Mamlakatimizda paxtachilik tarmogʻini rivojlantirish, paxta tozalash korxonalarini modernizatsiyalash va texnik qayta jihozlash, ishlab chiqarish va paxta xom ashyosini qayta ishlash rentabelligini, shuningdek, ishlab chiqariladigan mahsulotlarning raqobatbardoshliligini oshirish boʻyicha kompleks chora-tadbirlar amalga oshirilmoqda.

Shu bilan birga, mazkur sohadagi ishlarning haqiqiy ahvoli ishlab chiqarish jarayonlarini tezkor yangilash va modernizatsiya qilish, ilgʻor texnologiyalar va korporativ boshqaruvning zamonaviy uslublarini joriy etish, umuman tarmoqning jadal rivojlanishiga toʻsiq boʻlayotgan tizimli muammo va kamchiliklar mavjudligidan dalolat beradi.

Zamonaviy axborot-kommunikatsiya texnologiyalari yetarlicha joriy qilinmaganligi oqibatida xom ashyoni qabul qilish, tashish va qayta ishlash, tayyor mahsulotlarni realizatsiya qilish jarayonlari ustidan lozim darajada hisobot va nazorat tizimi mavjud emas.

Paxta tozalash korxonalarining resurs salohiyati va mavjud ishlab chiqarish quvvatlari oʻrtasidagi nomutanosiblikning koʻpayishi, shuningdek, ularning ishlab chiqarish faoliyatini diversifikatsiyalash boʻyicha choralarning oʻz vaqtida koʻrilmaganligi ishlab chiqarish quvvatlarining ancha qismi bekor turishiga va iqtisodiy yoʻqotishlarga olib kelmoqda.

Paxtachilik tarmogʻi korxonalarini boshqarish tizimini, shu jumladan faoliyat yuritayotgan tashkilotlar tuzilmasini optimallashtirish orqali takomillashtirish, qishloq xoʻjaligi ishlab chiqaruvchilari oʻrtasida sogʻlom raqobatni hamda ularning samarali faoliyati uchun qulay huquqiy, tashkiliy shart-sharoitlarni yaratish talab etilmoqda.

Paxta xom ashyosi sifat koʻrsatkichlarini aniqlashga nisbatan eskirgan yondashuvlarning qoʻllanilishi mahsulot tayyorlash va ishlab chiqarish hajmi haqidagi aniq maʼlumotlarning buzib koʻrsatilishiga, buning oqibatida qishloq xoʻjaligi ishlab chiqaruvchilarining noroziligiga, tarmoqning investitsiyaviy jozibadorligi yomonlashishiga olib kelmoqda.

Paxtachilik tarmogʻini boshqarish tizimini tubdan takomillashtirish, yuqori qoʻshilgan qiymatli raqobatbardosh va sifatli tayyor mahsulot ishlab chiqarishni kengaytirish, ularni yirik xorijiy bozorlarga yanada olib chiqish, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni izchil amalga oshirish maqsadida, shuningdek, Oʻzbekiston Respublikasida Maʼmuriy islohotlar konsepsiyasiga muvofiq:

1. Oʻzbekiston Respublikasi Prezidentining 2017-yil 17-oktabrdagi PF-5206-son Farmoni bilan tashkil etilgan “Oʻzpaxtasanoateksport” XKni tugatish bilan bogʻliq kompleks tashkiliy chora-tadbirlarni ishlab chiqish va amalga oshirish boʻyicha komissiyaning (keyingi oʻrinlarda Komissiya deb yuritiladi):

“Oʻzpaxtasanoateksport” XKning “Oʻzpaxtasanoat” AJ, “Oʻzpaxtayogʻ” AJ va “Oʻzpaxtaeksport” AJlari ustav kapitalidagi ulushlarini nominal qiymat boʻyicha davlat mulkiga oʻtkazish;

“Oʻzpaxtasanoateksport” XKning ustav kapitaliga kiritilgan aktivlarni davlat ulushi sifatida “Oʻzpaxtasanoat” AJning ustav kapitaliga balans qiymati boʻyicha oʻtkazish, ushbu bandning ikkinchi xatboshisiga muvofiq davlatga oʻtkaziladigan aksiyalar paketi bundan mustasno;

mol-mulkning qolgan qismini balans qiymati boʻyicha begʻaraz berish, shuningdek, “Oʻzpaxtasanoateksport” XKni keyinchalik tugatish yoʻli bilan uning huquq va majburiyatlarini “Oʻzpaxtasanoat” AJga oʻtkazish;

