3157-сон 22.04.2019. Oʻquv mashgʻulotlarini oʻtkazganlik uchun mehnatga soatbay haq toʻlash miqdorlarini tasdiqlash toʻgʻrisida

Oʻzbekiston Respublikasi Oliy va oʻrta maxsus taʼlim vazirligi
Oʻzbekiston Respublikasi Xalq taʼlimi vazirligi
Oʻzbekiston Respublikasi bandlik va mehnat munosabatlari vazirligining

Qarori

Oʻquv mashgʻulotlarini oʻtkazganlik uchun mehnatga soatbay haq toʻlash miqdorlarini tasdiqlash toʻgʻrisida

[Oʻzbekiston Respublikasi Adliya vazirligi tomonidan 2019-yil 22-aprelda roʻyxatdan oʻtkazildi, roʻyxat raqami 3157]

Oʻzbekiston Respublikasi Prezidentining 2018-yil 13-oktabrdagi PF-5553-son “Ish haqi, pensiyalar, stipendiyalar va nafaqalar miqdorini oshirish toʻgʻrisida”gi Farmoni, Oʻzbekiston Respublikasi Prezidentining 2018-yil 5-apreldagi PQ-3655-son “Respublika oliy taʼlim va ilmiy-tadqiqot muassasalari xodimlarining mehnatiga haq toʻlash tizimini takomillashtirish chora-tadbirlari toʻgʻrisida”gi va 2018-yil 20-iyuldagi PQ-3876-son “Fan va oliy taʼlim sohasi xodimlarining mehnat haqi miqdorini yanada oshirish, ilmiy va ilmiy-texnik faoliyat natijalari joriy etilishini davlat tomonidan qoʻllab-quvvatlash chora-tadbirlari toʻgʻrisida”gi qarorlari hamda Oʻzbekiston Respublikasi Vazirlar Mahkamasining 2009-yil 11-dekabrdagi 312-son “Oʻquv mashgʻulotlari oʻtkazganlik uchun mehnatga soatbay haq toʻlash miqdorlari toʻgʻrisida”gi qaroriga muvofiq Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi hamda Bandlik va mehnat munosabatlari vazirligi qaror qiladi:

1. Oʻquv mashgʻulotlarini oʻtkazganlik uchun mehnatga soatbay haq toʻlash miqdorlari ilovaga muvofiq tasdiqlansin.

2. Belgilab qoʻyilsinki, oʻquv mashgʻulotlarini oʻtkazganlik uchun mehnatga soatbay haq toʻlash 2018-yil 1-noyabrdan boshlab mazkur qarorga ilovada koʻrsatilgan miqdorlarda amalga oshiriladi.

3. Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi hamda Bandlik va mehnat munosabatlari vazirligining 2018-yil 30-iyuldagi 17-2018, 38 va 20-q/q-son “Oʻquv mashgʻulotlarini oʻtkazganlik uchun mehnatga soatbay haq toʻlash miqdorlarini tasdiqlash toʻgʻrisida”gi qarori (roʻyxat raqami 3054, 2018-yil 15-avgust) (Oʻzbekiston Respublikasi qonun hujjatlari toʻplami, 2018-y., 33-son, 688-modda) oʻz kuchini yoʻqotgan deb hisoblansin.

4. Mazkur qaror rasmiy eʼlon qilingan kundan eʼtiboran kuchga kiradi.

Oliy va oʻrta maxsus taʼlim vaziri I. MADJIDOV

Toshkent sh.,

2019-yil 10-aprel,

3-2019-son

Xalq taʼlimi vaziri Sh. SHERMATOV

Toshkent sh.,

2019-yil 10-aprel,

19-qq-son

Bandlik va mehnat munosabatlari vaziri Sh. KUDBIYEV

Toshkent sh.,

2019-yil 10-aprel,

15-2019-qq-son

Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Bandlik va mehnat munosabatlari vazirligining 2019-yil 10-apreldagi 3-2019, 19-qq va 15-2019-qq-son qaroriga
ILOVA

Oʻquv mashgʻulotlarini oʻtkazganlik uchun mehnatga soatbay haq toʻlash

MIQDORLARI

1. Oliy taʼlim va ilmiy tadqiqot muassasalarida, qayta tayyorlash va malaka oshirish muassasalarida, shuningdek mazkur muassasalarda tashkil etiladigan oʻquv kurslarida oʻquv mashgʻulotlari oʻtkazganlik uchun mehnatga soatbay haq toʻlash miqdorlari:

T/r	Kontingent	Oʻquv mashgʻulotlarini olib boruvchi shaxslar	Mehnatga soatbay haq toʻlash miqdorlarini hisoblashda qoʻllaniladigan lavozimlar	Mehnatga soatbay haq toʻlash miqdori bazaviy lavozim maoshlariga nisbatan foizlarda
1.	Oliy taʼlim muassasalari talabalari	fan doktori yoki fan doktori (Doctor of Science) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega boʻlgan shaxslar	Professor bazaviy lavozim maoshining fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega boʻlgan toifasidan	1,66
		fan nomzodi yoki falsafa doktori (Ph.D) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan shaxslar	Dotsent bazaviy lavozim maoshining fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan toifasidan	1,14
		ilmiy darajaga ega boʻlmagan shaxslar*	Assistent, oʻqituvchi bazaviy lavozim maoshining ilmiy unvonga yoki ilmiy darajaga ega boʻlmagan toifasidan	1,04
2.	Tayanch doktorant va doktorantlar, rahbar xodimlar va mutaxassislarni qayta tayyorlash va malakasini oshirish boʻyicha taʼlim muassasalari (kurslari) tinglovchilari**	fan doktori yoki fan doktori (Doctor of Science) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega boʻlgan shaxslar	Professor bazaviy lavozim maoshining fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega boʻlgan toifasidan	2,00
		fan nomzodi yoki falsafa doktori (Ph.D) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan shaxslar	Dotsent bazaviy lavozim maoshining fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan toifasidan	1,50
		ilmiy darajaga ega boʻlmagan shaxslar*	Assistent, oʻqituvchi bazaviy lavozim maoshining ilmiy unvonga yoki ilmiy darajaga ega boʻlmagan toifasidan	1,52
3.	Kurslar tinglovchilari, oʻrta maxsus, kasb-hunar maʼlumoti talab etiladigan lavozimlarni egallab turgan ishchilar, xodimlar***	fan doktori yoki fan doktori (Doctor of Science) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega boʻlgan shaxslar	Professor bazaviy lavozim maoshining fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega boʻlgan toifasidan	1,13
		fan nomzodi yoki falsafa doktori (Ph.D) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan shaxslar	Dotsent bazaviy lavozim maoshining fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan toifasidan	0,72
		ilmiy darajaga ega boʻlmagan shaxslar*	Assistent, oʻqituvchi bazaviy lavozim maoshining ilmiy unvonga yoki ilmiy darajaga ega boʻlmagan toifasidan	0,61

* ilmiy darajaga ega boʻlmagan, mutaxassislik fanlari boʻyicha mashgʻulot oʻtkazish uchun jalb qilinadigan shaxslar.

** oliy taʼlim muassasalarining rahbar va pedagog kadrlarini qayta tayyorlash va ularning malakasini oshirish kurslariga mashgʻulotlar oʻtkazish uchun soatbay ish haqi toʻlash shartlari bilan jalb etiladigan shaxslarga soatbay ish haqi miqdori belgilangan miqdorlaridan 25 foizga koʻpaytiriladi.

Oldingi tahrirga qarang.

Oʻzbekiston Respublikasi Vazirlar Mahkamasining 2015-yil 20-avgustdagi 242-son “Oliy taʼlim muassasalarining rahbar va pedagog kadrlarini qayta tayyorlash va ularning malakasini oshirishni tashkil etish chora-tadbirlari toʻgʻrisida”gi qaroriga asosan Oʻzbekiston Respublikasi oliy taʼlim, fan va innovatsiyalar vaziri oliy taʼlim muassasalarining rahbar va pedagog kadrlarini qayta tayyorlash va ularning malakasini oshirish kurslariga mashgʻulotlar oʻtkazish uchun soatbay ish haqi toʻlash shartlari bilan jalb etiladigan ayrim yuqori malakali ilmiy-pedagogik kadrlarga va tajribali amaliyotchi mutaxassislarga oʻquv mashgʻulotlari oʻtkazganligi uchun soatbay ish haqi miqdorini belgilangan miqdorlaridan 50 foiz yuqori etib belgilashga haqli.

