|
Hujjat kuchini yo‘qotgan 01.03.2022
|
O‘zbekiston Respublikasi Vazirlar Mahkamasining
qarori
Apostil qo‘yish tartibi to‘g‘risidagi nizomni tasdiqlash haqida
LexUZ sharhiMazkur qaror O‘zbekistan Respublikasi Vazirlar Mahkamasining 2021-yil 3-dekabrdagi 732-sonli “Rasmiy hujjatlarga apostil qo‘yish tartibini yanada takomillashtirish chora-tadbirlari to‘g‘risida”gi qaroriga asosan 2022-yil 1-martdan o‘z kuchini yo‘qotadi.
O‘zbekiston Respublikasi Prezidentining “Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961-yil 5-oktabr) qoidalarini amalga oshirish chora-tadbirlari to‘g‘risida” 2011-yil 5-iyuldagi PQ-1566-son qarorini bajarish yuzasidan Vazirlar Mahkamasi qaror qiladi:
1. Apostil qo‘yish tartibi to‘g‘risidagi nizom 1-ilovaga muvofiq tasdiqlansin.
2. Belgilansinki,
apostil qo‘yish va uni e’tirof etish 2012-yil 15-apreldan — Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961-yil 5-oktabr) O‘zbekiston Respublikasi uchun kuchga kirgan sanadan boshlab amalga oshiriladi;
O‘zbekiston Respublikasining vazirliklari, idoralari, mahalliy davlat hokimiyati organlari va boshqa tashkilotlari Xorijiy rasmiy hujjatlarni legallashtirish talabini bekor qiluvchi Konvensiyada (Gaaga, 1961-yil 5-oktabr) nazarda tutilgan hollarda xorijiy davlatlarning rasmiy hujjatlarini legallashtirmasdan qabul qilishga majburdirlar va Konvensiya qatnashchilari bo‘lgan mamlakatlardan chiqadigan, apostil qo‘yilgan rasmiy hujjatlarni qabul qilishni va ulardan foydalanishni rad eta olmaydilar.
3. Vazirliklar, idoralar va mahalliy davlat hokimiyati organlari rasmiy hujjatlarni imzolash vakolatiga ega bo‘lgan shaxslarning imzolari hamda muhr va shtamplarning bosma izi namunalarini muntazam ravishda:
Oldingi tahrirga qarang.
tegishli hududdagi adliya organlari va muassasalaridan hamda fuqarolik holati dalolatnomalarini qayd etish organlaridan chiqadigan rasmiy hujjatlar bo‘yicha — Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalariga;
(3-bandning ikkinchi xatboshisi O‘zbekiston Respublikasi Vazirlar Mahkamasining 2019-yil 15-fevraldagi 134-sonli qarori tahririda — Qonun hujjatlari ma’lumotlari milliy bazasi, 16.02.2019-y., 09/19/134/2621-son)
Oldingi tahrirga qarang.
sudlardan chiqadigan rasmiy hujjatlar bo‘yicha — O‘zbekiston Respublikasi Oliy sudiga;
(3-band O‘zbekiston Respublikasi Vazirlar Mahkamasining 2019-yil 15-fevraldagi 134-sonli qaroriga asosan uchinchi xatboshi bilan to‘ldirilgan — Qonun hujjatlari ma’lumotlari milliy bazasi, 16.02.2019-y., 09/19/134/2621-son)
Oldingi tahrirga qarang.
prokuratura, tergov, surishtiruv va tergovga qadar tekshiruvni amalga oshiruvchi organlaridan chiqadigan rasmiy hujjatlar bo‘yicha — O‘zbekiston Respublikasi Bosh prokuraturasiga;
(3-bandning uchinchi xatboshisi O‘zbekiston Respublikasi Vazirlar Mahkamasining 2017-yil 1-dekabrdagi 960-sonli qarori tahririda — Qonun hujjatlari ma’lumotlari milliy bazasi, 04.12.2017-y., 09/17/960/0355-son)
Oldingi tahrirga qarang.
ta’lim sohasi tashkilotlaridan chiqadigan rasmiy hujjatlar bo‘yicha — O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasiga;
(3-bandning beshinchi xatboshisi O‘zbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik ma’lumotlari milliy bazasi, 04.06.2021-y., 09/21/345/0522-son)
boshqa rasmiy hujjatlar bo‘yicha — O‘zbekiston Respublikasi Tashqi ishlar vazirligiga yuborsinlar.
4. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.N. Aripov va E.M. G‘aniyev zimmasiga yuklansin.
O‘zbekiston Respublikasining Bosh vaziri Sh. MIRZIYOYEV
Toshkent sh.,
2011-yil 17-noyabr,
307-son
Vazirlar Mahkamasining 2011-yil 17-noyabrdagi 307-son qaroriga
1-ILOVA
1-ILOVA
Apostil qo‘yish tartibi to‘g‘risida
Nizom
I Umumiy qoidalar
1. Ushbu Nizom O‘zbekiston Respublikasi hududida tuzilgan rasmiy hujjatlarga maxsus shtamp “Apostille” (keyingi o‘rinlarda apostil deb ataladi) qo‘yish tartibini belgilaydi. U bilan xorijiy rasmiy hujjatlarni legallashtirish talabini bekor qiluvchi Konvensiyaning (Gaaga, 1961-yil 5-oktabr) (keyingi o‘rinlarda Konvensiya deb ataladi) 5-moddasiga muvofiq hujjatni imzolagan sifatida ish ko‘rgan shaxsning imzosi haqiqiyligi va hujjatni tasdiqlagan muhr yoki shtamp bosma izi haqiqiyligi tasdiqlanadi.
