Ушбу Конституциявий Қонуннинг мақсади Тошкент халқаро молия марказининг (бундан буён матнда Молия маркази деб юритилади) белгиланган алоҳида ҳудуд сифатидаги мақомини ва унинг ҳудудида амал қиладиган махсус ҳуқуқий режимни белгилашдан ҳамда Молия марказининг фаолият кўрсатиш соҳасидаги муносабатларни тартибга солишдан иборат.

Ушбу Конституциявий Қонунда қуйидаги асосий тушунчалар қўлланилади:

идентификация рақами — Молия марказининг шахсларига улар тўғрисидаги маълумотларни ҳисобга олиш ва сақлаш мақсадида бериладиган ноёб рақам;

молиявий бозор инфратузилмаси фаолияти — ушбу Конституциявий Қонун 7-моддасининг иккинчи қисмида назарда тутилган хизматлар ҳамда Молия марказининг қарорида молиявий бозор инфратузилмаси фаолияти сифатида белгиланиши мумкин бўлган бошқа хизматлар;

Молия марказининг иштирокчилари — Молия марказининг қарорига мувофиқ рўйхатга олинган ёки таъсис этилган ёхуд Молия маркази томонидан эътироф этилган шахслар;

Молия марказининг муҳим аҳамиятга эга қарори — Молия марказининг шахслари учун янги мажбуриятлар, чекловлар ёки талаблар жорий этадиган, Молия марказида қўлланиладиган йиғимларни, жарималарни ёки бошқа тўловларни жорий этадиган ёки уларнинг миқдорини сезиларли даражада оширадиган, Молия марказининг иштирокчиларига нисбатан амал қилаётган мавжуд тартибга солиш режимига жиддий ўзгартириш киритадиган ёхуд Молия маркази органининг бошқарувига, тузилмасига ёки ваколатларига тааллуқли бўлган Молия марказининг ҳар қандай қарори;

молиявий хизматлар — ушбу Конституциявий Қонуннинг 7-моддасида назарда тутилган тартибга солинадиган молиявий хизматлар, молиявий бозор инфратузилмаси фаолияти ҳамда рақамли активлар билан боғлиқ фаолият, шунингдек Молия марказининг қарорлари билан молиявий хизматлар сифатида белгиланиши мумкин бўлган бошқа фаолият ва хизматлар мажмуи;

Молия марказининг ходими — Молия марказидаги фаолият билан боғлиқ ҳолда меҳнат шартномаси ёки унга тенглаштирилган бошқа келишув асосида Молия марказининг иштирокчиси ёки Молия марказининг органи томонидан ишга қабул қилинган ёхуд уларнинг ихтиёрига хизматга юборилган жисмоний шахс;

Молия марказининг шахслари — Молия марказининг органлари, шунингдек Молия марказининг иштирокчилари, ходимлари, инвестициявий солиқ резидентлари ва уларнинг оила аъзолари;

Молия марказининг қарори — Молия марказининг ушбу Конституциявий Қонун 22-моддасининг биринчи қисмида кўрсатилган органи томонидан ўз ваколатлари доирасида қабул қилинган ҳамда белгиланган тартибда эълон қилиниши натижасида ҳуқуқий кучга ва юридик таъсирга эга бўлган норматив ҳужжат;

оила аъзолари — Молия маркази иштирокчисининг, ходимининг ёки инвестициявий солиқ резидентининг турмуш ўртоғи ва 18 ёшга тўлмаган фарзандлари;

рақамли активлар билан боғлиқ фаолият — ушбу Конституциявий Қонун 7-моддасининг учинчи қисмида назарда тутилган хизматлар ҳамда Молия марказининг қарорида рақамли активлар билан боғлиқ фаолият сифатида белгиланиши мумкин бўлган бошқа хизматлар;

фонд биржаси — Молия марказининг қарорларига мувофиқ берилган лицензия асосида юритиладиган, дискрецион бўлмаган қоидаларга мувофиқ молиявий воситаларни сотиб олиш ва сотиш бўйича бир нечта учинчи шахслар манфаатларини ўзаро бирлаштирадиган ёки бирлаштиришга кўмаклашадиган ҳамда натижада шартнома тузилишига олиб келадиган кўп томонлама тизим.

Молия маркази ушбу Конституциявий Қонунда белгиланган махсус ҳуқуқий режим амал қиладиган, дастлабки чегаралари Молия маркази ташкил этилиши муносабати билан қабул қилинадиган Ўзбекистон Республикаси Президенти фармони билан белгиланадиган ҳудуддир.

Молия марказининг дастлабки ҳудудий чегаралари белгиланиб, Молия маркази ушбу ҳудудда ўз фаолиятини бошлаганидан кейин мазкур ҳудуднинг чегаралари қисқартирилишига йўл қўйилмайди.

Ўзбекистон Республикаси Президенти ўз фармони билан Молия марказининг ҳудудини кенгайтириши ёки унинг чегараларига аниқлаштирувчи ўзгартиришлар киритиши мумкин.

Матннинг мазмуни тақозо этган тақдирда, Молия маркази атамаси ушбу Конституциявий Қонун асосида ташкил этилган ҳуқуқий, тартибга солувчи ва институционал тизимни ва (ёки) Молия маркази органларини ўз ичига олади.

Молия марказининг мақсади халқаро молиявий хизматлар секторига самарали ҳисса қўшиш ва Ўзбекистон Республикаси иқтисодиётининг барқарор ривожланишини, диверсификация қилинишини ҳамда халқаро майдонда унинг рақобатбардошлилигини қўллаб-қувватлашга қаратилган етакчи халқаро молия марказига айланишдан иборат.

Молия марказининг органлари ушбу Конституциявий Қонун, Молия марказининг қарорлари ҳамда айрим ҳолларда Ўзбекистон Республикасининг қонунчилик ҳужжатлари билан белгиланган ваколатлар ва ҳуқуқларга эга бўлади.

Молия маркази ҳуқуқий аниқлик, тартибга солишни олдиндан кўра билиш, суд мустақиллиги ҳамда инвесторларни жалб этиш ва ҳимоя қилишни таъминлаш мақсадида, етакчи халқаро молия марказларининг энг яхши амалиётлари инобатга олинган ҳолда ташкил этилади ҳамда бошқарилади.

Молия марказининг вазифалари қуйидагилардан иборат:

молиявий хизматлар учун жозибадор, рақобатбардош ва шаффоф муҳитни яратиш ҳамда ушбу молиявий хизматлардан фойдаланиш имкониятларини кенгайтириш орқали Ўзбекистон Республикаси иқтисодиётига, шу жумладан миллий стратегик лойиҳаларга, инфратузилмага, энергетикага, давлат-хусусий шериклик лойиҳаларига ва биргаликдаги инвестиция лойиҳаларига маҳаллий ва хорижий инвестицияларни жалб қилиш;

Ўзбекистон Республикасида қимматли қоғозлар бозорларини ва бошқа капитал бозорларини ривожлантириш ҳамда уларнинг халқаро капитал бозорлари билан интеграциялашувини рағбатлантириш;

молиявий хизматларни, шу жумладан банк хизматларини, суғурта, исломий ва исломий бўлмаган молия фаолиятини, молиявий технологияларни, рақамли активларни, Молия марказининг қарорларида рухсат этилган доирада технологияларга асосланган бошқа молиявий маҳсулотлар ва хизматларни, электрон тижоратни ҳамда бошқа инновацион молиявий фаолият турларини ривожлантириш ва диверсификация қилиш;

халқаро миқёсда эътироф этилган энг яхши амалиётларга мувофиқ, шу жумладан хорижий молиявий хизмат кўрсатувчиларни ва Молия марказининг инвестициявий солиқ резидентларини жалб қилган ҳолда молиявий хизматларда ва профессионал хизматларда инновацияларни рағбатлантириш;

Молия марказининг халқаро молия маркази сифатида эътироф этилишига эришиш ҳамда Ўзбекистон Республикасини самарадорлик, очиқлик ва ҳалоллик принципларига асосланган илғор халқаро молиявий юрисдикция сифатида тарғиб қилиш;

Ўзбекистон Республикасининг иқтисодий ўсиш бўйича истиқболини амалга оширишда иштирок этиш;

молиявий хизматлар ва тегишли фаолиятга самарали ҳисса қўшиш орқали Ўзбекистон Республикаси иқтисодиётини ривожлантириш ҳамда диверсификация қилиш, шунингдек молиявий хизматлар секторининг ва тегишли фаолиятнинг Ўзбекистон Республикаси ялпи ички маҳсулотидаги улушини ошириш;

Молия марказини, шу орқали Ўзбекистон Республикасини низоларни ҳал этиш ва келишув бўйича халқаро марказ сифатида тарғиб қилиш.

Молия марказининг қарорлари билан Молия маркази мақсадларига мувофиқ келадиган бошқа вазифалар ҳам белгиланиши мумкин.

Шахсларни Молия марказининг иштирокчилари деб эътироф этиш талаблари ва тартиб-таомиллари, шунингдек Молия маркази ҳудудида юридик шахсларни таъсис этиш, рўйхатдан ўтказиш ҳамда уларнинг ташкилий-ҳуқуқий шаклларига нисбатан қўйиладиган талаблар ва унга доир тартиб-таомиллар Молия маркази кенгашининг қарори билан белгиланади. Молиявий хизматларни, қўшимча хизматларни ва рухсат этилган бошқа фаолият турларини лицензиялаш ушбу Конституциявий Қонуннинг 7-моддаси ҳамда Молия марказининг унга мувофиқ қабул қилинадиган қарорлари билан тартибга солинади. Молия марказининг қарорларига мувофиқ Молиявий хизматлар бошқармаси томонидан тартибга солинадиган молиявий хизматларга ва қўшимча хизматларга тааллуқли масалаларга нисбатан Молиявий хизматлар бошқармаси томонидан қабул қилинадиган ҳужжатлар қўшимча равишда қўлланилади.

Юридик шахслар чет эл ҳуқуқига, Ўзбекистон Республикасининг қонунчилигига ёки Молия марказининг қарорларига мувофиқ ташкил этилганлигидан қатъи назар, Молия марказининг иштирокчилари сифатида эътироф этиш ҳамда рўйхатдан ўтказиш учун қўлланиладиган талабларга риоя этиш шарти билан Молия марказининг иштирокчилари мезонларига мос келиши, эътироф этилиши ва рўйхатдан ўтиши мумкин.

Молия марказининг иштирокчиларига, ходимларига, инвестициявий солиқ резидентларига ва уларнинг оила аъзоларига берилган идентификация рақамлари Ўзбекистон Республикасининг бошқа қонунчилик ҳужжатларига мувофиқ берилган идентификация рақамлари билан бир хил тартибда Ўзбекистон Республикасининг бутун ҳудудида тан олинади ҳамда қўлланилади.

Идентификация рақамларини бериш, юритиш ва улардан фойдаланиш тартиб-таомиллари, шу жумладан тегишли идентификация рақамлари реестрини яратиш ҳамда унинг фаолият кўрсатиши Молия марказининг маъмурияти томонидан белгиланади.

Молия маркази ҳудудида қимматли қоғозларнинг ва бошқа молиявий воситаларнинг чиқарилиши, таклиф этилиши, листинг қилиниши, савдоси, сотиб олиниши, сўндирилиши ҳамда бошқа муомаласи Молиявий хизматлар бошқармасининг қарори билан тартибга солинади.

Қимматли қоғозлар ёки бошқа молиявий воситалар фонд биржасида листингдан ўтган ёки савдога қўйилган тақдирда, мазкур фонд биржасининг листинг ва савдо қоидалари Молиявий хизматлар бошқармасининг мутлақ назорати ва тартибга солиш ваколати сақланган ҳолда қўшимча равишда қўлланилади.

Ўзбекистон Республикаси ҳудудида, бироқ Молия маркази ҳудудидан ташқарида тадбиркорлик фаолиятини амалга оширувчи Молия марказининг иштирокчиларига, ходимларига, инвестициявий солиқ резидентларига ва уларнинг оила аъзоларига нисбатан Ўзбекистон Республикасининг мазкур турдаги фаолиятга оид қонунчилиги ҳамда тартибга солиш талаблари қўлланилади. Ушбу фаолиятнинг Молия маркази ҳудудига ёки Ўзбекистон Республикасининг бошқа ҳудудига тааллуқлилиги мезонлари ва тартиб-таомиллари Молия маркази маъмуриятининг Ўзбекистон Республикаси Иқтисодиёт ва молия вазирлиги билан келишилган ҳолда қабул қилинган қарорлари билан белгиланади.

Молия марказининг иштирокчилари Молия маркази ҳудудидан ташқарида бўлган Ўзбекистон Республикасидаги шахсларга ўз маҳсулотлари ва хизматларини қуйидаги ҳолларда таклиф этиши ҳамда тарғиб қилиши мумкин, агар:

Молия марказининг ҳудудидан ташқаридаги шахсларга таклиф этиладиган, маркетинг қилинадиган ёхуд йўналтириладиган ҳар қандай тартибга солинган молиявий хизматлар Ўзбекистон Республикасининг молиявий хизматлар, қимматли қоғозлар, солиқ тўғрисидаги қонунчилигига ва бошқа қўлланиладиган қонунчилигига мувофиқ бўлса;

Молия марказининг иштирокчилари Молия маркази ҳудудидан ташқарида бўлган Ўзбекистон Республикасидаги шахсларга чакана хизматларни оммавий оферта орқали амалга оширмаса, бундан бу турдаги оферта шартномалари учун Ўзбекистон Республикаси қонунчилигида белгиланган бошқа ҳоллар мустасно.

Молиявий хизматлар бошқармаси Молия марказининг иштирокчилари томонидан Молия маркази ҳудудидан ташқаридаги Ўзбекистон Республикаси резидентларига молиявий хизматлар кўрсатиш шарт-шароитларига оид тартиб-таомилларни Ўзбекистон Республикасининг Марказий банки ёки бошқа ваколатли давлат органи билан биргаликда белгилаши мумкин.

Ушбу модданинг тўққизинчи қисмига мувофиқ ишлаб чиқилган ҳар қандай тартиб-таомилда Молия марказининг қарорларига мувофиқ фаолият юритаётган Молия маркази иштирокчилари учун Ўзбекистон Республикасининг бошқа қонунчилигига мувофиқ шу турдаги хизматларни кўрсатишга доир лицензияга эга бўлган шахслар билан тенг имкониятлар назарда тутилиши лозим.

Молия маркази органларининг, иштирокчиларининг, ходимларининг, инвестициявий солиқ резидентларининг ва улар оила аъзоларининг Молия маркази ҳудудида жойлашган ёки Молия марказининг қарорларига мувофиқ шакллантирилган маблағлари, активлари, мол-мулки ва ҳуқуқлари мусодара қилинишига, национализация қилинишига, экспроприация қилинишига, секвестрлаштирилишига, музлатилишига ёки уларга эгалик қилинишини ёхуд уларнинг эркин тасарруф этилишини ҳар қандай тарзда чеклашга йўл қўйилмайди, бундан ушбу Конституциявий Қонунга ва Молия марказининг қарорларига мувофиқ чиқарилган Тошкент халқаро тижорат судининг якунловчи ва мажбурий кучга эга бўлган ҳал қилув қарорлари ёки ажримлари ёхуд жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш, санкциялар, жиноий даромадлар ёки тўловга қобилиятсизлик (банкротлик) масалаларига оид амалдаги қонунларга ёки Молия марказининг қарорларига мувофиқ қабул қилинган чекловлар мустасно.

Ушбу моддага мувофиқ кўриладиган ҳар қандай чора қонуний, мутаносиб, тегишли процессуал кафолатларга риоя этилган ҳолда амалга оширилиши керак ҳамда ушбу Конституциявий Қонунга ва Молия марказининг қарорларига мувофиқ суд тартибида қайта кўриб чиқилиши мумкин.

Ушбу моддада белгиланган ҳимоя чоралари Молия маркази ҳудудидан ташқаридаги Ўзбекистон Республикаси давлат ҳокимияти органининг ёки ижро этувчи ҳокимият органининг ҳеч бир ҳужжати билан камайтирилиши ёки чекланиши мумкин эмас, бундай камайтиришни ёки чеклашни назарда тутувчи ҳар қандай ҳужжат эса шундай камайтиришга ёки чеклашга оид қисми бўйича Молия маркази ҳудудида юридик кучга эга бўлмайди ва қўлланилмайди.

Ушбу Конституциявий Қонунга, Молия марказининг қарорларига, шунингдек ҳар қандай тегишли лицензия, рўйхатдан ўтказиш ёки бундан озод қилиш шартларига мувофиқ Молия марказининг иштирокчилари Молия маркази ҳудудида ёки у орқали қуйидаги тартибга солинадиган молиявий хизматларнинг бирини ёки бир нечтасини амалга ошириши мумкин:

банк ва молия фаолияти, шу жумладан молиялаштириш хизматлари ва фаолияти, қисқа, ўрта ва узоқ муддатли таъминланган ва таъминланмаган молиялаштириш ҳамда кредитга оид хизматлар, шу жумладан кредит маҳсулотлари, кредит линиялари ва молиялаштириш механизмларига доир келишувларни ташкил этиш, тақдим этиш, уларда воситачилик қилиш ёки улар бўйича маслаҳат бериш;

инвестиция фаолияти, шу жумладан принципал ёки агент сифатида инвестиция фаолиятини амалга ошириш, тижорат, инвестиция ва банк хизматлари, молия ва инвестиция компаниялари фаолияти, улгуржи савдо ва электрон банк фаолияти, шунингдек инвестицияларни бошқариш, улар билан операцияларни амалга ошириш ҳамда инвестиция битимларини ташкил этиш;

ушбу Конституциявий Қонунга ва Молия марказининг ҳужжатларига мувофиқ учинчи шахслар учун омонатларни қабул қилиш, барча турдаги банк ҳисобварақларини очиш ва юритиш;

молиявий воситалар, валюталар, товарлар, металлар ва ҳосилавий (дериватив) молиявий воситалар билан савдо қилиш ҳамда улар бўйича битимлар тузиш, шу жумладан Молиявий хизматлар бошқармаси томонидан рухсат этилган доирада маржинал савдо, спот ва форвард шартномалари, фьючерслар, опционлар ҳамда қисқа сотувлар бўйича операцияларни амалга ошириш;

молия ва пул бозори брокерлиги, шу жумладан прайм-брокерлик билан шуғулланиш;

барча турдаги валюталар, товарлар, металлар, молиявий воситалар, облигациялар, сукук ва ҳосилавий (дериватив) молиявий воситалар бўйича сотиш ҳамда сотиб олиш таклифларини тақдим этиш орқали маркет-мейкерлик фаолиятини юритиш;

пул ўтказмаларини амалга ошириш, тўлов хизматларини ва валюта айирбошлаш хизматларини кўрсатиш;

исломий молия, исломий банк хизматини ва у билан боғлиқ фаолиятни амалга ошириш;

инвестиция жамғармаларини, инвестиция портфелларини, жамоавий инвестиция схемаларини, пенсия жамғармаларини, хедж-жамғармаларни, трастлар ва фидуциар тузилмаларни ташкил этиш, яратиш, уларнинг фаолият юритишини таъминлаш, уларни бошқариш ва маркетинг қилиш ҳамда улар билан боғлиқ активларни бошқариш бўйича хизматлар кўрсатиш, шу жумладан бундай активларнинг ишончли бошқарувчиси ёки фидуциар бошқарувчиси сифатида фаолият юритиш;

лойиҳавий молиялаштириш ҳамда компаниялар ва бошқа ташкилотлар учун капитал тақдим этиш;

акцияларни, облигацияларни, сукук, бошқа молиявий воситаларни, барча турдаги молиявий маҳсулотларни, валюталарни, товарларни, барча турдаги металларни ва ҳосилавий (дериватив) молиявий воситаларни, шу жумладан улар билан боғлиқ фьючерс шартномалари ва опционларни чиқариш, таклиф этиш, листингга киритиш, тарғиб қилиш, сотиб олиш, сотиш ҳамда савдо қилиш, шунингдек ликвидлиликни таъминлаш ва пул бозорига оид бошқа фаолият ҳамда хизматларни амалга ошириш имконини яратиш мақсадида уларни гаров сифатида таклиф этиш ёки уларнинг таъминоти остида қарз олиш;

суғурта, қайта суғурта ва суғурта воситачилиги билан шуғулланиш, шу жумладан суғурта брокерлиги хизматларини, жумладан мол-мулкни, ҳаётни ва бахтсиз ҳодисалардан суғурта қилиш, суғурта фаолиятини бошқариш хизматларини кўрсатиш, суғуртанинг бошқа турларини амалга ошириш ҳамда улар билан боғлиқ тегишли хизматларни кўрсатиш;

молиявий, инвестициявий ва банк маслаҳат хизматларини кўрсатиш;

оммавий молиялаштириш (краудфандинг) платформаларини юритиш;

Молия марказининг қарори билан белгиланган бошқа молиявий хизматларни кўрсатиш ва фаолият турлари билан шуғулланиш.

