1.07.00.00.00 Moliya va kredit toʻgʻrisidagi qonunchilik. Bank faoliyati / 07.27.00.00 Valyutani tartibga solish va valyutani nazorat qilish / 07.27.09.00 Valyuta nazorati]
[TSZ:
1.Moliya / Valyutani tartibga solish. Qimmatbaho metallar (toshlar);
2.Tashqi iqtisodiy faoliyat. Bojxona / Eksport va import]
Oʻzbekiston Respublikasi Prezidentining
Farmoni
Eksport-import operatsiyalari boʻyicha valyuta nazoratini taʼminlash chora-tadbirlari toʻgʻrisida
Chet el valyutalaridagi operatsiyalarni tartibga solish, eksport qilishdan olingan valyuta tushumlari ustidan amaliy nazorat oʻrnatish va tovarlar hamda xizmatlarni import qilishni amalga oshirishda undan samarali foydalanish maqsadida:
[OKOZ:
1.10.00.00.00 Tashqi iqtisodiy faoliyat. Bojxona ishi / 10.03.00.00 Tarifsiz tartibga solish / 10.03.01.00 Kvotalashtirish va litsenziyalash]
1. Belgilab qoʻyilsinki, tovarlar (ishlar, xizmatlar)ni eksport qilish uchun kvotalar boshqa yuridik shaxslarga sotilmaydi, berilmaydi yoki qayta taqsimlanmaydi;
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.21.00.00 Bank faoliyati / 07.21.15.00 Boshqa operatsiyalar va bitimlar]
Oʻzbekiston Respublikasi korxonalari, tashkilotlari va muassasalarining eksport-import operatsiyalari boʻyicha xorijiy sheriklar bilan oʻzaro hisob-kitoblarni firmalarning chet el banklaridagi schyotlari orqali amalga oshirishlari taqiqlanadi va qonun boʻyicha jazolanadi.
2. Oʻzbekiston Respublikasi jismoniy va yuridik shaxslarning eksport-import hamda boshqa valyuta operatsiyalari boʻyicha xorijiy valyutadagi mablagʻlari harakati ustidan nazorat qilish Tashqi iqtisodiy aloqalar, investitsiyalar va savdo vazirligi, Davlat soliq qoʻmitasi, Davlat bojxona qoʻmitasi va Moliya vazirligi bilan birgalikda Markaziy bank va tijorat banklariga yuklatilsin.
(2-band Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
3. Eksport-import operatsiyalari boʻyicha valyuta nazorati toʻgʻrisida nizom ilovaga muvofiq tasdiqlansin.
4. Oʻzbekiston Respublikasi Adliya vazirligi valyuta tushumlarini qaytarishning va uning davlatga tegishli ulushini toʻlashning belgilangan tartibini buzganlik uchun jismoniy va yuridik shaxslarga nisbatan jinoiy va boshqa javobgarlik choralarini belgilash boʻyicha takliflar kiritsin.
5. Oʻzbekiston Respublikasi Vazirlar Mahkamasi ikki hafta muddatda Hukumatning ilgari qabul qilgan qarorlarini, shuningdek vazirliklar va idoralarning normativ hujjatlarini mazkur Farmonga muvofiqlashtirishni taʼminlasin;
Oʻzbekiston Respublikasining Prezidenti I. KARIMOV
Toshkent sh.,
1994-yil 20-aprel,
PF-837-son
Oʻzbekiston Respublikasi Prezidentining 1994-yil 20-apreldagi PF-837-son Farmoniga ILOVA
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.27.00.00 Valyutani tartibga solish va valyutani nazorat qilish / 07.27.09.00 Valyuta nazorati]
Eksport-import operatsiyalari boʻyicha valyuta nazorati toʻgʻrisida
NIZOM
Oʻzbekiston Respublikasi Prezidentining “Eksport-import operatsiyalari boʻyicha valyuta nazoratini taʼminlash chora-tadbirlari toʻgʻrisida”gi Farmoniga hamda Oʻzbekiston Respublikasi Vazirlar Mahkamasining “Pul muomalasini mustahkamlash va “Soʻm-kupon”ning xarid quvvatini oshirish borasida kechiktirib boʻlmaydigan chora-tadbirlar” toʻgʻrisida 1994-yil 11-apreldagi 195-son qaroriga muvofiq korxonalar, birlashmalar va tashkilotlar (bundan keyin korxonalar deb ataladi) tomonidan tashqi iqtisodiy operatsiyalarni amalga oshirishda chet el valyutasidagi mablagʻlarning harakatini nazorat qilishning quyidagi tartibi belgilanadi.
