Ўзбекистон Республикаси Президентининг «Солиқларнинг йиғилувчанлик даражасини ошириш ва фаол солиқ тўловчиларни рағбатлантириш чора-тадбирлари тўғрисида» 2025 йил 28 ноябрдаги ПҚ-364-сон қарори ижросини таъминлаш, шунингдек, жисмоний шахслар ва тадбиркорлик субъектларининг солиқ мажбуриятларига масъулиятли муносабатини шакллантириш ҳамда маҳаллаларнинг жамоатчилик билан ҳамкорлигини кучайтириш орқали солиқ йиғилувчанлигини ошириш мақсадида Вазирлар Маҳкамаси қарор қилади:

1. Қуйидагиларни назарда тутувчи Энг яхши солиқ тўловчи маҳаллаларни аниқлаш мезонлари ва тартиби тўғрисидаги низом иловага мувофиқ тасдиқлансин:

энг яхши солиқ тўловчи маҳаллаларни аниқлаш мезонлари;

энг яхши солиқ тўловчи маҳаллаларни аниқлаш бўйича зарур маълумот ва якуний натижаларни шакллантириш тартибини белгилаш.

2. Ўзбекистон Республикаси Солиқ қўмитаси:

Ўзбекистон маҳаллалари уюшмаси билан биргаликда доимий равишда маҳаллаларда учрашувлар ўтказиб, энг яхши солиқ тўловчи маҳаллаларни баҳолаш мезонлари ва уларни аниқлаш тартибини тушунтириш, кўрсаткичларни яхшилаш бўйича доимий равишда амалий ёрдам кўрсатиб борсин;

Савдо-саноат палатаси, Ўзбекистон Миллий ахборот агентлиги ҳамда Ўзбекистон Миллий телерадиокомпанияси билан биргаликда ушбу қарорнинг мазмун-моҳиятини оммавий ахборот воситалари, шу жумладан, Интернет жаҳон ахборот тармоғи ва ижтимоий тармоқлар орқали кенг жамоатчиликка тушунтириш чораларини кўрсин.

3. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ва Солиқ қўмитаси раиси Ф.Ж. Пулатов зиммасига юклансин.

1. Ушбу Низом энг яхши солиқ тўловчи маҳаллаларни аниқлаш мезонлари ва тартибини белгилайди.

2. Ушбу Низомда қуйидаги асосий тушунчалардан фойдаланилади:

тадбиркорлик субъектлари — ушбу Низом доирасида иштирок этувчи фаол ҳолатдаги якка тартибдаги тадбиркорлар, ўзини ўзи банд қилган шахслар ҳамда юридик шахслар, шу жумладан, фермер хўжалиги, микрофирма ва кичик корхоналар;

энг яхши солиқ тўловчи маҳаллалар — Ўзбекистон Республикаси Солиқ қўмитасининг (кейинги ўринларда — Солиқ қўмитаси) ахборот тизимлари орқали мазкур Низомга мувофиқ ғолиб деб топилган маҳаллалар.

3. Энг яхши солиқ тўловчи маҳаллалар Солиқ қўмитасининг ахборот тизимлари орқали ушбу Низомда белгиланган мезонлар асосида Солиқ қўмитаси томонидан аниқланади.

4. Ҳар бир мезон бўйича уларга вазн коэффициентларини қўллаган ҳолда рейтинг баллари белгиланади. Барча мезонлар бўйича тўпланган жами рейтинг баллари йиғиндисидан маҳалланинг умумий рейтинги шакллантирилади.

Энг яхши солиқ тўловчи маҳаллаларни аниқлаш мезонлари 10 баллдан — 40 баллгача тизимда баҳоланади.

5. Энг яхши солиқ тўловчи маҳаллалар қуйидаги мезонлар асосида аниқланади:

ҳар 1 000 нафар аҳолига тўғри келадиган тадбиркорлик субъектлари сони;

ҳар 1 000 нафар аҳолига тўғри келадиган тадбиркорлик субъектлари томонидан тўланган солиқлар миқдори;

ҳар 1 000 нафар аҳолига тўғри келадиган жисмоний шахслардан олинадиган даромад солиғини тўловчилар сони;

ҳар 1 000 нафар аҳолига тўғри келадиган ўзини ўзи банд қилган шахслар сони ва улар томонидан тўланган солиқлар миқдори;

маҳалла фуқаролари томонидан мол-мулк ва ер солиқларининг тўланганлик даражаси.

Ҳар бир маҳалла фаолиятини баҳолаш мезонларининг умумий вазни 100 га тенг бўлади.

