Иқтисодий ислоҳотлар йўлини ўтказишни янада давом эттириш, республика ички истеъмол бозорини ҳимоя қилиш, нархларнинг кескин ошиб кетишини тўхтатиб туриш ва алоҳида ижтимоий аҳамиятга эга бўлган озиқ-овқат товарлари нархларини бошқаришнинг ягона тартибини жорий этиш мақсадида Вазирлар Маҳкамаси қарор қилади:

1. 1993 йилнинг 20 июлидан бошлаб чорва моллари, сут, картошка ва пиёзнинг шартномавий (эркин) харид нархларига, шунингдек, гўшт, қаймоғи олинмаган сут, макарон, ўсимлик мойи, қанд-шакар, чой ва кир совуннинг шартномавий (эркин) чакана нархларига ўтиш, улар билан республика аҳолисини белгиланган миқдорда кафолатли таъминлаган ҳолда, амалга оширилсин.

2. Назарда тутилсинки, энг зарур озиқ-овқат маҳсулотларига уларни етиштириш, ташиб келтириш ва сотиш харажатларини қоплайдиган эркин нарх белгилашга ўтиш, уни асосан 1994 йил 1 январга қадар тугаллаган ҳолда, аста-секин амалга оширилади.

3. «Ўзбексавдо» уюшмаси ва Ўзбекбирлашув ҳузурида чакана нархларни бошқаришнинг бюджетдан ташқари махсус жамғармасини ташкил этиш мақсадга мувофиқ деб ҳисоблансин.

Чакана нархларни бошқаришнинг бюджетдан ташқари махсус жамғармасини ташкил этиш ва сарфлашнинг илова қилинаётган Вақтинчалик тартиби тасдиқлансин, 1993 йилда уни шакллантиришнинг асосий манбалари этиб қуйидагилар белгилансин: бюджетдан ажратиладиган маблағлар, «Ўзбексавдо» уюшмаси, Ўзбекбирлашувнинг, савдо тapмоғига эга бўлган вазирликлар, идоралар ва бирлашмаларнинг тижорат нархлари бўйича сотишдан, товарларни қайта баҳолашдан, чакана нархлар даражасини бошқаришдан, тушумларнинг бир қисмини таваккал жамғармаларига марказлаштириш даромадлари ҳисобига оладиган маблағлари, шунингдек, хайрия жамғармалари, корхоналар ва ташкилотларнинг ихтиёрий бадаллари. Белгилаб қўйилсинки, йил охиригача фойдаланилмаган бюджет мaблaғлapи мусодара қилинмайди.

4. «Ўзбексавдо» уюшмаси ва Ўзбекбирлашувга республика молия вазирлиги билан келишган ҳолда, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда, аҳолига белгиланган миқдорлар бўйича, шунингдек, бюджет ташкилотларига ва умумий овқатланиш корхоналарининг ёпиқ тармоқларига сотиладиган энг зарур озиқ-овқат товарларига чакана нархларнинг чегараланган даражасини бозор конъюнктурасидан, ресурслар мавжудлигидан, ҳақиқий харажатлардан келиб чиққан ҳолда нархларни бошқаришнинг мавжуд маблағлари доирасида белгилаш ҳуқуқи берилсин.

«Ўзбексавдо» уюшмаси, Ўзбекбирлашув, савдо тармоғига эга бўлган бошқа вазирликлар ва идоралар маҳаллий ҳокимият органлари ва бошқармалар билан биргаликда ҳамма жойда аҳоли ўртасида, нархларнинг ўзгариши сабаблари ва омиллари тўғрисида маълум қилган ҳолда, тушунтириш ишлари олиб борилсинлар.

5. Ўзбекистон Республикаси Молия вазирлиги:

мазкур қарорнинг 1-бандида қайд этилган товарлар қолдиғини қайта баҳолаш тўғрисидаги кўрсатмаларни, товарлар қолдиқларини қайта баҳолашдан олинган сумма чакана нархларни бошқаришнинг бюджетдан ташқари махсус жамғармасига тўлиқ йўналтирилишини назарда тутган ҳолда, манфаатдор вазирликлар ва идораларга етказсин;

хўжаликлар, бирлашмалар ва корхоналар томонидан шартномавий нархларнинг тўғри шакллантирилиши устидан қаттиқ давлат назоратини таъминласин.

6. Ўзбекистон Республикаси Вазирлар Маҳкамасининг 1993 йил 27 майдаги 257-сон қарорининг 2 ва 3-иловалари ҳамда Ўзбекистон Республикаси Вазирлар Маҳкамасининг 1993 йил 27 майдаги 259-сон қарорининг 1-иловаси, нон ва унга оид қисмидан ташқари, ўз кучини йўқотган деб ҳисоблансин.

