Oʻzbekiston Respublikasi Prezidentining “Milliy kinematografiyani yanada rivojlantirish chora-tadbirlari toʻgʻrisida” 2017-yil 7-avgustdagi PQ-3176-son qarorini bajarish yuzasidan Vazirlar Mahkamasi qaror qiladi:

1. “Oʻzbekkino” Milliy agentligi (keyingi oʻrinlarda Agentlik deb ataladi), “Oʻzbekfilm” aksiyadorlik jamiyati, “Oʻzbekiston Respublikasi ilmiy-ommabop va hujjatli filmlar kinostudiyasi” masʼuliyati cheklangan jamiyatning:

a) Agentlik huzurida “Multiplikatsion filmlar studiyasi” Davlat unitar korxonasini tashkil etish;

b) Agentlik tizimiga kiruvchi:

“Oʻzbekiston Respublikasi ilmiy-ommabop va hujjatli filmlar kinostudiyasi” Masʼuliyati cheklangan jamiyatni “Hujjatli filmlar kinostudiyasi” Davlat unitar korxonasiga aylantirish;

“Yoshlar tajriba-ijodiy 5-studiyasi” Davlat korxonasini “Yoshlar ijodiy tajriba studiyasi” Davlat unitar korxonasi sifatida qayta nomlash haqidagi takliflari maʼqullansin.

2. Quyidagilar:

“Oʻzbekkino” Milliy agentligining tashkiliy tuzilmasi 1-ilovaga muvofiq;

“Oʻzbekkino” Milliy agentligi toʻgʻrisidagi nizom 2-ilovaga muvofiq;

“Oʻzbekkino” Milliy agentligi huzuridagi Oʻzbekiston kinoarboblari ijodiy uyushmasi ustavi 3-ilovaga muvofiq tasdiqlansin.

3. Belgilab qoʻyilsinki:

Agentlik kinematografiya sohasida yagona davlat siyosatini amalga oshiruvchi davlat boshqaruvi organi hisoblanadi;

Agentlikning markaziy apparati, “Qoraqalpoqkino” agentligi, Agentlikning viloyatlar va Toshkent shahar boʻlimlariga Vazirlar Mahkamasining “Davlat hokimiyati va boshqaruv organlari, sud organlari va notarial idoralari hodimlari mehnatga haq toʻlash tarif setkalarini joriy etish toʻgʻrisida” 1996-yil 12-apreldagi 147-son qarori bilan belgilangan mehnatga haq toʻlash tartibi qoʻllaniladi.

4. Agentlik ikki oy muddatda Oʻzbekiston Respublikasi Bandlik va mehnat munosabatlari vazirligi hamda Moliya vazirligi bilan kelishgan holda “Respublika kino fondi” davlat unitar korxonasi xodimlarining mehnatiga haq toʻlash boʻyicha razryadlar va shtatlar jadvalini tasdiqlasin.

5. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish “Oʻzbekkino” Milliy agentligining Bosh direktori F.Sh. Zokirov zimmasiga hamda Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.

1. Ushbu Nizom “Oʻzbekkino” Milliy agentligining (keyingi oʻrinlarda Agentlik deb ataladi) maqomi, asosiy vazifalari, funksiyalari, huquqlari va javobgarligi, shuningdek, uning faoliyatini tashkil etish tartibi hamda Agentlik rahbarlarining funksional vazifalari va javobgarligini belgilaydi.

2. Agentlik kinematografiya sohasida yagona davlat siyosatini amalga oshiruvchi davlat boshqaruvi organi hisoblanadi.

3. Agentlik Oʻzbekiston Respublikasi Vazirlar Mahkamasiga (keyingi oʻrinlarda Vazirlar Mahkamasi deb ataladi) boʻysunadi.

4. Agentlik oʻz faoliyatini Oʻzbekiston Respublikasi Prezidentining “Kinematografiya sohasida boshqarishni takomillashtirish toʻgʻrisida” 2004-yil 16-martdagi PF-3407-son Farmoniga hamda Oʻzbekiston Respublikasi Prezidentining “Milliy kinematografiyani yanada rivojlantirish chora-tadbirlari toʻgʻrisida” 2017-yil 7-avgustdagi PQ-3176-son qaroriga muvofiq amalga oshiradi.

5. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

6. Agentlikning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlar va ularning mansabdor shaxslari hamda fuqarolar tomonidan bajarilishi majburiy hisoblanadi.

7. Agentlik, “Qoraqalpoqkino” agentligi, Agentlikning viloyatlar va Toshkent shahar boʻlimlari (keyingi oʻrinlarda hududiy boʻlinmalar deb ataladi) yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy gʻazna hisobvaraqlariga, bank hisob raqamlariga, shu jumladan, qonun hujjatlariga muvofiq banklarda milliy va xorijiy valyutada hisob raqamlariga ega boʻladi.

8. Agentlikning rasmiy nomi:

a) davlat tilida:

toʻliq nomi — “Oʻzbekkino” Milliy agentligi, qisqartirilgan nomi — “Oʻzbekkino” MA;

b) rus tilida:

toʻliq nomi — Natsionalnoye agentstvo “Uzbekkino”, qisqartirilgan nomi — NA “Uzbekkino”;

v) ingliz tilida:

toʻliq nomi — National Cinema Agency “Uzbekkino”, qisqartirilgan nomi — NCA “Uzbekkino”.

9. Agentlik tizimiga:

Agentlik markaziy apparati;

“Qoraqalpoqkino” agentligi, Agentlikning viloyatlar va Toshkent shahar boʻlimlari;

“Oʻzbekfilm” aksiyadorlik jamiyati;

“Qoraqalpoqfilm” davlat unitar korxonasi;

“Hujjatli filmlar kinostudiyasi” davlat unitar korxonasi;

“Yoshlar ijodiy tajriba studiyasi” davlat unitar korxonasi;

“Multiplikatsion filmlar studiyasi” davlat unitar korxonasi;

“Respublika kinofondi” davlat unitar korxonasi;

“Alisher Navoiy nomidagi kino saroyi” davlat unitar korxonasi;

“Kinematografchilar uyi” davlat unitar korxonasi;

“Doʻrmon kinoijodkorlar uyi” davlat unitar korxonasi;

“Respublika kinoprokat markazi” davlat unitar korxonasi;

Oʻzbekiston kinoarboblari ijodiy uyushmasi;

Oʻzbekiston kinosanʼati muzeyi kiradi.

10. Quyidagilar Agentlikning vazifalari hisoblanadi:

kino sanʼatining milliy madaniyatni rivojlantirish, jamiyat maʼnaviy hayotini yuksaltirishdagi oʻrni va ahamiyatini hisobga olgan holda bu sohani umumbashariy va milliy qadriyatlar uygʻunligi asosida taraqqiy ettirishning ustuvor yoʻnalishlarini ishlab chiqish;

kino sanʼatida, kino-video faoliyat sohasida davlat siyosatini amalga oshirish;

kinematografiya sohasida faoliyat koʻrsatayotgan tashkilotlar, kinostudiyalar va ijodiy jamoalarni qoʻllab-quvvatlash, ularning manfaatlarini himoya qilish, tadbirkorlik va raqobat muhitini rivojlantirish uchun qulay shart-sharoitlar yaratish;

milliy kino sanʼatining eng yaxshi anʼanalarini izchil davom ettirish va boyitish maqsadida iqtidorli yosh kinematografchilarni tarbiyalash, ularning ijodiy imkoniyatlarini roʻyobga chiqarishga koʻmaklashish;

“Respublika kinofondi” davlat unitar korxonasi faoliyatini bugungi kun talablari negizida tashkil etish;

kinofilmlar yaratish va ularni namoyish etish tizimini tanlovlar tashkil qilish orqali takomillashtirish va qayta texnik jihozlash, aholiga kino-video xizmat koʻrsatish darajasini oshirish;

mualliflik huquqlari himoyalangan kino va video mahsulotlarini noqonuniy ravishda respublika hududiga olib kirishga, ulardan foydalanish, ijaraga berish va tarqatishga qarshi zarur choralar koʻrish;

import va eksport qilinadigan kino va video mahsulotlariga ekspert bahosi berilishini amalga oshirish, respublika hududida kino va videofilmlar koʻrsatish va ulardan texnik jihatdan foydalanish qoidalarini belgilash;

kinematografiya sohasida xalqaro hamkorlikni rivojlantirish, milliy kino mahsulotlarini jahon bozoriga olib chiqish, xorijiy kino ishlab chiqaruvchi tashkilot va kinoijodkorlar bilan aloqalarni kengaytirish, milliy kino sanʼatini xalqaro kinofestivallarda namoyish etish.

11. Agentlik oʻziga yuklangan asosiy vazifalarga muvofiq quyidagi funksiyalarni amalga oshiradi:

1) kino sanʼatida, kino-videofaoliyat sohasida davlat siyosatini amalga oshirish sohasida:

kino sohasiga oid qonun hujjatlarining ijrosini taʼminlaydi hamda bajarilishini belgilangan tartibda nazorat qiladi;

kino sohasiga doir normativ-huquqiy hujjatlar loyihalarini ishlab chiqadi hamda Vazirlar Mahkamasiga kiritadi;

filmlarni ishlab chiqarish, dublyaj qilish, ularning namoyishi va prokatini tashkil etish, koʻpaytirish va sotishga oid yagona texnik-iqtisodiy siyosatni yuritadi;

qonun hujjatlarida belgilangan tartibda Vazirlar Mahkamasining litsenziyalash sohasidagi ishchi organi vazifasini bajaradi;

Oʻzbekiston kinoarboblari ijodiy uyushmasining tavsiyasiga koʻra mehnat faoliyatida oʻzining fidokorona va mehnatsevarlik fazilatlarini namoyon qilgan kino sohasi xodimlarini davlat mukofotlariga belgilangan tartibda tavsiya etadi;

milliy kino sanʼatining yuqori sifatga ega boʻlishi va xalqaro maydonga chiqishi uchun kino sohasiga oid jamoatchilik vakillari, kinoarboblari, yozuvchilar, rassomlar, bastakorlar, muhandis-texnik xodimlar, sportchilar va boshqa kasb vakillarining saʼy-harakatlarini birlashtiradi;

oʻz vakolatiga kiruvchi boshqa masalalarni hal etish uchun shartnoma asosida mahalliy va xorijiy ilmiy tashkilotlarni, ularning mutaxassislari va olimlarini jalb etadi;

kino sohasidagi milliy amaliyotga xalqaro va davlatlararo meʼyorlarni joriy qilish yuzasidan Vazirlar Mahkamasiga takliflar kiritadi;

respublika hududida filmlar namoyish qilish, aholiga sifatli kino xizmati koʻrsatish va kinoqurilmalardan texnik jihatdan foydalanish qoidalarini ishlab chiqadi, xususiy prokat tarmogʻini rivojlantirishga koʻmaklashadi;

