Sport terma jamoalari toʻgʻrisidagi nizomni hamda sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisidagi nizomni tasdiqlash haqida
(qarorning nomi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Oʻzbekiston Respublikasi Prezidentining “Oʻzbekiston Respublikasi sportchilarining 2012-yil London shahri (Buyuk Britaniya)da boʻlib oʻtadigan XXX yozgi Olimpiada va XIV Paralimpiada oʻyinlarida ishtirok etishga tayyorgarligi toʻgʻrisida” 2009-yil 5-yanvardagi PQ-1029-son qarorini bajarish yuzasidan, sport terma jamoalarini tashkil etish va sport tadbirlarini oʻtkazish rejasini shakllantirish tartibini yanada takomillashtirish maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Sport terma jamoalari toʻgʻrisidagi nizom 1-ilovaga muvofiq;
(1-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisidagi nizom 2-ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2012-yil 14-iyun,
173-son
Vazirlar Mahkamasining 2012-yil 14-iyundagi 173-son qaroriga 1-ILOVA
(ilovaning nomi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
1. Ushbu Nizom “Jismoniy tarbiya va sport toʻgʻrisida”gi Oʻzbekiston Respublikasi Qonuniga muvofiq sport terma jamoalarini shakllantirish va ular faoliyatining asosiy tamoyillarini belgilaydi.
(1-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
2. Ushbu Nizom oʻz faoliyatini Oʻzbekiston Respublikasi hududida amalga oshiruvchi jismoniy tarbiya-sport tashkilotlari uchun majburiy hisoblanadi.
3. Ushbu Nizomda quyidagi tushunchalar qoʻllaniladi:
jismoniy tarbiya-sport tashkiloti — faoliyatning asosiy turi sifatida jismoniy tarbiya va sport sohasida faoliyatni amalga oshiruvchi yuridik shaxs yoki boshqa yuridik shaxsning tarkibiy boʻlinmasi;
sport musobaqasi — sportchilar oʻrtasida yoki sportchilar jamoalari oʻrtasida har xil sport turlari (sport dissiplinalari) boʻyicha musobaqaning eng yaxshi ishtirokchisini aniqlash maqsadida jismoniy tarbiya yoki sport tadbirining tashkilotchisi tomonidan tasdiqlangan nizom (reglament) boʻyicha oʻtkaziladigan bellashuv;
sport tadbirlari — sport musobaqalarini, oʻquv-mashq jarayonini va sportchilar ishtirokida sport musobaqalariga tayyorgarlik koʻrish boʻyicha boshqa tadbirlarni oʻz ichiga oladigan tadbirlar;
ommaviy jismoniy tarbiya tadbirlari — aholini jismoniy tarbiya mashgʻulotlariga jalb etishga va aholi oʻrtasida sogʻlom turmush tarzini shakllantirishga qaratilgan tadbirlar;
sport turi — jismoniy tarbiya va sport sohasidagi faoliyat turi boʻlib, u insonning sport musobaqalariga oʻziga xos tarzda tayyorgarlik koʻrishi bilan ajralib turadi, sport musobaqalarini oʻtkazish va ularda ishtirok etishga doir talablar, tartib va shartlar belgilanadigan qoidalarga, nizomga (reglamentga) ega boʻladi;
oʻquv-mashq yigʻinlari — sportchilarni sport musobaqalariga va ommaviy-jismoniy tarbiya tadbirlariga tayyorlash va ularda ishtirok etish, shuningdek ushbu tadbirlardan keyin tiklash maqsadida sportchilarning sport mahoratini oshirishga yoʻnaltirilgan, sport yoʻnalishiga, pedagogik va tarbiyaviy yoʻsindagi tashkil etilgan tadbirlar;
sportchi — tanlagan sport turi yoki sport turlari bilan muntazam shugʻullanadigan, doimo oʻzining sport mahoratini oshirib boradigan va sport tadbirlarida qatnashadigan jismoniy shaxs;
trener — trenerlik faoliyati boʻyicha malaka oshirganlik haqidagi sertifikatga ega boʻlgan yoki taʼlim muassasalarining sport faoliyati (faoliyat turlari boʻyicha) hamda jismoniy tarbiya va sport sohasidagi taʼlim yoʻnalishini bitirgan (bunda bitiruvchi tegishli sport turi boʻyicha trener lavozimiga ishga qabul qilinganiga uch yildan oshmagan boʻlishi lozim), shuningdek, oʻquv-mashq, ommaviy jismoniy tarbiya tadbirlarini, sport natijalariga erishish uchun bellashuv faoliyatiga rahbarlikni amalga oshiruvchi jismoniy shaxs;
(3-bandning toʻqqizinchi xatboshisi Oʻzbekiston Respublikasi Vazirlar Mahkamasining 2022-yil 25-fevraldagi 88-sonli qarori tahririda — Qonunchilik maʼlumotlari milliy bazasi, 26.02.2022-y., 09/22/88/0165-son — 2022-yil 1-martrdan kuchga kiradi)
Oʻzbekiston Respublikasining sport terma jamoalari — xalqaro sport musobaqalariga tayyorgarlik koʻrish hamda ularda Oʻzbekiston Respublikasi nomidan ishtirok etish uchun turli yosh guruhlariga tegishli sportchilar, trenerlar, jismoniy tarbiya va sport sohasidagi olimlar va boshqa mutaxassislar, tibbiyot mutaxassislari hamda boshqa mutaxassislar jamoalari;
sport terma jamoalari — turli yosh guruhlariga tegishli sportchilar, trenerlar, jismoniy tarbiya va sport sohasidagi olimlar va boshqa mutaxassislar, tibbiyot mutaxassislari hamda boshqa mutaxassislardan iborat boʻlgan, musobaqalarga hamda ommaviy-jismoniy tarbiya tadbirlariga tayyorlanish va ularda Oʻzbekiston Respublikasi hududida va undan tashqarida qatnashish maqsadida tashkil etiladigan turli tashkilotlarning jamoalari (shu jumladan Oʻzbekiston Respublikasining sport terma jamoalari);
trenerlar kengashi — sport turlari boʻyicha bosh (katta) trenerlar va trenerlar, boshqa yetakchi va nufuzli trenerlar, vrachlar, kompleks ilmiy guruhlarning rahbarlari va boshqa mutaxassislaridan iborat boʻlgan, sport federatsiyalari (uyushmalari) va sport turlarini rivojlantirish respublika markazlarida tashkil etiladigan sportchilarning sport, pedagogik va tarbiyaviy faoliyatini tartibga solib boruvchi kollegial organ.
(3-bandning oʻn ikkinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
II. Sport terma jamoalarini shakllantirishning maqsadi, vazifalari va tartibi
(II boʻlimning nomi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
4. Quyidagilar sport terma jamoalarini va ularning zaxirasini shakllantirishning asosiy maqsadlari va vazifalari hisoblanadi:
(4-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Oʻzbekiston Respublikasi nufuzini mustahkamlash uchun respublika va xalqaro sport arenalarida yuqori oʻrinlarni egallash;
sport turlari boʻyicha sport musobaqalari yakunlariga koʻra yuqori sport natijalariga erishgan sportchilar, trenerlar va boshqa mutaxassislardan sport terma jamoalarini va ularning zaxirasini shakllantirish;
(4-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
yuqori malakali sportchilarni tayyorlash hamda sport turlari boʻyicha hududiy va respublika sport musobaqalarida muvaffaqiyatli qatnashishga, xalqaro tashkilotlar tomonidan tashkil etiladigan kompleks sport musobaqalari (Olimpiya, Maxsus olimpiya, Surdolimpiya, Osiyo oʻyinlari va boshqalar), sport turlari boʻyicha jahon, Osiyo, Markaziy Osiyo chempionatlari va kuboklari hamda xalqaro musobaqalari, xorijiy davlatlar va qitʼalarning ochiq chempionatlarida mamlakatimiz sharafini munosib himoya qilishga qodir boʻlgan sport terma jamoalarini va ularning zaxirasini shakllantirish;
(4-bandning toʻrtinchi xatboshisi Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
sportchilarni tayyorlashning ilgʻor metodlarini oʻquv-trenirovka jarayoniga joriy etish;
sportchilarning jismoniy, texnik-taktik, psixologik tayyorligini takomillashtirish, ularning sport mahoratini oshirish;
jismoniy tarbiya-sport harakatini va sogʻlom turmush tarzini targʻib qilish.
5. Sportchilarning barcha yosh toifalari va jinsiy mansubligi boʻyicha Oʻzbekiston Respublikasining sport terma jamoalari respublikada sport terma jamoalarining oliy maqomiga egadirlar.
(5-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
6. Sportchilarning barcha yosh toifalari va jinsiy mansubligi boʻyicha Qoraqalpogʻiston Respublikasi, viloyatlar va Toshkent shahri sport terma jamoalari hududiy sport terma jamoalarining oliy maqomiga egadirlar.
