164-сон 01.08.2008. Respublika oliy taʼlim muassasalari xodimlari mehnatiga haq toʻlashning takomillashtirilgan tizimini tasdiqlash toʻgʻrisida

O‘zbekiston Respublikasi Vazirlar Mahkamasining

qarori

Respublika oliy ta’lim muassasalari xodimlari mehnatiga haq to‘lashning takomillashtirilgan tizimini tasdiqlash to‘g‘risida

O‘zbekiston Respublikasi Prezidentining “Respublika oliy ta’lim muassasalari xodimlari mehnatiga haq to‘lash tizimini takomillashtirish va uni moddiy rag‘batlantirishni kuchaytirish chora-tadbirlari to‘g‘risida” 2008-yil 24-iyuldagi PQ-926-son qarorini bajarish yuzasidan Vazirlar Mahkamasi qaror qiladi:

1. Oliy ta’lim muassasalarining professor-o‘qituvchilar tarkibi va rahbar xodimlari mehnatiga haq to‘lashning 1—3-ilovalarga muvofiq bazaviy lavozim maoshlari 2008-yil 1-sentabrdan boshlab amalga kiritilsin.

2. Oliy ta’lim muassasalari xodimlari mehnatiga haq to‘lash to‘g‘risidagi Nizom 4-ilovaga muvofiq tasdiqlansin.

Oldingi tahrirga qarang.

2¹. Oliy ta’lim muassasalarining boshqaruv, texnik, xizmat ko‘rsatuvchi va o‘quv-yordamchi xodimlarining mehnatiga haq to‘lash razryadlari 5-ilovaga muvofiq tasdiqlansin va 2017-yil 1-sentabrdan joriy etilsin.

(2¹-band O‘zbekiston Respublikasi Vazirlar Mahkamasining 2017-yil 11-avgustdagi 617-sonli qaroriga asosan kiritilgan — O‘R QHT, 2017-y., 33-son, 852-modda)

3. O‘zbekiston Respublikasi Oliy va o‘rta maxsus ta’lim vazirligi Mehnat va aholini ijtimoiy muhofaza qilish vazirligi bilan birgalikda 2008-yil 1-sentabrgacha oliy ta’lim muassasalari xodimlari mehnatiga haq to‘lashning takomillashtirilgan tizimini joriy etish bo‘yicha zarur tushuntirish ishlarini va tashkiliy ishlarni amalga oshirsin.

Amalga oshirilgan ishlar to‘g‘risida Vazirlar Mahkamasining 2008-yil 9 oyi yakunlari bo‘yicha majlisida axborot berilsin.

Oldingi tahrirga qarang.

4. O‘zbekiston Respublikasi Oliy va o‘rta maxsus ta’lim vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligi, tizimida oliy ta’lim muassasalari bo‘lgan vazirliklar va idoralarning kunduzgi ta’lim shakli bo‘yicha bakalavriat ta’lim yo‘nalishlari va magistratura mutaxassisliklariga qarab bir o‘qituvchiga to‘g‘ri keladigan talabalar soni nisbatining cheklangan normativlarini:

2009/2010 o‘quv yilidan boshlab — 1:10,5;

2019/2020 o‘quv yilidan boshlab — 1:12,0;

2020/2021 o‘quv yilidan boshlab — 1:14,0;

2021/2022 o‘quv yilidan boshlab — 1:16,0 nisbatida belgilash;

Oldingi tahrirga qarang.

O‘zbekiston davlat konservatoriyasi hamda uning Nukus filialida, Yunus Rajabiy nomidagi O‘zbekiston milliy musiqa san’ati akademiyasida, shuningdek, O‘zbekiston davlat konservatoriyasi huzuridagi Botir Zokirov nomidagi Milliy estrada san’ati institutida asosan yakka tartibda mashg‘ulotlar olib borish xususiyatlarini inobatga olib, bir o‘qituvchiga to‘g‘ri keladigan talabalar soni nisbatining cheklangan normativlarini bosqichma-bosqich 2021-yildan 1:3,1, 2022-yildan 1:2,5, 2023-yildan 1:2,2 etib belgilash;

(4-bandning oltinchi xatboshisi O‘zbekiston Respublikasi Prezidentining 2023-yil 30-avgustdagi PQ-289-sonli qarori tahririda — Qonunchilik ma’lumotlari milliy bazasi, 05.09.2023-y., 07/23/289/0679-son)

oliy ta’lim muassasasi kengashlariga, zarur hollarda, mazkur nisbatlarni 50 foizgacha o‘zgartirish vakolatini berish to‘g‘risidagi taklifiga rozilik berilsin.