“Oʻzpaxtaeksport” AJ, “Oʻzpaxtasanoat” AJ hududiy filiallarining mol-mulkini balans qiymati boʻyicha oʻtkazgan holda ularni “Oʻzpaxtasanoat” AJga qoʻshib olish, shuningdek, “Paxtasanoat” hududiy aksiyadorlik birlashmalarini (keyingi oʻrinlarda “Paxtasanoat” HAB deb yuritiladi) qoʻshib olish jarayonini qonun hujjatlarida belgilangan tartibda yakuniga yetkazish orqali qayta tashkil etish;

Oʻzbekiston Respublikasi Moliya vazirligining Davlat moliyaviy nazorati bosh boshqarmasiga uning tuzilmasida 20 birlikdan iborat tegishli boshqarma tashkil etgan holda paxta tozalash korxonalarida hisobga olish va hisobotning haqqoniyligi ustidan nazoratni amalga oshirish funksiyasini yuklash;

2018-yil 1-yanvardan boshlab “Sifat” Oʻzbekiston paxta tolasini sertifikatlash markazini Oʻzbekiston Respublikasi Vazirlar Mahkamasi tasarrufidan “Oʻzstandart” agentligi tuzilmasiga oʻtkazish haqidagi takliflari maʼqullansin.

“Oʻzstandart” agentligi Moliya vazirligi va Iqtisodiyot vazirligi bilan birgalikda bir oy muddatda “Sifat” markazi faoliyatini, shu jumladan Oʻzbekiston Respublikasida Maʼmuriy islohotlar konsepsiyasi talablariga muvofiq tashkil etish toʻgʻrisidagi normativ-huquqiy hujjatlar loyihalarini Oʻzbekiston Respublikasi Vazirlar Mahkamasiga kiritsin.

2. Quyidagilar “Oʻzpaxtasanoat” AJning asosiy vazifalari va faoliyat yoʻnalishlari etib belgilansin:

paxta xom ashyosini qabul qilish, saqlash, tashish va qayta ishlash, ekiladigan urugʻlik chigitni tayyorlash boʻyicha ishlarning butun kompleksini tashkil etish va amalga oshirish, xalqaro standartlar talablariga javob beradigan yuqori sifatli paxta mahsulotini tayyorlash boʻyicha zamonaviy ishlab chiqarishni tashkil qilish sohasida yagona siyosat olib borilishini taʼminlash;

qishloq xoʻjaligi ishlab chiqaruvchilaridan qabul qilinadigan paxta xom ashyosining miqdori, sifati va navlari, paxta tolasi va urugʻlik chigitning chiqishiga oid koʻrsatkichlar, paxta tozalash korxonalari tomonidan ishlab chiqarilayotgan va sotilayotgan paxta tolasining miqdori va sifati boʻyicha maʼlumotlarning haqqoniyligini zamonaviy axborot-kommunikatsiya texnologiyalarini keng joriy etish orqali hisobga olish hamda nazorat qilish ishlarini tashkil etish;

tuzilgan shartnoma (kontrakt)larga muvofiq sotib olinadigan paxta xom ashyosi va isteʼmolchilarga joʻnatiladigan paxta mahsuloti uchun oʻz vaqtida va toʻliq hajmda hisob-kitoblarni amalga oshirish;

modernizatsiyani amalga oshirish, zamonaviy yuqori unumli uskunalar va ilgʻor ishlab chiqarish texnologiyalarini joriy qilish, tarmoqqa investitsiyalar, eng avvalo, toʻgʻridan-toʻgʻri investitsiyalarni keng jalb etishda yagona texnika siyosatini olib borish hamda paxta tozalash korxonalari, paxta terminallariga koʻmaklashish;

xom ashyoni qayta ishlashga beruvchi sifatida paxta tozalash korxonalariga ular tomonidan paxta-toʻqimachilik klasterlari tizimida faoliyatni amalga oshirishda koʻmaklashish;