6. Ҳар 1 000 нафар аҳолига тўғри келадиган тадбиркорлик субъектлари сони қуйидаги формула асосида ҳисобланади:

Бу ерда T_m/1000 — ҳар 1 000 нафар аҳолига тўғри келадиган маҳалладаги тадбиркорлик субъектлари сони, T_m — маҳалладаги тадбиркорлик субъектлари сони, F_m — маҳалладаги доимий яшаш жойи бўйича рўйхатдан ўтган фуқаролар сони.

Агар маҳалладаги доимий яшовчи фуқаролар сони 1 000 нафардан кам бўлган тақдирда, юқоридаги нисбат шартлари қўлланилмайди ва ҳақиқатда яшовчи фуқаролар сони асос қилиб олинади.

Кейинги босқичда ҳар 1 000 нафар аҳолига тўғри келадиган маҳалладаги тадбиркорлик субъектлари сонининг туман (шаҳар) миқёсидаги ҳар 1 000 нафар аҳолига тўғри келадиган тадбиркорлик субъектлари сонига нисбати ҳисобланиб, натижа 100 га кўпайтирилади ва маҳалла кўрсаткичи қуйидаги формула ёрдамида аниқланади:

Бу ерда M_k — маҳалла кўрсаткичи, Т_ts/1000 — туман (шаҳар) миқёсидаги ҳар 1 000 нафар аҳолига тўғри келадиган тадбиркорлик субъектлари сони;

T_ts — туман (шаҳар)даги тадбиркорлик субъектлари сони, F_ts — туман (шаҳар)даги фуқаролар сони.

Якуний босқичда белгиланган вазн коэффициенти маҳалланинг аниқланган кўрсаткичига кўпайтирилади ва ушбу мезон бўйича якуний балл белгиланади.

Ушбу кўрсаткич қуйидаги формула орқали ҳисобланади:

Бунда B_m — якуний балл.

Мазкур мезон вазни — 10 балл.

7. Ҳар 1 000 нафар аҳолига тўғри келадиган маҳалладаги тадбиркорлик субъектлари томонидан тўланган барча солиқлар миқдори қуйидаги формула асосида ҳисобланади:

Бу ерда ST_m/1000 — ҳар 1 000 нафар аҳолига тўғри келадиган маҳалладаги тадбиркорлик субъектлари томонидан тўланган солиқлар миқдори, ST_m — маҳалладаги тадбиркорлик субъектлари тўлаган солиғи суммаси, F_m — маҳалладаги доимий яшаш жойи бўйича рўйхатдан ўтган фуқаролар сони.

Кейинги босқичда ҳар 1 000 нафар аҳолига тўғри келадиган маҳалладаги тадбиркорлик субъектлари томонидан тўланган солиқ суммасининг туман (шаҳар) миқёсидаги ҳар 1 000 нафар аҳолига тўғри келадиган тадбиркорлик субъектлари тўлаган солиқ суммасига нисбати ҳисобланиб, натижа 100 га кўпайтирилади ва маҳалла кўрсаткичи қуйидаги формула ёрдамида аниқланади:

Бу ерда M_k — маҳалла кўрсаткичи, SТ_ts/1000 — туман (шаҳар) миқёсидаги ҳар 1 000 нафар аҳолига тўғри келадиган тадбиркорлик субъектлари тўлаган солиқ суммаси;

ST_ts — туман (шаҳар)даги тадбиркорлик субъектлари тўлаган солиқ суммаси, F_ts — туман (шаҳар)даги фуқаролар сони.

Якуний босқичда белгиланган вазн коэффициенти маҳалланинг аниқланган кўрсаткичига кўпайтирилади ва ушбу мезон бўйича якуний балл белгиланади.

Ушбу кўрсаткич қуйидаги формула орқали ҳисобланади:

Бунда B_m — якуний балл.

Мазкур мезон вазни — 20 балл.

8. Ҳар 1 000 нафар аҳолига тўғри келадиган маҳалладаги жисмоний шахслардан олинадиган даромад солиғини тўловчилар сони қуйидаги формула асосида ҳисобланади:

Бу ерда DS_m/1000 — ҳар 1 000 нафар аҳолига тўғри келадиган маҳалладаги жисмоний шахслардан олинадиган даромад солиғини тўловчилар сони, DS_m — маҳалладаги даромад солиғини тўловчилар сони, F_m — маҳалладаги фуқаролар сони.

