toggle_night_mode
Hujjat 16.05.2011 sanasi holatiga
Amaldagi versiyaga o‘tish
PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
XORIJIY INVESTORLAR VA XORIJIY INVESTITSIYALAR ISHTIROKIDAGI KORXONALAR TOMONIDAN OʻZ ISHLAB CHIQARISH EHTIYOJLARI UCHUN OLIB KELINAYOTGAN MOL-MULKNI SERTIFIKATLASH MEXANIZMINI TAKOMILLASHTIRISHGA DOIR QOʻSHIMCHA CHORA-TADBIRLAR TOʻGʻRISIDA
Keyingi tahrirga qarang.
“Chet el investitsiyalari toʻgʻrisida”, “Boj tarifi toʻgʻrisida”gi Oʻzbekiston Respublikasi qonunlarini, Oʻzbekiston Respublikasi Prezidentining “Xorijiy sarmoyalar ishtirokidagi korxonalarga beriladigan qoʻshimcha ragʻbatlantirish omillari va imtiyozlar toʻgʻrisida” 1996-yil 30-noyabrdagi PF-1652-son Farmonini, Oʻzbekiston Respublikasi Prezidentining “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi faoliyatini tashkil etish toʻgʻrisida” 2005-yil 26-iyuldagi PQ-136-son qarorini, Vazirlar Mahkamasining “Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida” 1998-yil 31-martdagi 137-son qarorini bajarish yuzasidan, shuningdek xorijiy investorlar va korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni sertifikatlash tartibini takomillashtirish hamda qonun hujjatlari normalarining bir xil qoʻllanilishini taʼminlash maqsadida Vazirlar Mahkamasi qaror qiladi:
Keyingi tahrirga qarang.
1. Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizom ilovaga muvofiq tasdiqlansin.
Keyingi tahrirga qarang.
2. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Davlat bojxona qoʻmitasi manfaatdor vazirliklar va idoralar bilan birgalikda idoraviy normativ-huquqiy hujjatlarni ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2011-yil 16-may,
136-son
Vazirlar Mahkamasining 2011-yil 16-maydagi 136-son qaroriga
ILOVA
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisida
Keyingi tahrirga qarang.
NIZOM
I. Umumiy qoidalar
1. Ushbu Nizom xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibini belgilaydi.
Keyingi tahrirga qarang.
2. Oʻz ishlab chiqarish ehtiyojlari uchun olib kelinayotgan mol-mulkka sertifikatning yoʻqligi ariza beruvchi tomonidan Oʻzbekiston Respublikasi qonun hujjatlarida nazarda tutilgan umumiy tartibda amalga oshiriladigan olib kelishni cheklashga asos hisoblanmaydi.
Keyingi tahrirga qarang.
II. Asosiy tushunchalar
3. Ushbu Nizomda quyidagi asosiy tushunchalardan foydalaniladi:
ariza beruvchi — oʻz ishlab chiqarish ehtiyojlari uchun olib kelinadigan mol-mulkka sertifikat olish uchun murojaat qilgan xorijiy investor yoki xorijiy investitsiyalar ishtirokidagi korxona;
Keyingi tahrirga qarang.
xorijiy investor — Oʻzbekiston Respublikasi qonun hujjatlarida belgilangan tartibda Oʻzbekiston Respublikasi hududiga investitsiyalarni amalga oshiruvchi investitsiya faoliyati subyekti;
Keyingi tahrirga qarang.
xorijiy investitsiyalar ishtirokidagi korxona — belgilangan tartibda roʻyxatdan oʻtkazilgan, qonun hujjatlarida belgilangan mezonlarga javob beradigan korxona;
Keyingi tahrirga qarang.