Молия марказининг иштирокчилари Молиявий хизматлар бошқармаси томонидан рухсат берилган тақдирда, Молия маркази ҳудудида ёки у орқали қуйидаги молиявий бозор инфратузилмаси фаолиятини амалга ошириши мумкин:

кастодиал, клиринг, ҳисоб-китоб ва депозитарий фаолияти ҳамда хизматларини кўрсатиш, шу жумладан марказий клиринг ташкилотлари ва марказий қимматли қоғозлар депозитарийларини юритиш;

молиявий бозор инфратузилмаси хизматларини тақдим этиш, уларга эгалик қилиш, уларни бошқариш ва юритиш, шу жумладан қимматли қоғозлар, металлар, товарлар ҳамда барча турдаги ҳосилавий (дериватив) молиявий воситалар учун савдо платформалари, клиринг хизматлари, кастодиал хизматларни, ҳисоб-китоб ва депозитарий хизматларини тақдим этиш;

акциялар, облигациялар, валюталар, сукук, қимматли қоғозлар, металлар, товарлар, форвард ва фьючерс шартномалари, опционлар ҳамда барча турдаги ҳосилавий (дериватив) молиявий воситалар бўйича биржаларга ва молиявий бозорларга эгалик қилиш, уларни бошқариш ҳамда юритиш;

муқобил савдо тизимларини юритиш;

Молия марказининг қарорида белгиланган молиявий бозор инфратузилмаси фаолиятининг бошқа турлари билан шуғулланиш.

Молия марказининг иштирокчилари Молиявий хизматлар бошқармаси томонидан рухсат берилган тақдирда, Молия маркази ҳудудида ёки у орқали қуйидаги рақамли активлар билан боғлиқ фаолиятни амалга ошириши мумкин:

рақамли активларни, шу жумладан улар билан боғлиқ ҳосилавий (дериватив) молиявий воситаларни, фьючерс шартномаларини ва опционларни чиқариш, таклиф этиш, листингга киритиш, тарғиб қилиш, сотиб олиш, сотиш ва савдо қилиш;

рақамли активлар ва рақамли активларга оид ҳосилавий (дериватив) молиявий воситалар билан битимлар тузиш ҳамда улар бўйича маркет-мейкерлик фаолиятини амалга ошириш, шу жумладан Молиявий хизматлар бошқармаси томонидан рухсат этилган доирада маржинал савдо қилиш;

рақамли активларга нисбатан кастодиал сақлаш, хавфсиз сақлаш, клиринг, ҳисоб-китоб бўйича хизматлар ва депозитарий хизматларини кўрсатиш;

рақамли активлар жамғармаларини ва улар билан боғлиқ активларни бошқариш хизматларини ташкил этиш, уларнинг фаолият юритишини таъминлаш, уларни бошқариш ҳамда маркетинг қилиш;

рақамли активлар биржаларига ҳамда савдо платформаларига эгалик қилиш, уларни бошқариш ва юритиш;

Молия марказининг қарорида белгиланган рақамли активлар билан боғлиқ фаолиятнинг бошқа турлари билан шуғулланиш.

Молия марказининг иштирокчилари ушбу Конституциявий Қонунга ва Молия марказининг қарорларига мувофиқ, Молия маркази ҳудудида ёки у орқали қуйидаги қўшимча хизматларни кўрсатиши мумкин:

Молия маркази иштирокчиларининг, Молия марказида ташкил этилган фондларнинг ёки Молия марказининг ҳар қандай биржасида листингга киритилган компанияларнинг молиявий ҳисоботлари бўйича ҳисобварақларни аудит қилиш ҳамда аудит ҳисоботлари ва хулосаларини тақдим этиш хизматларини;

Молия маркази иштирокчиларининг мувофиқлигини текшириш мақсадида ҳисобварақларни аудит қилиш ҳамда аудит ҳисоботлари ва хулосаларини тақдим этиш хизматларини;

ушбу Конституциявий Қонунга ва Молия марказининг қарорларига мувофиқ рухсат этилган доирада молиявий фаолиятга ва банк фаолиятига қўшимча хусусиятга эга бўлган аудит, бухгалтерия, юридик, рейтинг хизматларини ва ахборотга оид хизматларни, шу жумладан кредит рейтинг агентликларини юритиш бўйича хизматларни;

товарларга, металларга ёки бошқа активларга оид сақлаш, қайта ишлаш, ташиш, етказиб бериш ва логистика хизматларини, бироқ бунда ушбу хизматлар фақат Молиявий хизматлар бошқармаси томонидан рухсат этилган тартибга солинадиган товар савдоси, кастодиал хизматлар, клиринг, ҳисоб-китоб, депозитарий ёки бозор инфратузилмаси фаолиятига боғлиқ бўлса ёки унга қўшимча хусусиятга эга бўлса;

Молия марказида ёки у орқали тақдим этиладиган ёки амалга ошириладиган, Молия марказининг қарорлари ёки Ўзбекистон Республикасида ва Молия марказида амал қиладиган бошқа қонунчилик ҳужжатлари бўйича молиявий хизмат деб таснифланмайдиган ҳамда жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш мақсадида Молиявий хизматлар бошқармаси томонидан назорат қилинадиган бошқа ҳар қандай хизматларни, бизнесларни, касбларни ёки фаолиятни.

Молия марказининг маъмурияти тартибга солинадиган молиявий хизматлар, молиявий бозор инфратузилмасига оид фаолият, рақамли активлар билан боғлиқ фаолият ёки қўшимча хизматлар ҳисобланмайдиган қуйидаги рухсат этилган бошқа фаолиятни лицензиялаши ёки рўйхатдан ўтказиши мумкин:

холдинг компанияларини, махсус мақсадли ташкилотларни (SPV), ғазначилик компанияларини ва бош қароргоҳ ташкилотларини ташкил этиш, уларнинг фаолият юритишини таъминлаш, уларни бошқариш ҳамда тасарруф этиш;

фондларни, трастларни ва фидуциар тузилмаларни ташкил этиш ҳамда бошқариш;

корпоратив хизматларни тақдим этиш, шу жумладан компанияларни ташкил этиш, корпоратив бошқарув бўйича хизматлар, рўйхатдан ўтган офис хизматлари ва шу каби бошқа хизматлар;

профессионал хизматлар, шу жумладан юридик, консалтинг, баҳолаш, бухгалтерия, солиқ маслаҳати, бошқарув бўйича маслаҳат, технологияларни ривожлантириш, дастурий таъминотни ишлаб чиқиш, финтех хизматларини ва шунга ўхшаш хизматларни кўрсатиш;

ваколатхоналар ташкил этиш ва уларнинг фаолият юритишини таъминлаш;

чакана савдо, озиқ-овқат ва ичимликлар савдоси, меҳмонхона, конференция, таълим, маданий, соғломлаштириш хизматлари ёки Молия маркази экотизимининг фаолиятини қўллаб-қувватлаш учун мўлжалланган қулайликларни ҳамда шунга ўхшаш бошқа қулайликларни ташкил этиш;

Молия марказининг маъмурияти томонидан Молия маркази доирасида рухсат этилган, тартибга солинмайдиган фаолият сифатида белгиланган бошқа ҳар қандай фаолият.

Ушбу моддада назарда тутилган тартибга солинадиган молиявий хизматлар, молиявий бозор инфратузилмаси фаолияти, рақамли активлар билан боғлиқ фаолият, қўшимча хизматлар ва рухсат этилган бошқа фаолият Молия маркази доирасида фақат тегишли лицензия, рўйхатдан ўтказиш ёки бундан озод қилиш билан рухсат этилган доирада ҳамда Молия марказининг қўлланиладиган қарорларига мувофиқ амалга оширилиши мумкин. Молиявий хизматлар бошқармасининг қарорларида лицензиялаш талабларига нисбатан истиснолар ва улардан озод қилиш ҳоллари, шу жумладан Молиявий хизматлар бошқармаси белгилайдиган шартларга риоя этган ҳолда, Молия маркази ҳудудидан ташқарида жойлашган шахслар томонидан Молия маркази иштирокчилари билан ёки улар учун трансчегаравий асосда молиявий хизматлар ёки қўшимча хизматлар кўрсатилишига нисбатан истиснолар ва улардан озод қилиш ҳоллари назарда тутилиши мумкин.

Агар Молиявий хизматлар бошқармасининг қарорларида бевосита бошқача ҳолат назарда тутилган бўлмаса, ушбу модданинг биринчи, иккинчи ва учинчи қисмларида назарда тутилган молиявий хизматларни ҳамда фаолият турларини амалга ошириш учун лицензиялар қуйидаги талабларга жавоб берадиган юридик шахсга, шериклик шаклидаги тузилмага, чет эл юридик шахсининг филиалига, шуъба жамиятига, қўшма корхонага ёки Молия марказининг қарорларида рухсат этилган бошқа ташкилий тузилмага, шунингдек Молия марказининг қарорларида рухсат этилган ҳолларда ва доирада жисмоний шахсга берилади:

мустаҳкам молиявий ҳолатга эга бўлиш;

амалга оширилиши таклиф этилаётган фаолиятнинг табиатига, кўламига ва мураккаблигига мос келадиган комплекс тизимларга ҳамда назорат механизмларига эга бўлиш;

бундай фаолият бўйича етарли билим ва малакага, яхши ишчанлик обрўсига эга бўлган шахслар томонидан бошқарилиши.

Молия маркази ҳудудида ушбу моддада белгиланган қуйидаги устуворлик тартибидаги махсус қонунчилик амал қилади:

Ўзбекистон Республикасининг Конституцияси;

ушбу Конституциявий Қонун;

ушбу Конституциявий Қонунга мувофиқ Молия марказини ташкил этиш, фаоллаштириш, унинг чегараларини ўзгартириш, стратегик бошқарув, асосий мансабдор шахсларни тайинлаш ҳамда Ўзбекистон Республикаси Президентининг ушбу Конституциявий Қонунда Президент ваколатига бевосита тааллуқли бошқа масалалар юзасидан қабул қилинган фармонлари ва қарорлари;

ушбу Конституциявий Қонунга асосан ва унга мувофиқ қабул қилинган, Молия марказининг ўз юрисдикциясига кирадиган масалаларни тартибга соладиган қарорлари;

зарур ҳолларда Ўзбекистон Республикасининг Конституциясига, ушбу Конституциявий Қонунга ва Молия марказининг қарорларига зид бўлмаган тақдирда, Англия ва Уэльснинг умумий ҳуқуқи ва адолат принциплари ҳамда қоидалари.

Молия марказининг кенгаши Англия ва Уэльс ҳуқуқини қўллаш тўғрисидаги Молия марказининг қарорини қабул қилади. Ушбу қарорда Молия марказида қўлланилиши лозим бўлган Англия ва Уэльснинг қонунчилик ҳужжатлари, уларнинг қайси сана ҳолатига кўра қўлланилиши ҳамда қандай ўзгартиришлар билан қўлланилиши белгиланади. Бундай қарор ҳамда, зарур ҳолларда, унга киритилган ўзгартириш ва қўшимчалар ушбу модданинг биринчи қисми мақсадлари учун Молия марказининг қарори сифатида эътироф этилади.

Етакчи глобал молия марказларининг халқаро миқёсда эътироф этилган стандартлари Молия маркази органлари томонидан Молия марказининг қарорларини шарҳлашда, талқин қилишда ҳамда улардаги ҳуқуқий бўшлиқларни тўлдиришда ёрдамчи восита сифатида қўлланилиши мумкин.

Ўзбекистон Республикасининг қонунчилик ҳужжатлари Молия марказининг юрисдикциясига кирмайдиган масалаларга нисбатан, шунингдек Молия маркази ҳудудида уларнинг қўлланилиши ушбу Конституциявий Қонунда ёхуд Молия марказининг қарорларида бевосита белгиланган ҳолларда қўлланилади.

Молия марказининг қарорларини ишлаб чиқиш, рўйхатдан ўтказиш, амалга киритиш, эълон қилиш, уларга ўзгартириш ва қўшимчалар киритиш, шунингдек уларни бекор қилиш тартиби Молия маркази маъмурияти томонидан тақдим этиладиган ва Молия марказининг кенгаши томонидан тасдиқланадиган Молия маркази қарорлари билан белгиланади, бундан қуйидагилар мустасно:

ушбу моддага биноан Молиявий хизматлар бошқармасининг ваколатлари жумласига кирадиган муносабатлар тоифалари доирасида Молиявий хизматлар бошқармаси томонидан қабул қилинадиган тартибга солиш қоидалари ва кўрсатмалари;

ушбу Конституциявий Қонуннинг 29-моддасига мувофиқ Тошкент халқаро тижорат судининг Бош судьяси томонидан чиқариладиган, Молия маркази кенгашининг тасдиғисиз кучга кирадиган қоидалар, фармойишлар ва йўриқномалар.

Молия марказининг ҳеч бир органи ушбу Конституциявий Қонунга мувофиқ ўз ваколати доирасига кирмайдиган масалалар бўйича Молия марказининг қарорини қабул қилиши мумкин эмас.

Молия марказининг органлари ўз ваколатлари доирасида Молия маркази шахсларининг ўзаро ва (ёки) орасидаги, Молия марказининг юрисдикциясига кирувчи қуйидаги муносабатларни тартибга соладиган, бажарилиши мажбурий бўлган қарорларни қабул қилиши мумкин:

фуқаролик, корпоратив ва тижорат ҳуқуқи, молия, банк, инвестициялар, солиқ, меҳнат муносабатларини ҳамда маълумотларни ҳимоя қилиш;

фуқаролик ва иқтисодий процессуал муносабатлар;

маъмурий тартиб-таомиллар, шу жумладан лицензиялаш ва рўйхатдан ўтказиш;

давлат харидлари;

Молия марказининг кенгаши Молия марказининг мақсадларига эришиш учун зарур деб топган бошқа масалалар.

Молиявий хизматлар бошқармаси ушбу Конституциявий Қонуннинг 7-моддасида назарда тутилган хизматларни ва фаолият турларини тартибга солувчи ҳамда мувофиқлаштирувчи Молия марказининг қарорларини, шунингдек:

Молия марказининг қарорларига риоя этилиши устидан назоратни, мувофиқликни (комплаенс) ва ҳуқуқни қўллаш амалиётини таъминлашга;

ушбу Конституциявий Қонунга мувофиқ Молиявий хизматлар бошқармаси ўзининг тартибга солиш мақсадлари ва функцияларини самарали бажариши учун зарур ёки мақсадга мувофиқ деб ҳисоблайдиган бошқа масалаларга оид бажарилиши мажбурий бўлган қарорларини қабул қилиши мумкин.

Тошкент халқаро тижорат суди Молия маркази шахсларининг ўзаро ва (ёки) улар орасидаги, Молия марказининг юрисдикциясига кирувчи қуйидаги муносабатларни тартибга соладиган бажарилиши мажбурий бўлган қарорларни қабул қилиши мумкин:

кўриб чиқилиши ўз ваколатлари жумласига кирадиган низоларни ҳал этиш билан боғлиқ масалаларни;

Молия марказида фаолият юритувчи юридик хизмат кўрсатувчи ташкилотлар фаолиятини ва адвокатлик фаолиятини тартибга солишни, бу соҳадаги мутахассисларнинг малакасини оширишни ва уларнинг одоб-ахлоқ қоидаларини;

ушбу Конституциявий Қонунга мувофиқ Бош судья одил судлов маъмуриятчилигини самарали амалга ошириш учун зарур ёки мақсадга мувофиқ деб ҳисоблайдиган бошқа масалаларни.

Ушбу Конституциявий Қонунда тўғридан-тўғри назарда тутилган ҳолларда, Молия марказининг тегишли органи ушбу модданинг юқоридаги қисмлари билан қамраб олинмаган муносабатларни тартибга солувчи қарорларни ҳам қабул қилиши мумкин.

Молия марказининг қарорлари Молия марказининг юрисдикцияси доирасида бажарилиши мажбурий бўлган норматив-ҳуқуқий ҳужжат деб ҳисобланади.

Молия маркази ҳудудида тузилган, Молия марказининг иштирокчиси томонидан тузилган ёхуд Молия марказининг фаолияти билан бевосита боғлиқ бўлган шартномалар ва битимлар, агар тарафлар бошқа ҳуқуқни қўллаш тўғрисида келишмаган бўлса ҳамда бундай келишув ушбу Конституциявий Қонунга ёки Молия марказининг қарорларига зид бўлмаса, Молия марказининг қарорлари билан тартибга солинади.

Ўзбекистон Республикасининг давлат хавфсизлигига таҳдид солиши мумкин бўлган шарт-шароитларни истисно этиш мақсадида Молия марказининг кенгаши томонидан тасдиқланган Молия марказининг қарорларида Молия марказининг иштирокчилари учун чекловлар белгиланиши мумкин. Бундай чекловлар бартараф этилиши лозим бўлган таҳдидга мутаносиб бўлиши, уларда ушбу Конституциявий Қонун 6-моддасининг қоидалари инобатга олинган бўлиши керак ва улар Тошкент халқаро тижорат суди томонидан қайта кўриб чиқилиши мумкин.

Молия маркази ҳудудида Молия марказининг қарорлари ушбу қарорларга зид бўлган ҳар қандай норматив-ҳуқуқий ҳужжатлардан устун туради, бундан Ўзбекистон Республикасининг Конституцияси, ушбу Конституциявий Қонун ва Ўзбекистон Республикаси томонидан ратификация қилинган халқаро шартномалар мустасно.

Молия марказининг ҳар бир қарори кучга киргунига қадар Молия маркази қарорларининг расмий реестрида эълон қилиниши шарт. Агар Молия маркази қарорининг ўзида кечроқ сана назарда тутилмаган бўлса, у эълон қилинган санадан эътиборан кучга киради.

Молия марказининг маъмурияти Молия марказининг расмий веб-сайтида Молия марказининг рақамли шаклда омма учун очиқ бўлган қарорларининг расмий реестрини ташкил этади, юритади ва доимий равишда янгилаб боради.

Молия маркази қарорларининг расмий реестри қуйидагилардан таркиб топади:

Молия маркази ҳар бир қарорининг у эълон қилинган санадаги дастлабки матнидан;

Молия маркази ҳар бир қарорининг у қабул қилингандан бошлаб унга киритилган барча ўзгартиришлар акс эттирилган амалдаги жамланма матнидан;

Молия маркази ҳар бир қарорининг қабул қилинган санасидан, кучга кирган санасидан ҳамда унга киритилган барча ўзгартиришлар қайдидан.

Молия маркази қарорларининг расмий реестри инглиз тилида юритилади. Молия маркази қарорларининг ўзбек тилидаги ва бошқа тиллардаги расмий таржимаси чоп этилиши мумкин.

Молия марказининг Молия маркази қарорларининг расмий реестрида ушбу моддага мувофиқ инглиз тилида чоп этилмаган қарори юридик кучга ва таъсирга эга бўлмайди ҳамда Молия марказининг шахсига нисбатан мажбурий ҳисобланмайди.

Молия марказининг муҳим аҳамиятга эга қарори қабул қилингунига қадар Молия марказининг тегишли органи ушбу моддага мувофиқ жамоатчилик муҳокамасини ўтказиши шарт.

Молия марказининг муҳим аҳамиятга эга қарори бўйича жамоатчилик муҳокамаси жараёни қуйидагиларни ўз ичига олиши керак:

Молия марказининг таклиф этилаётган қарори, унинг сиёсий-ҳуқуқий асослари, фикр-мулоҳазалар билдириш сўралаётган асосий масалалар ва муҳокама муддати кўрсатилган муҳокама ҳужжати эълон қилинишини;

келиб тушган барча фикр-мулоҳазалар кўриб чиқилишини;

қабул қилинган фикр-мулоҳазалар қандай ҳисобга олинганлиги тушунтирилган, муҳокама натижаларига доир жавоб эълон қилинишини.

Молия марказининг тегишли органи шошилинч ҳолатлар сабабли қарорни дарҳол қабул қилиш зарур деб ёзма равишда белгилаган тақдирда, Молия марказининг муҳим аҳамиятга эга қарори олдиндан жамоатчилик муҳокамасисиз қабул қилиниши мумкин. Бунда Молия марказининг тегишли органи шошилинч ҳолатларнинг сабабларини қарор матнида кўрсатиши, қарор қабул қилинган кундан эътиборан олтмиш кун ичида жамоатчилик муҳокамасини ўтказиши ва жамоатчилик муҳокамаси натижаларига кўра, зарур деб топилган ҳолларда, мазкур қарорни тегишинча ўзгартириши шарт.

Молия марказининг кенгаши Молия марказининг қарори билан жамоатчилик муҳокамаси муддатининг давомийлигига, жамоатчилик муҳокамаси ҳамда тартибга солиш таъсирини баҳолашнинг шаклига ва қамровига, шунингдек Молия марказининг муҳим аҳамиятга эга қарори лойиҳасининг муҳимлик даражасидан келиб чиқиб, ушбу модда ва ушбу Конституциявий Қонуннинг 11-моддаси талабларини мутаносиб тарзда қўллашга доир қўшимча талабларни белгилаши мумкин.