1.07.00.00.00 Moliya va kredit toʻgʻrisidagi qonunchilik. Bank faoliyati / 07.19.00.00 Bank tizimi / 07.19.01.00 Markaziy bank, uning tarkibiy boʻlinmalari va muassasalari]
1. Oʻzbekiston Respublikasi korxonalari, agar Oʻzbekiston Respublikasi Markaziy banki tomonidan boshqacha tartib belgilanmagan boʻlsa, chet el valyutasidagi schyotni faqat Oʻzbekistonning tijorat banklarida ochishlari mumkin.
(1-band Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.21.00.00 Bank faoliyati / 07.21.13.00 Valyuta operatsiyalari (shuningdek, 07.27.00.00ga qarang)]
2. Korxonalarning xoʻjalik faoliyatidan olingan chet el valyutasidagi barcha mablagʻlar Oʻzbekiston Respublikasi Markaziy banki belgilaydigan tartibda ularning chet el valyutasidagi schyotlariga albatta oʻtkazilishi kerak.
II. Eksport-import operatsiyalari boʻyicha kontraktlarni roʻyxatdan oʻtkazish va ularning bajarilishini nazorat qilish
3. Korxonalar tomonidan ularning xorijiy, shu jumladan MDH mamlakatlaridagi sheriklar bilan litsenziya beriladigan tovarlar eksporti yuzasidan tuzadigan kontraktlari belgilangan tartibda Oʻzbekiston Respublikasi Tashqi iqtisodiy aloqalar, investitsiyalar va savdo vazirligida roʻyxatdan oʻtkazilishi kerak.
(3-band Oʻzbekiston Respublikasi Prezidentining 2005-yil 20-sentabrdagi PF-3661-son Farmoni tahririda — Oʻzbekiston Respublikasi Qonun hujjatlari toʻplami, 2005-y., 37-38-son, 282-modda)
4. Barcha tashqi savdo shartnomalari valyuta nazorati organlarida, Tashqi savdo operatsiyalarining yagona elektron axborot tizimi (TSOYEAT) orqali tijorat banklarida monitoringdan oʻtkaziladi.
(4-band Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
1.10.00.00.00 Tashqi iqtisodiy faoliyat. Bojxona ishi / 10.01.00.00 Tashqi iqtisodiy faoliyat sohasidagi umumiy qoidalar / 10.01.02.00 Tashqi iqtisodiy faoliyatning boshqaruvi]
5. Tovarlarni eksport qiluvchi korxonalar yukning bojxona deklaratsiyasida xorijiy sheriklar bilan hisob-kitoblar, uning orqali amalga oshiriladigan tijorat bankining rekvizitlarini va toʻliq nomini koʻrsatadilar.
(5-band Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
6. Davlat bojxona xizmati organlari tashqi savdo shartnomalari boʻyicha tovarlar harakati toʻgʻrisidagi maʼlumotlarning TSOYEATga toʻliq, oʻz vaqtida va toʻgʻri kiritilishi nazorati (monitoringi)ni amalga oshiradi.
(6-band Oʻzbekiston Respublikasi Prezidentining 2014-yil 8-iyuldagi PF-4630-sonli Farmoni tahririda — OʻR QHT, 2014-y., 28-son, 336-modda)
7. Tijorat banki tashqi savdo shartnomalari boʻyicha pul mablagʻlarining harakati toʻgʻrisidagi maʼlumotlar TSOYEATga toʻliq, oʻz vaqtida va toʻgʻri kiritilishi kundalik nazoratini amalga oshiradi.