oʻz ishlab chiqarish ehtiyojlari uchun olib kelinayotgan mol-mulkka sertifikat (keyingi oʻrinlarda sertifikat deb ataladi) — mahsulotlar ishlab chiqarish, ishlarni bajarish va xizmatlar koʻrsatishning texnologik jarayonida foydalanish uchun olib kelinayotgan mol-mulkning ishlatilishini tasdiqlaydigan hujjat;
Keyingi tahrirga qarang.
oʻz ishlab chiqarish ehtiyojlari uchun olib kelinayotgan mol-mulk (keyingi oʻrinlarda mol-mulk deb ataladi) — mahsulotlar ishlab chiqarish, ishlarni bajarish va xizmatlar koʻrsatishning bevosita texnologik jarayonida foydalanish uchun ariza beruvchi tomonidan olib kelinadigan moddiy boyliklar va ashyolar jami;
tovarga ilova qilinadigan hujjat (invoys va transport yuk xati) — yukni joʻnatuvchi yoki yetkazib beruvchi tomonidan yuklangan yoki tashiladigan tovar bilan birgalikda yuboriladigan, tovarning Oʻzbekiston Respublikasi hududiga olib kelinganligi holatini tasdiqlaydigan hujjatlar;
ishlab chiqarish — moddiy va/yoki boshqa boyliklar — mahsulotlar, ishlar va xizmatlarni yaratish jarayoni;
texnologik jarayon — mahsulotlar ishlab chiqarish, ishlarni bajarish va xizmatlar koʻrsatish uchun izchil bajariladigan operatsiyalar jami;
vakolatli organ — “Oʻzbekekspertiza” OAJ va uning hududiy boʻlinmalari;
Keyingi tahrirga qarang.
ekspert — zimmasiga ishlab chiqarish ekspertizasini oʻtkazish, ekspertiza dalolatnomasini yoki ekspert xulosasini rasmiylashtirish va sertifikat tayyorlash funksiyalari yuklangan vakolatli organning vakili;
ishlab chiqarishni ekspertizadan oʻtkazish — ushbu Nizomda nazarda tutilgan tartibda ariza beruvchining ishlab chiqirishini ekspert tartibida tekshirish.
III. Oʻz ishlab chiqarish ehtiyojlari uchun olib kelinayotgan mol-mulkni aniqlash tartibi
4. Sertifikat vakolatli organ tomonidan quyidagi talablarga rioya qilingan holda beriladi:
mol-mulkdan bevosita ishlab chiqarish jarayonida foydalanish;
ariza beruvchining ishlab chiqarish maydonida (shu jumladan ijaraga olingan maydonda) uning xodimlari tomonidan ishlab chiqarishning asosiy texnologik jarayonlari amalga oshirilishi;
oʻzining (shu jumladan ijaraga olingan) asosiy va aylanma mablagʻlaridan, shu jumladan jalb etilgan moliyaviy resurslardan foydalanish.
Keyingi tahrirga qarang.
5. Agar Oʻzbekiston Respublikasining qonun hujjatlarida oʻzgacha hol nazarda tutilmagan boʻlsa, quyidagilar ishlab chiqarishning texnologik jarayoniga tegishli boʻlmaydi:
Keyingi tahrirga qarang.
mol-mulkni maydalash;
mol-mulkni navlarga ajratish;
mol-mulkni qayta oʻrash;
qadoqlash yoki oʻrash;
mol-mulkni aralashtirish;
yuqorida koʻrsatib oʻtilgan operatsiyalarning ikkitasini yoki undan ortigʻini birga qoʻshib olib borish.
IV. Sertifikat olish uchun ariza berish
6. Sertifikat olish uchun ariza beruvchi ishlab chiqarish amalga oshiriladigan joy boʻyicha vakolatli organga ushbu Nizomga 1-ilovaga muvofiq shakl boʻyicha yozma ariza beradi.
Keyingi tahrirga qarang.
7. Arizaga rahbarning yoxud ishlab chiqarish uchun masʼul shaxsning imzosi va ariza beruvchining muhri bilan tasdiqlangan quyidagi hujjatlar ilova qilinadi:
Keyingi tahrirga qarang.
belgilangan tartibda roʻyxatdan oʻtkazilgan ariza beruvchining taʼsis hujjatlari nusxalari, ular bir yilda bir marta, shuningdek ularga har bir oʻzgartirish va qoʻshimchalar kiritishda taqdim etiladi;
Keyingi tahrirga qarang.
ariza beruvchi xorijiy investitsiyalar ishtirokidagi korxona sifatida davlat roʻyxatidan oʻtkazilganligi toʻgʻrisidagi guvohnoma nusxasi, ushbu guvohnoma bir yilda bir marta taqdim etiladi (ariza beruvchi qayta tashkil etilgan taqdirda davlat roʻyxatidan oʻtkazilganlik toʻgʻrisidagi yangi guvohnoma nusxasi taqdim etiladi);
Keyingi tahrirga qarang.
ariza beruvchining rahbari va ishlab chiqarish uchun masʼul shaxs tomonidan tasdiqlangan (xorijiy investor tomonidan ariza berilganda — ariza beruvchi yoki uning ishonchli shaxsi tomonidan tasdiqlangan) oʻzining yoki ijaraga olingan mavjud binolar va asbob-uskunalar (mahsulotlar ishlab chiqarishda ishlab chiqarish quvvati koʻrsatilgan holda), shuningdek ishlab chiqarishda foydalaniladigan mehnat resurslari toʻgʻrisidagi maʼlumotlarni oʻz ichiga oladigan ishlab chiqarish toʻgʻrisidagi maʼlumotlar;
Keyingi tahrirga qarang.
ariza beruvchining rahbari va ishlab chiqarish uchun masʼul shaxs tomonidan tasdiqlangan (xorijiy investor tomonidan ariza berilganda — ariza beruvchi yoki uning ishonchli shaxsi tomonidan tasdiqlangan) ishlab chiqariladigan mahsulot birligiga sarf normasi (xom ashyo, materiallar, butlovchi buyumlar hamda komponentlar va hokazolar import qilingan taqdirda), shuningdek 12 oy uchun mol-mulkka boʻlgan ehtiyoj hisob-kitobi;
Keyingi tahrirga qarang.
ariza beruvchining rahbari va ishlab chiqarish uchun masʼul shaxs tomonidan tasdiqlangan (xorijiy investor tomonidan ariza berilganda — ariza beruvchi yoki uning ishonchli shaxsi tomonidan tasdiqlangan) ishlab chiqarishning texnologik jarayoni tavsifi;
Keyingi tahrirga qarang.
vakolatli organlarda belgilangan tartibda hisobga qoʻyilgan import kontrakt nusxasi yoki uning asosida mol-mulk yetkazib beriladigan boshqa hujjat;
Keyingi tahrirga qarang.
mol-mulk Oʻzbekiston Respublikasi hududiga olib kelinganligi toʻgʻrisida davlat bojxona xizmati organlari belgisi qoʻyilgan tovarga ilova qilinadigan hujjatlar nusxalari.
Keyingi tahrirga qarang.
Xorijiy investor tomonidan ariza berilganda ushbu bandning ikkinchi va uchinchi xatboshida koʻrsatilgan hujjatlar oʻrniga xorijiy investor uning asosida faoliyatni amalga oshiradigan hujjat (taʼsis shartnomasi yoki oddiy shirkat toʻgʻrisidagi shartnoma yoxud xorijiy investorning Oʻzbekiston Respublikasidagi faoliyati shaklidan dalolat beruvchi boshqa hujjat) taqdim etiladi.
Keyingi tahrirga qarang.
Ariza beruvchi tomonidan texnologik asbob-uskunalar va ularga ehtiyot qismlar olib kelingan taqdirda, shuningdek ishlarni bajarish va xizmatlar koʻrsatish uchun mol-mulk olib kelingan taqdirda ishlab chiqariladigan mahsulot birligiga sarf normasi oʻrniga olib kelinadigan mol-mulkning zarurligi asoslangan, shuningdek olib kelinadigan texnologik asbob-uskunalar va ularga ehtiyot qismlar, shuningdek ularning vazifasi, oʻrnatiladigan joyi yoki almashtirilishi tavsiflangan xat taqdim etiladi.