Мазкур Конституциявий Қонуннинг ушбу моддаси ва 11-моддаси қоидалари Молия марказининг ушбу Конституциявий Қонун кучга кирганидан кейин ўн икки ой ичида қабул қилинадиган қарорларига нисбатан татбиқ этилмайди.

Молия марказининг муҳим аҳамиятга эга қарори таклиф этилишидан олдин Молия марказининг тегишли органи қуйидагиларни таҳлил қилувчи тартибга солиш таъсирини баҳолашга доир ҳужжатни тайёрлаши ва эълон қилиши шарт:

Молия марказининг таклиф этилаётган қарорида ҳал этишга эътибор қаратилган муаммони ёки мақсадни;

таклиф этилаётган чоралар ҳамда кўриб чиқилган муқобил вариантлар бўйича харажатлар ва фойдани;

таклиф этилаётган чоранинг Молия марказининг рақобатбардошлигига ва жозибадорлигига нисбатан эҳтимолий таъсирини;

таклиф этилаётган чоранинг Молия марказининг шахсларига нисбатан эҳтимолий таъсирини;

таклиф этилаётган чорани амалга ошириш муддатини ва ўтиш даврининг тартиб-таомилларини.

Жамоатчилик муҳокамаси жараёни якунланганидан кейин Молия марказининг тегишли органи муҳокама давомида олинган муҳим маълумотларни акс эттириш мақсадида тартибга солиш таъсирини баҳолашга оид ҳисоботини қайта кўриб чиқиши мумкин.

Тартибга солиш таъсирини баҳолашга оид ҳужжат ушбу Конституциявий Қонуннинг 10-моддасига мувофиқ тақдим этиладиган жамоатчилик муҳокамаси ҳужжати таркибида ёки у билан бир вақтда эълон қилинади.

Тартибга солиш таъсирини баҳолашнинг мазмунига нисбатан қўйиладиган талаблар, унинг услубияти ва шакли Молия марказининг кенгаши томонидан қўшимча равишда белгиланади.

Молия маркази ҳудудида Ўзбекистон Республикасининг халқаро шартномаларидан келиб чиқадиган мажбуриятлар ва қуйидаги қонунчилик ҳужжатлари қўлланилади:

Ўзбекистон Республикасининг Конституцияси;

ушбу Конституциявий Қонун 14-моддасининг қоидаларига мувофиқ жиноят тўғрисидаги ва жиноят-процессуал қонунчилик;

ушбу модданинг иккинчи қисми қоидалари инобатга олинган ҳолда маъмурий жавобгарлик тўғрисидаги қонунчилик;

миллий хавфсизлик, мудофаа, жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш, иммиграция назорати, оила, атроф-муҳитни муҳофаза қилиш, фавқулодда ҳолат, санитария-эпидемиологик осойишталик ҳамда фуқаролар соғлиғини сақлаш тўғрисидаги қонунчилик;

Молия марказининг шахсларига нисбатан тўғридан-тўғри қўлланиладиган даражада Ўзбекистон Республикаси томонидан ратификация қилинган халқаро шартномалар;

ушбу Конституциявий Қонунда ёки Молия марказининг қарорларида Молия маркази ҳудудида қўлланилиши тўғридан-тўғри назарда тутилган бошқа қонунчилик ҳужжатлари.

Агар Молия маркази ҳудудида Молия марказининг шахслари томонидан содир этилган, Ўзбекистон Республикасининг Маъмурий жавобгарлик тўғрисидаги кодексига мувофиқ жавобгарлик белгиланган валюта қимматликлари, божхона, солиқ, қимматли қоғозлар бозори, рақобат ҳамда крипто-активлар айланмаси тўғрисидаги қонунчиликни, шунингдек савдо ёки хизмат кўрсатиш қоидаларини бузиш билан боғлиқ хатти-ҳаракатлар (ҳаракатсизлик) ўз моҳиятига кўра тижорат низоси, иқтисодий, фуқаролик-ҳуқуқий низо, Молия маркази органи талабларининг бузилиши, молия бозоридаги ножўя хатти-ҳаракатни ташкил этса, ундан келиб чиқса ёхуд у билан боғлиқ деб ҳисобланса ҳамда ушбу Конституциявий Қонун ёки Молия марказининг қарорлари доирасида ҳал қилиниши мумкин бўлса, Молия марказининг тегишли органи Молия марказининг юрисдикцияси доирасида мавжуд бўлган иқтисодий, фуқаролик-ҳуқуқий чораларни, тартибга солиш ёки маъмурий таъсир чораларини қўллайди.

Молия марказининг ҳеч бир органи ушбу модданинг иккинчи қисмида назарда тутилган ҳолатлар бўйича иш материалларини маъмурий ишни қўзғатиш учун Ўзбекистон Республикасининг ваколатли органларига юбормайди.

Молия марказининг шахсларига нисбатан ушбу модда биринчи қисмининг бешинчи хатбошисида кўрсатилган Ўзбекистон Республикаси қонунчилик ҳужжатларида белгиланган жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашишга доир талаблардан ташқари Молия марказининг қарорлари билан қўшимча ёки кенгайтирилган талаблар белгиланиши мумкин.

Ушбу модданинг биринчи қисмида назарда тутилган ҳоллардан ташқари, ушбу Конституциявий Қонун ва Молия марказининг қарорлари билан унинг юрисдикциясига кирадиган масалаларга оид Ўзбекистон Республикасининг тегишли қонунчилиги ёки ҳар қандай давлат органининг ёхуд идорасининг маъмурий ҳужжатлари Молия марказининг шахсларига нисбатан амал қилмайди, бундан ушбу Конституциявий Қонунда ёки Молия марказининг қарорларида бевосита назарда тутилган махсус ҳоллар мустасно.

Молия марказининг инвестициявий солиқ резидентлиги дастурида (бундан буён матнда Дастур деб юритилади) Ўзбекистон Республикасига инвестицияларни жалб этиш мақсадида Молия маркази кенгашининг қарори билан белгиланган шаклларда, ҳажмларда ва воситаларда инвестициялар киритган жисмоний шахсларга ҳамда уларнинг оила аъзоларига Молия марказининг инвестициявий солиқ резиденти мақоми берилиши назарда тутилади.

Дастур давлат хавфсизлиги, ички ишлар, иқтисодиёт ва молия, инвестицияларга кўмаклашиш борасидаги давлат сиёсатини амалга ошириш учун масъул бўлган давлат органлари билан келишилган ҳолда қабул қилинади. Молия маркази кенгашининг Дастурни жорий этиш тўғрисидаги қарорида инвестицияларнинг шакллари, ҳажмлари ва воситалари, инвестициявий солиқ резиденти мақомини эътироф этиш мезонлари ҳамда Дастурда иштирок этиш тартиб-таомиллари белгиланади.

Молия марказининг қарорлари билан қуйидаги минимал талаблар назарда тутилган Молия марказининг инвестициявий солиқ резиденти деб эътироф этиш мезонлари белгиланади:

Дастурда иштирок этиш тўғрисидаги ариза билан мурожаат қилишдан олдинги уч йиллик давр мобайнида шахс Ўзбекистон Республикасининг солиқ резиденти бўлмаганлиги;

Дастурда иштирок этиш тўғрисидаги ариза билан мурожаат қилишдан олдинги ўн йиллик давр мобайнида шахснинг Ўзбекистон Республикаси фуқаролиги тугатилмаганлиги.

Агар Дастурда иштирок этишнинг асосий мақсади ёки асосий мақсадларидан бири Ўзбекистон Республикаси билан сезиларли даражада боғлиқ бўлган даромадларга, активларга, фойдага ёки фаолиятга оид солиқдан қочишдан ёхуд солиқни камайтиришдан иборат бўлса, шахс Молия маркази маъмуриятининг асослантирилган хулосасига кўра Молия марказининг инвестициявий солиқ резиденти деб эътироф этилмайди.

Молия марказининг қарорларида Дастурнинг шаффофлигини ва ишончлилигини таъминлаш мақсадида бенефициар мулкдорлар тўғрисидаги маълумотларни, маблағлар манбаини, мол-мулк манбаини, солиқ резидентлиги тарихини, санкциявий мақомни ҳамда зарур бўлган бошқа ахборотни ошкор этиш талаблари белгиланиши мумкин.

Молия марказининг инвестициявий солиқ резиденти мақомини олиш қуйидаги ҳуқуқлар ва имкониятларни беради:

ушбу Конституциявий Қонуннинг 18-моддасида белгиланган солиқ имтиёзларини қўллаш мақсадида Ўзбекистон Республикасининг солиқ резиденти деб эътироф этилишни;

ушбу Конституциявий Қонуннинг 20-моддасида белгиланган визага оид ҳуқуқларни;

ушбу Конституциявий Қонуннинг 29-моддасига мувофиқ Тошкент халқаро тижорат судига мурожаат қилиш ҳамда васиятномалар ва ворислик реестрига кириш (ундан фойдаланиш) ҳуқуқини.

Агар Молия маркази ҳудудида Молия марказининг шахслари томонидан содир этилган, Ўзбекистон Республикасининг Жиноят кодексига мувофиқ жиноий жавобгарлик белгиланган валюта қимматликлари, божхона, солиқ, рақобат ва крипто-активлар айланмаси тўғрисидаги қонунчиликни, шунингдек савдо ёки хизмат кўрсатиш қоидаларини бузиш билан боғлиқ хатти-ҳаракатлар (ҳаракатсизлик) ўз моҳиятига кўра тижорат низоси, иқтисодий, фуқаролик-ҳуқуқий низо, Молия маркази органи талабларининг бузилиши, молия бозоридаги ножўя хатти-ҳаракатни ташкил этса, ундан келиб чиқса ёхуд у билан боғлиқ деб ҳисобланса ҳамда ушбу Конституциявий Қонун ёки Молия марказининг қарорлари доирасида ҳал қилиниши мумкин бўлса, Молия марказининг тегишли органи биринчи навбатда Молия марказининг юрисдикцияси доирасида мавжуд бўлган иқтисодий, фуқаролик-ҳуқуқий чораларни, тартибга солиш ёки маъмурий таъсир чораларини қўллайди.

Ушбу модданинг биринчи қисмида назарда тутилган хатти-ҳаракатлар (ҳаракатсизлик) рўйхати ва улар учун қўлланиладиган таъсир чоралари Молия марказининг тегишли органи томонидан белгиланади.

Молия марказининг ҳеч бир органи ушбу модданинг биринчи қисмида назарда тутилган ҳолатлар бўйича иш материалларини жиноят ишини қўзғатиш, тергов қилиш ёки жиноий таъқиб қилиш масаласини ҳал этиш учун Ўзбекистон Республикасининг ваколатли органларига юбормайди.

Ушбу модда Ўзбекистон Республикасининг қонунларига мувофиқ жиноят ҳисобланадиган ҳамда Молия маркази доирасида фуқаролик-ҳуқуқий чоралар, тартибга солиш ёки маъмурий таъсир чоралари орқали етарли даражада ҳал қилиб бўлмайдиган хатти-ҳаракатлар юзасидан Ўзбекистон Республикасининг ҳуқуқни муҳофаза қилувчи ваколатли органлари юрисдикциясини чекловчи қоида сифатида талқин этилмаслиги керак. Бундай ҳолларда Молия марказининг тегишли органи ҳуқуқни муҳофаза қилувчи ваколатли органлар билан тўлиқ ҳамкорлик қилади ҳамда тегишли масала бўйича терговни ва жиноий таъқиб қилишни амалга ошириш учун зарур ёрдам кўрсатади.

Молия марказининг органлари ушбу моддага мувофиқ фуқаролик-ҳуқуқий чораларнинг, тартибга солиш ва маъмурий таъсир чораларининг устуворлигини таъминлаш, шунингдек Молия марказининг юрисдикциясига ҳамда миллий жиноий юрисдикцияга тааллуқли бўлиши мумкин бўлган масалаларни кўриб чиқиш бўйича мувофиқлаштирилган тартиб-таомилларни белгилаш мақсадида Ўзбекистон Республикасининг ҳуқуқни муҳофаза қилувчи ваколатли органлари билан ҳамкорлик тўғрисида келишувлар тузиши мумкин.

Молия маркази ҳудудида қуйидаги фаолият турларини амалга ошириш тақиқланади:

ушбу Конституциявий Қонун, Молия марказининг қарорлари ёки Молия марказининг қарорлари асосида Молия марказининг иштирокчиларига берилган лицензиялар, рухсатномалар, ваколатлар ёки рўйхатдан ўтказиш талабларига зид бўлган ҳар қандай фаолият;

Ўзбекистон Республикасининг қонунчилиги билан белгиланган жамоат тартибига ёки ижтимоий ахлоққа зид бўлган ҳар қандай фаолият;

Молия марказининг ҳудудидан ташқарида резидент бўлган ёки жойлашган шахслардан Ўзбекистон Республикасининг миллий валютасидаги чакана омонатларни қабул қилиш билан боғлиқ фаолият, бундан Молия марказининг Ўзбекистон Республикаси Марказий банки билан келишилган ҳолда ишлаб чиқилган қарорларида йўл қўйилган ҳоллар мустасно;

Ўзбекистон Республикасининг қонунчилигига биноан тақиқланган ҳамда ушбу Конституциявий Қонунга ёки Молия марказининг қарорларига мувофиқ Молия марказида рухсат этилмаган товарларни ишлаб чиқариш, сотиш ёки тарқатиш ва хизматлар кўрсатиш билан боғлиқ фаолият.

Молия марказининг органлари тақиқланган фаолиятни амалга ошираётган Молия марказининг ҳар қандай шахсларига лицензиялар беришни ва уларни рўйхатдан ўтказишни тўхтатиб туриш, бекор қилиш чораларини ёки ушбу Конституциявий Қонунда ва Молия марказининг қарорларида назарда тутилган бошқа мажбурий чораларни кўриши мумкин.

Ушбу Конституциявий Қонуннинг ёки Молия маркази қарорларининг қоидаларига зид равишда тижорат фаолиятини ёки молиявий фаолиятни амалга оширган Молия марказининг ҳар қандай иштирокчиси қуйидагилардан ошмайдиган миқдорда жаримага тортилади:

ўн миллион АҚШ долларидан ошмайдиган миқдорда;

қоидабузарликка сабаб бўлган тегишли битим, ўзаро боғлиқ битимлар йиғиндиси ёки фаолият қийматининг ўн фоизидан ошмайдиган миқдорда.

Молия марказининг кенгаши ўз қарори билан ҳуқуқбузарликлар рўйхатини ва улар учун қўлланиладиган санкцияларни тасдиқлайди. Бундай санкциялар қуйидагиларни ўз ичига олади:

расмий огоҳлантириш ва билдиришномалар беришни;

муайян ҳаракатларни амалга ошириш ҳақида ёки муайян ҳаракатларни амалга оширишдан тийилиш тўғрисида кўрсатмалар беришни;

етказилган зарарнинг ўрнини қоплаш ёки ҳуқуқбузарликдан олдинги ҳолатни тиклаш бўйича чоралар кўришни;

ҳуқуқбузарлик натижасида олинган фойдани қайтаришни;

оммавий тарзда ёки хусусий танбеҳ беришни;

махсус билим ва малакага эга бўлган шахсларни жалб этишни ёки тайинлашни;

тадбиркорлик фаолиятини чеклашни;

айрим жисмоний шахсларга назорат қилинадиган функцияларни бажаришни тақиқлашни ёки уларни бундай функцияларни бажаришдан муайян муддатга четлаштиришни;

лицензия бериш ёки рўйхатдан ўтказиш учун шартлар қўйишни;

лицензияни ёки рўйхатдан ўтганликни муайян муддатга тўхтатиб туришни;

лицензияни ёки рўйхатдан ўтганликни тўлиқ бекор қилишни;

шошилинч ҳимоя чораларини қўллашни;

Молия маркази кенгашининг қарорида назарда тутилган бошқа санкцияларни.

Ушбу модда қоидалари Молиявий хизматлар бошқармасининг қарорларига мувофиқ пруденциал чораларни, назорат ёки ҳимоя чораларини қўллаш юзасидан Молиявий хизматлар бошқармасининг ваколатларини чекламайди.

Молия марказининг тегишли қарорида белгиланган ҳолларда, бундай санкциялар жарималарга қўшимча равишда ёки уларнинг ўрнига қўлланилиши мумкин. Ҳуқуқбузарликлар рўйхатида назарда тутилган ҳеч бир жарима ушбу модданинг биринчи қисмида белгиланган энг юқори миқдордан ошиб кетмаслиги керак.

Жарималар ва санкциялар Молия марказининг ваколатли органлари томонидан қўлланилиши мумкин.

Ушбу моддага мувофиқ жарималарни қўллаш Молия марказининг қарорларида белгиланган тартиб-таомилларга, шу жумладан эҳтимолий ҳуқуқбузарлик тўғрисида огоҳлантириш, тушунтириш бериш ва Тошкент халқаро тижорат судида қайта кўриб чиқишни талаб қилиш ҳуқуқларига риоя этилган ҳолда амалга оширилади.

Молия маркази иштирокчиларининг пул мажбуриятлари уларнинг шартномаларида келишилган чет эл валюталарида, шу жумладан Молия марказининг қарорларида ҳамда Молиявий хизматлар бошқармасининг тегишли қоидаларида рухсат этилган доирада рақамли активларда ифодаланиши ва бажарилиши мумкин.

Фонд биржасидаги савдолар иштирокчиларининг пул мажбуриятлари Фонд биржасининг қоидаларида белгиланган валютада ифодаланади ва бажарилади.

Молия маркази ҳудудида молиявий хизматлар ҳамда профессионал хизматлар кўрсатиш билан боғлиқ валюта операцияларининг шартлари ва тартиби Молия марказининг қарорлари билан тартибга солинади.

Агар Молия марказининг Ўзбекистон Республикаси Марказий банки билан биргаликда ишлаб чиқилган қарорларида бошқача қоида назарда тутилмаган бўлса, Ўзбекистон Республикасининг умумий валюта тўғрисидаги қонунчилиги билан боғлиқ валюта шартномаларини, капитал ҳаракати бўйича операцияларни рўйхатдан ўтказишга ёки улар ҳақида хабар беришга, хорижий банк ҳисобварақларини очишга ёки юритишга ҳамда валюта операциялари тўғрисида хабар беришга оид талаблар Молия марказининг иштирокчилари томонидан Молия марказининг юрисдикцияси доирасида амалга ошириладиган валюта операцияларига нисбатан қўлланилмайди.

Молия марказининг Ўзбекистон Республикаси Марказий банки билан биргаликда ишлаб чиқиладиган қарорларида тўлов баланси, молиявий барқарорлик учун, жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш ҳамда макроиқтисодий мониторинг мақсадлари учун зарур бўлган ахборотнинг Ўзбекистон Республикаси Марказий банки томонидан олинишини таъминлайдиган соддалаштирилган ҳисобот бериш, ахборот алмашиш ва назорат қилиш механизмлари белгиланади.

Молия марказининг иштирокчилари номидан валюта операцияларини амалга оширувчи банклар ва айрим турдаги банк операцияларини бажарувчи бошқа ташкилотлар томонидан валюта операцияларининг амалга оширилиши тўғрисидаги ахборотни тақдим этишга нисбатан қўйиладиган талаблар ҳамда ахборотни тақдим этиш тартиби Молиявий хизматлар бошқармасининг Ўзбекистон Республикаси Марказий банки билан келишилган ҳолда қабул қилинадиган қарорларида белгиланади.

Молия марказининг Ўзбекистон Республикаси Марказий банки билан келишилган ҳолда қабул қилинадиган қарорларида Молия марказининг иштирокчиларига нисбатан чет эл валютасидаги операциялар тўғрисидаги ахборотни тақдим этишга доир талаблар, Молия марказининг органлари ва Ўзбекистон Республикаси Марказий банки ўртасидаги ахборот алмашиш тартиби, шунингдек Молия марказининг иштирокчилари томонидан Молия маркази ҳудудидан ташқарида Ўзбекистон Республикасининг резидентларига молиявий хизматлар кўрсатиш тартиби, шу жумладан Ўзбекистон Республикасининг миллий валютасида омонатларни қабул қилиш, фаолият юритиш қоидалари, истеъмолчиларни ҳимоя қилиш ва ҳисобот бериш тартиби белгиланади.

Ушбу модданинг қоидаларини амалга ошириш мақсадида Молия маркази ва Ўзбекистон Республикаси Марказий банки томонидан биргаликда қабул қилинадиган ҳужжатларда Молия марказининг иштирокчилари, Ўзбекистон Республикасининг фуқароси бўлмаган ходимлар, инвестициявий солиқ резидентлари ҳамда уларнинг оила аъзолари учун капитални эркин репатриация қилиш ва валютани эркин конвертация қилиш тартиб-таомиллари акс эттирилиши ҳамда уларга риоя этилиши таъминланиши керак.

