Oʻzbekiston Respublikasi Prezidentining
Qarori
Geologiya sohasiga investitsiyalarni faol jalb etish, tarmoq korxonalarini transformatsiya qilish va respublika mineral-xom ashyo bazasini kengaytirish boʻyicha qoʻshimcha chora-tadbirlar toʻgʻrisida
Geologiya sohasi korxonalarini ilgʻor xalqaro tajriba asosida transformatsiya qilish orqali ularda samarali boshqaruv tizimini joriy etish, foydali qazilmalarning yangi konlarini ochishga yoʻnaltirilgan geologiya-qidiruv ishlari tannarxini pasaytirish, konlarni sanoatda oʻzlashtirish uchun toʻgʻridan-toʻgʻri xorijiy investitsiyalar oqimini koʻpaytirish, Davlat geologiya va mineral resurslar qoʻmitasi (keyingi oʻrinlarda — Davlat geologiya qoʻmitasi) faoliyatini tubdan isloh qilish hamda hududlarda zamonaviy ishlab chiqarish quvvatlarini tashkil etish va yangi ish oʻrinlarini yaratish maqsadida:
1. Moliya vazirligi va Davlat geologiya qoʻmitasining geologiya sohasi tizimida respublika mineral-xom ashyo bazasini rivojlantirish va qayta tiklash davlat dasturlari (keyingi oʻrinlarda — davlat dasturlari) doirasida geologiya-qidiruv ishlari boʻyicha xizmat koʻrsatuvchi alohida yuridik shaxs maqomiga ega boʻlgan, “Qizilqumgeologiya” AJ, “Samarqandgeologiya” AJ, “Surxongeologiya” AJ, “Hisorgeologiya” AJ, “Toshkentgeologiya” AJ, “Markaziy laboratoriya” DUK va “Geoburtexnika” DUKlarni birlashtirish yoʻli bilan ular negizida “Oʻzbek geologiya qidiruv” AJ (keyingi oʻrinlarda — Aksiyadorlik jamiyati) tashkil etish toʻgʻrisidagi taklifiga rozilik berilsin.
Bunda, Davlat aktivlarini boshqarish agentligi aksiyadorlik jamiyatlarining ustav kapitalidagi davlat aksiyalari paketlari boʻyicha aksiyador huquqini amalga oshiradi.
(1-band Oʻzbekiston Respublikasi Prezidentining 2024-yil 19-apreldagi PF-67-sonli Farmoniga asosan xatboshi bilan toʻldirilgan — Qonunchilik maʼlumotlari milliy bazasi, 27.04.2024-y., 06/24/67/0307-son)
2. Quyidagilar Aksiyadorlik jamiyatining asosiy vazifalari etib belgilanganligi maʼlumot uchun qabul qilinsin:
sohaga zamonaviy va yuqori samarali uskunalarni, ilgʻor texnika va innovatsion texnologiyalarni joriy etish hisobiga geologiya sohasini modernizatsiya qilishga doir chora-tadbirlarni amalga oshirish;
geologiya-qidiruv ishlari samaradorligi va natijadorligini oshirish hamda xarajatlarni maqbullashtirish orqali xizmatlar tannarxini kamaytirishga qaratilgan tizimli ishlar olib borish;
zamonaviy korporativ boshqaruv tizimini joriy etish, moddiy-texnik, moliyaviy va mehnat resurslaridan unumli foydalanish orqali faoliyatning operatsion samaradorligini oshirish;
zamonaviy raqamli texnologiyalarni qoʻllash hisobiga sohada bajariladigan ishlarning raqobatbardoshligini taʼminlash va geologiya-qidiruv ishlarini nafaqat respublika hududida, balki xorijiy davlatlarda, xalqaro tenderlar gʻolibi sifatida bajarish;
hududlarda geologiya-qidiruv ishlarini jadal amalga oshirish orqali respublika mineral-xom ashyo bazasi rivojlantirilishini taʼminlash.
Aksiyadorlik jamiyati tomonidan xalqaro moliya institutlari va konsalting tashkilotlari yordamida, 2025-yilda aksiyalarini ommaviy ravishda birlamchi va ikkilamchi joylashtirish orqali investorlar jalb etilishi belgilab qoʻyilsin.
3. Moliya vazirligi, Davlat geologiya qoʻmitasi Aksiyadorlik jamiyati tashkil etilganidan soʻng:
bir oy muddatda Aksiyadorlik jamiyati tarkibida transformatsiya boʻyicha islohotlarni amalga oshirishni, korporativ boshqaruv va xalqaro standartlarning zamonaviy tizimlarini joriy etishni hamda jamiyatning moliyaviy-iqtisodiy faoliyatini muvofiqlashtirish vazifalarini bajaruvchi Loyiha ofisi tashkil etilishini taʼminlasin;
bir oy muddatda Aksiyadorlik jamiyati kuzatuv kengashi tarkibining kamida 30 foizini malakali xorijiy tajribaga ega soha mutaxassislari bilan toʻldirsin;
uch oy muddatda Aksiyadorlik jamiyati rahbarining oʻrinbosari — moliyaviy direktor (CFO) lavozimini joriy etib, unga yuqori malakali hamda oʻxshash loyihalarda ish tajribasiga ega boʻlgan xalqaro ekspert jalb etilishini taʼminlasin.
4. Quyidagilar:
Davlat geologiya qoʻmitasi tizimida faoliyat yuritayotgan korxonalarni isloh qilish, sohaning investitsiyaviy jozibadorligini oshirish va raqamlashtirishni keng joriy qilish boʻyicha “Yoʻl xaritasi” 1-ilovaga muvofiq;
Davlat geologiya qoʻmitasining yangi tashkiliy tuzilmasi 2-ilovaga muvofiq;
2021-2022-yillarda foydali qazilmalarning yangi konlarini aniqlash uchun istiqbolli maydon va strukturalarda bajariladigan geologiya-qidiruv ishlarining asosiy yoʻnalishlari 3-ilovaga muvofiq;
2021-2022-yillarda respublika mineral-xom ashyo bazasini rivojlantirish va qayta tiklash uchun foydali qazilma zaxiralarini koʻpaytirishning asosiy koʻrsatkichlari 4-ilovaga muvofiq;
2021-2022-yillarda “Olmaliq KMK” AJ tomonidan birlashgan Qalmoqqir va Yoshlik-I konlarining qayta baholanishi hisobiga foydali qazilma zaxiralarini koʻpaytirishning asosiy koʻrsatkichlari 5-ilovaga muvofiq tasdiqlansin.
5. Belgilab qoʻyilsinki:
davlat dasturlari doirasida Davlat geologiya qoʻmitasi buyurtmasiga muvofiq amalga oshiriladigan geologiya-qidiruv ishlariga shartnomalar asosida qoʻmita tomonidan yoʻnaltiriladigan mablagʻlar geologiya sohasi tashkilotlari ustav fondiga kapitalizatsiya qilinmaydi;
geologiya-qidiruv ishlari natijasida aniqlangan yangi maydon va strukturalar, shuningdek, foydali qazilmalarning yangi ochilgan konlari Davlat geologiya qoʻmitasi tomonidan qonunchilik bilan oʻrnatilgan tartibda salohiyatli investorlar jalb etiladigan investitsiya obyektlari hisoblanadi;
2022-yildan boshlab, yer qaʼridan foydalanuvchilar har yili 1-fevralga qadar geologiya qidiruv ishlari va foydali qazilma zaxiralarini koʻpaytirishning oʻtgan yilda erishilgan natijalari hamda joriy yilga rejalashtirilgan hajmi boʻyicha tegishli maʼlumotlarni Davlat geologiya qoʻmitasiga taqdim etishi talab etiladi;
Davlat geologiya qoʻmitasi tomonidan 2020-yilgi davlat dasturi doirasida tayyorlangan 15 ta neft va gazga istiqbolli maydonlarda 2021-yilda bajariladigan qidiruv-burgʻilash ishlari “Oʻzbekneftgaz” AJning oʻz mablagʻlari yoki u tomonidan jalb etiladigan mablagʻlar hisobidan amalga oshiriladi.
6. Davlat geologiya qoʻmitasi va “Oʻzbekneftgaz” AJ tomonidan amalga oshiriladigan neft va gaz maydon hamda konlarida geologiya qidiruv ishlarini rivojlantirish boʻyicha chora-tadbirlar rejasi 6-ilovaga muvofiq tasdiqlansin.
Bunda, Davlat geologiya qoʻmitasi va “Oʻzbekneftgaz” AJ ushbu chora-tadbirlarning belgilangan muddatlarda bajarilishiga masʼul etib belgilansin.
7. Davlat geologiya qoʻmitasi, Moliya vazirligi hamda Investitsiyalar va tashqi savdo vazirligining geologiya sohasi investitsiyaviy jozibadorligini oshirishga yoʻnaltirilgan:
geologik jihatdan kam oʻrganilgan yer qaʼri uchastkalarini xalqaro standartlar asosida bloklar (maydonlar)ga ajratish tizimini joriy etish;
xalqaro standartlar asosida ajratiladigan blok (maydon)dan geologik jihatdan oʻrganish uchun foydalanish huquqini beradigan ruxsatnomani olish uchun bir martalik imzoli bonus oʻrniga blok (maydon)ning oʻlchami va u yerdagi foydali qazilma turini hisobga oladigan har yillik toʻlovni hamda geologik-qidiruv ishlarini bajarish uchun yillik minimal xarajatlar miqdori boʻyicha talabni joriy etish;
kam oʻrganilgan yer qaʼri uchastkalaridan geologik jihatdan oʻrganish uchun foydalanish huquqini beradigan ruxsatnomalarni investorlarning murojaatiga muvofiq Davlat geologiya qoʻmitasi tomonidan “birinchi kelgan birinchi oladi” prinsipi asosida Oʻzbekiston Respublikasi Yagona interaktiv davlat xizmatlari portali orqali onlayn tarzda berish;
oʻrganilganlik darajasi va kon ochish salohiyati yuqori boʻlgan maydonlardan geologik jihatdan oʻrganish uchun foydalanish hamda aniqlangan konlardan foydali qazilmalarni qazib olish uchun foydalanish huquqini beradigan ruxsatnomalarni “E-AUKSION” elektron savdo platformasida oʻtkaziladigan auksion natijalariga koʻra berish toʻgʻrisidagi takliflariga rozilik berilsin.
(7-bandning beshinchi xatboshisi Oʻzbekiston Respublikasi Prezidentining 2024-yil 19-apreldagi PF-67-sonli Farmoni tahririda — Qonunchilik maʼlumotlari milliy bazasi, 27.04.2024-y., 06/24/67/0307-son)
Mazkur takliflar yangi tahrirda ishlab chiqilayotgan Oʻzbekiston Respublikasining “Yer osti boyliklari toʻgʻrisida”gi Qonuni loyihasida nazarda tutilsin.
8. Shunday tartib oʻrnatilsinki, unga muvofiq:
Davlat geologiya qoʻmitasiga auksionga qoʻyilmagan yer qaʼri uchastkasidan foydalanish huquqini olish uchun investordan murojaat kelib tushgan taqdirda, ushbu yer qaʼri uchastkasidan foydalanish huquqi uchun ruxsatnoma “E-AUKSION” elektron savdo platformasi orqali qonunchilik bilan oʻrnatilgan tartibda auksionga qoʻyiladi.
(8-bandning ikkinchi xatboshisi Oʻzbekiston Respublikasi Prezidentining 2024-yil 19-apreldagi PF-67-sonli Farmoni tahririda — Qonunchilik maʼlumotlari milliy bazasi, 27.04.2024-y., 06/24/67/0307-son)
(8-bandning uchinchi xatboshisi Oʻzbekiston Respublikasi Prezidentining 2024-yil 19-apreldagi PF-67-sonli Farmoniga asosan chiqarilgan — Qonunchilik maʼlumotlari milliy bazasi, 27.04.2024-y., 06/24/67/0307-son)
9. Davlat geologiya qoʻmitasi uch oy muddatda respublika mineral-xom ashyo bazasini kengaytirishning ustuvor vazifalaridan kelib chiqib, jahon bozori konyunkturasi va ilgʻor ilmiy-texnik yutuqlarni aks ettirgan holda, besh yillik davrni qamrab olgan kon-geologiya sohasini istiqbolli rivojlantirish konsepsiyasini ishlab chiqsin va Vazirlar Mahkamasiga kiritsin.
10. Toshkent shahar hokimligi, Qurilish vazirligi, Moliya vazirligi va Davlat geologiya qoʻmitasining:
Geologiya fanlari universiteti binolari qurilishining birinchi bosqichini (oʻquv binosi, yotoqxona, ilmiy-tadqiqot institutlari binolari, geologik muzey binosi) tugallash va ularni foydalanishga topshirish muddatini 2021-yil dekabrgacha uzaytirish;
Toshkent shahar, Mirzo Ulugʻbek tumani, Olimlar koʻchasi, 64 va 49-uy manzillarida joylashgan Gidrogeologiya va muhandislik geologiyasi instituti hamda H.M. Abdullayev nomidagi Geologiya va geofizika instituti binolarini buzish hamda ularning oʻrnida ikkita yangi yetti qavatli binolarni barpo etish;
2021-yilda qurilishining ikkinchi bosqichida boʻlgan Davlat geologiya qoʻmitasi apparati, Geologiya fondi, Kon-geologiya faoliyatini nazorat qilish inspeksiyasi, Aksiyadorlik jamiyati, Davlat geologiya axborot markazi binolari qurilishini yakunlash toʻgʻrisidagi takliflariga rozilik berilsin.
11. Belgilab qoʻyilsinki:
a) Davlat geologiya qoʻmitasi tarkibiga kiruvchi, sohaga oid boʻlmagan aktivlarni sotishdan tushgan mablagʻlar toʻliq davlat budjetiga yoʻnaltiriladi;
b) Geologiya fanlari universiteti klasteri qurilishini yakunlash uchun zarur mablagʻlar:
2021-yil uchun davlat budjeti hisobidan Davlat geologiya qoʻmitasi uchun ajratilgan mablagʻlar, shuningdek, davlat budjetiga yoʻnaltiriladigan Davlat geologiya qoʻmitasi tarkibiga kiruvchi, sohaga oid boʻlmagan aktivlarni sotishdan tushadigan mablagʻlar;
2021 — 2023-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida iqtisod qilingan mablagʻlar hamda oʻzlashtirilmagan mablagʻlarni qayta taqsimlash hisobidan ajratiladi.
Iqtisodiy taraqqiyot va kambagʻallikni qisqartirish vazirligi Moliya vazirligi va Davlat geologiya qoʻmitasi bilan birgalikda mazkur band talablaridan kelib chiqib, Vazirlar Mahkamasiga Geologiya fanlari universiteti klasteri qurilishini yakunlash uchun zarur mablagʻlarni ajratish boʻyicha takliflar kiritilishini taʼminlasin.
12. Oʻzbekiston Respublikasi Prezidentining ayrim qarorlariga 7-ilovaga muvofiq oʻzgartirishlar kiritilsin.
13. Mazkur qaror ijrosini samarali tashkil etishga masʼul va shaxsiy javobgar etib Davlat geologiya va mineral resurslar qoʻmitasi raisi B.F. Islamov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 21-aprel,
PQ-5083-son
Oʻzbekiston Respublikasi Prezidentining 2021-yil 21-apreldagi PQ-5083-son qaroriga
1-ILOVA
Davlat geologiya qoʻmitasi tizimida faoliyat yuritayotgan korxonalarni isloh qilish, sohaning investitsiyaviy jozibadorligini oshirish va raqamlashtirishni keng joriy qilish boʻyicha
“YOʻL XARITASI”

