Ijtimoiy-iqtisodiy sohaning dolzarb yo‘nalishlari bo‘yicha ilmiy-amaliy ishlanmalar samaradorligini oshirish maqsadida, shuningdek, O‘zbekiston Respublikasi Prezidentining 2018-yil 15-fevraldagi “Ijtimoiy-iqtisodiy rivojlanish masalalari bo‘yicha ilmiy-tadqiqot muassasalari faoliyatini takomillashtirish yuzasidan tashkiliy chora-tadbirlar to‘g‘risida”gi PK-3534-son qaroriga muvofiq:

1.O‘zbekiston Respublikasi Vazirlar Mahkamasi huzuridagi Prognozlashtirish va makroiqtisodiy tadqiqotlar instituti hamda Ijtimoiy tadqiqotlar instituti tegishincha Iqtisodiyot vazirligi va Moliya vazirligi tasarrufiga o‘tkazilganligi ma’lumot uchun qabul qilinsin.

2. Ijtimoiy sohadagi tadqiqotlarni o‘tkazish vazifasi Prognozlashtirish va makroiqtisodiy tadqiqotlar institutiga yuklatilgan holda Ijtimoiy tadqiqotlar instituti O‘zbekiston Respublikasi Moliya vazirligi huzuridagi Budjet-soliq tadqiqotlari instituti etib qayta tashkil qilinsin.

3. Belgilab qo‘yilsinki:

O‘zbekiston Respublikasi Moliya vazirligi huzuridagi Budjet-soliq tadqiqotlari instituti O‘zbekiston Respublikasi Moliya vazirligi huzuridagi Ijtimoiy tadqiqotlar institutining huquq va majburiyatlari bo‘yicha huquqiy vorisi hisoblanadi;

4. Quyidagilar:

a) O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi Prognozlashtirish va makroiqtisodiy tadqiqotlar institutining asosiy vazifalari va faoliyat yo‘nalishlari etib belgilansin:

iqtisodiyotni liberallashtirish, aholi farovonligini oshirish maqsadida mamlakatning intellektual, texnologik va innovatsion salohiyatini yuksaltirish sharoitida qisqa muddatli, o‘rta muddatli va uzoq muddatli davrda mamlakatni ijtimoiy-iqtisodiy rivojlantirishni ta’minlashga qaratilgan strategik rejalashtirish tizimining hamda konsepsiyalarni, kompleks, maqsadli, sohaviy va hududiy dasturlarni ishlab chiqishning ilmiy-metodologik asoslarini shakllantirish;

ilg‘or xorijiy tajriba asosida prognozli modellashtirishning zamonaviy instrumentariysini ishlab chiqish, makroiqtisodiy siyosat chora-tadbirlarining milliy iqtisodiyot, uning alohida sohalari va hududlar rivojlanishiga ta’sirini baholash;

ichki va tashqi bozorda mahalliy mahsulotlar raqobatbardoshligini, tashqi iqtisodiy faoliyat samaradorligini oshirishga qaratilgan iqtisodiyotdagi tarkibiy o‘zgartirishlar strategiyasini ishlab chiqishda qatnashish, mamlakat iqtisodiyotini modernizatsiya va diversifikatsiya qilishning eng muhim yo‘nalishlari bo‘yicha takliflar tayyorlash;

iqtisodiyotni isloh qilish va liberallashtirishni yanada chuqurlashtirish, xususiy mulkning ustuvor rolini ta’minlash, iqtisodiyotni boshqarishning bozor uslublari va mexanizmlarini keng joriy etish bo‘yicha ilmiy asoslantirilgan takliflar tayyorlash;

hududlarning investitsiyaviy va resurs salohiyatidan samarali foydalanish, kichik biznesni, innovatsion tadbirkorlikni rivojlantirishni yanada rag‘batlantirish hamda investitsiya muhitini yaxshilash hisobiga iqtisodiyotda hududlararo nomutanosiblikni qisqartirishni nazarda tutadigan hududlarni kompleks va muvozanatlashgan ijtimoiy-iqtisodiy rivojlantirish strategiyalari hamda dasturlarini ishlab chiqishda ishtirok etish;

ilg‘or resurs tejovchi va innovatsion texnologiyalarni joriy qilishning strategik yo‘nalishlari, iqtisodiyotning energiya samaradorligini oshirish, qayta tiklanadigan energiya manbalarini joriy etish hamda rivojlantirish bo‘yicha takliflar tayyorlash;

davlat zaxirasini shakllantirishning metodologik asoslarini hamda mamlakat oziq-ovqat xavfsizligi strategiyasini ishlab chiqishda ko‘maklashish;

kelgusida mehnat resurslari prognozli balanslarini, shuningdek, aholiga taqdim etiladigan ijtimoiy xizmatlar ko‘lamini kengaytirishga qaratilgan innovatsion chora-tadbirlar hamda mexanizmlarni ishlab chiqqan holda, demografik rivojlanishning o‘rta muddatli va uzoq muddatli prognozlarini shakllantirish;