2. Ushbu Nizomda quyidagi asosiy tushunchalardan foydalaniladi:
vakolatli davlat organi — O‘zbekiston Respublikasi Prezidentining “Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961-yil 5-oktabr) qoidalarini amalga oshirish chora-tadbirlari to‘g‘risida” 2011-yil 5-iyuldagi PQ-1566-son qaroriga muvofiq apostil qo‘yish vakolati berilgan davlat organi;
apostil — hujjatni imzolagan sifatida ish ko‘rgan shaxsning imzosi haqiqiyligini va hujjatni tasdiqlagan muhr yoki shtamp bosma izi haqiqiyligini tasdiqlaydigan Konvensiyaga muvofiq rasmiy hujjatga chet elda foydalanish maqsadida qo‘yiladigan maxsus shtamp;
apostil qo‘yish — hujjatni imzolagan sifatida ish ko‘rgan shaxs imzosining haqiqiyligini va hujjatni tasdiqlagan muhr yoki shtamp bosma izi haqiqiyligini tasdiqlash uchun zarur bo‘lgan rasmiy tartib-qoida;
“yulduzcha” — hujjat varaqlari mahkamlanadigan joyga yopishtiriladigan va apostilni qo‘ygan vakolatli davlat organining gerbli muhri bosiladigan qalin qog‘oz.
Oldingi tahrirga qarang.
21. Adliya organlari va muassasalaridan hamda fuqarolik holati dalolatnomalarini qayd etish organlaridan chiqadigan rasmiy hujjatlar bo‘yicha apostil qo‘yish O‘zbekiston Respublikasi Vazirlar Mahkamasi tomonidan belgilanadigan tartibda Davlat xizmatlari markazlari orqali Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari tomonidan amalga oshiriladi.
(21-band O‘zbekiston Respublikasi Vazirlar Mahkamasining 2019-yil 15-fevraldagi 134-sonli qaroriga asosan kiritilgan — Qonun hujjatlari ma’lumotlari milliy bazasi, 16.02.2019-y., 09/19/134/2621-son)
3. Apostil hujjatni imzolagan sifatida ish ko‘rgan shaxs imzosining haqiqiyligini va hujjatni tasdiqlagan muhr yoki shtamp bosma izi haqiqiyligini tasdiqlash uchun rasmiy hujjatlarga qo‘yiladi.
Apostilga qo‘yiladigan imzo, muhr yoki shtamp qo‘shimcha ravishda tasdiqlashni talab etmaydi.
4. Vakolatli davlat organlari rasmiy hujjatlarga apostil qo‘yish funksiyasini amalga oshiradilar va ushbu Nizom bajarilishini ta’minlaydilar.
5. Apostil:
chet elda O‘zbekiston Respublikasining elchixonalari yoki konsullik muassasalari tomonidan sodir etilgan hujjatlarga;
tijorat yoki bojxona operatsiyalariga to‘g‘ridan to‘g‘ri aloqador bo‘lgan hujjatlarga;
pasportga, harbiy biletga qo‘yilmaydi.
6. Apostil qo‘yish, agar hujjat taqdim etiladigan davlatda amal qiladigan qonunlar, qoidalar yoki urf-odatlar yoxud ikki yoki bir necha ahdlashuvchi davlat o‘rtasidagi ahdlashuv hujjatni legallashtirishni soddalashtirsa yoki ozod qilsa talab qilinmasligi mumkin.
7. Rasmiy hujjatni taqdim etgan istalgan shaxs ariza beruvchi hisoblanadi.
Oldingi tahrirga qarang.
8. Apostil qo‘yish to‘g‘risidagi ariza ko‘rib chiqilganligi uchun:
ta’lim va fan sohasi tashkilotlaridan chiqadigan rasmiy hujjatlar bo‘yicha — O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan bazaviy hisoblash miqdorining 20 foizi miqdorida;
boshqa hujjatlar bo‘yicha — vakolatli davlat organlari tomonidan bazaviy hisoblash miqdorining 10 foizi miqdorida yig‘im undiriladi.
Ariza beruvchi berilgan arizadan voz kechgan taqdirda to‘langan yig‘im summasi qaytarilmaydi.
Apostil qo‘yish rad etilgan taqdirda ushbu Nizomga muvofiq rad etish to‘g‘risidagi bildirishnoma rad etish sabablari va ariza beruvchi ko‘rsatib o‘tilgan sabablarni bartaraf etib takroran ko‘rib chiqish uchun rasmiy hujjatlarni taqdim etishi mumkin bo‘lgan muddat (30 kalendar kun) ko‘rsatilgan holda ariza beruvchiga yozma shaklda yuboriladi (topshiriladi). Ariza takroran ko‘rib chiqilganligi uchun yig‘im undirilmaydi.
Rad etish to‘g‘risidagi bildirishnomada ko‘rsatilgan muddat tamom bo‘lgandan keyin berilgan ariza yangidan berilgan ariza deb hisoblanadi.
Apostil qo‘yish to‘g‘risidagi ariza ko‘rib chiqilganligi uchun yig‘im quyidagi tartibda taqsimlanadi:
Oldingi tahrirga qarang.
a) ta’lim sohasi tashkilotlaridan chiqadigan rasmiy hujjatlar bo‘yicha yig‘im O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasining maxsus hisob raqamiga o‘tkaziladi hamda quyidagi tartibda taqsimlanadi:
(8-bandning “a” kichik bandi birinchi xatboshisi O‘zbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonunchilik ma’lumotlari milliy bazasi, 04.06.2021-y., 09/21/345/0522-son)
60 foizi — O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasining hisob raqamiga;
40 foizi — O‘zbekiston Respublikasining Davlat budjetiga;
b) boshqa hujjatlar bo‘yicha vakolatli davlat organlarining maxsus hisob raqamiga o‘tkaziladi va quyidagi tartibda taqsimlanadi:
25 foizi — vakolatli davlat organining hisob raqamiga;
75 foizi — O‘zbekiston Respublikasining Davlat budjetiga.