Belgilansinki, ta’lim sohalari bloklari va shakllari bo‘yicha bir nafar o‘qituvchi hisobiga to‘g‘ri keladigan talabalar soni nisbatining normativlari O‘zbekiston Respublikasi Moliya vazirligi bilan kelishilgan holda Oliy va o‘rta maxsus ta’lim vazirligi tomonidan tasdiqlanadi.

(4-band O‘zbekiston Respublikasi Vazirlar Mahkamasining 2020-yil 26-avgustdagi 517-sonli qarori tahririda — Qonun hujjatlari ma’lumotlari milliy bazasi, 27.08.2020-y., 09/20/517/1226-son)

5. O‘zbekiston Respublikasi Oliy va o‘rta maxsus ta’lim vazirligi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda:

qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin;

idoraviy normativ hujjatlarni mazkur qarorga muvofiqlashtirsin.

6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Bosh vazirining o‘rinbosari R.S. Qosimov zimmasiga yuklansin.

O‘zbekiston Respublikasining Bosh vaziri Sh. MIRZIYOYEV

Toshkent sh.,

2008-yil 1-avgust,

164-son

Oldingi tahrirga qarang.

Vazirlar Mahkamasining 2008-yil 1-avgustdagi 164-son qaroriga
1-ILOVA

Oldingi tahrirga qarang.

Oliy ta’lim muassasalarining professor-o‘qituvchilar tarkibi mehnatiga haq to‘lash bo‘yicha bazaviy lavozim maoshlari

MIQDORLARI

	(so‘m)
Lavozimlar nomi	Bazaviy lavozim maoshlari miqdorlari
Lavozimlar nomi	2018-yil 1-sentabrdan boshlab	2019-yil 1-yanvardan boshlab	2019-yil 1-iyuldan boshlab
1. Kafedra mudiri:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3880000	4656000	5820 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	3640000	4368000	5460 000
ilmiy darajaga yoki ilmiy unvonga ega bo‘lmagan	3210000	3852 000	4815 000
2. Professor:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega bo‘lgan	3700000	4440 000	5550 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va dotsent ilmiy unvoniga ega bo‘lgan	3480 000	4176 000	5220 000
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3320 000	3984 000	4980 000
3. Dotsent:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3130 000	3756 000	4695 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	2930 000	3516 000	4395 000
ilmiy darajaga yoki ilmiy unvonga ega bo‘lmagan	2620 000	3144 000	3930 000
4. Katta o‘qituvchi:
ilmiy darajaga va ilmiy unvonga ega bo‘lgan	2730 000	3276 000	4095 000
ilmiy darajaga yoki ilmiy unvonga ega bo‘lgan	2570 000	3084 000	3855 000
ilmiy unvonga yoki ilmiy darajaga ega bo‘lmagan	2350 000	2820 000	3525 000
5. Assistent, o‘qituvchi:
ilmiy darajaga va ilmiy unvonga ega bo‘lgan	2410 000	2892 000	3615 000
ilmiy darajaga yoki ilmiy unvonga ega bo‘lgan	2250 000	2700 000	3375 000
ilmiy unvonga yoki ilmiy darajaga ega bo‘lmagan	2090 000	2508 000	3135 000
6. O‘qituvchi-stajer	1850 000	2220 000	2775 000

Izohlar:

1. Ushbu ilovada nazarda tutilgan bazaviy lavozim maoshlari kadrlar malakasini oshirish va ularni qayta tayyorlash ta’lim muassasalarida (markazlar, institutlar, fakultetlarda) tegishli lavozimlar uchun ham qo‘llaniladi, qonun hujjatlarida nazarda tutilgan holatlar bundan mustasno.

2. Professor unvoniga ega bo‘lmagan, biroq fan nomzodi, falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan, professor lavozimiga bir muddatga qabul qilingan shaxslarga bazaviy lavozim maoshi quyidagi miqdorda belgilanadi:

2018-yil 1-sentabrdan boshlab — 3 130 000 so‘m;

2019-yil 1-yanvardan boshlab — 3 756 000 so‘m;

2019-yil 1-iyuldan boshlab — 4 695 000 so‘m.