Keyingi tahrirga qarang.
8. Sertifikat olish uchun taqdim etilgan hujjatlardagi maʼlumotlarning ishonchliligi uchun ariza beruvchi javob beradi.
9. Toʻliq boʻlmagan hajmda taqdim etilgan hujjatlar koʻrib chiqish uchun qabul qilinmaydi.
10. Sertifikat olish uchun berilgan ariza tushgan kunidan boshlab 5 ish kuni mobaynida koʻrib chiqiladi. Ariza beruvchidan qoʻshimcha maʼlumotlar olish zarur boʻlganda arizalarni koʻrib chiqish muddati 10 ish kunigacha uzaytiriladi.
Keyingi tahrirga qarang.
11. Ariza beruvchi ariza berilgandan keyin 3 ish kuni mobaynida ekspertning ekspertiza oʻtkazish uchun ishlab chiqarish amalga oshiriladigan joyga kirishini taʼminlashga majburdir.
Keyingi tahrirga qarang.
V. Sertifikat berish
12. Ekspert taqdim etilgan hujjatlarni koʻrib chiqadi va hujjatlarda yetarli zarur maʼlumotlar mavjud boʻlgan taqdirda olib kelinadigan mol-mulkdan ishlab chiqarishning texnologik jarayonida foydalanish uchun shart-sharoitlar mavjudligini aniqlash uchun ishlab chiqarish joyining oʻzida ariza beruvchining ishlab chiqarishini ekspertizadan oʻtkazadi, ushbu Nizomning 7-bandiga muvofiq taqdim etilgan hujjatlardan kelib chiqib olib kelinadigan mol-mulkdan foydalanishning taxminiy muddatini aniqlaydi.
13. Ishlab chiqarish ekspertizasining natijalari ariza beruvchi tomonidan taqdim etilgan hujjatlarda koʻrsatilgan maʼlumotlarga muvofiq boʻlgan taqdirda ekspert tomonidan ushbu Nizomning 2-ilovasiga muvofiq shakl boʻyicha ekspertiza dalolatnomasi tuziladi.
14. Quyidagi hollarda:
ushbu Nizomning 7-bandida koʻrsatilgan hujjatlardan birortasida sertifikat olish uchun zarur maʼlumot yoʻq boʻlganda;
taqdim etilgan hujjatlarda buzilgan maʼlumotlar mavjudligi aniqlanganda;
ariza beruvchining ishlab chiqarishini ekspertizadan oʻtkazish uchun ekspertning ishlab chiqarish amalga oshiriladigan joyga qoʻyilishi taʼminlanmaganda;
ushbu Nizomning 4-bandi talablariga rioya qilinmaganda;
Keyingi tahrirga qarang.
ushbu Nizomning 5-bandida nazarda tutilgan hollarda sertifikat berishning rad etilishi yuzasidan, ushbu Nizomning 3-ilovasiga muvofiq shakl boʻyicha rad etish sabablari koʻrsatilgan holda ekspert xulosasi rasmiylashtiriladi.
Keyingi tahrirga qarang.
Boshqa asoslar boʻyicha sertifikat berishning rad etilishiga yoʻl qoʻyilmaydi.
15. Hujjatlarni takroriy koʻrib chiqishda vakolatli organ tomonidan ekspert xulosasida ilgari bayon qilinmagan yangi mulohazalar taqdim etilishiga yoʻl qoʻyilmaydi. Bunda agar oldingi mulohazalar ishlab chiqarish joyiga chiqmasdan koʻrsatilgan boʻlsa, yangi mulohazalar taqdim etilishiga yoʻl qoʻyiladi.
Rad etilganda ekspert rad etish sabablarini bartaraf etish uchun ariza beruvchiga 20 kun muddat bergan holda ekspert xulosasini rasmiylashtiradi. Ushbu holatda hujjatlar ariza beruvchi tomonidan koʻrsatilgan muddat mobaynida takroran taqdim etilgan taqdirda ariza koʻrib chiqilganligi uchun toʻlov undirilmaydi.
