PQ-1115-сон 21.05.2009. XXR Eksimbanki ishtirokida “Toshkent shahrining tashqi elektr taʼminoti obyektlarini qurish” loyihasini amalga oshirish chora-tadbirlari toʻgʻrisida

Norasmiy tarjima

Oʻzbekiston Respublikasi Prezidentining

Qarori

XXR Eksimbanki ishtirokida “Toshkent shahrining tashqi elektr taʼminoti obyektlarini qurish” loyihasini amalga oshirish chora-tadbirlari toʻgʻrisida

Toshkent shahridagi korxonalar, obyektlar va aholini elektr bilan taʼminlashning ishonchliligini oshirish, shuningdek, Xitoy Xalq Respublikasi (XXR) Hukumati tomonidan Shanxay hamkorlik tashkilotiga aʼzo mamlakatlarga taqdim etilayotgan mablagʻlardan foydalangan holda investitsiya loyihalarini oʻz vaqtida amalga oshirish maqsadida:

1. Tanlov asosida tanlab olingan “Xian Electric Engineer Co. Ltd” kompaniyasi bilan birga “Toshkent shahrining tashqi elektr taʼminoti obyektlarini qurish (VL 220 kVga bogʻlamalari bilan “Keles” 220 kV PS, 110 kV kabel liniyasi bilan PP 110 kV “Navoiy” va PS 110 kV “Sayilgoh”)” loyihasini amalga oshirish doirasida 27 742,0 ming AQSH dollari qiymatidagi elektr uskunalari va materiallar yetkazib berish boʻyicha kontrakt imzolangani maʼlumot uchun qabul qilinsin.

2. Belgilansinki, cheklangan qiymati 59 166,94 ming AQSH dollari ekvivalentiga teng boʻlgan “Toshkent shahrining tashqi elektr taʼminoti obyektlarini qurish” loyihasini moliyalashtirish quyidagilar hisobidan amalga oshiriladi:

qiymati 32 812,04 ming AQSH dollari ekvivalentiga teng boʻlgan “Oʻzbekenergo” DAKning oʻz mablagʻlari;

XXR Eksimbankining 5 yillik imtiyozli davr bilan 20 yil muddatga taqdim etilgan, “Oʻzsanoatqurilishbank” AK orqali qayta moliyalashtiriladigan, qayta moliyalashtiruvchi bankning 0,2 foizlik marjasi bilan yillik foiz stavkasi 2 foiz boʻlgan 26 354,9 ming AQSH dollari miqdoridagi qarz mablagʻlari.

3. “Oʻzbekenergo” DAK XXR Eksimbankining qarz mablagʻlaridan maqsadli va samarali foydalanish hamda loyihani amalga oshirish uchun masʼul ijrochi organ va qarz oluvchi etib belgilansin.

Kreditlarni soʻndirish va ular boʻyicha foizlarni toʻlash bilan bogʻliq xarajatlar “Oʻzbekenergo” DAKning valyuta mablagʻlari hisobidan amalga oshiriladi.

Uskunalarning yakuniy qiymati “Oʻzstandart” agentligida akkreditatsiyadan oʻtgan konsalting kompaniya tomonidan ularni yuklab joʻnatish vaqtida aniqlanadi.

4. Quyidagilar:

obyektlarni 2009-yil dekabr oyida foydalanishga topshirgan holda, loyihaning texnik-iqtisodiy asoslanishi asosiy texnik-iqtisodiy koʻrsatkichlari bilan birga 1-ilovaga muvofiq;

XXR Eksimbanki kreditini soʻndirish, loyiha boʻyicha foizlar va vositachilik toʻlovlarini toʻlash jadvali 2-ilovaga muvofiq tasdiqlansin.

5. “Oʻzsanoatqurilishbank” AK XXR Eksimbanki bilan qarz shartnomasini va “Oʻzbekenergo” DAK bilan XXR Eksimbanki qarz mablagʻlarini qayta moliyalashtirish boʻyicha kredit shartnomasini tuzsin.

6. Oʻzbekiston Respublikasi moliya vaziriga “Oʻzsanoatqurilishbank” AKning XXR Eksimbanki oldidagi toʻlov majburiyatlari boʻyicha Oʻzbekiston Respublikasi Hukumati nomidan belgilangan tartibda kafolat berish vakolati taqdim etilsin.

Oʻzbekiston Respublikasi Adliya vazirligi belgilangan tartibda qarz shartnomasida nazarda tutilgan shaklga muvofiq Oʻzbekiston Respublikasining kafolati boʻyicha yuridik xulosa bersin.

