Oʻzbekiston Respublikasi Soliq kodeksining 429 ва 437-moddalari, Urganch shahar soliq inspeksiyasining 2025-yil 9-dekabrdagi P-22068-sonli xati hamda Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari Urganch shahar Kengashi qaror qiladi:

1. Oʻzbekiston Respublikasi Soliq kodeksining 429 ва 437-moddalari, Urganch shahar soliq inspeksiyasining 2025-yil 9-dekabrdagi P-22068-sonli xati rahbarlik va ijro uchun qabul qilinsin.

2. Mahallalar iqtisodiy salohiyati va rivojlanishiga qarab, 2026-yil 1-yanvardan yuridik va jismoniy shaxslar uchun belgilangan yer soligʻi bazaviy stavkalariga qoʻllaniladigan koeffitsiyentlar miqdorlari 1 va 2-ilovalarga muvofiq;

suv resurslaridan foydalanganlik uchun soliq stavkasiga 0,7 dan 1,3 gacha qoʻllaniladigan koeffitsiyentlar miqdori 3-ilovaga muvofiq;

noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan 1,3 barobargacha oshiruvchi koeffitsiyentlar miqdori 4-ilovaga muvofiq tasdiqlansin.

Bunda, yer soligʻining amaldagi stavkalari 1,27 baravarga indeksatsiya qilinishi inobatga olinsin hamda mahalliy davlat hokimiyati organlari keyingi yil uchun belgilangan mahalliy budjet prognozi doirasidan kelib chiqqan holda kamaytiruvchi va oshiruvchi koeffitsiyent qoʻllash maqsadga muvofiq boʻladi.

3. Ushbu qaror “Yangi Urganch” gazetasida rasmiy eʼlon qilinsin hamda shahar hokimligining rasmiy veb-saytiga joylashtirilsin.

4. Xalq deputatlari Urganch shahar Kengashining 2025-yil 4-yanvardagi VII-4-1-12-180-K/25-sonli qarori oʻz kuchini yoʻqotgan deb hisoblansin.

5. Mazkur qaror rasman eʼlon qilingan kundan boshlab kuchga kiradi.

6. Mazkur qarorning bajarilishini nazorat qilish xalq deputatlari Urganch shahar Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi Sh.Xalimov zimmasiga yuklansin.