T/r

Tadbirlarning nomlanishi

Amalga oshirish mexanizmi

Ijro muddati

Masʼul ijrochilar

I. Respublikaning yogʻ-moy sanoatini boshqarish tizimini takomillashtirish

1.

Quyidagilar orqali yogʻ-moy sanoati korxonalarini boshqarish samaradorligini oshirish boʻyicha chora-tadbirlar koʻrish:

tarmoq korxonalari rahbarlarining faoliyati samaradorligini baholash tizimini joriy etgan holda ularni qonunchilikda belgilangan tartibda malakali xodimlar orasidan qayta saylashni tashkil etish;

tarmoq korxonalarining tashkiliy tuzilmasini takomillashtirish va shtatlar sonini optimallashtirish.

Tashkiliy-huquqiy tadbirlar

2018-yil 1-martga kadar

Iqtisodiyot vazirligi. Moliya vazirligi, Qishloq va suv xoʻjaligi vazirligi, Davlat raqobat qoʻmitasi, “Oʻzpaxtayogʻ” AJ, manfaatdor vazirlik va idoralar

II. Yogʻ-moy korxonalarining xom ashyo bazasini rivojlantirish va ishlab chiqarish quvvatlari yuklamasini oshirish

2.

Boshqa muqobil yogʻ olinadigan ekinlar (soya, kungaboqar va boshqalar) ekiladigan maydonlarni koʻpaytirish va yogʻ-moy mahsulotlari ishlab chiqarish uchun yogʻ olinadigan oʻsimlik urugʻining importi boʻyicha olib kelinishini tashkil etish asosida, jumladan quyidagilarni nazarda tutgan holda oʻsimlik yogʻi va yem mahsulotlari ishlab chiqarishning xom ashyo bazasini kengaytirish:

ilmiy asoslantirilgan almashlab ekishni joriy etish;

sanoat quvvatini toʻliq ishga solish hamda oʻsimlik yogʻi va yemga boʻlgan ehtiyojni toʻliq qanoatlantirish maqsadida mahalliy davlat hokimiyati organlari rahbarlarining muqobil yogʻ olinadigan ekinlar (soya, kungaboqar va boshqalar) yetishtirishni koʻpaytirish yuzasidan javobgarligini oshirish;

paxtachilikda texnik chigitning moydorligini oshirish yuzasidan seleksiya ishlarini kuchaytirish;

ustav kapitalida davlat ulushi boʻlgan har bir yogʻ-moy korxonasiga muqobil yogʻ olinadigan ekinlar (soya, kungaboqar va boshqalar) seleksiyasi va urugʻchiligini tashkil etish uchun 200 gektardan kam boʻlmagan unumdor va sugʻoriladigan yer maydoni ajratish;

muqobil yogʻ olinadigan ekinlarni (soya, kungaboqar va boshqalar) ekish uchun ajratiladigan unumdor va sugʻoriladigan yerlarning maydonlarini kengaytirish.

Kompleks tashkiliy-huquqiy chora-tadbirlar

2018-yil 1-martga qadar

Qishloq va suv xoʻjaligi vazirligi, Innovatsion rivojlantirish vazirligi, Iqtisodiyot vazirligi, Qoraqalpogʻiston Respublikasi Vazirlar Kengashi va viloyatlar hokimliklari, Fanlar akademiyasi, “Oʻzpaxtayogʻ” AJ

3.

Quyidagilarning natijalari asosida omuxta yem ishlab chiqarilishini kengaytirish:

omuxta yem ishlab chiqarish boʻyicha amaldagi quvvatlarni inventarizatsiyadan oʻtkazish;

bozordagi ehtiyoj va mamlakatda mavjud resurs bazasini oʻrganish;

chorvachilik (sut, goʻsht va boshqalar), parrandachilik va baliqchilik sektorlari boʻyicha omuxta yem tayyorlashning ilmiy asoslantirilgan retsepturalarini ishlab chiqish.

