|
Hujjat kuchini yo‘qotgan 25.10.2019
|
OʻZBEKISTON RESPUBLIKASI MARKAZIY BANKI BOShQARUVINING
Qarori
MIKROKREDIT TAShKILOTLARIDA BUXGALTERIYA HISOBI HISOBVARAQLARI REJASIGA OʻZGARTIRISh VA QOʻShIMChALAR KIRITISh HAQIDA
[Oʻzbekiston Respublikasi Adliya vazirligi tomonidan 2011-yil 24-iyunda roʻyxatdan oʻtkazildi, roʻyxat raqami 1639-1]
LexUZ sharhiMazkur qaror Oʻzbekiston Respublikasi Markaziy banki Boshqaruvining 2019-yil 14-sentabrdagi 22/5-sonli ““Mikrokredit tashkilotlarida buxgalteriya hisobi hisobvaraqlari rejasini tasdiqlash haqida”gi qaror, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi qaroriga (roʻyxat raqami 1639-4, 25.10.2019-y.) asosan oʻz kuchini yoʻqotgan.
Oʻzbekiston Respublikasining “Oʻzbekiston Respublikasining Markaziy banki toʻgʻrisida” (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda), “Mikrokredit tashkilotlari toʻgʻrisida”gi (Oʻzbekiston Respublikasi qonun hujjatlari toʻplami, 2006-y., 37-38-son, 372-modda) qonunlariga va Oʻzbekiston Respublikasi Prezidentining 2010-yil 26-noyabrdagi PQ-1438-son “2011 — 2015-yillarda respublika moliya-bank tizimini yanada isloh qilish va barqarorligini oshirish hamda yuqori xalqaro reyting koʻrsatkichlariga erishishning ustuvor yoʻnalishlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2010-y., 48-son, 442-modda) muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvining 2006-yil 7-oktabrdagi 24/5-son qarori (roʻyxat raqami 1639, 2006-yil 11-noyabr) (Oʻzbekiston Respublikasi qonun hujjatlari toʻplami, 2006-y., 46-47-son, 463-modda) bilan tasdiqlangan Mikrokredit tashkilotlarida buxgalteriya hisobi hisobvaraqlari rejasiga ilovaga muvofiq oʻzgartirish va qoʻshimchalar kiritilsin.
2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.
Markaziy bank raisi F. MULLAJONOV
Toshkent sh.,
2011-yil 21-may,
16/5-son
Oʻzbekiston Respublikasi Markaziy banki Boshqaruvining 2011-yil 21-maydagi 16/5-son qaroriga
ILOVA
ILOVA
Mikrokredit tashkilotlarida buxgalteriya hisobi hisobvaraqlari rejasiga kiritilayotgan oʻzgartirish va qoʻshimchalar
1. II boʻlimda:
“15799” kodli hisobvaragʻidan keyin quyidagi mazmundagi “16100”, “16102” va “16104” kodli hisobvaraqlar bilan toʻldirilsin:
| “16100 | Bosh ofis va (yoki) filiallardan olinadigan mablagʻlar |
| 16102 | Bosh ofis va (yoki) filiallardan olinadigan mablagʻlar — Moliyaviy mablagʻlar |
| 16104 | Bosh ofis va (yoki) filiallardan olinadigan mablagʻlar — Boshqa aktivlar”; |
“19925” kodli hisobvaragʻidan keyin quyidagi mazmundagi “19927” kodli hisobvaraq bilan toʻldirilsin:
| “19927 | Chet el valyutasi kursi oʻzgarishi natijasida muddati uzaytirilgan xarajatlar”; |
“19931” va “22508” kodli hisobvaraqlarining “Nomi” ustunidagi “uzaytirilgan” degan soʻz “kechiktirilgan” degan soʻz bilan almashtirilsin;
