Oʻzbekiston Respublikasi Prezidentining “Alkogolli mahsulotlarni ishlab chiqarish va sotish samaradorligini oshirishga doir qoʻshimcha chora-tadbirlar toʻgʻrisida” 2006-yil 7-noyabrdagi PQ–505-son qaroriga muvofiq hamda alkogolli mahsulotlar va tamaki mahsulotlarining noqonuniy ishlab chiqarilishi va sotilishiga yoʻl qoʻymaslik yuzasidan nazoratni yanada kuchaytirish maqsadida Vazirlar Mahkamasi qaror qiladi:

1. 2013-yil 1-apreldan boshlab alkogolli mahsulotlar va tamaki mahsulotlariga dizayni Oʻzbekiston Respublikasi Moliya vazirligi, Davlat soliq qoʻmitasi, Davlat bojxona qoʻmitasi va “Davlat belgisi” davlat-ishlab chiqarish birlashmasi tomonidan ishlab chiqilgan va tasdiqlangan, qoʻshimcha himoya darajalariga ega boʻlgan yangi namunadagi aksiz markalari joriy etilsin.

2. Belgilab qoʻyilsinki, eski namunadagi aksiz markalari bilan markalangan hamda ulgurji va chakana savdo tarmoqlarida boʻlgan alkogolli mahsulotlar va tamaki mahsulotlari yangi namunadagi aksiz markalari joriy etilgan kundan boshlab toʻqqiz oy oʻtgandan keyin markalanmagan deb hisoblanadi va belgilangan tartibda olib qoʻyiladi.

3. Oʻzbekiston Respublikasi Davlat soliq qoʻmitasi va Davlat bojxona qoʻmitasi 2014-yil 1-yanvardan boshlab, belgilangan tartibda eski namunadagi aksiz markalari bilan markalangan hamda ulgurji va chakana savdo tarmoqlarida boʻlgan alkogolli mahsulotlar va tamaki mahsulotlarini aniqlash, chetdan keltirish, ularni ishlab chiqarish va sotishning oldini olish, shuningdek ushbu mahsulotlarni olib qoʻyish chora-tadbirlarini koʻrsinlar.

4. Oʻzbekiston Respublikasi Davlat bojxona qoʻmitasi alkogolli mahsulotlar va tamaki mahsulotlarining import qiluvchilarini yangi namunadagi aksiz markalari joriy etilganligi toʻgʻrisida xabardor qilsin.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

alkogolli mahsulotlar va tamaki mahsulotlari ishlab chiqaruvchi korxonalar hamda ularni sotuvchi savdo korxonalarini yangi namunadagi aksiz markalari joriy etilganligi toʻgʻrisida xabardor qilsinlar;

yangi namunadagi aksiz markalari joriy etilganligi toʻgʻrisida ommaviy axborot vositalari orqali tushuntirish ishlarini olib borsinlar.

7. Oʻzbekiston Respublikasi Moliya vazirligi Adliya vazirligi, boshqa manfaatdor vazirliklar va idoralar bilan birgalikda bir oy muddatda idoraviy normativ-huquqiy hujjatlarning ushbu qarorga muvofiqlashtirilishini taʼminlasin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. 4-bandning beshinchi va oltinchi xatboshilaridagi “olti” soʻzi “toʻqqiz” soʻzi bilan almashtirilsin.

2. 8-bandda:

ikkinchi va uchinchi xatboshilardagi “toʻlanganligi” soʻzi “toʻlanganda” soʻzi bilan almashtirilsin;

toʻrtinchi xatboshidagi “qiymatini va aksiz soligʻining barcha summasini” soʻzlari “qiymati va aksiz soligʻining barcha summasi toʻlanganda” soʻzlari bilan almashtirilsin;

oltinchi xatboshi quyidagi mazmundagi oltinchi, yettinchi va sakkizinchi xatboshilar bilan almashtirilsin:

“Aksiz markalari “Agrobank” OATB mintaqaviy boʻlimlari tomonidan quyidagilarga beriladi:

alkogolli mahsulotlar va tamaki mahsulotlarini import qiluvchilarga — buyurtmanomada Davlat bojxona qoʻmitasining butun aksiz soligʻi summasi, shuningdek buyurtma berilgan aksiz markalari sonining tegishli nominal qiymati toʻlanganligi toʻgʻrisidagi belgilari mavjud boʻlgan taqdirda;

alkogolli mahsulotlar va tamaki mahsulotlarining mahalliy ishlab chiqaruvchilariga — buyurtmanomada “Davlat belgisi” davlat-ishlab chiqarish birlashmasi Bosma fabrikasining buyurtma berilgan aksiz markalari sonining tegishli nominal qiymati toʻlanganligi toʻgʻrisidagi belgisi mavjud boʻlgan taqdirda”.