2) kino sanʼatining milliy madaniyatini rivojlantirish, jamiyat maʼnaviy hayotini yuksaltirishdagi oʻrni va ahamiyatini hisobga olgan holda bu sohani umumbashariy va milliy qadriyatlar uygʻunligi asosida taraqqiy ettirishning ustuvor yoʻnalishlarini ishlab chiqish sohasida:

yurtdoshlarimizning mamlakatda amalga oshirilayotgan siyosiy, ilmiy va ijtimoiy islohotlardagi ishtirokini aks ettiradigan va daxldorlik tuygʻusini shakllantiradigan turli janr va mavzularda filmlar yaratish ishlarini tashkil qiladi;

filmlarning badiiy-gʻoyaviy saviyasini yuksaltirish chora-tadbirlarini amalga oshiradi, ushbu jarayonga malakali ekspertlarni, shu jumladan, xorijiy mutaxassislarni jalb etadi;

kinosanʼatining xalqimiz, ayniqsa, yoshlar tarbiyasi va dunyoqarashini shakllantirishda tutgan muhim oʻrnini inobatga olib, bugungi yoshlar hayoti, ularning orzu-intilishlari, oʻy-havaslarini ifodalovchi, tinchlik, osoyishtalik, bunyodkorlik, bagʻrikenglik, mehr-oqibat, muhabbat kabi mavzulardagi filmlar ishlab chiqarilishini tashkil etadi;

oʻsib kelayotgan yosh avlodda ijodiy dunyoqarashni tarbiyalash va shakllantirish maqsadida bolalar auditoriyasi uchun moʻljallangan turli yoʻnalishdagi filmlar va kinojurnallarni tayyorlash ishlarini tashkil etadi;

filmlarni yoshlar orasida keng targʻib va tashviq qilish chora-tadbirlarini belgilaydi va amalga oshiradi;

3) kinematografiya sohasida faoliyat koʻrsatayotgan tashkilotlar, kinostudiyalar va ijodiy jamoalarni qoʻllab-quvvatlash, ularning manfaatlarini himoya qilish, tadbirkorlik va raqobat muhitini rivojlantirish uchun qulay shart-sharoitlar yaratish sohasida:

xususiy kinostudiyalarga zarur metodik va amaliy yordam koʻrsatadi, ular tomonidan yaratilayotgan filmlarning texnik sifatini oshirishga koʻmaklashadi;

filmlar ishlab chiqarish va ularni namoyish etish tizimini takomillashtirish choralarini koʻradi, bunda ijodiy jamoalar, kinoijodkorlar va kinostudiyalar oʻrtasida film yaratish boʻyicha kinoloyihalar tanlovini eʼlon qiladi, kinostudiyalar loyihalarini oʻrganib, ularning eng yaxshisi asosida filmlarni ishlab chiqarishga tushiradi;

xususiy kinostudiyalar tomonidan ishlab chiqarilgan filmlarning badiiy-gʻoyaviy saviyasini oshirish boʻyicha zarur tavsiya va koʻrsatmalar beradi;

milliy filmlarni jahon Internet axborot tarmogʻi orqali keng targʻib qiladi, onlayn namoyishlarini tashkil etadi va ushbu masalada tadbirkorlik subyektlariga koʻmaklashadi;

4) milliy kino sanʼatining eng yaxshi anʼanalarini izchil davom ettirish va boyitish maqsadida iqtidorli yosh kinematografchilarni tarbiyalash, ularning ijodiy imkoniyatlarini roʻyobga chiqarishga koʻmaklashish sohasida:

Agentlik huzurida atoqli kinoijodkorlarni jalb qilgan holda kinematografiya sohasida kadrlarni qayta tayyorlash maqsadida malaka oshirish kurslari va “Mahorat maktablari”ni tashkil etadi;

kino sohasi uchun kadrlar tayyorlaydigan taʼlim muassasalari bilan doimiy hamkorlik oʻrnatadi, ularning oʻquv rejalari, dasturlari va oʻqitish jarayonini takomillashtirish boʻyicha takliflar kiritadi, tizim xodimlari uchun malaka oshirish oʻqishlari, oliy kurslar va seminarlar tashkil etadi;

soha mutaxassislarini qayta tayyorlash va ularning malakasini oshirish tizimini takomillashtirish boʻyicha takliflar ishlab chiqadi;

iqtidorli yosh kinoijodkorlarning ijodiy imkoniyatlarini roʻyobga chiqarishga doir turli koʻrik-tanlovlar oʻtkazadi;

kino sohasida iqtidorli yoshlar vakillarini tanlov asosida xorijiy davlatlarga oʻqishga yuboradi;

5) “Respublika kinofondi” davlat unitar korxonasi faoliyatini bugungi kun talablari negizida tashkil etish sohasida:

yaratilgan filmlarning raqamli formatda, maxsus disklarda va boshqa turdagi manbalarga nusxasini koʻchirish maqsadida zamonaviy texnologiyalarni joriy etish masalalarini hal qiladi;

oʻzbek kinosi durdonalarini eng zamonaviy texnik uskunalar asosida xorijiy va mahalliy mutaxassislarni jalb qilgan holda restavratsiya qilish, raqamli formatga oʻtkazish ishlarini amalga oshiradi;

chet davlatlardagi milliy kino mahsulotlarimizni mamlakatimizga keltirish va saqlash ishlarini amalga oshiradi;

6) kinofilmlar yaratish va ularni namoyish etish tizimini tanlovlar tashkil etish orqali takomillashtirish va qayta texnik jihozlash, aholiga kino-videoxizmat koʻrsatish darajasini oshirish sohasida:

Davlat buyurtmasiga binoan kinomahsulotlarni yaratish boʻyicha ochiq tanlovlar tashkil etadi;

Respublikada kinoprokat tizimini rivojlantirishga koʻmaklashadi;

kino obyektlarining bino va inshootlarini qurish, rekonstruksiya qilish, modernizatsiyalash va sohani texnik jihozlash dasturini ishlab chiqadi va ularni amalga oshirishda ishtirok etadi;

filmlarni yaratish, namoyish qilish, shuningdek, Agentlik tizimiga kiruvchi tashkilotlarning moddiy-texnika bazasini yangilash uchun ajratilgan mablagʻlarning maqsadli va samarali sarflanishini nazorat qiladi;

binolarga xizmat koʻrsatish ishlarini bajarishga, jihozlar va xoʻjalik anjomlari, avtotransport, aloqa vositasi, kompyuter jihozlarini saqlash va ulardan foydalanish, tashkiliy texnika, dasturiy taʼminotlarni xarid qilish yuzasidan belgilangan tartibda shartnomalar tuzadi;

7) mualliflik huquqlari himoyalangan kino va video mahsulotlarini noqonuniy ravishda respublika hududiga olib kirishga, ulardan foydalanish, ijaraga berish va tarqatishga qarshi zarur choralar koʻrish sohasida:

respublikamiz hududiga olib kiriladigan kino va video mahsulotlarni ekspert koʻrikdan oʻtkazadi;

chet davlatlardan kirib kelgan mahsulotlarni ommaviy namoyish qilish uchun ruxsatnomalar beradi;

kinomahsulotlarni noqonuniy tarqalishining oldini olish maqsadida tegishli vakolatli organlar bilan birgalikda turli tadbirlar oʻtkazadi;

8) import va eksport qilinadigan kino va video mahsulotlariga ekspert bahosi berilishini amalga oshirish, respublika hududida kino va videofilmlar koʻrsatish va ulardan texnik jihatdan foydalanishning qoidalarini belgilash sohasida:

kino sanʼatining metodik qoʻllanmalarini ishlab chiqadi;

import va eksport qilinadigan kino va video mahsulotlarni ekspert baholash maqsadida ekspertlar guruhini shakllantiradi;

taniqli kinoijodkorlarni jalb qilgan holda “Mahorat maktablari”, turli seminarlar, treninglar tashkil qiladi;

yosh iqtidorli kinoijodkorlarning xorijiy yetuk kinokompaniyalarda malaka oshirishini tashkil qiladi;

yosh iqtidorli kinoijodkorlarni tanlov asosida xorijiy taʼlim muassasalarida taʼlim olishlari va amaliyot oʻtashlari uchun zarur sharoitlar yaratadi;

kinoijodkorlarning malakasini oshirish maqsadida xorijiy taʼlim muassasalari bilan belgilangan tartibda hamkorlik aloqalarini yoʻlga qoʻyadi;

kinoijodkorlarning taʼlim olishini moliyaviy qoʻllab-quvvatlaydi;

9) kino sohasida xalqaro hamkorlikni rivojlantirish, milliy kino mahsulotlarini jahon bozoriga olib chiqish, xorijiy kino ishlab chiqaruvchi tashkilot va kinoijodkorlar bilan aloqalarni kengaytirish, milliy kino sanʼatini xalqaro kinofestivallarda namoyish etish sohasida:

xorijiy kinokompaniyalar bilan hamkorlikda turli tadbirlar, festivallar, koʻrik-tanlovlar oʻtkazadi;

xorijiy kinokompaniyalar bilan hamkorlikda filmlarni suratga olish ishlarini tashkil qiladi, ular bilan toʻgʻridan-toʻgʻri shartnomalar tuzadi;

kino sohasida hamkorlikni rivojlantirish va milliy filmlarni nufuzli kinofestivallarga olib chiqish maqsadida xalqaro aloqalarni yoʻlga qoʻyadi;

xalqaro kinoanjumanlar va kinofestivallarni tashkil qiladi, shu kabi tadbirlarda faol ishtirok etadi, xorijiy kino ishlab chiqaruvchi tashkilotlar va kinoijodkorlar bilan muntazam aloqalar oʻrnatadi;

xorijda “Oʻzbek kinosi kunlari” tadbirlarini tashkil etadi, Oʻzbekistonda xorijiy mamlakatlarning milliy kino kunlarini oʻtkazadi;

milliy filmlarimizni yaratish jarayoniga xorijiy davlatlarning kino ijodkorlari, texnik xodimlarini toʻgʻridan toʻgʻri shartnoma tuzgan holda jalb qiladi.

12. Quyidagilar Agentlik markaziy apparatining asosiy vazifalari hisoblanadi:

1) Agentlikka yuklangan vazifalar va topshiriqlar Agentlik tizimiga kiruvchi tashkilotlar bilan birgalikda samarali bajarilishini taʼminlash;

2) Agentlik, uning tizimiga kiruvchi tashkilotlarning muhim muammolari va yoʻnalishlarini aniqlash hamda muammolarni bartaraf etish boʻyicha chora-tadbirlarni amalga oshirish;

3) Agentlik, uning tizimiga kiruvchi tashkilotlar samaradorligini oshirish, moddiy-texnik bazasini mustahkamlash, respublika va xalqaro miqyosdagi hamkorlik, faoliyat yoʻnalishlari boʻyicha normativ-huquqiy hujjatlar loyihalari oʻz muddatida sifatli tayyorlanishini tashkil etish va Vazirlar Mahkamasi, Oʻzbekiston Respublikasi Prezidenti Administratsiyasiga taqdim etish;

4) Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari ijrosini taʼminlash, Agentlik nizomiga amal qilinishini, Bosh direktor va Hayʼat qarorlari Agentlikning tizimiga kiruvchi tashkilotlar tomonidan bajarilishini taʼminlash;

5) xalqaro aloqalarni rivojlantirish bilan bogʻliq chora-tadbirlarni amalga oshirish.