Makkajoʻxori va boshqa boshoqli don ekinlaridan, shuningdek, yogʻ-moy, un mahsulotlari, spirt va pivo ishlab chiqarishdagi chiqindilardan omuxta yemning zamonaviy sanoat ishlab chiqarishini tashkil etish.

Kompleks tashkiliy-huquqiy chora-tadbirlar

2018-yil 1-sentabrga qadar

Qishloq va suv xoʻjaligi vazirligi, Innovatsion rivojlanish vazirligi,

Iqtisodiyot vazirligi, Fanlar akademiyasi, “Oʻzdonmahsulot” AJ, “Oʻzvinosanoatxolding” XK, “Oʻzpaxtayogʻ” AJ

III. Narxning shakllanishi va yogʻ-moy mahsulotlarini sotish tizimini takomillashtirish

4.

Birja savdolari orqali sotiladigan texnik chigitning oxirgi cheklangan qiymatini aniqlash.

Tashkiliy-huquqiy tadbirlar

2018-yil 20-yanvarga qadar

Moliya vazirligi, Iqtisodiyot vazirligi, “Oʻzpaxtasanoat” AJ, “Oʻzpaxtayogʻ” AJ. manfaatdor vazirlik va idoralar

5.

Paxta yogʻini aholining ijtimoiy ehtiyojmand qatlamlari uchun qatʼiy belgilangan bahoda sotish tartibini uni ishlab chiqarish va sotishdagi xarajatlarni hisobga olgan holda joriy etish.

Aholining ijtimoiy ehtiyojmand qatlamlari va paxta yogʻini qatʼiy belgilangan narxda sotadigan tashkilotlar roʻyxatini tasdiqlash.

Tashkiliy-huquqiy tadbirlar

2018-yil 20-yanvarga qadar

Moliya vazirligi, Iqtisodiyot vazirligi, Adliya vazirligi, “Oʻzpaxtayogʻ” AJ, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

6.

Quyidagilar orqali Moliya vazirligining yogʻ-moy korxonalaridagi moliya inspektorlari faoliyatining samaradorligini oshirish:

yogʻ-moy korxonalarining moliya inspektorlarini attestatsiyadan oʻtkazish;

yogʻ-moy korxonalari moliya inspektorlari lavozimlarini yuqori tayyorgarlikka, qatʼiy nuqtai nazarga ega va puxta bilimli xodimlar bilan toʻldirish;

Oʻzbekiston Respublikasi Moliya vazirligi va Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga ularning hisobotlarini muntazam taqdim etish tizimini joriy qilish.

Tashkiliy-huquqiy tadbirlar

2018-yil 1-fevralga qadar

Moliya vazirligi, Bosh prokuratura huzuridagi Departament, “Oʻzpaxtayogʻ” AJ

IV. Yogʻ-moy korxonalari faoliyatida hisobga olish va nazoratning zamonaviy tizimlarini joriy etish

7.

Chigitni qayta ishlovchi yogʻ-moy korxonalarini xom ashyoni yuklash, qabul qilish, saqlash va qayta ishlash jarayonini real vaqt rejimida kuzatish, jumladan xom ashyo, yarim tayyor va tayyor mahsulotlarni oʻlchash va hisobini yuritish imkonini beruvchi avtomatlashtirilgan tizimlar va uskunalar bilan jihozlash.

Tashkiliy-huquqiy tadbirlar

2018-yil davomida

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, “Oʻzpaxtayogʻ” AJ, manfaatdor vazirlik va idoralar

8.

Chigit, paxta yogʻi, shrot va sheluxani tashiydigan yuk avtomashinalarining harakatlanishini real vaqt rejimida monitoring qilib borish uchun ularni zamonaviy GPS trekerlar bilan jihozlash.

Tashkiliy-huquqiy tadbirlar

2018-yil davomida

Axborot texnologiyalari va kommunikatsiyalarini rivojlantirish vazirligi, “Oʻzpaxtayogʻ” AJ, manfaatdor vazirlik va idoralar