T/r

Vazifa

Amaliy chora-tadbir

Ijro muddati

Moliyalashtirish manbalari

Masʼul ijrochilar

I. HAR BIR INSONGA OʻZ SALOHIYATINI ROʻYOBGA CHIQARISH UCHUN MUNOSIB SHAROITLARNI YARATISH

1.1. Taʼlim tizimi islohotlari

(Masʼul — A. Aripov)

1-maqsad: Maktabgacha taʼlim tizimini yangi bosqichga olib chiqish hamda bolalarning toʻliq qamrovini taʼminlash

1.

Maktabgacha taʼlim bilan qamrov darajasini 74 foizga yetkazish.

Davlat-xususiy sheriklik asosidagi maktabgacha taʼlim tashkilotlari sonini 26 mingtaga yetkazish.

2023-yil yakuniga qadar

Respublika budjetidan ajratilgan mablagʻlar doirasida

Maktabgacha va maktab taʼlimi vazirligi

X. Umarova,

Iqtisodiyot va moliya vazirligi

O. Fozilkarimov

2.

Davlat maktabgacha taʼlim tashkilotlarida avtomatlashtirilgan tizimni ishga tushirish.

1. Davlat maktabgacha taʼlim tashkilotlarida avtomatlashtirilgan tizimni ishga tushirish uchun mavjud imkoniyatlarni tahlil qilish.

2023-yil noyabr

-

Maktabgacha va maktab taʼlimi vazirligi

X. Umarova,

Iqtisodiyot va moliya vazirligi

O. Fozilkarimov

2. Maktabgacha taʼlim tizimida noqonuniy moliyaviy xatti-harakatlar, korrupsiya va budjet mablagʻlarini maqsadsiz sarflash holatlarining vujudga kelishiga sabab boʻlayotgan omillarni oʻrganish.

2023-yil noyabr

3. Davlat maktabgacha taʼlim tashkilotlarida biometrik identifikatsiya qilish texnologiyasini qoʻllagan holda xodimlar va tarbiyalanuvchilarning davomatini yuritishni yoʻlga qoʻyish orqali budjet mablagʻlarining maqsadsiz sarflanishining oldini olish boʻyicha chora-tadbirlar ishlab chiqish.

2023-yil dekabr

2-maqsad: Umumiy oʻrta taʼlim tizimida “Taʼlim uchun qulay muhit” dasturini amalga oshirish

3.

Islom taraqqiyot banki, Arab muvofiqlashtirish guruhi va Taʼlim boʻyicha global hamkorlik tashkilotining “Oʻzbekiston Respublikasida taʼlim sifati va samaradorligini oshirish” qoʻshma moliyalashtirish loyihasini amalga oshirish.

1. Loyihani boshqarish guruhi faoliyatini yoʻlga qoʻyish, yangi quriladigan obyektlarning loyihaoldi va loyiha hujjatlarini tayyorlash va ekspertizadan oʻtkazish bilan bogʻliq xarajatlarga Davlat budjetidan mablagʻlarni ajratish.

2023-yil oktabr

Hisob-kitoblarga asosan

Maktabgacha va maktab taʼlimi vazirligi

X. Umarova,

Iqtisodiyot va moliya vazirligi

O. Fozilkarimov,

Investitsiyalar, sanoat va savdo vazirligi

L. Qudratov

2. Loyiha boʻyicha amalga oshirilgan xarajatlarni Islom taraqqiyot banki mablagʻlari hisobidan retroaktiv moliyalashtirish asosida qoplash boʻyicha taklif kiritish.

2023-yil noyabr

3. Loyiha doirasida umumiy oʻrta taʼlim muassasalarini qurish uchun zarur yer uchastkalarini ajratish.

2023-yil noyabr

4.

Maktab va maktabgacha taʼlim muassasalarining qurilish ishlari ustidan jamoatchilik nazoratini oʻrnatish.

Yangi quriladigan yoki rekonstruksiya qilinadigan maktabgacha va maktab taʼlimi muassasalarida olib borilayotgan ishlarni, shu jumladan nogironligi boʻlgan bolalarga “toʻsiqsiz muhit” yaratish ustidan doimiy nazorat qilish va keng jamoatchilikni jalb qilish mexanizmlarini ishlab chiqish.

Umumtaʼlim maktablari qurilishi va saqlanishi toʻgʻrisida alohida shaharsozlik, sanitariya qoidalarini ishlab chiqish hamda yangi quriladigan maktablarning namunaviy loyihaoldi va loyiha hujjatlarini xalqaro tashkilotlar bilan birgalikda ishlab chiqish amaliyotini joriy etishning maqsadga muvofiqligi boʻyicha takliflar kiritish.

2023-yil dekabr

-

Qurilish va uy-joy kommunal xoʻjaligi vazirligi

B. Zakirov,

Maktabgacha va maktab taʼlimi vazirligi

X. Umarova

3-maqsad: Umumiy oʻrta taʼlim tizimini yangi bosqichga olib chiqish

5.

Umumiy oʻrta taʼlim muassasalarida 1-sinfdan kompyuter savodxonligi darslarini joriy etish.

1. Umumiy oʻrta taʼlim muassasalarida amaldagi tayanch oʻquv rejasi doirasida 1-sinfda “Informatika va axborot texnologiyalari” fanining haftasiga bir soatdan oʻqitilishini yoʻlga qoʻyish.

2. “Informatika va axborot texnologiyalari” fani boʻyicha boshlangʻich sinf oʻqituvchilari uchun qisqa muddatli malaka oshirish oʻquv kurslarini tashkil etish.

2023-yil dekabr

-

Maktabgacha va maktab taʼlimi vazirligi

X. Umarova,

Taʼlimni rivojlantirish respublika ilmiy-metodik markazi

V. Hamidov

6.

Umumiy oʻrta taʼlim muassasalarida yuqori sinf oʻquvchilarining qobiliyati va tanlovi asosida taʼlim jarayonlarini tashkil etish.

1. Tayanch oʻquv rejasi hamda amalda mavjud sinflar doirasida kimyo — biologiya, fizika — matematika, ona tili — chet tili, matematika — chet tili yoʻnalishlarida oʻquv rejasini ishlab chiqish va amaliyotga joriy etish.

2. 2023/2024 oʻquv yilida respublika boʻyicha 120 dan ortiq umumiy oʻrta taʼlim muassasalarida tajriba-sinov tariqasida tanlov fanlarini joriy qilish.

2023-yil sentabrdan boshlab bosqichma-bosqich

2023-yil uchun Maktabgacha va maktab taʼlimi vazirligiga ajratilgan Davlat budjeti mablagʻlari doirasida

Maktabgacha va maktab taʼlimi vazirligi

X. Umarova,

Taʼlimni rivojlantirish respublika ilmiy-metodik markazi

V. Hamidov

4-maqsad: Pedagog kadrlar maqomini oshirish, ularning bilimi va malakasini xalqaro standartlarga muvofiqlashtirish

7.

Pedagoglarga malakasini oshirish imkoniyatlarini kengaytirish.

“El-yurt umidi” jamgʻarmasi koʻmagida Maktabgacha va maktab taʼlimi vazirligi tizimida faoliyat olib borayotgan xodimlarni xorijiy mamlakatlarga malaka oshirish va stajirovkaga yuborish rejasini ishlab chiqish.

Umumiy oʻrta taʼlim maktablari rahbar xodimlari mehnatiga haq toʻlash sharoitlarini yaxshilash boʻyicha takliflarni ishlab chiqish.

2023-yil noyabr

-

Maktabgacha va maktab taʼlimi vazirligi

X. Umarova,

“El-yurt umidi” jamgʻarmasi

A. Bekmurodov,

Iqtisodiyot va moliya vazirligi

O. Fozilkarimov

5-maqsad: Umumiy oʻrta taʼlimni rivojlantirish uchun xususiy sektorni keng jalb qilish

8.

Nodavlat umumiy oʻrta taʼlim tashkilotlari tarmogʻini kengaytirish.

Har yili nodavlat umumiy oʻrta taʼlim tashkilotlari faoliyatini yoʻlga qoʻyish uchun kamida respublika boʻyicha 50 gektar yer uchastkalarini auksionga chiqarish.

2023-yil oktabrdan boshlab

-

Davlat aktivlarini boshqarish agentligi

A. Ortiqov

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

6-maqsad: Professional taʼlim tizimini rivojlantirish orqali oʻquvchilarni zamonaviy bilim va koʻnikmalarga oʻrgatish

9.

Oʻrta boʻgʻin mutaxassislarini tayyorlashda davlat grantini axborot texnologiyalari, qurilish, transport va logistika yoʻnalishlarida 100 foizga yetkazish.

1. Kollej va texnikumlarga 2024/2025 oʻquv yili uchun tasarrufida professional taʼlim muassasalari boʻlgan vazirlik va idoralarning taklifi asosida qabul parametrlarini shakllantirish boʻyicha choralarni koʻrish.

2023-yil dekabr

-

Oliy taʼlim, fan va innovatsiyalar vazirligi

I. Abduraxmonov,

Iqtisodiyot va moliya vazirligi

O. Fozilkarimov

10.

Professional taʼlim tizimi rahbar va pedagog kadrlarini qayta tayyorlash va ularning malakasini oshirishning zamonaviy uzluksiz shaklini joriy qilish hamda ushbu sohada yagona metodik taʼminotni amalga oshirish.