aholi hayot darajasi va sifatining turli tarkibiy qismlari, uning farovonligi dinamikasi, jumladan daromadlari miqdori va manbalari, iste’mol xarajatlari tuzilmasining tizimli tahlilini o‘tkazish;

eng kam “iste’mol savatchasi” hamda tirikchilik uchun eng kam miqdor hisob-kitobini amalga oshirish, kelgusida aholining xarid qobiliyatini yanada oshirishni ta’minlash bo‘yicha takliflar ishlab chiqish;

ommaviy axborot vositalari va ilmiy maqolalarda, konferensiyalar, “davra suhbatlari” va seminarlar davomida iqtisodiy islohotlar natijalarini mahalliy hamda xorijiy ekspertlarni, biznes-doiralar vakillarini jalb etgan holda keng muhokama qilish;

b) O‘zbekiston Respublikasi Moliya vazirligi huzuridagi Budjet-soliq tadqiqotlari institutining asosiy vazifalari va faoliyat yo‘nalishlari etib belgilansin:

budjet-soliq va bojxona-tarif siyosati sohasida ilmiy-tadqiqot fundamental hamda amaliy ishlarni tashkil qilish va olib borish, ularni takomillashtirish, budjet jarayoni hamda soliq ma’muriyatchiligi samaradorligini oshirish, mahalliy budjetlarning daromadlar bazasini mustahkamlash bo‘yicha amaliy tavsiyalar ishlab chiqish;

O‘zbekiston Respublikasi Moliya vazirligini budjet-soliq hamda bojxona-tarif siyosatini takomillashtirish masalalari bo‘yicha uslubiy va tahliliy ta’minlash;

moliya sektorining rivojlanish tendensiyalarini hamda budjet-soliq va bojxona-tarif siyosati sohasida amalga oshirilayotgan chora-tadbirlarni tahlil qilish, budjetlashtirishdagi tizimli muammolarni aniqlash hamda uning uslublari samaradorligini oshirish, hududlarning budjeti yetarliligini ta’minlash;

O‘zbekiston Respublikasi Davlat budjeti daromad va xarajat qismini rejalashtirish hamda prognozlashtirishning innovatsion uslublarini, budjet tashkilotlarini moliyalashtirish mexanizmlarini, budjet tizimi budjetlarining ijro etilishida potensial xavflar shakllanishi ustidan davlat moliya nazorati va monitoringini ishlab chiqish;

pensiya ta’minoti tizimini yanada takomillashtirish bo‘yicha takliflarni shakllantirish, budjet, soliq va bojxona qonunchiligini takomillashtirish yuzasidan takliflar ishlab chiqishda qatnashish;

ommaviy axborot vositalarida, jumladan televideniye va internet-resurslarda ilmiy tadqiqotlar natijalarini keng yoritish, shuningdek, aholining moliyaviy savodxonlik darajasini oshirishda faol ishtirok etish.

5. Quyidagilar:

O‘zbekiston Respublikasi Moliya vazirligi huzuridagi Budjet-soliq tadqiqotlari institutining tuzilmasi 2-ilovaga muvofiq tasdiqlansin.

Tegishlicha O‘zbekiston Respublikasi iqtisodiy taraqqiyot va kambag‘allikni qisqartirish vaziri va moliya vaziriga, zarur hollarda, xodimlarning tasdiqlangan umumiy cheklangan soni va mehnatga haq to‘lash fondi doirasida institutlarning tuzilmasiga o‘zgartishlar kiritish huquqi berilsin.

6. Institutlarga quyidagi huquqlar berilsin:

davlat va xo‘jalik boshqaruvi organlari mutaxassislarini, ilmiy-tadqiqot tashkilotlari xodimlarini, oliy ta’lim muassasalari, jumladan xalqaro va xorijiy muassasalarning olimlari va o‘qituvchilarini ilmiy-amaliy tadqiqotlarga ekspertlar sifatida shartnoma asosida jalb qilish;

boshqa ilmiy-tadqiqot tashkilotlari, oliy ta’lim muassasalari, jamg‘armalar, jumladan xalqaro va xorijiy muassasalar, jamg‘armalar bilan qo‘shma ilmiy tadqiqotlar olib borish bo‘yicha shartnomalar tuzish;

vakolatli davlat boshqaruvi organlaridan moliyaviy, soliq, statistik va tadqiqotlar o‘tkazish uchun zarur boshqa ma’lumotni so‘rash hamda bepul olish;

davlat va xo‘jalik boshqaruvi organlari, xo‘jalik yurituvchi subyektlarga shartnoma asosida konsalting xizmatlarini ko‘rsatish.