13. Agentlikning markaziy apparati unga yuklangan asosiy masalalarni hal etish uchun quyidagi funksiyalarni amalga oshiradi:

1) Agentlik va uning rahbariyatini tashkiliy va axborot-tahlil jihatidan taʼminlaydi;

2) Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari ijrosini, Agentlik nizomiga amal qilinishini, Bosh direktor va Hayʼat qarorlari tizim tashkilot va muassasalar tomonidan bajarilishini taʼminlaydi va tizimli nazoratni amalga oshiradi;

3) Agentlik tomonidan Oʻzbekiston Respublikasi Vazirlar Mahkamasi, Oʻzbekiston Respublikasi Prezidenti Administratsiyasiga taqdim etiladigan loyihalarning ishlab chiqilishi hamda iqtisodiy, moliyaviy va huquqiy ekspertizadan oʻtkazilishini samarali tashkil etadi;

4) Agentlik tizimiga kiruvchi tashkilotlar faoliyatini muvofiqlashtiradi, nazorat qiladi va boshqaruvni amalga oshiradi;

5) Agentlikning vakolatlari doirasida tezkor bajarilishi lozim boʻlgan topshiriqlar, tashkiliy, kadrlar masalasi hamda moliyaviy, xoʻjalik va boshqa masalalar bilan bogʻliq muammolarni hal qiladi;

6) hududlarda yagona repertuar siyosatini amalga oshirish boʻyicha faoliyatni muvofiqlashtiradi va nazorat qiladi, shuningdek, aholiga kinovideo xizmati koʻrsatish qoidalariga rioya etilishini taʼminlaydi;

6) Xalqaro ijodiy aloqalarni mustahkamlash, Oʻzbekistonda va xorijda festivallar orqali milliy kino sanʼatimiz yutuqlarini dunyo jamoatchiligiga tanitish, festivallar, konferensiyalar, kino kunlari va boshqa anjumanlar oʻtkazishni tashkil etadi;

7) Agentlik tizimiga kiruvchi tashkilotlar va Oʻzbekiston kinoarboblari ijodiy uyushmasi bilan birgalikda isteʼdodli yoshlarning ijodiy imkoniyatlarini namoyon qilish, kino sohasi yoʻnalishida malakali mutaxassislar tayyorlash va ularni qoʻllab-quvvatlash bilan bogʻliq chora-tadbirlarni ishlab chiqadi va ular amalga oshirilishini nazorat qiladi;

8) Agentlik hayotidagi muhim sanalar, tadbirlar, milliy kino sanʼatidagi yangiliklar Agentlikning rasmiy veb-saytida hamda ommaviy axborot vositalarida yoritib borilishini taʼminlaydi;

9) Agentlikning ijodiy, ishlab chiqarish, oʻquv, targʻibot va tashviqot yoʻnalishlaridagi faoliyatini, turdosh vazirliklar, idoralar, ijodiy uyushmalar, tashkilotlar, fondlar bilan hamkorligini rivojlantirish bilan bogʻliq chora-tadbirlarni amalga oshiradi;

10) Agentlik tizimiga kiruvchi tashkilotlar faoliyatini muvofiqlashtiradi;

11) Agentlik va uning tizimiga kiruvchi tashkilotlarda zamonaviy axborot texnologiyalaridan, dasturiy mahsulotlardan va maʼlumotlarni qayta ishlovchi texnik vositalaridan, aloqa va maʼlumotlar uzatish vositalaridan foydalanishni axborot xavfsizligini taʼminlagan holda tashkil etadi;

12) Agentlikning tizimiga kiruvchi tashkilotlarda mehnat va ijro intizomini mustahkamlaydi va nazorat qiladi.

14. Quyidagilar hududiy boʻlinmalarining asosiy vazifalari hisoblanadi:

1) hududlarda kino sohasi yoʻnalishi boʻyicha davlat siyosatini yuritish;

2) milliy filmlar hududdagi aholiga namoyish qilinishini samarali tashkil etish;

3) tegishli litsenziya asosida faoliyat olib borayotgan kinematografiya sohasidagi tadbirkorlik subyektlari bilan oʻzaro hamkorlikni yoʻlga qoʻyish, ularning samarali faoliyat yuritishiga sharoit yaratib berish;

4) Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahri, tumanlar (shaharlar) hokimlari, prokuratura hududiy organlari, ichki ishlar va davlat soliq xizmati rahbarlari boshchilik qiladigan kompleks ijtimoiy-iqtisodiy rivojlantirish boʻyicha sektorlar (keyingi oʻrinlarda kompleks ijtimoiy-iqtisodiy rivojlantirish boʻyicha sektorlar deb ataladi) bilan hamkorlik qilish;

5) hududda kino namoyishi bilan bogʻliq aniqlangan muammolarni chuqur va har tomonlama tahlil etish, umumlashtirish va sohani rivojlantirish boʻyicha asoslantirilgan takliflar tayyorlash.

15. Agentlik oʻzining vazifalari va funksiyalarini amalga oshirish uchun quyidagi huquqlarga ega:

Agentlikka yuklangan vazifalar va funksiyalar bajarilishini taʼminlash bilan bogʻliq normativ-huquqiy va boshqa hujjatlar loyihalarini belgilangan tartibda Vazirlar Mahkamasiga hamda Oʻzbekiston Respublikasi Prezidenti Administratsiyasiga kiritish;

Agentlik vakolatiga kiruvchi masalalar boʻyicha normativ-huquqiy hujjatlarni ishlab chiqish va qabul qilish, zarurat tugʻilganda, boshqa vazirliklar va idoralar bilan qoʻshma qarorlar qabul qilish;

Agentlik tizimiga kiruvchi tashkilotlar faoliyatini boshqarish;

Agentlik vakolatiga kiradigan masalalarni hal etish uchun zarur boʻlgan axborotni davlat va xoʻjalik boshqaruvi organlaridan, mahalliy davlat hokimiyati organlaridan belgilangan tartibda soʻrash va olish;

Agentlik vakolatiga kiradigan masalalar boʻyicha zarur statistika axborotini davlat statistika organlaridan bepul asosda olish;

Agentlik tizimiga kiruvchi tashkilotlarning davlatga tegishli mol-mulkini oʻzining tashkiliy tuzilmasi doirasida bir boʻlimdan boshqa boʻlimga belgilangan tartibda berish;

Agentlik tizimiga kiruvchi tashkilotlar xodimlari tomonidan oʻz sohasida ular faoliyatining asosiy koʻrsatkichlari boʻyicha parametrlar bajarilishini hisobga olgan holda ularni moddiy ragʻbatlantirish tartibi, miqdorlari va shartlarini belgilash;

Agentlik vakolatlariga kiradigan masalalar boʻyicha takliflarni koʻrib chiqish uchun Vazirlar Mahkamasiga, davlat va xoʻjalik boshqaruvi organlariga, mahalliy davlat hokimiyati organlariga kiritish;

Agentlik vakolatlariga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

qonun hujjatlarida belgilangan tartibda tashqi iqtisodiy faoliyatni amalga oshirish;

Oʻzbekistonning yetuk kinoijodkorlari tomonidan yaratilgan milliy filmlarni saqlash hamda respublika hududida va xorijiy mamlakatlarda festivallar, kino kunlarini oʻtkazish;

xorij kinokompaniyalari tomonidan ishlab chiqarilgan filmlarni sotib olish va ularni Oʻzbekistonda namoyish qilinishini yoʻlga qoʻyish;

Agentlik tizimiga kiruvchi tashkilotlarning moddiy-texnik bazasini yaxshilash choralarini koʻrish;

qonun hujjatlarida belgilangan tartibda shartnomalar tuzish, xoʻjalik aloqalar oʻrnatish;

Agentlik tasarrufidagi mol-mulkka nisbatan qonun hujjatlarida belgilab qoʻyilgan doirada, oʻz faoliyatining maqsadlariga, mulkdorning topshiriqlariga hamda mol-mulkning vazifasiga muvofiq holda egalik qilish, undan foydalanish va uni tasarruf etish;

Oʻzbekistonda suratga olingan filmlar xorijiy davlatlarda namoyish qilinishini yoʻlga qoʻyishga koʻmaklashish;

Agentlik qonun hujjatlariga muvofiq boshqa huquqlarga ham ega boʻlishi mumkin.

16. Agentlik:

oʻziga yuklangan vazifalar va funksiyalar samarali bajarilishini taʼminlash uchun;

Vazirlik faoliyati bilan bogʻliq prognoz koʻrsatkichlarga soʻzsiz erishilishini taʼminlash uchun;

Vazirlar Mahkamasi va Oʻzbekiston Respublikasi Prezidenti Administratsiyasiga kiritilgan normativ-huquqiy hujjatlar loyihalari va boshqa hujjatlar hamda Agentlik tomonidan qabul qilingan qarorlarning sifati va ular amalga oshirilishga doir yakuniy natijalar uchun;

Agentlik tizimiga kiruvchi tashkilotlarning ijtimoiy-iqtisodiy taraqqiyoti, ulardagi muammolarni hal qilish boʻyicha dasturlar, chora-tadbirlarni amalga oshirish uchun javob beradi.

17. Agentlik markaziy apparati oʻzining vazifalari va funksiyalarini bajarish uchun quyidagi huquqlarga ega:

Agentlikning hududiy boʻlinmalari va uning tizimidagi tashkilotlardan Agentlik markaziy apparatida koʻrib chiqiladigan masalalarni tahlil qilish va ishlab chiqish uchun zarur boʻlgan materiallar va maʼlumotlarni, normativ-huquqiy hujjatlar loyihasini soʻrab olish;

Agentlik hududiy boʻlinmalari va uning tizimidagi tashkilotlar rahbarlari va vakillarini Agentlik koʻrib chiqayotgan masalalar yuzasidan axborot va tahliliy materiallar, shuningdek, normativ-huquqiy hujjatlar loyiha tayyorlash uchun belgilangan tartibda jalb qilish, ushbu maqsadlarda ekspert va ishchi guruhlar tuzish;

Agentlikning hududiy boʻlinmalari va uning tizimidagi tashkilotlar tomonidan taqdim etilgan normativ-huquqiy va boshqa hujjatlar loyihalarini qayta ishlashni talab etish, zarur hollarda ularni qayta ishlash uchun qaytarish;

Agentlikning hududiy boʻlinmalari va uning tizimidagi tashkilotlar rahbarlari hamda vakillari ishtirokida yigʻilishlar oʻtkazish;

Agentlikning hududiy boʻlinmalari va uning tizimidagi tashkilotlar rahbarlariga Agentlikka yuklangan vazifalar va funksiyalar bajarishga aloqador va tezkor hal etilishi lozim boʻlgan masalalar boʻyicha belgilangan tartibda topshiriqlar berish;

qonunlar va boshqa normativ-huquqiy hujjatlar, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriqlari, Agentlik rahbariyati topshiriqlari Agentlikning hududiy boʻlinmalari va unga tegishli tashkilotlar tomonidan bajarilishini belgilangan tartibda oʻrganish va tekshirish.