(6-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
7. Sport terma jamoalarini va ularning zaxirasini shakllantirishga faqat Oʻzbekiston Respublikasi Sport vazirligi tomonidan belgilangan tartibda sport turlari reyestriga kiritilgan sport turlari boʻyicha yoʻl qoʻyiladi.
(7-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
sportchilarning barcha yosh toifalari va jinsiy mansubligi boʻyicha Oʻzbekiston Respublikasining sport terma jamoalari va ularning zaxirasi — Oʻzbekiston Respublikasi Sport vazirligi tomonidan, sport federatsiyalari (uyushmalari)ning hamda Sport turlarini rivojlantirish respublika markazining (ular mavjud boʻlsa) kelishilgan taqdimnomasiga asosan;
(8-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
sportchilarning barcha yosh toifalari va jinsiy mansubligi boʻyicha Qoraqalpogʻiston Respublikasi, viloyatlar va Toshkent shahri sport terma jamoalari-tegishli ravishda Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari tomonidan, sport turlari boʻyicha tegishli hududiy federatsiyalar (uyushmalar)ning (ular mavjud boʻlsa) taqdimnomasiga asosan;
(8-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
jismoniy tarbiya-sport tashkilotlarining sport terma jamoalari — tegishli jismoniy tarbiya-sport tashkilotlari maʼmuriyati tomonidan shakllantiriladi va tasdiqlanadi.
Sportning texnik va amaliy turlari boʻyicha Oʻzbekiston Respublikasining sport terma jamoalari va ularning zaxirasi Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashi tomonidan tasdiqlanadi, hududiy sport terma jamoalari Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashining hududiy boʻlinmalari tomonidan tasdiqlanadi.
(8-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
9. Sport terma jamoalari (asosiy tarkib va zaxira (stajyorlar)) tarkibiga quyidagilar kiradi:
(9-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sportchilar;
trenerlar (bosh trenerlar, katta trenerlar, trenerlar);
xizmat koʻrsatuvchi xodimlar - vrachlar, massajistlar, psixologlar, operatorlar, texniklar, mexaniklar, xoreograflar, akkompaniatorlar, qutqaruvchilar va sportchilarni tayyorlash uchun zarur boʻlgan boshqa mutaxassislar;
maʼmuriy xodimlar - rahbarlar, menejerlar, sport (texnika) direktorlari, administratorlar.
10. Sport terma jamoalari tarkiblari sport turlari xususiyatlariga muvofiq sport federatsiya (uyushma)lari tomonidan, xalqaro sport tashkilotlarining tasdiqlangan norma va qoidalarida belgilangan yosh toifalaridagi (kichik oʻsmirlar, oʻsmirlar, yoshlar, U-23 va kattalar) sportchilardan, shuningdek, sport faxriylaridan iborat boʻladi.
(10-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
11. Sport terma jamoalarining aʼzolari Oʻzbekiston Respublikasi Qurolli Kuchlarining, ichki ishlar organlarining harbiy xizmatchilari hamda oʻz komandirlari qaroriga muvofiq sport terma jamoalariga komandirovkaga yuborilgan boshqa sportchilar muddati tugagunga qadar haqiqiy harbiy xizmatda qolishda davom etadilar.
(11-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
12. Sport terma jamoalarining tarkiblari oʻtgan sport mavsumida rasmiy respublika yoki xalqaro sport musobaqalaridagi ishtiroki yakunlariga koʻra sport federatsiyalari (uyushmalari) hamda Sport turlarini rivojlantirish respublika markazlari (ular mavjud boʻlsa) huzurida tashkil etiladigan trenerlar kengashlarida ularni muhokama qilgan holda shakllantiriladi.
(12-band Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
13. Oʻzbekiston Respublikasining sport terma jamoalariga nomzodlar roʻyxatlarini shakllantirishning umumiy prinsiplari va mezonlari, ushbu roʻyxatlarni tasdiqlash tartibi Oʻzbekiston Respublikasi Sport vazirligi tomonidan belgilanadi.
(13-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
14. Sport turlari boʻyicha Oʻzbekiston Respublikasining sport terma jamoalari trenerlari Sport turlarini rivojlantirish respublika markazlari (ular mavjud boʻlsa) hamda sport federatsiyalari (uyushmalari) tomonidan, Oʻzbekiston Respublikasi Sport vazirligi bilan kelishgan holda belgilanadi.
(14-bandning birinchi xatboshisi Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
Qoraqalpogʻiston Respublikasi, viloyatlar va Toshkent shahri sport terma jamoalarining trenerlari tegishli ravishda Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari tomonidan, hududiy federatsiyalar (uyushmalar)ning (ular mavjud boʻlsa) va/yoki jismoniy tarbiya-sport tashkilotlarining taqdimnomasiga koʻra tayinlanadi.
(14-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
Jismoniy tarbiya va sport tashkilotlarining sport terma jamoalari trenerlari tegishli jismoniy tarbiya-sport tashkilotlari maʼmuriyati tomonidan tayinlanadi.
Sportning texnik va amaliy turlari boʻyicha Oʻzbekiston Respublikasining sport terma jamoalari trenerlari Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashi tomonidan tayinlanadi, sportning texnik va amaliy turlari boʻyicha hududiy sport terma jamoalari trenerlari Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashining hududiy boʻlinmalari tomonidan tayinlanadi.
(14-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
15. Sport terma jamoalari trenerlari uchun malaka talablari Oʻzbekiston Respublikasi Sport vazirligi tomonidan belgilanadi.
(15-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
16. Oʻzbekiston Respublikasining sport terma jamoalarining maʼmuriy va xizmat koʻrsatuvchi xodimlarini lavozimga tayinlash va lavozimdan ozod qilish sport federatsiyalari (uyushmalari) tomonidan amalga oshiriladi.
(16-band Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
17. Yosh toifalari, jinsiy mansubligi boʻyicha asosiy tarkibdan va zaxiradan (stajyorlardan) shakllantiriladigan sport terma jamoalari aʼzolari – sportchilar, trenerlar, maʼmuriy va xizmat koʻrsatuvchi xodimlar roʻyxat boʻyicha tarkibining shakli ushbu Nizomga 1-ilovada keltirilgan.
(17-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
18. Sport terma jamoalarining tarkiblari buyruq bilan 1 yil muddatga tasdiqlanadi va joriy yilning 1-yanvaridan 31-dekabrigacha amal qiladi. Sport terma jamoalarining tasdiqlangan tarkibini quyidagilar munosabati bilan qayta koʻrib chiqishga yoʻl qoʻyiladi.
(18-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
oʻtgan sport musobaqalarining natijalari;
sportchilar natijalari darajasining jiddiy pasayishi;
sportchilar olgan jarohatlar, ular chalingan kasalliklar va boshqalar;
sportchilarning sport terma jamoalari tarkibidan ixtiyoriy chiqishi;
(18-bandning oltinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sportchilarning sport musobaqalarida qatnashishni toʻxtatishi;
maʼnaviy-axloqiy va boshqa normalarning buzilishi;
19. Sport terma jamoalari tarkibiga kiritiladigan sportchilarning cheklangan soni ushbu Nizomga 2-ilovaga muvofiq Jahon va Osiyo chempionatlaridagi eng koʻp sonli sportchilar tarkiblari boʻyicha aniqlanadi.
(19-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
21. Quyidagi talablardan bittasiga javob bermaydigan sportchilarni sport terma jamoalariga kiritishga yoʻl qoʻyilmaydi:
Oʻzbekiston Respublikasi fuqarolari boʻlmasa (Oʻzbekiston Respublikasining sport terma jamoalari uchun);
sport terma jamoalari tarkibidagi kichik yosh toifasidagilardan katta boʻlsa;
sport bilan shugʻullanish uchun tibbiy ruxsatnomaga va tegishli sport hujjatiga (sportchining malaka sinov daftarchasiga, sport guvohnomasiga, sportchi pasportiga) ega boʻlmasa.
(21-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
III. Sport terma jamoalari uchun shart-sharoitlarni tashkil etish
(III boʻlimning nomi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
22. Sport terma jamoalari va ularning zaxirasi aʼzolari (ushbu maqsadlarga ajratilgan mablagʻlar doirasida) quyidagi huquqlarga ega:
(22-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
oʻquv-trenirovka yigʻinlari hamda sport terma jamoalari tarkibida respublika va xalqaro sport musobaqalarida qatnashish davrida turar joy, oziq-ovqat, kiyim-bosh va sport formasi bilan taʼminlanish;
(22-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
davlat, mintaqaviy jismoniy tarbiya - sogʻlomlashtirish va sport inshootlaridan foydalanish;
fundamental, tajriba-konstruktorlik, texnologik hamda boshqa ilmiy-tadqiqot institutlari, laboratoriyalar va taʼlim muassasalarining ilmiy, tibbiy-biologik va texnik yutuqlaridan foydalanish;
kasallangan va sport jarohatlari olingan barcha holatlarda jismoniy tarbiya va sport sohasidagi vakolatli organning yoʻllanmasi boʻyicha tibbiy xizmat koʻrsatishdan, shuningdek sport tibbiyot muassasalarida, vrachlik-jismoniy tarbiya dispanserlarida davolanishdan foydalanish.