1. Davlat oliy taʼlim tashkilotlari huzuridagi professional taʼlim muassasalari xodimlarining malakasini oshirishga ixtisoslashgan fakultetlar faoliyatini bosqichma-bosqich tugatish.

2. Pedagogik innovatsiyalar, professional taʼlim boshqaruv hamda pedagog kadrlarini qayta tayyorlash va ularning malakasini oshirish institutining Qoraqalpogʻiston Respublikasi, viloyatlar va Toshkent shahrida yuridik shaxs maqomiga ega boʻlmagan Ilgʻor professional tayyorgarlik markazlarini tashkil etish.

2023-yil oktabr

-

Oliy taʼlim, fan va innovatsiyalar vazirligi

I. Abduraxmonov

11.

Malaka oshirishga boʻlgan ehtiyojni aniqlash uchun raqamli portfolio tizimini joriy etish, har bir xodimning individual kasbiy rivojlanish trayektoriyasini tuzish.

1. Professional taʼlim muassasalari xodimlari faoliyatini oʻrganish va malaka oshirishga boʻlgan ehtiyojini aniqlash uchun maxsus elektron axborot tizimida raqamli portfolio modulini ishlab chiqish.

2. Raqamli portfolio moduli orqali professional taʼlim muassasalari xodimlarining faoliyati samaradorligini baholash mexanizmini yoʻlga qoʻyish.

2023-yil dekabr

-

Oliy taʼlim, fan va innovatsiyalar vazirligi

I. Abduraxmonov

7-maqsad: Oliy taʼlim bilan qamrovni kengaytirish, oliy maʼlumotli mutaxassislar tayyorlash sifatini oshirish

12.

5 ming nafargacha professor-oʻqituvchilarni tajriba almashish uchun, 200 nafargacha yosh olimlarni ilmiy daraja olish uchun tanlov asosida xorijiy ilmiy tashkilotlarga yuborish.

Yillar kesimida xorijiy va mahalliy grant mablagʻlari doirasida professor-oʻqituvchilarni tajriba almashish va yosh olimlarni ilmiy daraja olish uchun xorijiy ilmiy tashkilotlarga yuborish rejasini tasdiqlash.

2023-yil noyabr

Hisob-kitoblarga asosan

Oliy taʼlim, fan va innovatsiyalar vazirligi

I. Abduraxmonov,

“El-yurt umidi” jamgʻarmasi

A. Bekmuradov

8-maqsad: Oliy taʼlim muassasalari tashkiliy-boshqaruv faoliyatini takomillashtirish, ularning moddiy-texnik taʼminotini mustahkamlash

13.

Oliy taʼlim tashkilotlarining moliyaviy mustaqilligini takomillashtirish va rektorlarni saylash tizimini joriy qilish boʻyicha takliflarni ishlab chiqish.

Oliy taʼlim tashkilotlari rektorlarini tashkilot kengashi (jamoasi) tomonidan saylash tizimini joriy qilishning maqsadga muvofiqligi boʻyicha takliflarni ishlab chiqish.

2023-yil oktabr

-

Oliy taʼlim, fan va innovatsiyalar vazirligi I. Abduraxmonov,

oliy taʼlim tashkilotlari

(kelishuv asosida)

9-maqsad: Fundamental tadqiqotlarni zamon talablaridan kelib chiqib yangi yoʻnalishlar bilan boyitish

14.

Dunyoda tan olingan ilmiy maktablar bilan hamkorlikda matematika, biologiya, kimyo, geologiya, fizika, epidemiologiya, seysmologiya, bioxilma-xillik kabi yoʻnalishlarda fundamental tadqiqotlarni amalga oshirish uchun kompleks ilmiy dasturlarni ishlab chiqish.

1. Fundamental tadqiqotlar sohasida kompleks ilmiy dasturlarni shakllantirish uchun nufuzli olimlar (akademiklar, fan doktorlari) tarkibidan ilmiy kengashlar (ekspert guruhlari) tashkil etish talablarini ishlab chiqish.

2023-yil oktabr

-

Fanlar akademiyasi

B. Yuldashev

2. Xorijiy nufuzli ilmiy maktablar bilan hamkorlik aloqalarini kuchaytirishning amaliy mexanizmlarini ishlab chiqish.

-

Oliy taʼlim, fan va innovatsiyalar vazirligi

I. Abduraxmonov

3. Matematika, biologiya, kimyo, geologiya, fizika, epidemiologiya, seysmologiya, bioxilma-xillik kabi yoʻnalishlarda fundamental tadqiqotlarni amalga oshirish uchun kompleks ilmiy dasturlarni shakllantirish.

2023-yil noyabr

-

15.

Til va adabiyot, tarix, arxeologiya, maʼnaviyat, madaniyat va sanʼat kabi ijtimoiy-gumanitar fanlar yoʻnalishlari boʻyicha alohida ilmiy-tadqiqot dasturlarini amalga oshirish.

1. Oʻzbekistonni jahonga tanitib, tariximiz, milliy qadriyatlarimiz, madaniy merosimizga oid tadqiqotlarni faol qoʻllab-quvvatlash yuzasidan takliflarni ishlab chiqish.

2023-yil sentabr

-

Oliy taʼlim, fan va innovatsiyalar vazirligi

I. Abduraxmonov

2. Til va adabiyot, tarix, arxeologiya, maʼnaviyat, madaniyat va sanʼat kabi ijtimoiy-gumanitar fanlar yoʻnalishlari boʻyicha alohida ilmiy-tadqiqot dasturlarini shakllantirish uchun nufuzli olimlar (akademiklar, fan doktorlari) tarkibidan ilmiy kengashlar (ekspert guruhlari) tashkil etish talablarini ishlab chiqish.

2023-yil oktabr

-

Oliy taʼlim, fan va innovatsiyalar vazirligi

I. Abduraxmonov, Fanlar akademiyasi

B. Yuldashev

10-maqsad: Iqtisodiyotning eng tez oʻsib borayotgan yoʻnalishlarida amaliy tadqiqotlarni kuchaytirish, “korxona — oliygoh — ilmiy tashkilot” klaster tizimini joriy etish

16.

Tashkilotlar, vazirlik va idoralarning ilmiy-tahliliy va uslubiy ishlarga buyurtmalarini oliygohlar, ilmiy tashkilotlar tomonidan amalga oshirish boʻyicha yagona elektron portalni tashkil etish.

1. Ilmiy-tahliliy va uslubiy ishlarga buyurtmalarni amalga oshirish maqsadida cooperation.uz yagona elektron portalida maxsus boʻlinma ishlab chiqish.

2023-yil noyabr

Ijrochilarning mablagʻlari

Investitsiyalar, sanoat va savdo vazirligi

L. Qudratov,

Oliy taʼlim, fan va innovatsiyalar vazirligi

I. Abduraxmonov,

Raqamli texnologiyalar vazirligi

Sh. Shermatov

2. Sinovlar natijasida portalni qayta takomillashtirib, amaliyotga joriy qilish.

2023-yil dekabr

11-maqsad: Yosh tadqiqotchilarning ulushini oshirish, ularning ilmiy izlanishlarini qoʻllab-quvvatlash

17.

Stajyor-tadqiqotchilik, tayanch doktorantura, doktorantura hamda maqsadli doktorantura kvotalari sonini bosqichma-bosqich oshirish.

1. Tizimida ilmiy tashkilot va taʼlim muassasalari mavjud vazirlik va idoralardan stajyor-tadqiqotchilikka, tayanch doktoranturaga, doktoranturaga hamda maqsadli doktoranturaga qabul kvotalari talabnomalarini oʻrnatilgan tartibda qabul qilish.

2. Qabul kvotalari talabnomalarini umumlashtirgan holda Iqtisodiyot va moliya vazirligiga oʻrnatilgan tartibda taqdim etish.

3. Ilmiy tashkilot va taʼlim muassasalari kesimida akkreditatsiyadan oʻtgan ixtisosliklar boʻyicha oliy taʼlimdan keyingi taʼlim institutlarining samaradorlik koʻrsatkichlarini oshirish.

2023-yil sentabr

Davlat budjeti mablagʻlari doirasida

Oliy taʼlim, fan va innovatsiyalar vazirligi

I. Abduraxmonov,

Iqtisodiyot va moliya vazirligi

O. Fozilkarimov,

Fanlar akademiyasi

B. Yuldashev

12-maqsad: Barcha yoʻnalishlarda innovatsion faoliyatni keng joriy etish, ilmiy tadqiqotlarni va innovatsion tashabbuslarni qoʻllab-quvvatlash

18.

Global innovatsiya indeksida (GII) qayd etilgan past indikatorlar boʻyicha Oʻzbekiston pozitsiyasini yaxshilash boʻyicha maqsadli chora-tadbirlarni amalga oshirish.

1. GII-2023 hisoboti va avvalgi ikki yillik hisobotlardagi doimiy past baholangan, maʼlumoti mavjud boʻlmagan va eskirgan indikatorlarni tahlil qilish.

2023-yil oktabr

-

Oliy taʼlim, fan va innovatsiyalar vazirligi

I. Abduraxmonov

2. Masʼul davlat organlari va tashkilotlari bilan hamkorlikda GII-2023 hisoboti indikatorlari maʼlumotlarini shakllantirish va bahosini koʻtarish boʻyicha Xalqaro reytinglar va indekslar bilan ishlash respublika komissiyasining 2024-2025-yillarga moʻljallangan maqsadli chora-tadbirlar rejasini ishlab chiqish va tasdiqlash.