(1-ilova matni O‘zbekiston Respublikasi Vazirlar Mahkamasining 2018-yil 15-avgustdagi 662-sonli qarori tahririda — Qonun hujjatlari ma’lumotlari milliy bazasi, 16.08.2018-y., 09/18/662/1764-son)

Oldingi tahrirga qarang.

3. Dotsent lavozimiga bir muddatga qabul qilingan professor-o‘qituvchilarga mos ravishda ushbu ilovaning “3. Dotsent” bo‘limida nazarda tutilgan bazaviy lavozim maoshlari belgilanadi.

(1-ilovaning “ izohlar” qismi O‘zbekiston Respublikasi Vazirlar Mahkamasining 2025-yil 12-iyundagi 362-sonli qaroriga asosan 3-band bilan to‘ldirilgan — Qonunchilik ma’lumotlari milliy bazasi, 13.06.2025-y., 09/25/362/0507-son)

Oldingi tahrirga qarang.

Vazirlar Mahkamasining 2008-yil 1-avgustdagi 164-son qaroriga
2-ILOVA

Oldingi tahrirga qarang.

Oliy ta’lim muassasalarining rahbar xodimlari mehnatiga haq to‘lash bo‘yicha bazaviy lavozim maoshlari

MIQDORLARI

	(so‘m)
Lavozimlar nomi	Bazaviy lavozim maoshlari miqdorlari
Lavozimlar nomi	2018-yil 1-sentabrdan boshlab	2019-yil 1-yanvardan boshlab	2019-yil 1-iyuldan boshlab
1. Rektor:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	4120 000	4944 000	6180 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	3960 000	4752 000	5940 000
2. Proryektor:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3900 000	4680 000	5850 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	3700 000	4440 000	5550 000
ilmiy darajaga yoki ilmiy unvonga ega bo‘lmagan	3400 000	4080 000	5100 000
3. Filial direktori:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3900 000	4680 000	5850 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	3700 000	4440 000	5550 000
4. Filial direktorining o‘rinbosari:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3700 000	4440 000	5550 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	3530 000	4236 000	5295 000
ilmiy darajaga yoki ilmiy unvonga ega bo‘lmagan	3270 000	3924 000	4905 000
5. Dekan:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3700 000	4440 000	5550 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	3480 000	4176 000	5220 000
ilmiy darajaga yoki ilmiy unvonga ega bo‘lmagan	3130 000	3756 000	4695 000
6. Dekan o‘rinbosari:
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan	3480 000	4176 000	5220 000
fan nomzodi yoki falsafa doktori (Ph.D) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki dotsent ilmiy unvoniga ega bo‘lgan	3320 000	3984 000	4980 000
ilmiy darajaga yoki ilmiy unvonga ega bo‘lmagan	2730 000	3276 000	4095 000

Izoh:

Ushbu ilovada nazarda tutilgan bazaviy lavozim maoshlari kadrlar malakasini oshirish va ularni qayta tayyorlash ta’lim muassasalarida (institutlar, fakultetlarda) tegishli lavozimlar uchun ham qo‘llaniladi, qonun hujjatlarida nazarda tutilgan holatlar bundan mustasno.

(2-ilova matni O‘zbekiston Respublikasi Vazirlar Mahkamasining 2018-yil 15-avgustdagi 662-sonli qarori tahririda — Qonun hujjatlari ma’lumotlari milliy bazasi, 16.08.2018-y., 09/18/662/1764-son)

Oldingi tahrirga qarang.

Vazirlar Mahkamasining 2008-yil 1-avgustdagi 164-son qaroriga
3-ILOVA

Oldingi tahrirga qarang.

Oliy ta’lim muassasalarining boshqa xodimlari mehnatiga haq to‘lash bo‘yicha bazaviy lavozim maoshlari

MIQDORLARI

	(so‘m)
Lavozimlar nomi	Bazaviy lavozim maoshlari miqdorlari
1. Axborot texnologiyalari markazlari muhandislari:
1-toifali	834 123
2-toifali	773 412
toifasiz	715 141
2. Madaniyat va san’at ta’lim yo‘nalishlari bo‘yicha kadrlar (pedagoglar) tayyorlovchi oliy ta’lim muassasalari konsertmeysterlari:
yetakchi konsertmeyster	2046 263
konsertmeyster	1821 311
3. Ilmiy kengashning ilmiy kotibi,oliy ta’lim muassasasikengashining kotibi
ilmiy darajaga yoki ilmiy unvonga ega bo‘lgan	2570 000
ilmiy darajaga ega bo‘lmagan	2140000
4. Ishlab chiqarish ta’limi ustasi	773 412