23. Sport terma jamoalari aʼzolari quyidagilarga majbur:
(23-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
turli sport musobaqalarida, shu jumladan xalqaro tashkilotlar tomonidan tashkil etiladigan kompleks musobaqalar (Olimpiya, Maxsus olimpiya, Surdolimpiya, Osiyo oʻyinlari va boshqalar), sport turlari boʻyicha jahon, Osiyo, Markaziy Osiyo chempionatlari va kuboklari hamda xalqaro musobaqalari, xorijiy davlatlar va qitʼalarning ochiq chempionatlarida mamlakat, hudud sport terma jamoalari tarkibida munosib qatnashgan holda respublika hamda xalqaro sport arenasidagi musobaqalarda qatnashish, oʻz yutuqlari bilan Oʻzbekiston Respublikasining sport sharafini mustahkamlash;
(23-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
sport tadbirlarida qatnashgan holda oʻz sport mahoratini oshirish, yuksak fuqarolik, maʼnaviy-irodaviy va axloqiy sifatlarini namoyon qilish, gigiyena asoslarini oʻrganish, jismoniy tarbiya va sport, olimpiya harakati sohasida bilimlarni egallash;
(23-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 8-oktabrdagi 630-sonli qarori tahririda — Qonunchilik maʼlumotlari milliy bazasi, 08.10.2025-y., 09/25/630/0905-son)
tayyorgarlik, trenirovka va musobaqa topshiriqlarining individual rejalarini bajarish;
oʻz shaxsiy namunasi bilan sport terma jamoasida oʻrtoqlik, sogʻlom raqobatlashish, sport terma jamoasining maʼmuriyatiga va xizmat koʻrsatuvchi xodimlariga, sport hakamlariga, tomoshabinlarga nisbatan hurmat bilan munosabatda boʻlish ruhini qaror toptirishga intilish.
(23-bandning beshinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
oʻquv-trenirovka jarayoni va sport musobaqalari davomida sport terma jamoasi maʼmuriyatining koʻrsatmalarini, trenerlar tarkibi, vrach, ilmiy guruh rahbarlari hamda xodimlarining talablari va tavsiyalarini bajarish;
(23-bandning oltinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sport musobaqasining sofligi uchun kurashish, sport rejimini buzmaslik, zoʻravonlik, millatlararo va diniy toqatsizlikning turli shakllarini targʻib va tashviq qilmaslik, shuningdek doping, psixotrop va boshqa taqiqlangan preparatlarni hamda Jahon dopingga qarshi agentlik va sport turlari boʻyicha xalqaro sport tashkilotlari tomonidan taqiqlangan vositalarni qoʻllamaslik;
sport rejimiga, intizomiga va jamoat tartibiga rioya qilish;
sport formasi, anjomlari, uskunalari hamda sport inshootlariga va shu kabilarga ehtiyotkorlik bilan munosabatda boʻlish.
24. Oʻzbekiston Respublikasining sport terma jamoalari asosiy tarkibining sportchilari va tegishli sport federatsiyalari (uyushmalari) oʻrtasida kontraktlar tuzilishi mumkin.
(24-bandning birinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
Kontraktlarda ularga maxsus ilovalar tarzida (ilovaning mavjudligi kontrakt matnida aks ettirilgan boʻlishi kerak) quyidagi shartlar (sport federatsiyalari (uyushmalari) oʻz mablagʻlari hisobiga) nazarda tutilishi mumkin.
(24-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
turli darajadagi xalqaro sport musobaqalariga maqsadli tayyorlanish va yuqori sport natijalariga erishish uchun shartnomaviy moliya mablagʻlarini belgilash va toʻlash;
moddiy, mulkiy va maʼnaviy zararni toʻlash;
sportda jarohatlanishlar yoki kasbiy kasallanishlar natijasidagi mehnatga layoqatsizlikni qoplash va boshqa qoplov turlari;
mukofotlar, nafaqalar va boshqa ragʻbatlantirish turlari;
natijalarni hisoblab yozish va sportchi boshqa jamoaga oʻtgan taqdirdagi boshqa shartlar;
aniq sport talablarini bajarish.
25. Dopingga qarshi qoidalar sportchi tomonidan buzilgan taqdirda kontrakt bekor qilinadi.
26. Sport terma jamoalarini, shu jumladan ularni sport musobaqalariga va/yoki sport hamda ommaviy jismoniy tarbiya tadbirlariga tayyorlashni va ularning mazkur tadbirlarda ishtirok etishini taʼminlash qonun hujjatlarida belgilangan tartibda, budjet mablagʻlari, jismoniy va yuridik shaxslarning xayriya mablagʻlari hamda Oʻzbekiston Respublikasi qonun hujjatlarida taqiqlanmagan boshqa mablagʻlar hisobiga amalga oshiriladi va bunda quyidagilar bilan bogʻlik xarajatlar nazarda tutiladi:
(26-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sport terma jamoalarining resurslarini oʻquv-trenirovka yigʻinlarida, sport musobaqalarida va/yoki ommaviy sport tadbirlarida qatnashishda energiya sarflarini qoplash va jismoniy resurslarini tiklash, ularni oziq-ovqat bilan taʼminlash;
(26-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
farmokologik va tiklash vositalari, vitaminlar va oqsil-glukoza preparatlari, umumiy davolanish maqsadidagi dori-darmonlar va bogʻlov-oʻrov materiallari olish;
sport inshootlari, uskunalar, anjomlar va texnika vositalari, avtotransport, otlar uchun otxonalar, sport kiyimlari, anjomlari va uskunalarini saqlash uchun xonalarni ijaraga olish;
sport terma jamoalarining oʻquv-trenirovka yigʻinlari tashkil etilishi va oʻtkazilishini taʼminlash;
(26-bandning beshinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sport musobaqalariga, ommaviy sport va boshqa sport tadbirlariga tayyorgarlik koʻrish va ularda qatnashish jarayonida sport terma jamoalari aʼzolari uchun yoʻl haqi, turar joy uchun va sutkalik toʻlovlar toʻlash;
(26-bandning oltinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
puxta va ixtisoslashtirilgan kompleks tibbiy koʻrikdan oʻtkazish;
sport terma jamoalari aʼzolarining holatini (fizioterapevtik, psixologik va shu kabilar boʻyicha) tiklash tadbirlarini oʻtkazish;
(26-bandning sakkizinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sport turlari boʻyicha terma jamoalar aʼzolarini sport formalari, maxsus sport kiyimlari, anjomlari va uskunalari bilan taʼminlash;
oʻquv-metodik va tibbiy-pedagogik koʻrikdan va nazoratdan oʻtkazishni taʼminlash:
sport terma jamoalari sportchilarini, aʼzolarini samarali tayyorlash maqsadida ilmiy tadqiqotlar tashkil etish va oʻtkazish;
(26-bandning oʻn birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
akkreditatsiya, vizalar olish uchun, oʻquv-trenirovka yigʻinlarida, sport musobaqalarida, ommaviy sport va boshqa sport tadbirlarida sport terma jamoalari aʼzolarining qatnashishi uchun badallar toʻlash;
(26-bandning oʻn ikkinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
doping nazorati oʻtkazish;
aeroportlar, temir yoʻllar, avtomobil vokzallari va suv portlari yigʻimlarini toʻlash;
sport anjomlari va uskunalarini tashish;
zamonaviy talablarga javob beradigan zarur sport, texnik va elektron uskunalar, anjomlar va boshqa vositalarni sotib olish;
sport terma jamoalari mutaxassislarining kasbiy malakasini oshirish (konferensiyalar, kurslar, seminarlar va shu kabilarda qatnashish) hamda ularning mehnat sharoitlarini yaxshilash;
(26-bandning oʻn yettinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sport terma jamoalarini tegishli ilmiy-metodik adabiyotlar bilan taʼminlash, sport turlari boʻyicha terma jamoalar aʼzolarining telekoʻrsatuvlar va radioeshittirishlarda chiqishlarini tashkil qilish,sport terma jamoalari faoliyati toʻgʻrisidagi axborotlarni ommaviy axborot vositalarida yoritish, sport terma jamoalari toʻgʻrisidagi turli plakatlar, bukletlar, taqvimlar va shu kabilarni chiqarish;
(26-bandning oʻn sakkizinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
yoqilgʻi-moylash materiallari, yilqilar uchun yem-xashaklar va boshqa zarur materiallar bilan taʼminlash;
sport terma jamoalari aʼzolarining madaniy-maʼrifiy, axloqiy va vatanparvarlik tarbiyasi darajasini, shuningdek maxsus hamda umumtaʼlim bilimlarini oshirish;
(26-bandning yigirmanchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
IV. Sport terma jamoalarining sport va ommaviy jismoniy tarbiya tadbirlarida qatnashishi
(IV boʻlimning nomi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
27. Sport terma jamoalarining ham respublika hududida, ham chet ellardagi ommaviy sport tadbirlarida qatnashishi belgilangan tartibda amalga oshiriladi.