Agentlik markaziy apparati qonun hujjatlarida nazarda tutilgan boshqa huquqlarga ham ega boʻlishi mumkin.

18. Agentlik markaziy apparati:

Agentlikning hududiy boʻlinmalari va uning tasarrufidagi tashkilotlar bilan hamkorlikda Agentlikka yuklangan vazifalar va funksiyalar oʻz vaqtida hamda sifatli bajarilishini taʼminlash;

Agentlik faoliyati bilan bogʻliq boʻlgan prognoz koʻrsatkichlarning bajarilishini taʼminlash boʻyicha Agentlikning markaziy apparati boʻlimlari ishini tashkil etish;

Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Administratsiyasiga Agentlik tomonidan koʻrib chiqish uchun taqdim etiladigan normativ-huquqiy va boshqa hujjatlar loyihalarini, shuningdek, Agentlik tomonidan qabul qilinadigan qarorlarni sifatli tayyorlash;

kino sohasining rivojlanishi boʻyicha chora-tadbirlar dasturi, rejasi, “yoʻl xaritasi” va boshqa dasturiy hujjatlarning tarkibiy va hududiy boʻlinmalar tomonidan samarali bajarilishi, shuningdek, tegishli kino sohasini ijtimoiy-iqtisodiy rivojlantirishni hamda hududlardagi muammoli masalalar samarali hal etilishini tashkil qilish;

fuqarolar va tadbirkorlik subyektlarining huquqlari va qonuniy manfaatlari himoya qilinishini taʼminlash uchun javob beradi.

19. Agentlikning Qoraqalpogʻiston Respublikasi, viloyatlar va Toshkent shahridagi boʻlimlari oʻz vazifalari va funksiyalarini bajarish uchun quyidagi huquqlarga ega:

1) davlat va boshqaruv organlarining joylardagi hududiy boʻlinmalaridan, mahalliy davlat hokimiyati organlaridan oʻzining vakolatiga kiruvchi masalalarni hal etish uchun zarur boʻlgan maʼlumotlarni belgilangan tartibda soʻrab olish;

2) davlat va boshqaruv organlarining joylardagi hududiy boʻlinmalariga, mahalliy davlat hokimiyati organlariga Agentlik vakolatiga kiruvchi masalalar boʻyicha takliflarni koʻrib chiqish uchun kiritish.

3) Agentlik vakolatiga kiruvchi kinematografiya sohasidagi muhim masalalarni oʻrganish va hal etish boʻyicha hududiy miqyosdagi idoralararo komissiya va kengashlarni tuzish;

4) kinematografiya sohasiga doir qonun hujjatlarini takomillashtirish boʻyicha Agentlikka takliflar kiritish;

5) audiovizual asarlarni tayyorlash, dublyaj qilish va ekranda namoyish etish faoliyat turlari bilan shugʻullanuvchi litsenziatlar tomonidan litsenziya talablari va shartlariga rioya qilinishini qonun hujjatlarida belgilangan tartibda nazorat qilish;

6) hududlarda xorijiy kinokompaniyalar tomonidan filmlarni kino va videotasvirga olish ishlariga koʻmaklashish.

20. Hududiy boʻlinmalar:

Agentlikka yuklangan vazifalarni tegishli hududda sifatli va oʻz vaqtida bajarilishini taʼminlash;

Agentlikning hududiy boʻlinmalari faoliyati bilan bogʻliq boʻlgan prognoz koʻrsatkichlarini taʼminlash;

Agentlikka taqdim etilgan hujjatlar va takliflar loyihasini, shuningdek, Agentlikning hududiy boʻlinmalari tomonidan qabul qilinadigan qarorlarni amalga oshirishning sifati va yakuniy natijalarini koʻrib chiqish;

hududda aniqlangan muammolarni chuqur va har tomonlama tahlil etish, umumlashtirgan holda Qoraqalpogʻiston Respublikasi, viloyatlar va Toshkent shahrida kino sohasini rivojlantirish boʻyicha takliflar tayyorlash;

Qoraqalpogʻiston Respublikasi, viloyatlar va Toshkent shahrida kino sohaning rivojlanishi boʻyicha chora-tadbirlar dasturi, rejasi, “yoʻl xaritasi” va boshqa dasturiy hujjatlarni samarali amalga oshirish, muammoli masalalarni hal etish;

fuqarolar va tadbirkorlik subyektlarining huquqlari va qonuniy manfaatlari himoya qilinishini taʼminlash uchun javob beradi.

21. Quyidagilar Agentlik bosh direktorining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

2) Agentlik faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari, Oʻzbekiston Respublikasi Vazirlar Mahkamasining qarorlari va boshqa qonun hujjatlari bilan mazkur organga yuklatilgan vazifalar va funksiyalarning bajarilishini taʼminlash;

3) Oʻzbekiston Respublikasi Prezidentining hujjatlari, Oʻzbekiston Respublikasi Vazirlar Mahkamasining qarorlari bilan tasdiqlangan Agentlik faoliyatini takomillashtirish konsepsiyasi, kompleks chora-tadbirlar dasturlarining ijro etilishini tanqidiy va chuqur tahlil qilib borish;

4) Agentlik va uning tarkibiy hamda hududiy boʻlinmalari faoliyatiga aloqador prognoz koʻrsatkichlarining taʼminlanishi boʻyicha amaliy choralar ishlab chiqish va qabul qilish;

5) Oʻzbekiston Respublikasi Prezidenti Administratsiyasi tarkibiy boʻlinmalari va Oʻzbekiston Respublikasi Vazirlar Mahkamasi, shuningdek, vazirliklar va idoralar bilan Agentlik faoliyati sohasiga tegishli masalalarda hamkorlik qilish, Oʻzbekiston Respublikasi Vazirlar Mahkamasi majlislari va uning Rayosatida tegishli masalalarning koʻrib chiqilishida ishtirok etish;

6) Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari topshiriqlarini bajarish;

7) Agentlik Bosh direktori oʻrinbosarlarining vakolatlarini belgilash, ularning oʻrtasida majburiyatlarni taqsimlash, Agentlikning boshqa mansabdor shaxslari vakolatini belgilash, Bosh direktor oʻrinbosarlarining va Agentlik faoliyatining ayrim sohalarini boshqaruvchi mansabdor shaxslarning shaxsiy javobgarligi darajasini belgilash;

8) Agentlik faoliyatini rejalashtirish, Agentlik bosh direktorining oʻrinbosarlari uchun har chorak rejasini tasdiqlash, ularning amalga oshirilishi ustidan nazorat oʻrnatish;

9) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari hamda topshiriqlarini bajarish va monitoringini olib borish boʻyicha amaliy tizimni yaratish, Agentlikda ijro intizomini mustahkamlash boʻyicha amaliy kompleks choralar koʻrish, shuningdek, tarkibiy va hududiy boʻlinmalar, Agentlik tasarrufidagi tashkilotlar rahbarlarining Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qarori bilan belgilangan vazifalarni sifatli bajarish boʻyicha shaxsiy javobgarligini oshirish choralarini koʻrish;

10) Agentlik xodimlarini tizimli ravishda qayta tayyorlash va malakasini oshirishni tashkil etish;

11) Agentlikka kadrlarni tanlab olish va tayinlash, ularning samarali faoliyati uchun zarur sharoitlarni yaratish, Agentlikning kadrlar zaxirasini shakllantirish;

12) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasi nomenklaturasiga kiruvchi boʻsh ish oʻrinlariga, shuningdek, Agentlikka ishga qabul qilinuvchi boshqa kadrlarning professionalligi, chuqur bilimga va amaliy tajribaga, yuqori darajadagi ishchanlik, ruhiy-maʼnaviy fazilatlarga ega boʻlishini taʼminlash;

13) kino sohasiga doir normativ-huquqiy hujjatlar loyihalarini sifatli ishlab chiqarishni tashkil etish, ularni “Normativ-huquqiy hujjatlar toʻgʻrisida”gi Oʻzbekiston Respublikasi Qonuni, Oʻzbekiston Respublikasi Vazirlar Mahkamasining Reglamenti, Oʻzbekiston Respublikasi Prezidenti Administratsiyasining Reglamentiga qatʼiy amal qilgan holda oʻz vaqtida Oʻzbekiston Respublikasi Vazirlar Mahkamasiga kiritish, ularni ishlab chiqishda Vazirlar Mahkamasining Apparatida ishtirok etish, Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Administratsiyasida koʻrib chiqilishida loyihani himoya qilish;

14) Agentlikning qonun loyihalarini ishlab chiqishdagi faoliyatini “Normativ-huquqiy hujjatlar toʻgʻrisida”gi Oʻzbekiston Respublikasi Qonuni, Vazirlar Mahkamasining Reglamenti hamda Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq tashkil etish;

15) Agentlikka taqdim etilgan normativ-huquqiy hujjatlar loyihalari va takliflar toʻliq va atroflicha koʻrib chiqilishini taʼminlash, ularni huquqiy, moliyaviy, iqtisodiy va boshqa jihatdan sinchkovlik bilan oʻrganish, shuningdek, belgilangan muddatda Oʻzbekiston Respublikasi Vazirlar Mahkamasining Reglamenti, Oʻzbekiston Respublikasi Prezidenti Administratsiyasi Reglamentiga muvofiq kelishish (viza qoʻyish);

16) Agentlik rahbariyati va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son qarori va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qaroriga muvofiq tashkil etish va amalga oshirish, xizmat safarlarining asosliligi, samaradorligi va natijaviyligini, xizmat safari sarf-xarajatlariga ajratilayotgan mablagʻning maqsadli va oqilona ishlatilishini taʼminlash;

17) Bosh direktor oʻrinbosarlari va tarkibiy hamda hududiy boʻlinmalar rahbarlari faoliyatining samaradorligi va natijadorligini tizimli ravishda tanqidiy tahlil qilish, ularning shaxsiy hisobotlarini Agentlikning yigʻilishlarida eshitish, natijalar boʻyicha tegishli qarorlar qabul qilish;

18) Agentlik xodimlarining ragʻbatlantirilishi va ularni intizomiy javobgarlikka tortish masalalarini hal etish, Bosh direktor oʻrinbosarlarini ragʻbatlantirish va intizomiy javobgarlikka tortish boʻyicha takliflar kiritish, jumladan, ularning egallab turgan lavozimida qolishining maqsadga muvofiqligi masalasini koʻrib chiqish, ularning shaxsiy javobgarligini oshirish boʻyicha tizimli choralar koʻrish;

19) “Oʻzbekkino” Milliy agentligi xodimlarining odob-axloq qoidalariga rioya etishlarini taʼminlash;

20) Oʻzbekiston Respublikasining “Korrupsiyaga qarshi kurashish toʻgʻrisida”gi Qonuniga muvofiq Agentlik tizimida korrupsiya va boshqa huquqbuzarlik holatlarini oldini olish choralarini koʻrish, shuningdek, qonunchilik amaliyotini takomillashtirish boʻyicha choralar ishlab chiqish va amalga oshirish yoʻli bilan korrupsiyani aniqlash, tahlil qilish, uning sabablari va sharoitlarini bartaraf etish;

21) Agentlik va uning tarkibiy hamda hududiy boʻlinmalari faoliyatini tashkil etishning zamonaviy shakllarini joriy etish;

22) “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya vositalaridan foydalanish;

23) jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy va yuridik shaxslar vakillarining shaxsiy, shuningdek, sayyor qabullarini tashkil qilishni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatda va tartibda amalga oshirish;

24) Oʻzbekiston Respublikasi Prezidentining Xalq qabulxonalari bilan samarali hamkorlikni tashkil etish, Oʻzbekiston Respublikasi Prezidentining Virtual qabulxonasiga jismoniy va yuridik shaxslardan tushgan murojaatlar oʻz vaqtida hamda atroflicha oʻrganib chiqilishida Agentlik xodimlari va rahbariyatining faol qatnashishini taʼminlash;

25) Agentlikka taqdim etilgan normativ-huquqiy hujjatlar loyihalari va takliflar toʻliq hamda atroflicha koʻrib chiqilishini taʼminlash, ular moliyaviy, iqtisodiy, huquqiy va boshqa turdagi ekspertizadan oʻtkazilishini taʼminlash;

26) davlat sirlariga aloqador, shuningdek, boshqa maxfiy axborotlar bilan ishlaganda qonunchilik talablariga rioya etish.