Кейинги босқичда ҳар 1 000 нафар аҳолига тўғри келадиган маҳалладаги жисмоний шахслардан олинадиган даромад солиғини тўловчилар сонининг туман (шаҳар) миқёсидаги ҳар 1 000 нафар аҳолига тўғри келадиган жисмоний шахслардан олинадиган даромад солиғини тўловчилар сонига нисбати ҳисобланиб, натижа 100 га кўпайтирилади ва маҳалла кўрсаткичи қуйидаги формула ёрдамида аниқланади:

Бу ерда M_k — маҳалла кўрсаткичи, DS_ts/1000 — туман (шаҳар) миқёсидаги ҳар 1 000 нафар аҳолига тўғри келадиган жисмоний шахслардан олинадиган даромад солиғини тўловчилар сони;

DS_ts — туман (шаҳар)даги жисмоний шахслардан олинадиган даромад солиғини тўловчилар сони, F_ts — туман (шаҳар)даги фуқаролар сони.

Якуний босқичда белгиланган вазн коэффициенти маҳалланинг аниқланган кўрсаткичига кўпайтирилади ва ушбу мезон бўйича якуний балл белгиланади.

Ушбу кўрсаткич қуйидаги формула орқали ҳисобланади:

Бунда B_m — якуний балл.

Мазкур мезон вазни — 10 балл.

9. Ҳар 1 000 нафар аҳолига тўғри келадиган маҳалладаги ўзини ўзи банд қилган шахслар сони қуйидаги формула асосида ҳисобланади:

Бу ерда OʻB_m/1000 — ҳар 1 000 нафар аҳолига тўғри келадиган маҳалладаги ўзини ўзи банд қилган шахслар сони, SOʻB_m — маҳалладаги ўзини ўзи банд қилган шахслар сони, F_m — маҳалладаги доимий яшаш жойи бўйича рўйхатдан ўтган фуқаролар сони.

Кейинги босқичда ҳар 1 000 нафар аҳолига тўғри келадиган маҳалладаги ўзини ўзи банд қилган шахслар сонининг туман (шаҳар) миқёсидаги ҳар 1 000 нафар аҳолига тўғри келадиган ўзини ўзи банд қилган шахслар сонига нисбати ҳисобланиб, натижа 100 га кўпайтирилади ва маҳалла кўрсаткичи қуйидаги формула ёрдамида аниқланади:

Бу ерда M_k — маҳалла кўрсаткичи, OʻB_ts/1000 — туман (шаҳар) миқёсидаги ҳар 1 000 нафар аҳолига тўғри келадиган ўзини ўзи банд қилган шахслар сони;

OʻB_ts — туман (шаҳар)даги ўзини ўзи банд қилган шахслар сони, F_ts — туман (шаҳар)даги фуқаролар сони.

Якуний босқичда белгиланган вазн коэффициенти маҳалланинг аниқланган кўрсаткичига кўпайтирилади ва ушбу мезон бўйича якуний балл белгиланади.

Ушбу кўрсаткич қуйидаги формула орқали ҳисобланади:

Бунда B_m — якуний балл.

Мазкур мезон вазни — 10 балл.

10. Ҳар 1 000 нафар аҳолига тўғри келадиган маҳалладаги ўзини ўзи банд қилган шахслар томонидан тўланган барча солиқлар миқдори қуйидаги формула асосида ҳисобланади:

Бу ерда OʻBS_m/1000 — ҳар 1 000 нафар аҳолига тўғри келадиган маҳалладаги ўзини ўзи банд қилган шахслар томонидан тўланган солиқ суммаси, OʻBS_m — маҳалладаги ўзини ўзи банд қилган шахслар тўлаган солиқ суммаси, F_m — маҳалладаги доимий яшаш жойи бўйича рўйхатдан ўтган фуқаролар сони.

Кейинги босқичда ҳар 1 000 нафар аҳолига тўғри келадиган маҳалладаги ўзини ўзи банд қилган шахслар томонидан тўланган солиқ суммасининг туман (шаҳар) миқёсидаги ҳар 1 000 нафар аҳолига тўғри келадиган ўзини ўзи банд қилган шахслар тўлаган солиқ суммасига нисбати ҳисобланиб, натижа 100 га кўпайтирилади ва маҳалла кўрсаткичи қуйидаги формула ёрдамида аниқланади:

Бу ерда M_k — маҳалла кўрсаткичи, OʻBS_ts/1000 — туман (шаҳар) миқёсидаги ҳар 1 000 нафар аҳолига тўғри келадиган ўзини ўзи банд қилган шахслар томонидан тўланган солиқ суммаси;

OʻBS_ts — туман (шаҳар)даги ўзини ўзи банд қилган шахслар томонидан тўланган солиқ суммаси, F_ts — туман (шаҳар)даги фуқаролар сони.