7. Мазкур қарорнинг бажарилишини назорат қилиш Бош вазирнинг ўринбосари ўртоқ Т. М. Мирёқубов, «Ўзбексавдо» уюшмасининг раиси ўртоқ М. 3. Усмонов ва Ўзбекбирлашув раиси ўртоқ Г. Г. Волков зиммасига юклатилсин.

Мазкур тартиб Вазирлар Маҳкамасининг 1993 йил 16 июлдаги 360-сон қарорига мувофиқ озиқ-овқат товарларининг айрим турларига шартномавий (эркин) нархларга ўтилиши муносабати билан ишлаб чиқилган.

«Ўзбексавдо» уюшмаси ва Ўзбекбирлашув ҳузуридаги чакана нархларни бошқаришнинг бюджетдан ташқари махсус жамғармаси аҳолига белгиланган миқдорлар бўйича, шунингдек, бюджет ташкилотларига ва махсус истеъмолчиларга сотиладиган энг зарур озиқ-овқат маҳсулотлари харидорларининг манфаатларини кўзлаб чакана нархларни бошқариш мақсадида ташкил этилади.

«Ўзбексавдо» уюшмаси ва Ўзбекбирлашувга чакана нархларни бошқаришнинг бюджетдан ташқари махсус жамғармаси маблағлари доирасида, ресурслар мавжудлигидан, вужудга келаётган ҳаражатлардан ва бозор конъюнктурасидан келиб чиққан ҳолда, маҳаллий ҳокимият ва бошқарув органлари билан биргаликда чакана нархларнинг чегараланган даражаларини даврлар бўйича белгилаш ҳуқуқи берилади. Бунда аҳолига белгиланган миқдорлар бўйича, шунингдек, бюджет ташкилотларига ва махсус истеъмолчиларга сотиладиган энг зарур товарларнинг чакана нархлари албатта Ўзбекистон Республикаси Молия вазирлиги билан келишилади.

Чакана нархларни бошқаришнинг бюджетдан ташқари махсус жамғармаси 1993 йилда:

1) «Ўзбексавдо» уюшмаси, Ўзбекбирлашув ва савдо тармоғига эга бўлган бошқа вазирликлар, идоралар, бирлашмаларнинг маблағларидан қуйидагилар ҳисобига шаклланади;

товарларни тижорат нархларида ва бартер операциялари бўйича сотишдан олинган даромадлар (нархлардаги тафовутнинг 95 фоизи);

ресурсларнинг мавжудлиги ва бозор конъюнктурасидан келиб чиққан ҳолда товарлар чакана нархлари даражасини бошқариш натижасида нархлардаги ижобий фарқлар;

товарларни қайта баҳолашдан олинган даромадлар;

таваккал жамғармаси мaблaғларининг бир қисми (50 фоизгача);

2) бюджетдан ажратиладиган маблағлар ҳисобига;

3) хайрия жамғармаларининг, корхоналар ва ташкилотларнинг маблағлари ҳисобига.

Чакана нархларни бошқаришнинг бюджетдан ташқари махсус жамғармасига тушадиган мaблaғлap «Ўзбексавдо» уюшмасининг махсус очиладиган счётида жамланади.

Қайд этиб ўтилган жамғармага маблағларнинг тўлиқ ва ўз вақтида ўтказилишини назорат қилиш «Ўзбексавдо» уюшмаси, Ўзбекбирлашув ва республика солиқ идоралари томонидан амалга оширилади.

Чакана нархларни бошқаришнинг бюджетдан ташқари махсус жамғармаси маблағларидан Ўзбекистон Республикаси Молия вазирлиги билан келишилган ҳолда, муайян даврда нархларнинг, энг аввало, энг зарур озиқ-овқат маҳсулотлари нархларининг нисбатан паст даражасини сақлаб туришда фойдаланилади.

«Ўзбексавдо» уюшмаси Ўзбекбирлашув билан биргаликда, Ўзбекистон Республикаси Молия вазирлиги билан келишган ҳолда, ҳар ойда, 1993 йил мобайнида, ой бошланишидан 2 кун олдин аҳолига белгиланган миқдорлар бўйича сотиладиган гўшт, қанд-шакар, ўсимлик мойи ва бошқа озиқ-овқат товарларининг чакана нархлари чегараланган миқдорларини белгилайди ҳамда уларни барча манфаатдор вазирликлар, идоралар, бирлашмалар ва корхоналарга маълум қилади, шунингдек, уларнинг тўғpи қўлланилиши устидан назоратни амалга оширади.