(27-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
28. Terma jamoalar ishtirokidagi sport hamda ommaviy jismoniy tarbiya tadbirlarini tashkil etish va oʻtkazish belgilangan tartibda tasdiqlangan sport hamda ommaviy jismoniy tarbiya tadbirlarining kalendar rejasi, sport terma jamoalarini tayyorlash rejalariga, shu jumladan sportchilarni tayyorlashning individual rejalariga, shuningdek sport yoki jismoniy tarbiya tadbirlari haqidagi nizomlar (reglamentlar)ga muvofiq amalga oshiriladi.
(28-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
29. Sport terma jamoalari aʼzolari mansub boʻlgan tashkilotlar hamda sport terma jamoalari aʼzolarining oʻzlari sport va ommaviy jismoniy tarbiya tadbirlariga chaqirish toʻgʻrisida va rejalashtirilayotgan borish yoʻnalishi toʻgʻrisida tadbirlar oʻtkaziladigan sanadan kamida 15 kun oldin yozma ravishda xabardor qilinishi kerak.
(29-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
30. Sport terma jamoalarining sportchilari, trenerlari, sport tadbirining (har biri boʻyicha alohida) maʼmuriy va xizmat koʻrsatuvchi xodimlarining nomma-nom tarkibi sport terma jamoalarining tasdiqlangan roʻyxatiga muvofiq sportchilar va trenerlar, maʼmuriy va xizmat koʻrsatuvchi xodimlardan shakllantiriladi.
(30-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
31. Sport terma jamoalari sportchilari, aʼzolari uchun ularni tayyorlashning tasdiqlangan individual rejalariga muvofiq individual oʻquv-trenirovka yigʻinlarini belgilangan tartibda tashkil etish va oʻtkazishga yoʻl qoʻyiladi.
(31-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
V. Sport terma jamoalari aʼzolarining natijalarini hisobga olish va ularni ragʻbatlantirish
(V boʻlimning nomi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
32. Sportchilarning - sport terma jamoalari aʼzolarining hududiy hamda respublika sport musobaqalaridagi va/yoki ommaviy jismoniy tarbiya tadbirlaridagi ishtiroki natijalari (gʻalaba, sovrinli oʻrinni egallash, rekord oʻrnatish va shu kabilar) boʻyicha hisoblangan ochkolar majburiy tartibda:
(32-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
ular mansub boʻlgan tashkilotlar;
yuqori sport natijalarini koʻrsatgan vaqtda ular roʻyxatdan oʻtkazilgan respublika hududi hisobiga yoziladi.
33. Sportchilarning - sport terma jamoalari aʼzolarining hududiy sport musobaqalaridagi va/yoki ommaviy jismoniy tarbiya tadbirlaridagi ishtiroki natijalari (gʻalaba, sovrinli oʻrinni egallash, rekord oʻrnatish va shu kabilar) boʻyicha hisoblangan ochkolar xalqaro sport tashkilotlarining yakunlariga koʻra hisoblanadi.
(33-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
34. Parallel hisoblanadigan ochkolarni berish:
boshqa jismoniy tarbiya tashkilotiga oʻtgan sportchi uchun, yangi va ilgarigi sport tashkilotida parallel ravishda hisobga olingan holda;
respublikaning boshqa hududidagi taʼlim muassasalarida oʻqish davri uchun;
haqiqiy harbiy xizmatni oʻtash davri uchun amalga oshiriladi.
35. Sport terma jamoalarining xalqaro tashkilotlar tomonidan tashkil etiladigan kompleks sport musobaqalari (Olimpiya, Paralimpiya, Maxsus olimpiya, Surdolimpiya, Osiyo, Paraosiyo oʻyinlari va boshqalar), jahon, Osiyo, Markaziy Osiyo chempionatlari va kuboklari hamda xalqaro musobaqalari, xorijiy davlatlar va qitʼalarning ochiq chempionatlarida erishgan yuqori sport yutuqlari uchun sport terma jamoalari aʼzolari belgilangan tartibda:
(35-bandning birinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
davlat mukofotlari;
sport unvonlari, nishonlar, diplomlar, yorliqlar, kuboklar, medallar, vimpellar;
moddiy, mulkiy va boshqa buyumlar;
turli qimmatbaho sovgʻalar;
ragʻbatlantirishning boshqa shakllari bilan mukofotlanishlari mumkin.
36. Ushbu Nizomning talablariga rioya etilishini nazorat qilish Oʻzbekiston Respublikasi qonunchilik hujjatlariga muvofiq amalga oshiriladi.
(36-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
37. Ushbu Nizom talablarini buzgan shaxslar Oʻzbekiston Respublikasi qonunchilik hujjatlariga muvofiq javobgarlikka tortiladi.
(37-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
38. Jismoniy tarbiya-sport tashkilotlari va sport federatsiyalari (uyushmalari) sport terma jamoalari tarkibini shakllantirishining va unga sportchilar, trenerlar va boshqa mutaxassislarni kiritishning toʻgʻriligi yuzasidan javob beradilar.
(38-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Sport terma jamoalari toʻgʻrisidagi Nizomga 1-ILOVA (shakl)
(1-ilovaning koʻrsatkichi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Yosh toifalari, jinsiy mansubligi boʻyicha asosiy tarkibdan va zaxiradan (stajyorlardan) shakllantiriladigan sport turlari boʻyicha terma jamoalar aʼzolari – sportchilar, trenerlar, maʼmuriy va xizmat koʻrsatuvchi xodimlarning roʻyxat boʻyicha tarkibi
_____________________________________________ terma jamoasining
(milliy, viloyat, shahar, sport klubi, maktab va boshqalar)
____________________________ ______________ boʻyicha 20__ yil uchun
(yoshi, jinsi boʻyicha) (sport turi)
ROʻYXATI
T/r
F.I.O.
Tugʻilgan yili, pasporti maʼlumotlari
Sport unvoni (razryadi)
Jismoniy tarbiya-sport tashkiloti
Manzili (viloyat, shahar, tuman)
Ish, oʻqish joyi
Natijasi
Trenerning F.I.O.
I. SPORTCHILAR a) Asosiy tarkib
1
2
3
...
b) Stajyorlar (zaxira)
1
2
3
...
II. MAʼMURIY, TRENERLAR VA XIZMAT KOʻRSATUVCHI XODIMLAR TARKIBI
T/r
F.I.O.
Tugʻilgan yili, pasporti maʼlumotlari
Manzili (viloyat, shahar, tuman)
Terma jamoadagi lavozimi
Qoʻshim-chalar
1
2
3
...
Izohlar: 1. Sport turlarining xususiyatiga muvofiq “Natijasi” ustunida – sport musobaqalarining bosqichi, egallagan oʻrni, oxirgi yarim yilda oʻrnatgan rekordi va shu kabilar koʻrsatiladi.
2. “Trenerning F.I.O.” ustunida sportchini tayyorlagan trenerlarning (2 nafardan koʻp emas) F.I.O. yoziladi.
Jismoniy tarbiya-sport tashkilotining (ular mavjud boʻlsa) rahbari
____________
____________
M.Oʻ. (tadbirkorlik subyektlaridan muhr bilan tasdiqlash talab qilinmaydi)
(imzo)
(F.I.O.)
Sport federatsiyasi (uyushmasi, markazi va boshqalar)ning (ular mavjud boʻlsa) rahbari
____________
____________
M.Oʻ.
(imzo)
(F.I.O.)
Bosh (katta) trener
____________
____________
(imzo)
(F.I.O.)
(1-ilova Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)
Sport terma jamoalari toʻgʻrisidagi Nizomga 2-ILOVA
(2-ilovaning koʻrsatkichi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Sport turlari boʻyicha terma jamoalar tarkibiga kiritiladigan sportchilarning Jahon va Osiyo chempionatlaridagi eng koʻp sonli sportchilar tarkibiga koʻra belgilanadigan cheklangan soni
1. Erkaklar, ayollar:
a) asosiy tarkib:
sportning jamoaviy oʻyin turlari (sport turlari) - 1,5 ta tarkib;
tennis, stol tennisi, badminton, sport yakka kurashi (shu jumladan ogʻir atletika) – 2 ta tarkib;
sportning boshqa turlari – 2 ta tarkib;
b) stajyorlar tarkibi (zaxira):
sportning jamoaviy oʻyin turlari (sport turlari) - 1 ta tarkib;
tennis, stol tennisi, badminton, sport yakka kurashi (shu jumladan ogʻir atletika) – 2 ta tarkib;
sportning boshqa turlari – 1 ta tarkib.
2. Bolalar, oʻsmirlar, qizlar:
a) asosiy tarkib:
sportning jamoaviy oʻyin turlari (sport turlari) - 2 ta tarkib;
tennis, stol tennisi, badminton, sport yakka kurashi (shu jumladan ogʻir atletika) – 2 ta tarkib;
sportning boshqa turlari – 2 ta tarkib;
b) stajyorlar tarkibi (zaxira):
tennis, stol tennisi, badminton, sport yakka kurashi (shu jumladan ogʻir atletika) – 2 ta tarkib;
sportning boshqa turlari – 1 ta tarkib.