“22104” kodli hisobvaragʻidan keyin quyidagi mazmundagi “22200”, “22203” va “22205” kodli hisobvaraqlar bilan toʻldirilsin:
| “22200 | Bosh ofis va (yoki) filiallarga toʻlanadigan mablagʻlar |
| 22203 | Bosh ofis va (yoki) filiallarga toʻlanadigan mablagʻlar — Moliyaviy mablagʻlar |
| 22205 | Bosh ofis va (yoki) filiallarga toʻlanadigan mablagʻlar — Boshqa aktivlar”; |
“22502” kodli hisobvaragʻining “Nomi” ustunidagi “daromad (foyda)” degan soʻzlar “foyda” degan soʻz bilan almashtirilsin;
“22812” kodli hisobvaragʻidan keyin quyidagi mazmundagi “22814” va “22816” kodli hisobvaraqlar bilan toʻldirilsin:
| “22814 | Grant mablagʻlari |
| 22816 | Chet el valyutasi kursi oʻzgarishi natijasida muddati uzaytirilgan daromad”; |
“29805” kodli hisobvaragʻidan keyin quyidagi mazmundagi “29807” kodli hisobvaraq bilan toʻldirilsin:
| “29807 | Toʻlanishi lozim boʻlgan dividendlar”; |
“31700” va “31701” kodli hisobvaraqlar quyidagi tahrirda bayon etilsin:
| “31700 | Oʻzlashtirilgan grant mablagʻlari |
| 31701 | Oʻzlashtirilgan grant mablagʻlari”; |
“45217” kodli hisobvaragʻidan keyin quyidagi mazmundagi “45400” va “45401” kodli hisobvaraqlar bilan toʻldirilsin:
| “45400 | Chet el valyutasi kursi oʻzgarishi natijasida olingan foyda |
| 45401 | Chet el valyutasi kursi oʻzgarishi natijasida olingan foyda”; |
“45913” kodli hisobvaragʻidan keyin quyidagi mazmundagi “45917” kodli hisobvaraq bilan toʻldirilsin:
| “45917 | Grant mablagʻlaridan olingan daromad”; |
“54195” kodli hisobvaragʻidan keyin quyidagi mazmundagi “54400” va “54401” kodli hisobvaraqlar bilan toʻldirilsin:
| “54400 | Lizing (mikrolizing) boʻyicha foizli xarajatlar |
| 54401 | Lizing (mikrolizing) boʻyicha foizli xarajatlar”; |
“55106” kodli hisobvaragʻidan keyin quyidagi mazmundagi “55300” va “55301” kodli hisobvaraqlar bilan toʻldirilsin:
| “55300 | Chet el valyutasi kursi oʻzgarishi natijasida koʻrilgan zarar |
| 55301 | Chet el valyutasi kursi oʻzgarishi natijasida koʻrilgan zarar”; |
“55600” va “55602” kodli hisobvaraqlar chiqarib tashlansin;
“56714” kodli hisobvaragʻining “Nomi” ustunidagi “daromad” degan soʻz “foyda” degan soʻz bilan almashtirilsin”;
“56900” va “56902” kodli hisobvaraqlarining “Nomi” ustunidagi “Daromad” degan soʻz “Foyda” degan soʻz bilan almashtirilsin;
2. III boʻlimda:
“15799” kodli hisobvaragʻining taʼrifidan keyin quyidagi mazmundagi “16100”, “16102” va “16104” kodli hisobvaraqlarning taʼriflari bilan toʻldirilsin:
| “16100 | BOSh OFIS VA (YOKI) FILIALLARDAN OLINADIGAN MABLAGʻLAR |
| 16102 | Bosh ofis va (yoki) filiallardan olinadigan mablagʻlar — Moliyaviy mablagʻlar Hisobvaraqning taʼrifi: Oʻzbekiston Respublikasi hududida joylashgan mikrokredit tashkilotining Bosh ofisi va filiallari oʻrtasida yoki bir mikrokredit tashkiloti filiallari oʻrtasida boʻladigan moliyaviy mablagʻlar bilan bogʻliq operatsiyalarning hisobi olib boriladi. Ushbu hisobvaraq uchun 22203 — “Bosh ofis va (yoki) filiallarga toʻlanadigan mablagʻlar — Moliyaviy mablagʻlar” oʻzaro mos hisobvaraq hisoblanadi. Ushbu hisobvaraqlarning aylanma va qoldiq summalari bir-biriga teng boʻlishi va jamlangan balansda ushbu hisobvaraqlarda qoldiq boʻlmasligi shart. |