Молия маркази ҳудудида қўлланиладиган солиқ ва божхона режими ушбу Конституциявий Қонун ҳамда Молия марказининг Ўзбекистон Республикаси Иқтисодиёт ва молия вазирлиги билан келишилган ҳолда қабул қилинадиган қарорлари билан тартибга солинади. Ўзбекистон Республикасининг Солиқ кодекси нормалари Молия маркази ҳудудида фақат ушбу Конституциявий Қонунда ёки Молия марказининг қарорларида тўғридан-тўғри назарда тутилган ҳолларда қўлланилади.

Молия марказининг органлари ва Молия маркази органлари томонидан ташкил этилган ёки уларга тўлиқ эгалик қилинадиган ҳамда улар томонидан назорат қилинадиган ташкилотлар юридик шахслардан олинадиган фойда солиғини ва ижтимоий солиқни тўлашдан Молия марказининг ушбу модданинг биринчи қисмида назарда тутилган қарорларида белгиланган шартларга риоя этилган тақдирда, 2076 йил 1 январга қадар бўлган даврда озод қилинади.

Молия марказининг қарорларида назарда тутилган шартларга жавоб берадиган Молия марказининг малакали иштирокчилари Молия марказининг ушбу модданинг биринчи қисмида назарда тутилган қарорларида, шунингдек ушбу моддада ҳамда Молия марказининг қарорларида белгиланган талабларга ва шартларга мувофиқ молиявий хизматлардан олинган даромад бўйича фойда солиғини ҳамда ижтимоий солиқни тўлашдан 2076 йил 1 январга қадар бўлган даврда озод қилинади, бундан Молия марказининг қарорларида белгиланган иқтисодий моҳият, корпоратив бошқарув шартларига, жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш, киберхавфсизлик шартларига ҳамда бошқа шартларга жавоб бермайдиган рақамли активлар биржалари мустасно.

Молия марказининг малакали иштирокчиси деганда Молия марказининг қуйидаги барча шартларга жавоб берадиган иштирокчиси тушунилади:

Молия марказида етарли иқтисодий моҳиятга эга бўлиш;

тегишли даромадни Молия марказида кўрсатиладиган ёки экспорт қилинадиган молиявий хизматлардан олиш;

Молия маркази ҳамда Ўзбекистон Республикаси Иқтисодиёт ва молия вазирлиги томонидан биргаликда қабул қилинган қарорларда белгиланадиган бошқа талабларга жавоб бериш.

Ушбу модданинг тўртинчи қисмида белгиланган шартларга жавоб бермайдиган Молия марказининг иштирокчиси ёки Молия марказининг қарорларида белгиланган иқтисодий моҳият, корпоратив бошқарув шартларига, жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш, киберхавфсизлик шартларига ҳамда бошқа шартларга жавоб бермайдиган рақамли активлар биржаси ушбу модданинг биринчи қисмига мувофиқ қўлланиладиган Ўзбекистон Республикасининг Солиқ кодексига биноан солиққа тортилади ҳамда ушбу модданинг олтинчи қисмида белгиланган шартлар бажарилган тақдирда, мазкур қисмда назарда тутилган солиқдан озод этиш ҳуқуқини сақлаб қолади.

Молия марказининг иштирокчилари Молия марказининг ушбу модданинг биринчи қисмида назарда тутилган қарорларида белгиланган шартларга риоя этган ҳолда, Молия марказининг ҳудудида кўрсатилган қўшимча хизматлардан олинган даромад бўйича юридик шахсларнинг фойда солиғини ҳамда ижтимоий солиқни тўлашдан 2076 йил 1 январга қадар бўлган даврда озод қилинади.

Ушбу модда тўртинчи қисмининг мақсадлари учун фойда солиғидан озод қилинадиган даромадларни ва солиқ солинадиган даромадларни, шунингдек чегирилиши мумкин бўлган харажатларни алоҳида-алоҳида ҳисобга олиш тартиби Молия марказининг маъмурияти ҳамда Ўзбекистон Республикаси Иқтисодиёт ва молия вазирлиги томонидан биргаликда белгиланади.

Молия марказининг иштирокчисида ёки органида меҳнат шартномаси асосида фаолият юритадиган Молия марказининг ходимлари Молия марказидаги фаолиятдан олинган даромадлар бўйича жисмоний шахслардан олинадиган даромад солиғини тўлашдан 2076 йил 1 январга қадар бўлган даврда озод қилинади, бундан Ўзбекистон Республикасининг резидентлари мустасно. Ушбу қисмда назарда тутилган солиқни тўлашдан озод қилиш фақат Молия марказининг иштирокчиси ёки Молия марказининг органи томонидан тўланадиган меҳнатга ҳақ тўлаш тарзидаги даромадларга нисбатан қўлланилади ҳамда бошқа ҳар қандай шахс томонидан тўланадиган шундай даромадларга нисбатан татбиқ этилмайди. Ўзбекистон Республикасининг резидентлари бўлган Молия марказининг ходимларига нисбатан белгиланган тартибда жисмоний шахслардан олинадиган даромад солиғи бўйича имтиёз белгиланиши мумкин.

Жисмоний ва юридик шахслар қуйидагилардан олинган даромадлар бўйича жисмоний шахслардан олинадиган даромад солиғини ва юридик шахслардан олинадиган фойда солиғини тўлашдан 2076 йил 1 январга қадар бўлган даврда озод қилинади:

Фонд биржасининг расмий рўйхатига киритилган қимматли қоғозларни сотишдан олинган даромад, шу жумладан капитал ўсишдан олинган даромадлар;

Молия маркази иштирокчиларининг акцияларини ёки капиталидаги улушларини сотишдан олинган даромад, шу жумладан капитал ўсишдан олинган даромадлар;

ҳисобланган кунда Фонд биржасининг расмий рўйхатига киритилган қимматли қоғозлар бўйича дивидендлар ва фоизлар;

Молия маркази иштирокчиларининг акциялари ёки капиталидаги улушлари бўйича дивидендлар;

агар жисмоний шахслар Молия марказининг инвестициявий солиқ резидентлари бўлса, уларнинг Ўзбекистон Республикасидан ташқаридаги манбалардан олинган даромадлари.

Ушбу модда тўққизинчи қисмининг тўртинчи хатбошиси қоидалари Молия маркази маъмуриятининг ҳамда Ўзбекистон Республикаси Иқтисодиёт ва молия вазирлигининг қўшма қарорида белгиланган мезонларга мувофиқ Фонд биржасида муомалада бўлган қимматли қоғозлар бўйича дивидендларга нисбатан қўлланилади.

Ушбу модда тўққизинчи қисмининг олтинчи хатбошисини қўллашда Молия марказининг инвестициявий солиқ резиденти солиқ солиш мақсадида шахс Ўзбекистон Республикасининг резиденти эканлигини тасдиқловчи ҳужжат берилиши учун Молия марказининг маъмурияти томонидан Ўзбекистон Республикаси Иқтисодиёт ва молия вазирлиги билан келишилган ҳолда белгиланган тартибда ва миқдорда мажбурий тўловни амалга ошириши шарт. Ушбу модда тўққизинчи қисмининг олтинчи хатбошисида назарда тутилган солиқни тўлашдан озод қилиш тегишли активлар Молия марказининг инвестициявий солиқ резиденти мақоми эътироф этилгунига қадар ёки ундан кейин қўлга киритилганидан қатъи назар, Ўзбекистон Республикасидан ташқаридаги манбалардан олинадиган даромадларга нисбатан қўлланилади, бунда Молия марказининг маъмурияти томонидан Ўзбекистон Республикаси Иқтисодиёт ва молия вазирлиги билан келишилган ҳолда қабул қилинадиган Молия марказининг қарорида белгиланиши мумкин бўлган резидентликнинг энг кам муддатларига ва бошқа шартларга риоя этилади.

Молия марказининг органларига ёки иштирокчиларига тегишли ёхуд уларнинг фойдаланишида бўлган Молия маркази ҳудудида жойлашган кўчмас мулк мол-мулк солиғидан ва ер солиғидан озод қилинади.

Қуйидагилар қўшилган қиймат солиғи солинадиган товарларни (хизматларни) реализация қилиш бўйича айланма ҳисобланмайди:

Ўзбекистон Республикасининг бюджет тўғрисидаги қонунчилигига мувофиқ Молия марказининг органлари томонидан мақсадли трансферт шаклида олинган Ўзбекистон Республикаси Давлат бюджети маблағлари;

Молия марказининг органлари томонидан Молия марказининг маъмуриятидан мақсадли трансферт шаклида олинган пул маблағлари.

Молия маркази иштирокчиларининг ушбу Конституциявий Қонунга мувофиқ кўрсатилган хизматлари ва фаолияти қўшилган қиймат солиғини тўлашдан озод қилинади.

Норезидент томонидан Молия марказининг органи ёки ташкилоти учун ҳақ эвазига бажарилган ишлар ёки кўрсатилган хизматлар, агар реализация қилиш жойи деб Ўзбекистон Республикаси эътироф этилган бўлса, норезидентдан ишлар ва хизматларни сотиб олиш бўйича айланма ҳисобланмайди.

Молия маркази органларининг, иштирокчиларининг, ходимларининг ёки инвестициявий солиқ резидентларининг Молия маркази ҳудудида фойдаланиш ёки истеъмол қилиш учун Ўзбекистон Республикасининг божхона ҳудудига хориждан олиб кириладиган мол-мулкидан 2076 йил 1 январга қадар бўлган даврда божхона божи ва божхона йиғимлари ундирилмайди. Ушбу имтиёз фақат Молия маркази органларининг ва иштирокчиларининг фаолиятини амалга ошириш учун зарур бўлган ҳамда Молия маркази ҳудудида фойдаланиладиган ёки истеъмол қилинадиган товарларга нисбатан қўлланилади. Мазкур товарлардан Молия марказининг ҳудудидан ташқарида фойдаланилган, улар бегоналаштирилган ёки бошқа шахсларга берилган тақдирда, божхона тўловларини ундириш Ўзбекистон Республикасининг божхона тўғрисидаги қонунчилигига мувофиқ амалга оширилади.

Молия марказининг органларига ва иштирокчиларига солиқ солиш бўйича солиқ маъмуриятчилиги ва Молия маркази ҳудудида фойдаланиладиган ёки истеъмол қилинадиган товарларга нисбатан божхона маъмуриятчилиги Молия маркази органларининг Ўзбекистон Республикаси Иқтисодиёт ва молия вазирлиги билан биргаликда қабул қилинадиган қарорларида белгиланади.

Ушбу моддада белгиланган солиқ имтиёзларининг ҳажми Молия маркази кенгашининг розилигисиз камайтирилиши ёки уларнинг қўлланилиш доираси ушбу кенгашнинг розилигисиз чекланиши мумкин эмас.

Ушбу моддада белгиланган солиқ ва божхона имтиёзлари ҳамда преференциялари уларнинг самарадорлигини, иқтисодий таъсирини, давом эттирилиши учун асослар мавжудлигини ва Молия марказининг мақсадларига мувофиқлигини баҳолаш мақсадида Молия марказининг маъмурияти томонидан даврий равишда қайта кўриб чиқилади. Бунда биринчи қайта кўриб чиқиш ушбу Конституциявий Қонун кучга кирганидан кейин ўн йил ичида, кейинчалик эса беш йилдан кўп бўлмаган вақт оралиғида амалга оширилади. Ҳар бир қайта кўриб чиқиш натижаларига доир ҳисобот ва тавсиялар Молия марказининг кенгашига тақдим этилади. Даврий равишда қайта кўриб чиқиш ушбу моддада белгиланган имтиёзларнинг ўзгартирилиши ёки тугатилиши шарт эканлигини англатмайди.

Ушбу Конституциявий Қонунда ёки Молия марказининг қарорларида белгиланган қоидалардан қатъи назар, Молия маркази иштирокчиларининг даромади бўйича солиқ имтиёзлари тегишли молиявий йилдан олдинги тўрт молиявий йилнинг камида иккитасида консолидациялашган йиллик даромади етти юз эллик миллион евро ёки ундан ортиқ бўлган, турли мамлакатларда жойлашган икки ва ундан ортиқ корхонадан ёки бўлинмадан иборат бўлган кўп миллатли корхоналар гуруҳи (бундан буён матнда кўп миллатли корхоналар гуруҳи деб юритилади) аъзоларига нисбатан қўлланилмайди. Бундай кўп миллатли корхоналар гуруҳи аъзоси бўлган Молия марказининг иштирокчиси малакали ички минимал солиқ тўлаш мажбуриятига эга бўлади.

Молия маркази орқали фаолият юритадиган кўп миллатли корхоналар гуруҳи аъзоси бўлган Молия марказининг иштирокчиси тегишли даврда Ўзбекистон Республикасининг амалдаги қонунчилигига мувофиқ юридик шахсларга нисбатан қўлланиладиган фойда солиғи ставкасига тенг ставкада малакали ички минимал солиқни тўлайди.

Кўп миллатли корхоналар гуруҳига нисбатан малакали ички минимал солиқни ҳисоблаш, ундириш ҳамда солиқ маъмуриятчилигининг тартиби Молия маркази кенгашининг Ўзбекистон Республикаси Иқтисодиёт ва молия вазирлиги билан биргаликда қабул қилинадиган қарорида белгиланади.

Молия марказида фаолиятни амалга ошириш учун Ўзбекистон Республикаси ҳудудига келаётган чет эл фуқароси ва фуқаролиги бўлмаган шахс кириш визасини Ўзбекистон Республикасининг элчихонасида ёки бошқа дипломатик ваколатхонасида ёхуд Ўзбекистон Республикаси ҳудудидаги халқаро аэропортга етиб келганидан кейин олиши мумкин. Фаолиятни амалга ошириш мақсадини тасдиқлаш учун зарур бўлган ҳужжатлар ва тартиб-таомиллар Молия марказининг қарорларида белгиланиши мумкин.

Молия марказининг шахси ҳисобланган чет эл фуқаролари ва фуқаролиги бўлмаган шахслар кириш визасини беш йилгача бўлган муддатга олиши мумкин.

Молия марказининг жисмоний шахслари учун визалар бериш, уларни бекор қилиш, қайта тиклаш ва уларнинг амал қилиш муддатини қисқартириш Ўзбекистон Республикасининг қонунчилигига мувофиқ, Молия маркази маъмуриятининг илтимосномасига асосан амалга оширилади.

Молия марказининг ушбу модданинг биринчи ёки иккинчи қисмида кўрсатилган жисмоний шахсига берилган визанинг амал қилиш муддати мазкур шахс Ўзбекистон Республикаси ҳудудидан ташқарига чиқмасидан туриб, Молия маркази маъмуриятининг аризасига биноан, Ўзбекистон Республикасининг қонунчилигига мувофиқ узайтирилиши мумкин.

Молия марказида фаолиятни амалга ошириш учун Ўзбекистон Республикасига келаётган чет эл фуқароларининг ва фуқаролиги бўлмаган шахсларнинг Ўзбекистон Республикасига кириши ва Ўзбекистон Республикасидан чиқиши шартлари ҳамда тартибининг ўзига хос хусусиятлари Молия маркази кенгашининг Ўзбекистон Республикасининг ваколатли вазирлик ва идоралари билан келишилган қарори билан белгиланади.

Молия марказининг иштирокчилари ва органлари Молия марказида фаолиятни амалга ошириш учун малакали чет эл фуқароларини ва фуқаролиги бўлмаган шахсларни улар учун Ўзбекистон Республикаси ҳудудидаги меҳнат фаолияти ҳуқуқига доир тасдиқнома олмасдан ишга жалб этиши мумкин.

Молия марказининг иштирокчилари ёки унинг органи томонидан ёлланган ва асосий иш жойи Молия маркази бўлган чет эл фуқаролари ва фуқаролиги бўлмаган шахслар Ўзбекистон Республикасида ишлаш учун меҳнат рухсатномасини олиш мажбуриятидан озод қилинади. Чет эл фуқароларининг ва фуқаролиги бўлмаган шахсларнинг малакасига нисбатан қўйиладиган талаблар ва уларни ишга қабул қилиш квоталари Молия марказининг маъмурияти томонидан белгиланади.

Молия марказининг маъмурияти томонидан белгиланадиган малака талаблари ва квоталар Молия марказининг мақсадларига эришишга кўмаклашиши лозим ҳамда Молия марказининг иштирокчилари томонидан Молия маркази ҳудудида фаолиятни амалга ошириш учун асосли зарурият мавжуд бўлган ҳолларда чет эл фуқароларини ёки фуқаролиги бўлмаган шахсларни ишга қабул қилиш имкониятини чекламаслиги керак.

Молия марказининг маъмурияти Молия марказининг иштирокчилари ва органлари томонидан жалб этилган хорижий ишчи кучининг ҳисобини юритади ҳамда иш билан банд бўлган чет эл фуқаролари ва фуқаролиги бўлмаган шахслар тўғрисидаги маълумотларни миграция масалалари бўйича ваколатли давлат органига тақдим этади. Бундай маълумотларнинг мазмуни, даврийлиги ва шакли Молия марказининг маъмурияти ҳамда миграция масалалари бўйича ваколатли давлат органи томонидан биргаликда белгиланади.

Молия марказининг иштирокчилари ва органлари иш билан банд бўлган чет эл фуқаролари ва фуқаролиги бўлмаган шахслар тўғрисидаги маълумотларни Молия марказининг қарорларига мувофиқ Молия марказининг маъмуриятига тақдим этади.

Қуйидагилар Молия марказининг органлари ҳисобланади:

Молия марказининг кенгаши;

Молия марказининг маъмурияти;

Молиявий хизматлар бошқармаси;

Тошкент халқаро тижорат суди.

Молия марказининг органларини ташкил этиш, уларнинг фаолият юритиши ҳамда Молия маркази иштирокчиларининг фаолияти устидан назорат ўрнатиш тартиби ушбу Конституциявий Қонун ва Молия марказининг қарорлари билан белгиланади.

Молия марказининг органлари ушбу Конституциявий Қонун ва Молия марказининг қарорлари билан ўз зиммасига юклатилган вазифалар ва функцияларни амалга ошириш чоғида ўз фаолиятида мустақилдир. Ушбу Конституциявий Қонунда тўғридан-тўғри назарда тутилган ҳоллардан ташқари, ушбу органларга кўрсатмалар берилишига ёки уларнинг фаолиятига аралашишга йўл қўйилмайди.

Ўзбекистон Республикаси Молия маркази органларининг қарзлари, мажбуриятлари, ҳаракатлари ёки ҳаракатсизлиги учун жавобгар бўлмайди. Молия марказининг органлари эса Молия маркази иштирокчиларининг ёки бошқа ҳар қандай шахснинг қарзлари, мажбуриятлари, ҳаракатлари ёки ҳаракатсизлиги учун жавобгар бўлмайди, бундан ушбу Конституциявий Қонунда ёки қўлланиладиган бошқа қонунчиликда бевосита назарда тутилган ҳоллар мустасно.

Молия марказининг органлари ушбу Конституциявий Қонунга ва Молия марказининг қарорларига мувофиқ, шунингдек тегишли ҳолларда Молия марказининг кенгаши томонидан чиқариладиган мувофиқлаштирувчи ва сиёсий кўрсатмаларга биноан, агар бундай кўрсатмалар Молиявий хизматлар бошқармасининг ёки Тошкент халқаро тижорат судининг функционал мустақиллигига зарар етказмаса, ҳамкорлик қилади.

Молия марказининг органлари, вазирликлар, идоралар, назорат органлари ҳамда тартибга солувчи органлар, судлар, давлат ҳокимияти органлари ва Ўзбекистон Республикасининг бошқа ваколатли органлари Молия марказининг мақсадларига эришиш ҳамда ушбу Конституциявий Қонун ва Молия марказининг қарорлари билан уларга берилган ваколатларни, ўз зиммасига юклатилган вазифалар ва функцияларни самарали амалга ошириш мақсадида ўзаро ҳамкорлик қилади ҳамда бир-бирига кўмаклашади.

Молия марказининг бошқарувчиси ёки Молия марказининг тегишли органи Ўзбекистон Республикаси ҳудудидаги ёки Ўзбекистон Республикаси ҳудудидан ташқаридаги ваколатли органлар, регуляторлар, судлар, арбитраж институтлари, молия марказлари, биржалар, университетлар, профессионал ташкилотлар ва бошқа ташкилотлар билан ўзаро англашув меморандумларини ва ҳамкорлик келишувларини, башарти бундай меморандумлар ва келишувлар Ўзбекистон Республикасининг Конституциясига ёки Ўзбекистон Республикаси томонидан ратификация қилинган халқаро шартномаларга зид бўлмаса, тузиши мумкин.

Бундай ҳамкорлик мувофиқлаштириш, маслаҳатлашувлар, техник ёрдам, маъмурий жиҳатдан қўллаб-қувватлаш, амалий кўмак кўрсатиш, тартибга солиш соҳасидаги ҳамкорлик, ахборот алмашиш, суд ҳамкорлиги ҳамда Молия марказининг самарали фаолият юритиши учун зарур бўлган ёки мақсадга мувофиқ бўлган бошқа чораларни ўз ичига олиши мумкин, бунда тегишли конфиденциаллик мажбуриятларига риоя этилади.