Apostil qo‘yilganligi uchun hujjatlar to‘plami mavjud bo‘lgan taqdirda yig‘im ayni bir ishga tegishli bo‘lgan har bir hujjat uchun emas, balki butun to‘plam uchun undiriladi.
Apostil qo‘yish uchun murojaat qilgan davlat organi yoki boshqa davlat tashkiloti yig‘im to‘lashdan ozod qilinadi.
(8-band O‘zbekiston Respublikasi Vazirlar Mahkamasining 2019-yil 30-sentabrdagi 821-sonli qarori tahririda — Qonun hujjatlari ma’lumotlari milliy bazasi, 30.09.2019-y., 09/19/821/3833-son)
9. Rasmiy hujjatlar apostil qo‘yish uchun asl nusxalarda yoki ariza beruvchining xohishiga ko‘ra notarial tasdiqlangan nusxalarda qabul qilinadi.
10. Apostil shakli o‘zbek yoki ingliz tilida to‘ldiriladi.
II. Apostil qo‘yish ijro etilishi tartibi to‘g‘risida xabardor qilish
11. Vakolatli davlat organlariga apostil qo‘yishga rasmiy hujjatlarni taqdim etgan ariza beruvchilar vakolatli davlat organi xodimlari (keyingi o‘rinlarda xodim deb ataladi) tomonidan:
apostil qo‘yish rad etilganligi;
hujjatlarni rasmiylashtirish tugallangan sana va ularni olish mumkinligi to‘g‘risida majburiy tartibda xabardor qilinadilar.
12. Apostil qo‘yish masalalari bo‘yicha maslahatlar (ma’lumotnomalar) apostil qo‘yish masalalarini ko‘rib chiqish vakolatiga kiradigan xodimlar tomonidan beriladi.
13. Maslahatlar quyidagi masalalar bo‘yicha:
vakolatli davlat organlari to‘g‘risida, shu jumladan ular joylashgan joy to‘g‘risidagi ma’lumotlar;
apostil qo‘yiladigan rasmiy hujjatlarning turlari va xususiyati to‘g‘risida;
apostil qo‘yish uchun taqdim etiladigan rasmiy hujjatlarga qo‘yiladigan talablar to‘g‘risida;
apostil qo‘yilganligi uchun yig‘im miqdori to‘g‘risida;
hujjatlarni qabul qilish va berish vaqti to‘g‘risida;
apostil qo‘yish muddatlari to‘g‘risida;
apostil qo‘yish davomida amalga oshiriladigan harakatlar (harakatsizlik) va qabul qilinadigan qarorlar ustidan shikoyat qilish tartibi to‘g‘risida;
Konvensiya qatnashchilari bo‘lgan mamlakatlar to‘g‘risida beriladi.
14. Ushbu Nizomning 13-bandida nazarda tutilgan ma’lumotlar axborot stendlarida va vakolatli davlat organining rasmiy veb-saytida ham joylashtiriladi.
15. Rasmiy hujjatga apostil qo‘yish to‘g‘risidagi murojaatni ko‘rib chiqish natijalari bo‘yicha quyidagi qarorlardan biri qabul qilinishi mumkin:
rasmiy hujjatga apostil qo‘yish;
rasmiy hujjatga apostil qo‘yishni rad etish.
16. Rasmiy hujjatga apostil qo‘yish to‘g‘risidagi arizani ko‘rib chiqish muddati imzo namunasini va apostil qo‘yish uchun taqdim etilgan rasmiy hujjatni imzolagan aniq mansabdor shaxsning imzo qo‘yish huquqiga vakolatlarini tasdiqlash va (yoki) hujjat chiqadigan tashkilotning muhri bosma izi namunasini talab qilish zarur bo‘lmagan taqdirda hujjatlar taqdim etilgan kundan boshlab 5 ish kunidan ortiq bo‘lmasligi kerak.
Imzo namunasini va apostil qo‘yish uchun taqdim etilgan rasmiy hujjatni imzolagan aniq mansabdor shaxsning imzo qo‘yish huquqiga vakolatlarini tasdiqlash va (yoki) rasmiy hujjat chiqadigan tashkilot muhri bosma izi namunasini talab qilish zarur bo‘lgan taqdirda rasmiy hujjatga apostil qo‘yish to‘g‘risidagi arizani ko‘rib chiqish muddati 20 ish kunidan ortiq bo‘lmasligi kerak.
III. Apostilni qo‘yish
17. Apostilni qo‘yish quyidagi xatti-harakatlarni o‘z ichiga oladi:
hujjatlarni qabul qilish va ro‘yxatdan o‘tkazish;
apostil qo‘yish rad etilishi uchun asoslar yo‘qligini aniqlash, shu jumladan mansabdor shaxsning imzosi va rasmiy hujjatdagi tashkilotning muhri bosma izi mavjud namunalarga muvofiqligini tekshirish;
apostilni qo‘yish (apostil qo‘yish rad etilishi uchun asoslar mavjud bo‘lmagan taqdirda);
apostil qo‘yish rad etilishi (apostil qo‘yish rad etilishi uchun asoslar aniqlangan taqdirda);
hujjatlarni berish.
