Oʻzbekiston Respublikasining “Auditorlik faoliyati toʻgʻrisida”gi Qonuniga asosan, Oʻzbekiston Respublikasi Prezidentining “Auditorlik tashkilotlari faoliyatini yanada takomillashtirish va ularning koʻrsatayotgan xizmatlari sifati uchun javobgarligini oshirish toʻgʻrisida” 2007-yil 4-apreldagi PQ-615-son qaroriga (Oʻzbekiston Respublikasi qonun hujjatlari toʻplami, 2007-y., 15-son, 155-modda) va Oʻzbekiston Respublikasi Vazirlar Mahkamasining 1992-yil 23-noyabrdagi 553-son qarori bilan tasdiqlangan “Oʻzbekiston Respublikasi Moliya vazirligi toʻgʻrisida”gi Nizomga muvofiq buyuraman:

1. Oʻzbekiston Respublikasi Moliya vazirining 2000-yil 25-sentabrdagi 68-son buyrugʻi bilan tasdiqlangan “Auditor malaka sertifikatini berish tartibi toʻgʻrisida”gi Nizomga (2000-yil 13-oktabr, roʻyxat raqami 977 — Meʼyoriy hujjatlar axborotnomasi, 2000-y., 19-son) ilovaga* muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.