Тошкент халқаро тижорат судининг одил судловни амалга оширишдаги ҳамда Молиявий хизматлар бошқармасининг тартибга солиш ва назорат қилиш функцияларини бажаришдаги мустақиллиги кафолатланади.

Молия маркази органларининг фаолиятини молиялаштириш учун ажратиладиган Ўзбекистон Республикаси Давлат бюджети маблағларидан мақсадли ва самарали фойдаланилиши устидан назоратни амалга ошириш тартиб-таомиллари Молия марказининг кенгаши томонидан Ўзбекистон Республикаси Ҳисоб палатаси билан келишилган ҳолда қабул қилинган қарорида белгиланади.

Молия марказининг органлари, уларнинг бошқарув органлари раҳбарлари ва аъзолари, Тошкент халқаро тижорат судининг судьялари, уларнинг ҳар бири томонидан тайинланган ходимлар ҳамда уларнинг вакиллари ўзининг ушбу Конституциявий Қонунда ва Молия марказининг қарорларида белгиланган вазифаларини бажариш ҳамда ваколатларини амалга ошириш билан боғлиқ ҳолда содир этилган ҳар қандай ҳаракати ёки ҳаракатсизлиги учун учинчи шахслар олдида жавобгар бўлмайди. Бундай дахлсизлик қасддан қилинган ножўя хатти-ҳаракатларга ёки қўпол эҳтиётсизлик ҳолларига нисбатан қўлланилмайди ва ушбу ҳоллар Тошкент халқаро тижорат суди томонидан Молия марказининг қарорларига мувофиқ кўриб чиқилади.

Молия марказининг ҳар бир органи ушбу Конституциявий Қонунга ва Молия марказининг қарорларига мувофиқ конфиденциал ахборот деб белгиланган ёки ўз функционал вазифаларини бажариши билан боғлиқ ҳолда ўзига ошкор этилган ёхуд ўзи олган барча маълумотларни сир сақлаши шарт. Бундай маълумотлар учинчи шахсларга, шу жумладан Ўзбекистон Республикасининг давлат ҳокимияти органларига ва ижро этувчи ҳокимият органларига ошкор этилмайди, бундан қуйидаги ҳоллар мустасно:

ушбу Конституциявий Қонунга ёки Молия марказининг қарорларига мувофиқ рухсат этилган ёки талаб этилган ҳоллар;

маълумот ўзига тегишли бўлган шахснинг ёзма розилиги берилган ҳоллар;

Тошкент халқаро тижорат судининг қарорида белгиланган ҳоллар;

хорижий тартибга солувчи ёки назорат органлари билан ҳамкорлик қилиш мақсадида Молия марказининг қарорларига мувофиқ тузилган англашув меморандумларида ёки ахборот алмашиш тўғрисидаги битимларда кўрсатилган ҳоллар;

жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш, санкцияларга риоя этиш, молиявий барқарорлик, солиқ маъмуриятчилиги учун, жиноят ишлари бўйича тергов ёки бошқа оммавий-ҳуқуқий функцияларни амалга ошириш мақсадлари учун зарур бўлган ҳолларда, агар бундай маълумотларни ошкор этиш ушбу Конституциявий Қонун, Молия марказининг қарорлари, ўзаро англашув меморандуми ёки Ўзбекистон Республикасининг қўлланиладиган қонунчилиги билан рухсат этилган бўлса.

Молия маркази органининг ушбу модданинг ўн иккинчи қисмида кўрсатилган талабларни бузган ҳолда конфиденциал ахборотни ошкор этган ҳар қандай ходими Молия марказининг қарорларига мувофиқ интизомий жавобгарликка ва (ёки) фуқаролик-ҳуқуқий жавобгарликка тортилади.

Молия маркази органларининг биринчи молия йили Молия марказининг кенгаши томонидан белгиланган Молия марказини фаоллаштириш санасидан бошланиб, шу йилнинг 31 декабрида тугайди, кейинги молия йиллари эса ҳар йили 1 январдан бошланиб, 31 декабрда тугайди.

Агар Молия марказининг қарорида бевосита бошқача қоида назарда тутилмаган бўлса, худди шу молия йили Молия марказининг ҳар бир органига ва Молия маркази органининг ҳар бир ташкилотига нисбатан ҳам қўлланилади.

Молия маркази органларининг маблағлари қуйидагилардан иборат:

Ўзбекистон Республикасининг бюджет тўғрисидаги қонунчилигига мувофиқ уларга Ўзбекистон Республикасининг Давлат бюджетидан ажратиладиган йиллик маблағлардан;

Молия марказининг органлари томонидан Молия марказининг иштирокчиларига ва бошқа шахсларга лицензия бериш, рўйхатдан ўтказиш, рухсатнома бериш ҳамда хизматлар кўрсатиш учун Молия марказининг қарорларига мувофиқ ундириладиган йиғимлар ва тўловлардан;

ушбу Конституциявий Қонунга ва Молия марказининг қарорларига мувофиқ ҳамда Молия марказининг мақсадларига мос келадиган тарзда Молия марказининг кенгаши томонидан белгиланадиган бошқа маблағлардан.

Молия марказининг кенгаши Ўзбекистон Республикасида тан олинган ва халқаро даражада эътироф этилган касбий малакага эга бўлган бир ёки бир нечта мустақил аудиторни Молия марказининг ҳамда Молия маркази органларининг консолидациялашган йиллик молиявий ҳисоботларини аудитдан ўтказиш учун тайинлайди.

Молия марказининг кенгаши Молия маркази органларининг консолидациялашган йиллик бюджетини ҳамда консолидациялашган йиллик молиявий ҳисоботларини кўриб чиқади, тасдиқлайди ва уларни амалдаги бюджет тўғрисидаги қонунчиликка мувофиқ тақдим этади.

Молия марказининг ҳар бир органи ҳар бир молия йили тугаганидан кейин тўрт ой ичида йиллик шаффофлик ҳисоботини эълон қилиши шарт.

Молия маркази ҳар бир органининг йиллик шаффофлик ҳисоботи камида қуйидагиларни ўз ичига олиши керак:

Молия марказининг молия йили давомида қабул қилинган қарорларини ва ўтказилган муҳокама жараёнларининг қисқача баёнини;

қўлланилган мажбурий чораларнинг, шу жумладан қўлланилган жарималарнинг сони ва тури ҳамда Тошкент халқаро тижорат судида кўрилган ишлар тўғрисидаги маълумотларни;

берилган, янгиланган, тўхтатиб турилган ва бекор қилинган лицензиялар, рўйхатдан ўтказишлар ва рухсатномалар сони ҳақидаги маълумотларни;

тасдиқланган бюджет ва молия йилидаги амалдаги харажатлар тўғрисидаги молиявий маълумотларни;

келгуси молия йили учун тартибга солиш ва институционал ривожланиш бўйича истиқболдаги дастурни.

Йиллик шаффофлик ҳисоботлари Молия маркази қарорларининг расмий реестрида ва Молия маркази ҳар бир органининг расмий веб-сайтида барча эркин танишиши ҳамда фойдаланиши учун инглиз тилида эълон қилинади.

Молия марказининг кенгаши Молия маркази органларининг йиллик шаффофлик ҳисоботларини ўз ичига олган Молия марказининг консолидациялашган йиллик молиявий ҳисоботини эълон қилади ва уни Ўзбекистон Республикасининг қонунчилигида белгиланган тартибда тақдим этади.

Молия марказининг кенгаши доимий фаолият юритувчи коллегиал орган ҳисобланади ва камида беш нафар аъзодан иборат бўлади.

Агар ушбу Конституциявий Қонунда ёки Молия марказининг кенгаши томонидан қабул қилинган Молия марказининг қарорларида бошқача қоида назарда тутилмаган бўлса, Молия маркази кенгашининг қарорлари кўпчилик овози билан қабул қилинади. Овозлар тенг бўлган тақдирда, Молия маркази кенгаши раисининг овози ҳал қилувчи ҳисобланади.

Молия марказининг кенгаши ушбу Конституциявий Қонунга мувофиқ Молия марказининг умумий стратегиясини, йўналишини ва бошқарувини белгилаш, шунингдек Молия марказининг ушбу Конституциявий Қонунда белгиланган мақсадлари, вазифалари ва принципларини рўёбга чиқариш учун масъулдир.

Молия марказининг кенгаши қуйидаги ваколатларга эга:

Молия марказини ривожлантиришнинг умумий йўналишини ва стратегиясини белгилаш;

Молия марказининг йиллик бюджетларини, аудиторлик хулосаларини ва фаолияти тўғрисидаги ҳисоботларини тасдиқлаш;

агар ваколат ушбу Конституциявий Қонун билан Молия марказининг бошқа органига тўғридан-тўғри берилмаган бўлса, Молия марказининг қарорлар, кўрсатмалар, буйруқлар ва бажарилиши мажбурий бўлган бошқа ҳужжатлар шаклидаги қарорларини қабул қилиш;

Молия марказининг ўз бўйсунувидаги тузилмаларини таъсис этиш ва уларнинг ташкилий тузилмасини, шаклини, ваколатлари ва функцияларини ҳамда уларнинг фаолиятини тугатиш тартибини белгилаш;

Молия марказининг ҳудудидан ташқарида ва хорижда, Ўзбекистон Республикасининг давлат ҳокимияти органлари ва ижро этувчи ҳокимият органлари билан бўлган ҳар қандай муҳокамаларда ёки низоларда Молия марказининг манфаатларини қўллаб-қувватлаш;

ушбу Конституциявий Қонунга мувофиқ Молия марказининг фаолиятини мувофиқлаштириш, маъмурий бошқариш ва унинг стратегик асосларини амалга ошириш масалалари бўйича Молия марказининг бошқа органлари учун мажбурий бўлган қарорлар, буйруқлар ва кўрсатмалар қабул қилиш, бунда мазкур қарорлар, буйруқлар ва кўрсатмалар Молиявий хизматлар бошқармасининг кундалик фаолиятини амалга оширишдаги мустақиллигига ёки Тошкент халқаро тижорат судининг суд мустақиллигига дахл қилмаслиги шарт;

Молия марказида муайян секторларни, фаолият турларини, хизматларни, юрисдикцияларни, институтларни ёки тартибга солиш асосларини ишга тушириш бўйича босқичма-босқич режа-жадвалларни белгилаш.

Молия марказининг кенгаши ушбу Конституциявий Қонунга зид бўлмаган бошқа ваколатларни ҳам амалга оширади.

Молия марказининг кенгаши Молия марказининг иштирокчиларидан ҳамда ҳуқуқ ва молия соҳасидаги мустақил экспертлардан, шунингдек Молия марказининг кенгаши муносиб деб топадиган бошқа шахслардан иборат бўлган таркибда Иштирокчиларнинг маслаҳат қўмитасини тузади. Мазкур қўмита Молия марказининг муҳим аҳамиятга эга қарорлари қабул қилингунига қадар улар бўйича мажбурий бўлмаган маслаҳат-хулосаларини беради. Молия марказининг кенгаши ушбу қўмитанинг тавсияларини тегишли даражада кўриб чиқиши ҳамда улардан жиддий равишда четга чиққан тақдирда, бунинг сабабларини эълон қилиши шарт.

Молия маркази кенгашининг низоми ва таркиби Ўзбекистон Республикаси Президенти томонидан тасдиқланади. Бунда Молия маркази кенгашининг таркибига лавозимига кўра раис сифатида Ўзбекистон Республикаси Президенти киради ҳамда у Молия маркази кенгашининг аъзоларини лавозимга тайинлайди ва лавозимидан озод қилади. Молия маркази кенгаши аъзоларининг камида учдан бири Ўзбекистон Республикаси Ҳукумати тизимида илгари ёки ҳозирги пайтда ҳеч қандай лавозимни эгалламаган, халқаро молия, тижорат ҳуқуқи соҳасидаги мутахассислардан иборат бўлиши керак. Молия маркази кенгашининг раисидан ташқари Молия маркази кенгашининг аъзолари қайта тайинланиш ҳуқуқи билан беш йил муддатга тайинланади. Мазкур тартибда тайинланган Молия маркази кенгаши аъзосининг ваколатлари беш йиллик муддат тугагунига қадар фақат асослар мавжуд бўлганда Молия маркази кенгаши аъзолари кўпчилигининг ёзма қарори билан тугатилиши мумкин, бунда ушбу қарорнинг сабаблари Ўзбекистон Республикаси Президентига ёзма равишда тақдим этилади. Ўзбекистон Республикаси Президенти Молия маркази кенгашининг аъзолари орасидан Молия марказининг бошқарувчиси ҳисобланадиган Бош котибни тайинлайди.

Молия марказининг бошқарувчиси Молия маркази органларининг фаолиятини мувофиқлаштиришда, шунингдек Ўзбекистон Республикасининг давлат органлари ва Молия марказининг органлари ўртасидаги ҳамкорликни таъминлашда иштирок этувчи мансабдор шахсдир.

Молия марказининг бошқарувчиси Молия маркази кенгаши томонидан белгиланган ваколатларга эга бўлиб, зарур ташкилий, маслаҳат ва техник кўмакдан фойдаланади.

Молия маркази кенгашининг мажлисларида раис иштирок этмаган тақдирда, Молия марказининг бошқарувчиси раислик қилади.

Молия марказининг бошқарувчиси Ўзбекистон Республикаси Президентининг фармонига асосан лавозимга тайинланади ва лавозимидан озод этилади. Мазкур фармонда Молия маркази бошқарувчисининг меҳнат шартлари, иш ҳақи ва унга тенглаштирилган тўловлар, имтиёзлар белгиланади. Ушбу Конституциявий Қонун 25-моддаси еттинчи қисмининг қоидаларидан қатъи назар, Ўзбекистон Республикаси Президентининг фармонига мувофиқ Молия марказининг бошқарувчиси лавозимида фаолият юритаётган шахснинг лавозимидан озод этилиши, агар фармонда бошқача қоида назарда тутилмаган бўлса, айни вақтда ушбу шахснинг Молия маркази кенгаши аъзолигидан ҳам озод этилишига олиб келади.

Ушбу Конституциявий Қонунда ва Молия марказининг қарорларида белгиланган Молия маркази органларининг мустақиллигига ҳамда ваколатларига дахл қилмаган ҳолда, Молия марказининг бошқарувчиси қуйидаги вазифалар ва ваколатларни амалга оширади:

Молия марказининг мақсадларига эришишни кўзлаб стратегияни, умумий сиёсатни ва режаларни ишлаб чиқиш, уларни Молия марказининг кенгашига тасдиқлаш учун тақдим этиш, уларнинг ижросини назорат қилиш ва ушбу ишларга доир ҳисоботларни Молия марказининг кенгашига тақдим этиш;

Молия марказининг ташкилий тузилмаси лойиҳасини ишлаб чиқиш ва уни Молия марказининг кенгашига тасдиқлаш учун тақдим этиш;

ушбу Конституциявий Қонунга ва Молия марказининг қарорларига мувофиқ ўз вазифаларини бажариш учун зарур маслаҳат берадиган ҳамда ёрдам кўрсатадиган қўмиталар ва ишчи гуруҳлар тузиш;

ўз вазифаларини бажариш учун зарур бўлган ҳолларда, маслаҳат берувчи ва ёрдам кўрсатувчи экспертларни ҳамда мутахассисларни тайинлаш;

зарур бўлганда, Молия марказининг органлари билан маслаҳатлашган ҳолда, Молия марказининг мақсадларига эришиш учун Ўзбекистон Республикаси ҳудудидаги ҳамда Ўзбекистон Республикаси ҳудудидан ташқаридаги учинчи шахслар билан шартномалар, келишувлар ва англашув меморандумларини тузиш;

Ўзбекистон Республикасининг давлат органлари ҳамда Ўзбекистон Республикаси ҳудудидаги ва Ўзбекистон Республикаси ҳудудидан ташқаридаги бошқа ташкилотлар билан муносабатларда Молия маркази номидан вакиллик қилиш, бундай муносабатларга Молия маркази органларини уларнинг вазифаларига ва ваколатларига мувофиқ жалб этиш;

Ўзбекистон Республикаси Президенти томонидан ёки ушбу Конституциявий Қонун билан Молия маркази бошқарувчисининг зиммасига юклатилган бошқа вазифаларни бажариш ва берилган ваколатларни амалга ошириш.

Ўзбекистон Республикасининг давлат органлари ва ташкилотлари Молия марказини ташкил этишга, ишга туширишга, ривожлантиришга ҳамда унинг фаолият юритишига оид масалаларда ушбу Конституциявий Қонунга ва Ўзбекистон Республикаси Президентининг ҳужжатларига мувофиқ Молия марказининг бошқарувчиси билан ҳамкорлик қилади.

Молия марказининг мақсадларига эришиш учун асосли зарурият мавжуд бўлган ҳолларда, Молия марказининг бошқарувчиси тегишли давлат органлари ва ташкилотларидан ахборотни, мувофиқлаштиришни ҳамда маъмурий кўмакни сўрашга ҳақли.

Молия марказининг маъмурияти Молия марказининг асосий ижро этувчи ва маъмурий органи ҳисобланади ҳамда у Молия марказининг фаолиятини ташкил этиш ва таъминлаш, ривожлантириш ҳамда тарғиб қилиш учун биринчи навбатда масъул ҳисобланади.

Молия марказининг маъмурияти ушбу Конституциявий Қонун билан ташкил этиладиган ҳамда ўз функцияларини амалга ошириш учун зарур ҳуқуқ лаёқатига, ҳуқуқларга, ваколатларга ва мажбуриятларга эга бўлган юридик шахс ҳисобланади ҳамда у ўз вазифалари ва функцияларини бажариш учун зарур бўлган молиявий, маъмурий мустақилликка ҳамда иш юритиш борасидаги мустақилликка эга бўлади.

Ушбу Конституциявий Қонун билан Молиявий хизматлар бошқармаси, Тошкент халқаро тижорат суди ёки Молия марказининг кенгаши томонидан таъсис этилган бошқа ташкилотларнинг зиммасига тўғридан-тўғри юклатилган вазифалардан ташқари, Молия маркази фаолиятининг маъмуриятчилиги, бошқаруви ва амалга оширилиши билан боғлиқ бўлган барча масалалар учун Молия марказининг маъмурияти масъулдир.

Молия марказининг маъмурияти ушбу Конституциявий Қонун, Молия маркази кенгашининг қарорлари, шунингдек Молия марказининг кенгаши томонидан тасдиқланадиган Молия марказининг маъмурияти тўғрисидаги низом ва ички ҳужжатлар билан ўз зиммасига юклатилган вазифаларни ҳамда мажбуриятларни бажаради.

Молия марказининг маъмурияти Ижрочи директорга эга бўлади ва у Молия марказининг маъмурияти тўғрисидаги низомга ҳамда ички ҳужжатларга мувофиқ фаолият юритади.

Молия марказининг маъмурияти ушбу Конституциявий Қонунда ва Молия марказининг қарорларида белгиланган функциялардан ташқари, қуйидаги вазифаларни бажаради ва ваколатларни амалга оширади:

Молия марказининг мақсадларига эришиш учун Молия марказининг стратегиясини, умумий сиёсатини ва режаларини тайёрлашда ҳамда амалга оширишда иштирок этиш;

Ўзбекистон Республикасининг халқаро шартномаларига Молия марказининг органлари ва Молия марказининг иштирокчилари томонидан риоя этилишини назорат қилиш;

Молия марказининг фаолиятига тааллуқли масалалар бўйича Ўзбекистон Республикасининг давлат органлари билан ўзаро алоқаларни Молия марказининг бошқарувчиси ва Молия марказининг тегишли органи билан мувофиқлаштирган ҳолда амалга ошириш;

Молия марказининг инфратузилмасини барпо этиш ва унинг ишлашини, бошқарилишини ҳамда унга техник хизмат кўрсатилишини назорат қилиш, Молия марказида маъмурий ҳамда техник хизматлар кўрсатиш, Молия марказининг мақсадларига эришиш самарадорлигини ва натижадорлигини таъминлаш учун зарур бўлган бошқа хизматларни кўрсатиш ва талабларни бажариш;

кадрлар салоҳиятини ривожлантириш мақсадида халқаро илмий ва таълим ташкилотлари билан ҳамкорликда академияни ёки бошқа муассасани ташкил этиш, ривожлантириш ва қўллаб-қувватлаш.

Молия марказининг маъмурияти ўз функцияларини амалга оширишда ушбу Конституциявий Қонунга, Молия марказининг кенгаши ҳамда Молия марказининг бошқарувчиси томонидан бериладиган стратегик, сиёсий ва мувофиқлаштирувчи кўрсатмаларга амал қилади.

Молия марказининг маъмурияти ўзининг функцияларини амалга оширишда ўз фаолиятини Молия марказининг барқарор ўсишини таъминлашга, Молия марказининг иштирокчиларига, ходимларига, инвестициявий солиқ резидентларига ва уларнинг оила аъзоларига самарали хизмат кўрсатишга, шунингдек Молия марказининг инвесторлар учун қулай бўлган жаҳон даражасидаги молия маркази сифатидаги обрўсини мустаҳкамлашга йўналтиради.

