O‘zbekiston Respublikasi Prezidentining “Shaxsiy yordamchi va dehqon xo‘jaliklarini davlat yo‘li bilan qo‘llab-quvvatlash hamda mamlakatni oziq-ovqat bilan ta’minlashda ularning rolini kuchaytirish borasidagi chora-tadbirlar to‘g‘risida” 1997-yil 18-martdagi PF-1737-son Farmoniga muvofiq Vazirlar Mahkamasi qaror qiladi:

1. O‘zbekiston Respublikasi Moliya vazirligi Dehqon va fermer xo‘jaliklari uyushmasini Uyushmaning asoslangan hisob-kitoblari bo‘yicha 175 mln. so‘m miqdorida o‘z aylanma mablag‘lari bilan ta’minlasin.

3. “O‘zqishloqxo‘jalikta’minottuzatish” davlat-kooperativ qo‘mitasi:

mexanizatsiyalashtirilgan ishlar va boshqa xizmatlar shaxsiy yordamchi va dehqon xo‘jaliklarining buyurtmanomalari va shartnomalar bo‘yicha mashina-traktor parklarining kuchi bilan o‘z vaqtida bajarilishini ta’minlasin;

shaxsiy yordamchi va dehqon xo‘jaliklariga sotish uchun traktorlar va qishloq xo‘jaligi mashinalari, birinchi navbatda kichik texnika, shuningdek, ehtiyot qismlar va tuzatish materiallari yetkazib berilishini tashkil etsin;

O‘zbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qo‘mitasi hamda Dehqon va fermer xo‘jaliklari uyushmasi bilan birgalikda bajariladigan ishlar va ko‘rsatiladigan xizmatlarga tariflarni, shuningdek, yetkazib beriladigan qishloq xo‘jaligi texnikasi narxlarini ko‘rib chiqsin.

O‘zbekiston Respublikasi Moliya vazirligi shaxsiy yordamchi va dehqon xo‘jaliklariga texnika va servis xizmati ko‘rsatishni tashkil etish uchun “O‘zqishloqxo‘jalikta’minottuzatish” davlat-kooperativ qo‘mitasiga 130 mln. so‘m miqdorida aylanma mablag‘lar ajratsin.

4. Chorvachilikning sifatli omixta yemga bo‘lgan ehtiyojlarini qondirish uchun “O‘zdonmahsulot” davlat-aksiyadorlik korporatsiyasi:

1997-yilda 1-ilovaga muvofiq don mahsulotlari kombinatlarini omixta yem ishlab chiqarishga ixtisoslashtirsin;

omixta yem sanoatining ixtisoslashtirilgan korxonalari uchun zarur xomashyo, shuningdek, 3 ming tonna duragay makkajo‘xori urug‘i keltirilishini 2-ilovaga muvofiq ta’minlasin.

“O‘zdonmahsulot” davlat-aksiyadorlik korporatsiyasi O‘zbekiston Respublikasi Tashqi iqtisodiy faoliyat milliy banki, “Fallabank” va Moliya vazirligi bilan birgalikda omixta yem sanoati uchun komponentlar va duragay makkajo‘xori urug‘i keltirilishini mablag‘ bilan ta’minlash manbalari yuzasidan o‘n kun muddatda Vazirlar Mahkamasiga taklif kiritsin.

Qishloq va suv xo‘jaligi vazirligi tasdiqlangan limitlardan dehqon xo‘jaliklari ehtiyojlari uchun 1997-yilda 3-ilovaga muvofiq miqdorda paxta shroti ajratsin.

Dehqon va fermer xo‘jaliklari uyushmasi Qishloq va suv xo‘jaligi vazirligi hamda “O‘zdonmahsulot” korporatsiyasi bilan birgalikda shaxsiy yordamchi va dehqon xo‘jaliklariga ularning buyurtmanomalari bo‘yicha omixta yem va paxta shroti sotilishini ta’minlasin.

5. 1997-yilgi respublika budjetida qishloq va suv xo‘jaligi vazirligiga respublika tashqarisidan 4-ilovaga muvofiq veterinariya preparatlari sotib olish uchun 365 mln. so‘m mablag‘ nazarda tutilganligi, ularning asosiy qismi aholiga qarashli bo‘lgan chorva mollarini emlash uchun foydalanilishi ma’lumot uchun qabul qilinsin. Belgilab qo‘yilsinki, respublikaga keltirilayotgan ko‘rsatib o‘tilgan veterinariya preparatlari boj poshlinalaridan ozod qilinadi.

Dehqon va fermer xo‘jaliklari uyushmasi shaxsiy yordamchi va dehqon xo‘jaliklari ehtiyojlari uchun veterinariya preparatlari joylarga yetib borishi ustidan nazoratni ta’minlasin.