16. Ekspertiza dalolatnomasi asosida vakolatli organ tomonidan ushbu Nizomga 4-ilovaga muvofiq shakl boʻyicha ikki nusxada sertifikat beriladi.
Keyingi tahrirga qarang.
17. Sertifikat invoysga muvofiq tuzilgan kontrakt doirasida respublika hududiga olib kelingan mol-mulk hajmiga (soniga) rasmiylashtiriladi. Sertifikat mol-mulk Oʻzbekiston Respublikasi davlat chegarasidan oʻtgan kundan boshlab 12 oydan kechikmay berilishi mumkin.
18. Sertifikat 12 oydan ortiq boʻlmagan muddatga beriladi. Sertifikatning amal qilish muddatini ariza beruvchining asoslangan yozma murojaati asosida muddati tamom boʻlguniga qadar uzaytirishga yoʻl qoʻyiladi. Vakolatli organ ariza beruvchining murojaatini koʻrib chiqib, 5 ish kuni mobaynida ariza beruvchiga sertifikatning amal qilish muddatini, biroq 12 oydan ortiq boʻlmagan muddatini koʻrsatgan holda xat yuboradi.
Keyingi tahrirga qarang.
Keyingi tahrirga qarang.
19. Sertifikat yoʻqolgan yoki buzilgan taqdirda ariza beruvchining murojaatiga koʻra vakolatli organ tomonidan 5 ish kuni mobaynida ikki nusxada sertifikatning dublikati beriladi (sertifikatning tartib raqamidan keyin “dublikat” soʻzi yoziladi). Sertifikatning dublikati vakolatli organ tomonidan faqat yoʻqolgan yoki buzilgan sertifikatning amal qilish muddatiga rasmiylashtirilishi mumkin.
Keyingi tahrirga qarang.
VI. Sertifikatga oʻzgartirish va qoʻshimchalar kiritish
20. Ilgari berilgan sertifikatga oʻzgartirish va qoʻshimchalar kiritish uchun ariza beruvchi vakolatli organga sabablarini koʻrsatgan holda yozma asoslangan murojaatni taqdim etadi.
Kiritilayotgan oʻzgartirish va qoʻshimchalarni tekshirish zarur boʻlganda ariza beruvchining ishlab chiqarishi qoʻshimcha ravishda ekspertizadan oʻtkaziladi.
Ijobiy qaror qabul qilingan taqdirda vakolatli organ 5 ish kuni mobaynida ushbu Nizomga 5-ilovaga muvofiq shakl boʻyicha ikki nusxada sertifikatga oʻzgartirish yoki qoʻshimchani rasmiylashtiradi.
Keyingi tahrirga qarang.
Keyingi tahrirga qarang.
VII. Oʻz ishlab chiqarish ehtiyojlari uchun olib kelinayotgan mol-mulkni sertifikatlash boʻyicha xarajatlar va xizmatlarga haq toʻlash
21. Ekspertizani oʻtkazish va sertifikatni rasmiylashtirish xarajatlarini ariza beruvchi toʻlaydi.
22. Sertifikat berishga ariza koʻrib chiqilganligi uchun ariza beruvchi tomonidan vakolatli organga murojaat qilingan sanada Oʻzbekiston Respublikasi hududida belgilangan eng kam oylik ish haqining bir baravari miqdorida toʻlov toʻlanadi. Dublikat, shu jumladan ilgari berilgan sertifikatga qoʻshimcha ekspertiza oʻtkazilishi natijasi boʻyicha oʻzgartirish va qoʻshimchalar rasmiylashtirilganligi uchun koʻrsatib oʻtilgan summaning 10 foizi miqdorida toʻlov undiriladi.
Keyingi tahrirga qarang.
Ekspert xulosasi rasmiylashtirilgan holda sertifikat berish rad etilgan taqdirda ariza beruvchi tomonidan toʻlangan toʻlov qaytarilmaydi.
Keyingi tahrirga qarang.
VIII. Yakunlovchi qoidalar