22. Agentlik bosh direktori oʻrinbosarlarining asosiy funksional majburiyatlari quyidagilardan iborat:

1) Oʻzbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

2) tegishli buyruq asosida Agentlik bosh direktorining vaqtincha yoʻqligida uning vazifalarini bajarish;

3) mutasaddiligidagi Agentlik tarkibiy boʻlinmalari faoliyatini muvofiqlashtirish, nazorat qilish va bevosita boshqarish, xodimlar oʻrtasida majburiyatlarni taqsimlash;

4) Oʻzbekiston Respublikasi Prezidenti hujjatlari, Vazirlar Mahkamasining qarori bilan tasdiqlangan Agentlik faoliyatini yanada takomillashtirish konsepsiyasi, kompleks dasturlar va chora-tadbirlarni oʻzi nazorat qilayotgan yoʻnalish boʻyicha tanqidiy va chuqur tahlil qilish;

5) mutasaddiligidagi yoʻnalishda prognoz koʻrsatkichlarini mutlaq taʼminlash boʻyicha choralar koʻrish, boʻlimlar rahbarlarining hisobotlarini eshitish va belgilangan koʻrsatkichlarga erishish boʻyicha ularning shaxsiy javobgarligini oshirish;

6) mutasaddiligidagi tarkibiy boʻlinmalar rahbarlarining har chorak uchun rejasini tasdiqlash, rejaning amalga oshirilishi ustidan nazorat oʻrnatish;

7) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari hamda topshiriqlarini bajarish va monitoringini olib borish boʻyicha mutasaddilik qiladigan tarkibiy-amaliy tizimni yaratish, Agentlikda ijro intizomini mustahkamlash boʻyicha amaliy kompleks choralar koʻrish, shuningdek, tarkibiy va hududiy boʻlinmalar, Agentlik tasarrufidagi tashkilotlar rahbarlarining Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qarori bilan belgilangan vazifalar sifatli bajarishi boʻyicha shaxsiy javobgarligini oshirish choralarini koʻrish;

8) Agentlik hayʼati qarorlari, Agentlik bosh direktorining buyruq va topshiriqlari oʻz vaqtida va sifatli amalga oshirilishini taʼminlash;

9) mutasaddiligidagi tarkibiy boʻlinmalarga kadrlarni tanlash, joy-joyiga qoʻyish va kadrlar zaxirasini shakllantirish boʻyicha Agentlik bosh direktoriga takliflar kiritish;

10) mutasaddiligidagi tarkibiy boʻlinmalarga doir normativ-huquqiy hujjatlar loyihalari sifatli ishlab chiqishni tashkil etish, ularni Vazirlar Mahkamasiga “Normativ-huquqiy hujjatlar toʻgʻrisida”gi Oʻzbekiston Respublikasi Qonuni, Vazirlar Mahkamasining Reglamenti, Oʻzbekiston Respublikasi Prezidenti Administratsiyasining Reglamentiga qatʼiy amal qilgan holda oʻz vaqtida Agentlik bosh direktori tomonidan Oʻzbekiston Respublikasi Vazirlar Mahkamasiga kiritishga tayyorlash, shuningdek, Bosh direktor topshirigʻiga binoan loyihani ishlab chiqishda Vazirlar Mahkamasining Apparatida ishtirok etish;

11) Agentlikka taqdim etilgan normativ-huquqiy hujjatlar loyihalari va takliflar toʻliq hamda atroflicha koʻrib chiqilishini taʼminlash, ular moliyaviy, iqtisodiy, huquqiy va boshqa turdagi ekspertizadan oʻtkazilishini taʼminlash;

12) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida”gi PQ-2142-son qarori va 2017-yil 3-avgustdagi “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida”gi PQ-3170-son qaroriga muvofiq amalga oshirish, xizmat safarining asosliligi, samaradorligi va natijadorligini, xizmat safari sarf-xarajatlariga ajratilayotgan mablagʻning maqsadli va oqilona ishlatilishini taʼminlash;

13) mutasaddiligidagi tarkibiy boʻlimlar masʼul xodimlari faoliyatining samaradorligi va natijadorligini tizimli tanqidiy tahlil qilish, ularning shaxsiy hisobotlarini Agentlikning yigʻilishlarida eshitish, natijalar boʻyicha tegishli qarorlar qabul qilish;

14) Agentlikning faoliyati sohasini takomillashtirish boʻyicha amaliy choralar koʻrish, qonunchilikni takomillashtirish boʻyicha takliflar ishlab chiqish va ularni Agentlik bosh direktoriga kiritish;

15) mutasaddiligidagi tarkibiy boʻlimlar xodimlarining ragʻbatlantirilishi va ularga intizomiy jazo berish masalalari, shuningdek, ularning egallab turgan lavozimida qolishining maqsadga muvofiqligi masalasini koʻrib chiqish, ularning funksional vazifalarini bajarishdagi shaxsiy javobgarligini oshirish choralarini koʻrish boʻyicha Agentlik bosh direktoriga takliflar kiritish;

16) “Oʻzbekkino” Milliy agentligi xodimlarining odob-axloq qoidalariga rioya etish;

17) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuniga muvofiq Agentlik tizimida korrupsiya va boshqa qonunbuzarlik holatlarining oldini olish choralarini koʻrish, shuningdek, qonunchilikka boʻysunish amaliyotini takomillashtirish boʻyicha choralar ishlab chiqish va amalga oshirish yoʻli bilan korrupsiyani aniqlash, tahlil qilish, sabablari va sharoitlarini bartaraf etish;

18) davlat xizmatlarini koʻrsatish samaradorligi, sifatini oshirish, ochiqligini taʼminlash boʻyicha Agentlik bosh direktoriga takliflar kiritish;

19) jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy va yuridik shaxslar vakillarini shaxsan qabul qilish, shuningdek, sayyor qabullarni tashkil etishni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatda va tartibda amalga oshirish;

20) Oʻzbekiston Respublikasi Prezidentining Xalq qabulxonalari bilan samarali hamkorlikni tashkil etish, Oʻzbekiston Respublikasi Prezidentining Virtual qabulxonasiga jismoniy va yuridik shaxslardan tushgan murojaatlar oʻz vaqtida hamda atroflicha oʻrganib chiqilishida faol ishtirok etish;

21) davlat sirlariga aloqador, shuningdek, boshqa maxfiy axborotlar bilan ishlashda qonunchilik talablariga rioya etish.

23. Agentlik markaziy apparati tarkibiy boʻlinmalari rahbarlarining asosiy funksional vazifalari quyidagilardan iborat:

1) Oʻzbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

2) tarkibiy boʻlimlarga bevosita rahbarlik qilish, mazkur boʻlimlarga yuklangan vazifa va funksiyalarni bajarish;

3) oʻzining vakolati doirasida Agentlikning hududiy boʻlinmalari va uning tasarrufidagi tashkilotlarni nazorat qilish;

4) belgilangan prognoz koʻrsatkichlarining taʼminlanishini tizimli tahlil qilish va belgilangan koʻrsatkichlarni tarkibiy va hududiy boʻlinmalar tomonidan mutlaq taʼminlanishi uchun qoʻshimcha choralar koʻrish boʻyicha Agentlik rahbariyatiga taklif kiritish;

5) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari hamda topshiriqlarini bajarish va monitoringini olib borish boʻyicha amaliy tizimni yaratish, boʻlinmalardagi ijro intizomini mustahkamlash boʻyicha amaliy kompleks choralar koʻrish, shuningdek, tarkibiy va hududiy boʻlinmalar, Agentlik tasarrufidagi tashkilotlar rahbarlarining Oʻzbekiston Respublikasi Prezidentining “Hujjatlarning va topshiriqlarning samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajadagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qarori bilan belgilangan vazifalarni sifatli bajarishi boʻyicha shaxsiy javobgarligini oshirish choralarini koʻrish;

6) Agentlikning yigʻilishlari qarorlari, Agentlik bosh direktori va uning oʻrinbosarining buyruq va topshiriqlari oʻz vaqtida va sifatli amalga oshirilishini taʼminlash;

7) tarkibiy boʻlimlar uchun har choraklik rejalarini ishlab chiqish, tasdiqlash uchun kiritish, unda belgilangan maqsad va vazifalar oʻz vaqtida bajarilishini taʼminlash;

8) tarkibiy boʻlimlarga yuklatilgan vazifalar nazoratini amalga oshirish, Agentlikning hududiy boʻlinmalari va uning tasarrufidagi tashkilotlarga amaliy va metodik yordam koʻrsatish;

9) Agentlik tarkibiy boʻlimlarining faoliyatiga doir qonun hujjatlarini takomillashtirish boʻyicha takliflar ishlab chiqish;

10) Agentlik tizimiga kiruvchi tashkilotlar boʻyicha kadrlarni tanlash va joy-joyiga qoʻyish boʻyicha takliflarni kiritish, ularning yuqori darajadagi axloqiy fazilatlarini kafolatli taʼminlash, kasb malakasini oshirish, rahbarlik qilinadigan tarkibiy boʻlimlarda kadrlar zaxirasini shakllantirishda ishtirok etish;

11) faoliyat sohasiga doir normativ-huquqiy hujjatlar loyihalari sifatli ishlab chiqishni tashkil etish, tarkibiy boʻlimlarda ishlab chiqilgan hujjatlarni Agentlik bosh direktoriga “Normativ-huquqiy hujjatlar toʻgʻrisida”gi Oʻzbekiston Respublikasi Qonuni, Vazirlar Mahkamasining Reglamenti, Oʻzbekiston Respublikasi Prezidenti Administratsiyasi Reglamentiga qatʼiy amal qilgan holda kiritilishini taʼminlash;

12) Agentlikka taqdim etilgan normativ-huquqiy hujjatlar loyihalari va takliflarni toʻliq va har tomonlama koʻrib chiqish, ularni moliyaviy, iqtisodiy, huquqiy va boshqa turdagi ekspertizadan oʻtkazish.