7. “Oʻzbekenergo” DAK va “Oʻzsanoatqurilishbank” AK Oʻzbekiston Respublikasi Iqtisodiyot vazirligi va Moliya vazirligi bilan birgalikda bir oy muddatda XXR Eksimbanki qarz mablagʻlariga oʻz vaqtida xizmat koʻrsatishni taʼminlovchi mablagʻlarni jamlash hamda qaytarish tartibi toʻgʻrisidagi nizomni ishlab chiqib, belgilangan tartibda tasdiqlasin.

8. Loyihani amalga oshirish davrida quyidagilar:

mazkur loyiha doirasida XXR Eksimbanki mablagʻlari hisobidan xarid qilinadigan va Oʻzbekiston Respublikasi Vazirlar Mahkamasi tasdiqlaydigan roʻyxatlar asosida “Oʻzbekenergo” DAK tomonidan olib kiriladigan uskunalar va materiallar bojxona toʻlovlaridan (bojxona rasmiylashtiruvi uchun yigʻimlar bundan mustasno);

mazkur loyiha doirasida “Oʻzbekenergo” DAK va uning korxonalari tomonidan xarid qilinadigan tovarlar (ishlar, xizmatlar) qoʻshimcha qiymat soligʻi hamda davlat maqsadli jamgʻarmalariga va Taʼlim muassasalarini rekonstruksiya qilish, mukammal taʼmirlash va jihozlash jamgʻarmasiga oʻtkaziladigan majburiy ajratmalardan ozod qilinsin.

9. Oʻzbekiston Respublikasi Tashqi ishlar vazirligi “Oʻzbekenergo” DAKning buyurtmanomalariga asosan ushbu loyihani amalga oshirishda ishtirok etadigan xorijiy mutaxassislarga kirish vizalari rasmiylashtirilishini belgilangan tartibda taʼminlasin.

10. Oʻzbekiston Respublikasi Ichki ishlar vazirligi “Oʻzbekenergo” DAK buyurtmanomalariga binoan, ushbu loyihani amalga oshirishda ishtirok etadigan xorijiy mutaxassislarga kirish vizalarining berilishi va muddati uzaytirilishini, shuningdek, ularning vaqtinchalik roʻyxatdan oʻtkazilishi va muddati uzaytirilishini davlat bojlari toʻlashdan ozod qilgan holda taʼminlasin.

11. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari E.R. Shoismatov zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2009-yil 21-may,

PQ-1115-son

Oʻzbekiston Respublikasi Prezidentining 2009-yil 21-maydagi PQ-1115-son qaroriga
1-ILOVA

“Toshkent shahrining tashqi elektr taʼminoti obyektlarini qurish” (VL 220 kVga bogʻlamalari bilan “Keles” 220 kV PS, 110 kV kabel liniyasi bilan PP 110 kV “Navoiy” va PS 110 kV “Sayilgoh”) loyihasi TIAsining

ASOSIY TEXNIK-IQTISODIY KOʻRSATKICHLARI

T/r	Koʻrsatkich nomi	Oʻlchov birligi	Jami	shu jumladan:
T/r	Koʻrsatkich nomi	Oʻlchov birligi	Jami	“Oʻzbekenergo” DAKning oʻz mablagʻlari hisobidan	XXR Eksimbanki hisobidan
1.	Loyihaning cheklangan qiymati*	ming AQSH dollari	59 166,94	32 812,04	26 354,9
2.	Kapital qoʻyilmalarning cheklangan miqdori, jami	ming AQSH dollari	52 372,79	26 017,89	26 354,9
	shu jumladan:
2.1.	mashinalar va uskunalar, EKVda	ming AQSH dollari	23 344,00	1 387,10	21 956,9
2.2.	qurilish-montaj ishlari	ming AQSH dollari ekvivalentida	27 171,17	22 773,17	4398,0
2.3.	investitsiya davridagi moliyaviy chiqimlar	ming AQSH dollari ekvivalentida	1 051,67	1 051,67	—
2.4.	buyurtmachining boshqa xarajatlari, milliy valyutada	ming AQSH dollari ekvivalentida	805,96	805,96	—
2.5.	Mavjud asosiy fondlarning qiymati	ming AQSH dollari ekvivalentida	6 794,14	6 794,14	—
3.	Ishga tushiriladigan quvvat	200 MVA (220/110/10 kV) quvvatga ega ikkita avtotransformator, 63 MVA (110/35/10 kV) quvvatga ega ikkita avtotransformator
4.	Band boʻlgan kishilarning taxminiy soni, nafar	44
5.	Loyiha xarajatlarining diskontlanmagan qoplanish muddati	9,4 yil
6.	Investitsiya davrining davomiyligi	16 oy
7.	Barpo etilayotgan ishlab chiqarish fondlari qiymati	59 166,94 ming AQSH dollari (ekv.)
8.	Qarz mablagʻlarini soʻndirish muddati	20 yil
	shu jumladan imtiyozli davr	5 yil

* Loyihani amalga oshirishga jalb qilinayotgan mavjud asosiy fondlarning qiymati bilan birga.