T/r

Tadbirlar nomi

Amalga oshirish mexanizmi

Ijro muddati

Masʼul ijrochilar

I. Davlat geologiya qoʻmitasi tizimida faoliyat yuritayotgan korxonalarni isloh qilish

1.

“Markaziy laboratoriya” DUK, “Samarqandgeologiya” AJ, “Surxongeologiya” AJ, “Toshkentgeologiya” AJ, “Qizilqumgeologiya” AJ, “Geoburtexnika” DUK va “Hisorgeologiya” AJlarni qoʻshib yuborish orqali ular negizida “Oʻzbek geologiya qidiruv” AJ tashkil etish*.

1. Davlat geologiya qoʻmitasi tomonidan “Markaziy laboratoriya” DUK va “Geoburtexnika” DUKni aksiyadorlik jamiyatiga aylantirish toʻgʻrisida Hayʼat qarori qabul qilish.

2021-yil aprel

Davlat geologiya qoʻmitasi (B. Islamov), Davlat aktivlarini boshqarish agentligi (A. Ortiqov), Moliya vazirligi (O. Nasritdinxodjayev)

2. “Markaziy laboratoriya” DUK va “Geoburtexnika” DUK mol-mulklarini xatlovdan oʻtkazish, davlat unitar korxonalarining ustav kapitali miqdorida aksiyadorlik jamiyatlari ustav kapitallarini belgilagan holda davlat roʻyxatidan oʻtkazish.

2021-yil may

3. “Markaziy laboratoriya” AJ va “Geoburtexnika” AJ aksiyalarini davlat roʻyxatidan oʻtkazish va Moliya vazirligiga joylashtirish.

2021-yil may

Moliya vazirligi (O. Isakov)

4. “Markaziy laboratoriya” AJ, “Samarqandgeologiya” AJ, “Surxongeologiya” AJ, “Toshkentgeologiya” AJ, “Qizilqumgeologiya” AJ, “Geoburtexnika” AJ va “Hisorgeologiya” AJlarni qoʻshib yuborish toʻgʻrisida qaror qabul qilish, qoʻshib yuborish, shu jumladan aksiyalarni nominal qiymatda ayirboshlash haqida shartnoma tuzish.

