1. O‘zbekiston Respublikasi Prezidentining ayrim Farmonlariga 2013-yilning 1-yanvaridan boshlab ilovaga muvofiq o‘zgartish va qo‘shimchalar kiritilsin.

2. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.

3. Mazkur Farmonning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.

1. O‘zbekiston Respublikasi Prezidentining “Bolali oilalarga davlat ijtimoiy yordami tizimini takomillashtirish to‘g‘risida” 1994-yil 16-iyundagi PF–871-sonli Farmonida:

a) 1-bandning ikkinchi xatboshi quyidagi tahrirda bayon etilsin:

“14 yoshgacha voyaga yetmagan bolalari bo‘lgan oilalarga har oylik nafaqa;

b) 2-bandi o‘z kuchini yo‘qotgan deb hisoblansin;

v) 3-bandning ikkinchi xatboshi quyidagi tahrirda bayon etilsin:

“14 yoshgacha voyaga yetmagan bolalari bo‘lgan oilalarga har oylik nafaqalar uchun — respublika va mahalliy budjetlarning mablag‘lari”.

2. O‘zbekiston Respublikasi Prezidentining “Kam ta’minlangan oilalarni ijtimoiy himoyalashni kuchaytirishga oid tadbirlar to‘g‘risida” 1994-yil 23-avgustdagi PF–938-sonli Farmoni 4-bandining uchinchi xatboshidagi “amaldagi” so‘zidan oldin “yil boshida belgilangan” so‘zlari qo‘shib qo‘yilsin.

4. O‘zbekiston Respublikasi Prezidentining “Aholining ijtimoiy himoyaga muhtoj qatlamlarini aniq yo‘naltirilgan tarzda qo‘llab-quvvatlashni kuchaytirish to‘g‘risida” 2002-yil 25-yanvardagi PF–3017-sonli Farmonida:

a) 2-bandidagi “eng kam” so‘zlaridan oldin “yil boshida belgilangan” so‘zlari yozilsin;

b) 3-bandi o‘z kuchini yo‘qotgan deb hisoblansin;

5. O‘zbekiston Respublikasi Prezidentining “Aholini ijtimoiy himoya qilish tizimini yanada takomillashtirish va mustahkamlashga oid chora-tadbirlar to‘g‘risida” 2007-yil 19-martdagi PF–3864-sonli Farmoni 3-bandining to‘rtinchi xatboshidagi “Qoraqalpog‘iston Respublikasi va viloyatlarda eng kam ish haqining 1 baravari, Toshkent shahrida 1,5 baravari miqdorida” so‘zlari “O‘zbekiston Respublikasi Prezidentining qarorlari bilan belgilanadigan miqdorlarda” so‘zlari bilan almashtirilsin.

6. O‘zbekiston Respublikasi Prezidentining “Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qo‘shimcha chora-tadbirlar to‘g‘risida” 2011-yil 24-avgustdagi PF–4354-sonli Farmoni 8-bandidagi “kichik korxonalar” so‘zlaridan keyin “(tabiiy gazni tranzit va eksport qiladigan korxonalar bundan mustasno)” so‘zlari qo‘shib qo‘yilsin.