Vazirlar Mahkamasining 2012-yil 14-iyundagi 173-son qaroriga 2-ILOVA
Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisida
N I Z O M
I. Umumiy qoidalar
1. Ushbu Nizom “Jismoniy tarbiya va sport toʻgʻrisida”gi Oʻzbekiston Respublikasi Qonuniga muvofiq ishlab chiqilgan hamda sport va ommaviy jismoniy tarbiya tadbirlarining har yilgi kalendar rejalarini tayyorlash va shakllantirish tartibini belgilaydi.
2. Ushbu Nizom, ularning idoraviy mansubligidan qatʼi nazar, jismoniy tarbiya va sportni ommalashtiruvchi, shuningdek Oʻzbekiston Respublikasi hududida va uning tashqarisida sport, ommaviy jismoniy tarbiya tadbirlarini oʻtkazish va ularda qatnashishni amalga oshiruvchi tashkilotlar uchun majburiy hisoblanadi.
3. Ushbu Nizomda quyidagi asosiy tushunchalardan foydalaniladi:
jismoniy tarbiya-sport tashkiloti — faoliyatning asosiy turi sifatida jismoniy tarbiya va sport sohasida faoliyatni amalga oshiruvchi yuridik shaxs yoki boshqa yuridik shaxsning tarkibiy boʻlinmasi;
sport hamda ommaviy jismoniy tarbiya tadbirlarining kalendar rejasi (keyingi oʻrinlarda kalendar reja deb ataladi) — Oʻzbekiston Respublikasi hududida oʻtkaziladigan xalqaro va respublika miqyosidagi rasmiy sport yoki ommaviy jismoniy tarbiya tadbirlari roʻyxatini, shuningdek Oʻzbekiston Respublikasi sport terma jamoalarini xalqaro sport tadbirlariga tayyorlash va ularning ishtirok etishini taʼminlash boʻyicha tadbirlar roʻyxatini belgilovchi hujjat;
sport va ommaviy jismoniy tarbiya tadbirlari reglamenti — sport va ommaviy jismoniy tarbiya tadbirlarini tashkil etish va oʻtkazish tartibini hamda ularga qoʻyiladigan majburiy shartlar va talablarni, shuningdek ularda qatnashish shartlarini belgilovchi qoidalar yigʻindisidan iborat boʻlgan hujjat;
sport va ommaviy jismoniy tarbiya tadbirlari toʻgʻrisida nizom — sport va ommaviy jismoniy tarbiya tadbirlarini oʻtkazish va ularda qatnashish tartibi va shartlarini belgilaydigan hujjat;
sport musobaqasi — sportchilar oʻrtasida yoki sportchilar jamoalari oʻrtasida har xil sport turlari (sport dissiplinalari) boʻyicha musobaqaning eng yaxshi ishtirokchisini aniqlash maqsadida jismoniy tarbiya yoki sport tadbirining tashkilotchisi tomonidan tasdiqlangan nizom (reglament) boʻyicha oʻtkaziladigan bellashuv;
sport tadbirlari — sport musobaqalarini, oʻquv-mashq jarayonini va sportchilar ishtirokida sport musobaqalariga tayyorgarlik koʻrish boʻyicha boshqa tadbirlarni oʻz ichiga oladigan tadbirlar;
ommaviy jismoniy tarbiya tadbirlari — aholini jismoniy tarbiya mashgʻulotlariga jalb etishga va aholi oʻrtasida sogʻlom turmush tarzini shakllantirishga qaratilgan tadbirlar;
sport turi — jismoniy tarbiya va sport sohasidagi faoliyat turi boʻlib, u insonning sport musobaqalariga oʻziga xos tarzda tayyorgarlik koʻrishi bilan ajralib turadi, sport musobaqalarini oʻtkazish va ularda ishtirok etishga doir talablar, tartib va shartlar belgilanadigan qoidalarga, nizomga (reglamentga) ega boʻladi;
oʻquv-mashq yigʻinlari — sportchilarni sport musobaqalariga va ommaviy jismoniy tarbiya tadbirlariga tayyorlash va ularda ishtirok etish, shuningdek ushbu tadbirlardan keyin tiklash maqsadida sportchilarning sport mahoratini oshirishga yoʻnaltirilgan, sport yoʻnalishiga, pedagogik va tarbiyaviy yoʻsindagi tashkil etilgan tadbirlar;
sport kurslari, seminarlari va konferensiyalari — jismoniy tarbiya va sport sohasidagi mutaxassislarning malakasini oshirishga yoʻnaltirilgan tadbirlar.
(3-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
II. Kalendar rejani shakllantirishning asosiy vazifalari
4. Quyidagilar kalendar rejani shakllantirishning asosiy vazifalari hisoblanadi:
sport terma jamoalarini va ularning zaxirasini sport turlari boʻyicha sport hamda ommaviy jismoniy tarbiya tadbirlariga tayyorlash, mazkur tadbirlarni oʻtkazish va ularda qatnashishning yaxlit tizimini shakllantirish;
(4-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Oʻzbekiston Respublikasi aholisining barcha qatlamlari va ijtimoiy guruhlari oʻrtasida ommaviy jismoniy tarbiyani rivojlantirishga koʻmaklashadigan ommaviy jismoniy tarbiya tadbirlari tizimini shakllantirish;
sport, ommaviy jismoniy tarbiya tadbirlarini, oʻquv-trenirovka yigʻinlarini tayyorlash va oʻtkazishga yoʻnaltiriladigan budjet mablagʻlaridan maqsadli va samarali foydalanish.
5. Kalendar rejada nazarda tutilgan sport va ommaviy jismoniy tarbiya tadbirlari, har bir sport turining xususiyatlarini hisobga olgan holda, quyidagi vazifalarni hal etishni taʼminlashi kerak:
aholining barcha qatlamlari oʻrtasida ommaviy sportni rivojlantirish;
sportchilar, hakamlar va trenerlar tarkibi malakasini oshirish;
turli hududiy, respublika xalqaro sport musobaqalarida muvaffaqiyatli qatnashish hamda litsenziyalar olish uchun sport terma jamoalarini va ularning zaxirasini aniq maqsadli tayyorlashni samarali tashkil etish.
(5-bandning toʻrtinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
III. Sport va ommaviy jismoniy tarbiya tadbirlarini shakllantirish hamda kalendar rejaga kiritish tartibi
(6-bandning birinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
respublika kalendar rejasi, u sport federatsiyalari (uyushmalari) va (yoki) jismoniy tarbiya-sport tashkilotlarining taqdimnomasi boʻyicha Oʻzbekiston Respublikasi Sport vazirligi tomonidan shakllantiriladi, Oʻzbekiston Respublikasi Iqtisodiyot va moliya vazirligi bilan kelishiladi va Oʻzbekiston Respublikasi Vazirlar Mahkamasi tomonidan tasdiqlanadi;
(6-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
hududiy kalendar reja, u tegishli ravishda Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari tomonidan shakllantiriladi va mahalliy ijro etuvchi hokimiyat organlari tomonidan tasdiqlanadi;
(6-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
muayyan jismoniy tarbiya-sport tashkilotlari maʼmuriyati tomonidan shakllantiriladigan va tasdiqlanadigan jismoniy tarbiya-sport tashkilotlari kalendar rejasi.
(6-bandning toʻrtinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari maʼlumotlari milliy bazasi, 09.07.2018-y., 09/18/508/1477-son)
Sportning texnik va amaliy turlari boʻyicha respublika kalendar rejasi Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashi tomonidan, Oʻzbekiston Respublikasi Sport vazirligi, Iqtisodiyot va moliya vazirligi bilan kelishgan holda shakllantiriladi hamda Oʻzbekiston Respublikasi Vazirlar Mahkamasi tomonidan tasdiqlanadi. Sportning texnik va amaliy turlari boʻyicha hududiy kalendar rejasi Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashining hududiy boʻlinmalari tomonidan, hududiy iqtisodiyot va moliya boshqarmalari bilan kelishgan holda shakllantiriladi hamda mahalliy ijro etuvchi hokimiyat organlari tomonidan tasdiqlanadi.
(6-bandning beshinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
Sport va ommaviy jismoniy tarbiya tadbirlarining kalendar rejasi ushbu Nizomga 1-ilovaga muvofiq shakl boʻyicha shakllantiriladi.
7. Respublika kalendar rejasi quyidagi boʻlimlarni oʻz ichiga oladi:
a) kompleks sport va ommaviy jismoniy tarbiya tadbirlari;
b) sport turlari boʻyicha respublika va xalqaro sport tadbirlari, ular quyidagilarga boʻlinadi:
yozgi Olimpiya va Paralimpiya oʻyinlari dasturiga kiritilgan sport turlari;
qishki Olimpiya va Paralimpiya oʻyinlari dasturiga kiritilgan sport turlari;
sportning milliy turlari;
Olimpiya va Paralimpiya oʻyinlari dasturiga kiritilmagan sport turlari.