24. Hududiy boʻlinmalar rahbarlarining asosiy funksional vazifalari quyidagilardan iborat:

1) Oʻzbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

2) Agentlikning hududiy boʻlinmalari faoliyatiga umumiy rahbarlik qilish, Oʻzbekiston Respublikasi Prezidentining farmonlari va qarorlari, Oʻzbekiston Respublikasi Vazirlar Mahkamasining qarorlari va boshqa qonun hujjatlari, shuningdek, Agentlik hujjatlarida hududiy boʻlinmaga yuklangan vazifalar va funksiyalar bajarilishini tashkil etish;

3) hududiy boʻlinmalar faoliyatiga aloqador prognoz koʻrsatkichlarining soʻzsiz taʼminlanishi boʻyicha amaliy choralarni ishlab chiqish va qabul qilish;

4) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari va topshiriqlari ijrosini bajarish, ijro intizomini mustahkamlash boʻyicha amaliy kompleks choralar koʻrish, shuningdek, hududiy boʻlinmalar xodimlarining Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qarori bilan belgilangan vazifalarni sifatli bajarishi boʻyicha shaxsiy javobgarligini oshirish choralarini koʻrish;

5) Agentlikning hayʼat yigʻilishlari qarorlari, Agentlik bosh direktori va uning oʻrinbosarining buyruq va topshiriqlari oʻz vaqtida va sifatli amalga oshirilishini taʼminlash;

6) Agentlik faoliyati doirasiga kiruvchi masalalar boʻyicha mahalliy davlat hokimiyati organlari va ijtimoiy-iqtisodiy kompleks rivojlantirish sektorlari bilan hamkorlik qilish;

7) hududiy boʻlinmalar faoliyatini rejalashtirishni tashkil qilish, har chorak ish rejalarini tasdiqlash hamda ularning bajarilishi ustidan nazorat oʻrnatish;

8) hududiy boʻlinmalarga xodimlarni tanlash va joy-joyiga qoʻyish, hududiy boʻlinmalarda kadrlar zaxirasini shakllantirish, ularning samarali faoliyati uchun zarur shart-sharoitlarni yaratish;

9) Agentlik rahbariyati nomenklaturasiga kiruvchi, shuningdek, hududiy boʻlinmalar tomonidan ishga qabul qilinadigan boshqa lavozimlarga tavsiya etiladigan xodimlarning professionalligi, vakolatliligi, amaliy tajribaga egaligi, ishbilarmonlik va axloqiy-maʼnaviy sifatlarining yuqorililigi kafolatini taʼminlash;

10) hududiy boʻlinmalar xodimlarini intizomiy javobgarlikka tortish va ragʻbatlantirish masalalarini hal qilish, shu jumladan, ularning egallab turgan lavozimida qolishi masalalarini koʻrib chiqish, shaxsiy javobgarligini oshirish boʻyicha tizimli chora-tadbirlarni amalga oshirish;

11) Agentlik xodimlarining odob-axloq qoidalari talablariga rioya qilinishini taʼminlash;

12) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuniga muvofiq Agentlik tizimida vujudga kelishi mumkin boʻlgan poraxoʻrlik va boshqa qonunbuzarliklarning oldini olish boʻyicha tegishli chora tadbirlarni qoʻllash, shu bilan birga, ularning sodir boʻlishiga zamin yaratuvchi sabablarni oʻrganish va ularga barham berish boʻyicha zaruriy ishlarni amal oshirish;

13) prognozdagi rejalar koʻrsatkichlarining qay darajada amalga oshirilayotganligini tizimli ravishda tahlil qilish va qoʻyilgan vazifalarning hududiy boʻlinmalar tomonidan toʻlaqonli bajarilishini taʼminlashga qaratilgan qoʻshimcha chora tadbirlarni tatbiq etish boʻyicha Agentlik bosh direktori oʻrinbosarlariga takliflar kiritish;

14) hududiy boʻlinmalar xodimlari faoliyati samaradorligini tizimli ravishda tanqidiy tahlil qilish, majlislarda ularning shaxsiy hisobotlarini doimiy tarzda eshitib borish hamda yakunlar boʻyicha tegishli tadbirlarni amalga oshirish;

15) hududiy boʻlinmalar faoliyatiga oid masalalar boʻyicha qonun hujjatlarini takomillashtirish toʻgʻrisida, shuningdek, davlat xizmatlari koʻrsatilishi sifatini yaxshilashga qaratilgan takliflarni ishlab chiqish va ularni Agentlik rahbariyatiga koʻrib chiqish uchun kiritish;

16) jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy va yuridik shaxslar vakillarini shaxsan qabul qilish, shuningdek, sayyor qabullarini tashkil etishni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatda va tartibda amalga oshirish;

17) Oʻzbekiston Respublikasi Prezidentining Xalq qabulxonalari bilan samarali hamkorlikni tashkil etish, Oʻzbekiston Respublikasi Prezidentining Virtual qabulxonasiga jismoniy va yuridik shaxslardan tushgan murojaatlar oʻz vaqtida hamda atroflicha oʻrganib chiqilishida faol ishtirok etish;

18) hududiy boʻlinmalar xodimlariga mukofot puli, oylik maoshiga qoʻshimcha ustama haq qoʻshib berish, moddiy yordam koʻrsatish orqali ragʻbatlantirish hamda Agentlik rahbariyatiga xodimlarni davlat mukofotlari bilan taqdirlash boʻyicha takliflar kiritish;

19) davlat siri yoki qonun bilan qoʻriqlanadigan boshqa sirlardan iborat maʼlumotlarning himoya etilishini taʼminlash.

25. Agentlik bosh direktori:

1) Agentlikka yuklangan vazifalar va funksiyalarning bajarilishi;

2) ushbu Nizomning 15-bandida nazarda tutilgan Agentlikning javobgarlik sohalari boʻyicha;

3) ushbu Nizomning 20-bandida nazarda tutilgan oʻzining funksional vazifalarini sifatli amalga oshirish uchun shaxsan masʼul hisoblanadi.

26. Agentlik bosh direktori oʻrinbosarlari:

1) mutasaddiligidagi tarkibiy boʻlinmalarga Agentlik tomonidan yuklatilgan vazifalarning bajarilishi;

2) oʻziga taalluqli masalalar boʻyicha ushbu Nizomning 15-bandida nazarda tutilgan Agentlikning sohalari boʻyicha javobgarlik;

3) ushbu Nizomning 21-bandida nazarda tutilgan funksional vazifalarining sifatli bajarilishi uchun shaxsan masʼul hisoblanadi.

27. Agentlik markaziy apparatining tarkibiy boʻlimlari rahbarlari:

1) tegishli tarkibiy boʻlimlarga yuklangan vazifalar va funksiyalarni amalga oshirish;

2) ushbu Nizomning 17-bandida nazarda tutilgan Agentlik markaziy apparati javobgarlik sohalari boʻyicha majburiyatlar;

3) mazkur Nizomning 22-bandida nazarda tutilgan funksional vazifalarning sifatli bajarilishi uchun shaxsan masʼul hisoblanadi.

28. Agentlikning hududiy boʻlinmalari rahbarlari:

1) hududiy boʻlinmalarga yuklangan vazifalar va funksiyalarning bajarilishi;

2) ushbu Nizomning 19-bandida nazarda tutilgan Agentlikning hududiy boʻlinmalari javobgarlik sohalari boʻyicha majburiyatlarning sifatli bajarilishi;

3) ushbu Nizomning 23-bandida nazarda tutilgan funksional vazifalarning sifatli bajarilishi uchun shaxsan masʼul hisoblanadi.

29. Agentlikni Oʻzbekiston Respublikasi Vazirlar Mahkamasi tomonidan belgilangan tartibda lavozimga tayinlanadigan va lavozimidan ozod etiladigan Bosh direktor boshqaradi.

30. Bosh direktorning ikki nafar oʻrinbosari, shu jumladan, bir nafar birinchi oʻrinbosari belgilangan tartibda lavozimga tayinlanadi va lavozimdan ozod qilinadi.

31. Bosh direktor oʻz maqomiga, maishiy taʼminoti, tibbiy va transport xizmatidan foydalanish shart-sharoitlariga koʻra — vazirga, bosh direktorning birinchi oʻrinbosari va oʻrinbosari — tegishli ravishda vazirning birinchi oʻrinbosari va oʻrinbosariga tenglashtiriladi.

31. Agentlik bosh direktori boʻlmagan vaqtda uning vakolatlari oʻrinbosarlari oʻrtasida taqsimlanadigan majburiyatlarga muvofiq amalga oshiriladi.

32. Agentlikning tarkibiy va hududiy boʻlinmalari rahbarlari Bosh direktor tomonidan belgilangan tartibda lavozimga tayinlanadi va lavozimidan ozod etiladi.

33. Agentlik markaziy apparati tarkibiy va hududiy boʻlinmalar bilan oʻzaro hamkorligini taʼminlash tarkibiy boʻlinmalar rahbarlari tomonidan amalga oshiriladi.

34. Agentlik markaziy apparati tarkibiy va hududiy boʻlinmalar bilan oʻzaro hamkorlik qilishi jarayonida:

1) hududiy boʻlinmalar va Agentlik tizimidagi boshqa tashkilotlarga topshiriqlarni yetkazib, ularning ijrosini nazorat qiladilar;

2) hududiy boʻlinmalar va Agentlik tizimidagi boshqa tashkilotlarga ular faoliyatiga oid soʻrovlarni yoʻnaltiradi va ularning ijrosini nazorat qiladi;

3) tekshirishlar olib borish barobarida hududiy boʻlinmalar va Agentlik tizimidagi boshqa tashkilotlar faoliyati tajribasini umumlashtirib, sohani takomillashtirish chora-tadbirlarini ishlab chiqadi;

4) hududiy boʻlinmalar va Agentlik nazorati ostidagi tarkibiy boʻlimlar faoliyati natijalari boʻyicha statistik maʼlumotlar, axborot va hisobot materiallarini oʻrganish ishlarini tashkil etadi;

5) hududiy boʻlinmalar va Agentlik nazorati ostidagi tarkibiy boʻlimlardan tushgan takliflarni koʻrib chiqadi;

6) hududiy boʻlinmalar va Agentlik ish rejalarini tahlil qiladi hamda ular faoliyatini rejalashtirishni yanada takomillashtirish boʻyicha Agentlik nazorati ostidagi tarkibiy boʻlimlarning normativ-huquqiy hujjatlarni tayyorlash jarayonida qatnashishini taʼminlaydi.

