Hujjat kuchini yo‘qotgan " " 22.04.2019
O‘zbekiston Respublikasi Oliy va o‘rta maxsus ta’lim vazirligi
O‘zbekiston Respublikasi Xalq ta’limi vazirligi
O‘zbekiston Respublikasi bandlik va mehnat munosabatlari vazirligining
Karori
O‘quv mashg‘ulotlarini o‘tkazganlik uchun mehnatga soatbay haq to‘lash miqdorlarini tasdiqlash to‘g‘risida
[O‘zbekiston Respublikasi Adliya vazirligi tomonidan 2018-yil 15-avgustda ro‘yxatdan o‘tkazildi, ro‘yxat raqami 3054]
 LexUZ sharhi
Mazkur qaror O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi, Bandlik va mehnat munosabatlari vazirligining 2019-yil 10-apreldagi 3-2019, 19-qq va 15-2019-qq-sonli “O‘quv mashg‘ulotlarini o‘tkazganlik uchun mehnatga soatbay haq to‘lash miqdorlarini tasdiqlash to‘g‘risida”gi qaroriga (ro‘yxat raqami 3157, 22.04.2019-y.) asosan o‘z kuchini yo‘qotgan.
O‘zbekiston Respublikasi Prezidentining 2018-yil 2-iyuldagi PF-5469-son “Ish haqi, pensiyalar, stipendiyalar va nafaqalar miqdorini oshirish to‘g‘risida”gi Farmoni hamda O‘zbekiston Respublikasi Vazirlar Mahkamasining 2009-yil 11-dekabrdagi 312-son “O‘quv mashg‘ulotlari o‘tkazganlik uchun mehnatga soatbay haq to‘lash miqdorlari to‘g‘risida”gi qaroriga muvofiq O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi hamda Bandlik va mehnat munosabatlari vazirligi qaror qiladi:
1. O‘quv mashg‘ulotlarini o‘tkazganlik uchun mehnatga soatbay haq to‘lash miqdorlari ilovaga muvofiq tasdiqlansin.
2. Belgilab qo‘yilsinki, o‘quv mashg‘ulotlarini o‘tkazganlik uchun mehnatga soatbay haq to‘lash 2018-yil 15-iyuldan boshlab mazkur qarorga ilovada ko‘rsatilgan miqdorlarda amalga oshiriladi.
3. O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi hamda Bandlik va mehnat munosabatlari vazirligining 2018-yil 8-yanvardagi 1-2018, 1-mh va 2-q/q-son “O‘quv mashg‘ulotlarini o‘tkazganlik uchun mehnatga soatbay haq to‘lash miqdorlarini tasdiqlash to‘g‘risida”gi qarori (ro‘yxat raqami 2965, 2018-yil 18-yanvar) (O‘zbekiston Respublikasi qonun hujjatlari to‘plami, 2018-y., 3-son, 64-modda) o‘z kuchini yo‘qotgan deb hisoblansin.
4. Mazkur qaror rasmiy e’lon qilingan kundan e’tiboran kuchga kiradi.
Oliy va o‘rta maxsus ta’lim vaziri I. MADJIDOV
Toshkent sh.,
2018-yil 30-iyul,
17-2018-son
Xalq ta’limi vaziri Sh. ShERMATOV
Toshkent sh.,
2018-yil 30-iyul,
38-son
Bandlik va mehnat munosabatlari vaziri Sh. KUDBIYEV
Toshkent sh.,
2018-yil 30-iyul,
20-q/q-son
O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi, Bandlik va mehnat munosabatlari vazirligining 2018-yil 30-iyuldagi 17-2018, 38 va 20-q/q-son qaroriga
ILOVA
O‘quv mashg‘ulotlarini o‘tkazganlik uchun mehnatga soatbay haq to‘lash
MIQDORLARI
1. Oliy va o‘rta maxsus, kasb-hunar ta’limi va ilmiy tadqiqot muassasalarida, qayta tayyorlash va malaka oshirish muassasalarida, shuningdek mazkur muassasalarda tashkil etiladigan o‘quv kurslarida o‘quv mashg‘ulotlari o‘tkazganlik uchun mehnatga soatbay haq to‘lash miqdorlari:

T/r

Kontingent

O‘quv mashg‘ulotlarini olib boruvchi shaxslar

Soatbay haq to‘lash miqdorlari (so‘m)

1.

O‘rta maxsus, kasb-hunar ta’limi muassasalari o‘quvchilari

fan doktori yoki fan doktori (DSc) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan shaxslar

38 727,2

fan nomzodi, falsafa doktori (PhD) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan shaxslar

22 713,1

ilmiy darajaga ega bo‘lmagan shaxslar*

15 581,2

2.

Oliy ta’lim muassasalari talabalari

fan doktori yoki fan doktori (DSc) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan shaxslar

44 259,6

fan nomzodi, falsafa doktori (PhD) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan shaxslar

27 954,4

ilmiy darajaga ega bo‘lmagan shaxslar*

20 255,4

3.

Tayanch doktorant va doktorantlar, rahbar xodimlar va mutaxassislar malakasini oshirish bo‘yicha ta’lim muassasalari (kurslari) tinglovchilari**

fan doktori yoki fan doktori (DSc) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan shaxslar

53 481,4

fan nomzodi, falsafa doktori (PhD) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan shaxslar

36 690,1

ilmiy darajaga ega bo‘lmagan shaxslar*

29 604,2

4.