(7-bandning birinchi xatboshisi Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
Pul mablagʻlarining belgilangan muddatlarda kelib tushmagani yoki kam miqdorda tushgani haqidagi maʼlumotlar TSOYEATda shakllantiriladi. Davlat soliq xizmati organlari tegishli choralar qabul qilish uchun TSOYEATdagi maʼlumotlardan foydalanadi.
(7-band Oʻzbekiston Respublikasi Prezidentining 2014-yil 8-iyuldagi PF-4630-sonli Farmoni tahririda — OʻR QHT, 2014-y., 28-son, 336-modda)
(8-band Oʻzbekiston Respublikasi Prezidentining 2018-yil 3-maydagi PF-5428-sonli Farmoniga asosan oʻz kuchini yoʻqotgan)
III. Eksport va import qiluvchi korxonalarning javobgarligi
9. Korxonalar yuklab joʻnatilgan tovarlar va koʻrsatilgan xizmatlar uchun tushumlar ularning schyotlariga oʻz vaqtida va toʻliq kelib tushishi uchun javobgardirlar.
Bunda oʻzbekistonlik eksport qiluvchilar tomonidan olingan tushumni boshqa yuridik shaxslar foydasiga transferabel akkreditivlar va boshqa toʻlov hujjatlarini qoʻllash yoʻli bilan qayta berish taqiqlanadi.
10. Korxonalar chet el valyutasidagi tushumni yashirgan hollarda Markaziy bank, respublikaning moliya va soliq organlari tomonidan ularning vakolatlari doirasida quyidagi sanksiyalar qoʻllanadi:
(10-bandning ikkinchi xatboshisi Oʻzbekiston Respublikasi Prezidentining 2018-yil 3-maydagi PF-5428-sonli Farmoniga asosan chiqarilgan — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
moliyaviy sanksiyalarni qoʻllash va Oʻzbekiston Respublikasi qonun hujjatlarida belgilanadigan miqdorlarda maʼmuriy jarima solish;
qoidalarni buzgan yoki valyuta nazorati va tartibga solish normalariga rioya qilinishi uchun tegishli chora-tadbirlar koʻrmagan mansabdor shaxslarni amaldagi qonun hujjatlariga muvofiq javobgarlikka tortish.
Valyutani sotib olish, sotish va undan foydalanish tartiblarini buzganlik uchun tijorat banklariga va xoʻjalik yurituvchi subyektlarga nisbatan qonunchilikda belgilangan jazo choralari, shu jumladan ularning ichki valyuta bozorida joriy valyutani sotib olish huquqidan vaqtincha 6 oy muddatga qadar mahrum etishgacha boʻlgan jazo qoʻllaniladi.
(10-bandning beshinchi xatboshisi Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
Chet ellardan xorijiy valyutadagi tushumning kelib tushishi muddatlarini kechiktirishga yoʻl qoʻygan eksportyorlar, shuningdek, tovarlarning respublikaga olib kirilishini va ularning “erkin muomalaga chiqarish” rejimida rasmiylashtirilishini, ishlar va xizmatlar koʻrsatish 30 bank kunidan koʻproq muddatda (kichik biznes va xususiy tadbirkorlik subyektlari uchun — 60 bank kunida) bajarilishini taʼminlamagan importyorlar belgilangan muddatlar tugagandan soʻng respublika budjeti daromadiga jarima toʻlaydilar:
(10-bandning oltinchi xatboshisi Oʻzbekiston Respublikasi Prezidentining 2017-yil 18-dekabrdagi PF-5287-sonli Farmoni tahririda — Qonun hujjatlari maʼlumotlari milliy bazasi, 19.12.2017-y., 06/17/5287/0425-son)
valyuta tushumi tushirilishi belgilangan muddatlardan 180 kun kechiktirilgan hollarda — kelib tushmagan valyuta mablagʻi summasining 10 foizi ekvivalentida;
valyuta tushumi tushirilishi belgilangan muddatlardan 180 kundan 365 kungacha kechiktirilgan hollarda — kelib tushmagan valyuta mablagʻi summasining qoʻshimcha 20 foizi ekvivalentida;
valyuta tushumi tushirilishi belgilangan muddatlardan 365 kundan ortiq kechiktirilgan hollarda — kelib tushmagan valyuta mablagʻi summasining qoʻshimcha 70 foizi ekvivalentida.