2021-yil iyun

Moliya vazirligi
(O. Nasritdinxodjayev)

5. “Oʻzbek geologiya qidiruv” AJni roʻyxatdan oʻtkazish.

2021-yil iyul

Moliya vazirligi
(O. Nasritdinxodjayev),
Davlat geologiya qoʻmitasi (B. Islamov)

6. “Mineral resurslar instituti” Davlat muassasasiga tegishli “Ingichka tajriba texnologik ekspeditsiyasi”ni “Oʻzbek geologiya qidiruv” AJ tarkibiga kiritilishini taʼminlash.

2021-yil iyul

7. “Oʻzbek geologiya qidiruv” AJ tarkibida transformatsiya islohotini amalga oshirish, korporativ boshqaruv va xalqaro standartda zamonaviy tizimlarni joriy etish hamda jamiyatning moliyaviy-iqtisodiy faoliyatini muvofiqlashtirish vazifalarini bajaruvchi Loyiha ofisini tashkil etish.

2021-yil avgust

Moliya vazirligi
(O. Nasritdinxodjayev),
Davlat geologiya qoʻmitasi (B. Islamov)

8. “Oʻzbek geologiya qidiruv” AJ kuzatuv kengashiga xorijiy tajribaga ega mutaxassislarni jalb etish orqali kuzatuv kengashi tarkibining kamida 30 foizini malakali mutaxassislar bilan toʻldirish.

2021-yil avgust

9. “Oʻzbek geologiya qidiruv” AJ rahbarining oʻrinbosari — moliyaviy direktor lavozimini joriy etib, unga yuqori malakali hamda oʻxshash loyihalarda ish tajribasiga ega boʻlgan xalqaro ekspertni jalb etish.

2021-yil noyabr

2.

“Oʻzbek geologiya qidiruv” AJ da moliyaviy hisobotlarni xalqaro standartlar asosida yuritilishini taʼminlash va xalqaro kredit reytingini olish.

1. Korporativ kredit reytingini olish boʻyicha ish-reja jadvalini ishlab chiqish va Moliya vazirligiga taqdim etish.

2021-yil sentabr

Davlat aktivlarini boshqarish agentligi (A. Ortikov),
Togʻ-kon sanoat va geologiya vazirligi
(O. Nasritdinxodjayev)

2. Hisobot davri uchun moliyaviy hisobotlarni xalqaro moliyaviy hisobotlar standartlari (IFRS) asosida tayyorlash.

2022-yil iyun

3. Korporativ kredit reytingini olish uchun xalqaro reyting agentliklarini jalb qilish.

2022-yil iyul

4. Tanlangan reyting agentligi tomonidan “Oʻzbek geologiya qidiruv” AJga xalqaro kredit reytingini olish va olingan kredit reytingi press-relizini OAVda eʼlon qilish.

2022-yil dekabr

3.

“Oʻzbek geologiya qidiruv” AJga “PwC” (Pricewaterhouse Coopers) xalqaro konsalting tashkilotini jalb qilgan holda operatsion samaradorlikni oshirish hamda oʻrta va uzoq muddatli rivojlanish strategiyalarini ishlab chiqish.

1. Ishlab chiqarish jarayonlarining samaradorligini tahlil qilish va jarayonlarning maqsadli modelini ishlab chiqish.

2021-yil noyabr

Moliya vazirligi
(O. Nasritdinxodjayev),
Davlat geologiya qoʻmitasi (B. Islamov)

2. Jarayonlarning maqsadli modelini tatbiq qilishda ishtirok etadigan xodimlarni oʻqitish.

2022-yil yanvar

3. Taʼmirlash va xizmat koʻrsatish ishlari boʻyicha strategiyani va texnik siyosatni shakllantirish.

2022-yil aprel

4. Tizimni yoʻlga qoʻyish va Loyiha amalga oshirilishini baholab borish.

2022-yil may

5. Loyiha natijalariga koʻra rivojlanishning oʻrta va uzoq muddatli rejasini moliyaviy sogʻlomlashtirishni inobatga olgan xolda ishlab chiqish.

2022-yil iyul

6. Rivojlantirish boʻyicha ishlab chiqilgan ish rejani tasdiqlash uchun kiritish.

2022-yil iyul

4.

“Oʻzbek geologiya qidiruv” AJda xaridlar va boshqaruv tizimlarini auditdan oʻtkazish hamda “muvofiqlik tizimi” (komplayens) va korrupsiyaga qarshi xizmatlarni shakllantirishni nazarda tutadigan zamonaviy korporativ boshqaruv tizimini joriy etish.

1. Korporativ boshqaruv tizimini ishlab chiqish uchun texnik topshiriq tayyorlash.

2022-yil mart

Moliya vazirligi
(O. Nasritdinxodjayev),
Davlat geologiya qoʻmitasi (B. Islamov)

2. Xalqaro nufuzli konsalting kompaniyalari orasida eʼlon qilish va maslahatchini tanlash.

2022-yil aprel

3. Korporativ boshqaruv tizimini ishlab chiqish.

2022-yil may

4. Zamonaviy korporativ boshqaruv tizimini joriy etish.

2022-yil iyul

5.

“OʻzGEORANGMETLITI” davlat korxonasi ish faoliyatini samarali tashkil etish.

1. Davlat geologiya qoʻmitasi tomonidan “OʻzGEORANGMETLITI” davlat korxonasini masʼuliyati cheklangan jamiyatga oʻtkazish orqali qayta tashkil etish yuzasidan tegishli Hayʼat qarorini qabul qilish.

2021-yil iyul

Davlat geologiya qoʻmitasi (B. Islamov)

2. “OʻzGEORANGMETLITI” davlat korxonasini Hayʼat qarori asosida belgilangan tartibda “OʻzGEORANGMETLITI” MCHJga oʻtkazish yoʻli bilan qayta tashkil etish.

2021-yil avgust

Davlat aktivlarini boshqarish agentligi
(A. Ortiqov),

3. Yuqorida belgilangan tadbirlarni amalga oshirish orqali ushbu jamiyatni belgilangan tartibda davlat roʻyxatidan oʻtkazish.

2021-yil avgust

Davlat geologiya qoʻmitasi (B. Islamov)

6.

“Geoltextaʼminot” davlat korxonasi faoliyatini tugatish.

1. Oʻzbekiston Respublikasi Prezidentining 2019-yil 23-iyuldagi PQ-4401-son, 2019-yil 18-noyabrdagi PQ-4522-son, 2020-yil 8-iyundagi PQ-4740-son qarorlari hamda 2020-2021-yillarga mineral xom ashyo bazasini rivojlantirish va qayta toʻldirish davlat dasturlari doirasida “Geoltextaʼminot” DK tomonidan geologiya sohasida faoliyat koʻrsatayotgan korxonalarni modernizatsiya qilish boʻyicha ishlarni 2021-yilda yakunlash.

2021-yil dekabr

Davlat geologiya qoʻmitasi (B. Islamov)

2. “Geoltextaʼminot” DKning moddiy va nomoddiy boyliklarini xatlovdan oʻtkazish.

2022-yil fevral

3. “Geoltextaʼminot” DKni qonunchilikda belgilangan tartibda tugatish choralarini koʻrish.

2022-yil mart

7.

“Geoterekalmaz” MCHJdagi davlat aksiya paketini (ulushi) toʻligʻicha ommaviy savdolar orqali xususiy sektorga sotish.

“Geoterekalmaz” MCHJdagi davlat aksiya paketini (ulushi) belgilangan tartibda ommaviy savdolarga chiqarish.

2021-yil iyul

Davlat aktivlarini boshqarish agentligi
(A. Ortiqov), Davlat geologiya qoʻmitasi
(B. Islamov), Moliya vazirligi
(O. Nasritdinxodjayev)

8.

“Oʻzbekgeofizika” AJ va “Urankamyobmetgeologiya” AJlar faoliyatini samarali tashkil etish.

1. “Oʻzbekgeofizika” AJ va “Urankamyobmetgeologiya” AJlar kuzatuv kengashlari tarkibini qayta koʻrib chiqish va kuzatuv kengashi hamda korxonalar boshqaruviga xorijiy tajribaga ega mutaxassislarni jalb etish orqali kuzatuv kengashi tarkibining kamida 30 foizini va korxona boshqaruvining kamida 3 nafar rahbar lavozimini malakali mutaxassislar bilan toʻldirish.

2021-yil iyul

Moliya vazirligi (O. Nasritdinxodjayev), Davlat aktivlarini boshqarish agentligi (A. Ortiqov), Davlat geologiya qoʻmitasi (B. Islamov), “Oʻzbekneftgaz” AJ
(M. Abdullayev)

2. “Oʻzbekneftgaz” AJning bajarilgan geofizika ishlari uchun “Oʻzbekgeofizika” AJ oldidagi qarzdorligini soʻndirish.