Kurslar tinglovchilari, o‘rta maxsus, kasb-hunar ma’lumoti talab etiladigan lavozimlarni egallab turgan ishchilar, xodimlar***

fan doktori yoki fan doktori (DSc) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan shaxslar

30 202,8

fan nomzodi, falsafa doktori (PhD) ilmiy darajasidan biriga, xorijiy mamlakatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan shaxslar

17 581,3

ilmiy darajaga ega bo‘lmagan shaxslar*

11 858,9

2. Umumta’lim maktablari pedagog xodimlariga o‘tgan darsi uchun soatbay haq to‘lash miqdorlari:

T/r

Kontingent

O‘quv mashg‘ulotlarini olib boruvchi shaxslar

Soatbay haq to‘lash miqdorlari(so‘m)

1.

Umumta’lim maktablarining boshlang‘ich sinflari o‘qituvchisi, o‘qituvchi-logopedi, logopediya shoxobchasi mudiri

oliy malaka toifali

17 606,2

birinchi malaka toifali

16 596,1

ikkinchi malaka toifali

15 541,2

oliy ma’lumotli

14 512,6

o‘rta maxsus ma’lumotli

13 565,9

2.

Umumta’lim maktablarining yuqori sinflari o‘qituvchisi

oliy malaka toifali

14 585,2

birinchi malaka toifali

13 229,5

ikkinchi malaka toifali

12 390,6

oliy ma’lumotli

11 573,3

o‘rta maxsus ma’lumotli

10 827,8

* ilmiy darajaga ega bo‘lmagan, mutaxassislik fanlari bo‘yicha mashg‘ulot o‘tkazish uchun jalb qilinadigan shaxslar.
** oliy ta’lim muassasalarining rahbar va pedagog kadrlarini qayta tayyorlash va ularning malakasini oshirish kurslariga mashg‘ulotlar o‘tkazish uchun soatbay ish haqi to‘lash shartlari bilan jalb etiladigan shaxslarga soatbay ish haqi miqdori belgilangan miqdorlaridan 25 foizga ko‘paytiriladi.
O‘zbekiston Respublikasi Vazirlar Mahkamasining 2015-yil 20-avgustdagi 242-sonli “Oliy ta’lim muassasalarining rahbar va pedagog kadrlarini qayta tayyorlash va ularning malakasini oshirishni tashkil etish chora-tadbirlari to‘g‘risida”gi qaroriga asosan, O‘zbekiston Respublikasi Oliy va o‘rta maxsus ta’lim vaziri oliy ta’lim muassasalarining rahbar va pedagog kadrlarini qayta tayyorlash va ularning malakasini oshirish kurslariga mashg‘ulotlar o‘tkazish uchun soatbay ish haqi to‘lash shartlari bilan jalb etiladigan ayrim yuqori malakali ilmiy-pedagogik kadrlarga va tajribali amaliyotchi mutaxassislarga o‘quv mashg‘ulotlari o‘tkazganligi uchun soatbay ish haqi miqdorini belgilangan miqdorlaridan 50 foiz yuqori etib belgilashga haqli.
*** ushbu bandda belgilangan o‘quv mashg‘ulotlarini o‘tkazganlik uchun mehnatga soatbay haq to‘lash miqdorlari tavsiyaviy xususiyatga ega.
Izoh:
1. Soatbay haq to‘lash miqdori tarkibiga mehnat ta’tili haqi kiritilgan.
2. O‘zbekiston Respublikasi Fanlar akademiyasi, sobiq O‘zbekiston qishloq xo‘jaligi fanlari akademiyasi akademiklari mehnatiga soatbay haq to‘lash miqdorlari 15 foizga oshiriladi.
3. Konkurs va tanlovlar jyurilari a’zolari, shuningdek konkurs ishlari taqrizchilari mehnatiga haq to‘lashda oliy ta’lim muassasalari talabalari bilan o‘quv mashg‘ulotlari olib borganlik uchun to‘lanadigan soatbay haq to‘lash miqdorlari qo‘llaniladi.
4. Akademik litseylarga o‘qituvchilik faoliyatiga mehnatga soatbay haq to‘lash shartlarida jalb etiladigan oliy ta’lim muassasalarining professor-o‘qituvchilar tarkibi mehnatiga soatbay haq to‘lashda oliy ta’lim muassasalari talabalari bilan o‘quv mashg‘ulotlari olib boruvchi shaxslar uchun nazarda tutilgan mehnatga soatbay haq to‘lash miqdorlari qo‘llaniladi.
5. Umumta’lim maktablarining 10-11-sinf o‘quvchilariga kasbiy ta’lim berishga ixtisoslashtirilgan o‘quv-ishlab chiqarish majmuasi ishlab chiqarish ta’limi ustalarining soatbay haq to‘lash miqdori — 15581,2 so‘m.
6.O‘quv mashg‘ulotlarini soatbay haq to‘lash asosida olib borganlik uchun haq to‘lash xarajatlari ta’lim muassasasi xarajatlar smetasining hisob-kitoblar yoyilmasida alohida qator bilan ajratilgan soatbay haq to‘lash fondi mablag‘lari doirasida amalga oshiriladi.
7. Soatbay haq to‘lash miqdorlari akademik soatdan kelib chiqib belgilangan.
3. Mazkur o‘quv mashg‘ulotlarini o‘tkazganlik uchun mehnatga soatbay haq to‘lash miqdorlari O‘zbekiston Respublikasi Moliya vazirligi bilan kelishilgan.
Moliya vaziri D. KUChKAROV
2018-yil 30-iyul
(Qonun hujjatlari ma’lumotlari milliy bazasi, 16.08.2018-y., 10/18/3054/1726-son)