«Алоҳида муҳофаза этиладиган табиий ҳудудлар тўғрисида» Ўзбекистон Республикаси Қонуни қабул қилиниши муносабати билан Вазирлар Маҳкамаси қарор қилади:

1. Ўзбекистон Республикаси Ҳукуматининг 1-иловага мувофиқ қарорлари ўз кучини йўқотган деб ҳисоблансин.

2. Ўзбекистон Республикаси Ҳукуматининг айрим қарорларига киритилаётган ўзгартиришлар 2-иловага мувофиқ тасдиқлансин.

1 . Ўзбекистон ССР Министрлар Советининг 1982 йил 23 февралдаги 131-сон қарори (ЎзССР ҚТ, 1952 и, 2-сон, 7-модда) билан тасдиқланган Ўзбекистон ССР давлат табиат ёдгорликлари тўғрисидаги Низом.

2 . Ўзбекистон ССР Министрлар Советининг 1988 йил 3 августдаги 270-сон қарори (ЎзССР ҚТ, 1988 и, 8-сон, 28-модда) билан тасдиқланган Ўзбекистон ССР сув омборларининг сувни муҳофаза қилиш доиралари (зоналари) тўғрисидаги Низом

1. Ўзбекистон ССР Министрлар Советининг 1982 йил 26 январдаги 51-сон қарори (ЎзССР ҚТ, 1982 и., 1-сон, 2-модда) билан тасдиқланган Ўзбекистон ССР Давлат корхоналарининг қўриқлаш зоналари тўғрисидаги Низомнинг 5-бандидаги «чекланмаган равишда» сўзлари чиқариб ташлансин.

2. Ўзбекистон ССР Министрлар Советининг 1982 йил 26 январдаги 51-сон қарори (ЎзССР ҚТ, 1982 й, 1-сон, 2-модда) билан тасдиқланган Ўзбекистон ССРда ёввойи ҳайвонларни қўриқлашнинг санитар зоналари тўғрисидаги Низомнинг:

2-бандидаги «Қорақалпоғистон АССР Министрлар Советининг қарори ва область ижроия комитетларининг қарорлари билан, Ўзбекистон ССР Ўрмон хўжалиги министрлигининг илмий асосланган тақдимномасига кўра» сўзлари Ўзбекистон Республикаси Давлат табиатни муҳофаза қилиш қўмитаси ва Ўзбекистон Республикаси Давлат ўрмон қўмитасининг илмий асосланган тақдимномаларига кўра Қорақалпоғистон Республикаси ва ҳокимият органларининг қарорлари билан» сўзлари билан алмаштирилсин;

3-бандидаги «Ўзбекистон ССР Ўрмон хўжалиги вазирлиги» сўзлари «Ўзбекистон Республикаси Давлат табиатни муҳофаза қилиш қўмитаси, Ўзбекистон Республикаси Давлат ўрмон қўмитаси» сўзлари билан алмаштирилсин.

3. Ўзбекистон ССР Министрлар Советининг 1990 йил 31 мартдаги 155-сон қарори (ЎзССР ҚТ, 1990 й., 3-сон, 9-модда) билан тасдиқланган Ўзбекистон ССР Мелиорация ва сув хўжалиги вазирлиги тўғрисидаги Низом 7-бандининг «б» кичик банди қуйидаги мазмундаги хат боши билан тўлдирилсин: «сувни муҳофаза қилиш доиралари (тегралари) ни жойлаштириш масалаларини белгиланган тартибда келишиб олади».

4. Вазирлар Маҳкамасининг 1991 йил 1 апрелдаги 79-сон қарори билан тасдиқланган Балиқ ва балиқ маҳсулотлари ишлаб чиқариш, қайта ишлаш ва сотиш «Ўзбалиқ» концерни Устави 1-бандининг тўртинчи хатбоши «табиатни муҳофаза қилиш органлари билан биргаликда балиқ хўжаликлари теграларининг муҳофаза қилинишини таъминлайди» сўзлари билан тўлдирилсин.

5. Ўзбекистон ССЖ Президенти ҳузуридаги Вазирлар Маҳкамасининг 1991 йил 10 апрелдаги 95-сон қарори (ЎзССР ҚТ, 1991 и., 4-сон, 10-модда) билан тасдиқланган Ўзбекистон ССЖ ҳудудида ов қилиш ва овчилик-балиқ овлаш хўжалигини юритиш тўғрисидаги Низомнинг:

28-бандидаги «а» кичик банди қуйидаги таҳрирда баён қилинсин;

«давлат қўриқхоналарига ва миллий табиий боғларга зарар етказилган тақдирда барча сумма (мазкур Низомнинг 31-бандида назарда тутилган пул мукофотларини чегириб ташлаш билан) давлат қўриқхоналари ва миллий табиий боғларнинг ҳисоб-китоб счётига»;

29-бандининг биринчи хатбоши қуйидаги мазмундаги матн билан тўлдирилсин:

«Агар ҳуқуқбузарлик давлат қўриқхонаси ва миллий табиий боғ ҳудудида содир этилган тақдирда жарима тўлашдан тушадиган барча сумма (мазкур Низомнинг 31-бандида назарда тутилган пул мукофотларини чегириб ташлаш билан) давлат қўриқхонаси ва миллий табиий боғнинг ҳисоб-китоб счётига ўтказилади»;

29-бандининг иккинчи хатбоши қуйидаги мазмундаги матн билан тўлдирилсин:

«Овлаш ва балиқ ови қуролларини, шунингдек, қонунга хилоф ов маҳсулотларини мусодара қилишдан тушадиган барча сумма, агар ҳуқуқбузарлик давлат қўриқхоналари ва миллий табиий боғлар ҳудудида содир этилган бўлса, Давлат қўриқхоналари ва миллий табиий боғларнинг ҳисоб-китоб счётларига ўтказилади».