2021-yil iyul

3. “Oʻzbekgeofizika” AJ va “Urankamyobmetgeologiya” AJlarning yangilangan tashkiliy tuzilmalarini ishlab chiqish va tasdiqlash.

2021-yil iyul

4. Oʻzbekiston Respublikasi Prezidentining 2020-yil 4-apreldagi PQ-4664-son qaroriga muvofiq “Oʻzbekneftgaz” AJning ustav kapitaliga kapitalizatsiya qilingan va “Oʻzbekneftgaz” AJga geologiya-qidiruv ishlari uchun yuqori texnologik jihozlarni xarid qilish” loyihasi doirasida Oʻzbekiston Respublikasi Tiklanish va taraqqiyot jamgʻarmasi tomonidan ajratilgan kreditlar hisobiga xarid qilingan yuqori texnologik uskunalar boʻyicha “Oʻzbekgeofizika” AJning “Oʻzbekneftgaz” AJ oldidagi qarzdorligini “Oʻzbekneftgaz” AJ ustav kapitalidagi davlat ulushini kamaytirish hamda ushbu miqdorda “Oʻzbekgeofizika” AJ ustav kapitalidagi davlat ulushini oshirish yoʻli bilan mos ravishda kapitalizatsiya qilish.

2021-yil iyul

II. Kon-geologiya sohasining investitsiyaviy jozibadorligini oshirish

9.

2021 yil Investitsiya dasturidagi 6 ta investitsiya loyihalarini samarali amalga oshirishni taʼminlash.

1. Barcha investitsiya loyihalari boʻyicha 2021-yilgi geologiya-qidiruv ishlari hajmi va budjetini kelishish.

2021-yil aprel

Davlat geologiya qoʻmitasi (B. Islamov)

2. Investitsiya loyihalari boʻyicha kalendar rejalarini kelishish va holatini tizimli ravishda tahlil qilishni yoʻlga qoʻyish.

2021-yil aprel

3. Loyihalar doirasida tuzilgan umumiy yigʻilish, boshqaruv qoʻmitasi, ishchi guruhlar majlislarida qatnashish orqali loyihalarni samarali amalga oshirish.

2021-yil har chorak yakunida

4. Dala geologiya-qidiruv ishlari doirasida tizimli monitoring va tajriba almashinuvi maqsadida qoʻmita geolog va mutaxassislarini joylarga tashrifini tashkil qilish.

2021-yil har chorakda

5. Dala geologiya ishlari natijalarini tizimli ravishda hisobotlarini tahlil qilish.

2021-yil noyabr

10.

2021-yilda 50 ta kon va istiqbolli maydonlarni mahalliy va xorijiy investorlarga ochiq va shaffof mexanizmlar asosida foydalanishga berish.

1. Investorlar uchun jozibador foydali qazilma obyektlarini tanlash va 2021-yilgi geologiya-qidiruv dasturi doirasida tegishli geologik loyihalarni belgilash.

2021-yil aprel

Davlat geologiya qoʻmitasi (B. Islamov), Davlat aktivlarini boshqarish agentligi (A. Ortiqov)

2. Geologiya-qidiruv loyihalari doirasida dala geologiya ishlarini jadallashtirib, foydali qazilma maydon va konlarining istiqbollarini geologik jihatdan asoslantirish.

2021-yil avgust

3. Dala geologiya ishlari natijasida olingan namunalarni tahlil qilish, toʻplangan geologik maʼlumotlarni umumlashtirish va har bir obyekt boʻyicha tizer, taqdimot materiallari portfelini shakllantirish.

2021-yil sentabr

4. Geologik obyektlar boʻyicha investitsiya takliflarini salohiyatli investorlar orasida diplomatik kanallar, biznes-forum, road-shou, taqdimotlar orqali keng targʻib qilish.

2021-yil oktabr

5. 50 ta obyektning barchasi boʻyicha tayyorlangan materiallar toʻplamini auksion savdolariga joylashtirib, investorlarga taklif etish.

2021-yil noyabr

11.

Kon-geologiya sohasida investitsiyaviy jozibadorlikni yanada oshirish maqsadida tegishli soliq stavkalarini (royalti) jahon amaliyotga moslashtirish.

1. Strategik muhim turdagi qattiq foydali qazilmalar boʻyicha yer qaʼridan foydalanishga oid soliq stavkalarini (royalti) jahon amaliyotiga moslashtirish uchun xalqaro ekspertlar xulosalari asosida tahliliy maʼlumotlar va takliflarni shakllantirish.

2021-yil may

Moliya vazirligi (D. Sultanov),
Davlat soliq qoʻmitasi (Sh. Kudbiyev),
Davlat geologiya qoʻmitasi (B. Islamov)

2. Asoslantirilgan takliflarni manfaatdor vazirliklar bilan muhokama qilish va normativ hujjatda umumlashtirish.

2021-yil iyun

12.

“Yer osti boyliklari toʻgʻrisida”gi Qonunni yangi tahrirda ishlab chiqish va kelishishni taʼminlash.

1. “Yer osti boyliklari toʻgʻrisida”gi Qonunni yangi tahrirda ishlab chiqish uchun maqbul xalqaro amaliyot va tahliliy maʼlumotlar bilan asoslantirish.

2021-yil aprel

Davlat geologiya qoʻmitasi (B. Islamov), manfaatdor vazirliklar va idoralar

2. Qonun loyihasini manfaatdor vazirliklar va idoralar bilan kelishgan holda belgilangan tartibda Vazirlar Mahkamasida himoya qilish.

2021-yil iyun

13.

Yer osti boyliklaridan foydalanishga doir ruxsatnomalar berish tartibini yanada soddalashtirish va shaffoflikni taʼminlash.

1. Foydali qazilmalar yer qaʼri uchastkalaridan foydalanish huquqini beruvchi ruxsatnomalarni berish tartibini elektron platformaga oʻtkazgan holda yanada takomillashtirish boʻyicha normativ-huquqiy hujjatni huquqiy ekspertizadan oʻtkazish.

2021-yil may

Davlat geologiya qoʻmitasi (B. Islamov), manfaatdor vazirliklar va idoralar

2. Yer osti boyliklaridan foydalanishga doir ruxsatnomalarni toʻliq davlat xizmatlari elektron platformasi orqali “yagona darcha” tamoyilida berishni yoʻlga qoʻyish.

2021-yil iyun

III. Geologiya-qidiruv ishlari samaradorligini oshirish, sohani raqamlashtirish hamda fan va amaliyot integratsiyasi

14.

“Raqamli geologiya” tizimini yaratish doirasida geologik-qidiruv ishlari natijasida shakllanuvchi maʼlumotlarni oʻzida jamlovchi tizimlarni yaratish.

1. Respublika boʻyicha yer osti suvlari monitoring natijalarini avtomatik tarzda shakllantirish imkonini beruvchi yer osti suvlari holati monitoringini yuritish.

2021-yil sentabr

Davlat geologiya qoʻmitasi (B. Islamov)

2. Xavfli geologik jarayonlar vujudga kelish mumkin boʻlgan hududlarda olib boriladigan monitoring jarayonini raqamlashtirish imkonini beruvchi xavfli geologik jarayonlarni monitoring qilish.

2021-yil oktabr

3. Foydali qazilma resurslarining davlat balansini yuritish imkonini beruvchi foydali qazilmalar davlat balansini yuritish.

2021-yil noyabr

4. Jahon tajribasini oʻrgangan holda geologik hisobotlar arxivining maʼlumotlar bazasini yaratish maqsadida geologik maʼlumotlar milliy banki geoaxborot tizimini yoʻlga qoʻyish.

2021-yil dekabr

15.

Geologiya sohasida olib borilayotgan 57 ta ilmiy tadqiqot (tajriba-uslubiy, fundamental, amaliy va innovatsion) loyihalarini amalga oshirish va natijadorligini tizimli yoʻlga qoʻyish.

1. Ilmiy, amaliy va innovatsion loyihalarni sifatli taʼminlash maqsadida Ilmiy texnik kengash faoliyatini tashkil etish.

2021-yil may

Davlat geologiya qoʻmitasi (B. Islamov)

2. Ilmiy-tadqiqot institutlaridagi 29 nafar fan doktori va 106 nafar fan nomzodlari salohiyati asosida 57 ta ilmiy, amaliy va innovatsion loyihani samarali amalga oshirish.

2021-yil noyabr

16.

Tizimdagi ilmiy-tadqiqot institutlari tomonidan geologiya sohasi uchun yuqori malakali mutaxassislarni tayyorlashni tizimli amalga oshirish.

1. Tizimdagi ilmiy-tadqiqot institutlarida tahsil olayotgan 64 nafar, jumladan 4 nafar fan doktorligi, 22 nafar falsafa doktori (PhD), 38 nafar mustaqil tadqiqotchilar tomonidan ilmiy izlanishlarni olib borishini taʼminlash.