18. Apostil qo‘yish uchun:
rasmiy hujjatga apostil qo‘yish to‘g‘risida ariza (ushbu Nizomga 1-ilova);
ariza beruvchining shaxsini tasdiqlaydigan hujjatning nusxasi;
xorijiy davlat — Konvensiya qatnashchisi hududida foydalaniladigan rasmiy hujjat;
apostil qo‘yilganligi uchun yig‘im to‘langanligi to‘g‘risidagi hujjat taqdim etiladi.
19. Apostil qo‘yish to‘g‘risidagi ariza, shuningdek apostil qo‘yilganligi uchun yig‘im to‘lash to‘g‘risidagi hujjat yagona asl nusxada taqdim etiladi.
Apostil qo‘yish uchun vakolatli davlat organi tomonidan hujjatlar qabul qilingandan keyin apostil qo‘yish to‘g‘risidagi arizaning nusxasi ro‘yxatdan o‘tkazish tartib raqami va hujjat olinganligi to‘g‘risidagi belgi qo‘yilgan holda ariza beruvchiga qaytariladi.
20. Rasmiy hujjat ikki nusxada taqdim etiladi, ulardan biri ishga (nusxasi) tikiladi, boshqasi esa (asl nusxa) ariza beruvchiga beriladi.
21. Rasmiy hujjatlarda tegishli rekvizitlar (tartib raqami, sana, imzo, muhr) bo‘lishi kerak.
22. Apostil qo‘yish uchun taqdim etiladigan rasmiy hujjatlar aniq bajarilishi kerak. Apostil qo‘yish uchun taqdim etilgan rasmiy hujjatlardagi mansabdor shaxslarning imzolari va muhrlar bosma izi aniq bo‘lishi kerak.
23. Agar rasmiy hujjatda tuzatishlar va (yoki) qo‘shimcha yozuvlar bo‘lsa, ular hujjatga imzo chekkan shaxs tomonidan qayd etilishi kerak. Ko‘rsatib o‘tilgan qo‘shimcha yozuvlar va (yoki) tuzatishlar barcha xato yozilgan, keyinchalik esa tuzatilgan va ustidan chizilganlarni dastlabki shaklda o‘qish mumkin bo‘lgan tarzda bajarilishi kerak.
24. Xodim murojaatning idoraviy mansubligini aniqlaydi va uning predmetini belgilaydi. Agar vakolatli davlat organi tomonidan amalga oshiriladigan rasmiy hujjatlarga apostil qo‘yish ariza beruvchining murojaati predmeti hisoblanmasa, xodim ariza beruvchiga qaysi mansabdor shaxsga yoki qanday davlat organiga murojaat qilish zarurligini ma’lum qiladi.
25. Xodim chiquvchi hujjatlarni hisobga olish jurnaliga hujjatlar qabul qilinganligi to‘g‘risidagi yozuvni kiritadi, unda:
yozuvning tartib raqami;
hujjatlar qabul qilingan sana;
ariza beruvchi to‘g‘risidagi ma’lumotlar (jismoniy shaxsning familiyasi hamda ismi va otasi ismining bosh harflari, yuridik shaxsning nomi);
apostil qo‘yishga taqdim etilgan rasmiy hujjatlar soni;
apostil qo‘yish uchun taqdim etilgan rasmiy hujjatning rekvizitlari (tartib raqami, seriyasi, berilgan joyi va sanasi);
hujjatlarni qabul qilib olgan xodimning familiyasi, ismi hamda otasi ismining bosh harflari.
26. Hujjatlar vakolatli davlat organi tomonidan qabul qilingan sana hujjatlar taqdim etilgan sana hisoblanadi.
27. Xodim hujjatlar tushgandan keyin rasmiy hujjatdagi mansabdor shaxsning imzosi va tashkilot muhri bosma izining mavjud namunalarga muvofiqligini, shuningdek aytib o‘tilgan shaxsda apostil qo‘yish uchun taqdim etilgan rasmiy hujjatni imzolash huquqiga vakolatlar mavjudligini tekshiradi.
Apostil qo‘yish uchun taqdim etilgan rasmiy hujjatdagi muhr bosma izi mavjud namunaga muvofiqligini ko‘z bilan tekshirish davomida xodim tozalashlar, qo‘shimcha yozuvlar, qayd etilmagan tuzatishlar mavjud emasligini tekshiradi, shuningdek:
muhr izi rangi tusining bir tekisligi va to‘yinganligiga;
muhr izi elementlari tasvirining aniqligiga;
muhr izi rasmi konturi chetida ko‘zga ko‘rinarli farq qilinadigan bo‘yoqning sitib chiqmaganligiga;
muhr izi detallari buzilmaganligiga, bo‘yalib ketmaganligiga, o‘chirilmaganligiga alohida e’tiborni qaratadi.
28. Vakolatli davlat organida imzolar va muhr bosma izi namunalari mavjud bo‘lmagan taqdirda imzolar namunalarini va (yoki) apostil qo‘yishga taqdim etilgan rasmiy hujjatni aniq mansabdor shaxsning imzolash huquqiga vakolatlarni tasdiqlashga va hujjat chiqadigan tashkilot muhri bosma izi namunasini talab qilishga so‘rov belgilangan tartibda rasmiylashtiriladi va belgilangan joyga jo‘natiladi.
