Oʻzbekiston Respublikasining “Davlat organining yoki uning mansabdor shaxsining qonunga xilof qarori, harakati yoxud harakatsizligi tufayli yetkazilgan zararning oʻrnini qoplash toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2018-yil 9-apreldagi 76-son buyrugʻi (roʻyxat raqami 3009, 2018-yil 11-may) (Qonun hujjatlari maʼlumotlari milliy bazasi, 14.05.2018-y., 10/18/3009/1212-son) bilan tasdiqlangan Oʻzbekiston Respublikasi Davlat budjeti pul mablagʻlarini kassali rejalashtirish va boshqarishni amalga oshirish boʻyicha hujjat shakllari va ularni taqdim qilish tartibi toʻgʻrisidagi yoʻriqnomaning 5-bandida:

a) birinchi xatboshi quyidagi tahrirda bayon etilsin:

“5. Budjet tashkilotlari va budjet mablagʻlari oluvchilarning kutilayotgan oylik xarajatlari toʻgʻrisidagi maʼlumotlar Gʻaznachilik xizmati boʻlinmalari tomonidan avtomatik ravishda qabul qilinganidan soʻng (bundan mazkur Yoʻriqnomaning 11-bandi uchinchi xatboshisida nazarda tutilgan holat mustasno) budjet tashkilotlari va budjet mablagʻlari oluvchilarga xarajatlarni toʻlash uchun ruxsatnomalar avtomatik tarzda beriladi.”;

b) ikkinchi xatboshidagi “roʻyxatiga binoan” degan soʻzlardan keyin “iqtisodiyot va” degan soʻzlar bilan toʻldirilsin.

2. Mazkur buyruq rasmiy eʼlon qilingan kundan eʼtiboran kuchga kiradi.