2021-yil noyabr

Davlat geologiya qoʻmitasi (B. Islamov)

2. Ilmiy-tadqiqot ishlari natijalari asosida 20 ta dissertatsiya ishlari himoyasini taʼminlash, shundan 15 nafari falsafa doktori (PhD) va 5 nafari fan doktori.

2021-yil dekabr

17.

Tizimdagi ilmiy-tadqiqot institutlarining Navoiy va Olmaliq togʻ-metallurgiya kombinatlari, Oʻzbekneftgaz kabi yirik sanoat korxonalari bilan fundamental, amaliy va innovatsion tadqiqot loyihalari doirasida sohalararo kooperatsiyani yoʻl qoʻyish.

Joriy yilda umumiy qiymati 15,9 mlrd soʻm boʻlgan 25 ta loyihalar boʻyicha ishlab chiqarishdagi dolzarb masalalar yechimiga bagʻishlangan ilmiy-tadqiqot ishlarini hamkorlikda olib borish. Jumladan:

Navoiy KMK bilan koʻzda tutilgan 8 ta loyiha;

Olmaliq KMK bilan 7 ta loyiha;

“Oʻzbekneftgaz” AJ bilan 6 loyihani amalga oshirish.

2021-yil dekabr

Davlat geologiya qoʻmitasi (B. Islamov), Navoiy KMK (Q. Sanaqulov), Olmaliq KMK (A. Xursanov), “Oʻzbekneftgaz” AJ (M. Abdullayev)

IV. Orolboʻyi hududida yer osti suvlaridan samarali foydalanish

18.

Orolboʻyi hududida yer osti suvlaridan samarali foydalanishni yoʻlga qoʻyish.

1. Orolboʻyi hududida ekologik balansni saqlash, aholi turmush tarzini yaxshilash hamda chorvachilikni rivojlantirish, yer osti suvlaridan samarali foydalanishni yoʻlga qoʻyish maqsadida hudud salohiyatini oʻrganish.

2021-yil may

Qoraqalpogʻiston Respublikasi Vazirlar Kengashi
(Q. Sariyev), Suv xoʻjaligi vazirligi (Sh. Xamroyev), Uy-joy kommunal xizmat koʻrsatish vazirligi
(Sh. Xidoyatov), Davlat ekologiya qoʻmitasi
(A. Maksudov), Davlat geologiya qoʻmitasi (B. Islamov)

2. Oʻrganish natijalari asosida mavjud yer osti suvlari zaxiralari hajmi va sifatidan kelib chiqib, ularga nisbatan ehtiyoji boʻlgan hududlarni aniqlash hamda har bir quduqdan foydalanishning ijtimoiy-iqtisodiy ahamiyatini inobatga olgan holda suvga quduqlar qazish boʻyicha yillik manzilli dasturlar tuzish va Qoraqalpogʻiston Respublikasi Vazirlar Kengashi tomonidan tasdiqlash.

2021-yil iyul

3. Manzilli dasturlarga kiritilgan tadbirlarning amalga oshirilishi yuzasidan doimiy monitoring olib borish va Vazirlar Mahkamasiga hisobot kiritish.

2021-yil dekabr

19.

Orolboʻyi hududida yer osti suvlariga quduqlarni burgʻilash faoliyatiga xususiy sektorni jalb qilish.

1. Orolboʻyi hududida yer osti suvlariga quduqlarni burgʻilash faoliyatiga davlat-xususiy sheriklik mexanizmini joriy qilish.

2021-yil oktabr

Qoraqalpogʻiston Respublikasi Vazirlar Kengashi
(Q. Sariyev),
Moliya vazirligi
(O. Isakov),
Energetika vazirligi
(A. Sultanov),
Monopoliyaga qarshi kurashish qoʻmitasi
(Sh. Shoraxmedov),
Davlat ekologiya qoʻmitasi
(A. Maksudov),
Davlat geologiya qoʻmitasi
(B. Islamov)

2. Davlat-xususiy sherikchilik asosida yer osti suvlariga quduqlar qazish ishlarini moliyalashtirish manbalarini aniqlash.

2021-yil noyabr

3. Quduqlarni ekspluatatsiya qilishda qayta tiklanadigan energiya manbalaridan hamda suvni tejaydigan texnologiyalardan keng foydalanishni yoʻlga qoʻyish.

2022-yil fevral

4. Qazilgan quduqlardan samarali foydalanish yuzasidan tizimli monitoring olib borishni taʼminlash.

2022-yil mart
* Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmoniga 1-ilova bilan tasdiqlangan geologiya sohasi korxonalarini transformatsiya qilish choralari va muddatlari “Oʻzbek geologiya qidiruv” AJ tashkil etilishiga qarab oʻzgarishi mumkin.
(1-ilova Oʻzbekiston Respublikasi Prezidentining 2024-yil 24-maydagi PF-79-sonli Farmoni tahririda — Qonunchilik maʼlumotlari milliy bazasi, 25.05.2024-y., 06/24/79/0363-son)
(2-ilova Oʻzbekiston Respublikasi Prezidentining 2023-yil 27-iyuldagi PF-116-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 10.08.2023-y., 06/23/116/0579-son)
Oʻzbekiston Respublikasi Prezidentining 2021-yil 21-apreldagi PQ-5083-son qaroriga
3-ILOVA
2021-2022-yillarda foydali qazilmalarning yangi konlarini aniqlashga istiqbolli maydon va strukturalarda bajariladigan geologiya-qidiruv ishlarining asosiy yoʻnalishlari

T/r

Obyekt nomlari va yoʻnalishlari

Loyiha soni

Oʻlchov
birligi

Foydali qazilmalarning oʻsish rejasi

resurslar

zaxiralar

2021-yil

2022-yil

2021-yil

2022-yil

Jami

172

1.

Yer qaʼrini regional oʻrganishning kompleks tadqiqotlari

9

Kosmogeologik tadqiqotlar

1

km2

600

2000

Geofizik tadqiqotlar

3

km2

2290

2300

Geologik-tasvirlash ishlari

5

km2

710

710

2.

Oltin, respublika boʻyicha jami:

70

tonna

175

200

110

112

Markaziy Qizilqum regioni (ishlanayotgan obyektlar: Taushan, Yangikazgan, Janubiy Karashoxo, Sharqiy Dovgiz, Karabugut, Qumtosh, Dovgiztov, Tomdibuloq, Tayman, Balpantov, Chuqurquduq, Besapantov, Daykali, Tulkitov, Qasqirtov, Yelsoy, Muruntov, Shimoliy Boʻztov; yangi obyektlar: Odilsoy, Aktosti, Qirqchirta, Geoximik, Chalcharatov, Djasaul va b.)

34

tonna

79

114

82

83

Nurota va Zirabuloq-Ziyovuddin regionlari (ishlanayotgan obyektlar: Yangi Davon, Toshkon, Shimoliy Gumsoy, Kuchumsoy, Salin, Oybodom, Pistali, Biran, Sarmich, Oʻrtaliq, Maulyan, Zarmitan, Oltin Diyor, Lapaq; yangi obyektlar: Bayram, Davlatxoʻja-Uzunsoqol, Zargar, Avliyo va b.)

25

tonna

70

60

16

16

Janubiy Oʻzbekiston regioni (ishlanayotgan obyektlar: Akba, yangi obyektlar: Kaulyuk, Sharqiy Kaulyuk va b.)

5

tonna

20

15

1

2

Chotqol-Qurama regioni va Fargʻona vodiysi (ishlanayotgan obyektlar: Qizilolmasoy, Kochbuloq, Pirmirob, Quyikenjasoy; yangi obyektlar: Orayliq va b.)

6

tonna

6

11

11

11

3.

Kumush, respublika boʻyicha jami:

9

tonna

175

200

345

355

Markaziy-Qizilqum regioni (Djasaul va b.)

1

tonna

25

30

50

50

Chotqol-Qurama regioni va Fargʻona vodiysi (ishlanayotgan obyektlar: Qizilolmasoy, Pirmirob, Quyikauldi, Miskon, Lashkerek, Kulchoʻloq va b.)

6

tonna

120

135

280

285

Janubiy Oʻzbekiston regioni (ishlanayotgan obyektlar: Xondiza, Maydonsoy va b.)

2

tonna

30

35

15

20

4.

Uran

24

tonna

12000

12500

3500

3500

Bukantov va Tomditov uranmaʼdanli rayonlari (ishlanayotgan obyektlar: Oqtov, Baymin, Janubiy Sugrali va b.; yangi obyektlar: Ziyokon va b.)

5

tonna

1000

1500

300

650

Auminza-Kuljuktau uranmaʼdanli rayonlari (yangi obyektlar: Tomdiquduq-Toʻlantosh va b.)

1

tonna

2200

500

200

Nurota uranmaʼdanli rayoni (ishlanayotgan obyektlar: Oqsoy, Shimoliy Konimex, Aulbek, Nurkon, Alendi, Shimoliy Bukinoy, Malikrabot va b.; yangi obyektlar: Sharqiy Lavlyakon, Arnasoy va b.)