29. Vakolatli organdan imzolar namunalari va (yoki) apostil qo‘yish uchun taqdim etilgan hujjatni imzolagan aniq mansabdor shaxsning imzolash huquqiga vakolatlar tasdig‘i, hujjat chiqadigan tashkilot muhri bosma izi namunasi olingandan keyin xodim ushbu Nizomning 27-bandida nazarda tutilgan xatti-harakatlarni amalga oshiradi, olingan imzolar va muhr bosma izi namunalarini mavjud imzolar va muhrlar bosma izi namunalari bilan birgalikda hujjatlar yig‘majildiga joylashtiradi.
30. Amalga oshirilgan tekshirish natijalari bo‘yicha xodim:
apostil qo‘yish to‘g‘risida;
apostil qo‘yishni rad etish to‘g‘risida qaror qabul qiladi.
31. Apostil qo‘yish to‘g‘risida ijobiy qaror qabul qilingan taqdirda xodim taqdim etilgan rasmiy hujjatlarga apostil qo‘yadi.
32. Apostil qo‘yish apostil bosma izini bosish yo‘li bilan amalga oshiriladi, uning shakli ushbu Nizomga 2-ilovada belgilangan, u keyinchalik to‘ldiriladi.
Apostil 10 x 10 sm o‘lchamli kvadrat klishe shaklida bo‘ladi. Apostilning sarlavhasi fransuz tilida bo‘lishi kerak.
Apostilni kseronusxa yoki apostilning bosma izini bosishdan farq qiladigan boshqa usulda qo‘yishga yo‘l qo‘yilmaydi.
33. Apostilning bosma izi rasmiy hujjatning matndan bo‘sh joyiga yoxud uning orqa tomoniga, yoxud qog‘ozning alohida varag‘iga qo‘yiladi.
Apostilning bosma izi alohida varaqqa qo‘yilgan taqdirda, hujjatning varaqlari va apostilning bosma izi bosilgan varaqqa tartib raqami qo‘yiladi va istalgan rangdagi ip yoxud maxsus nozik bog‘ich, lenta bilan tikiladi. Hujjatning tikilgan joydagi oxirgi varag‘i qalin qog‘oz “yulduzcha” bilan yelimlanadi, unga O‘zbekiston Respublikasining Davlat gerbi tasviri tushirilgan muhr (keyingi o‘rinlarda gerbli muhr deb ataladi) bosiladi. Gerbli muhrning izi “yulduzcha”da va varaqda bir tekis joylashadi. Tikilgan varaqlar soni tikilgan va tartib raqami qo‘yilgan varaqlar soni to‘g‘risidagi ma’lumotlar bor bo‘lgan shtamp bilan tasdiqlanadi.
34. Xodim o‘zi qo‘ygan apostil bosma izini to‘ldiradi.
Apostil bosma izining 2-qatorida apostil qo‘yish uchun taqdim etilgan rasmiy hujjatni imzolagan mansabdor shaxsning familiyasi ko‘rsatiladi.
Agar rasmiy hujjatda aniq mansabdor shaxsning imzosi va uning familiyasi nazarda tutilmagan bo‘lsa, hujjat esa tashkilot nomidan chiqsa, apostil bosma izining 2-qatorida “imzo nazarda tutilmagan” (apostil izi to‘ldirilgan tilda) deb ko‘rsatiladi, 4-qatorda esa — hujjat chiqadigan tashkilotning rasmiy nomi ko‘rsatiladi.
Oldingi tahrirga qarang.
Apostil notarial tartibda tasdiqlangan rasmiy hujjatning nusxasiga qo‘yilganda apostil bosma izining 1-qatorida “Ushbu rasmiy hujjat/this public document” degan so‘zlardan keyin “notarial nusxasi” (apostil izi to‘ldirilgan tilda) so‘zlari, 2, 3, 4-qatorlarda esa notariusning familiyasi, lavozimi va tegishli ravishda notarial idoraning nomi ko‘rsatiladi.
(34-bandning to‘rtinchi xatboshisi O‘zbekiston Respublikasi Vazirlar Mahkamasining 2020-yil 1-apreldagi 195-sonli qarori tahririda — Qonun hujjatlari ma’lumotlari milliy bazasi, 01.04.2020-y., 09/20/195/0391-son)
Apostil bosma izining 3-qatorida rasmiy hujjatni imzolagan shaxsning lavozimi ko‘rsatiladi. Agar rasmiy hujjat bir necha shaxslar tomonidan imzolangan bo‘lsa, ularning lavozim bo‘yicha eng kattasining (masalan, sud tarkibidagi raislik qiluvchining) lavozim mavqeyi ko‘rsatiladi.
Apostil bosma izining 4-qatorida rasmiy hujjatni bergan tashkilotning rasmiy nomi ko‘rsatiladi.
Apostil bosma izining 5-qatorida apostil qo‘yilgan shahar ko‘rsatiladi.
Apostil bosma izining 6-qatorida raqamlar bilan apostil qo‘yilgan sana ko‘rsatiladi.
Apostil bosma izining 7-qatorida rasmiy hujjatni tasdiqlagan shaxsning familiyasi, lavozimi ko‘rsatiladi.
Apostil bosma izining 8-qatorida Apostilni ro‘yxatdan o‘tkazish daftaridagi tartib raqamiga muvofiq bo‘lgan tartib raqami ko‘rsatiladi.
Apostil bosma izining 9-qatoriga vakolatli davlat organining gerbli muhri bosiladi.
Apostil bosma izining 10-qatoriga apostil qo‘ygan shaxsning imzosi qo‘yiladi.
Apostil bosma izi matniga o‘zgartirishlar (tuzatishlar, tozalashlar) kiritilishiga yo‘l qo‘yilmaydi.