(1-band izohning uchinchi xatboshisi Oʻzbekiston Respublikasi adliya vazirining 2024-yil 13-avgustdagi 18-mh-sonli buyrugʻi (roʻyxat raqami 3552, 15.08.2024-y.) tahririda — Qonunchilik maʼlumotlari milliy bazasi, 19.08.2024-y., 10/24/3552/0630-son)

*** ushbu bandda belgilangan oʻquv mashgʻulotlarini oʻtkazganlik uchun mehnatga soatbay haq toʻlash miqdorlari tavsiyaviy xususiyatga ega.

2. Oʻrta maxsus, kasb-hunar taʼlimi muassasalari pedagog xodimlariga oʻquv mashgʻulotlari oʻtkazganlik uchun mehnatga soatbay haq toʻlash miqdorlari:

T/r	Kontingent	Oʻquv mashgʻulotlarini olib boruvchi shaxslar	Mehnatga soatbay haq toʻlash miqdorlarini hisoblashda qoʻllaniladigan lavozimlar	Mehnatga soatbay haq toʻlash miqdori bazaviy lavozim maoshlariga nisbatan foizlarda
1.	Akademik litsey oʻquvchilari	fan doktori yoki fan doktori (Doctor of Science) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega boʻlgan shaxslar	Oliy taʼlim muassasalari Professor bazaviy lavozim maoshining fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega boʻlgan toifasidan	1,45
		fan nomzodi yoki falsafa doktori (Ph.D) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan shaxslar	Oliy taʼlim muassasalari Dotsent bazaviy lavozim maoshining fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan toifasidan	0,93
		bosh oʻqituvchi	Akademik litsey Bosh oʻqituvchisi bazaviy lavozim maoshidan	1,10
		yetakchi oʻqituvchi	Akademik litsey Yetakchi oʻqituvchisi bazaviy lavozim maoshidan	1,10
		katta oʻqituvchi	Akademik litsey Katta oʻqituvchisi bazaviy lavozim maoshidan	1,10
		oliy maʼlumotli oʻqituvchi	Akademik litsey Oliy maʼlumotli oʻqituvchisi bazaviy lavozim maoshidan	1,10
		oʻrta maxsus maʼlumotli oʻqituvchi	Akademik litsey Oʻrta maxsus maʼlumotli oʻqituvchisi bazaviy lavozim maoshidan	1,10
2.	Kasb-hunar taʼlimi muassasalari oʻquvchilari	fan doktori yoki fan doktori (Doctor of Science) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega boʻlgan shaxslar	Oliy taʼlim muassasalari Professor bazaviy lavozim maoshining fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega boʻlgan toifasidan	1,45
		fan nomzodi yoki falsafa doktori (Ph.D) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan shaxslar	Oliy taʼlim muassasalari Dotsent bazaviy lavozim maoshining fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan toifasidan	0,93
		bosh oʻqituvchi	Kasb-hunar kolleji Bosh oʻqituvchisi bazaviy lavozim maoshidan	1,10
		yetakchi oʻqituvchi	Kasb-hunar kolleji Yetakchi oʻqituvchisi bazaviy lavozim maoshidan	1,10
		katta oʻqituvchi	Kasb-hunar kolleji Katta oʻqituvchisi bazaviy lavozim maoshidan	1,10
		oliy maʼlumotli oʻqituvchi	Kasb-hunar kolleji Oliy maʼlumotli oʻqituvchisi bazaviy lavozim maoshidan	1,10
		oʻrta maxsus maʼlumotli oʻqituvchi	Kasb-hunar kolleji Oʻrta maxsus maʼlumotli oʻqituvchisi bazaviy lavozim maoshidan	1,10
		birinchi malaka toifali ishlab chiqarish taʼlimi ustasi	Kasb-hunar kolleji Katta oʻqituvchisi bazaviy lavozim maoshidan	1,10
		ikkinchi malaka toifali ishlab chiqarish taʼlimi ustasi	Kasb-hunar kolleji Oliy maʼlumotli oʻqituvchisi bazaviy lavozim maoshidan	1,10
		malaka toifasiga ega boʻlmagan ishlab chiqarish taʼlimi ustasi	Kasb-hunar kolleji Oʻrta maxsus maʼlumotli oʻqituvchisi bazaviy lavozim maoshidan	1,10