11

tonna

4500

6500

1750

1400

Zirabuloq-Ziyovuddin uranmaʼdanli rayoni (ishlanayotgan obyektlar: Agron, Gʻarbiy Agron, Janubiy-Ingichka, Sharq, Maybuloq va b.; yangi obyektlar: Markaziy Agron, Tuvaktov va b.)

7

tonna

4300

4000

1450

1250

5.

Mis, respublika boʻyicha jami:

5

ming tonna

445

445

240

255

Sultonuvays, Toshkentoldi, Shimoliy-Fargʻona regionlari (Qorabuloq, Saricheku, Miskon, Quyikauldi va b.)

5

ming tonna

445

445

240

255

6.

Qoʻrgʻoshin/rux, respublika boʻyicha jami:

6

ming tonna

54

56

42

51

58

65

41

48

Chotqol-Qurama regioni va Fargʻona vodiysi (Lashkerek konining Markaziy uchastkasi, Kulchuloq va b.)

3

ming tonna

20

20

32

32

10

10

23

23

Janubiy-Oʻzbekiston regioni (Markaziy, Maydonsoy, Xondiza konining Shimoliy uchastkasi, Uchkuloch va b.)

3

ming tonna

34

36

10

19

48

55

18

25

7.

Volfram

3

tonna

8000

8000

8000

8000

Janubiy-Oʻzbekiston regioni (Xodjadiq, Sharqiy Sarikoʻl, Oqsoy, Yaxton va b.)

3

tonna

8000

8000

8000

8000

8.

Kamyob metallar va kamyob yer elementlari

3

tonna

3000

3000

Markaziy Qizilqum regioni (Ustuk, Toʻzbuloq, Daykali va b.)

3

tonna

3000

3000

9.

Uglevodorodlar (istiqboldagi resurslar)

40

mln t.sh.yo.

55

56

Izlash-qidirish ishlari

40

mln t.sh.yo.

55

56

Ustyurt regioni

12

mln t.sh.yo.

20

20

Buxoro-Xiva regioni

22

mln t.sh.yo.

30

32

Fargʻona regioni

6

mln t.sh.yo.

5

4

10.

Noruda foydali qazilmalar:

koʻmir

mln tonna

9

4

kvars

ming tonna

250

250

bazalt

ming tonna

300

300

listvenit

ming tonna

6

ohaktosh

mln tonna

55

8,1

fosforit

mln tonna

6

inert materiallar

mln tonna

10

1,5

qum-shagʻal aralashmasi

mln tonna

4

4

granit

mln tonna

1,2

marmar

mln tonna

5

gips

ming tonna

250

dolomit

mln tonna

1,5

11.

Yer osti suvlari

3

ming m3/sut

121

125
Oʻzbekiston Respublikasi Prezidentining 2021-yil 21-apreldagi PQ-5083-son qaroriga
4-ILOVA
2021-2022-yillarda respublika mineral-xom ashyo bazasini rivojlantirish va qayta tiklash uchun foydali qazilma zaxiralarini koʻpaytirishning asosiy koʻrsatkichlari

T/r

Foydali qazilma turlari

Oʻlchov birligi

2021-yil rejasi

shu jumladan

2022-yil rejasi

I chorak

II chorak

III chorak

IV chorak

1.

Oltin

tonna

110

12

32

66

112

2.

Kumush

tonna

345

10

20

60

255

355

3.

Uran

ming tonna

3,5

0,5

0,8

2,2

3,5

4.

Mis

ming tonna

240

20

60

160

255

5.

Qoʻrgʻoshin

ming tonna

42

12

30

51

6.

Rux

ming tonna

41

12

29

48

7.

Volfram

ming tonna

8

0,5

2

5,5

8
Oʻzbekiston Respublikasi Prezidentining 2021-yil 21-apreldagi PQ-5083-son qaroriga
5-ILOVA
2021-2022-yillarda “Olmaliq KMK” AJ tomonidan birlashgan Qalmoqqir va Yoshlik-I konlarining qayta baholanishi hisobiga foydali qazilma zaxiralarini koʻpaytirishning asosiy koʻrsatkichlari

T/r

Foydali qazilma

Oʻlchov birligi

2021-yil rejasi

2022-yil rejasi

2021-2022-yil rejasi

1.

Oltin

tonna

320

114

434

2.

Kumush

tonna

1 610

577

2 187

3.

Mis

ming tonna

2 582

925

3 507

4.

Molibden

ming tonna

36

13

49

Izoh: foydali qazilma zaxiralarini koʻpaytirish birlashgan Qalmoqqir va Yoshlik-I konlarining quyi gorizontlari va yon tomonlari (flanglari) zaxiralarini qayta baholash hisobiga taʼminlanadi.
Oʻzbekiston Respublikasi Prezidentining 2021-yil 21-apreldagi PQ-5083-son qaroriga
6-ILOVA
Davlat geologiya qoʻmitasi va “Oʻzbekneftgaz” AJ tomonidan amalga oshiriladigan neft va gaz maydonlari hamda konlarida geologiya qidiruv ishlarini rivojlantirish boʻyicha
CHORA-TADBIRLAR REJASI

T/r

Chora-tadbirlar

Amalga oshirish mexanizmi va bajarish muddatlari

Masʼullar:

ijro uchun

nazorat uchun

1.

“Oʻzbekneftgaz” AJning uglevodorod xom ashyo bazasini rivojlantirish va qayta toʻldirish dasturini (keyingi oʻrinlarda — Dastur) yanada takomillashtirish.

1. “Oʻzbekneftgaz” AJ boʻyicha 2021-yilgi Dasturda Davlat geologiya qoʻmitasi tomonidan taqdim etiladigan 15 ta istiqbolli maydonlarda izlov quduqlarini burgʻilash ishlarini tashkil qilish.

2021-yil dekabr

2. “Oʻzbekneftgaz” AJning 2021-yilgi va keyingi yillardagi Dasturlar doirasida geofizika ishlarini rivojlantirish rejalari asosida belgilangan geofizika ishlarini amalga oshirish.

Belgilangan muddatlarda

3. “Oʻzbekneftgaz” AJ tomonidan neft va gazga istiqbolli yangi maydonlarda qidiruv quduqlarini burgʻilash ishlarini amalga oshirish.

2021-2022-yillarda

“Oʻzbekneftgaz” AJ

(M. Abdullayev),

Davlat geologiya qoʻmitasi
(N. Muxutdinov),

“Oʻzbekgeofizika” AJ (A. Toshqulov)

Vazirlar Mahkamasining
Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti

(A. Jumanazarov)

2.

“Oʻzbekneftgaz” AJning oʻzlashtirilayotgan neft va gaz konlari quyi qatlamlarining geologik tuzilishini oʻrganish, yangi uglevodorod uyumlarini aniqlash va uch oʻlchamli geologik modellarini tuzish.

1. Oʻzlashtirilayotgan neft va gaz konlarining quyi qatlamlarida uglevodorod uyumlari ochilishi kutilayotgan konlar roʻyxatini shakllantirish.

2021-yil may

2. Quyi qatlamlarida uglevodorod uyumlari ochilishi kutilayotgan konlarda 3D seysmorazvedka ishlarini oʻtkazish uchun loyiha smeta hujjatlarini tayyorlash.

2021-yil may

3. Tanlangan konlar hududida 3D seysmorazvedka ishlarini oʻtkazish va uch oʻlchamli modellarini tuzish.

2021-yil mayidan

4. Aniqlangan quyi qatlamlardagi strukturalarga izlov quduqlarini burgʻilash.

2021-2022-yillar

“Oʻzbekneftgaz” AJ

(M. Abdullayev)

Davlat geologiya qoʻmitasi
(N. Muxutdinov),

“Oʻzbekgeofizika” AJ (A. Toshqulov),

Neft va gaz konlari geologiyasi va qidiruvi instituti

(R. Yusupjonov)

Vazirlar Mahkamasining
Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti

(A. Jumanazarov)

3.

“Oʻzbekneftgaz” AJ tomonidan oʻzlashtirilayotgan konlarda hisoblangan gaz zaxiralari tahlilini oʻtkazish.

1. “Oʻzbekneftgaz” AJ Davlat geologiya qoʻmitasi bilan birgalikda uglevodorod konlarining qazib olinayotgan va loyihadagi hajmlarini tahlil qilish, zaxiralar hisobi tafovuti aniqlangan konlar roʻyxatini shakllantirish.

2021-yil iyun

2. Aniqlangan konlarning uglevodorod zaxiralarini qayta hisoblash va oʻrnatilgan tartibda tasdiqlash choralarini koʻrish.

2021-2022-yillarda, jadval asosida

“Oʻzbekneftgaz” AJ

(M. Abdullayev),

Davlat geologiya qoʻmitasi
(N. Muxutdinov),

“Oʻzbekgeofizika” AJ (A. Toshqulov),

Neft va gaz konlari geologiyasi va qidiruvi instituti

(R. Yusupjonov)

Vazirlar Mahkamasining
Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti

(A. Jumanazarov)

4.