| | Hisobvaraqning debetida Bosh ofis va (yoki) filiallarga berilgan moliyaviy mablagʻlar summasi aks ettiriladi. Hisobvaraqning kreditida Bosh ofis va (yoki) filiallarga toʻlangan moliyaviy mablagʻlar, notoʻgʻri oʻtkazilish natijasida qaytarilgan moliyaviy mablagʻlar summasi, shuningdek mikrokredit tashkiloti Bosh ofisida yopiladigan barcha oʻtkazmalar summasi aks ettiriladi. Tahliliy hisob Bosh ofis va filiallar bilan hisob-kitoblar boʻyicha alohida shaxsiy hisobvaraqlarda olib boriladi. |
| 16104 | Bosh ofis va (yoki) filiallardan olinadigan mabla�lar — Boshqa aktivlar Hisobvaraqning taʼrifi: bir mikrokredit tashkiloti ichida filiallar va Bosh ofis va (yoki) filiallar orasida boshqa aktivlar boʻyicha operatsiyalar hamda Bosh ofis va (yoki) filiallariga berilgan boshqa aktivlar (asosiy vositalar, nomoddiy aktivlar, tovar-moddiy qimmatliklar) hisobi olib boriladi. Ushbu hisobvaraq uchun 22205 — “Bosh ofis va (yoki) filiallarga toʻlanadigan mablagʻlar — Boshqa aktivlar” oʻzaro mos hisobvaraqdir. Ushbu hisobvaraqlarning aylanma va qoldiq summalari bir-biriga teng boʻlishi va jamlangan balansda ushbu hisobvaraqlarda qoldiq boʻlmasligi shart. |
| | Hisobvaraqning debetida Bosh ofis va (yoki) filiallarga topshirilgan boshqa aktivlar summasi aks ettiriladi. Hisobvaraqning kreditida Bosh ofis va (yoki) filiallarga belgilangan muddatlarda toʻlanadigan qarzlar aks ettiriladi. Tahliliy hisob Bosh ofis va filiallar boʻyicha alohida shaxsiy hisobvaraqlarda olib boriladi”; |
“19925” kodli hisobvaragʻining taʼrifidan keyin quyidagi mazmundagi “19927” kodli hisobvaraqning taʼrifi bilan toʻldirilsin:
| “19927 | Chet el valyutasi kursi oʻzgarishi natijasida muddati uzaytirilgan xarajatlar Hisobvaraqning taʼrifi: chet el valyutasida ifodalangan aktiv va majburiyatlarini Markaziy bank kursi boʻyicha qayta baholashda, chet el valyutasi kursini soʻmga nisbatan pasayishida yuzaga keladigan farq hisobga olinadi. Hisobvaraqning debetida chet el valyutasi kursi pasayishi natijasida yuzaga keladigan salbiy farqning yigʻilgan summasi aks ettiriladi. Hisobvaraqning kreditida 55301 — “Chet el valyutasi kursi oʻzgarishi natijasida koʻrilgan zarar” hisobvaragʻiga oʻtkazilgan salbiy farq summasi aks ettiriladi. Tahliliy hisob alohida shaxsiy hisobvaraqlarda olib boriladi”; |
“19931” kodli hisobvaragʻi taʼrifining “Nomi” ustunida:
birinchi xatboshidagi “uzaytirilgan” degan soʻz “kechiktirilgan” degan soʻz bilan almashtirilsin;