2023-yil noyabr

3. Tasdiqlangan chora-tadbirlar rejasiga muvofiq belgilangan ishlarni muddatida amalga oshirish choralarini koʻrish.

ish rejasiga asosan

1.2. Aholi salomatligini taʼminlash boʻyicha islohotlar

(Masʼul — A. Aripov)

13-maqsad: Aholining oʻrtacha umr davomiyligini oshirish

19.

Aholi oʻrtasida ijtimoiy ahamiyatga ega kasalliklarni barvaqt aniqlash va ular bilan kasallanish holatlarini keskin kamaytirish.

1. Oylar kesimida 40 va undan katta yoshdagi aholini (2,1 mln) qandli diabet, yurak-qon tomir kasalligining xavf omillarini aniqlash boʻyicha skrining tekshiruvi bilan qamrab olish dasturini tasdiqlash.

2. Qandli diabet va yurak-qon tomir kasalliklariga moyilligi bor fuqarolarga (kamida 5 mln) tushuntirish-targʻibot ishlarini olib borish choralarini koʻrish.

3. Xavf guruhiga mansub ayollarni (1 mln) xavfli oʻsma kasalligini erta aniqlash boʻyicha skrining tekshiruvidan oʻtkazish.

2023-yil dekabrdan boshlab

-

Sogʻliqni saqlash vazirligi

A. Inoyatov

14-maqsad: Aholiga birlamchi tibbiy xizmatlarni yanada yaqinlashtirish

20.

Bemorlarning tibbiy xizmatlar sifatidan qoniqishini baholash boʻyicha elektron axborot tizimini ishlab chiqish.

1. Bemorlarning tibbiy xizmatlar sifatidan qoniqishini baholash boʻyicha elektron axborot tizimini yaratish boʻyicha texnik topshiriqni ishlab chiqish.

2. Sogʻliqni saqlash tizimi mutaxassislarining malakasini oshirish va uzluksiz tibbiy taʼlim jarayonlarida jamoatchilik ishtiroki uchun imkoniyatlarni yaratish.

2023-yil noyabr

Sogʻliqni saqlash vazirligining budjetdan tashqari mablagʻlari

Sogʻliqni saqlash vazirligi

A. Inoyatov,

Raqamli texnologiyalar vazirligi

Sh. Shermatov

15-maqsad: Bolalar oʻrtasidagi irsiy kasalliklarning oldini olish va davolash samaradorligini oshirish

21.

Erta va qarindoshlar oʻrtasidagi nikohlarning oldini olish, tugʻishlar oʻrtasidagi maqbul oraliqqa rioya qilish, irsiy kasalliklar profilaktikasi dolzarbligini aholi oʻrtasida keng targʻib qilish.

1. FHDY organlarida “Yosh kelin-kuyovlar maktabi” faoliyatini olib borish va ularning maxsus kurslardan toʻliq oʻtishini taʼminlash.

2. Maktablarda, mahalla va oilalarda oʻsmir yigitlar va ularning otalari, shuningdek, voyaga yetmagan qizlar va ularning onalari bilan qarindoshlar orasidagi hamda erta nikoh va homiladorlikning salbiy oqibatlari boʻyicha alohida davra suhbatlari oʻtkazish.

3. Maqbul oraliqqa rioya qilmagan holda tugʻishlarning ona va bola organizmiga salbiy oqibatlari, tugʻishlar orasidagi maqbul oraliqqa rioya qilishning afzalliklari va zamonaviy choralari toʻgʻrisida oilalarda yosh kelinchak va uning oila aʼzolari bilan birgalikda individual suhbatlar oʻtkazish.

4. Erta va qarindoshlar oʻrtasidagi nikohlarning oldini olish, tugʻishlar oʻrtasidagi maqbul oraliqqa rioya qilish, irsiy kasalliklar profilaktikasi masalalari boʻyicha tarqatma materiallar (flayer, buklet), videomaterial va roliklar tayyorlash, ommaviy axborot vositalari, ijtimoiy tarmoqlarda namoyish qilish.

2023-yil dekabr

Ijrochilar mablagʻlari

Vazirlar Mahkamasi

Z. Maxkamova,

Sogʻliqni saqlash vazirligi

A. Inoyatov,

Adliya vazirligi

A. Tashkulov,

Maktabgacha va maktab taʼlimi vazirligi

X. Umarova,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

16-maqsad: Onalar va bolalar oʻlimini qisqartirish, sogʻlom bolalikni taʼminlash

22.

Ayollar salomatligini muhofaza qilish, kasalliklarning oldini olish tadbirlarini yanada takomillashtirish.

1. Tuman (shahar) koʻp tarmoqli markaziy poliklinikalarining “Ayollar maslahatxonasi” boʻlimida homiladorlarni hisobga olishdan boshlab, tugʻruqdan keyingi 42 kunga qadar boʻlgan davrni qamrab oluvchi yagona elektron bazani shakllantirish va amaliyotga toʻliq joriy qilish.

2. 15 — 49 yoshli ayollarni har yili 1-marta profilaktik koʻriklardan oʻtkazish, ekstragenital kasallik aniqlanganlarni homiladorlikkacha sogʻlomlashtirish choralarini koʻrish.

Doimiy

Davlat budjetidan ushbu maqsadlar uchun ajratilgan mablagʻlar doirasida

Sogʻliqni saqlash vazirligi

A. Inoyatov

23.

Tugʻish yoshidagi va homilador ayollarga hamda bolalarga 7 turdagi vitaminlar, yod va foliy kislotasini bepul tarqatish ishlarini davom ettirish.

Quyidagilar:

6 oylikdan 5 yoshgacha boʻlgan bolalarni “A” vitamini bilan;

1,0 million nafar homilador va 1,5 million nafar bola emizuvchi ayollarni yod preparati bilan;

5,9 million nafar 35 yoshgacha tugʻish yoshidagi ayollarni temir va foliy kislotasi preparati bilan bepul taʼminlash.

2023-yil noyabr oyidan boshlab har yili

Hisob-kitoblar asosida Davlat budjeti mablagʻlari va xalqaro moliya institutlari mablagʻlari

Sogʻliqni saqlash vazirligi

A. Inoyatov

24.

Bolalarning sogʻlom ovqatlanishini taʼminlash orqali ratsional oʻsishi va rivojlanishi, aqlan barkamol boʻlib shakllanishini taʼminlash.

1. Respublika boʻyicha 6 — 23 oylik boʻlgan jami 1,2 million nafar bolani mikronutriyent kukuni bilan bepul taʼminlash.

2. Quyidagilarni:

6,5 million nafar 2 — 10 yoshdagi bolalarni gelmintoz profilaktikasi boʻyicha maxsus preparatlar bilan;

8,8 million nafar 3 — 15 yoshdagi bolalarni yod preparati bilan bepul taʼminlash.

2023-yil noyabr oyidan boshlab har yili

Hisob-kitoblar asosida

Davlat budjeti mablagʻlari

Sogʻliqni saqlash vazirligi

A. Inoyatov

25.

Koxlear implantatsiya operatsiyasi oʻtkazgan bolalarda doimiy asosda nutq protsessorlarini almashtirish dasturini yoʻlga qoʻyish.

2023-yilda 132 nafar, 2024-yilda 125 nafar bolalarda nutq protsessorlarini almashtirish.

2023-yil noyabr oyidan boshlab har yili

Ijrochilar mablagʻlari doirasida

Sogʻliqni saqlash vazirligi

A. Inoyatov

26.

Boshqariluvchi yuqumli kasalliklar boʻyicha epidemiologik barqarorlikni taʼminlash maqsadida profilaktik emlash tadbirlarini davom ettirish.

Respublika boʻyicha 12 million nafar bolani 13 turdagi vaksinalar bilan boshqariluvchi yuqumli kasalliklarga qarshi emlash.

2023-yil sentabr — dekabr oylari

Davlat budjeti mablagʻlari doirasida

Sogʻliqni saqlash vazirligi

A. Inoyatov,

Iqtisodiyot va moliya vazirligi

O. Fozilkarimov

17-maqsad: Onkologik kasalliklarni erta aniqlash va oʻlim koʻrsatkichini kamaytirish

27.

Xavf guruhiga mansub aholini onkologik kasalliklarni erta aniqlash boʻyicha skrining tekshiruvlaridan oʻtkazish.

45 — 65 yoshdagi 2 million nafar ayolni 2 yilda 1-marta koʻkrak bezi saratonini erta aniqlash boʻyicha ommaviy skrining tekshiruvidan oʻtkazish.

Har yili

Davlat budjetidan ushbu maqsadlar uchun ajratilgan mablagʻlar doirasida

Sogʻliqni saqlash vazirligi

A. Inoyatov

18-maqsad: Yuqumli boʻlmagan kasalliklar profilaktikasi samaradorligini oshirish

28.

Bolalar va katta yoshdagi aholi orasida profilaktik koʻriklar va skrining tekshiruvlar qamrovini oshirish.

1. 3 million nafar maktabgacha taʼlim muassasalari tarbiyalanuvchilari va umumtaʼlim maktablari oʻquvchilarini chuqurlashtirilgan tibbiy koʻrikdan oʻtkazish.

2. 2 — 10 yoshli 1,3 million nafar bolani gelmintozni, 3 — 18 yoshli 3 million nafar bolani 2 yilda 1-marta gematoonkologik kasalliklarni erta aniqlash maqsadida ommaviy va selektiv skrining tekshiruvlaridan oʻtkazish.

