|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
1998 YILDA ShOLI EKILADIGAN MAYDONLAR TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Yer-suv resurslaridan oqilona foydalanish va qishloq xoʻjaligi korxonalarida sholi yetishtirish samaradorligini oshirish maqsadida Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashi viloyatlar hokimliklari, Qishloq va suv xoʻjaligi vazirligi, “Oʻzdonmahsulot” davlat korporatsiyasining 1998-yilda qishloq xoʻjaligi korxonalarida sholi ekiladigan maydonlar hajmi kutiladigan suv taʼminotini hisobga olgan holda sholining yalpi hosili va davlat resurslari uchun tayyorlanadigan sholi miqdori toʻgʻrisidagi taklifiga ilovaga muvofiq rozilik berilsin.
2. Bunda sholi asosan ixtisoslashtirilgan sholikor xoʻjaliklarda va suv bilan kafolatli taʼminlangan zonalarda joylashtirilsin. Andijon, Buxoro, Jizzax, Navoiy, Namangan, Samarqand va Fargʻona viloyatlari xoʻjaliklarida sholi ekilishiga yoʻl qoʻyilmasin.
3. Sugʻoriladigan yerlardan yuqori samarali foydalanishni tashkil etish, sholidan yuqori hosil olish va shu asosda sholi yetishtirish hajmlari sezilarli darajada koʻpaytirilishini taʼminlash Qishloq va suv xoʻjaliga vazirligi, “Oʻzmevasabzavotuzumsanoat-xolding” kompaniyasi, “Oʻzqishloqxoʻjaliktaʼminot-tuzatish” davlat-kooperativ qoʻmitasi, Qoraqalpogʻiston Respublikasi Vazirlar Kengashi, viloyatlar va tumanlar hokimliklarining birinchi darajali vazifasi deb hisoblansin.
4. Vazirlar Mahkamasining 1997-yil 24-iyundagi 317-son qarorining sholi ekiladigan maydonlarga oid qismi oʻz kuchini yoʻqotgan deb hisoblansin.
5. “Oʻzdonmahsulot” davlat korporatsiyasi, Qishloq va suv xoʻjaligi vazirligi Qoraqalpogʻiston Respublikasi Vazirlar Kengashi hamda Surxondaryo, Sirdaryo, Toshkent va Xorazm viloyatlari hokimliklari bilan birgalikda shu yil 1-martgacha sholikor xoʻjaliklar bilan sholini shartnomaviy narxda xarid qilish yuzasidan kontraktatsiya shartnomalari tuzilishini taʼminlasinlar va sholi qiymatining kamida 40 foizi miqdorida avans bersinlar.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I. X. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1998-yil 15-yanvar,
25-son
1998-yilda sholi ekish maydoni yalpi hosil va tayyorlash
| | Jami ming gektar | Yalpi hosil ming tonna | Davlat resurslariga tayyorlash, ming tonna |
| Qoraqalpogʻiston Respublikasi | 75 | 323 | 161 |
| viloyatlar: | | | |
| Surxondaryo | 5,6 | 24,1 | 12 |
| Sirdaryo | 7 | 30,1 | 15 |
| Toshkent | 11,4 | 49,6 | 25 |
| Xorazm | 38 | 174,7 | 87 |
| Jami | 137 | 601,5 | 300 |