23. Oʻz ishlab chiqarish ehtiyojlari uchun olib kelinayotgan mol-mulkning sifati uchun ariza beruvchi javob beradi.
24. Ekspertiza toʻgʻri oʻtkazilganligi va sertifikat berilganligi uchun ekspert va sertifikatni imzolaydigan vakolatli organning mansabdor shaxsi javob beradi.
25. Vakolatli organ ushbu Nizomning 6-ilovasiga muvofiq shakl boʻyicha beriladigan sertifikatlar reyestrini yuritadi. Reyestrlar har yarim yilda Oʻzbekiston Respublikasi Davlat bojxona qoʻmitasiga yuboriladi.
Keyingi tahrirga qarang.
26. Davlat bojxona xizmatining bojxona organlari oʻz ishlab chiqarish ehtiyojlari uchun bojxona toʻlovlari toʻlamasdan mol-mulk olib kelgan xorijiy investorlar va xorijiy investitsiyalar ishtirokidagi korxonalar reyestrini hamda berilgan imtiyozlarning hisobini yuritadi.
Keyingi tahrirga qarang.
Oʻz ishlab chiqarish ehtiyojlari uchun olib kelingan mol-mulk erkin muomalaga chiqarilgandan keyin davlat bojxona xizmatining hududiy organlari hisobot davridan keyingi oyning 10-kunigacha har chorakda Qoraqalpogʻiston Respublikasi, viloyatlar yoki Toshkent shahar davlat soliq boshqarmalariga (ariza beruvchining tegishliligi boʻyicha) oʻz ehtiyojlari uchun olib kelingan mol-mulk toʻgʻrisidagi maʼlumotlarni taqdim etishi kerak. Qoraqalpogʻiston Respublikasi, viloyatlar yoki Toshkent shahar davlat soliq boshqarmalari maʼlumot olingan sanadan boshlab uch kun muddatda maʼlumotlarni ariza beruvchining tegishliligi boʻyicha tuman davlat soliq inspeksiyalariga yuboradi.
Sertifikat olgan ariza beruvchi har olti oyda tuman davlat soliq inspeksiyasiga (tegishliligi boʻyicha) ushbu Nizomning 7-ilovasiga muvofiq shakl boʻyicha oʻz ishlab chiqarish ehtiyojlari uchun import qilinadigan mol-mulkdan foydalanish toʻgʻrisidagi deklaratsiyani taqdim etadi.
Koʻrsatib oʻtilgan deklaratsiya taqdim etilmagan yoki imtiyozlar qoʻllangan holda oʻz ishlab chiqarish ehtiyojlari uchun olib kelingan mol-mulkdan boshqa maqsadlarda foydalanish holatlari aniqlangan taqdirda davlat soliq xizmati organi aniqlangan holatlar toʻgʻrisida hujjatlar tuzadi va uch ish kuni mobaynida ushbu hujjatlarni davlat soliq xizmatining tegishli hududiy organlariga yuboradi. Oʻz ishlab chiqarish ehtiyojlari uchun olib kelingan va boshqa maqsadlarda foydalanilgan (qayta sotish, barter boʻyicha ayirboshlash va hokazo) mol-mulkka bojxona toʻlovlari boʻyicha imtiyozlar summasi qonun hujjatlarida belgilangan tartibda penya hisoblangan holda davlat budjetiga undiriladi.
Keyingi tahrirga qarang.
Keyingi tahrirga qarang.
27. Vakolatli organ 15-yanvargacha bir yilda bir marta yoki imzolar oʻzgargan taqdirda 10 kun muddatda Davlat bojxona qoʻmitasiga sertifikatni imzolash vakolati berilgan mansabdor shaxslar imzolari namunalarini va sertifikatni tasdiqlashda foydalaniladigan muhrlar izlari namunalarini taqdim etadi.
Keyingi tahrirga qarang.
28. Vakolatli organning ekspert xulosasi yuzasidan belgilangan tartibda shikoyat qilinishi mumkin.
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga
1-ILOVA
‎ ___________________________‎
‎