(3-ilova matni O‘zbekiston Respublikasi Vazirlar Mahkamasining 2018-yil 15-avgustdagi 662-sonli qarori tahririda — Qonun hujjatlari ma’lumotlari milliy bazasi, 16.08.2018-y., 09/18/662/1764-son)

Vazirlar Mahkamasining 2008-yil 1-avgustdagi 164-son qaroriga
4-ILOVA

Oliy ta’lim muassasalari xodimlari mehnatiga haq to‘lash to‘g‘risida

NIZOM

I. Umumiy qoidalar

1. Mazkur Nizom O‘zbekiston Respublikasi Prezidentining “Respublika oliy ta’lim muassasalari xodimlari mehnatiga haq to‘lash tizimini takomillashtirish va uni moddiy rag‘batlantirishni kuchaytirish chora-tadbirlari to‘g‘risida” 2008-yil 24-iyuldagi PQ-926-son qaroriga muvofiq ishlab chiqilgan hamda Davlat budjetidan yoki aralash tarzda mablag‘ bilan ta’minlanadigan oliy ta’lim muassasalarining professor-o‘qituvchilar tarkibi va rahbar xodimlari mehnatiga haq to‘lash tartibi va shartlarini belgilaydi.

2. Ushbu Nizomning amal qilishi budjet tashkilotlari uchun qo‘llanadigan Yagona tarif setkasi asosida amalga oshiriladigan oliy ta’lim muassasalarining o‘quv-yordamchi, texnik va xizmat ko‘rsatuvchi xodimlari mehnatiga haq to‘lashga tatbiq etilmaydi.

Oldingi tahrirga qarang.

3. Oliy ta’lim muassasalari xodimlarining ish haqi bazaviy lavozim maoshini, shuningdek qonunchilikda va ushbu Nizomda nazarda tutilgan ustamalar va qo‘shimcha to‘lovlarni o‘z ichiga oladi.

(3-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

II. Oliy ta’lim muassasalari xodimlarining lavozim maoshlari

4. Oliy ta’lim muassasalari xodimlarining lavozim maoshlari:

oliy ta’lim muassasalari professor-o‘qituvchilar tarkibi va rahbar xodimlarining har bir lavozimi uchun belgilanadigan bazaviy lavozim maoshlari;

Oldingi tahrirga qarang.

xodimlarga qonunchilikda belgilangan ustamalar va qo‘shimcha to‘lovlar asosida shakllantiriladi.

(4-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

LexUZ sharhi

Qarang: O‘zbekiston Respublikasi Mehnat kodeksining 15 bobi (“Mehnatga haq to‘lash”).

5. Professor-o‘qituvchilar tarkibining bazaviy lavozim maoshlari:

shtatdagi lavozimga;

ilmiy daraja, ilmiy unvon mavjudligiga qarab tabaqalashtiriladi.

Oldingi tahrirga qarang.

(6-band O‘zbekiston Respublikasi Vazirlar Mahkamasining 2018-yil 15-avgustdagi 662-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 16.08.2018-y., 09/18/662/1764-son)

7. Rahbarlar tarkibiga oliy ta’lim muassasasining rektori, prorektori, dekani, dekan o‘rinbosari, oliy ta’lim muassasasi filialining direktori, direktor o‘rinbosari lavozimlaridagi shaxslar kiradi.

Oldingi tahrirga qarang.

Qonunchilikka muvofiq o‘quv jarayoni o‘qitishning modul tizimiga asoslangan oliy ta’lim muassasalarida O‘quv-metodik bo‘lim (boshqarma) boshlig‘i va boshliqning o‘rinbosari lavozimini egallab turgan shaxslar ham rahbarlar tarkibiga kiradi.

(7-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

8. Professor-o‘qituvchilar tarkibiga kafedra mudiri, professor, dotsent, katta o‘qituvchi, assistent, o‘qituvchi, tajriba orttiruvchi o‘qituvchi lavozimidagilar kiritiladi.

Oliy ta’lim muassasasining kafedra mudiri, professor, dotsent, katta o‘qituvchi, assistent, o‘qituvchi, tajriba orttiruvchi o‘qituvchi lavozimlari Vazirlar Mahkamasining 2006-yil 10-fevraldagi 20-son qarori bilan tasdiqlangan Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi Nizomga muvofiq egallanadi.

