Oʻzbekiston Respublikasi Prezidentining 2017-yil 13-dekabrdagi “Mahalliy davlat hokimyati organlarining moliyaviy erkinligini oshirish, mahalliy budjetlarga tushumlarning toʻliqligini taʼminlash boʻyicha soliq va moliya organlari javobgarligini kuchaytirishga oid qoʻshmcha chora-tadbirlar toʻgʻrisida”gi PF-5283-sonli qarori hamda Oʻzbekiston Respublikasi Budjet Kodeksining 27-va 147-moddalari va Oʻzbekiston Respublikasi “Mahalliy davlat hokimyati toʻgʻrisida”gi Qonunining 24-moddasiga muvofiq, xalq deputatlari tuman Kengashi qaror qiladi:

1. Boʻston tumani iqtisodiyot va moliya boʻlimi boshligʻining birinchi oʻrinbosari R.Ashur-oxunovning Xalq deputatlari Boʻston tumani Kengashining 2024-yil 27-dekabrdagi “2025-yil uchun Boʻston tumani mahalliy budjetini tasdiqlash toʻgʻrisida”gi VII-3-013-1-19-K/24-sonli qarori ijrosi jarayonida Oʻzbekiston Respublikasi Vazirlar Mahkamasining 2025-yil 27-fevral kungi “Hududlarda 2025-yilda tejamkorlik va barqarorlikni taʼminlash tamoyili asosida budjet mablagʻlaridan oqilona foydalanish va samaradorligini oshirish chora-tadbirlari toʻgʻrisida”gi 03-03/1-4456-raqamli 6-son bayoni, Oʻzbekiston Respublikasining “2025-yil uchun Oʻzbekiston Respublikasining Davlat budjeti toʻgʻrisida”gi Qonuni, Oʻzbekiston Respublikasi Prezidentining 2024-yil 25-dekabrdagi PQ-455-sonli qarori, “Ijtimoiy soha obyektlari isitish tizimlarini davlat-xususiy sheriklik asosida tashkil etish boʻyicha 2020-yil 29-dekabrda 45-2020-son davlat-xususiy sheriklik bitimiga 2024-yil 6-avgust kungi Iqtisodiyot va moliya vazirligida 45/1-2020-reyestr raqami bilan roʻyhatga olingan 1-sonli qoʻshimcha kelishuv, homiladorlik va kasallik varaqalari, kommunal toʻlovlar, harajatlarni maqbullashtirish, ish haqi miqdorining oshirilishi va boshqa harajatlar boʻyicha 2025-yil davomida kiritilgan oʻzgarishlarni tasdiqlash toʻgʻrisidagi hisoboti maʼlumot uchun qabul qilinsin.

2. Budjet Kodeksining 27 va 147-moddalariga asosan, tuman mahalliy budjetining 2025-yil yakuni bilan harajatlar ijrosi 1-ilovaga muvofiq, budjet mablagʻlarini taqsimlovchilarga ajratiladigan mablagʻlarning aniqlangan miqdorlariga 2025-yil davomida kiritilgan oʻzgarishlar 2-ilovaga muvofiq tasdiqlansin.

3. Ushbu qaror ijrosini taʼminlash tuman hokimining birinchi oʻrinbosari M. Gaziyevga, nazorati xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (Sh. Mamarizayev) hamda kotibiyat mudiri J. Raxmonov zimmalariga yuklatilsin.

4. Mazkur qaror qabul qilingan kundan eʼtiboran kuchga kiradi.