Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Banklar va bank faoliyati toʻgʻrisida”gi qonunlariga muvofiq Oʻzbekiston Respublikasi Moliya vazirligi va Markaziy banki Boshqaruvi qaror qiladi:

1. Oʻzbekiston Respublikasi Moliya vazirligi va Markaziy banki Boshqaruvining 2007-yil 13-martdagi 30, 288-V-sonli qarori (roʻyxat raqami 1675, 2007-yil 14-aprel) (Oʻzbekiston Respublikasi qonun hujjatlari toʻplami, 2007-y., 16-son, 168-modda) bilan tasdiqlangan Qishloq xoʻjaligi korxonalarining davlat ehtiyojlari uchun xarid qilinadigan paxta va gʻalla yetishtirish xarajatlarini tijorat banklari tomonidan kreditlash tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 5-bandning beshinchi xatboshisi quyidagi tahrirda bayon etilsin:

“MTPlar, muqobil MTPlar, fermer xoʻjaliklari, “Oʻzkimyosanoat” davlat aksiyadorlik kompaniyasi, “Oʻzdonmahsulot” AK va “Oʻzpaxtasanoat” uyushmasi tizimidagi korxonalar huzurida faoliyat yuritayotgan muqobil MTP masʼuliyati cheklangan jamiyatlari hamda qishloq xoʻjalik texnikasi mavjud boʻlgan boshqa xoʻjalik subyektlarining xizmatlari uchun toʻlovlarga;”.

2. 10-bandning beshinchi xatboshisidan “debitor-kreditor qarzlar toʻgʻrisida maʼlumotnoma (2a-shakl) va” degan soʻzlar chiqarib tashlansin.

3. 14-bandning “g” kichik bandi quyidagi tahrirda bayon etilsin:

“g) muqobil MTPlar, fermer xoʻjaliklari, “Oʻzkimyosanoat” davlat aksiyadorlik kompaniyasi, “Oʻzdonmahsulot” AK va “Oʻzpaxtasanoat” uyushmasi tizimidagi korxonalar huzurida faoliyat yuritayotgan muqobil MTP masʼuliyati cheklangan jamiyatlari hamda qishloq xoʻjalik texnikasi mavjud boʻlgan boshqa xoʻjalik subyektlari tomonidan koʻrsatilgan va koʻrsatiladigan texnika xizmatlari uchun toʻlovlarda, mablagʻlar ularga xizmat koʻrsatuvchi tijorat banklarida ochilgan maxsus 23210 (23220)-sonli hisob raqamlariga oʻtkazib beriladi.”.

4. Mazkur oʻzgartirishlar Oʻzbekiston Respublikasi Qishloq va suv xoʻjaligi vazirligi va Oʻzbekiston Fermerlari kengashi bilan kelishilgan.