Oldingi tahrirga qarang.

(9-band O‘zbekiston Respublikasi Vazirlar Mahkamasining 2018-yil 15-avgustdagi 662-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 16.08.2018-y., 09/18/662/1764-son)

10. Oliy ta’lim muassasalari xodimlarining bazaviy lavozim maoshlarini o‘zgartirish:

O‘zbekiston Respublikasi Prezidenti farmonlariga muvofiq budjet tashkilotlari xodimlarining ish haqi oshganda;

xodim oliy ta’lim muassasasida boshqa lavozimga o‘tganda amalga oshiriladi.

Bazaviy lavozim maoshini o‘zgartirish oliy ta’lim muassasasi bo‘yicha buyruq bilan rasmiylashtiriladi.

Oldingi tahrirga qarang.

11. O‘zbekiston Respublikasi Prezidentining ish haqi miqdorlarini oshirish to‘g‘risidagi Farmonlari bilan bog‘liq tarzda bazaviy lavozim maoshlari o‘zgargan taqdirda, O‘zbekiston Respublikasi Oliy ta’lim, fan va innovatsiyalar vazirligi hamda Kambag‘allikni qisqartirish va bandlik vazirligining oliy ta’lim muassasalari xodimlarining bazaviy lavozim maoshlarini oshirish haqidagi qo‘shma qarori qabul qilinadi.

(11-band O‘zbekiston Respublikasi Vazirlar Mahkamasining 2025-yil 12-iyundagi 362-sonli qarori tahririda — Qonunchilik ma’lumotlari milliy bazasi, 13.06.2025-y., 09/25/362/0507-son)

12. Xodim oliy ta’limning bitta muassasasida boshqa lavozimga o‘tgan taqdirda va shu munosabat bilan bazaviy lavozim maoshi o‘zgarganda mehnat shartnomasi o‘zgarishi tartibini belgilaydigan O‘zbekiston Respublikasining Mehnat kodeksi qoidalari qo‘llaniladi (VI bob, 3-§).

III. Ustamalar va qo‘shimcha to‘lovlar

13. Yuqori kasb mahoratiga ega bo‘lgan va o‘quv-tarbiya jarayoni sifatini oshirishga hamda ilmiy tadqiqotlarga aniq hissa qo‘shayotgan professor-o‘qituvchilar tarkibi vakillari mehnatini moddiy taqdirlash va rag‘batlantirish maqsadida ular uchun budjet muassasalari va tashkilotlari xodimlarini moddiy rag‘batlantirish maxsus jamg‘armasidan belgilangan tartibda to‘lanadigan har oylik ustamalar belgilanadi.

14. Hukumatning alohida qarorlari bilan belgilangan va tarif bo‘yicha lavozim maoshiga nisbatan foizlarda hisoblanadigan qo‘shimcha to‘lov va ustamalarning boshqa turlari miqdori ushbu Nizom kuchga kirgan vaqtdan boshlab bazaviy lavozim maoshiga nisbatan foizlarda hisoblanadi.

IV. Mehnatga soatbay haq to‘lash tartibi va shartlari

Oldingi tahrirga qarang.

15. Oliy ta’lim muassasalarida mehnatga soatbay haq to‘lash o‘quv yilida 200 soatdan ortiq bo‘lmagan hajmda:

Oldingi tahrirga qarang.

oliy ta’lim muassasasining shtatdagi professor-o‘qituvchilar tarkibiga hamda rahbar xodimlariga, shuningdek, uning ilmiy tarkibiy bo‘linmalari ilmiy xodimlari tomonidan qonunchilikda belgilangan tartibda bajarilgan o‘quv ishlari uchun;

(15-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

boshqa tashkilotlardan jalb etiladigan o‘qituvchilar, ilmiy xodimlar va boshqa mutaxassislarning o‘quv ishlari uchun haq to‘lashda qo‘llaniladi.

(15-band O‘zbekiston Respublikasi Vazirlar Mahkamasining 2018-yil 15-avgustdagi 662-sonli qarori tahririda — Qonun hujjatlari ma’lumotlari milliy bazasi, 16.08.2018-y., 09/18/662/1764-son)

Oldingi tahrirga qarang.