(vakolatli organ rahbariga)


Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkka sertifikat olish uchun

ARIZA
‎

‎________________________________________________________

(ariza beruvchining nomi)‎

Pochta manzili, KTUT, STIR, XXTUT kodi ___________________
‎‎________________________________________________________
Ishlab chiqarish joylashgan joy ____________________________
telefoni________________ telefaksi_______________________
Hisob raqamlari, bank boʻlimlarining nomi_________________
‎_____________________________________MFO______________
Oʻz ishlab chiqarish ehtiyojlarimiz uchun olib kelinayotgan mol-mulkka sertifikat berishingizni soʻrayman
Mol-mulkning nomi _____________________________________
‎________________________________________________________
‎________________________________________________________
‎Hajmi/soni_____________________________________________
___________kontrakt__________ invoys boʻyicha tushgan________
‎Amal qilish muddatiga ____________________________________

Vakolatli organ bilan shartnoma №________ sanasi ________
‎
Rahbar‎ ___________________________‎
‎

(F.I.O.)‎

Bosh buxgalter ___________________________‎

(M.Oʻ.)

(F.I.O.)‎

Ilova: (arizaga ilova qilinayotgan hujjatlar roʻyxati, ekspertiza uchun toʻlov toʻgʻrisidagi hujjatning nusxasi).
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizom talablari bilan tanishildi.
Keyingi tahrirga qarang.
Keyingi tahrirga qarang.
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga
2-ILOVA
‎ ‎ ‎

‎‎OʼZBEKISTON RESPUBLIKASI
‎“OʼZBEKEKSPERTIZA”
‎OCHIQ AKSIYADORLIK JAMIYATI

‎‎RESPUBLIKA UZBEKISTAN
‎OTKRITOYE AKSIONERNOYE OBSHESTVO
‎“UZBEKEKSPERTIZA”

‎‎________________________________________________________


EKSPERTIZA DALOLATNOMASI

20__yil “___” ________, ___-son

I.‎

 Ekspertiza soʻrovchi:__‎‎_________________________________‎

II.‎

 Ekspert:_____________________________________________‎

III.‎

 ‎‎Ekspertizaning asosi:_________________________________
‎ 1.‎‎Topshiriqnoma №___________________________________
‎ ‎2.Buyurtmanoma №____________________________________

IV.‎

 ‎Ekspertizaning vazifasi:______________________________
‎________________________________________________________

V.‎

 ‎Ekspertiza (tekshirish) natijalari_____________________
‎‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________

Ekspertiza soʻrovchining vakili______________________

‎

‎Ekspert ________________________________

‎
‎M. Oʻ.		 ‎
‎ Muhrsiz haqiqiy emas. ‎ ‎
Keyingi tahrirga qarang.
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga
3-ILOVA
‎ ‎ ‎

‎‎OʼZBEKISTON RESPUBLIKASI
‎“OʼZBEKEKSPERTIZA”
‎OCHIQ AKSIYADORLIK JAMIYATI

‎‎RESPUBLIKA UZBEKISTAN
‎OTKRITOYE AKSIONERNOYE OBSHESTVO
‎“UZBEKEKSPERTIZA”

‎‎________________________________________________________


EKSPERT XULOSASI

‎‎20__yil “___” ________, ___-son

I.‎

 Ekspertiza soʻrovchi:__‎‎_________________________________‎

II.‎

 Ekspert:_____________________________________________‎

III.‎

 ‎‎Ekspertizaning asosi:_________________________________
‎ 1.‎‎Topshiriqnoma №___________________________________
‎ ‎2.Buyurtmanoma №____________________________________

IV.‎

 ‎Ekspertizaning vazifasi:______________________________
‎________________________________________________________

V.‎

 ‎Ekspertiza (tekshirish) natijalari_____________________
‎‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________

‎Ekspert ________________________________

‎Organning vakolatli shaxsi _______________

‎
‎M. Oʻ.		 ‎
‎ Muhrsiz haqiqiy emas.‎ ‎
Keyingi tahrirga qarang.
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga
4-ILOVA
‎ ‎ ‎

OʼZBEKISTON RESPUBLIKASI
‎“OʼZBEKEKSPERTIZA”
‎OCHIQ AKSIYADORLIK JAMIYATI

‎RESPUBLIKA UZBEKISTAN
‎OTKRITOYE AKSIONERNOYE OBSHESTVO
‎“UZBEKEKSPERTIZA”

‎________________________________________________________


Oʻz ishlab chiqarish ehtiyojlari uchun olib kelinayotgan mol-mulkka son-____


‎SERTIFIKAT

1.‎

 ‎Ekspert __________________________________________

2.‎

 ‎Ariza beruvchi_____________________________________

3.‎

 Korxonaning roʻyxatdan oʻtkazilgan raqami_____________

4.‎

 Ishlab chiqarish joylashgan joy______________________
‎________________________________________________________
‎________________________________________________________

5.‎

 Sertifikatlanayotgan mahsulotning nomi_____________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________
‎________________________________________________________

6.‎

 Sertifikatlanayotgan mahsulotning hajmi/soni________
‎________________________________________________________
‎________________________________________________________