35. Rasmiy hujjatga apostil va gerbli muhr bosilgandan keyin xodim Apostilni ro‘yxatdan o‘tkazish daftariga, uning shakli ushbu Nizomga 3-ilovaga muvofiq belgilanadi, yozuvni kiritadi, unda:
yozuvning tartib raqami (apostil bosma izining 8-qatori);
apostil qo‘yilgan sana (apostil bosma izining 6-qatori);
apostil qo‘ygan shaxsning familiyasi, ismi va otasining ismi bosh harflari va lavozimi (apostil bosma izining 7 va 10-qatorlari);
apostil qo‘yiladigan rasmiy hujjatning nomi, uning rekvizitlari (tartib raqami, seriyasi, berilgan joyi va sana);
rasmiy hujjatni imzolagan shaxsning familiyasi va lavozimi (apostil bosma izining 2 va 3-qatorlari);
ariza beruvchining familiyasi, ismi va otasining ismi;
ariza beruvchining shaxsini tasdiqlaydigan hujjatning ma’lumotlari;
apostil taqdim etiladigan davlat (arizaga muvofiq ko‘rsatiladi);
apostil qo‘yilganligi uchun yig‘im to‘langanligi to‘g‘risidagi hujjatning rekvizitlari ko‘rsatiladi.
Agar ariza beruvchi apostil qo‘yilganligi uchun yig‘im to‘lashdan ozod etilgan bo‘lsa, Apostilni ro‘yxatdan o‘tkazish daftarining apostil qo‘yilganligi uchun yig‘im to‘lash uchun ma’lumotlar kiritiladigan ustunida apostil qo‘yilganligi uchun ariza beruvchi yig‘im to‘lashdan ozod etilganligining asosi ko‘rsatiladi.
36. Apostil qo‘yilgan rasmiy hujjat xodim tomonidan ariza beruvchi o‘z shaxsini tasdiqlaydigan hujjatni taqdim etganidan keyin beriladi.
37. Xodim ariza beruvchini beriladigan hujjatlar ro‘yxati bilan tanishtiradi (beriladigan hujjatlarning nomlarini e’lon qiladi). Ariza beruvchi Apostilni ro‘yxatdan o‘tkazish daftarining tegishli ustuniga hujjatlar olinganligi to‘g‘risida imzo chekadi. Qolgan hujjatlar hujjatlar yig‘majildiga joylashtiriladi.
38. Agar apostil taqdim etiladigan davlatda rasmiy hujjatning tarjimasini taqdim etish zarur bo‘lsa, apostil qo‘yilgandan keyin ko‘rsatib o‘tilgan hujjatlar, shu jumladan apostil tarjimon tomonidan apostil taqdim etiladigan mamlakat tiliga (yoki ingliz tiliga) tarjima qilinadi, shundan keyin tarjimonning imzosi notarius tomonidan tasdiqlanadi, oxirida tasdiqlangan tarjimaga apostil qo‘yiladi.
39. Quyidagi hollarda:
agar ariza beruvchi tomonidan ushbu Nizomning 5-bandida nazarda tutilgan hujjatlar taqdim etilgan bo‘lsa;
agar rasmiy hujjatda ushbu Nizomning 21-bandiga muvofiq zarur rekvizitlarning hech bo‘lmaganda biri mavjud bo‘lmasa;
agar rasmiy hujjatdagi mansabdor shaxsning imzosi va (yoki) muhr bosma izi vakolatli davlat organidagi namunaga muvofiq bo‘lmasa;
agar rasmiy hujjatni imzolagan mansabdor shaxs uni imzolash vakolatiga ega bo‘lmasa;
qonun hujjatlarida nazarda tutilgan boshqa hollarda apostil qo‘yish rad etiladi.
40. Apostil qo‘yishni rad etish yozma shaklda amalga oshiriladi.
41. Apostil qo‘yishni rad etish belgilangan tartibda rasmiylashtirilgandan keyin xodim uni ariza beruvchi tomonidan taqdim etilgan rasmiy hujjatlarni ilova qilgan holda ariza beruvchiga beradi. Bunda ariza beruvchi tomonidan uning shaxsini tasdiqlaydigan hujjat ko‘rsatiladi.
42. Rasmiy hujjatlarning asl nusxalari ariza beruvchiga topshirilgandan keyin qolgan rasmiy hujjatlarning nusxalari (ikkinchi nusxa) xodim tomonidan hujjatlar yig‘majildiga joylashtiriladi.
Oldingi tahrirga qarang.
Vakolatli davlat organlari tomonidan rasmiy hujjatlarning nusxalari joylashtirilgan hujjatlar yig‘majildi bir yil davomida saqlanadi, so‘ngra qonun hujjatlarida belgilangan tartibda yo‘q qilinadi.
(42-band O‘zbekiston Respublikasi Vazirlar Mahkamasining 2019-yil 30-sentabrdagi 821-sonli qaroriga asosan xatboshi bilan to‘ldirilgan — Qonun hujjatlari ma’lumotlari milliy bazasi, 30.09.2019-y., 09/19/821/3833-son)
IV. Yakunlovchi qoidalar
43. Vakolatli davlat organining apostil qo‘yishni rad etish to‘g‘risidagi qarori ustidan qonunda belgilangan tartibda sudga shikoyat qilish mumkin.