35. Hududiy boʻlinmalar Agentlik markaziy apparati tarkibiy boʻlinmalari bilan oʻzaro hamkorlik qilishi jarayonida oʻz navbatida:

1) Agentlik rahbariyatiga u tomonidan berilgan topshiriqlarning bajarilganligi haqida hisobot beradi;

2) belgilangan ish faoliyati doirasidagi qonunchilikning amalga oshirilishi natijalari toʻgʻrisida markaziy apparatga maʼlumot berib boradi;

3) tekshirish va oʻrganishlar natijasida aniqlangan kamchiliklar va qoidabuzarliklarga barham berish boʻyicha markaziy apparatga axborot berib boradi;

4) oʻz ishlari natijalari haqida Agentlikning markaziy apparatiga belgilangan muddat va tartibda hisobot beradi;

5) Agentlikning markaziy apparati rahbariyatiga hududni ijtimoiy-iqtisodiy rivojlantirish bilan bogʻliq muammolar, shu jumladan, aholini qiynayotgan masalalar yechimiga yoʻnaltirilgan takliflar kiritadi;

6) vakolatli davlat tashkilotlari tomonidan oʻtkazilgan tekshirishlar natijalari haqida maʼlumot beradi.

36. Agentlik markaziy apparatining tizim tashkilotlari oʻrtasidagi oʻzaro munosabatlari jarayonida yuzaga keladigan kelishmovchiliklar Bosh direktorning topshirigʻiga asosan uning oʻrinbosari tomonidan koʻrib chiqiladi. Kelishmovchiliklar hal boʻlmagan taqdirda, ushbu masala boʻyicha tegishli qaror bevosita Bosh direktor tomonidan qabul qilinadi.

37. Agentlik oʻz faoliyati davomida davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlikda ish olib boradi.

Agentlik hududiy boʻlinmalari oʻzining vakolati doirasida davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning hududiy boʻlinmalari bilan oʻzaro hamkorlikda ish olib boradi.

38. Agentlik hududiy boʻlinmalari ijtimoiy-iqtisodiy kompleks rivojlantirish sektorlari bilan hamkorlikda tegishli hududlarni rivojlantirishga yoʻnaltirilgan “yoʻl xaritalari” ni ishlab chiqib, uni amalga oshiradi.

39. Agentlik faoliyati yuzasidan Vazirlar Mahkamasining mutasaddilik qiladigan kompleks rahbari va Vazirlar Mahkamasining axborot-tahlil departamentiga axborot berib boradi.

40. Agentlikda uning asosiy faoliyat yoʻnalishlarini muvofiqlashtiradigan bosh direktor (hayʼat raisi), uning oʻrinbosarlari (lavozimi boʻyicha), shuningdek, tasarrufidagi tashkilotlarning rahbarlaridan iborat tarkibda hayʼat tashkil etiladi.

Hayʼat aʼzolarining soni va shaxsiy tarkibi Agentlik bosh direktorining taqdimiga binoan Vazirlar Mahkamasi tomonidan tasdiqlanadi.

41. Hayʼatga quyidagi vazifalar yuklanadi:

davlat boshqaruvi organlari faoliyatining asosiy yoʻnalishlarini tayyorlash va amalga oshirish;

Agentlik tarkibiy va hududiy boʻlinmalari rahbarlarining hisobotlari tizimli asosda eshitib borilishini tashkil etish, qonun hujjatlari, Oʻzbekiston Respublikasi Prezidenti hujjatlari va Oʻzbekiston Respublikasi Hukumatining qarorlarida belgilangan vazifalar oʻz vaqtida hamda sifatli amalga oshirilishini taʼminlash yuzasidan Agentlik rahbarlari va xodimlarining shaxsiy javobgarligini oshirish choralarini koʻrish;

Agentlik faoliyatiga oid hududiy va tarmoq dasturlarini amalga oshirish samaradorligini har chorakda va tizimli koʻrib chiqish;

hayʼatning kengaytirilgan koʻchma yigʻilishlarini oʻtkazish, Agentlik faoliyati sohasi dolzarb masalalarining joylarda muhokama etilishini taʼminlash;

Agentlik markaziy apparati va uning tizimidagi lavozimlar nomenklaturasini koʻrib chiqish hamda tasdiqlash;

Agentlik nomenklaturasiga kiradigan lavozimlarga kadrlarni tanlash va joy-joyiga qoʻyish masalasini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlarida belgilangan vazifalarning oʻz vaqtida hamda sifatli amalga oshirilishini taʼminlash uchun Agentlik rahbarlari va xodimlarining ijro intizomini mustahkamlash hamda shaxsiy javobgarligini oshirish;

Oʻzbekiston Respublikasi Hukumatiga kiritiladigan va Agentlik masʼul ijro etuvchi organ hisoblangan qonun loyihalari bilan bogʻliq masalalarni koʻrib chiqish.

Hayʼat Oʻzbekiston Respublikasi davlat boshqaruvi organi vakolatiga kiradigan va kollegial muhokama etishni talab qiladigan har qanday masalani koʻrib chiqish huquqiga ega.

42. Hayʼat majlislariga boshqa vazirliklar, davlat qoʻmitalari, idoralar, mahalliy davlat hokimiyati organlari, Agentlik vakolatlariga kiruvchi masalalarga aloqador boshqa tashkilotlar rahbarlari taklif qilinishi mumkin.

Majlisda Hayʼat tarkibining yarmidan koʻpi hozir boʻlganda Hayʼat majlisi vakolatli hisoblanadi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

43. Hayʼat tomonidan qabul qilingan qarorlar Agentlik bosh direktorining buyruqlari bilan amalga oshiriladi.

44. Agentlik bosh direktori va hayʼat aʼzolari oʻrtasida kelishmovchiliklar mavjud boʻlgan taqdirda Bosh direktor mustaqil ravishda qaror qabul qiladi, bunda yuzaga kelgan kelishmovchiliklar haqida Oʻzbekiston Respublikasining Bosh vaziriga xabar qilinadi. Hayʼat aʼzolari ham oʻz fikrlarini Oʻzbekiston Respublikasining Bosh vaziriga maʼlum qilishlari mumkin.

45. Hayʼat faoliyati tartibi hayʼat tomonidan tasdiqlanadigan reglament bilan belgilanadi.

46. Agentlikda tarkibi prodyuserlar, adiblar, tarixchilar, kinooperatorlar, rejissorlar, kinoprokatchilar, kinotanqidchilar, psixologlar, kinematografiya sohasidagi nodavlat tashkilotlar vakillari va boshqa mutaxassislardan iborat Badiiy kengash tuziladi.

Badiiy kengash tarkibi Vazirlar Mahkamasi bilan kelishgan holda Agentlik tomonidan tasdiqlanadi. Uning tarkibiga Kengash tomonidan qabul qilinadigan qarorlardan bevosita yoki bilvosita manfaatdor boʻlgan shaxslarning kirishiga va ularning tanlovda ishtirok etishiga yoʻl qoʻyilmaydi.

Badiiy kengash oʻz faoliyatini Vazirlar Mahkamasi tomonidan tasdiqlanadigan nizom asosida amalga oshiradi.

47. Agentlik faoliyatining samaradorligi doimiy ravishda baholab boriladi.

48. Agentlik faoliyatining samaradorligi va samaradorligini baholash Oʻzbekiston Respublikasining Bosh vaziri tomonidan tasdiqlangan mezonlar va ish indikatoriga asosan amalga oshiriladi.

49. Baholash yakunlari boʻyicha quyidagi choralar koʻriladi:

Agentlik rahbarlari va xodimlarini ragʻbatlantirish yoki intizomiy javobgarlikka tortish va Agentlik faoliyatida aniqlangan kamchiliklarni bartaraf etish va uning faoliyatini takomillashtirish.

50. Agentlik faoliyatining samaradorligini baholash metodikasi va tartibi qonun hujjatlarida belgilanadi.

51. Agentlik va uning tasarrufidagi tashkilotlarni moliyalashtirish va moddiy-texnik taʼminlash Oʻzbekiston Respublikasi Davlat budjeti, Agentlik huzuridagi Milliy kinematografiyani rivojlantirish jamgʻarmasi hamda qonun hujjatlarida taqiqlanmagan boshqa manbalar hisobidan amalga oshiriladi.

52. Agentlik xodimlarining ish haqi lavozim maoshi, mukofotlar, qoʻshimcha haqlar, ustamalar va qonun hujjatlarida nazarda tutilgan va boshqa toʻlovlardan iborat boʻladi.

Agentlik xodimlarining ish haqi lavozim maoshi, oylik ustamalar va ragʻbatlantirish toʻlovlari Agentlik bosh direktori tomonidan tasdiqlanadigan nizomga muvofiq toʻlanadi.

53. Qonun hujjatlarida taqiqlanmagan ish haqi fondi, budjetdan tashqari jamgʻarmalar va boshqa mablagʻlar Agentlik xodimlariga ish haqi toʻlash va moddiy ragʻbatlantirish manbalari hisoblanadi.

54. Agentlik rahbariyati Agentlik faoliyati toʻgʻrisida tizimli ravishda Vazirlar Mahkamasi va Oʻzbekiston Respublikasi Prezidenti oldida hisobot beradi.

55. Oʻzbekiston Respublikasining Bosh vaziri Agentlikka yuklangan vazifalar samarali bajarilishi boʻyicha Agentlik rahbariyati faoliyatining doimiy monitoringini olib boradilar va Agentlik faoliyati samaradorligiga xolis baho beradilar.

56. Monitoring va baholash yakunlari boʻyicha Vazirlikning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlikka tortiladi.

57. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.

1. Ushbu Ustav “Oʻzbekkino” Milliy agentligi huzuridagi Oʻzbekiston kinoarboblari ijodiy uyushmasining (keyingi oʻrinlarda Uyushma deb ataladi) asosiy maqsadi va vazifalari, huquq va majburiyatlari, shuningdek, faoliyatini tashkil etish tartibini belgilaydi.

2. Uyushma oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga, shuningdek, boshqa qonun hujjatlariga amal qiladi.

3. Uyushma davlat muassasasi shaklida yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, bank hisob raqamlariga, shu jumladan, qonun hujjatlariga muvofiq banklarda milliy va xorijiy valyutada hisob raqamlariga ega boʻladi.

4. Uyushmaning toʻliq rasmiy nomi:

oʻzbek tilida: “Oʻzbekiston kinoarboblari ijodiy uyushmasi” davlat muassasasi;

rus tilida: gosudarstvenniy organ “Tvorcheskiy soyuz kinodeyateley Uzbekistana”;

ingliz tilida: “The Creative Union of Filmmakers of Uzbekistan” public institution.

5. Uyushma faoliyati ixtiyoriylik, teng huquqlilik, oʻzini oʻzi boshqarish, qonuniylik va oshkoralik prinsiplariga asoslanadi.

6. Uyushma joylashgan joyi (pochta manzili): Toshkent shahri, Mirzo Ulugʻbek koʻchasi 98-uy.

7. Uyushmaning asosiy maqsadi milliy kino sanʼatining boy anʼanalari va yutuqlarini asrab-avaylash va rivojlantirish, odamlarning maʼnaviy kamolotida kino sanʼatining oʻrnini yuksaltirish, zamon talablari darajasidagi yetuk asarlar yaratish, ularda milliy anʼanalarni ulugʻlash orqali umuminsoniy qadriyatlarni tarannum etish, jahon kino sanʼati sohasida qoʻlga kiritilgan yutuqlardan unumli foydalanish, shuningdek, kinoijodkorlarning professional va ijtimoiy-iqtisodiy huquqlarini, shaʼni va qadr-qimmatini himoya qilishdan iborat.