Якуний босқичда белгиланган вазн коэффициенти маҳалланинг аниқланган кўрсаткичига кўпайтирилади ва ушбу мезон бўйича якуний балл белгиланади.

Ушбу кўрсаткич қуйидаги формула орқали ҳисобланади:

Бунда B_m — якуний балл.

Мазкур мезон вазни — 10 балл.

11. Маҳалладаги жисмоний шахслар томонидан жами тўланган мол-мулк ва ер солиқларининг тўланганлик даражаси қуйидаги формула асосида ҳисобланади:

Бунда JT_m — маҳалладаги жисмоний шахслар томонидан жами тўлаган мол-мулк ва ер солиқларининг тўланганлик даражаси, S_m — маҳалладаги жисмоний шахслар тўлаган мол-мулк ва ер солиғи суммаси, O_m — маҳалладаги жисмоний шахсларнинг мол-мулк ва ер солиғи бўйича ортиқча тўлов суммаси, U_m — маҳалладаги жисмоний шахслардан ундирилиши лозим бўлган мол-мулк ва ер солиғи суммаси.

Белгиланган вазн коэффициенти маҳалланинг аниқланган бажарилиш фоизига кўпайтирилади ва ушбу мезон бўйича якуний балл белгиланади.

Ушбу кўрсаткич қуйидаги формула орқали ҳисобланади:

Бунда B_m — якуний балл.

Мазкур мезон вазни — 40 балл.

12. Аҳоли сони, тадбиркорлик субъектлари сони, жисмоний шахслар, ўзини ўзи банд қилганлар шахслар сони ҳамда тўланган солиқлар миқдорлари Солиқ қўмитасининг ахборот тизимларида ҳисобот йилнинг 1 январь ҳолатига кўра мавжуд маълумотлардан фойдаланиб ҳисобланади.

13. Ушбу Низомнинг 5-бандида белгиланган мезонлар асосида ҳисобот йили якунлари бўйича маълумотлар шакллантирилади ва бунда ҳисобот даври учун 1 февралга қадар тақдим этилган қайта ҳисоботлар (тузатишлар) ҳисобга олинади.

14. Солиқ қўмитасининг маълумотлар базасидаги жисмоний шахслар, ўзини ўзи банд қилган шахслар ҳамда тадбиркорлик субъектлари томонидан тўланган солиқлар миқдори, солиқ йиғилувчанлиги, солиқ ҳисоботи кўрсаткичларидан фойдаланган ҳолда баҳоланади.

15. Баҳолаш мазкур Низомда назарда тутилган ҳисоблаш формулалари асосида Солиқ қўмитасининг ахборот тизими орқали ҳар бир маҳалла кесимида автоматик равишда ҳисобланади.

16. Ҳисобланган баллар ва рейтинг натижалари маҳаллалар кесимида шакллантирилади ҳамда баҳолаш натижаларига кўра рейтинг баллари 90 баллдан юқори бўлган маҳаллалар энг яхши солиқ тўловчи маҳалла деб топилади.

17. Балларни ҳисоблашда охирги 200-ўрин учун номзод маҳаллаларнинг тўплаган баллари тенг бўлган тақдирда, устуворлик фуқаролар томонидан мол-мулк ва ер солиқларининг тўланганлик даражаси бўйича кўрсаткичи юқори бўлган маҳаллаларга берилади.

18. Мезонлар орасида умуман балл олиш имкони бўлмаган мезон учун белгиланган балл миқдори бошқа мезонларга тенг тақсимланади.

19. Маҳаллалар томонидан тўпланиб бораётган баллар ҳамда рейтингда эгаллаган ўринлар тўғрисидаги маълумотлар Ўзбекистон маҳаллалари уюшмасининг «Рақамли маҳалла» платформаси орқали онлайн тарзда кузатиб борилади.

20. Энг яхши солиқ тўловчи маҳаллалар фаолияти йилда бир марта, ҳисобот йилидан кейинги йилнинг январь ойида баҳоланади.

21. Энг яхши солиқ тўловчи маҳаллалар рўйхати кейинги йилнинг 1 февралига қадар шакллантирилади ҳамда 10 февралгача Солиқ қўмитасининг расмий веб-сайтида эълон қилинади.

22. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.