Меҳнатга ҳақ тўлаш тизимини янада такомиллаштириш ва Ўзбекистон Республикаси Президенти ҳузуридаги Стратегик ва минтақалараро тадқиқотлар институти ходимларининг меҳнатига ҳақ тўлаш ва ижтимоий ва уй-жой-маиший шароитларини яхшилашнинг самарали механизмларини яратиш мақсадида:

1. Тасдиқлансин:

Ўзбекистон Республикаси Президенти ҳузуридаги Стратегик ва минтақалараро тадқиқотлар институти (кейинги ўринларда — Институт деб юритилади) ходимларининг меҳнатига ҳақ тўлаш разрядлари Ягона тариф сеткаси бўйича 1-иловага мувофиқ;

Институтдаги меҳнат стажини ҳисобга олган ҳолда узоқ муддат хизмат қилганлик учун Институт ходимларининг лавозим маошларига қўшимча тўловлар миқдорлари 2-иловага мувофиқ.

Белгилансин:

Институт ходимлари (ёрдамчи ходимлар бундан мустасно):

давлат ҳокимияти ва бошқаруви органлари давлат хизматчиларига назарда тутилган лавозим маошларига 40 фоиз устама (меҳнатни рағбатлантириш коэффициенти);

қонунчиликда белгиланган рағбатлантирувчи қўшимча тўловлар ва устамаларни ҳисоблашда лавозим маошларига қўшилган алоҳида меҳнат шароитлари учун лавозим маошларига 15 фоиз устама.

2. Белгилаб қўйилсинки:

ходимларни моддий рағбатлантириш Махсус жамғармаси Институтнинг меҳнатга ҳақ тўлаш йиллик жамғармасининг 25 фоизи миқдорида шакллантирилади;

Ягона тариф сеткаси бўйича тасдиқланган меҳнатга ҳақ тўлаш разрядларига мувофиқ Институт ходимларининг лавозим маошлари белгиланганда тариф коэффитсиенти икки баравар даражада қўлланилади;

Ўз вазифаларини виждонан бажарган, шунингдек, ўта муҳим ва масъулиятли ишни виждонан бажарган институт ходимларини мукофотлаш учун йилига уч ойлик иш ҳақи жамғармаси миқдорида пул маблағлари ажратилади;

Институт штат бирликлари тўлиқ бутланмаганлиги муносабати билан бўшайдиган маблағлар Институт ходимларини уларга мукофотлар тўлаш тарзида моддий рағбатлантиришга йўналтирилиши мумкин;

ойлик иш ҳақи жамғармаси миқдоридаги маблағлар йилига институт ходимларига моддий ёрдам кўрсатиш учун ажратилади;

Фалсафа фанлари номзоди ёки фалсафа доктори (Ph.D)илмий даражасига (ёки хорижий давлатларнинг бошқа тенглаштирилган илмий даражаларига) эга бўлган институт ходимларига ҳар ойда лавозим иш ҳаққининг 30 фоизи миқдорида устамалар, фан доктори (ёки хорижий давлатларнинг бошқа тенглаштирилган илмий даражалари) илмий даражасига эга бўлганларга ҳар ойда лавозим иш ҳақининг 35 фоизи миқдорида устамалар ажратилади.

3. Институт ходимларига Ўзбекистон Республикаси Вазирлар Маҳкамасининг 2012 йил 31 октабрдаги «Судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти, давлат солиқ хизмати ва давлат божхона хизмати органлари ходимларига имтиёзли шартларда уй-жой сотиб олишга узоқ муддатли ипотека кредитлари бериш тартиби тўғрисидаги низомни ҳамда судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ва давлат солиқ хизмати органлари ходимларига уй-жойларни ижарага олганлик (ижарага турганлик) учун ҳар ойлик пул компенсацияси тўлаш тартиби тўғрисидаги низомни тасдиқлаш ҳақида»ги 312-сонли қарори амал қилиниши таъминлансин.

4. Ўзбекистон Республикаси Молия вазирлиги 2018 йилда Ўзбекистон Республикаси Давлат бюджети параметрларида ижтимоий соҳа учун кўзда тутилган маблағлар доирасида ушбу қарорда назарда тутилган чора-тадбирларни амалга ошириш учун зарур бўлган бюджет маблағларини ажратади ва 2019 йилдан бошлаб Ўзбекистон Республикаси Давлат бюджети параметрларида уларни назарда тутади.

5. Институт Ўзбекистон Республикаси Адлия вазирлиги ва бошқа манфаатдор вазирлик ва идоралар билан биргаликда бир ой муддатда мазкур қарордан келиб чиқадиган қонунчиликка ўзгартириш ва қўшимчалар бўйича таклифлар киритсин.

6. Мазкур қарорнинг бажарилиши устидан назорат Ўзбекистон Республикаси Бош вазири А.Н. Арипов, Ўзбекистон Республикаси Президенти ҳузуридаги Хавфсизлик Кенгаши котиби В.В. Махмудов зиммасига юклансин.