(10-bandning oltinchi xatboshisi Oʻzbekiston Respublikasi Prezidentining 2011-yil 27-oktabrdagi PF-4374-sonli Farmoni tahririda — OʻR QHT, 2011-y., 43-44-son, 461-modda)
Eksport shartnomasining sugʻurta polisi boʻyicha tadbirkorlik subyektlarining hisobvaragʻiga sugʻurta tovon puli (milliy va (yoki) xorijiy valyutalarda) kelib tushganida ushbu eksport shartnomasi boʻyicha debitor qarzdorligi summasi, moliyaviy sanksiyalarni qoʻllash maqsadlarida, kelib tushgan sugʻurta tovon puli miqdorida kamaytiriladi.
(10-band Oʻzbekiston Respublikasi Prezidentining 2017-yil 18-dekabrdagi PF-5287-sonli Farmoniga asosan xatboshi bilan toʻldirilgan — Qonun hujjatlari maʼlumotlari milliy bazasi, 19.12.2017-y., 06/17/5287/0425-son)
11. Chet el valyutasidagi tushumni Oʻzbekiston Respublikasi Markaziy bankining ruxsatisiz xorijiy banklarda ochilgan schyotlarga oʻtkazish chet el valyutasidagi tushumni yashirib qolish hisoblanadi.
12. Import qilinayotgan tovarlarga haq toʻlash korxonaning Oʻzbekistonning unga xizmat koʻrsatadigan vakil qilingan bankdagi schyotidan amalga oshirilishi kerak.
(13-bandning ikkinchi xatboshisi Oʻzbekiston Respublikasi Prezidentining 2003-yil 16-iyuldagi PF-3276-sonli Farmoniga asosan chiqarilgan — Oliy Majlis Axborotnomasi, 2003-y., 6-7-son, 93-modda)
(IV boʻlim nomi Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
14. Tijorat banklari pul mablagʻlarining harakati toʻgʻrisidagi maʼlumotlar TSOYEATga toʻgʻri va oʻz vaqtida kiritilishi hamda tashqi savdo operatsiyalari boʻyicha toʻlov shakllarining toʻgʻri qoʻllanilishi boʻyicha javobgardirlar.
(14-band Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
15. Tijorat banklarining notoʻgʻri harakatlari yoki oʻz vakolatlarini oshirib yuborishlari oqibatida xoh davlatga, xoh chet el valyutasidagi schyotlar egalariga yetkazilgan zararlar va ziyon shu banklar tomonidan majburiy ravishda qoplanishi kerak.
(15-band Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)
(Oʻzbekiston Respublikasi Oliy Kengashining Axborotnomasi, 1994-y., 4-son, 107-modda; Oʻzbekiston Respublikasi qonun hujjatlari toʻplami, 2000-y., 11-son, 171-modda; 2003-y., 1-2-son, 3-modda; Oʻzbekiston Respublikasi Oliy Majlisining Axborotnomasi, 2003-y., 6-7-son, 93-modda; Oʻzbekiston Respublikasi qonun hujjatlari toʻplami, 2005-y., 37-38-son, 282-modda; 2011-y., 43-44-son, 461-modda; 2014-y., 28-son, 336-modda; Qonun hujjatlari maʼlumotlari milliy bazasi, 19.12.2017-y., 06/17/5287/0425-son; Qonun hujjatlari maʼlumotlari milliy bazasi, 04.05.2018-y., 06/18/5428/1158-son, 14.07.2018-y., 06/18/5476/1504-son; Qonun hujjatlari maʼlumotlari milliy bazasi, 06.03.2019-y., 06/19/5684/2708-son; 25.10.2019-y., 06/19/5856/3956-son; 09.07.2020-y., 06/20/6021/1047-son)