16. O‘quv mashg‘ulotlarini o‘tkazganlik uchun mehnatga soatbay haq to‘lash miqdori qonunchilikka muvofiq belgilanadi.

(16-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

LexUZ sharhi

Qarang: O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi Xalq ta’limi vazirligi, O‘zbekiston Respublikasi bandlik va mehnat munosabatlari vazirligining 2019-yil 10-apreldagi 3-2019-son, 19-qq-son, 15-2019-qq-son “O‘quv mashg‘ulotlarini o‘tkazganlik uchun mehnatga soatbay haq to‘lash miqdorlarini tasdiqlash to‘g‘risida”gi qarori (ro‘yxat raqami 3157, 2019-yil 22-aprel).

O‘quv yili mobaynida mehnatga soatbay haq to‘lash shartlarida 200 soatgacha pedagogik ishlarni bajarish o‘rindoshlik hisoblanmaydi.

(16-band O‘zbekiston Respublikasi Vazirlar Mahkamasining 2018-yil 15-avgustdagi 662-sonli qarori tahririda — Qonun hujjatlari ma’lumotlari milliy bazasi, 16.08.2018-y., 09/18/662/1764-son)

Oldingi tahrirga qarang.

16¹. O‘quv mashg‘ulotlarini o‘tkazganlik uchun mehnatga soatbay haq to‘lash mablag‘lari oliy ta’lim muassasasining mehnatga soatbay haq to‘lash shartlarida o‘tkaziladigan o‘quv ishlarining kutilayotgan hajmiga ko‘ra, shtatdagi professor-o‘qituvchilar tarkibi mehnatiga haq to‘lash fondining 4 foizidan ortiq bo‘lmagan miqdorda, budjet mablag‘lari va budjetdan tashqari mablag‘lar bo‘yicha xarajatlar (daromadlar va xarajatlar) smetalarda nazarda tutiladi.

Oldingi tahrirga qarang.

O‘quv yuklamasini bajarish uchun shtatdagi professor-o‘qituvchilar tarkibiga shaxslarni jalb etish imkoniyati bo‘lmagan ayrim holatlarda, oliy ta’lim muassasalariga O‘zbekiston Respublikasi Oliy ta’lim, fan va innovatsiyalar vazirligi bilan kelishgan holda xarajatlar (daromadlar va xarajatlar) smetalarida professor-o‘qituvchilar mehnatiga haq to‘lash uchun nazarda tutilgan mablag‘lar doirasida o‘quv ishlarini mehnatga soatbay haq to‘lash shartlarida o‘tkazish uchun shaxslarni jalb etish huquqi beriladi.

(16¹-bandning ikkinchi xatboshisi O‘zbekiston Respublikasi Vazirlar Mahkamasining 2025-yil 12-iyundagi 362-sonli qarori tahririda — Qonunchilik ma’lumotlari milliy bazasi, 13.06.2025-y., 09/25/362/0507-son)

V. Oliy ta’lim muassasalarida mehnatni normalashtirishni tashkil etish

Oldingi tahrirga qarang.

17. Professor-o‘qituvchilar tarkibi mehnatini normalashtirish har yili o‘quv yili uchun tuziladigan va belgilangan tartibda tasdiqlanadigan shaxsiy ish rejalariga asoslangan.

Professor-o‘qituvchilarning shaxsiy ish rejasi o‘quv, o‘quv-uslubiy, ilmiy-tadqiqot, tashkiliy va ma’naviy-ma’rifiy tusdagi asosiy tadbirlar ro‘yxatini o‘z ichiga oladi.

Oldingi tahrirga qarang.

Qonunchilikka muvofiq o‘quv jarayoni o‘qitishning modul tizimiga asoslangan oliy ta’lim muassasalarida yillik shaxsiy ish rejasi faqat o‘quv tusdagi tadbirlarni, ularning soatlar miqdorini ko‘rsatgan holda, o‘z ichiga oladi. Ushbu soatlarning eng kam miqdori oliy ta’lim muassasasi Kengashi tomonidan belgilanadi.

(17-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Professor-o‘qituvchilar tarkibining o‘quv-uslubiy, ilmiy-tadqiqot, tashkiliy va ma’naviy-ma’rifiy ishlari bo‘yicha mehnat faoliyati soatlar miqdorisiz ish turlari va mazmuni asosida lavozimlarga qo‘yilgan malaka talablariga muvofiq amalga oshiriladi.