ilmiy-texnik va tajriba-eksperimental tadqiqotlarni rivojlantirish, paxtachilik tarmogʻiga innovatsion gʻoya, ishlanma va texnologiyalarni joriy etish;

paxtachilik tarmogʻi korxonalarining kadrlarini, shu jumladan xorijiy taʼlim muassasalarini jalb etgan holda qayta tayyorlash va malakasini oshirishni tizimli asosda tashkil qilish, shuningdek, paxtachilik tarmogʻini rivojlantirish sohasida chet davlatlarning yetakchi tashkilotlari bilan uzviy hamkorlikni amalga oshirish.

3. “Oʻzpaxtasanoat” AJning tarkibiga kiruvchi korxonalar roʻyxati 3-ilovaga muvofiq maʼqullansin.

6. “Oʻzpaxtasanoat” AJ ikki oy muddatda:

“Paxtasanoat ilmiy markazi” AJ faoliyatini uni moliyalashtirish manbasi sifatida, shu jumladan paxta tolasining preyskurant boʻyicha ulgurji narxiga belgilanadigan ustamani nazarda tutgan holda tubdan takomillashtirish;

paxta tolasining namlik koʻrsatkichini paxta tolasini sertifikatlashda aniqlanadigan majburiy koʻrsatkichlar roʻyxatiga kiritish;

sifatni baholashning instrumental tizimlarida sinov natijalari asosida paxta tolasi toyining sifat koʻrsatkichlari boʻyicha paxta tolasini ketma-ketlikda raqamlash va ajratish tizimini joriy etish;

“Oʻzstandart” agentligi, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda — paxta xom ashyosini qabul qilish, toʻldirish, saqlash va qayta ishlash uslublarini takomillashtirish, “Oʻzpaxtasanoat” AJning paxta tozalash korxonalarini zamonaviy oʻlchov vositalari, laboratoriya uskunalari, shu jumladan videouskunalar, nazorat va hisobga olishning avtomatlashtirilgan tizimlariga mos keladigan elektron tarozilar bilan jihozlashga qaratilgan kompleks chora-tadbirlarni amalga oshirish;

Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda — “Oʻzpaxtasanoat” AJ korxonalarining boʻsh turgan binolarini, shu jumladan ularni potensial investorlarga sotish orqali bosqichma-bosqich optimallashtirish boʻyicha takliflarni tayyorlasin hamda Oʻzbekiston Respublikasi Vazirlar Mahkamasiga kiritsin.

7. “Oʻzstandart” agentligi “Oʻzpaxtasanoat” AJ, “Oʻzbekyengilsanoat” AJ, “Sifat” markazi bilan birgalikda ikki oy muddatda paxta xom ashyosi va paxta tolasining sifat koʻrsatkichlariga (navi, turi, toifasi va boshqalar) boʻlgan amaldagi talablarni, ularni aniqlash uslublari va tartibini tanqidiy oʻrgansin, shuningdek, ularni yanada optimallashtirish va takomillashtirish boʻyicha aniq takliflar kiritsin.

8. Belgilab qoʻyilsinki:

“Oʻzpaxtasanoat” AJ paxta tozalash korxonalarining tayyor paxta mahsulotlarini qabul qilish, saqlash, tashish, qayta ishlash va oʻz vaqtida yetkazib berish boʻyicha ishlarini muvofiqlashtirish “Oʻzpaxtasanoat” AJning mintaqaviy paxta terminallari tomonidan amalga oshiriladi;

mazkur qarorga muvofiq oʻtkazilayotgan va qabul qilinayotgan mol-mulkning qiymati soliq va boshqa majburiy toʻlovlarni hisoblashda soliq solish obyekti hisoblanmaydi;

paxta tolasi, paxta linti va texnik chigitni isteʼmolchilarga sotish paxta tozalash korxonalari bilan tuziladigan vositachilik shartnomalari orqali “Oʻzpaxtasanoat” AJ tomonidan ushbu turdagi mahsulotlarni realizatsiya qilishning oʻrnatilgan tartibiga rioya etgan holda birja savdolari orqali amalga oshiriladi;

“Oʻzpaxtaeksport” AJ va “Paxtasanoat” HAJ “Oʻzpaxtasanoat” AJga qoʻshilishida ularning aksiyalarini ayirboshlash nominal qiymat boʻyicha amalga oshiriladi.