3. 4 million nafar 18 — 40 yoshli aholini har yili 1-marta profilaktik koʻrikdan oʻtkazish va salomatlik holatini baholash.

4. 2,1 million nafar 40 yosh va undan katta yoshdagi aholi orasida yuqumli boʻlmagan kasalliklar xavf omillarini erta aniqlash maqsadida skrining tekshiruvlarini joriy qilish.

Tarmoq reja asosida

-

Sogʻliqni saqlash vazirligi

A. Inoyatov

19-maqsad: Sogʻlom va faol keksalikni taʼminlash

29.

Jahon sogʻliqni saqlash tashkilotining Faol keksalik konsepsiyasi va Keksa odamlarning salomatligi hamda farovonligini baholash indikatorlarini amaliyotga joriy etish.

1. Keksa yoshdagi aholining salomatligini va faolligini baholash tizimini joriy etish.

2. 4,6 million nafar 55 va undan katta yoshdagi aholini har yili profilaktik koʻrikdan oʻtkazish.

3. Surunkali kasalligi aniqlanganlarning tizimli nazoratini, ambulator va statsionar sogʻlomlashtirishni tashkillashtirish.

4. Yuqumli boʻlmagan kasallikka chalingan keksa yoshdagi bemorlar va ularning farzandlarini oʻzini oʻzi parvarish qilishga oʻrgatish maqsadida koʻp tarmoqli markaziy poliklinikalarda “Profilaktika maktabi” mashgʻulotlarini oʻtkazish.

Tarmoq reja asosida

Hisob-kitoblar asosida Davlat budjeti mablagʻlari

Kambagʻallikni qisqartirish va bandlik vazirligi

B. Musayev,

Sogʻliqni saqlash vazirligi

A. Inoyatov

30.

Katta yoshdagi aholi orasida toʻgʻri ovqatlanish, jismoniy faollik va yuqumli boʻlmagan kasalliklar profilaktikasi boʻyicha individual va ommaviy targʻibot tadbirlarini oʻtkazish.

1. Keksa yoshdagi aholi vakillarining kun tartibini tashkillashtirish, jismoniy faolligi va kasalliklar profilaktikasi boʻyicha targʻibot materiallarini tayyorlash.

2. Katta yoshdagi aholi orasida skandinavcha yurish va ularga mos boshqa sport turlarini joriy qilish, “Keksalik gashti” shiori ostida yengil sport musobaqalarini oʻtkazib borish.

2023-yil dekabr

“Nuroniy” jamgʻarmasi mablagʻlari

Kambagʻallikni qisqartirish va bandlik vazirligi

B. Musayev,

Sogʻliqni saqlash vazirligi

A.Inoyatov

20-maqsad: Aholi orasida toʻgʻri ovqatlanish va sogʻlom turmush tarzini shakllantirish

31.

Kasallik turlari, jumladan yurak-qon tomir va diabet kasalligi boʻyicha bemorlar uchun parhez odatlariga asoslangan ovqatlanishni baholashning milliy tizimini ishlab chiqish va amaliyotga tatbiq etish.

1. Kasallik turlari, jumladan yurak-qon tomir va diabet kasalligi boʻyicha bemorlar uchun parhez odatlariga asoslangan ovqatlanishni baholashga oid ilmiy-tadqiqot loyihasini tayyorlash boʻyicha tanlov oʻtkazish.

2. Kasallik turlariga koʻra bemorlarni ovqatlantirish boʻyicha parhez stollari boʻyicha meʼyoriy hujjatni JSST tavsiyalari va ilgʻor mamlakatlar tajribasi asosida qayta koʻrib chiqish.

2023-yil dekabr

Ilmiy dasturlarga ajratilgan mablagʻlar

Innovatsion rivojlanish agentligi

O. Toʻychiyev,

Sogʻliqni saqlash vazirligi

A. Inoyatov

32.

Oziq-ovqat mahsulotlarida transyogʻlar va boshqa zararli moddalarni aniqlash tizimini yoʻlga qoʻyish.

Sanitariya-epidemiologik osoyishtalik va jamoat salomatligi qoʻmitasining Milliy referens-laboratoriyasi, Sanitariya, gigiyena va kasb kasalliklari ilmiy-tadqiqot institutining ilmiy-tadqiqot laboratoriyasi hamda Xorazm, Samarqand, Namangan viloyatlari mintaqaviy laboratoriyalarining oziq-ovqat mahsulotlarida transyogʻlar va boshqa zararli moddalarni aniqlash imkonini beruvchi asbob-uskunalar roʻyxatini va tender hujjatlarini shakllantirish.

2023-yil noyabr

-

Sogʻliqni saqlash vazirligi

A. Inoyatov,

Sanitariya-epidemiologik osoyishtalik va jamoat salomatligi qoʻmitasi

B. Yusupaliyev

21-maqsad: Tibbiyot sohasida raqamli texnologiyalarni keng joriy qilish

33.

Davolashning uzluksizligini taʼminlash uchun bemorning umri davomidagi klinik maʼlumotlarini elektron tizimda respublika hududida almashish imkonini yaratish.

Elektron sogʻliqni saqlash tizimi yagona platformasining arxitekturasi va milliy standartlarini ishlab chiqish va tasdiqlash.

Bunda, tibbiy maʼlumot almashish standartlari va raqamli sogʻliqni saqlash tizimi yagona platformasining batafsil loyihasi hisobga olinadi.

2023-yil sentabr

Germaniyaning “KfW” banki,

Sogʻliqni saqlash vazirligining budjetdan tashqari mablagʻlari

Sogʻliqni saqlash vazirligi

A. Inoyatov,

Raqamli texnologiyalar vazirligi

Sh. Shermatov

34.

Nodavlat tibbiyot tashkilotlarini sogʻliqni saqlashning yagona axborot tizimiga integratsiya qilish.

Nodavlat tibbiyot tashkilotlarining sogʻliqni saqlashning yagona axborot tizimiga ulanishini belgilovchi talabni tibbiy faoliyatga oid litsenziyaning talab va shartiga kiritish.

2023-yil dekabr

-

Sogʻliqni saqlash vazirligi

A. Inoyatov,

Raqamli texnologiyalar vazirligi

Sh. Shermatov

1.3. Ijtimoiy xizmatlar koʻrsatish va kambagʻallikni qisqartirish boʻyicha islohotlar

(Masʼul — J. Qoʻchqorov, Z. Maxkamova, M. Olloyorov)

22-maqsad: Professional ijtimoiy xizmatlarni koʻrsatish tizimini tubdan takomillashtirish

35.

Ijtimoiy himoyaga muhtoj aholini mahallada aniqlashning samarali tizimini shakllantirish.

1. Mahallada oilalar bilan manzilli ishlash tizimini joriy qilish, professional ijtimoiy xodimlar korpusini shakllantirish.

2. “Yagona milliy ijtimoiy himoya” axborot tizimining maʼlumotlar bazasini bosqichma-bosqich shakllantirib, uning tegishli axborot tizimlari va platformalar bilan toʻliq integratsiyasini taʼminlash.

2023-yil oktabr

Davlat budjeti mablagʻlari, hamkor tashkilotlar mablagʻlari

Ijtimoiy himoya milliy agentligi

J. Abruyev,

Kambagʻallikni qisqartirish va bandlik vazirligi

B. Musayev

23-maqsad: Nogironligi boʻlgan shaxslarni qoʻllab-quvvatlash boʻyicha yangi tizim hamda ular uchun qulay va maqbul muhit yaratish

36.

Nogironlikni belgilash tizimini qayta koʻrib chiqish va zamonaviy standartlarni joriy qilish.

1. Nogironlikni belgilash boʻyicha tibbiy-ijtimoiy ekspert komissiyalari faoliyatini raqamlashtirish, ushbu jarayonlarda ochiqlikni taʼminlash va inson omilini qisqartirish.

2. Nogironligi boʻlgan shaxslar va ularning oila aʼzolari uchun ijtimoiy xizmatlarni kengaytirish.

2023-yil dekabr

Davlat budjetidan ajratilgan mablagʻlar doirasida

Ijtimoiy himoya milliy agentligi

M. Tashxodjayev,

J. Abruyev,

Sogʻliqni saqlash vazirligi

A. Inoyatov

24-maqsad: Bolalarni ijtimoiy himoya qilish tizimini takomillashtirish

37.

Yetim va ota-ona qaramogʻidan mahrum boʻlgan, qarovsiz va nazoratsiz qolgan bolalarni ijtimoiy himoyalash tizimini takomillashtirish.

1. Bolaning hayotiy vaziyatini baholash mezonlarini ishlab chiqish.

2. Bolalarga nisbatan zoʻravonlikning oldini olish boʻyicha dasturlarni ishlab chiqish.

2023-yil dekabr

Davlat budjetidan ajratilgan mablagʻlar doirasida

Ijtimoiy himoya milliy agentligi

S. Abdullayev,

Oliy Majlisning Bola huquqlari boʻyicha vakili

A. Yunusova

25-maqsad. Xotin-qizlarni qoʻllab-quvvatlash tizimini kuchaytirish, ularning huquq va qonuniy manfaatlarini taʼminlash, ijtimoiy, iqtisodiy, siyosiy faolligini oshirish va gender tenglikni taʼminlash

38.

“Sogʻlom oila — sogʻlom jamiyat!” shiori ostida oilalarni mustahkamlash, notinch oilalardagi muhitni sogʻlomlashtirish tadbirlarini tashkil etish.