Neft va gaz konlari geologiyasi sohasida ilm-fan va amaliyotning integratsiyasini kuchaytirish, ilmiy-tadqiqot ishlari natijalarini ishlab chiqarishga tatbiq etish.

1. Neft va gaz konlari geologiyasi sohasidagi dolzarb muammolar yechimiga yoʻnaltirilgan ilmiy loyihalar portfelini shakllantirish.

2021-yil may

2. Ilmiy loyihalarni kelishilgan muddatlarda amalga oshirish, olingan natijalarni amaliyotga tatbiq etish.

2021-2022-yillarda, jadval asosida

“Oʻzbekneftgaz” AJ

(M. Abdullayev),

Davlat geologiya qoʻmitasi
(N. Muxutdinov),

Geologiya fanlari universiteti
(M. Isoqov)

Vazirlar Mahkamasining
Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti

(A. Jumanazarov)

5.

Uglevodorod xom ashyo resurslarini baholash jarayonini raqamlashtirishga axborot-kommunikatsiya texnologiyalarini joriy qilinishini taʼminlash.

1. Uglevodorod xom ashyo resurslari, mavjud geologik maʼlumotlarni raqamlashtirishga axborot-kommunikatsiya texnologiyalarini joriy qilish mexanizmini ishlab chiqish.

2021-yil dekabr

2. Uglevodorod xom ashyo resurslari hisobini raqamli tizimlarni qoʻllash orqali yuritish jarayonini tahlil qilish, istiqbollarini belgilash.

Tarmoq jadvaliga muvofiq

3. Jarayonga raqamlashtirish va geoaxborot tizimlarini joriy qilish choralarini amalga oshirish.

Doimiy ravishda

“Oʻzbekneftgaz” AJ

(M. Abdullayev),

Davlat geologiya qoʻmitasi
(N. Muxutdinov),

Neft va gaz konlari geologiyasi va qidiruvi instituti
(R. Yusupjonov),

Davlat geologiya axborot markazi

(A. Varisov)

Vazirlar Mahkamasining
Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti

(A. Jumanazarov)

6.

“Oʻzbekgeofizika” AJ balansidagi koʻp qavatli turar-joylarni tegishli mahalliy davlat hokimiyatlari balansiga, ular bilan bogʻliq infrastruktura obyektlarini (issiqlik va elektr energiyasi taʼminoti tarmoqlari va boshqalar) tegishliligi boʻyicha manfaatdor tashkilotlar balansiga oʻtkazish.

1. “Oʻzbekgeofizika” AJ balansidagi koʻp qavatli turar-joylarni (Toshkent viloyati, Qibray tumanida 23 ta uy, Toshkent shahar, Uchtepa tumanida 1 ta uy), ular bilan bogʻliq infrastruktura obyektlarini (1,5 km issiqlik taʼminoti quvurlari, 3,5 km elektr energiyasi tarmogʻi, 3 ta transformator nimstansiyasi) xatlovdan oʻtkazish.

2021-yil may

2. Mazkur koʻp qavatli turar-joylarni va ular bilan bogʻliq infrastruktura obyektlarini hozirgi holatida mahalliy davlat hokimiyatlari va manfaatdor tashkilotlar balansiga oʻtkazish.

2021-yil iyul

Davlat aktivlarini boshqarish agentligi
(A. Ortiqov),

Davlat geologiya qoʻmitasi
(B. Islamov),

Toshkent viloyati hokimligi
(D. Xidoyatov),

Toshkent shahar hokimligi (J. Ortiqxoʻjayev)

Vazirlar Mahkamasining
Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti

(A. Jumanazarov)

7.

“Oʻzbekneftgaz” AJ tizimida geologiya yoʻnalishida faoliyat yuritayotgan mutaxassislarning bilim darajasini va koʻnikmalarini oshirish.

1. “Oʻzbekneftgaz” AJ tizimida geologiya yoʻnalishida faoliyat yuritayotgan mutaxassislar roʻyxatini shakllantirish.

2021-yil may

2. Mazkur mutaxassislar malakasini oshirish kurslari dasturlari va jadvallarini shakllantirish
va kelishish.

2021-yil iyun

3. Mutaxassislarning Geologiya fanlari universitetida zamonaviy talablar va jahon standartlari asosida bilim va koʻnikmalarini oshirish.

Jadval asosida

“Oʻzbekneftgaz” AJ

(M. Abdullayev),

Geologiya fanlari universiteti
(M. Isoqov)