9. “Oʻzpaxtasanoat” AJning quyidagilar haqidagi takliflari qabul qilinsin:

zarur hollarda, “Oʻzpaxtasanoat” AJ tarkibiga kiruvchi paxta tozalash korxonalari va boshqa tashkilotlarning buyurtmalari boʻyicha qonun hujjatlarida belgilangan tartibda mazkur korxona va tashkilotlarning ehtiyoji uchun tovar (ish, xizmat)larni markazlashgan tartibda sotib olishni amalga oshirish;

paxta tozalash korxonalari tomonidan 2017-2018-yillar yakuni boʻyicha hisoblanadigan dividendlarni kapitallashtirish, shuningdek, 2017-2018-yillar yakuniga koʻra “Oʻzpaxtasanoat” AJning ustav kapitalidagi davlat ulushi boʻyicha sof foydadan 10 foiz miqdorida dividend hisoblash.

10. “Oʻzpaxtasanoat” AJ Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi, Bandlik va mehnat munosabatlari vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda 2018-yil 1-yanvarga qadar muddatda:

“Oʻzpaxtasanoat” AJ tarkibiga kiruvchi paxta tozalash korxonalari, paxta xom ashyosini qabul qilish shoxobchalari va boshqa tashkilotlarning bandligi, shtatlar soni, tashkiliy tuzilmasini tanqidiy oʻrgansin hamda xarajatlarni qisqartirish, mehnat unumdorligi hamda ishlab chiqarishning rentabelligini yaxshilash maqsadida ularni optimallashtirish va faoliyat samaradorligini yanada oshirish boʻyicha Oʻzbekiston Respublikasi Vazirlar Mahkamasiga takliflar kiritsin;

Paxta mahsulotlarini sotish tartibi toʻgʻrisidagi nizom loyihasini Oʻzbekiston Respublikasi Vazirlar Mahkamasiga kiritsin.

Oʻzbekiston Respublikasi Qishloq va suv xoʻjaligi vazirligi manfaatdor idoralar bilan birgalikda mazkur bandda nazarda tutilgan oʻrganish doirasida urugʻlik chigitni tayyorlash hamda undan foydalanishning yagona va zamonaviy tizimini yaratish boʻyicha takliflarni kiritsin.

14. Oʻzbekiston Respublikasi Hisob palatasi, Iqtisodiyot va moliya vazirligi Bosh prokuratura huzuridagi Iqtisodiy jinoyatlarga qarshi kurashish departamenti, Vazirlar Mahkamasi huzuridagi Soliq qoʻmitasi va Agrosanoat majmui ustidan nazorat qilish inspeksiyasi bilan birgalikda paxta mahsulotlarini qabul qilish, saqlash, tayyorlash va chiqarish jarayonlari, shuningdek, tayyorlangan paxta xom ashyosi hajmlarining statistik hisobotlar va mavjud maʼlumotlarga muvofiqligi ustidan tizimli xamda taʼsirchan nazorat oʻrnatsin.

15. “Oʻzpaxtasanoat” AJ Toshkent shahri, Shota Rustaveli koʻchasi, 8a-uy manzili boʻyicha joylashtirilsin.

16. “Oʻzpaxtasanoat” AJ bir oy muddatda “Oʻzpaxtasanoat” AJ ijro apparati va uning tarkibiga kiruvchi tashkilotlarning yuqori malakali kadrlar bilan toʻldirilishini taʼminlasin.

17. Oʻzbekiston Respublikasi Bandlik va mehnat munosabatlari vazirligi ikki oy muddatda tugatilayotgan “Oʻzpaxtasanoateksport” XK va qayta tashkil etilayotgan “Oʻzpaxtaeksport” AJning boʻshayotgan xodimlarini ish bilan taʼminlasin.

18. “Oʻzpaxtasanoat” AJ Oʻzbekiston Respublikasi Moliya vazirligi, Adliya vazirligi va boshqa manfaatdor idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

19. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosarlari Z.T. Mirzayev va N.S. Otajonov zimmasiga yuklansin.

