Oʻzbekiston Respublikasi “Yer qaʼri toʻgʻrisida”gi Qonuni va Oʻzbekiston Respublikasi Prezidentining “Mamlakat iqtisodiyotining tarmoqlarini talab yuqori boʻlgan mahsulot va xomashyo turlari bilan barqaror taʼminlash chora-tadbirlari toʻgʻrisida” 2018-yil 17-yanvardagi PQ-3479-sonli qaroriga muvofiq:

1. Maʼlumot uchun qabul qilinsinki, Oʻzbekiston Respublikasi Prezidentining “Mamlakat iqtisodiyotining tarmoqlarini talab yuqori boʻlgan mahsulot va xomashyo turlari bilan barqaror taʼminlash chora-tadbirlari toʻgʻrisida” 2018-yil 17-yanvardagi PQ-3479-sonli qaroriga muvofiq:

noruda qazilmalarni oʻz ichiga olgan yer qaʼri uchastkalaridan foydalanish huquqi uchun litsenziya berish vakolati Oʻzbekiston Respublikasi Davlat geologiya va mineral resurslar qoʻmitasiga oʻtkazildi;

noruda qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish boʻyicha Oʻzbekiston Respublikasi Vazirlar Mahkamasining komissiyasi tugatildi.

2. Oʻzbekiston Respublikasi Prezidentining ayrim hujjatlari ilovaga muvofiq oʻz kuchini yoʻqotgan deb hisoblansin.

3. Oʻzbekiston Respublikasi Vazirlar Mahkamasi bir hafta muddatda noruda qazilmalarni oʻz ichiga olgan yer qaʼri uchastkalaridan foydalanish huquqini olish uchun qulay sharoitlar yaratishni nazarda tutuvchi Noruda qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi yangilangan Nizomni tasdiqlasin, unda quyidagilar nazarda tutilsin:

kelishuv tartibini tubdan soddalashtirish va litsenziyalar berish muddatlarini qisqartirish;

noruda qazilmalarni oʻz ichiga olgan yer qaʼri uchastkalaridan foydalanish huquqini taqdim etuvchi mexanizmning shaffofligini taʼminlash.

4. Oʻzbekiston Respublikasi Davlat geologiya va mineral resurslar qoʻmitasi, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi, “Sanoatgeokontexnazorat” davlat inspeksiyasi hamda boshqa manfaatdor vazirlik va idoralar bir oy muddatda ilgari qabul qilingan normativ-huquqiy hujjatlarini ushbu Farmonga muvofiqlashtirsin.

5. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultonov va Oʻzbekiston Respublikasi Davlat geologiya va mineral resurslar qoʻmitasi raisi B.F. Islomov zimmasiga yuklansin.

1. Oʻzbekiston Respublikasi Prezidentining 2016-yil 13-dekabrdagi “Oʻzbekiston Respublikasi Prezidentining ayrim hujjatlariga oʻzgartishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-4866-sonli Farmoni ilovasining 2-bandi.

2. Oʻzbekiston Respublikasi Prezidentining 2011-yil 2-maydagi “Noruda qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi Nizomni tasdiqlash haqida”gi PQ-1524-sonli qarori.

3. Oʻzbekiston Respublikasi Prezidentining 2012-yil 7-noyabrdagi “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi PQ-1850-sonli qarori ilovasining 2-bandi.

4. Oʻzbekiston Respublikasi Prezidentining 2014-yil 17-iyuldagi “Oʻzbekiston Respublikasi Prezidentining ayrim qarorlariga oʻzgartish va qoʻshimchalar kiritish toʻgʻrisida” PQ-2213-sonli qarori ilovasining 4-bandi.

5. Oʻzbekiston Respublikasi Prezidentining 2014-yil 26-dekabrdagi “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi PQ-2280-sonli qarori ilovasining 3-bandi.

6. Oʻzbekiston Respublikasi Prezidentining 2016-yil 9-noyabrdagi “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi (“Oʻzbekiston Respublikasining ayrim hujjatlariga oʻzgartish va qoʻshimchalar kiritish toʻgʻrisida” 2016-yil 25-apreldagi OʻRQ-405-sonli Oʻzbekiston Respublikasi Qonunining 6-moddasi) PQ-2655-sonli qarori ilovasining 2-bandi.

7. Oʻzbekiston Respublikasi Prezidentining 2017-yil 24-maydagi “Noruda qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berish tartibini takomillashtirish toʻgʻrisidagi”gi PQ-3002-sonli qarori.

8. Oʻzbekiston Respublikasi Prezidentining 2018-yil 8-fevraldagi “Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida”gi PQ-3515-sonli qarori ilovasining 1-bandi (Oʻzbekiston Respublikasi Prezidentining “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida” 2017-yil 25-sentabrdagi PQ-3286-sonli qarori).