Oʻzbekiston Respublikasi Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonunning 7-moddasiga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1. Ilova* qilinayotgan Oʻzbekiston Respublikasida ishlab chiqariladigan tovarlar boʻyicha yuridik shaxslar tomonidan aksiz soligʻini hisoblab chiqish va toʻlash tartibi toʻgʻrisidagi (yangi tahrirda) yoʻriqnoma tasdiqlansin.

2. Quyidagilar oʻz kuchini yoʻqotgan deb topilsin:

Oʻzbekiston Respublikasi Moliya vazirligi va Davlat bojxona qoʻmitasi tomonidan 2002-yil 14-yanvardagi 11, 2002-14-sonli qarorlari bilan tasdiqlangan “Oʻzbekiston Respublikasida ishlab chiqariladigan tovarlar boʻyicha yuridik shaxslar tomonidan aksiz soligʻini hisoblab chiqish va toʻlash tartibi toʻgʻrisidagi yoʻriqnoma” (2002-yil 11-mart, roʻyxat raqami 1106-son — Meʼyoriy hujjatlar axborotnomasi, 2002-y., 5-son);

Oʻzbekiston Respublikasi Moliya vazirligi va Davlat soliq qoʻmitasi tomonidan 2002-yil 30-dekabrdagi 11-1, 2002-90-sonli qarorlari bilan tasdiqlangan “Oʻzbekiston Respublikasida ishlab chiqariladigan tovarlar boʻyicha yuridik shaxslar tomonidan aksiz soligʻini hisoblab chiqish va toʻlash tartibi toʻgʻrisida”gi yoʻriqnomaga oʻzgartirishlar va qoʻshimchalar kiritish toʻgʻrisida”gi qarori (2003-yil 25-fevral, roʻyxat raqami 1106-1-son — Meʼyoriy hujjatlar axborotnomasi, 2003-y., 4-son);

Oʻzbekiston Respublikasi Moliya vazirligi va Davlat soliq qoʻmitasi tomonidan 2003-yil 30-maydagi 71, 2003-54-sonli qarorlari bilan tasdiqlangan “Tozalangan oʻsimlik (paxta) yogʻi ishlab chiqaruvchi korxonalar tomonidan ushbu mahsulotga qoʻshimcha ikki foizli aksiz soligʻini hisoblab chiqish va ushbu mablagʻlarni “Yogʻmoytamakisanoat” uyushmasining maxsus hisobiga oʻtkazish toʻgʻrisidagi nizomni tasdiqlash haqida” (2003-yil 10-iyun, roʻyxat raqami 1247-son — Meʼyoriy hujjatlar axborotnomasi, 2003-y., 11-son);

Oʻzbekiston Respublikasi Moliya vazirligi va Davlat soliq qoʻmitasi tomonidan 2003-yil 25-iyundagi 74, 2003-57-sonli qarorlari bilan tasdiqlangan “Tarkibida 30 foiz va undan ortiq spirt boʻlgan aroq, konyak (brendi) va boshqa alkogol mahsulotlari, shuningdek tarkibida 10 foizdan 30 foizgacha spirt boʻlgan spirtli vino hamda boshqa uzum, meva va boshqa alkogolli ichimliklar, tarkibida 10 foizgacha spirt boʻlgan vino, shampan vinosi va kam quvvatli ichimliklar ishlab chiqaruvchi korxonalar tomonidan ushbu mahsulotlarga qoʻshimcha aksiz soligʻini hisoblash va koʻrsatilgan mablagʻlarni “Oʻzmevasabzavotuzumsanoat-xolding” XKning maxsus hisobiga oʻtkazish toʻgʻrisida nizom (2003-yil 1-avgust, roʻyxat raqami 1261-son — Meʼyoriy hujjatlar axborotnomasi, 2003-y., 15-son).

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.