Молия маркази маъмуриятининг фаолияти Ўзбекистон Республикасининг бюджет тўғрисидаги қонунчилигига мувофиқ Ўзбекистон Республикаси Давлат бюджети маблағлари, Молия марказининг иштирокчилари томонидан тўланадиган йиғимлар ва тўловлар ҳисобидан, шунингдек ушбу Конституциявий Қонун ёки Молия марказининг қарорлари билан тақиқланмаган бошқа манбалар ҳисобидан молиялаштирилади.

Молия марказининг маъмурияти ушбу модданинг тўққизинчи қисмига мувофиқ ўз тасарруфида бўлган маблағлар ҳисобидан жамғармалар ташкил этиши мумкин. Бундай жамғармаларни ташкил этиш ҳамда улардан фойдаланиш тартиби ва шартлари Молия марказининг қарорлари билан белгиланади.

Ушбу модданинг тўққизинчи қисмига мувофиқ Молия марказининг маъмуриятига ажратилган Ўзбекистон Республикаси Давлат бюджети маблағлари, шу жумладан бундай маблағларнинг тежалган қисми узоқ муддатли активларни сотиб олиш, шунингдек Молия маркази органларининг ва улар ташкилотларининг фаолиятини молиялаштириш ҳамда таъминлаш учун ишлатилиши мумкин.

Молиявий хизматлар бошқармаси Молия марказининг молиявий хизматлар соҳасидаги асосий тартибга солувчи органи ҳисобланади ҳамда у Молия маркази ҳудудида амалга ошириладиган молиявий хизматлар ва қўшимча хизматлар кўрсатиш бўйича фаолиятнинг лицензияланиши, тартибга солиниши, назорат қилиниши ва мажбурлов чоралари қўлланилиши учун масъулдир.

Молиявий хизматлар бошқармаси юридик шахс ҳисобланади ва у ўз функцияларини бажариш учун зарур бўлган молиявий, маъмурий мустақилликка ҳамда иш юритиш борасидаги мустақилликка эга бўлади.

Молиявий хизматлар бошқармаси ўзининг тартибга солиш, назорат қилиш функцияларини ва кундалик фаолиятини амалга оширишда мустақил равишда ҳаракат қилади ҳамда унга ушбу Конституциявий Қонунда тўғридан-тўғри назарда тутилган ҳоллардан ташқари бошқа кўрсатмалар берилишига, шунингдек унинг фаолиятига аралашишга йўл қўйилмайди.

Молиявий хизматлар бошқармасининг ваколатлари жумласига ушбу Конституциявий Қонунга мувофиқ молиявий хизматлар соҳасидаги бажарилиши мажбурий бўлган қарорларни ишлаб чиқиш, қабул қилиш, қўллаш ва уларнинг ижросини назорат қилиш киради.

Ушбу модданинг тўртинчи қисмида назарда тутилган умумий ваколатлар чекланмаган ҳолда, Молиявий хизматлар бошқармасининг вазифалари ва ваколатлари Молиявий хизматлар бошқармаси томонидан қабул қилинадиган, қуйидаги масалаларга тааллуқли Молия маркази қарорларини ишлаб чиқиш, қўллаш, назорат қилиш ҳамда уларнинг ижросини таъминлашни ўз ичига олади:

молиявий хизматларни ва тартибга солинадиган қўшимча хизматларни амалга ошириш учун рухсат бериш, лицензиялаш, рўйхатдан ўтказиш ҳамда назорат қилиш;

пруденциал тартибга солиш, шу жумладан капиталнинг етарлилиги, ликвидлилик, левераж, йирик таваккалчиликлар, тиклаш ва ҳал этишни режалаштириш ҳамда молиявий барқарорлик;

корпоратив бошқарув, тизимлар ва назорат механизмлари, хатарларни бошқариш, ички аудит, комплаенс, шунингдек назорат қилувчи шахсларнинг, директорларнинг, юқори турувчи раҳбарларнинг ва ўзига ваколат берилган шахсларнинг ишчанлик обрўси, малакаси ва мақбуллиги;

бизнесни юритиш қоидалари, мижозларни таснифлаш, хизматлар ва маҳсулотларнинг мижозга мослигини баҳолаш, ахборотни ошкор этиш, молиявий хизматларни ва маҳсулотларни тарғиб қилиш, бозордаги хулқ-атвор ҳамда инвесторларни ҳимоя қилиш;

мижозларнинг пул маблағларини ва активларини сақлаш, ҳимоя қилиш, алоҳида ҳисобга олиш, солиштириш ҳамда маъмурий жиҳатдан юритиш;

жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш, санкцияларга риоя этиш ҳамда молиявий жиноятларнинг олдини олиш;

рақамли активлар, молиявий технологиялар, шу жумладан тартибга солиш технологиялари ва суғурта технологиялари, тўлов хизматлари, электрон тижорат ҳамда бошқа инновацион молиявий фаолият;

бозорда суиистеъмол қилиш, инсайдерлик битимлари, бозорни манипуляция қилишга қарши курашиш ва ахборотни ошкор этиш мажбуриятлари;

молиявий бозор инфратузилмаси, шу жумладан биржалар, клиринг ташкилотлари, марказий депозитарийлар, савдо платформалари ва ҳисоб-китоб тизимлари;

тартибга солиш ҳисоботлари, бухгалтерия ҳисоби, аудит, ҳужжатларни ва ёзувларни юритиш ҳамда ахборот тақдим этиш;

текширувлар, терговлар, мажбурий тартибда ахборот талаб қилиб олиш, махсус билим ва малакага эга шахслар томонидан ўрганишлар ўтказиш ҳамда назорат ташрифлари;

маъмурий мажбурлов чоралари, шу жумладан кўрсатмалар бериш, чекловлар қўйиш, жарималар қўллаш, жамоатчиликка эълон қилинадиган танбеҳ бериш, етказилган зарарнинг ўрнини қоплаш, ҳуқуқбузарлик натижасида асоссиз равишда олинган фойдани қайтариш, лицензиянинг амал қилишини тўхтатиб туриш ва уни бекор қилиш ҳамда жисмоний шахсларга тартибга солинадиган функцияларни бажаришни тақиқлаш;

Ўзбекистон Республикаси Марказий банки, Ўзбекистон Республикасининг бошқа давлат органлари ҳамда хорижий молиявий хизматлар регуляторлари билан ҳамкорлик қилиш, ахборот алмашиш ва назорат соҳасида мувофиқлаштириш.

Молиявий хизматлар бошқармаси индивидуал лицензиялаш, назорат, мажбурлов чораларини қўллаш, тергов ва Молия марказининг қарорларини қабул қилиш масалалари бўйича фаолиятини амалга оширишда мустақилликка эга бўлади ҳамда фақат ушбу Конституциявий Қонунга ва Молия марказининг қарорларига мувофиқ фаолият юритади.

Молиявий хизматлар бошқармаси молиявий технологиялар, рақамли активлар, тартибга солиш технологиялари, суғурта технологиялари ҳамда бошқа инновацион молиявий хизматлар ва фаолият турлари учун Молиявий хизматлар бошқармасининг қарорларида белгиланадиган шартлар асосида «Тартибга солиш қумдони»ни ёки бошқа назорат остидаги синов муҳитини ташкил этиши, бошқариши ва назорат қилиши мумкин.

Молиявий хизматлар бошқармаси ўз функцияларини амалга оширишда ҳуқуқ устуворлигини самарали, шаффоф, изчил, олдиндан кўра билиш ва холис қўллаш орқали инвесторлар ишончини шакллантиришга кўмаклашган ҳолда, Молия марказининг жаҳон даражасида юқори ишончга эга бўлган молия маркази сифатидаги обрўсини ҳимоя қилади ҳамда мустаҳкамлайди.

Молиявий хизматлар бошқармаси фаолиятининг самарадорлиги унинг тартибга солиш жараёнлари холислиги, олдиндан кўра билиш ва адолатлилик мезонлари бўйича баҳоланади.

Молиявий хизматлар бошқармасининг ички бошқаруви ушбу Конституциявий Қонунга ҳамда Молиявий хизматлар бошқармаси тўғрисидаги низомга ва ички ҳужжатларга мувофиқ амалга оширилади. Молиявий хизматлар бошқармаси яккабошчилик асосида ёки коллегиал ижро органининг раиси сифатида фаолият юритадиган Ижрочи директорга эга бўлади ва у Молиявий хизматлар бошқармаси тўғрисидаги низомга ҳамда ички ҳужжатларга мувофиқ фаолият юритади.

Молиявий хизматлар бошқармасининг ижрочи директори, коллегиал ижро органининг аъзолари профессионал салоҳият ва муносиблик мезони асосида қайта тайинланиш ҳуқуқи билан беш йил муддатга тайинланади ҳамда ўз лавозимидан фақат асосли сабаблар мавжуд бўлган тақдирда озод этилиши мумкин. Бунда лавозимдан озод этиш сабаблари қўлланилиши мумкин бўлган конфиденциаллик талаблари ҳисобга олинган ҳолда Молиявий хизматлар бошқармасининг қарорларига мувофиқ эълон қилинади.

Молиявий хизматлар бошқармасининг фаолияти Ўзбекистон Республикасининг бюджет тўғрисидаги қонунчилигига мувофиқ Молия марказининг маъмурияти орқали йўналтириладиган Ўзбекистон Республикаси Давлат бюджети маблағлари, шунингдек Молия марказининг иштирокчилари томонидан тўланадиган йиғимлар ва тўловлар ҳисобидан молиялаштирилади.

Ушбу модданинг ўн иккинчи қисмига мувофиқ Молиявий хизматлар бошқармасининг фаолияти учун ажратилган Ўзбекистон Республикаси Давлат бюджети маблағларидан фақат Молиявий хизматлар бошқармасининг фаолиятини молиялаштириш учун фойдаланилади.

Молия марказида ҳамда Ўзбекистон Республикасининг бошқа ҳудудларида Молия маркази иштирокчисининг тартибга солинадиган корхоналари ёки филиаллари мавжуд бўлган тақдирда, Молиявий хизматлар бошқармаси ва Ўзбекистон Республикаси Марказий банки консолидациялашган назорат, ахборот алмашиш масалалари ҳамда Молия марказининг ушбу Конституциявий Қонун 17-моддасининг бешинчи қисмига мувофиқ қабул қилинган қарорлари билан белгиланадиган бошқа пруденциал чораларни ҳамкорликда амалга оширади.

Тошкент халқаро тижорат суди Молия марказининг суд органи ҳисобланади ва у мутлақ суд ҳокимиятини мустақил равишда, ушбу Конституциявий Қонунга мувофиқ амалга оширади.

Тошкент халқаро тижорат суди ўз функцияларини бажариш учун зарур бўлган молиявий, маъмурий мустақилликка ва иш юритиш борасидаги мустақилликка эга бўлади. Тошкент халқаро тижорат судининг судьялари судлов функцияларини мустақил равишда амалга оширади.

Тошкент халқаро тижорат суди ўз юрисдикциясига кирувчи низоларни суд тартибида ҳал этиш ва суд маъмуриятчилиги бўйича мутлақ ваколатларга эга бўлади.

Тошкент халқаро тижорат суди ўз ваколатларини амалга оширишда мустақил ва холис фаолият юритади ҳамда унга кўрсатмалар берилишига ёки унинг фаолиятига ҳар қандай тарзда аралашишга йўл қўйилмайди.

Тошкент халқаро тижорат суди ўз ваколатларини амалга оширишда ўзига мурожаат қилган барча шахсларнинг ҳуқуқларини, эркинликларини ва қонуний манфаатларини ҳимоя қилади ҳамда Молия марказида ва Рақамли технологиялар халқаро марказида қўлланиладиган ҳуқуқнинг лозим даражада талқин қилинишини, тушунилишини ва қўлланилишини таъминлайди.

Тошкент халқаро тижорат суди одил судловни самарали, шаффоф, изчил ва холис амалга ошириш орқали Молия марказининг ва Рақамли технологиялар халқаро марказининг жаҳон даражасида юқори ишончга эга бўлган махсус марказ сифатидаги обрўсини намоён этишга ҳамда мустаҳкамлашга кўмаклашади. Тошкент халқаро тижорат суди фаолиятининг самарадорлиги унинг суд жараёнлари ва қарорларининг холислиги, олдиндан кўра билиш, натижадорлик ва адолатлилик мезонлари бўйича баҳоланади.

Тошкент халқаро тижорат судини ташкил этиш, унинг ички маъмуриятчилиги ҳамда одил судловга оид бўлмаган суд бошқаруви ушбу Конституциявий Қонунга ва Молия марказининг қарорларига мувофиқ амалга оширилади. Бундай бошқарув механизмлари судьяларнинг одил судловни амалга оширишдаги мустақиллигига зарар етказмаслиги лозим. Ҳеч қандай бошқарув тартиби Тошкент халқаро тижорат суди судьяларининг суд қарорларига нисбатан кўрсатма берилишини ёки улар юзасидан ҳисобдорлик белгиланишини назарда тутиши мумкин эмас.

Тошкент халқаро тижорат суди жиноят ишларини ҳамда маъмурий ҳуқуқбузарликлар тўғрисидаги ишларни кўриб чиқмайди. Ушбу қоида ўз моҳиятига кўра тижорат низоси, иқтисодий, фуқаролик-ҳуқуқий низо, Молия маркази органи талабларининг бузилиши, молия бозоридаги ножўя хатти-ҳаракат деб ҳисобланган ҳамда ушбу Конституциявий Қонун ёки Молия марказининг қарорлари доирасида ҳал қилиниши мумкин бўлган ишлар юзасидан Молия маркази юрисдикцияси доирасида таъсир чораларини қўллашга нисбатан татбиқ этилмайди.

Тошкент халқаро тижорат суди икки инстанциядан иборат:

биринчи инстанция суди;

апелляция суди.

Тошкент халқаро тижорат судига Бош судья раҳбарлик қилади. Бош судья Молия маркази кенгашининг тақдимномасига биноан Ўзбекистон Республикаси Президенти томонидан тайинланади.

Тошкент халқаро тижорат судининг судьялари Бош судьянинг судьяларнинг зарур сони кўрсатилган тақдимномасига биноан Ўзбекистон Республикаси Президенти томонидан тайинланади. Ҳар қандай давлат фуқароси Тошкент халқаро тижорат судининг судьяси бўлиши мумкин. Улар Ўзбекистон Республикасининг қонунчилигига мувофиқ судьялар учун белгиланган, ушбу Конституциявий Қонунга мувофиқ бўлган ва унга зид бўлмаган даражадаги суд мустақиллигидан, кафолатлардан, дахлсизликдан, имтиёзлардан ва хизмат шарт-шароитларидан фойдаланади.

Тошкент халқаро тижорат суди судьяларининг меҳнатига ҳақ тўлаш миқдори ва хизмат ўташнинг бошқа шартлари Бош судья томонидан киритилган таклиф асосида Молия маркази кенгашининг қарори билан белгиланади.

Бош судья Тошкент халқаро тижорат суди котибини тайинлайди. Котиб Тошкент халқаро тижорат судининг маъмурий ва жорий бошқаруви учун масъулдир ҳамда у ўз функцияларини ушбу Конституциявий Қонунга ва Молия марказининг қарорларига мувофиқ, Бош судьянинг раҳбарлиги ҳамда назорати остида бажаради.

Тошкент халқаро тижорат судининг таркибини, унинг ихтисослашган бўлинмаларини тузиш, судьяларни ва суд аппарати ходимларини тайинлаш, уларнинг ваколатлари муддати ҳамда уларни лавозимидан озод қилиш тартиби, малака талаблари, шунингдек Тошкент халқаро тижорат суди фаолиятини ташкил этишнинг умумий асослари Молия марказининг қарорлари билан белгиланади.

Бош судья Молия марказининг кенгаши ёки Молия марказининг бошқа органи томонидан қўшимча тасдиқланиши талаб қилинмаган ҳолда, Тошкент халқаро тижорат судида ишларни кўриш амалиётига, тартибига, маъмуриятчилигига, ишларни бошқариш ҳамда суд иш юритувига доир суд қоидаларини, процессуал қоидаларни, амалиёт кўрсатмаларини, суд реестри кўрсатмаларини, шаклларни, протоколларни, қўлланмаларни ва бошқа ҳужжатларни жорий этиш, қабул қилиш, уларга ўзгартириш ва қўшимчалар киритиш, уларни янги таҳрирда қабул қилиш ҳамда бекор қилиш бўйича тўлиқ ваколатга эга бўлади.

Тошкент халқаро тижорат суди ижрони таъминлашга доир ажримларни чиқариш, мол-мулкни хатлаш, пул маблағлари ёки бошқа мол-мулк билан боғлиқ операцияларни вақтинча тўхтатиб туриш, мол-мулкка нисбатан ундирувни таъминлаш, мол-мулкни вақтинча сақлаш, вақтинчалик тақиқловчи ёки мажбурловчи кўрсатмалар бериш, қидирув ўтказиш, ахборотни ва ҳужжатларни тақдим этишни ёки ошкор қилишни талаб этиш, шунингдек Молия марказининг қарорларида ёки Рақамли технологиялар халқаро марказининг қарорларида, қоидаларида ёхуд таъсис ҳужжатларида (бундан буён матнда Рақамли технологиялар халқаро марказининг қарорлари деб юритилади) назарда тутилган бошқа вақтинчалик чораларни, ҳимоя ёки ижрони таъминлаш чораларини қўллаш ваколатига эга бўлади.

Тошкент халқаро тижорат суди ижро ишларини, суд топшириқларини бажариш, далилларни олиш, вақтинчалик чораларни қўллаш, тўловга қобилиятсизликка оид ишларни ҳамда трансчегаравий низоларни ҳал этиш масалалари бўйича Молия марказининг қарорларига, қўлланиладиган ҳуқуқ нормаларига ва Ўзбекистон Республикасининг халқаро шартномаларига мувофиқ Ўзбекистон Республикаси судлари ҳамда хорижий давлатлар судлари билан ҳамкорлик қилиши мумкин.

Тошкент халқаро тижорат судининг судьялари доимий судьялар, муайян иш бўйича тайинланадиган (ad hoc) судьялар, ихтисослашган судьялар, истеъфодаги хорижий судьялар, халқаро тижорат судьялари, суд котиблари (регистраторлар) ҳамда халқаро тижорат ҳуқуқи, молия, банк иши, капитал бозорлари, арбитраж, тўловга қобилиятсизлик, реструктуризация, технологиялар, рақамли активлар, сунъий интеллект, халқаро низоларни ҳал этиш соҳаларида ёки Молия маркази ва Рақамли технологиялар халқаро маркази учун аҳамиятли бўлган бошқа соҳаларда ўз малакаси ва тажрибаси билан танилган ҳуқуқий экспертлар орасидан шакллантирилиши мумкин. Муайян иш бўйича тайинланадиган (ad hoc) судьялар ва ихтисослашган судьялар махсус билим ва тажрибани талаб этадиган муайян тоифадаги ишлар, низолар учун ёки суд ишини юритиш учун тайинланиши ёки жалб этилиши мумкин.

Судьялар, муайян иш бўйича тайинланадиган (ad hoc) судьялар, ихтисослашган судьялар ва суд регистраторларига нисбатан қўйиладиган малака талаблари, уларни тайинлаш тартиби, ваколатлари муддати, одоб-ахлоқи, интизомий жавобгарлиги ва меҳнатига ҳақ тўлаш масалалари Молия марказининг қарорлари билан белгиланади.