1. “Sogʻlom oila — sogʻlom jamiyat!” shiori ostida oʻtkaziladigan maʼnaviy-maʼrifiy, madaniy, targʻibot tadbirlarining namunaviy tartibi hamda reja-jadvallarini ishlab chiqish.

2023-yil sentabr

Hisob-kitoblarga asosan Oila va xotin-qizlarni qoʻllab-quvvatlash davlat maqsadli jamgʻarmasi mablagʻlari

Kambagʻallikni qisqartirish va bandlik vazirligi

B. Musayev,

Oila va xotin-qizlar qoʻmitasi

O. Parpiboyeva,

“Oila va xotin-qizlar” ilmiy-tadqiqot instituti

N. Egamberdiyeva

2. Oilalarga taʼsirchan metodik, konsultativ va amaliy yordam koʻrsatishning samarali tizimini yaratish, mediatorlik institutining rolini kuchaytirish boʻyicha qoʻshma chora-tadbirlar belgilash.

2023-yil oktabr

3. Mahallalarda ijtimoiy-maʼnaviy muhitni sogʻlomlashtirish, xotin-qizlarning ijtimoiy faolliklarini oshirishga qaratilgan tadbirlarni tashkil etishda “Oqila ayollar” harakati faolligini oshirish chora-tadbirlarini belgilash.

2023-yil noyabr

39.

Jamiyatda oilaviy zoʻravonlikka nisbatan murosasiz muhitni shakllantirish ishlarini tizimli davom ettirish.

1. Jamiyatda oilaviy zoʻravonlikka nisbatan murosasiz muhitni shakllantirish yuzasidan oʻtkaziladigan targʻibot-tushuntirish tadbirlarining namunaviy tartibi hamda reja-jadvallarini ishlab chiqish.

2023-yil oktabr

-

Kambagʻallikni qisqartirish va bandlik vazirligi

B. Musayev,

Ichki ishlar vazirligi

P. Bobojonov,

Ijtimoiy himoya milliy agentligi

M. Olloyorov

2. Xotin-qizlar va bolalarni zoʻravonlik va shafqatsizlik gʻoyalaridan himoya qilishda oila instituti va mahallalarning taʼlim muassasalari bilan oʻzaro hamkorligini yanada rivojlantirish.

2023-yil sentabr — dekabr

3. Jazoni ijro etish muassasalarida saqlanayotgan va jazo muddatini oʻtab chiqqan, profilaktik hisobda turgan xotin-qizlar bilan yakka tartibdagi profilaktik hamda ijtimoiy-huquqiy qoʻllab-quvvatlash ishlarini amalga oshirish.

2023-yil sentabr — dekabr

-

Ichki ishlar vazirligi

P. Bobojonov,

Kambagʻallikni qisqartirish va bandlik vazirligi

B. Musayev

40.

Ogʻir ijtimoiy ahvolga tushib qolgan xotin-qizlar uchun ijtimoiy-huquqiy va psixologik yordam koʻrsatish xizmatini kengaytirish.

1. Xotin-qizlar muammolari bilan ishlash tizimini raqamlashtirish, shu jumladan xotin-qizlar muammolarini oʻrganish va ularni tizimli ravishda hal etish modulini yaratish va amaliyotga tatbiq etish.

2023-yil oktabr

Hisob-kitoblarga asosan,

Oila va xotin-qizlarni qoʻllab-quvvatlash davlat maqsadli jamgʻarmasi mablagʻlari

Kambagʻallikni qisqartirish va bandlik vazirligi

B. Musayev,

Oila va xotin-qizlar qoʻmitasi

O. Parpiboyeva,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

2. “Ayollar daftari” doirasida ijtimoiy qoʻllab-quvvatlashga muhtoj xotin-qizlar bilan manzilli ishlash tizimini yanada takomillashtirish choralarini koʻrish.

2023-yil dekabr

3. Aliment toʻlash va undirish amaliyoti hamda xorijiy tajribani inobatga olgan holda aliment toʻlash tizimi samaradorligini oshirish, shu jumladan aliment majburiyatlarini oʻz vaqtida va toʻliq bajarayotgan shaxslarni ragʻbatlantirish mexanizmini joriy etish.

2023-yil dekabr

41.

Jahon bankining “Ayollar, biznes va qonun” indeksida Oʻzbekiston pozitsiyasini yanada yaxshilash boʻyicha chora-tadbirlarni amalga oshirish.

1. “Ayollar, biznes va qonun” indeksida eng yuqori ball olgan mamlakatlarning ijobiy tajribalarini oʻrganish va natijalari boʻyicha takliflar ishlab chiqish.

2. Jahon bankining mazkur indeksida Oʻzbekiston pozitsiyasini yaxshilash boʻyicha aniq chora-tadbirlarni belgilash va amalga oshirish choralarini koʻrish.

3. Jahon bankining mazkur indeksidagi har bir koʻrsatkich boʻyicha asoslantirilgan toʻliq tahliliy maʼlumotlarni tayyorlash hamda kelishilgan holda Jahon bankiga taqdim etilishini taʼminlash.

2023-yil sentabr-oktabr

-

Oila va xotin-qizlar qoʻmitasi

O. Parpiboyeva,

Statistika agentligi

B. Begalov,

manfaatdor vazirlik va idoralar

42.

Xotin-qizlarning tadbirkorlik faoliyatini qoʻllab-quvvatlash, ularning mahsulotlarini eksport qilish, faoliyatini kengaytirish uchun investorlarni jalb qilishga koʻmaklashish.

1. Tadbirkorlik faoliyati bilan shugʻullanuvchi ayol tadbirkorlar uchun maxsus axborot portalini ishlab chiqish va ishga tushirish.

2. Mahalliy va xorijiy davlatlarning ayol tadbirkorlari ishtirokida biznes forumlar tashkil etish.

3. Faol tadbirkor ayollarning xorijiy davlatlardagi tadbirkorlar bilan oʻzaro tajriba almashishini yoʻlga qoʻyish va biznes hamkorlarni topishga koʻmaklashish maqsadida tanishuv safarlarini va koʻrgazmalarda ishtirokini taʼminlash.

2023-2024-yillar

Hisob-kitoblarga asosan ijrochilar va homiylar mablagʻlari

Sado-sanoat palatasi

D. Vaxobov,

Oila va xotin-qizlar qoʻmitasi

O. Parpiboyeva,

Investitsiyalar, sanoat va savdo vazirligi

L. Qudratov,

Tashqi ishlar vazirligi

B. Saidov,

manfaatdor vazirlik va idoralar

43.

Xotin-qizlar va erkaklar uchun teng huquq hamda imkoniyatlarni yaratishga qaratilgan Xalqaro mehnat tashkiloti konvensiyalarining Oʻzbekiston Respublikasi milliy manfaatlariga mos keladigan maqbul normalarini milliy qonunchilikka implementatsiya qilish.

1. Xalqaro mehnat tashkilotining “Haq toʻlanadigan taʼtillar toʻgʻrisida”gi Konvensiyasini va xorijiy tajribani chuqur tahlil qilgan holda undagi xalqaro standartlar va normalarni milliy qonunchilikka implementatsiya qilish masalasini oʻrganish va Vazirlar Mahkamasiga takliflar kiritish.

2023-yil sentabr

-

Kambagʻallikni qisqartirish va bandlik vazirligi

B. Musayev,

Adliya vazirligi

A. Tashqulov,

Iqtisodiyot va moliya vazirligi

I. Norqulov,

Oila va xotin-qizlar qoʻmitasi

O. Parpiboyeva,

Kasaba uyushmalari federatsiyasi

K. Rafikov,

Ish beruvchilar konfederatsiyasi

I. Xaydarov

2. Xalqaro mehnat tashkilotining “Mehnat gigiyenasi, ishlab chiqarishda gigiyena xavfsizligi toʻgʻrisida”gi, “Ishlayotgan ayollar va erkaklar uchun teng munosabatlar va teng imkoniyatlar: oilaviy majburiyatga ega ishchilar toʻgʻrisida”gi, “Toʻliqsiz ish kuni toʻgʻrisida”gi, “Onalikni muhofaza qilish toʻgʻrisidagi konvensiyani qayta koʻrib chiqish haqida”gi, “Mehnat sohasida tazyiq va zoʻravonlikning oldini olish toʻgʻrisida”gi konvensiyalarini ratifikatsiya qilish masalasini oʻrganish va natijalari yuzasidan Vazirlar Mahkamasiga taklif kiritish.

2023-yil dekabr

26-maqsad: Nuroniylarni har tomonlama qoʻllab-quvvatlash

44.

Nuroniylar uchun respublika boʻylab sayohatlar tashkil etish, ularning mazmunli dam olishi uchun qoʻshimcha sharoitlar yaratish.

1. Respublikadagi diqqatga sazovor joylarning, xususan tarixiy shaharlar, qadimiy obidalar, ziyoratgohlar va yurtimizning soʻlim goʻshalarining roʻyxatini shakllantirish hamda ularga faol nuroniylarni va yolgʻiz keksalar sayohatini tashkil etish.

2023-yil noyabr

Hisob-kitoblarga asosan “Nuroniy” jamgʻarmasi mablagʻlari

“Nuroniy” jamgʻarmasi

S. Turdiyev,

Ekologiya, atrof-muhitni muhofaza qilish va iqlim oʻzgarishi vazirligi

A. Abduxakimov

2. Nuroniylar uchun “Turizm oyligi” tadbirini tashkil etish va sayohatlarni uyushtirish.

Har yili noyabr oyida

45.