Vazirlar Mahkamasining
Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti

(A. Jumanazarov)
Oʻzbekiston Respublikasi Prezidentining 2021-yil 21-apreldagi PQ-5083-son qaroriga
7-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2017-yil 25-sentabrdagi “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida”gi PQ-3286-son qarorida:
a) 1-bandning oltinchi xatboshisidagi “litsenziyaga” soʻzi “ruxsatnomaga” soʻzi bilan almashtirilsin;
b) 3-bandning ikkinchi xatboshisidagi “litsenziyalarda” soʻzi “ruxsatnomalarda” soʻzi bilan almashtirilsin.
2. Oʻzbekiston Respublikasi Prezidentining 2018-yil 17-yanvardagi “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida”gi PQ-3479-son qarori 4-bandining birinchi, uchinchi, toʻrtinchi xatboshilaridagi tegishli kelishikdagi “litsenziya” soʻzi tegishli kelishikdagi “ruxsatnoma” soʻzi bilan almashtirilsin.
3. Oʻzbekiston Respublikasi Prezidentining 2018-yil 1-martdagi “Oʻzbekiston Respublikasi Davlat geologiya va mineral resurslar qoʻmitasi faoliyatini tubdan takomillashtirish chora-tadbirlari toʻgʻrisida”gi PQ-3578-son qarori 5-bandi quyidagi tahrirda bayon etilsin:
“5. Shunday tartib oʻrnatilsinki, unga muvofiq:
yer osti suvlari qismi boʻyicha suvdan maxsus va ehtiyoj yuzasidan foydalanish uchun ruxsatnoma belgilangan tartibda Davlat geologiya qoʻmitasining hududiy gidrogeologik stansiyalari tomonidan Davlat xizmatlari markazlari orqali beriladi;
yer qaʼri uchastkalaridan foydalanish huquqi uchun ruxsatnomalar belgilangan tartibda Davlat geologiya qoʻmitasi tomonidan “Litsenziya” axborot tizimi orqali beriladi;
yer qaʼridan foydalanuvchilar tomonidan taqdim etiladigan konchilik ishlarini rivojlantirish rejalarini belgilangan tartibda kelishish, shuningdek, ularni qazib olish hajmlari toʻgʻrisidagi yillik hisobotlarni qabul qilish va ularni keyinchalik Davlat geologiya qoʻmitasining Davlat geologiya fondiga yuborish:
noruda foydali qazilmalar boʻyicha — Inspeksiyaning hududiy boʻlinmalari;
rudali foydali qazilmalar va uglevodorodlar boʻyicha Inspeksiya tomonidan amalga oshiriladi.
Bunda, mazkur bandning ikkinchi va uchinchi xatboshilarida koʻrsatilgan ruxsatnomalarni olish uchun ariza va unga ilova qilingan hujjatlar Yagona interaktiv davlat xizmatlari portali orqali ham berilishi mumkin”.
4. Oʻzbekiston Respublikasi Prezidentining 2018-yil 26-noyabrdagi “Qimmatbaho metallarni oltin izlovchilar usulida qazib olish faoliyatini amalga oshirish uchun shart-sharoitlar yaratish chora-tadbirlari toʻgʻrisida”gi PQ-4030-son qarorining 2-bandi quyidagi tahrirda bayon etilsin:
“2. Shunday tartib oʻrnatilsinki, unga koʻra:
qimmatbaho metallarni oltin izlovchilar usulida qazib olish faoliyati yer qaʼridan foydalanishning alohida turi hisoblanadi va u yer qaʼri uchastkalarida amalga oshiriladi;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalari, shu jumladan oʻlchamlari 5 gektargacha boʻlgan sochma oltin konlari taqdim etiladi;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnoma beriladi, bunda bitta talabgorga ruxsatnoma asosida berilgan yer qaʼri uchastkalarining umumiy maydoni yil davomida 20 gektardan oshmasligi lozim;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnomalarga faqat Oʻzbekiston Respublikasi rezidentlari, xususan Oʻzbekiston Respublikasi fuqarosi boʻlgan yakka tartibdagi tadbirkor maqomiga ega jismoniy shaxslar hamda ustav kapitali (jamgʻarmasi)da Oʻzbekiston Respublikasi fuqarosi boʻlgan jismoniy shaxsning ulushi 70 va undan ortiq foizga ega boʻlgan yuridik shaxslar talabgor boʻlishi mumkin;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnomaga talabgor boʻlishi mumkin boʻlgan yuridik shaxslar ishchi-xodimlarining 70 foizi Oʻzbekiston Respublikasi fuqarosi boʻlishi lozim;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqiga ruxsatnoma Oʻzbekiston Respublikasi Davlat geologiya va mineral resurslar qoʻmitasi tomonidan “E-AUKSION” elektron savdo maydonchasidagi elektron auksion yakunlari boʻyicha belgilangan tartibda “Litsenziya” axborot tizimi orqali 3 yil muddatga beriladi;
elektron auksionni oʻtkazish va mazkur qarorga muvofiq ruxsatnomani berishning umumiy muddati “E-AUKSION” elektron savdo maydonchasida amalga oshiriladigan barcha jarayonlarni oʻz ichiga olgan holda, istisno tariqasida, 15 kundan oshmaydi;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqini savdoga qoʻyishning boshlangʻich narxi har bir gektariga Oʻzbekiston Respublikasi hududida belgilangan bazaviy hisoblash miqdorining 35 baravari miqdorida belgilanadi. Bunda toʻliq boʻlmagan gektarlar uchun boshlangʻich narx 1 gektar yer uchun belgilangan narxni yer maydonining oʻlchamiga koʻpaytirish orqali aniqlanadi;
qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalari roʻyxati har yili Oʻzbekiston Respublikasi Davlat geologiya va mineral resurslar qoʻmitasi tomonidan tasdiqlanadi;
ruxsatnomani yoki yer qaʼri uchastkasidan (toʻliq yoki qisman) foydalanish huquqini uchinchi shaxslarga berish (topshirish), shuningdek, bitta yer qaʼri uchastkasidan foydalanish huquqiga ruxsatnomani bir necha shaxsga berishga yoʻl qoʻyilmaydi;
qimmatbaho metallarni oltin izlovchilar usulida qazib olish faoliyati bilan shugʻullanuvchi shaxslarning reyestrini yuritish va ularga ajratilgan yer qaʼri uchastkalarining davlat nazorati Oʻzbekiston Respublikasi Davlat geologiya va mineral resurslar qoʻmitasi tomonidan amalga oshiriladi;
oltin izlovchilar usulida qazib olingan qimmatbaho metallarni realizatsiya qilish affinaj faoliyatini amalga oshirish huquqini beruvchi litsenziyaga ega yuridik shaxslarga, shu jumladan “Olmaliq kon-metallurgiya kombinati” va “Navoiy kon-metallurgiya kombinati” aksiyadorlik jamiyatlariga, shuningdek, qimmatbaho metallar va qimmatbaho toshlardan zargarlik va boshqa buyumlar ishlab chiqarish faoliyatini amalga oshirish huquqiga ega yuridik shaxslarga va yakka tartibdagi tadbirkorlarga kelishilgan narxlarda amalga oshiriladi;
qimmatbaho metallarni yashirish, shu jumladan uni 6 oy ichida realizatsiya qilmaslik, shuningdek, qimmatbaho metallarni oltin izlovchilar usulida qazib olish chogʻida ishlarni bexatar olib borish talablarining buzilishi oqibatida insonlarning ogʻir tan jarohati olishi yoki oʻlimiga olib kelishi ruxsatnomani bekor qilish va mazkur faoliyat bilan shugʻullanishni bir yil davomida cheklash uchun asos boʻladi;
qimmatbaho metallarni oltin izlovchilar usulida qazib olish faoliyatini amalga oshirish uchun berilgan yer qaʼri uchastkasidan foydalanish huquqi tugatilgandan soʻng, yer qaʼridan foydalanuvchilar zimmasiga yer qaʼri uchastkalarini rekultivatsiya qilish va ularni keyinchalik foydalanish uchun yaroqli holatga keltirish majburiyati yuklanadi.
Belgilansinki, mazkur bandning toʻrtinchi, beshinchi va oltinchi xatboshilarida nazarda tutilgan talablar 2021-yil 1-maydan boshlab beriladigan qimmatbaho metallarni oltin izlovchilar usulida qazib olish huquqini beruvchi ruxsatnomalarga nisbatan tatbiq etiladi”.
5. Oʻzbekiston Respublikasi Prezidentining 2018-yil 26-dekabrdagi “Noruda foydali qazilmalarni oʻz ichiga olgan yer qaʼri uchastkalaridan foydalanish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-4078-son qarorida:
a) 1-bandning uchinchi, beshinchi — yettinchi xatboshilardagi tegishli kelishikdagi “litsenziya” soʻzi tegishli kelishikdagi “ruxsatnoma” soʻzi bilan almashtirilsin;
b) 2-bandda:
uchinchi xatboshi quyidagi tahrirda bayon etilsin:
“2020-yil 1-yanvardan barcha noruda foydali qazilmalarni oʻz ichiga olgan yer qaʼri uchastkalaridan foydalanish (daryo oʻzanlarini tozalash jarayonida qum-shagʻal materiallarini qazib olish bundan mustasno) huquqi uchun ruxsatnomalar Oʻzbekiston Respublikasi Davlat geologiya va mineral resurslar qoʻmitasi tomonidan “E-AUKSION” elektron savdo maydonchasidagi elektron auksion yakunlari asosida 20 kundan oshmagan muddatda belgilangan tartibda “Litsenziya” axborot tizimi orqali beriladi. Bunda ruxsatnomani olish uchun ariza va unga ilova qilingan hujjatlar Yagona interaktiv davlat xizmatlari portali orqali ham berilishi mumkin”;
toʻrtinchi xatboshidagi “litsenziya” soʻzi “ruxsatnoma” soʻzi bilan almashtirilsin;
v) 4-bandning birinchi xatboshisidagi “litsenziyaga” soʻzi “ruxsatnomaga” soʻzi bilan almashtirilsin.
6. Oʻzbekiston Respublikasi Prezidentining 2019-yil 23-iyuldagi “Yer qaʼrini geologik jihatdan oʻrganishni yanada takomillashtirish va 2020-2021-yillarda mineral-xom ashyo bazasini rivojlantirish va qayta tiklash davlat dasturini amalga oshirish chora-tadbirlari toʻgʻrisida”gi PQ-4401-son qarorida:
a) 2-bandda:
ikkinchi va uchinchi xatboshilar chiqarib tashlansin;
toʻrtinchi xatboshi ikkinchi xatboshi deb hisoblansin;
b) 1 va 2-ilovalar oʻz kuchini yoʻqotgan deb topilsin.
7. Oʻzbekiston Respublikasi Prezidentining 2019-yil 18-noyabrdagi “Neft va gaz geologiya-qidiruv ishlarini tashkil etish va olib borish tizimini takomillashtirish chora-tadbirlari toʻgʻrisida”gi PQ-4522-son qarorida:
a) 8-banddagi “litsenziya” soʻzi “ruxsatnoma” soʻzi bilan almashtirilsin;
b) 12-bandning birinchi va ikkinchi xatboshilari quyidagi tahrirda bayon etilsin:
“Quyidagi mexanizm joriy etilsin, unga muvofiq:
Oʻzbekiston Respublikasi Prezidentining 2017-yil 24-maydagi “Strategik muhim turdagi qattiq foydali qazilma konlarini geologik oʻrganish va oʻzlashtirishga xorijiy investitsiyalar jalb qilishni jadallashtirish chora-tadbirlari toʻgʻrisida”gi PQ-3000-son qarorida koʻrsatilgan strategik foydali qazilma turlari mavjud yer qaʼri uchastkalarini foydalanishga topshirish ruxsatnomalarni berish shaffofligini taʼminlovchi auksion savdolar asosida belgilangan tartibda “Litsenziya” axborot tizimi orqali amalga oshiriladi. Bunda ruxsatnomani olish uchun ariza va unga ilova qilingan hujjatlar Yagona interaktiv davlat xizmatlari portali orqali ham berilishi mumkin”.
8. Oʻzbekiston Respublikasi Prezidentining 2020-yil 6-martdagi “Navoiy kon-metallurgiya kombinati” davlat korxonasini isloh qilish chora-tadbirlari toʻgʻrisida”gi PQ-4629-son qarorida:
a) 7-bandning uchinchi xatboshisidagi va 13-bandning ikkinchi xatboshisidagi “litsenziyalar” soʻzi “ruxsatnomalar” soʻzi bilan almashtirilsin;
b) 2-ilovaning nomidagi tegishli kelishikdagi “litsenziya” soʻzi tegishli kelishikdagi “ruxsatnoma” soʻzi bilan almashtirilsin.
(Qonun hujjatlari maʼlumotlari milliy bazasi, 22.04.2021-y., 07/21/5083/0371-son; Qonunchilik maʼlumotlari milliy bazasi, 12.12.2022-y., 07/22/439/1081-son; 10.08.2023-y., 06/23/116/0579-son; 27.04.2024-y., 06/24/67/0307-son, 25.05.2024-y., 06/24/79/0363-son)