44. Ushbu Nizom talablarining buzilishida aybdor bo‘lgan shaxslar belgilangan tartibda javob beradilar.
Apostil qo‘yish tartibi to‘g‘risidagi nizomga
1-ILOVA
1-ILOVA
|
Jismoniy shaxs arizasining namunasi | ||
|
| ||
|
| ||
Men,________________________________________________________________________________, | ||
|
(ariza beruvchining to‘liq F.I.O.) | ||
| ______ yil “_____” ___________da ____________________________________ tomonidan berilgan | ||
|
(qachon va kim tomonidan berilgan) | ||
| pasport seriyasi_________________________ № ___________________________________________ __________________________________________________________________________________________________________________________________________________________________________ | ||
|
(shaxsni tasdiqlovchi boshqa hujjatning nomi va rekvizitlari) | ||
| ____________________________________________________________________ manzilda yashayman, | ||
|
(doimiy yoki vaqtincha yashash manzili) | ||
| aloqa qilinadigan telefonim __________________, ____________________ sanasida tug‘ilganman, | ||
| ___________________________________________________________________________________ga | ||
|
(apostil taqdim etiladigan mamlakat) | ||
| taqdim etiladigan rasmiy hujjatlarga apostil qo‘yishingizni so‘rayman. | ||
| Ushbu arizaga quyidagilar ilova qilinmoqda: | ||
|
T/r |
Hujjatning rekvizitlari |
Nusxalari soni |
| | | |
| | | |
| | | |
| | | |
| | | |
Quyidagi tildagi apostilning bosma izini to‘ldirishingizni so‘raymiz (keraklisi kvadratda belgilanadi): | ||
| □ o‘zbek tilida | □ ingliz tilida | |
Ushbu bilan apostilning amal qilishi faqat xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961-yil 5-oktabr) qatnashchilari bo‘lgan va O‘zbekiston Respublikasining mazkur Konvensiyaga qo‘shilishini e’tirof etadigan mamlakatlarga tatbiq etilishidan xabardor ekanligimni tasdiqlayman. | ||
|
|
________________________________________________________ | |
|
(ariza beruvchining imzosi) |
(ariza beruvchining to‘liq F.I.O) | |
|
Yuridik shaxs arizasining namunasi | ||
| ___________________________________________________________________________________ | ||
|
(davlat organining nomi) | ||
|
| ||
| ________________________________________________________________________________, <*> | ||
|
(yuridik shaxsning to‘liq nomi) | ||
| ________________________________________________________________, ro‘yxatdan o‘tkazilgan, | ||
|
(yuridik shaxsni kim va qachon ro‘yxatdan o‘tkazgan) | ||
| aloqa qilinadigan telefon__________________________________________________________ ga | ||
|
(apostil taqdim etiladigan mamlakat) | ||
| taqdim etiladigan rasmiy hujjatlarga apostil qo‘yilishini so‘raydi. | ||
|
| ||
|
T/r |
Hujjatning rekvizitlari |
Nusxalari soni |
| | | |
| | | |
| | | |
| | | |
| | | |
Quyidagi tildagi apostilning bosma izini to‘ldirishingizni so‘raymiz (keraklisi kvadratda belgilanadi): | ||
| □ o‘zbek tilida | □ ingliz tilida | |
Ushbu arizani va unga ilova qilinayotgan hujjatlarni taqdim etishga vakil qilingan shaxs: | ||
| __________________________________________________, tug‘ilgan sanasi ___________________, | ||
|
(vakilning to‘liq F.I.O.) |
| |
| ____________________________________________________________________________________. | ||
| (vakilning shaxsini tasdiqlovchi hujjatning nomi, seriyasi, tartib raqami, kim tomonidan, qachon berilgani)) | ||
| ______ yil “__” ______________ <**> | | |
Ushbu bilan. apostilning amal qilishi faqat xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961-yil 5-oktabr) qatnashchilari bo‘lgan va O‘zbekiston Respublikasining mazkur Konvensiyaga qo‘shilishini e’tirof etadigan mamlakatlarga tatbiq etilishidan xabardor ekanligimizni tasdiqlaymiz. | ||
| ___________________________ |
_____________ |
___________________________ |
|
(arizani ariza beruvchi nomidan imzolashga vakil qilingan shaxsning lavozimi) |
(imzo) |
(F.I.O.) |
<*> Davlat organi tomonidan to‘ldirilmaydi.
<**> Yuridik shaxsning vakili tomonidan to‘ldiriladi.
Apostil qo‘yish tartibi to‘g‘risidagi nizomga
2-ILOVA
2-ILOVA
|
APOSTILLE | |
|
(Convention de la Naye du 5 octobre 1961) | |
| 1. Davlat/Country __________________________________________________ O’zbekiston Respublikasi | |
| Ushbu rasmiy hujjat/this public document | |
| 2. Tomonidan imzolandi/ | |
| has been signed by _____________________________________________________________________ | |
| 3. Sifatida faoliyat yurituvchi/ | |
| Acting in the capacity of _________________________________________________________________ | |
| 4. Muhr/shtamp bilan tasdiqlangan/ | |
| bears the seal/stamp of __________________________________________________________________ | |
|
Tasdiqlandi/Certified | |
| 5. Shahar/at ___________________ | 6. Sana/the_________________ |
| 7. Tomonidan/ by __________________________ | |
| ____________________________________________________________________________________ | |
| 8. № ________________________________________________________________________________ | |
| 9. Muhr/shtamp/ | 10. Imzo/ |
| Seal/stamp _______________ | Signature _______________ |
Apostil qo‘yish tartibi to‘g‘risidagi nizomga
3-ILOVA
3-ILOVA
Apostilni ro‘yxatdan o‘tkazish
DAFTARINING ShAKLI
|
T/r |
Apostil qo‘yish sanasi |
Apostil qo‘ygan shaxsning F.I.O., lavozimi |
Hujjatning nomi, rekvizitlari |
Hujjatni imzolagan shaxsning F.I.O., lavozimi |
Apostil qo‘yish uchun hujjat taqdim etgan shaxsning F.I.O., shaxsni tasdiqlovchi hujjatning ma’lumotlari |
Apostil taqdim etiladigan mamlakat |
Apostil qo‘yish uchun yig‘im to‘langanligi to‘g‘risidagi belgi |
Hujjatni olgan shaxsning imzosi |
|
1 |
2 |
3 |
4 |
5 |
6 |
7 |
8 |
9 |
Vazirlar Mahkamasining 2011-yil 17-noyabrdagi 307-son qaroriga
2-ILOVA
2-ILOVA
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
Oldingi tahrirga qarang.