“O‘zistiqbolstat” davlat qo‘mitasi, O‘zbekiston Respublikasi qishloq va suv xo‘jaligi vazirligi, Moliya vazirligi, Markaziy banki, O‘zbekiston Qishloq xo‘jaligi ilmiy-ishlab chiqarish markazi bilan birgalikda O‘zbekiston biokombinatini rekonstruksiya qilish va respublika chorvachiligi ehtiyojlari uchun veterinariya preparatlari ishlab chiqarishni tashkil etish yuzasidan bir oy muddatda Vazirlar Mahkamasiga taklif kiritsinlar.

7. O‘zbekiston Respublikasi Qishloq va suv xo‘jaligi vazirligi (Davkimyokomissiya) Sog‘liqni saqlash vazirligi bilan birgalikda o‘simliklarni kasalliklar va zararkunandalardan himoya qilish maqsadida dehqon va shaxsiy yordamchi xo‘jaliklarga sotishga ruxsat etilgan kimyoviy preparatlar ro‘yxatini bir oy muddatda belgilasin.

“O‘zkimyosanoat” uyushmasi ikki oy muddatda o‘simliklarni himoya qilishning ushbu vositalarini kichik hajmda qadoqlab ishlab chiqarish dasturini ishlab chiqsin.

8. “O‘zdavneftmahsulot” birlashmasi fermer xo‘jaliklari ehtiyojlari uchun 1997-yilda 5-ilovaga muvofiq yonilg‘i-moylash materiallari ajratsin.

10. “O‘zagrotrans” kompaniyasi, “O‘zmevasabzavotuzumsanoat” uyushmasi tuman uyushmalari bilan birgalikda tegishli shartnomalar tuzgan holda shaxsiy yordamchi va dehqon xo‘jaliklariga transport xizmati ko‘rsatish, yetishtirilgan mahsulotni sotish joylariga yetkazib berish masalalarini ishlab chiqsinlar.

11. O‘zbekiston Respublikasi Mehnat vazirligi, Moliya vazirligi,. Ijtimoiy ta’minot vazirligi va Adliya vazirligi bir oy muddatda:

shaxsiy yordamchi xo‘jaliklarda ishlovchilarga mehnat daftarchalari berish, mehnat faoliyati stajini belgilash va ularni ijtimoiy himoya qilish tartibini;

shaxsiy yordamchi xo‘jalikda ishlayotgan shaxslar pensiya jamg‘armasiga to‘laydigan badallarning tabaqalashtirilgan shkalasini ishlab chiqsinlar.

12. “O‘zistiqbolstat” davlat qo‘mitasi, Moliya vazirligi, Qishloq va suv xo‘jaligi vazirligi, “O‘zmevasabzavotuzumsanoat” uyushmasi, O‘zbekiston Qishloq xo‘jaligi ilmiy-ishlab chiqarish markazi, Dehqon va fermer xo‘jaliklari uyushmasi bilan birgalikda erning sifat parametrlaridan kelib chiqib, xo‘jaliklar balansida bo‘lgan ijtimoiy-madaniy-maishiy obyektlar, yo‘llar, sug‘orish va kollektor-drenaj tarmoqlaridan, elektr uzatish liniyalaridan foydalanish va ularni qurish uchun dehqon xo‘jaliklari tomonidan mablag‘ ajratish normalari to‘g‘risidagi takliflarni ikki oy muddatda ishlab chiqsinlar va Vazirlar Mahkamasiga kiritsinlar.

13. O‘zbekiston fermer, dehqon xo‘jaliklari va tomorqa yer egalari kengashi O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligi va oziq-ovqat ta’minoti ilmiy-ishlab chiqarish markazi, Qishloq xo‘jaligi vazirligi, Adliya vazirligi, Moliya vazirligi, tijorat banklari bilan birgalikda dehqon xo‘jaliklari rahbarlari bozor iqtisodiyoti prinsiplariga, qishloq xo‘jaligi ishlab chiqarishini mustaqil yuritishning huquqiy normalari va usullariga o‘qitishni tashkil etsin.

14. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari Q. G‘. Obidov va O‘zbekiston Respublikasi Bosh vazirining o‘rinbosari M. 3. Usmonov zimmasiga yuklansin.

“Jizzax un zavodi” jamoa korxonasi

“Kattaqo‘rg‘on don mahsulotlari” aksiyadorlik jamiyati

“Chimboy don mahsulotlari” aksiyadorlik jamiyati

Fuzor “Don — xalq rizqi” aksiyadorlik jamiyati

“Farg‘ona don mahsulotlari” aksiyadorlik uyushmasining bosh korxonasi