7.‎

 ‎‎Kontrakt _________________________________________
Ushbu sertifikat bilan quyidagi mol-mulkning oʻz ishlab chiqarish ehtiyojlari uchun olib kelinayotganligi tasdiqlanadi:
‎________________________________________________________
‎________________________________________________________
‎________________________________________________________
‎Sertifikat haqiqiydir ___________________________________
‎


Sertifikat bergan organning vakolatli shaxsi

M. Oʻ.‎

_____________________‎

 ________________________‎
‎

(imzo‎)

(F.I.O.)‎

‎

Sertifikat berilgan sana

Keyingi tahrirga qarang.
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga
5-ILOVA

‎OʼZBEKISTON RESPUBLIKASI
‎“OʼZBEKEKSPERTIZA”
‎OCHIQ AKSIYADORLIK JAMIYATI

‎RESPUBLIKA UZBEKISTAN
‎OTKRITOYE AKSIONERNOYE OBSHESTVO
‎“UZBEKEKSPERTIZA”
‎

‎________________________________________________________‎


‎Oʻz ishlab chiqarish ehtiyojlari uchun olib kelinayotgan mol-mulkka

____-son SERTIFIKATGA ____-son OʻZGARTIRISH (QOʻSHIMCHA)


‎1.Sertifikatga oʻzgartirish (qoʻshimcha)lar kiritish uchun asos
‎________________________________________________________
‎________________________________________________________
‎________________________________________________________
‎2.Oʻzgartirish va qoʻshimchalar:______________________________
‎________________________________________________________
‎________________________________________________________
‎Sertifikatga oʻzgartirish (qoʻshimcha)lar haqiqiydir ___________

‎
Sertifikat bergan organning vakolatli shaxsi‎

M. Oʻ.______________________‎ ___________________________‎

(imzo)

(F.I.O.)

‎Oʻzgartirish (qoʻshimcha)lar berilgan sana

Keyingi tahrirga qarang.
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga
6-ILOVA
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkka berilgan sertifikatlar
REYESTRI
T/r Sertifikatning tartib raqami, sanasi va amal qilish muddati Ariza beruvchining nomi Pochta manzili OKPO kodi Import qilinayotgan mol-mulkning nomi Mol-mulkni yetkazib berishga asos boʻlgan kontrakt yoki boshqa hujjatning tartib raqami, sanasi Oʻlchov birligi Soni
Keyingi tahrirga qarang.
Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi nizomga
7-ILOVA
‎ ___________________________‎
‎

(soliq inspeksiyasi rahbari)

Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkdan foydalanish toʻgʻrisida

20____yil “______” ___________________dagi

DEKLARATSIYA
‎

‎1.Ariza beruvchining nomi ________________________________
‎________________________________________________________
‎2.Korxona_______________________________________________
‎3.Olingan sertifikatning tartib raqami va sanasi___________
‎4.Sertifikatlanayotgan mahsulotning nomi__________________
‎5.Sertifikatlanayotgan mahsulotning soni __________________

Xorijiy investorlar va xorijiy investitsiyalar ishtirokidagi korxonalar tomonidan oʻz ishlab chiqarish ehtiyojlari uchun olib kelinayotgan mol-mulkni aniqlash tartibi toʻgʻrisidagi Nizomni bajarish yuzasidan 20 yil “____”dagi ____-son kontrakt boʻyicha olingan sertifikat asosida yuk hujjatlariga muvofiq _________
‎________________________________________________________

‎‎________________________________________________________

(transport yuk hujjatlari, invoyslar)

‎___________________________________________________tushdi.
20 y. “____”dagi holatiga koʻra________________foydalanildi.
‎Sertifikatlangan mahsulotning qoldigʻi_____________________
‎________________________________________________________‎
Sertifikatlangan mahsulotdan quyidagi tarzda foydalanildi____________________________________________
‎________________________________________________________
‎________________________________________________________

‎Rahbar _______________‎
‎___________________________‎

(imzo)

(F.I.O.)‎

‎

M.Oʻ.‎

Bosh buxgalter___________‎ ___________________________‎

(imzo)

(F.I.O.)‎

Keyingi tahrirga qarang.