7. Belgilab qo‘yilsinki:

institutlar direktorlari tegishincha O‘zbekiston Respublikasi iqtisodiy taraqqiyot va kambag‘allikni qisqartirish vaziri va moliya vazirining buyrug‘i bilan lavozimga tayinlanadi va lavozimdan ozod etiladi;

joriy saqlab turish uchun ajratiladigan O‘zbekiston Respublikasi Davlat budjeti mablag‘lari, xo‘jalik faoliyatidan hamda shartnoma asosida tadqiqotlar o‘tkazishdan kelib tushgan tushumlar, xalqaro (xorijiy) moliya va boshqa tashkilotlarning fantlari, shuningdek, qonun hujjatlarida taqiqlanmagan boshqa manbalar institutlar faoliyatini moliyalashtirish manbalari etib hisoblanadi;

institutlarning daromadlari soliq solish obyekti hisoblanmaydi;

institutlarning xodimlari uchun tegishincha O‘zbekiston Respublikasi Iqtisodiy taraqqiyot va kambag‘allikni qisqartirish vazirligi va Moliya vazirligining markaziy apparati xodimlari uchun belgilangan mehnatga haq to‘lash va moddiy rag‘batlantirish shartlari tatbiq etiladi;

institutlar xodimlari uchun budjet mablag‘lari hisobidan mehnatga haq to‘lash fondining 50 foizi miqdorida Moddiy rag‘batlantirish maxsus fondlari nazarda tutiladi;

institutlarning alohida xizmat ko‘rsatgan xodimlarini rag‘batlantirish Moddiy rag‘batlantirish maxsus fondi hisobidan ikki lavozim maoshigacha bo‘lgan miqdorda amalga oshiriladi.

O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi Prognozlashtirish va makroiqtisodiy tadqiqotlar instituti direktori maqomi va mehnatga haq to‘lash shartlari, tibbiy, transport va maishiy ta’minot sharoitlari bo‘yicha vazirning o‘rinbosariga tenglashtiriladi.

8. O‘zbekiston Respublikasi Moliya vazirligi har yili institutlarning asoslangan hisob-kitoblariga ko‘ra, ular faoliyatini ta’minlash, jumladan xodimlarning xalqaro ilmiy-amaliy tadbirlarda qatnashishi bilan bog‘lik xarajatlar uchun, davriy nashrlarni, xususan xorijda chop etiladigan nashrlarni sotib olish uchun O‘zbekiston Respublikasi Davlat budjetidan zarur mablag‘lar ajratsin.

9. O‘zbekiston Respublikasi Iqtisodiy taraqqiyot va kambag‘allikni qisqartirish vazirligi, Moliya vazirligi:

institutlar faoliyatini ta’minlash va ularni yanada rivojlantirish maqsadida xalqaro (xorijiy) moliya institutlari va boshqa tashkilotlarning grantlarini jalb qilish choralarini ko‘rsin;

ikki hafta muddatda institutlar ustavlarini ishlab chiqsin va tasdiqlasin.

10. O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi Prognozlashtirish va makroiqtisodiy tadqiqotlar instituti Toshkent shahri, Xadra massivi, 33-uy manzilidagi bino-inshootlarni ularga tutashgan yer maydoni bilan operativ boshqaruv huquqi asosida bepul qabul qilib olgan holda, faoliyatiga moslashtirib rekonstruksiya qilish va jihozlash ishlari yakunlangandan so‘ng joylashtirilsin.

11. O‘zbekiston Respublikasi Prezidentining ayrim hujjatlari 3-ilovaga muvofiq o‘z kuchini yo‘qotgan deb hisoblansin.

12. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chkorov, O‘zbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sadikov va O‘zbekiston Respublikasi iqtisodiyot vaziri B.A. Xodjayev zimmasiga yuklansin.

2. “O‘zbekiston Respublikasi Prezidentining ba’zi hujjatlariga o‘zgartirishlar kiritish to‘g‘risida” O‘zbekiston Respublikasi Prezidentining 2017-yil17-iyuldagi PF-5115-sonli Farmoni ilovasining 13-bandi.

3. “O‘zbekiston Respublikasi Prezidentining ba’zi hujjatlariga o‘zgartish va qo‘shimchalar kiritish to‘g‘risida” O‘zbekiston Respublikasi Prezidentining 2017-yil 17-avgustdagi PF-5158-sonli Farmoni ilovasining 15-bandi.

4. “O‘zbekiston Respublikasi Prezidentining ba’zi hujjatlariga o‘zgartirishlar kiritish to‘g‘risida” O‘zbekiston Respublikasi Prezidentining 2017-yil 16 okyabrdagi PF-5204-sonli Farmonining 21 va 22-bandlari.

5. O‘zbekiston Respublikasi Prezidentining “Ijtimoiy-iqtisodiy tadqiqotlar markazini Prognozlashtirish va makroiqtisodiy tadqiqotlar institutiga aylantirish to‘g‘risida” 2008-yil 30-iyuldagi PQ-928-sonli qarori.

6. O‘zbekiston Respublikasi Prezidentining “O‘zbekiston Respublikasi Moliya vazirligi huzurida Ijtimoiy tadqiqotlar institutini tashkil etish to‘g‘risida” 2008-yil 30-iyuldagi PQ-930-sonli qarori.

7. O‘zbekiston Respublikasi Prezidentining “Ijtimoiy-iqtisodiy rivojlanish masalalari bo‘yicha ilmiy-tadqiqot muassasalari faoliyatini takomillashtirishga oid tashkiliy chora-tadbirlar to‘g‘risida” 2018-yil 15-fevraldagi PQ-3534-sonli qarori ilovasining 1 va 2-bandlari.