Respublikaning ishlab chiqarish va resurs salohiyatidan foydalangan holda zamonaviy qurilish materiallari ishlab chiqarish boʻyicha yuqori texnologiyali ishlab chiqarishlarni rivojlantirishni yanada ragʻbatlantirish maqsadida hamda Oʻzbekiston Respublikasi Prezidentining “Jizzax” erkin iqtisodiy zonasini tashkil etish toʻgʻrisida” 2013-yil 18-martdagi PF-4516-son Farmoniga muvofiq Vazirlar Mahkamasi qaror qiladi:

1. “Jizzax” MIZ Maʼmuriy kengashining 2015-yil 29-apreldagi (11-son bayonnoma) va 2015-yil 2-iyundagi (12-son bayonnoma) qarorlari bilan “Peng Sheng” MCHJ QKning keramik plitkalar ishlab chiqarish faoliyatini modernizatsiya qilish,” “Sirdarya Ceramic Production” MCHJ XKda keramik plitkalar ishlab chiqarishni tashkil etish” va “Ceramic Raw Materials” MCHJ QKda keramik plitkalar uchun yaltiroqlar ishlab chiqarishni tashkil etish” investitsiya loyihalari boʻyicha investitsiya buyurtmanomalari maʼqullanganligi maʼlumot uchun qabul qilinsin.

2. “Jizzax” EIZ hududida investitsiya loyihalarini amalga oshirish doirasida olib kelinadigan, respublikada ishlab chiqarilmaydigan asbob-uskunalar, butlovchi buyumlar va materiallar roʻyxati 1-ilovaga* muvofiq, “Sirdarya Ceramic Production” MCHJ XK — bojxona toʻlovlaridan (bojxona yigʻimlaridan tashqari) ozod qilingan holda 7 yil muddatga, “Peng Sheng” MCHJ QK va “Ceramic Raw Materials” MCHJ QK — 5 yil muddatga 2 va 3-ilovalarga* muvofiq tasdiqlansin.

3. “Peng Sheng” MCHJ QK, “Sirdarya Ceramic Production” MCHJ XK va “Ceramic Raw Materials” MCHJ QK tomonidan mavjud ishlab chiqarish komplekslarini rekonstruksiya qilish va yangilarini qurish uchun 4-ilovaga* muvofiq roʻyxat boʻyicha olib kelinadigan, respublikada ishlab chiqarilmaydigan mashinalar, maxsus texnika va mexanizmlar, qurilish materiallari va konstruksiyalar bojxona toʻlovlaridan (bojxona yigʻimlaridan tashqari) ozod qilinsin.

4. Oʻzbekiston Respublikasi Davlat soliq qoʻmitasi Davlat bojxona qoʻmitasi bilan birgalikda ushbu qarorning 1 — 4-ilovalariga muvofiq “Peng Sheng” MCHJ QK, “Sirdarya Ceramic Production” MCHJ XK va “Ceramic Raw Materials” MCHJ QK tomonidan olib kelinadigan tovarlardan maqsadli foydalanilishi ustidan qatʼiy nazorat oʻrnatsin.

Belgilab qoʻyilsinki, ushbu qarorda nazarda tutilgan roʻyxatlarga muvofiq olib kelinadigan tovarlardan boshqa maqsadlarda foydalanilgan taqdirda, bojxona imtiyozlari berilishi munosabati bilan toʻlanmagan bojxona toʻlovlari summasi qonun hujjatlarida belgilangan moliyaviy sanksiyalar qoʻllanilgan holda Oʻzbekiston Respublikasi Davlat budjetiga undirib olinadi.

5. Ustanovit, chto lgoti po tamojennim platejam, predusmotrennie ukazami va 2016-yil 26-oktabrdagi PF-4853-son “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida”gi farmonlari “Jizzax” EIZ ishtirokchilari uchun vositachilik (topshiriq) shartnomalari asosida olib kelinadigan tovarlarga ham tatbiq etiladi.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.