Nuroniylarga tizimli ravishda jismoniy tarbiya va sport bilan shugʻullanishlari uchun zarur sharoitlarni yaratib borish, “Nuroniylar maskani” majmualarida va mahallalarda turli madaniy-maʼrifiy va sport tadbirlari oʻtkazish.

Tuman (shahar)lardagi “Nuroniylar maskani” majmualari va mahallalarga taʼlim va madaniyat muassasalarini biriktirish hamda ularda madaniy-maʼrifiy va sport tadbirlarini oʻtkazish. Tadbirlarga nuroniylar va yoshlarni jalb etish.

2023-yil sentabr

Hisob-kitoblarga asosan mahalliy budjet mablagʻlari

“Nuroniy” jamgʻarmasi

S. Turdiyev,

Yoshlar siyosati va sport vazirligi

A. Ikramov,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

46.

Yoshlar tarbiyasida nuroniylarning oʻrnini yanada oshirish maqsadida “Uch avlod uchrashuvlari”, “Otalar jasorati — ibrat namunasi”, “Oʻnta yoshga — bir nuroniy” harakati kabi maʼnaviy-tarbiyaviy ishlarni yanada kengaytirish va manzilli tashkil etish.

1. El-yurt hurmatiga sazovor boʻlgan, mamlakat taraqqiyotiga hissa qoʻshgan taniqli keksa avlod, oʻrta avlod vakillari hamda yoshlar bilan “Uch avlod uchrashuvi”, “Otalar jasorati — ibrat namunasi” tadbirlarini oʻtkazish.

Oʻzbekiston Qahramonlari, “El-yurt hurmati” ordeni va boshqa davlat mukofotlari sohiblari, atoqli yozuvchilar, shoirlar, taniqli sanʼatkor, olim va ziyolilar, hududdagi faollar, mashhur sportchilar, hunarmandlar, fermerlar, yirik korxonalar rahbarlarini jalb etish.

2. “Oʻnta yoshga — bir nuroniy” harakati doirasida har bir mahallada ishsiz, tarbiyasi ogʻir, muammoli yoshlardan oʻn nafarini bir faol nuroniyga biriktirish.

2023-yil sentabr — dekabr

Hisob-kitoblarga asosan mahalliy budjet mablagʻlari

“Nuroniy” jamgʻarmasi

S. Turdiyev,

Kambagʻallikni qisqartirish va bandlik vazirligi

B. Musayev,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

47.

“Nuroniylar oʻgiti — tarbiya ustuni” tamoyili asosida oila institutini mustahkamlash, yosh oilalarni qoʻllab-quvvatlash, yoshlar oʻrtasida umuminsoniy va oilaviy qadriyatlarni targʻib etish.

Manfaatdor tashkilotlar bilan hamkorlikda oilalar va mahallalarda ijtimoiy-maʼnaviy muhitni yanada sogʻlomlashtirish maqsadida “Nuroniylar oʻgiti — tarbiya ustuni” tamoyili asosida mahallalarda aholi, shu jumladan yosh oilalar vakillari ishtirokida turli suhbat va uchrashuvlar tashkil etish.

2023-yil sentabr — dekabr

-

“Nuroniy” jamgʻarmasi

S. Turdiyev,

Kambagʻallikni qisqartirish va bandlik vazirligi

B. Musayev

27-maqsad: Mamlakatda kambagʻallik darajasini qisqartirish

48.

Har bir kambagʻal oila uchun ishlab chiqilgan individual dastur asosida kambagʻallikdan chiqarish tizimini joriy etish.

1. Kambagʻal oilalar roʻyxatini shakllantirish.

2. Kambagʻal oilalarga taqdim etiladigan koʻmaklar boʻyicha individual dastur ishlab chiqish.

2023-yil sentabr

Hisob-kitoblarga asosan

Kambagʻallikni qisqartirish va bandlik vazirligi

B. Musayev

3. Individual dastur asosida kambagʻal oilalarni qoʻllab-quvvatlash.

2023-yil oktabr

28-maqsad: Aholini daromadli mehnat bilan band qilish, ijtimoiy sugʻurta tizimini takomillashtirish

49.

Aholining ishchanlik faolligini va tadbirkorlik tashabbuslarini ragʻbatlantirishga, aholi bandligini oshirishga qaratilgan davlat xizmatlaridan foydalanish imkoniyatlarini kengaytirish va sifatini oshirish.

1. Bandlik organlarida koʻrsatilayotgan bandlik sohasidagi xizmatlar sifatini va natijadorligini oshirish choralarini koʻrish.

2. Bandlik organi xodimlarining lavozim yoʻriqnomalari va vazifalarini qayta koʻrib chiqish. Ularning ish samaradorligini oshirish choralarini koʻrish.

3. Bandlik organi va hokim yordamchilari faoliyatini muvofiqlashtirish, bunda, koʻrsatilayotgan xizmatlarni mahalla darajasiga tushirish boʻyicha amaliy choralar koʻrish.

2023-yil dekabr

-

Kambagʻallikni qisqartirish va bandlik vazirligi

B. Musayev

29-maqsad: Fuqarolarni davlat hisobidan kasb-hunarga oʻqitish, ularning zamonaviy texnika va texnologiyalardan foydalanish boʻyicha kasbiy koʻnikma va malakalarini rivojlantirish

50.

Band boʻlmagan shaxslar, kambagʻal oilalarning ishsiz aʼzolari va yoshlarni davlat hisobidan amaliy monomarkaz, davlat va nodavlat taʼlim muassasalarida kasb-hunar, xorijiy tillar va tadbirkorlik koʻnikmalariga tayyorlash, qayta tayyorlash va malakasini oshirish orqali ularning bandligiga koʻmaklashish koʻlamini ikki barobar oshirish.

1. Korxona va tashkilotlar buyurtmalari, shuningdek, mehnat bozori holatidan kelib chiqib kasb-hunar, xorijiy tillar va tadbirkorlik koʻnikmalariga oʻqitishni tashkil etish.

2. Joriy yil ikkinchi yarim yilligida 80 ming nafar ishsizlarni oʻqishga jalb etish.

2023-yil dekabr

Hisob-kitoblarga asosan

Kambagʻallikni qisqartirish va bandlik vazirligi

B. Musayev,

Oliy taʼlim, fan va innovatsiyalar vazirligi

I. Abduraxmonov,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

1.4. Yoshlarga oid davlat siyosati va sport yoʻnalishlaridagi islohotlar

(Masʼul — A. Aripov)

30-maqsad: Yoshlarni zamonaviy kasblar va chet tillariga oʻqitish tizimini yaratish

51.

Yoshlarni chet tillariga oʻqitish tizimini yanada kengaytirish.

1. Chet tillarini ommalashtirishga koʻmaklashuvchi “Ibrat” loyihalarini rivojlantirish, xalqaro imtihon tizimlarida chet tillari va boshqa yoʻnalishlar boʻyicha yuqori ball olgan yoshlarning imtihon xarajatlarini qoplab berish amaliyotini kengaytirish.

2. Chet tillarini oʻqitishga ixtisoslashgan nodavlat taʼlim muassasalarini tashkil etishni qoʻllab-quvvatlash, mavjud nodavlat taʼlim muassasalari bilan hamkorlikni rivojlantirish.

2023-yil noyabr

-

Yoshlar ishlari agentligi

A. Saʼdullayev

31-maqsad: Yoshlarning intellektual salohiyatini oshirish, ularning ilmiy faoliyatini ragʻbatlantirish

52.

Yoshlarning intellektual salohiyatini oshirish.

1. “Zakovat”, “Shaxmat”, “Munozara” kabi intellektual oʻyinlarga yoshlarni koʻproq jalb etish, xalqaro va respublika fan olimpiadalari (tanlovlar, turnirlar, boshqalar)ga yoshlarning ishtirok etishiga koʻmaklashish.

2023-yil dekabr

-

Yoshlar ishlari agentligi

A. Saʼdullayev

2. Yuqori sinf oʻquvchilarining oʻz hududidagi taniqli tadbirkorlar, sportchilar va boshqa sohalarda yuqori natijalarga erishgan shaxslar bilan uchrashuvlarini muntazam ravishda tashkil etish.

2023-yil oktabr oyidan boshlab doimiy

32-maqsad: Yoshlarning ijtimoiy himoyasini kuchaytirish va ishsizlik darajasini kamaytirish

53.

Yoshlarning ijtimoiy himoyasini kuchaytirish va ishsizlik darajasini kamaytirish.

1. “Yoshlar balansi”ni takomillashtirish orqali ijtimoiy himoyaga muhtoj, hayotda oʻz oʻrnini topishga qiynalayotgan yoshlarni muntazam ravishda aniqlab borish, ularning kasbiy koʻnikmalari va qiziqishlari boʻyicha maʼlumotlarni shakllantirish.

2. “Yoshlar daftari” jamgʻarmalari mablagʻining kamida 40 foizini yoshlarni kasb-hunarga oʻqitishga yoʻnaltirish, “Yoshlar daftari” tizimi orqali yoshlarga koʻrsatiladigan ijtimoiy-iqtisodiy xizmat turlarini kengaytirish.

3. “Yoshlar daftari” orqali koʻrsatiladigan ijtimoiy-iqtisodiy xizmatlar, jumladan yoshlarga subsidiya, kompensatsiya va moddiy yordam berish tartibini takomillashtirish boʻyicha chora-tadbirlarni amalga oshirish.