Oliy ta’lim muassasasida professor-o‘qituvchilar tarkibining o‘quv-uslubiy, ilmiy-tadqiqot, tashkiliy va ma’naviy-ma’rifiy ishlar hajmi mazkur ish turlarini bajarish zarurligini inobatga olgan holda egallab turgan lavozim bilan bog‘liq holda fakultet dekani (kafedra mudiri)ning takliflari asosida oliy ta’lim muassasasi kengashi tomonidan tasdiqlanadi.

Oldingi tahrirga qarang.

Oliy ta’lim muassasasi professor-o‘qituvchilar tarkibining o‘quv yuklamasi hamda o‘quv-uslubiy, ilmiy-tadqiqot, tashkiliy va ma’naviy-ma’rifiy ishlarini belgilash qoidalari O‘zbekiston Respublikasi Oliy ta’lim, fan va innovatsiyalar vazirligi tomonidan tasdiqlanadi.

(17-bandning oltinchi xatboshisi O‘zbekiston Respublikasi Vazirlar Mahkamasining 2025-yil 12-iyundagi 362-sonli qarori tahririda — Qonunchilik ma’lumotlari milliy bazasi, 13.06.2025-y., 09/25/362/0507-son)

Oldingi tahrirga qarang.

Mazkur bandning to‘rtinchi, beshinchi va oltinchi xatboshlari talablari qonunchilikka muvofiq o‘quv jarayoni o‘qitishning modul tizimiga asoslangan oliy ta’lim muassasalariga tatbiq etilmaydi.

(17-bandning yettinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Oldingi tahrirga qarang.

Vazirlar Mahkamasining 2008-yil 1-avgustdagi 164-son qaroriga
5-ILOVA

Oliy ta’lim muassasalarining boshqaruv, texnik, xizmat ko‘rsatuvchi va o‘quv-yordamchi xodimlarining mehnatiga haq to‘lash