1. “Amudaryo paxta tozalash” AJ

2. “Xoʻjayli paxta tozalash” AJ

3. “Beruniy paxta tozalash” AJ

4. “Toʻrtkoʻl paxta tozalash” AJ

5. “Xalqobod paxta tozalash” AJ

6. “Ellikqalʼa paxta tozalash” AJ

7. “Parvoz paxta terminal” MCHJ

8. “Qoraqalpoq tola terminal” MCHJ

9. “Qoraqalpoqpaxtatrans” MCHJ

10. “Andijon-1 paxta tozalash” AJ

11. “Andijon-3 paxta tozalash” AJ

12. “Asaka paxta tozalash” AJ

13. “Oʻqchi paxta tozalash” MCHJ

14. “Shahrixon paxta tozalash” AJ

15. “Poytugʻ paxta tozalash” AJ

16. “Soʻfiqishloq paxta tozalash” AJ

17. “Boʻz paxta tozalash” AJ

18. “Chinobod paxta tozalash” AJ

19. “Xoʻjaobod paxta tozalash” AJ

20. “Andijon tola terminal” MCHJ

21. “Axtachi tola terminal” MCHJ

22. “Andijonpaxtatrans” MCHJ

23. “Nayman paxta urugʻchiligi” MCHJ

24. “Viloyat mexanika taʼmirlash ustaxonasi” MCHJ

25. “Kogon paxta tozalash” AJ

26. “Buxoro paxta tozalash” AJ

27. “Qorakoʻl paxta tozalash” AJ

28. “Gʻijduvon paxta tozalash” AJ

29. “Peshku paxta tozalash” AJ

30. “Shofirkon paxta tozalash” AJ

31. “Romitan paxta tozalash” AJ

32. “Jondor paxta tozalash” AJ

33. “Olot paxta tozalash” MCHJ

34. “Buxoro paxta urugʻchiligi” MCHJ

35. “Buxoro tola terminal” MCHJ

36. “Buxoropaxtatrans” MCHJ

37. “Viloyat mexanika taʼmirlash ustaxonasi” MCHJ

38. “Doʻstlik paxta tozalash” AJ

39. “Uchtepa paxta tozalash” AJ

40. “Paxtakor paxta tozalash” AJ

41. “Dashtobod paxta tozalash” AJ

42. “Zafarobod paxta tozalash” AJ

43. “Zarbdor paxta tozalash” AJ

44. “Jizzax paxta urugʻchiligi” MCHJ

45. “Paxtakor tola terminal” MCHJ

46. “Jizzaxpaxtatrans” MCHJ

47. “Viloyat mexanika taʼmirlash ustaxonasi” MCHJ

48. “Shahrisabz paxta tozalash” AJ

49. “Yakkabogʻ paxta tozalash” AJ

50. “Koson paxta tozalash” AJ

51. “Qamashi paxta tozalash” AJ

52. “Chiroqchi paxta tozalash” AJ

53. “Kasbi paxta tozalash” AJ

54. “Beshkent paxta tozalash” AJ

55. “Nishon paxta tozalash” AJ

56. “Jeynov paxta tozalash” AJ

57. “Muborak paxta tozalash” AJ

58. “Qarshi tola terminal” MCHJ

59. “Nishon tola terminal” MCHJ

60. “Qamashi tola terminal” MCHJ

61. “Qashqadaryopaxtatrans” MCHJ

62. “Qiziltepa paxta tozalash” AJ

63. “Xatirchi paxta tozalash” AJ

64. “Navbahor paxta tozalash” MCHJ

65. “Navoiy tola terminal” MCHJ

66. “Navoiypaxtatrans” MCHJ

67. “Viloyat mexanika taʼmirlash ustaxonasi” MCHJ

68. “Toʻraqoʻrgʻon paxta tozalash” AJ

69. “Norin paxta tozalash” AJ

70. “Uchqoʻrgʻon paxta tozalash” AJ

71. “Chust paxta tozalash” AJ

72. “Mingbuloq paxta tozalash” AJ

73. “Pop paxta tozalash” AJ

74. “Kosonsoy paxta tozalash” AJ

75. “Uychi paxta tozalash” AJ