Тошкент халқаро тижорат суди қуйидаги тоифадаги низолар бўйича мутлақ юрисдикцияга эга:

Молия маркази шахсларининг ўзаро ва (ёки) орасидаги фуқаролик низолари ва меҳнатга оид низолар;

Молия маркази ҳудудида амалга ошириладиган ёки Молия марказининг қарори билан тартибга солинадиган фаолиятга, содир этилган деликтлар ёки бошқа ҳуқуққа хилоф хатти-ҳаракатларга, шунингдек Молия маркази ҳудудида жойлашган ёки Молия марказининг қарорлари билан тартибга солинадиган мол-мулкка оид низолар;

Молия маркази иштирокчиларининг ҳамда Молия маркази ҳудудида яшовчи жисмоний шахсларнинг тўловга қобилиятсизлиги ва банкротлиги тўғрисидаги ишлар;

тарафларнинг келишувига биноан Тошкент халқаро тижорат суди юрисдикциясига ўтказилган низолар;

ҳар қандай халқаро арбитраждан келиб чиқадиган ёки у билан боғлиқ масалалар, шу жумладан вақтинчалик чораларни ёки даъвони таъминлаш чораларини қўллашга, арбитрларни тайинлашга, арбитрларга раддия билдиришга, юрисдикцияга оид масалаларни ҳал этишга, процессуал кўмак кўрсатишга, арбитраж қарорларини бекор қилишга, тан олишга ва ижро этишга доир аризалар, агар арбитраж жойи Молия маркази этиб белгиланган бўлса ёхуд арбитраж Тошкент халқаро арбитраж маркази томонидан юритилса ва тарафлар Тошкент халқаро тижорат суди арбитраж бўйича назорат суди сифатида иш юритишига келишган бўлса ёки тарафлар бошқача тарзда Тошкент халқаро тижорат судининг мазкур арбитражга нисбатан юрисдикциясини танлаган бўлса ёхуд Тошкент халқаро тижорат судининг юрисдикцияси ушбу Конституциявий Қонун, Молия марказининг қарорлари ёки Ўзбекистон Республикасининг бошқа қонунчилик ҳужжатлари билан белгиланган бўлса;

Молия маркази органларининг қарорларидан, ҳаракатларидан ёки ҳаракатсизлигидан келиб чиқадиган аризалар, шикоятлар ёки низолар, шу жумладан ушбу Конституциявий Қонунга ёки Молия марказининг қарорларига мувофиқ қабул қилинган тартибга солишга, лицензиялашга, назоратга, интизомий, мажбурлов чораларини қўллашга ёки маъмурий қарорларга оид низолар;

Рақамли технологиялар халқаро марказининг қарорлари ёки Ўзбекистон Республикасининг бошқа ихтисослашган марказининг қарорларидан, қоидаларидан ёхуд таъсис ҳужжатларидан келиб чиқадиган низолар, башарти бундай низолар мазкур марказни ташкил этишга ёки унинг фаолиятини тартибга солишга доир қонун ёки бошқа ҳуқуқий ҳужжат билан Тошкент халқаро тижорат суди ваколатига бевосита киритилган бўлса;

ушбу Конституциявий Қонун, Молия марказининг қарорлари, Рақамли технологиялар халқаро марказининг қарорлари, Ўзбекистон Республикасининг бошқа қонунчилик ҳужжатлари ёки Ўзбекистон Республикаси Президентининг ҳужжати билан Тошкент халқаро тижорат судининг ваколатига бевосита киритилган бошқа фуқаролик ёки тижорат низолари, башарти бундай ваколат Тошкент халқаро тижорат судининг халқаро тижорат суди сифатидаги табиатига ва функцияларига мувофиқ бўлса ҳамда Ўзбекистон Республикасининг қонунчилиги бўйича одатдаги маъмурий-ҳуқуқий низолар юзасидан умумий юрисдикция берилишини англатмаса.

Тошкент халқаро тижорат суди қуйидаги барча шахсларга нисбатан шахсий юрисдикцияга эга:

Молия марказининг қарорлари ёки Рақамли технологиялар халқаро марказининг қарорлари билан тартибга солинадиган битимларни тузувчи шахсларга;

муайян битимга ёки низога нисбатан Тошкент халқаро тижорат суди юрисдикциясини қабул қилишга розилик билдирган шахсларга.

Тошкент халқаро тижорат суди қайси давлатда ёки юрисдикцияда чиқарилганлигидан қатъи назар, ҳар қандай халқаро арбитраж доирасида қабул қилинган арбитраж қарорини тан олиш ва ижрога қаратиш тўғрисида қарорлар чиқариш ваколатига эга. Агар Ўзбекистон Республикаси суд қарорларини, суд буйруқларини ёки арбитраж қарорларини ўзаро ижрога қаратишни назарда тутувчи халқаро шартнома тузган бўлса, Тошкент халқаро тижорат суди бундай шартнома қоидаларига риоя этади.

Тошкент халқаро тижорат суди апелляция судининг юрисдикция масалалари ҳамда ишнинг мазмуни бўйича қарорлари узил-кесил ва мажбурий бўлиб, улар устидан кейинчалик шикоят қилинмайди.

Тошкент халқаро тижорат судининг ҳал қилув қарорлари, ажримлари ва қарорлари Ўзбекистон Республикаси номидан чиқарилади. Тошкент халқаро тижорат судининг якуний ҳал қилув қарорлари, ажримлари ва қарорлари Ўзбекистон Республикасининг бутун ҳудудида тан олинади ҳамда ижрога қаратилади. Агар Тошкент халқаро тижорат судининг ҳал қилув қарорлари, ажримлари ва қарорлари Молия марказида ёки Рақамли технологиялар халқаро марказида ижрога қаратилиши талаб этилса, ижрога қаратиш Тошкент халқаро тижорат суди томонидан амалга оширилади. Ижрога қаратиш Молия маркази ҳудудидан ёки Рақамли технологиялар халқаро маркази ҳудудидан ташқарида амалга ошириш талаб этилган тақдирда эса Тошкент халқаро тижорат судининг ҳал қилув қарорлари, ажримлари ва қарорлари Ўзбекистон Республикаси бошқа судларининг қонуний кучга кирган ва ижрога қаратилиши лозим бўлган суд ҳужжатлари билан бир хил тартибда ҳамда бир хил шартлар асосида Ўзбекистон Республикасининг ваколатли ижро органлари томонидан ижро этилади.

Ўзбекистон Республикаси судларининг қонуний кучга кирган ва ижрога қаратилиши лозим бўлган суд ҳужжатлари Ўзбекистон Республикаси қонунчилигига мувофиқ Молия маркази ҳудудида тан олинади ҳамда тегишли ҳолларда ижрога қаратилади, бундан бундай суд ҳужжатларини тан олиш ёки ижрога қаратиш ушбу Конституциявий Қонунга ёки Молия марказининг қарорларига зид бўлган ҳоллар мустасно.

Тошкент халқаро тижорат суди Молия марказининг қарорларини ва Рақамли технологиялар халқаро марказининг қарорларини шарҳлаш ва талқин қилиш, шу жумладан унинг қўлланилиш, амал қилиш доирасини ва ҳуқуқий оқибатларини аниқлаш масалалари бўйича мутлақ юрисдикцияга эга. Мазкур қисм Ўзбекистон Республикаси Конституциявий судининг конституциявий ваколатлари доирасига кирадиган масалалар бўйича юрисдикциясини чекламайди.

Тошкент халқаро тижорат суди Ўзбекистон Республикасининг бюджет тўғрисидаги қонунчилигига мувофиқ, Бош судьянинг асослантирилган талабига кўра, Ўзбекистон Республикаси Президенти томонидан тасдиқланган миқдорда бевосита Тошкент халқаро тижорат судига ажратиладиган Ўзбекистон Республикаси Давлат бюджети маблағлари ҳисобидан, шунингдек ушбу Конституциявий Қонун ёки Молия марказининг қарорлари билан тақиқланмаган бошқа манбалар ҳисобидан молиялаштирилади.

Ушбу модданинг йигирма еттинчи қисмига мувофиқ Тошкент халқаро тижорат судининг фаолиятини молиялаштириш мақсадлари учун ажратилган Давлат бюджети маблағларидан фақат Тошкент халқаро тижорат судининг фаолиятини таъминлаш учун фойдаланилади.

Тошкент халқаро тижорат судининг барча қарорлари унинг расмий веб-сайтида ҳамма эркин танишиши учун эълон қилинади. Қарорлар қабул қилинганидан кейин ўттиз кун ичида эълон қилиниши керак. Тижорат сирини ташкил этувчи маълумотлар фақат тарафнинг аризасига биноан ва Тошкент халқаро тижорат судининг рухсати билан, ҳақиқатан ҳам конфиденциал бўлган тижорат маълумотларини ҳимоя қилиш учун зарур бўлган энг кам даражада таҳрир қилиниши мумкин. Бундай таҳрир қилиш суд қарорининг ҳуқуқий асослантиришларига, қонуннинг қўлланилиш асосларига ёки хулоса қисмига нисбатан татбиқ этилмайди. Бундай аризаларни кўриб чиқиш тартиби ва мезонлари Тошкент халқаро тижорат судининг қарорлари ҳамда Бош судьянинг кўрсатмалари билан белгиланади.

Тошкент халқаро тижорат суди Молия маркази иштирокчиларининг, ходимларининг, инвестициявий солиқ резидентларининг ҳамда улар оила аъзоларининг, шунингдек Рақамли технологиялар халқаро марказининг қарорларида белгиланган ҳолларда Рақамли технологиялар халқаро маркази билан боғлиқ жисмоний шахсларнинг васиятномаларини тасдиқлаш учун васиятномалар ва ворислик реестрини юритади. Бундай васиятномалар Молия марказининг қарорларига ва тегишли ҳолларда Рақамли технологиялар халқаро марказининг қарорларига мувофиқ ижро этилади ва Тошкент халқаро тижорат суди томонидан амалга киритилади. Ушбу қисмга мувофиқ васиятномаларни рўйхатдан ўтказиш, ўзгартириш ва ижро этиш тартиби, уларни расмийлаштириш талаблари ҳамда бундай васиятномаларнинг Ўзбекистон Республикасининг ворислик ҳуқуқи билан ўзаро муносабати Тошкент халқаро тижорат судининг қарорлари билан белгиланади.

Инглиз тили Молия марказининг расмий тили ҳисобланади. Агар ушбу моддада бошқача қоида назарда тутилмаган бўлса, инглиз тили ушбу Конституциявий Қонун ва Молия марказининг қарорлари билан тартибга солинадиган барча масалалар бўйича ва Молия марказининг ҳудудида амалга ошириладиган барча расмий фаолиятда қўлланилади.

Молия марказининг қарорлари инглиз тилида ишлаб чиқилади, қабул қилинади ва эълон қилинади. Молия маркази қарорларининг ўзбек тилидаги ёки бошқа тиллардаги расмий таржималари Молия маркази томонидан тайёрланиши мумкин.

Молия маркази қарорининг инглиз тилидаги матни ва унинг расмий таржимаси ўртасида ҳар қандай тафовут, ноаниқлик ёки номувофиқлик юзага келган тақдирда, инглиз тилидаги матн устуворликка эга бўлади.

Молия марказининг органларига топшириладиган ёки Молия маркази ҳудудида ўзгача тарзда тақдим этиладиган статистик, молиявий, техник ва бошқа ҳужжатлар, агар Молия марказида қўлланиладиган ҳуқуқ ёки Молия марказининг қарорлари билан бошқача ҳолатга тўғридан-тўғри рухсат этилмаган бўлса, инглиз тилида тузилади.

Молия маркази органларининг жисмоний ва юридик шахсларнинг мурожаатларига жавоблари, шу жумладан уларга илова қилинадиган ҳар қандай ҳужжатлар инглиз тилида тақдим этилади. Агар мурожаат ўзбек тилида ёки бошқа тилда берилган бўлса, жавоб ўша тилда тақдим этилиши мумкин.

Тошкент халқаро тижорат судида суд ишларини юритиш инглиз тилида олиб борилади. Тарафнинг илтимосномасига кўра, қўлланиладиган процессуал қоидаларга мувофиқ ўзбек тилидаги ёки бошқа тиллардаги таржималар тақдим этилади.

Молия марказида амалга ошириладиган ва ёзма шаклда расмийлаштириладиган битимлар, агар тарафлар томонидан бошқача тарзда келишилмаган бўлса, инглиз тилида тузилади. Бир нечта тилдаги матнлар мавжуд бўлган тақдирда, агар тарафлар томонидан тўғридан-тўғри бошқача тарзда келишилмаган бўлса ва бундай келишувга Молия марказининг қарори йўл қўйса, матнларнинг инглиз тилидаги нусхаси устуворликка эга бўлади.

Ўзбекистон Республикасида тан олиш ва ижрога қаратиш мақсадлари учун Молия марказида чиқарилган суд қарорининг ёки арбитраж қарорининг ўзбек тилидаги ёки бошқа тилдаги таржимаси Молия марказининг қарорларида белгиланган тартибда тақдим этилади.

Молия марказининг органлари ушбу Конституциявий Қонун кучга кирган кундан эътиборан ўн икки ойдан кечиктирмай, Молия марказининг ушбу Конституциявий Қонунда тўғридан-тўғри белгиланган ва Молия марказининг самарали ташкил этилиши ҳамда фаолият юритиши учун зарур бўлган қарорларини тайёрлайди ва қабул қилади ҳамда мазкур ишларни амалга ошириш учун барча зарур чораларни кўради. Молия марказининг кенгаши ушбу муддатни асослантирилган қарор билан олти ойгача узайтириши мумкин.

Ушбу модда биринчи қисмининг мақсадлари учун Молия марказининг кенгаши ўз қарори билан Молия марказининг фаолиятини бошлаш учун зарур деб эътироф этиладиган Молия маркази қарорлари рўйхатини белгилайди. Бундай қарорлар жумласига Молия марказини бошқариш, тартибга солиш, суд фаолиятини амалга ошириш ёки унинг кундалик фаолият юритиши учун муҳим бўлган масалаларни тартибга солувчи Молия маркази қарорлари киради.

Молия марказининг ушбу модда биринчи қисмида кўрсатилган қарорлари қабул қилинганидан кейин Молия марказининг кенгаши Молия марказининг жорий тайёргарлигини баҳолайди ва унинг фаолият юритиши учун зарур бўлган ҳуқуқий, институционал ва ташкилий асослар яратилганлигига ишонч ҳосил қилган тақдирда, Молия марказини фаолиятни бошлашга тайёр деб топиш тўғрисида қарор қабул қилади.

Молия маркази кенгашининг Молия марказини фаолиятни бошлашга тайёр деб топиш тўғрисидаги қарори тасдиқлаш учун Ўзбекистон Республикаси Президентига тақдим этилади.

Ўзбекистон Республикаси Президенти томонидан Молия марказини фаолиятни бошлашга тайёр деб топиш тўғрисидаги қарор тасдиқланганидан кейин, ушбу қарорда кўрсатилган санадан эътиборан Молия маркази фаоллаштирилган деб ҳисобланади ва бу сана тасдиқлаш санасидан эътиборан бир ойдан кеч бўлмаслиги керак.

Фаоллаштириш санасидан эътиборан Молия маркази ўзининг ҳуқуқий режимини, ваколатларини, жавобгарлигини ҳамда функцияларини ушбу Конституциявий Қонунга ва Молия марказининг қарорларига мувофиқ қабул қилиб олади ҳамда ўз фаолиятини бошлайди.

Мазкур модда Молия марказининг фаоллаштириш санасидан эътиборан тегишли молиявий хизматларнинг лицензияланишини ва тартибга солинишини белгиловчи қарорлари қабул қилиниб, то кучга кирадиган санагача бўлган даврда (бундан буён матнда ўтиш даври деб юритилади) амал қилади.

Фаоллаштириш санасида Ўзбекистон Республикасининг ваколатли органи томонидан берилган ҳамда бир ёки бир нечта молиявий хизматни кўрсатиш ҳуқуқини берувчи амалдаги лицензияга (бундан буён матнда миллий лицензия деб юритилади) эга бўлган юридик шахс ўз миллий лицензиясида аниқ назарда тутилган молиявий хизматларни Молия марказининг ҳудудида қўшимча ариза ёки тасдиқ талаб қилинмаган ҳолда кўрсатиш ҳуқуқига эга бўлади. Бунда миллий лицензияга эга бўлган шахс қуйидаги шартларга риоя этиши керак:

юридик шахс фаоллаштириш санасидан эътиборан олтмиш кун ичида ўтиш даврида рухсат этилган иштирокчи сифатида ўзининг алоҳида шуъба компаниясини ёки филиалини Молия марказининг органида рўйхатдан ўтказади;

юридик шахс ўз миллий лицензияси шартларига ҳамда ушбу лицензия асосида ўзига нисбатан қўлланиладиган Ўзбекистон Республикаси қонунларига ва қонуности ҳужжатларига мувофиқ молиявий хизматлар кўрсатади, бунда қонунлар ва қонуности ҳужжатлари ушбу Конституциявий Қонунга ёки Молия марказининг ҳужжатларига зид бўлмаган қисми бўйича қўлланилади;

агар миллий лицензия асосида юридик шахсга нисбатан қўлланиладиган Ўзбекистон Республикаси қонунларининг ва қонуности ҳужжатларининг бирор қоидаси ушбу Конституциявий Қонунга ва (ёки) Молия марказининг қарорларига зид бўлса, зиддият мавжуд бўлган қисмида ушбу Конституциявий Қонун ва (ёки) Молия марказининг қарори устувор равишда қўлланилади ва юридик шахс мазкур масала бўйича ушбу Конституциявий Қонунга ҳамда Молия марказининг қарорига риоя этиши шарт;

юридик шахс ўз миллий лицензияси талабларига ҳамда ушбу лицензияни берган Ўзбекистон Республикасининг ваколатли органи томонидан белгиланган шартларга амал қилишда давом этади.

Агар Молиявий хизматлар бошқармаси миллий лицензия эгасига берилган ўтиш давридаги лицензия Молия марказининг ишончлилигига, обрўсига, молиявий барқарорлигига, лозим даражада фаолият юритишига ёки тартибга солиш мақсадларига хавф туғдириши мумкин деб ҳисобласа, ушбу бошқарма ўзининг қарорларида белгиланган муддатда бундай лицензияга нисбатан эътироз билдиришга, уни чеклашга, тўхтатиб туришга ёки унга нисбатан шартлар қўйишга ҳақли.

Молия марказининг кенгаши ўтиш даврида тан олиниши мумкин бўлган хорижий юрисдикцияларнинг, регуляторларнинг ёки лицензияларнинг тоифаларини тасдиқлаши мумкин. Молиявий хизматлар бошқармаси ўтиш даври лицензияларини бериш бўйича индивидуал аризаларни ушбу моддага ва Молиявий хизматлар бошқармасининг қарорларига мувофиқ кўриб чиқади ҳамда улар юзасидан қарор қабул қилади.

Ушбу моддага мувофиқ ўтиш даври лицензияси фақат Молия марказининг маъмурияти тегишли чет давлат юрисдикциясининг ваколатли тартибга солувчи органи билан ўзаро англашув меморандумини ёки бошқа расмий назорат соҳасидаги ҳамкорлик келишувини тузган ва бундай меморандум ёки келишув рухсат бериш вақтида амалда бўлган ҳолларда, чет давлат юрисдикциясининг ваколатли тартибга солувчи органи томонидан берилган амалдаги лицензияга (бундан буён матнда хорижий лицензия деб юритилади) эга бўлган юридик шахсга берилиши мумкин.

Агар Молия марказининг маъмурияти ўзаро англашув меморандумини тузиш мақсадида ваколатли орган билан фаол музокаралар олиб бораётган бўлса, Молия марказининг кенгаши ваколатли орган томонидан лицензияланган юридик шахсга олти ойдан ошмайдиган муддатга вақтинчалик ўтиш даври лицензиясини ўз ихтиёрига кўра бериши мумкин. Бунда хорижий лицензияга эга бўлган юридик шахс қуйидаги шартларни бажариши керак:

Молия марказининг кенгаши ўзаро англашув меморандумининг эҳтимолий контрагент ваколатли органининг ушбу Конституциявий Қонунда назарда тутилган талабларга қиёсланадиган тартибга солиш стандартларини қўллашига ҳамда унинг Молиявий ҳаракатлар бўйича махсус гуруҳ (FATF) стандартларига мувофиқ эканлигига ишонч ҳосил қилган бўлиши;

юридик шахс ўзаро англашув меморандуми билан таъминланиши лозим бўлган ҳимоя чоралари ўрнига Молиявий хизматлар бошқармаси томонидан белгиланиши мумкин бўлган назорат талабларига риоя этиш тўғрисида ёзма мажбурият тақдим этиши;

агар олти ойлик муддат тугагунига қадар ўзаро англашув меморандуми тузилмаган ва кучга кирмаган бўлса, вақтинчалик лицензия автоматик равишда ўз кучини йўқотади, бундан Молия марказининг кенгаши томонидан тўғридан-тўғри лицензиянинг амал қилиши беш ойдан ошмайдиган қўшимча муддатга бир маротаба узайтирилган ҳоллар мустасно.