RAZRYADLARI

T/r	Lavozimlar nomi	Mehnatga haq to‘lash razryadlari
1.	O‘quv-uslubiy boshqarma, Ishlar boshqarmasi, Ilmiy-tadqiqotlar, innovatsiyalar va ilmiy-pedagogik kadrlar tayyorlash bo‘limi (sektor), Magistratura bo‘limi, Ta’lim sifatini nazorat qilish bo‘limi, Registrator ofisi boshliqlari	*
2.	O‘quv-uslubiy boshqarma boshlig‘i o‘rinbosari — O‘quv-metodik ta’minot bo‘limi boshlig‘i	**
3.	“Ma’naviyat va ma’rifat” va iqtidorli yoshlar bilan ishlash bo‘limi boshlig‘i	16
4.	Talabalar amaliyoti bo‘limi boshlig‘i:
	talabalar soni 2 000 nafar va undan ortiq bo‘lganda;	15
	talabalar soni 2 000 nafardan kam bo‘lganda	14
5.	Jismoniy va yuridik shaxslarning murojaatlari bilan ishlash, nazorat va monitoring bo‘limi (sektor mudiri), Xalqaro bo‘lim boshliqlari:
	talabalar soni 2 000 nafar va undan ortiq bo‘lganda;	13
	talabalar soni 2 000 nafardan kam bo‘lganda	12
6.	Bosh muhandis, bosh buxgalter, Reja-moliya bo‘limi (sektor) boshlig‘i:
	talabalar soni 2 000 nafar va undan ortiq bo‘lganda;	15
	talabalar soni 2 000 nafardan kam bo‘lganda	14
7.	Bosh energetik, bosh buxgalter o‘rinbosari (auditor), Xodimlar bo‘limi, O‘qitishning texnik vositalari bo‘limi, Texnik foydalanish va xo‘jalik bo‘limi boshliqlari:
	talabalar soni 2 000 nafar va undan ortiq bo‘lganda;	13
	talabalar soni 2 000 nafardan kam bo‘lganda	12
8.	Tahririy-nashriyot bo‘limi, Ikkinchi bo‘lim, Fuqaro va mehnat muhofazasi bo‘limi va boshqa bo‘limlar boshliqlari, Matbuot kotibi	12
9.	Rektor yordamchisi	8
10.	Devonxona va arxiv mudirlari, uslubchi, tarmoq va tizim administratori, telefon stansiyasi boshlig‘i, Dispetcher-garaj mudiri	7
11.	Iqtisodchi, buxgalter:
	toifasiz;	6
	2-toifa;	7
	1-toifa	8
12.	Muhandis:
	toifasiz;	4
	2-toifa;	5
	1-toifa	6
13.	Texnik:
	toifasiz;	3
	2-toifa;	4
	1-toifa	5
14.	Laboratoriya, sport inshooti, vivariy, o‘quv poligoni, san’at saroyi mudirlari, kriogen stansiya boshlig‘i	7
15.	Talabalar turar joyi, kompyuter zali mudirlari, muharrir, fond saqlovchi	6
16.	Inspektor, dispetcher, texnik muharrir, kabinet mudiri	5
17.	Xo‘jalik, ombor mudirlari, bino komendanti, laborant, g‘aznachi, yong‘in xavfsizligi bo‘yicha instruktor, musahhih, muzey kuzatuvchisi	4
18.	Axborot texnologiyalari markazi bo‘limi boshliqlari:
	talabalar soni 2 000 nafar va undan ortiq bo‘lganda;	9
	talabalar soni 2 000 nafardan kam bo‘lganda	8
19.	Axborot-resurs markazi direktori (mudir), Axborot texnologiyalari markazi direktori:
	talabalar soni 2 000 nafar va undan ortiq bo‘lganda;	12
	talabalar soni 2 000 nafardan kam bo‘lganda	11
20.	Axborot-resurs markazi direktori o‘rinbosari (mudir o‘rinbosari):
	talabalar soni 2 000 nafar va undan ortiq bo‘lganda;	11
	talabalar soni 2 000 nafardan kam bo‘lganda	10
21.	Axborot-resurs markazi bo‘limlari mudirlari:
	talabalar soni 2 000 nafar va undan ortiq bo‘lganda;	10
	talabalar soni 2 000 nafardan kam bo‘lganda	9
22.	Bibliograf, kutubxonachi:
	toifasiz;	5
	2-toifa;	6
	1-toifa	7
23.	Bosh kutubxonachi, yetakchi mutaxassis	9
24.	“Ma’naviyat va ma’rifat” va iqtidorli yoshlar bilan ishlash bo‘limi uslubchisi	14
25.	Psixolog	15
26.	Talabalar turar joyi tarbiyachi-pedagogi	14
27.	Bosh mutaxassis	10
28.	Xizmat ko‘rsatish bo‘limi (Front Office) boshlig‘i, Ma’lumotlar bazasi bo‘limi (Back Office) boshlig‘i	***
29.	Xizmat ko‘rsatish bo‘limi (Front Office) menejeri, Ma’lumotlar bazasi bo‘limi (Back Office) menejeri, tyutor, surdotarjimon	****

* mos ravishda oliy ta’lim muassasasining fakultet dekani bazaviy lavozim maoshiga tenglashtiriladi;

** mos ravishda oliy ta’lim muassasasining fakultet dekani o‘rinbosari bazaviy lavozim maoshiga tenglashtiriladi;

*** mos ravishda oliy ta’lim muassasasining katta o‘qituvchisi bazaviy lavozim maoshiga tenglashtiriladi;

**** mos ravishda oliy ta’lim muassasasining o‘qituvchi-stajyori bazaviy lavozim maoshiga tenglashtiriladi.

(5-ilovaning matni O‘zbekiston Respublikasi Vazirlar Mahkamasining 2025-yil 12-iyundagi 362-sonli qarori tahririda — Qonunchilik ma’lumotlari milliy bazasi, 13.06.2025-y., 09/25/362/0507-son)

(O‘zbekiston Respublikasi qonun hujjatlari to‘plami, 2008-y., 31-32-son, 302-modda; 2010-y., 24-25-son, 196-modda; 2014-y., 13-son, 143-modda; 2015-y., 34-son, 455-modda; 2016-y., 29-son, 350-modda; 2017-y., 19-son, 345-modda, 23-son, 472-modda, 33-son, 852-modda; Qonun hujjatlari ma’lumotlari milliy bazasi, 16.08.2018-y., 09/18/662/1764-son; 27.08.2020-y., 09/20/517/1226-son; 06.04.2021-y., 09/21/186/0289-son; Qonunchilik ma’lumotlari milliy bazasi, 12.01.2022-y., 09/22/19/0013-son, 05.04.2022-y., 09/22/153/0266-son; 05.09.2023-y., 07/23/289/0679-son; 13.06.2025-y., 09/25/362/0507-son)