Oʻzbekiston Respublikasi Prezidentining 2009-yil 21-maydagi PQ-1115-son qaroriga
2-ILOVA

XXR Eksimbanki kreditini soʻndirish, loyiha boʻyicha foizlar va vositachilik toʻlovlarini toʻlashning prognoz jadvali

Uskunalarning qiymati			27 742,00		ming AQSH dollari
Avans toʻlovlar 5 foiz			1 387,10		ming AQSH dollari
Qarz summasi			26 354,90		ming AQSH dollari
Qarzni soʻndirish muddati			20		yil
Imtiyozli davr			5		yil
Kreditni soʻndirish muddati			15		yil
Foiz stavkasi			yillik 2,0 foiz
Majburiyat uchun komissiya			qarzning olinmagan summasidan 0,3 foiz
Boshqaruv va agentlik uchun komissiya			qarz summasidan 0,3 foiz
Bank marjasi			0,2 foiz
Yarim yillik toʻlovlar soni			30

					ming AQSH dollari
Toʻlov sanasi	Asosiy qarzni toʻlash	Foizlarni toʻlash**	Bank marjasi	Majburiyat uchun komissiya**	Boshqaruv uchun komissiya	Jami toʻlanadigan summa
2009-yil 31-may***	0	105,42	10,84	23,75	79,07	218,75
2009-yil 30-noyabr	0	184,48	18,46	11,86		214,79
2010-yil 31-may	0	263,55	26,36			289,90
2010-yil 30-noyabr	0	263,55	26,36			289,90
2011-yil 31-may	0	263,55	26,36			289,90
2011-yil 30-noyabr	0	263,55	26,36			289,90
2012-yil 31-may	0	263,55	26,36			289,90
2012-yil 30-noyabr	0	263,55	26,36			289,90
2013-yil 31-may	0	263,55	26,36			289,90
2013-yil 30-noyabr	0	263,55	26,36			289,90
2014-yil 31-may	878,50	263,55	26,36			1168,40
2014-yil 30-noyabr	878,50	254,76	25,48			1158,74
2015-yil 31-may	878,50	245,98	24,60			1149,07
2015-yil 30-noyabr	878,50	237,19	23,72			1139,41
2016-yil 31-may	878,50	228,41	22,84			1129,75
2016-yil 30-noyabr	878,50	219,62	21,96			1120,08
2017-yil 31-may	878,50	210,84	21,08			1110,42
2017-yil 30-noyabr	878,50	202,05	20,21			1100,76
2018-yil 31-may	878,50	193,27	19,33			1091,09
2018-yil 30-noyabr	878,50	184,48	18,45			1081,43
2019-yil 31-may	878,50	175,70	17,57			1071,77
2019-yil 30-noyabr	878,50	166,91	16,69			1062,10
2020-yil 31-may	878,50	158,13	15,81			1052,44
2020-yil 30-noyabr	878,50	149,34	14,93			1042,78
2021-yil 31-may	878,50	140,56	14,06			1033,11
2021-yil 30-noyabr	878,50	131,77	13,18			1023,45
2022-yil 31-may	878,50	122,99	12,30			1013,79
2022-yil 30-noyabr	878,50	114,20	11,42			1004,12
2023-yil 31-may	878,50	105,42	10,54			994,46
2023-yil 30-noyabr	878,50	96,63	9,66			984,79
2024-yil 31-may	878,50	87,85	8,79			975,13
2024-yil 30-noyabr	878,50	79,06	7,91			965,47
2025-yil 31-may	878,50	70,28	7,03			955,80
2025-yil 30-noyabr	878,50	61,49	6,15			946,14
2026-yil 31-may	878,50	52,71	5,27			936,48
2026-yil 30-noyabr	878,50	43,92	4,39			926,81
2027-yil 31-may	878,50	35,14	3,51			917,15
2027-yil 30-noyabr	878,50	26,35	2,64			907,49
2028-yil 31-may	878,50	17,57	1,76			897,82
2028-yil 30-noyabr	878,40	8,78	0,88			888,16
	26 354,90	6 482,31	648,33	35,58	79,07	33 601,18

Izohlar:

* asosiy qarzning ilk toʻlov sanasi qarz shartnomasining kuchga kirish sanasiga bogʻliq;

** foizlar va komissiya toʻlovlarini toʻlash summasi qarzni haqiqatda oʻzlashtirish, yetkazib berish (olish) va qarz shartnomasining kuchga kirish sanalariga qarab aniqlashtiriladi;

*** qarzni olish sanalari prognoz xarakteriga ega boʻlib, qarz shartnomasining kuchga kirish sanasiga bogʻliq.