ikkinchi xatboshidagi “uzaytirilgan”, “daromadi (foydasi)ga”, “daromad (foyda)ni” va “daromad (foyda)” degan soʻzlar tegishlicha “kechiktirilgan”, “foydasiga”, “foydani” va “foyda” degan soʻzlar bilan almashtirilsin;
“22104” kodli hisobvaragʻining taʼrifidan keyin quyidagi mazmundagi “22200”, “22203” va “22205” kodli hisobvaraqlarning taʼriflari bilan toʻldirilsin:
| “22200 | BOSh OFIS VA (YOKI) FILIALLARGA TOʻLANADIGAN MABLAGʻLAR |
| 22203 | Bosh ofis va (yoki) filiallarga toʻlanadigan mablagʻlar — Moliyaviy mablagʻlar Hisobvaraqning taʼrifi: Oʻzbekiston Respublikasi hududidagi mikrokredit tashkiloti Bosh ofisi bilan uning filiallari oʻrtasidagi yoki bitta mikrokredit tashkiloti filiallari oʻrtasidagi moliyaviy mablagʻlar boʻyicha operatsiyalar hisobi olib boriladi. Ushbu hisobvaraq 16102 — “Bosh ofis va (yoki) filiallardan olinadigan mablagʻlar — Moliyaviy mablagʻlar” hisobvaraq uchun oʻzaro bogʻliq hisobvaraq hisoblanadi. Ushbu hisobvaraqlarning aylanma va qoldiq summalari bir-biriga teng boʻlishi va jamlanma balansda ushbu hisobvaraqlarda qoldiq boʻlmasligi shart. Hisobvaraqning kreditida Bosh ofis va (yoki) filiallarga toʻlanishi lozim boʻlgan mablagʻlar aks ettiriladi. Hisobvaraqning debetida Bosh ofis va (yoki) filiallardan kelib tushgan moliyaviy mablagʻlar summasi aks ettiriladi. Tahliliy hisob Bosh ofis va filiallar bilan boʻladigan hisob-kitoblar boʻyicha alohida shaxsiy hisobvaraqlarda olib boriladi. |
| 22205 | Bosh ofis va (yoki) filiallarga toʻlanadigan mablagʻlar — Boshqa aktivlar Hisobvaraqning taʼrifi: Bosh ofis hamda filiallar va (yoki) bitta mikrokredit tashkiloti filiallari oʻrtasidagi boshqa aktivlar (asosiy vositalar, nomoddiy aktivlar, tovar-moddiy qimmatliklar) boʻyicha operatsiyalar hisobi olib boriladi. Ushbu hisobvaraq uchun 16104 — “Bosh ofis va (yoki) filiallardan olinadigan mablagʻlar — Boshqa aktivlar” oʻzaro mos hisobvaraqdir. Ushbu hisobvaraqlarning aylanma va qoldiq summalari bir-biriga teng boʻlishi va jamlanma balansda ushbu hisobvaraqlarda qoldiq boʻlmasligi shart. Hisobvaraqning kreditida Bosh ofis va (yoki) filiallar tomonidan qabul qilingan boshqa aktivlar summasi aks ettiriladi. Hisobvaraqning debetida Bosh ofis va (yoki) filiallarga belgilangan muddatlarda toʻlanadigan mablagʻlar aks ettiriladi. Tahliliy hisob Bosh ofis va filiallar boʻyicha alohida shaxsiy hisobvaraqlarda olib boriladi”; |
“22502” kodli hisobvaragʻining taʼrifi quyidagi tahrirda bayon etilsin:
| “22502 | Hisoblangan foyda soliqlari Hisobvaraqning taʼrifi: joriy davrda hisoblangan, lekin hali toʻlanmagan foyda soliqlari (foyda, ijtimoiy infratuzilmani rivojlantirish va qonunchilikka muvofiq ravishda boshqa shu kabi soliqlar) va yagona soliq toʻlovi (yagona soliq toʻlovchilari uchun)ning hisobi olib boriladi. Hisobvaraqning kreditida hisoblangan joriy foyda soliqlari, yagona soliq toʻlovi (yagona soliq toʻlovchilari uchun) summasi aks ettiriladi. Hisobvaraqning debetida toʻlangan foyda soliqlari, yagona soliq toʻlovi (yagona soliq toʻlovchilari uchun) summasi, shuningdek notoʻgʻri hisoblangan foyda soliqlari, yagona soliq toʻlovi (yagona soliq toʻlovchilari uchun) summasi hisobdan chiqariladi. Tahliliy hisob soliqlar turi boʻyicha alohida shaxsiy hisobvaraqlarda olib boriladi”; |
“22504” kodli hisobvaragʻi taʼrifining “Nomi” ustuni ikkinchi xatboshisidagi “daromad (foyda)” degan soʻzlar “foyda” degan soʻz bilan almashtirilsin;
“22508” kodli hisobvaragʻining taʼrifi quyidagi tahrirda bayon etilsin:
| “22508 | Muddati kechiktirilgan soliqlar Hisobvaraqning taʼrifi: muddati kechiktirilgan foyda soliqlari hisobga olinadi. Muddati kechiktirilgan foyda soligʻi bu, joriy davrda soliqqa tortiladigan foydadan chegirib tashlanadigan, lekin kelgusi davrning soliqqa tortiladigan foydaga kiritiladigan vaqtinchalik farqlarni qoʻshgan holda kelgusi davrda toʻlanadigan foyda soligʻidir. Bu buxgalteriya foydasi bilan soliqqa tortiladigan foyda oʻrtasidagi farqdir. Hisobvaraqning kreditida hisoblangan muddati kechiktirilgan foyda soliqlari summasi aks ettiriladi. Hisobvaraqning debetida muddati kechiktirilgan foyda soliqlarining kamaygan summasi aks ettiriladi. Tahliliy hisob alohida shaxsiy hisobvaraqda olib boriladi. |
“22812” kodli hisobvaragʻining taʼrifidan keyin quyidagi mazmundagi “22814” va “22816” kodli hisobvaraqlarning taʼriflari bilan toʻldirilsin:
| “22814 | Grant mablagʻlari Hisobvaraqning taʼrifi: mikrokredit tashkiloti tomonidan olingan grantlar hisobi yuritiladi. Hisobvaraqning kreditida olingan grantlar summasi aks ettiriladi. Hisobvaraqning debetida grantlar bilan bogʻliq shartlar bajarilishiga koʻra mikrokredit tashkiloti daromadiga oʻtkaziladigan yoki grant shartlari bajarilmagan taqdirda qaytariladigan summalar aks ettiriladi. Tahliliy hisob alohida shaxsiy hisobvaraqlarda olib boriladi. |
| 22816 | Chet el valyutasi kursi oʻzgarishi natijasida muddati uzaytirilgan daromad Hisobvaraqning taʼrifi: chet el valyutasida ifodalangan aktiv va majburiyatlarini Markaziy bank kursi boʻyicha qayta baholashda, chet el valyutasi kursini soʻmga nisbatan oshishida yuzaga keladigan farq hisobi yuritiladi. Hisobvaraqning kreditida chet el valyutasi kursi oshishi natijasida yuzaga keladigan ijobiy farqning yigʻilgan summasi aks ettiriladi. Hisobvaraqning debetida 45401 — “Chet el valyutasi kursi oʻzgarishi natijasida olingan foyda” hisobvaragʻiga oʻtkazilgan ijobiy farq summasi aks ettiriladi. Tahliliy hisob alohida shaxsiy hisobvaraqlarda olib boriladi”; |
“29805” kodli hisobvaragʻining taʼrifidan keyin quyidagi mazmundagi “29807” kodli hisobvaraqning taʼrifi bilan toʻldirilsin:
| “29807 | Toʻlanishi lozim boʻlgan dividendlar Hisobvaraqning taʼrifi: mikrokredit tashkiloti tomonidan eʼlon qilingan, lekin hali toʻlanmagan dividendlarning hisobi olib boriladi. Hisobvaraqning kreditida toʻlanishi lozim boʻlgan hisoblangan dividendlarning summasi aks ettiriladi. Hisobvaraqning debetida mikrokredit tashkiloti tomonidan toʻlangan dividendlarning summasi aks ettiriladi. Tahliliy hisob alohida shaxsiy hisobvaraqlarda olib boriladi”; |
“31700” va “31701” kodli hisobvaraqlarning taʼriflari quyidagi tahrirda bayon etilsin:
| “31700 | Oʻzlashtirilgan grant mablagʻlari |
| 31701 | Oʻzlashtirilgan grant mablagʻlari Hisobvaraqning taʼrifi: mikrokredit tashkiloti grant mablagʻlarining oʻzlashtirilgan summasi hisobi olib boriladi. Hisobvaraqning kreditida dividendlar eʼlon qilingunga qadar 31206 — “Sof foyda (zarar) (aktiv-passiv)” hisobvaragʻidan oʻtkazilgan grant mablagʻlarining oʻzlashtirilgan summasi aks ettiriladi. Hisobvaraqning debetida grant mablagʻlarining oʻzlashtirilgan qismi notoʻgʻri hisoblanishi natijasida qaytarilgan summasi aks ettiriladi. Tahliliy hisob alohida shaxsiy hisobvaraqlarda yuritiladi”; |
“45217” kodli hisobvaragʻining taʼrifidan keyin quyidagi mazmundagi “45400” va “45401” kodli hisobvaraqlarning taʼriflari bilan toʻldirilsin:
| “45400 | ChET EL VALYUTASI KURSI OʻZGARIShI NATIJASIDA OLINGAN FOYDA |
| 45401 | Chet el valyutasi kursi oʻzgarishi natijasida olingan foyda Hisobvaraqning taʼrifi: chet el valyutasida ifodalangan aktiv va majburiyatlarini Markaziy bank kursi boʻyicha qayta baholashda, chet el valyutasi kursini soʻmga nisbatan oshishida yuzaga keladigan foydalar hisobi yuritiladi. Hisobvaraqning kreditida chet el valyutasi kursi oshishi natijasida yuzaga keladigan foydalar summasi aks ettiriladi. Hisobvaraqning debetida notoʻgʻri olingan foydalarning qaytarilish summasi, shuningdek moliyaviy hisobot yilining oxirida mikrokredit tashkilotining moliyaviy natijasi sifatida 31206 — “Sof foyda (zarar) (aktiv-passiv)” hisobvaragʻiga oʻtkaziladigan summa aks ettiriladi”; |
“45913” kodli hisobvaragʻining taʼrifidan keyin quyidagi mazmundagi “45917” kodli hisobvaraqning taʼrifi bilan toʻldirilsin:
| “45917 | Grant mablagʻlaridan olingan daromad Hisobvaraqning taʼrifi: olingan grantlar boʻyicha mikrokredit tashkiloti tomonidan grantlar bilan bogʻliq shartlar bajarilishiga koʻra oʻzlashtirilgan grantlar hisobi yuritiladi. Hisobvaraqning kreditida olingan grantlar bilan bogʻliq shartlar bajarilgan grantlar summasi aks ettiriladi. Hisobvaraqning debetida notoʻgʻri oʻtkazilgan grantlarning qaytarilish summasi, shuningdek moliyaviy hisobot yilining oxirida mikrokredit tashkilotining moliyaviy natijasi sifatida 31206 — “Sof foyda (zarar) (aktiv-passiv)” hisobvaragʻiga oʻtkaziladigan summa aks ettiriladi”; |