3. Umumtaʼlim maktablari pedagog xodimlariga oʻtgan darsi uchun soatbay haq toʻlash miqdorlari:

T/r	Kontingent	Oʻquv mashgʻulotlarini olib boruvchi shaxslar	Mehnatga soatbay haq toʻlash miqdorlarini hisoblashda qoʻllaniladigan lavozimlar	Mehnatga soatbay haq toʻlash miqdori bazaviy lavozim maoshlariga nisbatan foizlarda
1.	Umumtaʼlim maktablarining boshlangʻich va yuqori sinflari oʻqituvchilari, oʻqituvchi-logopedi, logopediya shoxobchasi mudiri	oliy malaka toifali	Oliy malaka toifali oʻqituvchi bazaviy lavozim maoshidan	1,20
		birinchi malaka toifali	Birinchi malaka toifali oʻqituvchi bazaviy lavozim maoshidan	1,20
		ikkinchi malaka toifali	Ikkinchi malaka toifali oʻqituvchi bazaviy lavozim maoshidan	1,20
		oliy maʼlumotli	Oliy maʼlumotli oʻqituvchi bazaviy lavozim maoshidan	1,20
		oʻrta maxsus maʼlumotli	Oʻrta maxsus maʼlumotli oʻqituvchi bazaviy lavozim maoshidan	1,20

Izoh:

1. Soatbay haq toʻlash miqdori tarkibiga mehnat taʼtili haqi kiritilgan.

2. Oʻzbekiston Respublikasi Fanlar akademiyasi, Qishloq xoʻjaligi fanlar akademiyasi akademiklari mehnatiga soatbay haq toʻlash miqdorlari 15 foizga oshiriladi.

3. Konkurs va tanlovlar jyurilari aʼzolari, shuningdek konkurs ishlari taqrizchilari mehnatiga haq toʻlashda oliy taʼlim muassasalari talabalari bilan oʻquv mashgʻulotlari olib borganlik uchun toʻlanadigan soatbay haq toʻlash miqdorlari qoʻllaniladi.

4. Akademik litseylar va umumtaʼlim maktablariga oʻqituvchilik faoliyatiga mehnatga soatbay haq toʻlash shartlarida jalb etiladigan oliy taʼlim muassasalarining professor-oʻqituvchilar tarkibi mehnatiga soatbay haq toʻlashda oliy taʼlim muassasalari talabalari bilan oʻquv mashgʻulotlari olib boruvchi shaxslar uchun nazarda tutilgan mehnatga soatbay haq toʻlash miqdorlari qoʻllaniladi.

5. Umumtaʼlim maktablarining 10-11-sinf oʻquvchilariga kasbiy taʼlim berishga ixtisoslashtirilgan oʻquv-ishlab chiqarish majmuasi ishlab chiqarish taʼlimi ustalari tarkibi mehnatiga soatbay haq toʻlashda kasb-hunar kollejlarining ishlab chiqarish taʼlimi ustalari uchun nazarda tutilgan mehnatga soatbay haq toʻlash miqdorlari qoʻllaniladi.

6. Oʻquv mashgʻulotlarini soatbay haq toʻlash asosida olib borganlik uchun haq toʻlash xarajatlari taʼlim muassasasi xarajatlar smetasining hisob-kitoblar yoyilmasida alohida qator bilan ajratilgan soatbay haq toʻlash fondi mablagʻlari doirasida amalga oshiriladi.

7. Soatbay haq toʻlash miqdorlari akademik soatdan kelib chiqib belgilangan.

4. Mazkur oʻquv mashgʻulotlarini oʻtkazganlik uchun mehnatga soatbay haq toʻlash miqdorlari Oʻzbekiston Respublikasi Moliya vazirligi bilan kelishilgan.

Moliya vaziri D. KUCHKAROV

2019-yil 10-aprel

(Qonun hujjatlari maʼlumotlari milliy bazasi, 22.04.2019-y., 10/19/3157/2979-son; Qonunchilik maʼlumotlari milliy bazasi, 19.08.2024-y., 10/24/3552/0630-son)