O‘zbekiston Respublikasi Vazirlar Mahkamasining 2004-yil 20-iyuldagi “O‘zbekiston Respublikasi Oliy va o‘rta maxsus ta’lim vazirligi faoliyatini takomillashtirish to‘g‘risida”gi 341-son qarori (O‘zbekiston Respublikasi Hukumatining qarorlari to‘plami, 2004-y., 7-son, 69-modda) va O‘zbekiston Respublikasi Prezidenti huzuridagi Vazirlar Mahkamasining 1992-yil 23-noyabrdagi “O‘zbekiston Respublikasi Moliya vazirligi to‘g‘risida nizomni tasdiqlash haqida”gi 553-son qarori (O‘zbekiston Respublikasi Hukumatining qarorlari to‘plami, 1992-y., 12-son, 37-modda), shuningdek oliy ta’lim muassasalari talabalariga stipendiyalar tayinlash va to‘lash tartibini yanada takomillashtirish maqsadida O‘zbekiston Respublikasi Oliy va o‘rta maxsus ta’lim vazirligi va Moliya vazirligi qaror qiladi:

1. 2004-yil 10-martdagi 2-P va 43-sonli O‘zbekiston Respublikasi Oliy va o‘rta maxsus ta’lim vazirligi va O‘zbekiston Respublikasi Moliya vazirligi qarori bilan tasdiqlangan (ro‘yxat raqami 1339, 2004-yil 16-aprel) (O‘zbekiston Respublikasi qonun hujjatlari to‘plami, 2004-y., 15-son, 184-modda) Oliy ta’lim muassasalari talabalariga stipendiyalar tayinlash va to‘lash tartibi to‘g‘risidagi yo‘riqnomaga ilovaga* muvofiq qo‘shimchalar kiritilsin.

2. Mazkur qaror 2012-yil 1-sentabrdan boshlab kuchga kiradi.