(7-bandning “b” kichik bandi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
v) ommaviy jismoniy tarbiya tadbirlari, ular quyidagilarga boʻlinadi:
joriy yil davlat dasturiga bagʻishlangan ommaviy jismoniy tarbiya tadbirlari;
aholi va bolalar oʻrtasida ommaviy sportni rivojlantirishga yoʻnaltirilgan ommaviy jismoniy tarbiya tadbirlari;
Oʻzbekiston milliy sport turlari va xalq oʻyinlari boʻyicha ommaviy jismoniy tarbiya tadbirlari;
(7-bandning “v” kichik bandi toʻrtinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
voyaga yetmaganlar oʻrtasidagi sport va ommaviy jismoniy tarbiya tadbirlari;
sport veteranlari oʻrtasidagi sport va ommaviy jismoniy tarbiya tadbirlari.
8. Hududiy kalendar reja sport turlari boʻyicha hududiy va respublika sport tadbirlarini oʻz ichiga oladi, ular respublika kalendar rejasiga oʻxshash tartibda boʻlinadi va quyidagilardan iborat boʻlishi mumkin:
yozgi Olimpiya va Paralimpiya oʻyinlari dasturiga kiritilgan sport turlari;
(8-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
qishki Olimpiya va Paralimpiya oʻyinlari dasturiga kiritilgan sport turlari;
(8-bandning uchinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
Olimpiya va Paralimpiya oʻyinlari dasturiga kiritilmagan sport turlari;
(8-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
nogironligi boʻlgan shaxslar oʻrtasida sport va ommaviy jismoniy tarbiya tadbirlari.
(8-bandning yettinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
9. Jismoniy tarbiya-sport tashkilotlarining kalendar rejasi quyidagilarni oʻz ichiga oladi:
kompleks sport va ommaviy jismoniy tarbiya tadbirlari;
jismoniy tarbiya-sport tashkilotlarida ommalashgan sport turlari boʻyicha sport tadbirlari;
ommaviy jismoniy tarbiya tadbirlari;
sportchilarni tayyorlash yoki sport va ommaviy jismoniy tarbiya tadbirlarini oʻtkazish va ularda qatnashish rejasidan kelib chiqqan holda boshqa boʻlimlar.
10. Kalendar rejada, shuningdek quyidagilar boʻyicha qilingan xarajatlarni qoplashga yoʻnaltirilgan mablagʻlar toʻgʻrisidagi yigʻma axborotlar ham nazarda tutiladi:
kompleks, xalqaro, respublika hamda hududiy sport va ommaviy jismoniy tarbiya tadbirlari boʻyicha;
Oʻzbekiston Respublikasining sport terma jamoalari va ularning zaxirasi sportchilari va trenerlarining amaldagi normalarga muvofiq energiya sarflarini qoplash va jismoniy resurslarini tiklash boʻyicha;
(10-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Olimpiya va Paralimpiya, Osiyo va Paraosiyo oʻyinlari, jahon chempionatlari gʻoliblari va sovrindorlarini, yilning eng yaxshi sportchisini mukofotlash boʻyicha;
(10-bandning toʻrtinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
jismoniy tarbiya va sport sohasidagi kadrlar malakasini oshirish boʻyicha, shuningdek xorijiy mutaxassislarni jalb etish boʻyicha;
sportchilar va trenerlarga tibbiy xizmat koʻrsatish va ularni sugʻurtalash boʻyicha;
sport anjomlari, uskunalari va formalari sotib olish boʻyicha;
11. Kalendar rejani shakllantirish sport turlarining xususiyatlaridan, ularning ustuvorligidan kelib chiqqan holda, shuningdek xalqaro sport tashkilotlarining kalendar rejalarini hisobga olgan holda amalga oshiriladi.
(11-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
12. Kalendar rejaga quyidagilar kiritiladi:
a) xalqaro sport musobaqalari va oʻquv-trenirovka yigʻinlari, shuningdek respublika hududida oʻtkaziladigan sport musobaqalari va oʻquv-trenirovka yigʻinlari;
b) Olimpiya, Paralimpiya, Maxsus olimpiya, Surdolimpiya, Osiyo va Paraosiyo oʻyinlari, oʻsmirlar Olimpiya oʻyinlari, universiadalar, spartakiadalar va boshqalar.
(12-bandning “b” kichik bandi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
v) respublika sport va ommaviy jismoniy tarbiya tadbirlari
g) hududiy sport va ommaviy jismoniy tarbiya tadbirlari;
d) ommaviy jismoniy tarbiya tadbirlari - festivallar, tanlovlar, koʻriklar va aholining turli qatlamlarini jalb etish bilan bogʻliq boʻlgan boshqa tadbirlar;
e) xalqaro, respublika va hududiy trenerlar yoki hakamlar kurslari, seminarlari, konferensiyalari, kongresslari.
13. Kalendar rejaga kiritish uchun ushbu Nizomga 2-ilovaga muvofiq shakl boʻyicha tadbirlarning nomlari, oʻtkazish muddatlari va joylari koʻrsatilgan takliflar (buyurtmanomalar) oldingi yilning 10-noyabridan kechikmay quyidagi tartibda:
(13-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
a) respublika kalendar rejasiga kiritish uchun — Sport turlarini rivojlantirish respublika markazlari bilan kelishilgan holda (ular mavjud boʻlsa) Oʻzbekiston Respublikasi Sport vazirligiga sport federatsiyalari (uyushmalari) hamda paralimpiya sport turlari boʻyicha Oʻzbekiston Milliy paralimpiya qoʻmitasi tomonidan;
(13-bandning “a” kichik bandi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
b) sportning texnik va amaliy turlari boʻyicha respublika kalendar rejasiga kiritish uchun - Oʻzbekiston mudofaasiga koʻmaklashuvchi “Vatanparvar” tashkilotining Markaziy kengashiga sportning texnik va amaliy turlari boʻyicha sport federatsiyalari (uyushmalari) va (yoki) sportning texnik va amaliy turlari rivojlanayotgan jismoniy tarbiya-sport tashkilotlari tomonidan;
v) hududiy kalendar rejaga kiritish uchun — tegishli ravishda Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalariga sport turlari boʻyicha hududiy sport federatsiyalari (uyushmalari) tomonidan (ular mavjud boʻlsa) va (yoki) jismoniy tarbiya-sport tashkilotlari, shuningdek, paralimpiya sport turlari boʻyicha Oʻzbekiston Milliy paralimpiya qoʻmitasining hududiy boʻlinmalari tomonidan;
(13-bandning “v” kichik bandi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
g) sportning texnik va amaliy turlari boʻyicha hududiy kalendar rejaga kiritish uchun – tegishli ravishda Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashining hududiy boʻlinmalariga sportning texnik va amaliy turlari boʻyicha hududiy sport federatsiyalari (uyushmalari) tomonidan va (yoki) jismoniy tarbiya-sport tashkilotlari tomonidan taqdim etiladi.
(13-bandning “a” — “g”-kichik bandlari Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Sport-jismoniy tarbiya tadbirlari kalendar rejaga, shuningdek kalendar rejani shakllantiradigan tashkilotlar tashabbusi boʻyicha ham kiritiladi.
14. Kalendar rejaga kiritish uchun taklifga (buyurtmanomaga) quyidagilar ilova qilinadi:
a) sportning tegishli turini rivojlantiruvchi xalqaro sport tashkilotining xalqaro sport yoki ommaviy jismoniy tarbiya tadbirini oʻtkazish toʻgʻrisidagi qarori (kalendar reja nusxasi - respublika kalendar rejasi uchun);
b) xalqaro (Oʻzbekiston Respublikasi hududida oʻtkazilganda), respublika va hududiy sport hamda ommaviy jismoniy tarbiya tadbirlari toʻgʻrisidagi nizomlar (reglament) loyihalari;
v) sport yoki ommaviy jismoniy tarbiya tadbirlarini, musobaqalarni moliyalashtirishning rejalashtirilayotgan manbalari, shu jumladan budjetdan tashqari manbalari koʻrsatilgan holdagi moliyaviy-iqtisodiy asoslash.
15. Kalendar rejaga kiritiladigan yosh guruhlari oʻrtasidagi chempionatlar soni yanada yuqori bosqichdagi ana shunday chempionatlar sonidan oshishi mumkin emas.
IV. Kalendar rejada nazarda tutilgan xarajatlarni moliyalashtirish
16. Respublika va hududiy kalendar rejalarida nazarda tutilgan sport va ommaviy jismoniy tarbiya tadbirlarini moliyalashtirish Oʻzbekiston Respublikasi respublika budjeti va Qoraqalpogʻiston Respublikasi budjeti, viloyatlar va Toshkent shahar mahalliy budjetlari mablagʻlari hisobiga, ushbu maqsadlarga ajratilgan mablagʻlar doirasida, shuningdek qonun hujjatlarida taqiqlanmagan boshqa manbalar hisobiga amalga oshiriladi.