2023-yil dekabr

-

Yoshlar ishlari agentligi

A. Saʼdullayev,

Oliy taʼlim, fan va innovatsiyalar vazirligi

I. Abduraxmanov,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

33-maqsad: Yoshlar oʻrtasida IT sohasini yanada ommalashtirish hamda sohada xizmatlar eksportini oshirish

54.

Yoshlarga zamonaviy bilim va koʻnikmalarni oʻrgatish, ularning yuqori daromadli sohalarda bemalol ishlay olishlari uchun sharoit yaratish.

“Bir million dasturchi” loyihasini kengaytirish orqali eng iqtidorli yoshlarni tanlab olib, xalqaro nufuzli kompaniyalar talablariga mos dasturlar asosida xalqaro IT bozoriga tayyorlash.

2023-yil dekabr

Ushbu dasturlar uchun Davlat budjetidan ajratilgan mablagʻlar doirasida

Raqamli texnologiyalar vazirligi

Sh. Shermatov,

Maktabgacha va maktab taʼlimi vazirligi

X. Umarova,

Yoshlar ishlari agentligi

A. Saʼdullayev,

Oliy taʼlim, fan va innovatsiyalar vazirligi

I. Abduraxmanov,

Qoraqalpogʻiston Respublikasi Vazirlar Kengashi, viloyatlar

va Toshkent shahar hokimliklari

34-maqsad: Jismoniy tarbiya va sport bilan shugʻullanadigan yoshlar qamrovini kengaytirish

55.

Sport bilan shugʻullanadigan yoshlar qamrovini kengaytirish.

1. “Besh tashabbus olimpiadasi” doirasida mahallalarda istiqomat qiluvchi yoshlar oʻrtasida oʻtkaziladigan ommaviy sport musobaqalaridagi sport turlari geografiyasini kengaytirish va tanlovlar sifatini oshirish.

2. Maktabgacha, umumiy oʻrta va oʻrta maxsus taʼlim muassasalari tarbiyalanuvchi va oʻquvchilari, professional taʼlim va oliy taʼlim muassasalari talabalarini ommaviy sport turlariga bosqichma-bosqich keng jalb qilish maqsadida targʻibot-tashviqot ishlarini kuchaytirish.

3. Aholining keng qatlamalari, jumladan uyushmagan yoshlarni sportga qiziqtirish hamda ularning jismoniy tayyorgarlik darajasini oshirish doirasida yurish va yugurish kabi musobaqalarni tashkil etib borish.

4. Aholi, ayniqsa, yoshlar oʻrtasida jismoniy tarbiya va sportni ommalashtirish orqali ularning jismoniy qobiliyatini oshirishga qaratilgan kompleks chora-tadbirlarni amalga oshirish.

5. Respublika hududlarida, ayniqsa, olis va chekka hududlardagi mahallalarda sport infratuzilmasini rivojlantirish, shu jumladan universal sport maydonchalarini bosqichma-bosqich barpo etish hamda bu orqali aholining sport bilan shugʻullanish imkoniyatlarini yanada kengaytirish.

6. Aholining yosh toifalari boʻyicha respublikaning barcha hududlarida har yili jismoniy tayyorgarlik sinovlarini oʻtkazish hamda mazkur tadbirlarga fuqarolarni jalb qilish.

7. Milliy qadriyatlarimizni tiklash, yosh avlodga yetkazish maqsadida har yili “Milliy sport turlari va xalq oʻyinlari”, “Uloq” va “Koʻpkari” kabi etnofestivallarni oʻtkazish orqali ushbu tadbirlarga yoshlarni jalb qilish.

8. Sport bilan shugʻullanadigan yoshlar qamrovini bogʻcha yoshidan boshlab kengaytirish choralarini koʻrish.

2023-yil dekabr

-

Yoshlar siyosati va sport vazirligi

A. Ikramov,

Oliy taʼlim, fan va innovatsiyalar vazirligi

I. Abduraxmanov,

Maktabgacha va maktab taʼlimi vazirligi

X. Umarova,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

35-maqsad: Respublikada sport bilan professional va doimiy shugʻullanuvchi yoshlar ulushini oshirish

56.

Sport-taʼlim muassasalarida shugʻullanuvchi yoshlar sonini oshirish.

1. Olimpiya va paralimpiya sport turlariga tayyorlash markazlarida rivojlantirilayotgan sport turlari boʻyicha milliy va hududiy terma jamoalarga nomzodlarni aniqlash, saralash (seleksiya) va tayyorlash tizimini yanada takomillashtirish.

2. Xalqaro sport tashkilotlari bilan hamkorlikni kuchaytirish orqali Olimpiya va paralimpiya sport turlariga tayyorlash markazlari hamda ixtisoslashtirilgan sport maktablari oʻrtasida oʻzaro tajriba almashish tizimini yaratish.

2023-yil dekabr

-

Yoshlar siyosati va sport vazirligi

A. Ikramov,

Maktabgacha va maktab taʼlimi vazirligi

X. Umarova

57.

Mamlakatimizda xalqaro darajada sport musobaqalarini oʻtkazish boʻyicha aniq choralarni belgilash.

1. Kelgusi yillarda respublikada sport turlari boʻyicha xalqaro darajadagi yirik musobaqa, bellashuv va boshqa tadbirlarni tashkil etish yuzasidan rejalarni belgilash.

2. Futbol boʻyicha kattalar oʻrtasida Osiyo kubogini 2031-yilda Oʻzbekistonda oʻtkazish yuzasidan Osiyo futbol konfederatsiyasiga takliflar kiritish choralarini koʻrish.

2023-yil noyabr

-

Yoshlar siyosati va sport vazirligi

A. Ikramov,

Oʻzbekiston futbol assotsiatsiyasi

O. Axmedov

36-maqsad: Milliy terma jamoalarga yuqori malakali va natijador sportchilarni tayyorlash tizimini takomillashtirish

58.

Milliy terma jamoalarga yuqori malakali va natijador sportchilarni tayyorlash tizimini yanada takomillashtirish.

1. Sportchilarga sport unvonlari va sport razryadlari berish tizimini takomillashtirish.

2. 2023-yilda Xanchjou (Xitoy) shahrida boʻlib oʻtadigan Osiyo oʻyinlarida Oʻzbekiston sportchilarining muvaffaqiyatli ishtirokini taʼminlash.

3. 2025-yil Toshkent shahrida boʻylab oʻtadigan IV yoshlar Osiyo oʻyinlarida Oʻzbekiston delegatsiyasi ishtirok etadigan sport turlari geografiyasini belgilash hamda yuqori natijadorlikka erish boʻyicha chora-tadbirlarni qabul qilish.

4. Nufuzli xalqaro sport tadbirlarini Oʻzbekistonda oʻtkazish boʻyicha chora-tadbirlarni amalga oshirish hamda sohada faoliyat olib borayotgan mutaxassislarning xalqaro va Osiyo sport tashkilotlarining rahbariyati va aʼzolari qatoriga kiritilishini taʼminlash.

2023-yil noyabr

-

Yoshlar siyosati va sport vazirligi

A. Ikramov, Oʻzbekiston Milliy olimpiya qoʻmitasi

O. Kasimov, Oʻzbekiston Milliy paralimpiya qoʻmitasi

M. Tashxodjayev

37-maqsad: Olimpiya va paralimpiya harakatini rivojlantirish

59.

Olimpiya va Paralimpiya harakatini rivojlantirish.

1. Olimpiya oʻyinlariga kiritilgan jamoaviy (futbol, gandbol, basketbol, voleybol, regbi, chim ustida xokkey, suv sporti turlari) va boshqa sport turlarini rivojlantirish.

2. Jamoaviy va boshqa sport turlari boʻyicha Oʻzbekiston milliy terma jamoasining nufuzli xalqaro musobaqalarda ishtirok etishini taʼminlash.

3. Yozgi paralimpiya sport turlarini rivojlantirish, shu jumladan:

paralimpiya sportchilari orasida sogʻlom turmush tarzini yanada rivojlantirishga alohida eʼtibor qaratish. Xususan, mazkur tashabbusni aholining imkoniyati cheklangan qatlami oʻrtasida targʻib qilish;

paralimpiya sport turlari roʻyxatiga kiritilgan sport turlarini sport taʼlim muassasalarida yanada kengaytirish hamda paralimpiya oʻyinlariga litsenziyalarni qoʻlga kiritish.

2023-yil dekabr

-

Yoshlar siyosati va sport vazirligi

A. Ikramov,

Oʻzbekiston Milliy olimpiya qoʻmitasi

O. Kasimov, Oʻzbekiston Milliy paralimpiya qoʻmitasi

M. Tashxodjayev

1.5. Maʼnaviy taraqqiyotni taʼminlash va madaniyat sohasini yangi bosqichga olib chiqish boʻyicha islohotlar

(Masʼul — A. Aripov)

38-maqsad: Jamiyatda ijtimoiy-maʼnaviy muhit barqarorligini taʼminlash

60.

Jamiyatda ijtimoiy-maʼnaviy muhit barqarorligini taʼminlashga qaratilgan ilmiy asoslangan monitoring hamda sotsiologik tadqiqotlarni tizimli tashkil qilish.