76. “Inter tola terminal” MCHJ

77. “Namanganpaxtatrans” MCHJ

78. “Viloyat mexanika taʼmirlash ustaxonasi” MCHJ

79. “Kattaqoʻrgʻon paxta tozalash” AJ

80. “Zirabuloq paxta tozalash” AJ

81. “Juma paxta tozalash” AJ

82. “Chelak paxta tozalash” AJ

83. “Ziyovuddin paxta tozalash” AJ

84. “Yangiqoʻrgʻon paxta tozalash” AJ

85. “Mitan paxta tozalash” AJ

86. “Ulugʻbek tola terminal” MCHJ

87. “Samarqandpaxtatrans” MCHJ

88. “Sherobod paxta tozalash” AJ

89. “Xayrobod paxta tozalash” AJ

90. “Uzun paxta tozalash” AJ

91. “Shoʻrchi paxta tozalash” AJ

92. “Jarqoʻrgʻon paxta tozalash” AJ

93. “Muzrabot paxta tozalash” AJ

94. “Qiziriq paxta tozalash” AJ

95. “Qumqoʻrgʻon paxta tozalash” AJ

96. “Angor paxta tozalash” AJ

97. “Sariosiyo paxta tozalash” AJ

98. “Muzrabot tola terminal” MCHJ

99. “Jarqoʻrgʻon tola terminal” MCHJ

100. “Surxonpaxtatrans” MCHJ

101. “Viloyat mexanika taʼmirlash ustaxonasi” MCHJ

102. “Guliston paxta tozalash” AJ

103. “Boyovut paxta tozalash” AJ

104. “Baxt paxta tozalash” AJ

105. “Paxtaobod paxta tozalash” AJ

106. “Sayxunobod paxta tozalash” AJ

107. “Sardoba paxta tozalash” AJ

108. “Sirdaryo tola terminal” MCHJ

109. “Sirdaryopaxtatrans” MCHJ

110. “Viloyat mexanika taʼmirlash ustaxonasi” MCHJ

111. “Olimkent paxta tozalash” AJ

112. “Chinoz paxta tozalash” AJ

113. “Boʻka paxta tozalash” AJ

114. “Pskent paxta tozalash” AJ

115. “Mustaqillik paxta tozalash” AJ

116. “Oʻzbekiston paxta tozalash” AJ

117. “Qorasuv paxta tozalash” AJ

118. “Dalvarzin paxta tozalash” AJ

119. “Toshkent paxta urugʻchiligi” MCHJ

120. “Toshkentpaxtatrans” MCHJ

121. “Viloyat mexanika taʼmirlash ustaxonasi” MCHJ

122. “Quva paxta tozalash” AJ

123. “Toshloq paxta tozalash” AJ

124. “Qoʻqon paxta tozalash” AJ

125. “Oʻzbekiston paxta tozalash” AJ

126. “Beshariq paxta tozalash” AJ

127. “Bogʻdod paxta tozalash” AJ

128. “Rishton paxta tozalash” AJ

129. “Fargʻona paxta urugʻchiligi” MCHJ

130. “Fargʻona tola terminal” MCHJ

131. “Qoʻqon tola terminal” MCHJ

132. “Fargʻonapaxtatrans” MCHJ

133. “Viloyat mexanika taʼmirlash ustaxonasi” MCHJ

134. “Gurlan paxta tozalash” AJ

135. “Xonqa paxta tozalash” AJ

136. “Hazorasp paxta tozalash” AJ

137. “Shovot paxta tozalash” AJ

138. “Yangiariq paxta tozalash” AJ

139. “Yangibozor paxta tozalash” AJ

140. “Bogʻot paxta tozalash” AJ

141. “Qoʻshkoʻpir paxta tozalash” AJ

142. “Urganch tola terminal” MCHJ

143. “Xorazmpaxtatrans” MCHJ

144. “Viloyat mexanika taʼmirlash ustaxonasi” MCHJ

145. “Toshkent tola terminal” MCHJ

146. “Moddiy-texnika taʼminot bazasi” MCHJ

147. “Paxtasanoat ilmiy markazi” AJ