(16-band Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
17. Sport va ommaviy jismoniy tarbiya tadbirlarini hamda sport terma jamoalari va ular zaxirasining Oʻzbekiston Respublikasi hududida va undan tashqarida oʻtkaziladigan, kalendar rejaga kiritilgan sport tadbirlarida qatnashishini moliyalashtirish quyidagilar:
(17-bandning birinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
sport yoki ommaviy jismoniy tarbiya tadbirini oʻtkazish toʻgʻrisidagi Oʻzbekiston Respublikasi Vazirlar Mahkamasining qarorlari, farmoyishlari va boshqa qarorlari yoki mahalliy ijro etuvchi hokimiyat qarorlari asosida;
(17-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
sport tadbirini oʻtkazayotgan (yoki unda qatnashayotgan) tashkilotning buyrugʻi va sport tadbirining xarajatlari smetasi asosida kalendar rejada ushbu maqsadlar uchun nazarda tutilgan mablagʻlar doirasida amalga oshiriladi.
18. Sport va ommaviy jismoniy tarbiya tadbirlarini oʻtkazuvchi (yoki ularda qatnashuvchi) tashkilotlarga sport terma jamoalari va ular zaxirasining sport va ommaviy jismoniy tarbiya tadbirlarini oʻtkazish va unda qatnashishni taʼminlash uchun kalendar rejada nazarda tutilgan mablagʻlar doirasida, sportning alohida turlari boʻyicha sarflanmagan mablagʻlar hisobiga qoʻshimcha mablagʻlar yoʻnaltirish huquqi beriladi.
(18-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
19. Oʻzbekiston Respublikasidan tashqarida va uning hududida oʻtkaziladigan xalqaro sport va ommaviy jismoniy tarbiya tadbirlari xarajatlari smetalari quyidagi hujjatlar asosida tuziladi:
elektron pochta, faks va boshqa aloqa vositalari orqali oʻzbek (rus) tilidagi tarjimasi bilan olingan hamda tegishli muhr bilan tasdiqlangan, sport terma jamoasini sport yoki ommaviy jismoniy tarbiya tadbirlariga rasmiy taklifnomaning (nizom, reglament, qoidalar va shu kabilarning) asl nusxasi (yoki nusxasi);
(19-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
transport vositalari (avia, temir yoʻllar, katta avtomobil yoʻllari, suv yoʻllari)ga joylarni band (bron) qilish va qatnashchilarni sugʻurta qilish boʻyicha hujjatlar;
sport yoxud ommaviy jismoniy tarbiya tadbirlarida qatnashish yoki ularni oʻtkazish xarajatlari, sport yoki ommaviy jismoniy tarbiya tadbirlarining tashkilotchilari tomonidan eʼlon qilingan shartlarni hisobga olgan holdagi xarajatlar boʻyicha boshqa tasdiqlovchi hujjatlar.
20. Oʻzbekiston Respublikasi hududida oʻtkaziladigan sport yoki ommaviy jismoniy tarbiya tadbirlarining xarajatlari smetalari quyidagi hujjatlar asosida tuziladi:
sport yoki ommaviy jismoniy tarbiya tadbirlarini oʻtkazadigan (yoki ularda qatnashadigan) tashkilotning sport yoki ommaviy jismoniy tarbiya tadbirlarini oʻtkazish toʻgʻrisidagi buyrugʻi (qarori);
sport yoki ommaviy jismoniy tarbiya tadbirining nizomi (reglamenti);
turar joy, oziq-ovqat, transportda tashish, sport inshooti, uskunalari, transport vositalarini ijaraga olishni, sugʻurta qilishni va shu kabilarni taʼminlash yuzasidan shartnomalar (preyskurantlar, maʼlumotnomalar);
sport yoki ommaviy jismoniy tarbiya tadbirida qatnashish yoki uni oʻtkazish xarajatlarini tasdiqlovchi boshqa hujjatlar.
21. Sport terma jamoalari turli sport yoki ommaviy jismoniy tarbiya tadbirlarida qatnashish uchun joʻnab ketayotganda xorijiy davlat hududida ovqatlanish va yashash xarajatlari Vazirliklar, idoralar, korxonalar va tashkilotlar xodimlari Oʻzbekiston Respublikasi tashqarisiga xizmat safariga yuborilganda xizmat safari xarajatlari uchun mablagʻlar berish tartibi toʻgʻrisidagi nizom boʻyicha nazarda tutiladi, agar sport tadbiri oʻtkaziladigan joydagi tashkiliy qoʻmitaning shartlarida boshqacha tartib nazarda tutilmagan boʻlsa. Bunda, agar tashkiliy qoʻmitaning shartlariga muvofiq sport delegatsiyasining yashash va ovqatlanish normalari tasdiqlangan normalardan yuqori boʻlsa, u holda tashkiliy qoʻmitaning normalari qoʻllaniladi.
(21-band Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
V. Kalendar rejani shakllantirish va sport turlari boʻyicha moliyaviy mablagʻlarni taqsimlash komissiyasi
22. Kalendar rejani shakllantirish ushbu Nizom va maxsus tashkil etiladigan Komissiyaning qarori asosida amalga oshiriladi.
23. Komissiya kamida 5 kishidan iborat tarkibda tashkil etiladi, uning tarkibiga:
respublika kalendar rejasini shakllantirishda — Oʻzbekiston Respublikasi Sport vazirligining, sport federatsiyalari (uyushmalari)ning, Sport turlarini rivojlantirish respublika markazlarining, shuningdek, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasining vakillari kiritiladi. Sport va ommaviy jismoniy tarbiya tadbirlarining respublika kalendar rejasini shakllantirish va sport turlari boʻyicha moliyaviy mablagʻlarni taqsimlash komissiyasi tarkibi Oʻzbekiston Respublikasining sport vaziri tomonidan tasdiqlanadi;
(23-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
sportning texnik va amaliy turlari boʻyicha respublika kalendar rejasini shakllantirishda - Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashining vakillari, sportning texnik va amaliy turlari boʻyicha respublika sport federatsiyalari (uyushmalari)ning rahbarlari yoki vakillari kiritiladi;
hududiy kalendar rejani shakllantirishda — Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalarining, Oʻzbekiston Milliy paralimpiya qoʻmitasi hududiy boʻlinmalarining, sport federatsiyalari (uyushmalari) hududiy boʻlinmalarining (ular mavjud boʻlsa) va (yoki) jismoniy tarbiya-sport tashkilotlarining vakillari kiritiladi;
(23-bandning toʻrtinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
sportning texnik va amaliy turlari boʻyicha hududiy kalendar rejani shakllantirishda - Oʻzbekiston mudofaasiga koʻmaklashuvchi “Vatanparvar” tashkiloti Markaziy kengashi hududiy boʻlinmalarining, sportning texnik va amaliy turlari boʻyicha tegishli hududiy sport federatsiyalari (uyushmalari)ning (ular mavjud boʻlsa) va (yoki) jismoniy tarbiya-sport tashkilotlarining vakillari kiritiladi;
(23-bandning ikkinchi — beshinchi xatboshilari Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
jismoniy tarbiya-sport tashkilotlarining kalendar rejalarini shakllantirishda – mazkur jismoniy tarbiya-sport tashkilotlari maʼmuriyati va trenerlarining yoki trener-instruktorlarining vakillari kiritiladi.
24. Komissiya tomonidan sport federatsiyalari (uyushmalari) hududiy boʻlinmalarining, Oʻzbekiston Milliy paralimpiya qoʻmitasi hududiy boʻlinmalarining, Sport turlarini rivojlantirish respublika markazlari (ular mavjud boʻlsa), jismoniy tarbiya-sport tashkilotlarining sport yoki ommaviy jismoniy tarbiya tadbirini kalendar rejaga kiritish toʻgʻrisidagi takliflari (buyurtmanomalari) koʻrib chiqiladi.
(24-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
25. Komissiya zaruriyatga koʻra, Komissiya raisining qarori boʻyicha chaqiriladi.
Komissiya majlisini Komissiya raisi, u boʻlmagan taqdirda – Komissiya raisining qarori boʻyicha Komissiya aʼzolaridan biri boshqaradi.
26. Komissiya majlisi, agar majlisda Komissiya aʼzolarining kamida uchdan ikki qismi qatnashsa, qonuniy kuchga ega hisoblanadi.
Komissiyaning qarori ochiq ovoz bergan holda, koʻpchilik ovoz bilan qabul qilinadi.
27. Agar Komissiya aʼzolarining ovozi teng boʻlib qolsa Komissiya majlisida raislik qiluvchining ovozi hal qiluvchi hisoblanadi.
28. Komissiya qarori protokollashtirilishi va unda Komissiya aʼzolarining vizasi boʻlishi kerak.
(29-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — OʻR QHT, 2016-y., 43-son, 499-modda)
Sport turlarini rivojlantirish respublika markazlari vakillarining axborotlari eshitiladi.
