Oʻzbekiston Respublikasi Oliy Kengashining 1993-yil 28-dekabrdagi 988-XII-son qarorini va Oʻzbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari toʻgʻrisida” 1994-yil 21-yanvardagi va “Oʻzbekiston Respublikasida mulkni davlat tasarrufidan chiqarish va xususiylashtirish jarayonini yanada rivojlantirishning ustuvor yoʻnalishlari toʻgʻrisida” 1994-yil 5-martdagi Farmonlarini ijro etish yuzasidan Vazirlar Mahkamasi qaror qiladi:

1. Savdo va xizmat koʻrsatish sohasi obyektlarini ular joylashgan yer uchastkalari bilan birgalikda xususiy mulk qilib sotish tartibi toʻgʻrisidagi Vaqtinchalik Nizom 1-ilovaga muvofiq tasdiqlansin.

Oʻzbekiston Respublikasi Davlat mulki qoʻmitasi Qoraqalpogʻicton Respublikasi Vazirlar Kengashi, viloyatlar va Toshkent shahap hokimliklari bilan birgalikda respublika sharoitida amalda sinab koʻrilganligini hisobga olgan holda mazkur nizomni 1994-yil 1-noyabrgacha tasdiqlash uchun Vazirlar Mahkamasiga kiritsin.

2. Oʻzbekiston Respublikasi Davlat arxitektura va qurilish qoʻmitasi “Oʻzistiqbolstat” davlat qoʻmitasi, Qishloq xoʻjaligi vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 1994-yil 1-oktabrgacha respublika shaharlari, shaharchalari va boshqa aholi yashash joylaridagi yerlarni kompleks iqtisodiy baholashni amalga oshirsinlar hamda materiallarni Vazirlar Mahkamasiga va Davlat mulki qoʻmitasiga taqdim etsinlar.

3. Oʻzbekiston Respublikasi Adliya vazirligi Moliya vazirligi, Davlat mulki qoʻmitasi, qishloq xoʻjaligi vazirligi va Davlat arxitektura va qurilish qoʻmitasi bilan birgalikda yer uchastkalarining xususiy mulk qilib sotilishi munosabati bilan Oʻzbekiston Respublikasi qonun hujjatlariga oʻzgartirishlar kiritish toʻgʻrisida takliflar tayyorlasin.

4. Xususiy mulk qilib berilmaydigan yerlar roʻyxati 2-ilovaga muvofiq tasdiqlansin.

5. Mazkur qarorning bajarilishini nazorat qilish Bosh vazir oʻrinbosari V.A.Chjen zimmasiga yuklansin.

1. Mazkur Nizom Oʻzbekiston Respublikasi Oliy Kengashining 1993-yil 28-dekabrdagi 986-XN-son qaroriga va Oʻzbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari toʻgʻrisida” 1994-yil 21-yanvardagi va “Oʻzbekiston Respublikasida mulkni davlat tasarrufidan chiqarish va xususiylashtirish jarayonini yanada rivojlantirishning ustuvor yoʻnalishlari toʻgʻrisida” 1994-yil 15-martdagi Farmonlariga muvofiq ishlab chiqilgan.

2. Savdo va xizmat koʻrsatish sohasi obyektlarini ular joylashgan yer uchastkalari bilan birgalikda jismoniy va yuridik shaxslarga, shu jumladan, xorijiy jismoniy va yuridik shaxslarga, xususiylashtiriladigan obyektlarni sotib olishda ular foydalanadigan mablagʻlarning manbalar haqida deklaratsiya talab qilmagan holda, xususiy mulk qilib olish Oʻzbekiston Respublikasi davlat mulki obyektlarini davlat tasarrufidan chiqarish va xususiylashtirishning belgilangan tartibiga va mazkur Nizomga muvofiq amalga oshiriladi.