1. Jamiyatda ijtimoiy-maʼnaviy muhit barqarorligini taʼminlashga qaratilgan ilmiy ishlar tanlovini oʻtkazish.

2. Jamiyatda ijtimoiy-maʼnaviy muhit barqarorligini taʼminlashga qaratilgan sotsiologik tadqiqotlarni amalga oshirish.

3. Sotsiologik tadqiqotlar natijalarini monitoring qilish.

2023-yil dekabr

-

Respublika Maʼnaviyat va maʼrifat markazi

M. Xodjimatov,

Madaniyat vazirligi

O. Nazarbekov,

“Ijtimoiy fikr” markazi

N. Raximova

39-maqsad: Oʻzbek va jahon adabiyoti durdonalarini keng ommalashtirish, jamiyatda kitobxonlikni hamda aholiga axborot-kutubxona xizmatini koʻrsatishni rivojlantirish

61.

Mamlakatimizda kitobxonlikni targʻib qilishning taʼsirchan va samarali usullarini joriy qilish.

Kitobxonlik tadbirlarini oʻtkazish boʻyicha chora-tadbirlarni amalga oshirish. Bunda:

ushbu yoʻnalishda qulay shart-sharoitlar yaratish;

kitobxonlik tadbirlarini taniqli ijodkorlar, ziyolilar ishtirokida adabiyot va kitobxonlik bayrami sifatida yuqori saviyada tashkil qilish;

“Kitobsevar millat” oyliklari doirasida maʼrifiy tadbirlar, kitob savdo-yarmarkalari, kitob festivallarini uyushtirish nazarda tutiladi.

2023-yil dekabr

Oʻzbekiston Respublikasining axborot sohasi va ommaviy kommunikatsiyalarni rivojlantirishni qoʻllab-quvvatlash jamgʻarmasi mablagʻlari va qonunchilik hujjatlarida taqiqlanmagan boshqa manbalar

Axborot va ommaviy kommunikatsiyalar agentligi

A. Xodjayev,

Maktabgacha va maktab taʼlimi vazirligi

X. Umarova,

Yozuvchilar uyushmasi

S. Saidov

40-maqsad: Zamonaviy teatr va sirk sanʼatini har tomonlama rivojlantirish, yuksak badiiy-gʻoyaviy saviyaga ega sahna asarlarini yaratish

62.

Ilgʻor xorijiy davlatlar tajribalarini oʻrganish orqali teatrlar faoliyatiga zamonaviy texnologiyalarni joriy etish.

1. Davlat teatrlarida faoliyat yuritayotgan ijodiy va yordamchi xodimlarning xorijiy davlatlarning nufuzli teatrlarida mahoratini oshirishni tashkil etish maqsadida hamkorlik yoʻlga qoʻyiladigan xorijiy teatrlar roʻyxatini shakllantirish hamda kelishuv va memorandumlarni imzolash.

2. Xorijiy davlatlarning nufuzli teatrlarida mahoratini oshiradigan teatrlarda faoliyat yuritayotgan ijodiy va yordamchi xodimlar roʻyxatini shakllantirish.

3. Ijodiy va yordamchi xodimlarning xorijiy davlatlarning nufuzli teatrlarida mahoratini oshirishini taʼminlash.

2023-yildan boshlab,

reja asosida muntazam

Hisob-kitoblarga asosan homiylik xayriyalari va qonunchilik hujjatlarida taqiqlanmagan boshqa manbalar

Madaniyat vazirligi

O. Nazarbekov,

Tashqi ishlar vazirligi

B. Saidov

41-maqsad: Oʻzbek milliy sanʼatini targʻib qilish orqali mamlakatimizning turistik salohiyatini oshirish

63.

Oʻzbek milliy musiqa sanʼatini dunyo boʻylab ommalashtirish.

1. Oʻzbek milliy musiqa sanʼatini dunyo boʻylab eksport qilish.

2. Nufuzli promouter va prodyuserlarning yurtimizda oʻtkaziladigan xalqaro festivallarda ishtirok etishini tashkil etish.

2023-yil dekabr

Hisob-kitoblarga asosan homiylik xayriyalari va qonunchilik hujjatlarida taqiqlanmagan boshqa manbalar

Madaniyat vazirligi

O. Nazarbekov,

Tashqi ishlar vazirligi

B. Saidov

64.

Xoreografiya akademiyasi faoliyatini yanada takomillashtirish va ilmiy tadqiqotlar uchun maqsadli grantlar joriy qilish.

1. Oʻzbek va jahon xalqlari raqs sanʼatiga oid fundamental tadqiqotlarni olib boruvchi ilmiy tadqiqot ishchi guruhini shakllantirish.

2. Ilmiy tadqiqotlar uchun maqsadli grant loyihalari yuzasidan takliflar ishlab chiqish.

3. Milliy raqs sohasida ilmiy-tadqiqot loyihalari uchun har yili maqsadli grantlar tanlovini eʼlon qilish.

2023-yil oktabr oyidan boshlab har yili

Hisob-kitoblarga asosan Respublika budjetidan ajratilgan mablagʻlar doirasida, homiylik xayriyalari

Oliy taʼlim, fan va innovatsiyalar vazirligi

I. Abdurahmonov,

Madaniyat vazirligi

O. Nazarbekov

42-maqsad: Madaniy merosni muhofaza qilish, ilmiy oʻrganish va ommalashtirish bilan bogʻliq faoliyatni yanada takomillashtirish

65.

Buxoro shahrida Jadidlar muzeyini tashkil qilish boʻyicha takliflar ishlab chiqish.

1. Muzey konsepsiyasi yuzasidan ilmiy muhokamalar oʻtkazish.

2. Muzeyni tashkil qilish uchun tegishli binoni Madaniyat va sanʼatni rivojlantirish jamgʻarmasiga oʻtkazish.

3. Muzey faoliyatini ilgʻor tajribalar asosida yoʻlga qoʻyish yuzasidan oʻrganishlar oʻtkazish.

2024-yil mart

Hisob-kitoblarga asosan

Davlat budjeti va homiylar mablagʻlari

Madaniyat va sanʼatni rivojlantirish jamgʻarmasi

G. Umerova,

Buxoro viloyati hokimligi

B. Zaripov

66.

Madaniy meros obyektlari va davlat muzeylarida restavratsiya va taʼmirlash-tiklash ishlarini amalga oshirish.

1. Respublikadagi 60 ta madaniy meros obyektlari va 7 ta muzeylar loyiha-smeta hujjatlarini ishlab chiqish.

2. Loyiha-smeta hujjatlarini davlat ekspertizasidan oʻtkazish.

3. Restavratsiya va taʼmirlash-tiklash ishlarini moliyalashtirish.

4. Madaniy meros obyektlari va davlat muzeylarida taʼmirlash-tiklash ishlarini amalga oshirish.

5. Muzeylarda faoliyat yuritayotgan ishchi xodimlarning ijtimoiy himoyasini kuchaytirish.

2023-yil sentabr — dekabr

Respublika budjetidan ajratilgan mablagʻlar doirasida, qonunchilik hujjatlarida taqiqlanmagan boshqa manbalar

Madaniy meros agentligi

B. Abdikarimov

67.

Arxeologiya yodgorliklarida ilmiy-tadqiqot ishlarini olib borish va muzeylashtirish.

1. Arxeologiya yodgorliklarida ilmiy-tadqiqot ishlarini olib borish uchun ruxsatnoma rasmiylashtirish.

2. Ilmiy-tadqiqot ishlarini olib borish.

3. Arxeologiya yodgorliklarini muzeylashtirish choralarini koʻrish.

2023-yil sentabr — dekabr

Respublika budjetidan ajratilgan mablagʻlar doirasida, qonunchilik hujjatlarida taqiqlanmagan boshqa manbalar

Madaniy meros agentligi

B. Abdikarimov

43-maqsad: Madaniyat tashkilotlari faoliyatini rivojlantirish, ularning moddiy-texnika bazasini yaxshilash va soha xodimlarini qoʻllab-quvvatlash, tasviriy va amaliy sanʼat yoʻnalishlarini rivojlantirish.

68.

Madaniyat va sanʼat muassasalari hamda taʼlim tashkilotlarini milliy musiqa cholgʻulari bilan taʼminlash orqali professional va havaskorlik sanʼati faoliyatini yangi bosqichga olib chiqish.

1. 10 mingdan ziyod umumtaʼlim maktablari, 324 ta bolalar musiqa va sanʼat maktabi hamda 826 ta madaniyat markazlarining milliy musiqa cholgʻulariga boʻlgan ehtiyojini oʻrganish va roʻyxatni shakllantirish.

2. Shakllantirilgan roʻyxat asosida bosqichma-bosqich milliy musiqa cholgʻularini xarid qilish va ularni umumtaʼlim maktablari, bolalar musiqa va sanʼat maktablari va madaniyat markazlariga yetkazish.

2023-yil oktabr oyidan boshlab

Maktabgacha va maktab taʼlimi vazirligi va Madaniyat vazirligiga ajratilgan respublika budjeti mablagʻlari

Madaniyat vazirligi

O. Nazarbekov,

Maktabgacha va maktab taʼlimi vazirligi

X. Umarova

69.

Oʻzbek xalqining milliy qadriyatlari va maʼnaviy merosini asrab-avaylash, keng ommalashtirish, ilmiy-tadqiqot ishlari koʻlamini kengaytirish hamda rivojlantirishni davlat tomonidan qoʻllab-quvvatlash.

1. Xalq ogʻzaki ijodi durdonalari boʻlgan dostonlarni targʻib etib kelayotgan baxshilar ijodini qoʻllab-quvvatlashga doir chora-tadbirlar rejasini ishlab chiqish va tasdiqlash.