(29-bandning toʻrtinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
30. Komissiya ushbu Nizomning 7-bandida koʻrsatilgan boʻlimlar, shuningdek kichik boʻlimlar va sport turlari boʻyicha moliyaviy mablagʻlarni taqsimlaydi.
Bunda quyidagilar hisobga olinadi:
sport turlarining ustuvorligi va istiqbolliligi;
sport turining yirik xalqaro sport musobaqalaridagi natijadorligi;
Olimpiada oʻyinlari va Paralimpiya oʻyinlari hamda jahon chempionatlariga tanlash yoki litsenziyali sport musobaqalari;
(30-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
sport turining keng tarqalganligi va ommaviyligi;
oʻtgan yildagi sport yoki ommaviy jismoniy tarbiya tadbirlarini oʻtkazishga yoki ularda qatnashishga mablagʻlardan amalda foydalanilganligi.
Bunda moliyaviy mablagʻlarni Olimpiya va Paralimpiya oʻyinlari dasturiga kiritilgan sport turlariga yoʻnaltirish Komissiyaning birinchi navbatdagi vazifasi hisoblanadi.
(30-bandning sakkizinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
31. Kalendar rejaga quyidagi hollarda oʻzgartirish va qoʻshimchalar kiritilishi mumkin:
xalqaro sport yoki ommaviy jismoniy tarbiya tadbirlarini oʻtkazish muddatlari va (yoki) joylari oʻzgarganda;
sport yoki ommaviy jismoniy tarbiya tadbirlarini oʻtkazish shartlari oʻzgarganda;
qoʻshimcha ravishda sport yoki ommaviy jismoniy tarbiya tadbiri kiritilganda;
quyidagilar bilan bogʻliq boʻlgan moliyaviy xarajatlar oʻzgarganda:
a) qatnashchilarning uzil-kesil tarkibi yoki sonini shakllantirish;
b) sport yoki ommaviy jismoniy tarbiya tadbirini oʻtkazuvchi tashkilotning moliyaviy shartlarining oʻzgarishi;
v) sport yoki ommaviy jismoniy tarbiya tadbiriga nazarda tutilgan mablagʻlarning yetishmasligi.
Kalendar rejaga oʻzgartirish va qoʻshimchalar kalendar rejani shakllantiradigan tashkilotning buyrugʻi asosida, ularni kiritishning maqsadga muvofiqligi asoslangan, Komissiya taqdimnomasi boʻyicha va quyidagi hujjatlarga muvofiqligi boʻyicha quyidagi zarur hujjatlar ilova qilingan buyrugʻi asosida kiritiladi:
sportning tegishli turini rivojlantirayotgan xalqaro sport tashkilotining qoʻshimcha yoki oʻzgartirishi toʻgʻrisidagi qaror (respublika kalendar rejasi uchun);
yuqori organlarning qoʻshimcha yoki oʻzgartirishlar kiritish toʻgʻrisidagi qarori;
sport yoki ommaviy jismoniy tarbiya tadbirlarini oʻtkazish reglamentini, shu jumladan moliyalashtirish shartlarini oʻzgartirishni tasdiqlovchi hujjatlar;
32. Kalendar rejaga oʻzgartirish va qoʻshimchalar ushbu Nizomning 13-bandida koʻrsatilgan tashkilotlarning tashabbusi boʻyicha kiritiladi.
(32-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
33. Kalendar rejaga oʻzgartirishlar kiritish boʻyicha takliflar tegishli oʻzgartirishlarni kiritishning maqsadga muvofiqligi va zarurligining asoslashi bilan birga ERP platformasiga biriktiriladi.
(33-band Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
VI. Yakunlovchi qoidalar
34. Ushbu Nizomning talablariga rioya etilishini nazorat qilish Oʻzbekiston Respublikasi qonun hujjatlariga muvofiq amalga oshiriladi.
35. Ushbu Nizom talablarini buzgan shaxslar Oʻzbekiston Respublikasi qonun hujjatlariga muvofiq javob beradilar.
36. Komissiya kalendar rejaning toʻgʻri shakllantirilishi uchun javob beradi.
Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisidagi Nizomga
1-ILOVA
Sport va ommaviy jismoniy tarbiya tadbirlarining kalendar
REJASI
T/r
Tadbir nomi
Oʻtkazish muddati
Oʻtkaziladigan joy
Qatnashuvchi tashkilotlar
Jami mablagʻlar miqdori
(mln soʻmda)
1. Kompleks va Respublikamizda boʻlib oʻtadigan katta xajmdagi sport va ommaviy jismoniy tarbiya tadbirlari
2. Sport turlari boʻyicha respublika va xalqaro sport tadbirlari
2.1. Yozgi Olimpiya va Paralimpiya oʻyinlari dasturiga kiritilgan sport turlari
1.
Respublika sport musobaqalari
2.
Oʻquv-trenirovka yigʻinlari
3.
Olimpiya va Paralimpiya musobaqalari va kuboklari hamda xalqaro musobaqalar
2.2. Qishki Olimpiya va Paralimpiya oʻyinlari dasturiga kiritilgan sport turlari
1.
Respublika sport musobaqalari
2.
Oʻquv-trenirovka yigʻinlari
3.
Olimpiya va Paralimpiya musobaqalari va kuboklari hamda xalqaro musobaqalar
2.3. Milliy sport turlari
1.
Respublika sport musobaqalari
2.
Oʻquv-trenirovka yigʻinlari
3.
Olimpiya va Paralimpiya musobaqalari va kuboklari hamda xalqaro musobaqalar
2.4. Kompleks musobaqalarga kiritilgan Noolimpiyada sport turlari
1.
Respublika sport musobaqalari
2.
Oʻquv-trenirovka yigʻinlari
3.
Olimpiya va Paralimpiya musobaqalari va kuboklari hamda xalqaro musobaqalar
2.5. Noolimpiya sport turlari
1.
Respublika sport musobaqalari
2.
Oʻquv-trenirovka yigʻinlari
3.
Olimpiya va Paralimpiya musobaqalari va kuboklari hamda xalqaro musobaqalar
2.6. Nogironligi boʻlgan shaxslar oʻrtasida sport va ommaviy jismoniy tarbiya tadbirlari
1.
Respublika sport musobaqalari
2.
Oʻquv-trenirovka yigʻinlari
3.
Olimpiya va Paralimpiya musobaqalari va kuboklari hamda xalqaro musobaqalar
3. Ommaviy jismoniy tarbiya tadbirlari
1.
Respublika sport musobaqalari
2.
Oʻquv-trenirovka yigʻinlari
3.
Olimpiya va Paralimpiya musobaqalari va kuboklari hamda xalqaro musobaqalar
(1-ilova Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisidagi Nizomga 2-ILOVA
20__ yil uchun _____________________________ boʻyicha
(sport turining nomi)
sport va ommaviy jismoniy tarbiya tadbirlari kalendar rejasiga kiritish uchun takliflar (buyurtmanomalar)
T/r
Tadbirning nomi
Sport turi, sport turlari guruhi
Oʻtkazish muddatlari
Oʻtkazish muddatlari
Jami qatnashchilar soni
shu jumladan:
Moliyalashtirishga jami ehtiyoj, mln soʻm (11 guruh + 13 guruh)
shu jumladan:
sportchilar
trenerlar
bosh-qalar
budjet mablagʻlari (mln soʻm)
sport federatsiyalari, homiylar mablagʻlari va boshqa mablagʻlar hisobiga
(mln soʻm)
1
2
3
4
5
6
7
8
9
10
11
12
(2-ilova Oʻzbekiston Respublikasi Vazirlar Mahkamasining 2017-yil 9-oktabrdagi 810-sonli qarori tahririda — Qonun hujjatlari maʼlumotlari milliy bazasi, 12.10.2017-y., 09/17/810/0095)
(3-ilova Oʻzbekiston Respublikasi Vazirlar Mahkamasining 2020-yil 12-avgustdagi 481-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 13.08.2020-y., 09/20/481/1169-son)
(Oʻzbekiston Respublikasi qonun hujjatlari toʻplami, 2012-y., 23-24-son, 267-modda; 2016-y., 17-son, 176-modda; 2016-y., 43-son, 499-modda; 2017-y., 20-son, 367-modda; Qonun hujjatlari maʼlumotlari milliy bazasi, 12.10.2017-y., 09/17/810/0095-son, 09.07.2018-y., 09/18/508/1477-son; 16.01.2019-y., 09/19/32/2481-son, 11.08.2019-y., 09/19/661/3571-son; 13.08.2020-y., 09/20/481/1169-son; Qonunchilik maʼlumotlari milliy bazasi, 08.02.2022-y., 09/22/62/0111-son, 26.02.2022-y., 09/22/88/0165-son; 31.12.2022-y., 09/22/731/1141-son; 10.05.2024-y., 09/24/272/0337-son; 08.10.2025-y., 09/25/630/0905-son; 16.12.2025-y., 09/25/791/1167-son)