3. Savdo va xizmat koʻrsatish sohasi obyektlarini ular joylashgan yer uchastkalari bilan birgalikda xususiy mulk qilib sotish tanlov boʻyicha yoki kim oshdi savdolarida amalga oshiriladi.

Sotish Davlat mulki qoʻmitasi va uning hududiy boshqarmalari tomonidan tegishli hokimliklar va fuqarolarning oʻzini oʻzi boshqarish organlarining savdo va xizmat koʻrsatish obyektlarini va yer uchastkalarini xususiy mulk qilib sotish haqidagi qarorlari taqdim etilganidan keyin qonun hujjatlari bilan belgilangan vakolatlar doirasida amalga oshiriladi.

4. Davlat mulki qoʻmitasi yoki uning hududiy boshqarmasi bilan yangi mulk egasi oʻrtasida obyektning faoliyat ixtisosini saqlab qolish toʻgʻrisida shartnoma tuzish tanlov yoki kim oshdi savdosining majburiy sharti hisoblanadi.

Mulk egasi tomonidan obyektning faoliyat ixtisosini saqlab qolish haqida tuzilgan shartnomaning shartlari buzilganda obyekt Davlat mulki qoʻmitasi tomonidan dastlabki narx boʻyicha qiymati toʻlangan holda olib qoʻyiladi, yer uchastkasi esa uning qiymati toʻlanmasdan olib qoʻyiladi.

5. Viloyat, tuman va shahar yer tuzish xizmatlari tegishli hudud boʻyicha qurilgan va chala qurilgan maydonlardagi yer uchastkalarining chegaralarini (konturlarini) natura tarzida belgilab beradilar hamda sotuvchiga (Davlat mulki qoʻmitasi yoki uning hududiy boshqarmasiga) ana shu maydonlarning oʻlchamini tasdiqlovchi hujjatlarni beradilar. Bunda yer maydoni savdo va xizmat koʻrsatish sohasining sotib olinayotgan obyekti sanitariya va texnologik jihatdan faoliyat koʻrsatishini taʼminlash uchun zarur boʻlgan minimal oʻlchamdan oshmasligi zarur.

6. Ishlab turgan va qurilishi tugallanmagan savdo va xizmat koʻrsatish sohasi obyektlarini yer uchastkalari bilan birgalikda xususiy mulk qilib sotishdan tushgan mablagʻlar Oʻzbekiston Respublikasi Vazirlar Mahkamasining “Respublika koʻchmas mulk birjasining samarali faoliyat koʻrsatishini taʼminlash chora-tadbirlari toʻgʻrisida” 1994-yil 29-apreldagi 228-son qaroriga muvofiq Davlat mulki qoʻmitasi yoki uning hududiy boshqarmasi hamda tegishli hokimliklar va fuqarolarning oʻzini oʻzi boshqarish organlari oʻrtasida taqsimlanadi.

7. Tanlov yoki kim oshdi savdosi gʻolibiga Davlat mulki qoʻmitasi yoki uning hududiy boshqarmasi tomonidan uni keyinchalik tegishli hokimliklar va fuqarolarning oʻzini oʻzi boshqarish organlarida roʻyxatdan oʻtkazish uchun belgilangan tartibda yer uchastkasiga egalik qilish huquqini beruvchi davlat dalolatnomasi beriladi.

8. Turar joylarda yoki maʼmuriy binolarda joylashgan savdo va xizmat koʻrsatish sohasi obyektlari band qilgan yer uchastkalari xususiy mulk qilib sotilmaydi.

9. Yer uchastkalariga tabaqalashtirilgan boshlangʻich (dastlabki) narxlarni belgilash maqsadida bu uchastkalar qayerda joylashganligiga, muhandislik kommunikatsiyalari bilan taʼminlanganligiga, arxitektura va boshqa xususiyatlariga bogʻliq ravishda tegishli shaharlar va tumanlar hokimliklarning qarorlari bilan mintaqalar hududi quyidagi zonalarga boʻlinadi:

Toshkent shahrida — 14 zonaga;

viloyat markazlarida hamda aholisi 100 ming kishidan ziyod boʻlgan shaharlarda — 4 zonaga;

aholisi 100 ming kishidan kam boʻlgan shaharlarda — 3 zonaga;

shaharchalarda — 2 zonaga.