(1-band O‘zbekiston Respublikasi Vazirlar Mahkamasining 2020-yil 1-apreldagi 195-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 01.04.2020-y., 09/20/195/0391-son)
2. Vazirlar Mahkamasining 1997-yil 21-apreldagi 203-son qarori bilan tasdiqlangan Paxta va paxta tolasini kompleks qayta ishlovchi korxonalarni qurishga va ularni qayta ixtisoslashtirishga doir takliflar kiritish tartibi 1-bandining to‘rtinchi xatboshidagi “legallashtirilgan” so‘zidan keyin “yoki apostil qo‘ygan holda” so‘zlari qo‘shilsin.
Oldingi tahrirga qarang.
(3-band O‘zbekiston Respublikasi Vazirlar Mahkamasining 2016-yil 14-noyabrdagi 387-sonli qaroriga asosan o‘z kuchini yo‘qotgan — O‘R QHT, 2016-y., 50-son, 566-modda)
4. Vazirlar Mahkamasining 2000-yil 23-oktabrdagi 410-son qarori (O‘zbekiston Respublikasi QT, 2000-y., 10-son, 68-modda) bilan tasdiqlangan Xorijiy tijorat tashkilotlarining O‘zbekiston Respublikasi hududidagi vakolatxonalarini akkreditatsiya qilish tartibi va ularning faoliyati to‘g‘risidagi nizomda:
a) 11-bandning yettinchi xatboshiga quyidagi mazmundagi jumla qo‘shilsin:
“Agar hujjatlarga apostil qo‘yilgan bo‘lsa, legallashtirish talab etilmaydi”;
b) 28-bandning “v” kichik bandidagi “mazkur Nizomning 11-g bandi ikkinchi xatboshida nazarda tutilgan tartibda qonunlashtirilgan holda” so‘zlari “mazkur Nizomning 11-bandi yettinchi xatboshida nazarda tutilgan tartibda legallashtirilgan yoki apostil qo‘yilgan holda” so‘zlari bilan almashtirilsin.
Oldingi tahrirga qarang.
(5-band O‘zbekiston Respublikasi Vazirlar Mahkamasining 2018-yil 12-sentabrdagi 725-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 13.09.2018-y., 09/18/725/1874-son)
6. Vazirlar Mahkamasining 2003-yil 11-dekabrdagi 543-son qarorida:
a) 1-ilova (O‘zbekiston Respublikasi hududida xalqaro va xorijiy nohukumat tashkilotlari vakolatxonalari va filiallarini davlat ro‘yxatidan o‘tkazish va qayta ro‘yxatdan o‘tkazish tartibi to‘g‘risidagi nizom)da:
3-bandning o‘n ikkinchi xatboshiga quyidagi mazmundagi jumla qo‘shilsin:
“Agar hujjatga apostil qo‘yilgan bo‘lsa, legallashtirish talab etilmaydi”;
17-bandning “v” kichik bandidagi “legalizatsiya qilingan” so‘zlari “legallashtirilgan yoki apostil qo‘yilgan holda” so‘zlari bilan almashtirilsin;
b) O‘zbekiston Respublikasi Tashqi ishlar vazirligi huzuridagi Diplomatik vakolatxonalar, xorijiy davlatlarning konsullik muassasalari, xalqaro tashkilotlar vakolatxonalari va ularning xodimlarini akkreditatsiya qilish tartibiga 1-ilova 1-bandining “a” kichik bandi va 2-bandining “a” kichik bandidagi “legallashtirilgan” so‘zidan keyin “yoki apostil qo‘yilgan holda” so‘zlari qo‘shilsin.
Oldingi tahrirga qarang.
(7-band O‘zbekiston Respublikasi Vazirlar Mahkamasining 2020-yil 1-apreldagi 195-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 01.04.2020-y., 09/20/195/0391-son)
Oldingi tahrirga qarang.
(8-band O‘zbekiston Respublikasi Vazirlar Mahkamasining 2017-yil 10-apreldagi 196-sonli qaroriga asosan o‘z kuchini yo‘qotgan — O‘R QHT, 2017-y., 15-son, 252-modda)
(O‘zbekiston Respublikasi qonun hujjatlari to‘plami, 2011-y., 47-son, 489-modda; 2016-y., 50-son, 566-modda; 2017-y., 15-son, 252-modda, 29-son, 698-modda; Qonun hujjatlari ma’lumotlari milliy bazasi, 04.12.2017-y., 09/17/960/0355-son, 19.02.2018-y., 09/18/126/0783-son, 13.09.2018-y., 09/18/725/1874-son; 16.02.2019-y., 09/19/134/2621-son, 30.09.2019-y., 09/19/821/3833-son; 01.04.2020-y., 09/20/195/0391-son; Qonunchilik ma’lumotlari milliy bazasi, 04.06.2021-y., 09/21/345/0522-son)