“54195” kodli hisobvaragʻi taʼrifidan keyin quyidagi mazmundagi “54400” va “54401” kodli hisobvaraqlarning taʼriflari bilan toʻldirilsin:
| “54400 | LIZING (MIKROLIZING) BOʻYIChA FOIZLI XARAJATLAR |
| 54401 | Lizing (mikrolizing) boʻyicha foizli xarajatlar Hisobvaraqning taʼrifi: lizing (mikrolizing) boʻyicha foizli xarajatlar hisobi olib boriladi. Hisobvaraqning debetida lizing (mikrolizing) jadvali boʻyicha toʻlanishi lozim boʻlgan hisoblangan foizli xarajatlar summasi aks ettiriladi. Hisobvaraqning kreditida notoʻgʻri hisoblangan foizlarning qaytarilish summasi, shuningdek moliyaviy hisobot yilining oxirida mikrokredit tashkilotining moliyaviy natijasi sifatida 31206 — “Sof foyda (zarar) (aktiv-passiv)” hisobvaragʻiga oʻtkaziladigan summa aks ettiriladi”; |
“55106” kodli hisobvaragʻining taʼrifidan keyin quyidagi mazmundagi “55300” va “55301” kodli hisobvaraqlarning taʼriflari bilan toʻldirilsin:
| “55300 | ChET EL VALYUTASI KURSI OʻZGARIShI NATIJASIDA KOʻRILGAN ZARAR |
| 55301 | Chet el valyutasi kursi oʻzgarishi natijasida koʻrilgan zarar Hisobvaraqning taʼrifi: chet el valyutasida ifodalangan aktiv va majburiyatlarini Markaziy bank kursi boʻyicha qayta baholashda, chet el valyutasi kursini soʻmga nisbatan pasayishida yuzaga keladigan zararlar hisobga olinadi. Hisobvaraqning debetida chet el valyutasi kursi pasayishi natijasida yuzaga keladigan zararlar summasi aks ettiriladi. Hisobvaraqning kreditida moliyaviy hisobot yilining oxirida mikrokredit tashkilotining moliyaviy natijasi sifatida 31206 — “Sof foyda (zarar) (aktiv-passiv)” hisobvaragʻiga oʻtkaziladigan summa aks ettiriladi”; |
“55600” va “55602” kodli hisobvaraqlarning taʼriflari chiqarib tashlansin;
“56714” kodli hisobvaragʻi taʼrifining “Nomi” ustuni ikkinchi xatboshisi quyidagi tahrirda bayon etilsin:
“Hisobvaraqning taʼrifi: mikrokredit tashkilotining soliqlarga (foyda soligʻidan tashqari) va boshqa majburiy toʻlovlarga, shuningdek litsenziyalarga qilgan xarajatlari hisobi olib boriladi”;
“56900” kodli hisobvaraq taʼrifining “Nomi” ustunidagi “Daromad” degan soʻz “Foyda” degan soʻz bilan almashtirilsin;
“56902” kodli hisobvaragʻining taʼrifida:
birinchi xatboshining “Nomi” ustunidagi “Daromad” degan soʻz “Foyda” degan soʻz bilan almashtirilsin;
ikkinchi va uchinchi xatboshilar quyidagi tahrirda bayon etilsin:
“Hisobvaraqning taʼrifi: mikrokredit tashkiloti tomonidan olingan foydaga hisoblangan soliqlar (foyda soligʻi, obodonlashtirish va ijtimoiy infratuzilmani rivojlantirish soligʻi va shu kabi boshqa soliqlar) va yagona soliq toʻlovi (yagona soliq toʻlovi toʻlovchilari uchun) boʻyicha xarajatlar hisobi olib boriladi.
Hisobvaraqning debetida foyda soligʻi va yagona soliq toʻlovi boʻyicha hisoblangan xarajatlar summasi aks ettiriladi”.
(Oʻzbekiston Respublikasi qonun hujjatlari toʻplami, 2011-y., 26-son, 271-modda)