10. Savdo va xizmat koʻrsatish sohasi obyektlari yer uchastkalari bilan birgalikda tanlov boʻyicha va kim oshdi savdosida xususiy mulk qilib sotilayotganda obyektning va yer uchastkasining narxini oʻz ichiga olgan yagona boshlangʻich narx belgilanadi.

11. Yer maydoni birligining boshlangʻich narxi Vazirlar Mahkamasining “Oʻzbekiston Respublikasining 1994-yilgi budjetining asosiy koʻrsatkichlari toʻgʻrisida” 1993-yil 31-dekabrdagi 615-son qarori (6-ilovaning, 1, 2-jadvallari va 3-jadvalidagi 2-ustun) bilan tasdiqlangan korxonalar, muassasalar, tashkilotlardan olinadigan yer soligʻi stavkasining 50 baravari miqdorida belgilanadi. Boshlangʻich narxlar jadvallari ilova qilinmoqda.

Bozor sharoitlari oʻzgarishlarini hisobga olgan holda Davlat mulki qoʻmitasi tomonidan Moliya vazirligi bilan kelishgan holda yer maydon birligining boshlangʻich narxiga oshiruvchi koeffitsiyentlar joriy etilishi mumkin.

Arxitektura yodgorliklariga ega boʻlgan shaharlarda ularga yaqin joylashgan yer uchastkalarining boshlangʻich narxi 3 baravar koʻpayadi. Oshirilgan boshlangʻich narxlar belgilanadigan zonalarning chegaralari tegishli shaharlar hokimliklarining qarorlari bilan tasdiqlanadi.

12. Qoraqalpogʻiston Respublikasi Vazirlar Kengashi Nukus shahri, Qoraqalpogʻiston Respublikasi shaharlari va boshqa aholi yashash joylari boʻyicha tanlov orqali va kim oshdi savdosida sotiladigan savdo va xizmat koʻrsatish sohasi obyektlari uchun moʻljallangan yer uchastkalarining boshlangʻich narxini mazkur Nizomga muvofiq belgilangan tartibda aniqlaydi va tasdiqlaydi.

13. Bitishuvlarni yoxud yer uchastkalarini xususiy mulk qilib sotish shartlarini haqiqiy emas deb hisoblash toʻgʻrisidagi nizolar tegishli sud tomonidan koʻrib chiqiladi.

Umumiy foydalanishdagi yerlar (maydonlar, koʻchalar, tor koʻchalar, yoʻllar, sohil boʻylari, istirohat bogʻlari, skverlar, xiyobonlar, hovuzlar, plyajlar va boshqalar).

Tabiat yodgorliklari, botanika bogʻlari yerlari.

Sogʻlomlashtirish va tarixiy-madaniy maqsadlarga moʻljallangan yerlar.

Qishloq xoʻjaligini yuritish, yer osti boyliklaridan foydalanish va ularni qoʻriqlash uchun berilgan yerlar.

Xavfli moddalar bilan zaharlangan va biogen zaharlanishga uchragan yerlar.

Shaharlarni rivojlantirish bosh rejalarida, mukammal rejalashtirish loyihalarida va obyektlarni (savdo va xizmat koʻrsatish obyektlaridan tashqari) joylashtirish sxemalarida nazarda tutilgan yerlar.

Magistral yoʻllarga tutash yerlar.

Elektr quvvati uzatish liniyalari, kabel liniyalari va podstansiyalar, issiqlik, vodoprovod va kanalizatsiya trassalari hamda gaz quvurlari, umumdavlat aloqa liniyalari uchun ajratilgan yerlar va ulardagi inshootlar.