik pasporti yoki qishloq xoʻjaligi mashinasi guvohnomasini almashtirish boʻyicha texnika egasining murojaatidan soʻng, davlat inspektori tomonidan 3 kun ichida yangisiga almashtirib beriladi.

V bob. Yakuniy qoida

19. Mazkur Nizom Oʻzbekiston Respublikasi Ichki ishlar vazirligi, “Oʻzagromashservis” uyushmasi va Oʻzbekiston Fermyerlari kengashi bilan kelishilgan.

Ichki ishlar vaziri B. MATLYUBOV

2013-yil 11-may

“Oʻzagromashservis” uyushmasi raisi B. ABDUQODIROV

2013-yil 11-may

Oʻzbekiston Fermyerlari kengashi raisi S. TURDIYEV

2013-yil 11-may

‎	‎	‎	‎	‎‎‎‎___________________________tuman (shahar) ‎Qishloq xoʻjaligi texnikasi ‎ boʻyicha inspektori
‎	‎	‎	‎	‎‎________________________________ga
‎	‎	‎	‎	‎‎_______________________________dan
‎	‎	‎	‎	(Yuridik shaxsning nomi)
‎‎
‎‎A R I Z A
Sizdan ________________________________________________________________________
‎‎(soʻrovning qisqacha mazmuni)
‎‎______________________________________ texnikani roʻyxatdan oʻtkazishingizni soʻrayman.
‎‎Arizaga quyidagi hujjatlar ilova qilinadi:
‎‎1. Texnika yoki qishloq xoʻjaligi mashinasi olinganligi haqidagi hujjat
‎‎‎‎20 __ y. “___” ________ ____-son			_____________________________________dan berilgan.
‎‎2. Texnika yoki qishloq xoʻjaligi mashinasi ishlab chiqarilgan zavod tomonidan berilgan texnik hujjat, texnik pasport yoki guvohnoma.
‎‎
‎‎Olingan texnika yoki qishloq xoʻjaligi mashinasi haqida maʼlumot:
‎‎
1.	Turi, nomi‎‎		‎	5.‎	‎Rusumi		‎
2.‎	‎‎Chiqqan yili		‎	6.‎	Chiqargan zavod‎‎		‎
3.‎	‎‎Texnik pasport №		‎	7.‎	Zavod №‎‎		‎
4.‎	‎‎Dvigatel №		‎	8.‎	Shassi №‎‎		‎
‎‎‎‎
‎‎Rahbar		‎‎_____________‎		‎	M.Oʻ.‎	‎‎_______________
‎	‎	‎‎(imzo)		‎	‎	‎‎(F.I.O.)
‎‎
Bosh hisobchi		‎‎_____________		‎	‎	‎‎_______________
‎	‎	‎‎(imzo) ‎‎		‎	‎	‎‎‎‎(F.I.O.)

‎	‎	‎	‎	‎‎__________________________tuman (shahar) ‎Qishloq xoʻjaligi texnikasi ‎boʻyicha inspektori
‎	‎	‎	‎	‎‎____________________________________ga
‎	‎	‎	‎	‎‎___________________________________dan
‎‎
‎‎A R I Z A
‎‎Fuqaro, ___________________________________ 20 __ y. “____” ____________da tugʻilgan
‎	‎‎(F.I.O.)				‎	‎	‎
‎‎___________________________________________________________________
‎‎(yashash manzili)
‎‎fuqarolik pasporti seriyasi raqami_______________
____________________________ IIB tomonidan 20 ____ y. “____” __________ da berilgan.‎‎
‎‎Menga tegishli_________________________________________________________________
‎	‎‎‎‎(soʻrovning qisqacha mazmuni)
‎‎_____________________________________ texnikani roʻyxatdan oʻtkazishingizni soʻrayman.
‎‎
‎‎Arizaga quyidagi hujjatlarni ilova qilaman:
‎‎1. Texnika yoki qishloq xoʻjaligi mashinasi olinganligi haqidagi hujjat
‎‎20 _ y. “___” _________.____-son			____________________________________dan berilgan.
‎	‎	‎	‎‎(kim tomondan berilganligi)				‎
‎‎2. Texnika yoki qishloq xoʻjaligi mashinasi ishlab chiqarilgan zavod tomonidan berilgan texnik hujjat, texnik pasport yoki guvohnoma.
‎‎‎‎
Olingan mashina haqida maʼlumot:
1.‎	Turi, nomi‎		‎	5.‎	Rusumi‎‎		‎
2.‎	Chiqqan yili‎‎		‎	6.‎	Chiqargan zavod‎‎		‎
3.‎	Texnik pasport №‎‎		‎	7.‎	Zavod №‎‎		‎
4.‎	Dvigatel №‎‎		‎	8.‎	Shassi №‎‎		‎
‎‎
Fuqaro‎	‎‎___________		‎	‎‎_____________________			‎
‎	‎‎(imzo)		‎	(F.I.O.)			‎
20 ___ y. “_____”_________________

(Oʻzbekiston Respublikasi qonun hujjatlari toʻplami, 2013-y., 27-son, 356-modda)