8. Uyushmaning asosiy vazifalari quyidagilardan iborat:

oʻzbek xalqining bir asrdan ziyod tarixga ega boʻlgan kino sanʼati anʼanalarini boyitish, xalqimiz, ayniqsa, yosh avlod ongida milliy madaniyatimiz va qadriyatlarimizga nisbatan hurmat tuygʻusini oshirish;

milliy kinematografiya yoʻnalishlarini belgilash, yangi badiiy jamoalar tuzish, boy anʼanalarga tayangan holda jahon andozalari darajasidagi zamonaviy milliy kino sanʼati maktabini yaratish;

Oʻzbekiston kino sanʼatini mamlakatimizda va chet ellarda targʻib etish, xorijiy kino ustalari bilan ijodiy aloqalarni oʻrnatish va kengaytirish;

milliy va xalqaro kinofestivallarida ishtirok etish hamda ularni tashkil qilish, kino sohasida madaniy-ijtimoiy tadbirlar, ijodiy uchrashuvlar va boshqa tadbirlarni oʻtkazish;

aholining kino sanʼatiga boʻlgan talab va ehtiyojlarini oʻrganish maqsadida sotsiologik tadqiqotlar olib borish, sohaga oid statistik va tahliliy maʼlumotlar tayyorlash;

kino sohasida kadrlarni tayyorlash tizimini takomillashtirish masalalarini hal qilishda bevosita ishtirok etish, shu soha mutaxassislarini tayyorlaydigan oʻquv muassasalari bilan yaqindan hamkorlik qilish;

oʻziga xos ijod maktabini yaratgan oʻzbek kinoarboblari, yetuk kino mutaxassislari tajribasini ommalashtirish;

ijodiy-amaliy tanlovlarni tashkil etish orqali iqtidorli yosh ijodkorlarni aniqlash, ularni saralab olib, ijodiy imkoniyatlarini roʻyobga chiqarishga amaliy yordam berish;

xorijiy mamlakatlar kinoijodkorlari faoliyatiga doir yangilik va ilgʻor tajribalarni Oʻzbekiston kinoijodkorlari orasida ommalashtirish;

kinoijodkorlarni ijtimoiy jihatdan muhofaza qilish, ragʻbatlantirish, ularning mehnat, turmush va dam olish sharoitlarini yaxshilashga yordam berish;

keksa, nafaqaga chiqqan kino faxriylarini ijtimoiy jihatdan himoya qilish;

milliy va xalqaro hamkorlar hamda mutaxassislarni jalb qilgan holda dolzarb mavzularda konferensiyalar, simpoziumlar, seminarlar, davra suhbatlari va boshqa turli tadbirlar uyushtirish;

oʻz faoliyati haqida jamoatchilikni xabardor qilish uchun matbuot anjumanlari oʻtkazish, ommaviy axborot vositalari va qonun hujjatlarida taqiqlanmagan boshqa vositalar orqali maʼlumotlar berib borish.

Uyushma Oʻzbekiston Respublikasining qonun hujjatlarida taqiqlanmagan boshqa faoliyatni ham amalga oshirishi mumkin.

9. Uyushmaning huquqlari:

oʻz faoliyati toʻgʻrisidagi axborotni erkin tarqatish;

alohida xizmat koʻrsatgan kinoijodkorlarni, kino sohasi mutaxassislarini Davlat mukofotlari va faxriy unvonlarga tavsiya etish;

dolzarb mavzularda yangi kino asarlari yaratishga buyurtma berish;

kinematografiya sohasidagi xalqaro tashkilotlar va xorijiy mamlakatlar ijodiy jamoalari bilan hamkorlik qilish.

Uyushma qonun hujjatlariga muvofiq boshqa huquqlarga ham ega boʻlishi mumkin.

10. Uyushmaning majburiyatlari:

Oʻzbekiston Respublikasining qonun hujjatlariga, xalqaro huquqning umumeʼtirof etilgan prinsiplari va normalariga, shuningdek, ushbu Nizomda belgilangan talablarga rioya etish;

oʻz mol-mulki va pul mablagʻlaridan foydalanish, shu jumladan, moliyalashtirish manbalari toʻgʻrisidagi axborot bilan tanishish erkinligini taʼminlash.

Uyushmaga qonun hujjatlariga muvofiq boshqa majburiyatlar ham yuklatilishi mumkin.

11. Uyushmani “Oʻzbekkino” Milliy agentligi huzuridagi hayʼat tomonidan lavozimiga tayinlanadigan va lavozimidan ozod etiladigan rais boshqaradi.

12. Uyushma raisi:

Uyushma faoliyatiga bevosita rahbarlik qiladi va Uyushma nomidan ish koʻradi;

turli tashkilotlarda, shu jumladan, xorijiy tashkilotlarda Uyushma nomidan ishonchnomasiz harakat qiladi;

Uyushma nomidan qonun hujjatlariga muvofiq shartnomalar, bitimlar, tuzadi, xoʻjalik faoliyatini yuritadi;

oʻziga berilgan huquqlar doirasida va qonun hujjatlarida belgilangan tartibda banklar va kredit tashkilotlarida hisobvaraqlari ochadi;

Uyushmaning moliyaviy va bank hujjatlarini imzolaydi;

Uyushmaning shtatlar jadvalini va yillik xarajatlari smetasini tasdiqlaydi;

Uyushma xodimlarini lavozimga tayinlaydi va lavozimdan ozod qiladi;

oʻz faoliyatini amalga oshirish uchun qoʻshimcha moliyaviy va moddiy resurslar manbalarini jalb qiladi, pul mablagʻlari va moddiy boyliklar olish uchun hisob-kitoblarni va toʻlov hujjatlarini imzolaydi;

Uyushma xodimlarining mehnat intizomiga rioya qilishini taʼminlaydi, oʻz vakolatlari doirasida Uyushmaning barcha xodimlari uchun majburiy boʻlgan buyruq va koʻrsatmalar beradi;

Uyushma faoliyatini huquqiy jihatdan taʼminlaydi, Uyushmaning faoliyatini tartibga solishga qaratilgan hujjatlarni (nizomlar, yoʻriqnomalar, reglamentlar, tartib-qoidalar va hakazolar) tasdiqlaydi.

Uyushma raisi oʻz vakolatlarining bir qismini rais oʻrinbosariga yuklashga haqli.

13. Raisning oʻrinbosari:

Uyushmaning joriy faoliyatini amalga oshiradi;

Uyushmaning ijtimoiy-siyosiy faoliyati, ijodiy yoʻnalishi va ommaviy-tashkiliy masalalariga doir dasturiy vazifalarni amalga oshiradi;

kinematografiya tashkilotlari, kinoijodkorlar huquq va manfaatlarini himoya qilish, bu borada davlat va nodavlat notijorat tashkilotlari bilan bogʻliq faoliyatning tashkiliy jihatlarini muvofiqlashtirish ishlari bilan shugʻullanadi;

Uyushma raisi tomonidan berilgan boshqa vazifalarni amalga oshiradi;

Uyushma raisi oʻz vakolatlarini bajara olmay qolgan taqdirda (kasalligi, safardaligi yoki boshqa sabablar bilan) uning vazifalarini vaqtincha bajaradi.

14. Uyushma binolar, imoratlar, inshootlar, uy-joy fondi, yer uchastkalari, transport, uskunalar, asbob-anjomlar, pul mablagʻlariga va ushbu Nizomda koʻrsatilgan faoliyatni moddiy taʼminlash uchun zarur boʻlgan boshqa mol-mulkka ega boʻlishi mumkin.

15. Uyushma “Oʻzbekkino” Milliy agentligi tomonidan operativ boshqaruv asosida berilgan mol-mulkdan foydalanadi, shuningdek, oʻz faoliyatini tashkil etish va amalga oshirish uchun mol-mulkni ijaraga oladi.

16. Uyushma mol-mulkini pul va boshqa shaklda shakllantirish manbalari quyidagilar hisoblanadi:

“Oʻzbekkino” Milliy agentligi huzuridagi Milliy kinematografiyani rivojlantirish jamgʻarmasi mablagʻlari;

jismoniy va yuridik shaxslarning homiylik xayriyalari;

milliy va xorijiy hamkorlar bilan oʻzaro kelishuv va loyihalar doirasida tushadigan mablagʻlar;

maqsadli yordam, shu jumladan, aniq maqsadli dastur va loyihalarni amalga oshirishga yoʻnaltirilgan subsidiyalar, ijtimoiy buyurtmalar va grantlar;

Uyushma mulkini ijaraga berishdan olinadigan daromadlar;

tadbirkorlik faoliyatidan olingan hamda faqat ushbu Nizomda qayd etilgan maqsadlar uchun ishlatiladigan daromadlar (foyda);

qonun hujjatlarida taqiqlanmagan boshqa manbalar.

17. Uyushma qonun hujjatlarida belgilangan tartibda oʻz mulkiga egalik qilish, undan foydalanish va uni boshqarish huquqiga ega.

Uyushma oʻziga tegishli mol-mulkni moliyaviy mablagʻlar bilan birga mustaqil tasarruf etadi.

18. Jismoniy va yuridik shaxslar tomonidan beriladigan mol-mulk, homiylik xayriyalari yoki vasiyat shaklida oʻtkaziladigan pul mablagʻlari va boshqa mulk obyektlari Uyushmaga mulk huquqi asosida tegishli boʻladi.

19. Uyushmaning faoliyatini qayta tashkil etish va tugatish qonun hujjatlarida belgilangan tartibda amalga oshiriladi.

1. Vazirlar Mahkamasining “Oʻzbekkino” Milliy agentligi faoliyatini tashkil etish toʻgʻrisida” 2004-yil 17-martdagi 126-son qarori (Oʻzbekiston Respublikasi QT, 2004-yil, 3-son, 29-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2006-yil 10-martdagi 41-son qaroriga (Oʻzbekiston Respublikasi QT, 2006-yil, 3-son,18-modda) 1-ilovaning 6-bandi.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida” 2009-yil 22-dekabrdagi 323-son qaroriga ilovaning 9-bandi.

4. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga (Oʻzbekiston Respublikasi QT, 2010-yil, 6-son, 27-modda) ilovaning 36-bandi.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Oʻzbekiston Respublikasining Budjet kodeksini tasdiqlash toʻgʻrisida” 2013-yil 26-dekabrdagi OʻRQ-360-son hamda “Soliq va budjet siyosatining 2016-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida” 2015-yil 31-dekabrdagi OʻRQ-398-son qonunlari)” 2016-yil 26-apreldagi 122-son qaroriga (Oʻzbekiston Respublikasi QT, 2016-yil, 4-son, 28-modda) 1-ilovaning 68-bandi.

6. Vazirlar Mahkamasining “Oʻzbekkino” Milliy agentligi markaziy apparati tuzilmasini tasdiqlash toʻgʻrisida” 2016-yil 23-noyabrdagi 392-son qarori.

7. Vazirlar Mahkamasining 1997-yil 20-fevraldagi 79-f-son farmoyishi.