Тузилган ўзаро англашув меморандуми асосида, ушбу моддага мувофиқ ўтиш даври лицензияси берилган ёки ушбу моддага мувофиқ вақтинчалик лицензия берилган юридик шахс ўз хорижий лицензиясида аниқ назарда тутилган молиявий хизматларни Молия марказининг ҳудудида кўрсатиш ҳуқуқига эга бўлади. Бунда қуйидаги шартларга риоя этилиши керак:

юридик шахс Молия маркази кенгашининг рухсат бериш тўғрисидаги қарорида кўрсатилган муддатда, ҳар қандай ҳолда рухсат берилган санадан эътиборан олтмиш кундан кечиктирмай, Молия марказининг маъмуриятида ўтиш даврида рухсат этилган иштирокчи сифатида рўйхатдан ўтади;

юридик шахс ушбу молиявий хизматларни ўз хорижий лицензияси берилган юрисдикциянинг қонунларига ва норматив-ҳуқуқий ҳужжатларига мувофиқ кўрсатади, бунда мазкур қонунлар ва норматив-ҳуқуқий ҳужжатлар ушбу Конституциявий Қонунга ёки Молия марказининг ҳужжатига зид бўлмаган қисми бўйича қўлланилади;

агар чет давлат қонунларининг ёки норматив-ҳуқуқий ҳужжатларининг бирор қоидаси ушбу Конституциявий Қонунга ёки Молия марказининг ҳужжатига зид бўлса, зиддият мавжуд бўлган қисми бўйича ушбу Конституциявий Қонун ёки Молия марказининг ҳужжати устувор ҳисобланади ҳамда юридик шахс уларга риоя этиши шарт;

юридик шахс ўз хорижий лицензияси бўйича лозим даражадаги ҳуқуқий мақомини сақлаб қолади ҳамда ушбу лицензиянинг ҳар қандай тўхтатиб турилиши, ўзгартирилиши, чекланиши ёки бекор қилиниши ҳақида Молия марказининг маъмуриятини дарҳол хабардор қилади;

юридик шахс Молия марказининг ҳудудидаги фаолиятга доир талабларга, шу жумладан жиноий даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш талабларига риоя этиш, истеъмолчиларни ҳимоя қилиш ва бозор тартиб-қоидалари масалаларида, агар бундай масалалар тегишли ўзаро англашув меморандуми шартларига мувофиқ чет давлат юрисдикциясининг назорат органи томонидан етарли даражада қамраб олинмаган бўлса, Молиявий хизматлар бошқармасининг назоратга оид ваколатларига бўйсунади.

Молия марказининг кенгаши ушбу моддага мувофиқ берилган ўтиш даври лицензиясини қуйидаги ҳолларда исталган вақтда ўзгартириши, унинг амал қилишини тўхтатиб туриши ёки бекор қилиши мумкин, агар:

юридик шахснинг хорижий лицензияси ўзгартирилган, чекланган, бекор қилинган ёки унинг амал қилиши тўхтатиб турилган бўлса;

юридик шахс ўз ўтиш даври лицензияси шартларига ёки Молиявий хизматлар бошқармаси томонидан белгиланган талабларга риоя этмаган бўлса;

Молия маркази кенгаши лицензиясининг амал қилиши Молия марказининг яхлитлигига, обрўсига ёки лозим даражада фаолият юритишига хавф туғдиради, деб ҳисобласа;

Молия марказининг тегишли молиявий хизматни лицензиялашни тартибга солувчи ҳужжатлари кучга кирган ва ушбу моддага мувофиқ ўтиш даври тугаган бўлса.

Агар ушбу Конституциявий Қонуннинг 32-моддаси ва ушбу моддаси мақсадларида Ўзбекистон Республикаси қонунларининг ёки қонуности ҳужжатларининг ёхуд чет давлат юрисдикцияси қонунларининг ёки норматив-ҳуқуқий ҳужжатларининг бирор қоидаси ушбу Конституциявий Қонунга зид эканлиги ёки зид эмаслиги тўғрисидаги масала юзага келса:

Молиявий хизматлар бошқармаси молиявий хизматларни тартибга солиш, бозор тартиб-қоидалари бўйича, жиноий даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш, истеъмолчиларни ҳимоя қилиш ёки пруденциал масалаларга тааллуқли ҳар қандай қоида бўйича зиддият мавжудлиги ёки мавжуд эмаслиги тўғрисида мажбурий кучга эга бўлган қарор қабул қилиш ваколатига эга;

Молия марказининг маъмурияти ушбу қисмнинг иккинчи хатбошисида кўрсатилганлардан ташқари ҳар қандай қоида бўйича зиддият мавжудлиги ёки мавжуд эмаслиги тўғрисида мажбурий қарор қабул қилиш ваколатига эга бўлиб, бундай қарор ёзма шаклда, сабаблари кўрсатилган ҳолда қабул қилинади ва манфаатдор юридик шахснинг аризасига кўра фақат Тошкент халқаро тижорат суди томонидан қайта кўриб чиқилиши мумкин.

Молия марказининг кенгаши ўтиш даври мобайнида назорат чораларини ва тартибга солувчи чораларни қўллаш ҳамда ўтиш даврини тугатиш тартибини белгилайди.

1. 1992 йил 8 декабрда ўн иккинчи чақириқ Ўзбекистон Республикаси Олий Кенгашининг ўн биринчи сессиясида қабул қилинган Ўзбекистон Республикасининг Конституциясига (Ўзбекистон Республикасининг 2023 йил 1 майда қабул қилинган ЎРҚ-837-сонли Конституциявий Қонуни таҳририда) («Халқ сўзи» газетаси, 2023 йил 2 май, 87-88-сонлар) қуйидаги ўзгартириш ва қўшимчалар киритилсин:

1) 15-модданинг иккинчи қисми қуйидаги таҳрирда баён этилсин:

«Ўзбекистон Республикаси Конституцияси мамлакатнинг бутун ҳудудида олий юридик кучга эга, тўғридан-тўғри амал қилади ва ягона ҳуқуқий маконнинг асосини ташкил этади. Алоҳида ҳудудларда Ўзбекистон Республикасининг Конституциявий Қонуни билан ягона ҳуқуқий макон доирасида махсус ҳуқуқий режим ўрнатилиши мумкин»;

2) 109-модданинг биринчи қисми:

24-банди қуйидаги таҳрирда баён этилсин:

«24) Ўзбекистон Республикаси Президенти ҳузуридаги Хавфсизлик кенгашини тузади ва унга бошчилик қилади, шунингдек Ўзбекистон Республикаси Президенти ҳузуридаги маслаҳат-кенгаш органларини ҳамда бошқа органларни шакллантиради»;

қуйидаги мазмундаги 24¹-банд билан тўлдирилсин:

«24¹) Ўзбекистон Республикаси Президенти ўз ваколатларини амалга оширишни ташкилий, ҳуқуқий, таҳлилий жиҳатдан таъминлаш мақсадида Ўзбекистон Республикаси Президенти Администрациясини шакллантиради ҳамда унинг Раҳбарини тайинлайди.

Ўзбекистон Республикаси Президенти Администрациясининг ҳуқуқий мақоми, асосий вазифалари, фаолиятини ташкил этиш тартиби ва ваколатлари қонун билан белгиланади»;

3) 131-модда:

қуйидаги мазмундаги иккинчи қисм билан тўлдирилсин:

«Махсус ҳуқуқий режим ўрнатилган ҳудудда фаолияти Ўзбекистон Республикасининг Конституциявий Қонуни билан белгиланадиган ихтисослашган судлар тузилиши мумкин»;

иккинчи қисми учинчи қисм деб ҳисоблансин;

4) 134-модданинг биринчи қисми қуйидаги таҳрирда баён этилсин:

«Ўзбекистон Республикаси Олий суди фуқаролик, жиноий, иқтисодий ва маъмурий суд ишларини юритиш соҳасида суд ҳокимиятининг олий органи ҳисобланади, бундан махсус ҳуқуқий режим ўрнатишни назарда тутувчи Ўзбекистон Республикасининг Конституциявий Қонуни билан белгиланадиган ҳоллар мустасно»;

5) 151-модданинг учинчи қисми қуйидаги таҳрирда баён этилсин:

«Ўзбекистон Республикаси Марказий банки мамлакатда банклар фаолиятини тартибга солишни амалга оширади, банк ва тўлов тизимларининг барқарор фаолият кўрсатишини таъминлайди, бундан Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудуд мустасно».

2. Ўзбекистон Республикасининг 1989 йил 21 октябрда қабул қилинган «Давлат тили ҳақида»ги 3561-XI-сонли Қонунининг (Ўзбекистон Республикасининг 1995 йил 21 декабрда қабул қилинган 167-I-сонли Қонуни таҳририда) (Ўзбекистон Республикаси Олий Мажлисининг Ахборотномаси, 1995 йил, № 12, 257-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2010 йил, № 9, 335-модда; 2011 йил, № 10, 274-модда; 2017 йил, № 9, 510-модда; 2020 йил, № 12, 691-модда; 2021 йил, 4-сонга илова) 3-моддасига қуйидаги қўшимча ва ўзгартириш киритилсин:

қуйидаги мазмундаги учинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда ушбу Қонунда белгиланганидан бошқача иш юритиш ва расмий ҳужжатларни қабул қилиш тили белгиланиши мумкин»;

учинчи ва тўртинчи қисмлар тегишинча тўртинчи ва бешинчи қисмлар деб ҳисоблансин.

3. Ўзбекистон Республикасининг 1992 йил 2 июлда қабул қилинган «Биржалар ва биржа фаолияти тўғрисида»ги 625-XII-сонли Қонунининг (Ўзбекистон Республикасининг 2014 йил 12 сентябрда қабул қилинган ЎРҚ-375-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2014 йил, № 9, 246-модда; 2018 йил, № 7, 431-модда; 2019 йил, № 1, 5-модда; 2021 йил, 4-сонга илова; 2025 йил, № 4, 519-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда биржаларнинг ташкил этилиши ва фаолияти соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

4. Ўзбекистон Республикасининг 1993 йил 7 майда қабул қилинган «Валютани тартибга солиш тўғрисида»ги 841-XII-сонли Қонунининг (Ўзбекистон Республикасининг 2019 йил 22 октябрда қабул қилинган ЎРҚ-573-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2019 йил, № 10, 672-модда; 2021 йил, № 1, 16-модда, 4-сонга илова; 2022 йил, № 3, 215-модда; 2025 йил, № 4, 520-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда валютага оид муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

5. Ўзбекистон Республикасининг 1994 йил 22 сентябрда қабул қилинган 2012-XII-сонли Қонуни билан тасдиқланган Ўзбекистон Республикасининг Жиноят кодекси (Ўзбекистон Республикаси Олий Кенгашининг Ахборотномаси, 1995 йил, № 1, 3-модда; Ўзбекистон Республикаси Олий Мажлисининг Ахборотномаси, 1996 йил, № 9, 144-модда; 1997 йил, № 2, 56-модда, № 9, 241-модда; 1998 йил, № 5-6, 102-модда, № 9, 181-модда; 1999 йил, № 1, 20-модда, № 5, 124-модда, № 9, 229-модда; 2000 йил, № 5-6, 153-модда; 2001 йил, № 1-2, 23-модда, № 9-10, 165-модда; 2002 йил, № 9, 165-модда; 2003 йил, № 1, 8-модда, № 9-10, 149-модда; 2004 йил, № 1-2, 18-модда, № 9, 171-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 314-модда, № 12, 417, 418-моддалар; 2006 йил, № 6, 261-модда, № 12, 656-модда; 2007 йил, № 4, 158, 166-моддалар, № 6, 248-модда, № 9, 416, 422-моддалар, № 12, 607-модда; 2008 йил, № 4, 187, 188, 189-моддалар, № 7, 352-модда, № 9, 485, 487, 488-моддалар, № 12, 640, 641-моддалар; 2009 йил, № 1, 1-модда, № 4, 128-модда, № 9, 329, 334, 335, 337-моддалар, № 12, 470-модда; 2010 йил, № 5, 176, 179-моддалар, № 9, 341-модда, № 12, 471, 477-моддалар; 2011 йил, № 1, 1-модда; 2012 йил, № 4, 108-модда, № 9/1, 242-модда, № 12, 336-модда; 2013 йил, № 4, 98-модда, № 10, 263-модда; 2014 йил, № 1, 2-модда, № 5, 130-модда, № 9, 244-модда, № 12, 343-модда; 2015 йил, № 6, 228-модда, № 8, 310, 312-моддалар, № 12, 452-модда; 2016 йил, № 4, 125-модда, № 9, 276-модда, № 12, 383, 385-моддалар; 2017 йил, № 3, 47-модда, № 6, 300-модда, № 9, 506, 510-моддалар; 2018 йил, № 1, 4-модда, № 4, 218, 224-моддалар, № 7, 430-модда, № 10, 679-модда; 2019 йил, № 1, 3, 5-моддалар, № 3, 161-модда, № 5, 259, 267, 268-моддалар, № 7, 386-модда, № 8, 471-модда, № 9, 592-модда, № 11, 787-модда, № 12, 880-модда; 2020 йил, № 1, 4-модда, № 3, 204-модда, № 7, 449-модда, № 10, 593-модда, № 11, 651-модда, № 12, 691-модда; 2021 йил, № 1, 5, 14-моддалар, № 2, 142, 144-моддалар, № 3, 217-модда, 4-сонга илова, № 8, 800, 803-моддалар, № 10, 966, 968, 973-моддалар, № 12, 1193-модда; 2022 йил, № 2, 81-модда, № 3, 215, 216-моддалар, № 4, 337-модда, № 5, 464, 466-моддалар, № 6, 575-модда, № 10, 981-модда; 2023 йил, № 3, 184, 185, 187, 188-моддалар, № 4, 265-модда, № 5, 319-модда, № 10, 798-модда, № 11, 921-модда; 2024 йил, № 1, 8-модда, № 2, 111-модда, № 3, 245-модда, № 8, 818-модда, № 9, 954, 964-моддалар, № 10, 1070, 1071, 1073, 1077, 1079, 1083-моддалар, № 11, 1186, № 12, 1280, 1287-моддалар; 2025 йил, № 2, 196-модда, № 3, 376, 377-моддалар, № 5, 643, 647-моддалар, № 8, 968-модда, № 9, 1042-модда, № 10, 1156-модда, № 11, 1236-модда; 2026 йил, № 1, 5-модда, № 3, 249, 250, 253-моддалар, № 4, 353, 354, 361-моддалар) 11-моддаси қуйидаги мазмундаги бешинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда валюта қимматликлари, божхона, солиқ, рақобат ҳамда крипто-активлар айланмаси тўғрисидаги қонунчиликни, шунингдек савдо ёки хизмат кўрсатиш қоидаларини бузиш билан боғлиқ қилмишлар учун жиноий жавобгарлик ўрнига Ўзбекистон Республикасининг Конституциявий Қонунига мувофиқ бошқа турдаги жавобгарлик чоралари қўлланилиши мумкин».

6. Ўзбекистон Республикасининг 1994 йил 22 сентябрда қабул қилинган 2015-ХII-сонли Қонуни билан тасдиқланган Ўзбекистон Республикасининг Маъмурий жавобгарлик тўғрисидаги кодекси (Ўзбекистон Республикаси Олий Кенгашининг Ахборотномаси, 1995 йил, № 3, 6-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда, № 12, 269-модда; 1996 йил, № 5-6, 69-модда, № 9, 144-модда; 1997 йил, № 2, 56-модда, № 4-5, 126-модда, № 9, 241-модда; 1998 йил, № 3, 38-модда, № 5-6, 102-модда, № 9, 181-модда; 1999 йил, № 1, 20-модда, № 5, 124-модда, № 9, 229-модда; 2000 йил, № 5-6, 153-модда, № 7-8, 217-модда; 2001 йил, № 1-2, 23-модда, № 9-10, 165, 182-моддалар; 2002 йил, № 1, 20-модда, № 9, 165-модда; 2003 йил, № 1, 8-модда, № 5, 67-модда, № 9-10, 149-модда; 2004 йил, № 1-2, 18-модда, № 5, 90-модда, № 9, 171-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 312-модда, № 12, 413, 417, 418-моддалар; 2006 йил, № 6, 261-модда, № 9, 498-модда, № 10, 536-модда, № 12, 656, 659-моддалар; 2007 йил, № 4, 158, 159, 164, 165-моддалар, № 9, 416, 421-моддалар, № 12, 596, 604, 607-моддалар; 2008 йил, № 4, 181, 189, 192-моддалар, № 9, 486, 488-моддалар, № 12, 640, 641-моддалар; 2009 йил, № 1, 1-модда, № 9, 334, 335, 337-моддалар, № 10, 380-модда, № 12, 462, 468, 470, 472, 474-моддалар; 2010 йил, № 5, 175, 179-моддалар, № 6, 231-модда, № 9, 335, 339, 341-моддалар, № 10, 380-модда, № 12, 468, 473, 474-моддалар; 2011 йил, № 1, 1-модда, № 4, 104, 105-моддалар, № 9, 247, 252-моддалар, № 12/2, 365-модда; 2012 йил, № 4, 108-модда, № 9/1, 242-модда, № 12, 336-модда; 2013 йил, № 4, 98-модда, № 10, 263-модда; 2014 йил, № 1, 2-модда, № 5, 130-модда, № 9, 244-модда, № 12, 341, 343-моддалар; 2015 йил, № 6, 228-модда, № 8, 310, 312-моддалар, № 12, 452-модда; 2016 йил, № 1, 2-модда, № 4, 125-модда, № 9, 276-модда, № 12, 383, 385-моддалар; 2017 йил, № 4, 137-модда, № 6, 300-модда, № 9, 510-модда, № 10, 605-модда; 2018 йил, № 1, 1, 4, 5-моддалар, № 4, 224-модда, № 7, 430, 431, 432-моддалар, № 10, 671, 673, 679-моддалар; 2019 йил, № 1, 1, 3, 5-моддалар, № 2, 47-модда, № 3, 161, 165, 166-моддалар, № 5, 259, 261, 267, 268-моддалар, № 7, 386-модда, № 8, 469, 471-моддалар, № 9, 591, 592-моддалар, № 10, 674, 676-моддалар, № 11, 787, 791-моддалар, № 12, 880, 891-моддалар; 2020 йил, № 1, 4-модда, № 3, 203, 204-моддалар, № 7, 449-модда, № 9, 539, 540-моддалар, № 10, 593, 596-моддалар, № 11, 651-модда, № 12, 691-модда; 2021 йил, № 1, 5, 7, 12, 13, 14-моддалар, № 2, 142-модда, № 3, 217-модда, № 4, 290, 293-моддалар, 4-сонга илова, № 8, 800, 802, 803-моддалар, № 9, 903-модда, № 10, 966, 967, 968, 973-моддалар, № 11, 1066-модда; 2022 йил, № 1, 1, 2-моддалар, № 2, 80, 81-моддалар, № 3, 215, 216-моддалар, № 4, 337-модда, № 5, 464, 465, 466, 467-моддалар, № 8, 787-модда, № 10, 981, 984-моддалар, № 12, 1188-модда; 2023 йил, № 3, 184, 185, 188, 189-моддалар, № 4, 265, 266, 268-моддалар, № 5, 319, 320-моддалар, № 7, 533, 534, 535, 537, 539-моддалар, № 8, 634-модда, № 10, 798-модда, № 11, 921, 923, 924-моддалар, № 12, 1004-модда; 2024 йил, № 1, 5, 7, 8, 9-моддалар, № 2, 102, 111, 115, 116-моддалар, № 3, 243, 245-моддалар, № 6, 530, 532-моддалар, № 7, 629-модда, № 8, 826, 829, 831-моддалар, № 9, 954, 964, 965-моддалар, № 10, 1070, 1071, 1073, 1077, 1078, 1083, 1084-моддалар, № 11, 1187, 1188, 1189-моддалар, № 12, 1279, 1280, 1282, 1286, 1287-моддалар; 2025 йил, № 1, 5, 8-моддалар, № 2, 187, 188, 196, 198, 201-моддалар, № 3, 368, 376-моддалар, № 4, 517, 521-моддалар, № 5, 643, 644-моддалар, № 6, 729-модда, № 7, 828, 829, 832-моддалар, № 8, 968, 971-моддалар, № 11, 1233, 1236, 1237-моддалар, № 12, 1322, 1327, 1328, 1329-моддалар; 2026 йил, № 1, 2, 6-моддалар, № 2, 131, 133-моддалар, № 3, 249, 250, 253-моддалар, № 4, 351, 353, 354, 355, 356, 359, 361, 364-моддалар; № 5, 496, 497-моддалар) 9-моддаси қуйидаги мазмундаги олтинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда валюта қимматликлари, божхона, солиқ, қимматли қоғозлар бозори, рақобат ҳамда крипто-активлар айланмаси тўғрисидаги қонунчиликни, шунингдек савдо ёки хизмат кўрсатиш қоидаларини бузиш билан боғлиқ қилмишлар учун маъмурий жавобгарлик ўрнига Ўзбекистон Республикасининг Конституциявий Қонунига мувофиқ бошқа турдаги жавобгарлик чоралари қўлланилиши мумкин».

7. Ўзбекистон Республикасининг 1995 йил 21 декабрда қабул қилинган «Ўзбекистон Республикасининг Марказий банки тўғрисида»ги 154-I-сонли Қонунининг (Ўзбекистон Республикасининг 2019 йил 11 ноябрда қабул қилинган ЎРҚ-582-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2019 йил, № 11, 790-модда; 2021 йил, 4-сонга илова, № 10, 968-модда; 2022 йил, № 3, 217-модда, № 4, 340-модда; 2023 йил, № 11, 923-модда; 2024 йил, № 9, 965-модда; 2025 йил, № 2, 189, 194-моддалар, № 4, 519, 520-моддалар, № 6, 730-модда; 2026 йил, № 3, 255-модда) 1-моддаси қуйидаги мазмундаги иккинчи ва учинчи қисмлар билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда Ўзбекистон Республикаси Марказий банкининг ваколатлари жумласига киритилган муносабатларни тартибга солиш вазифалари махсус ваколатли орган томонидан амалга оширилади.

Махсус ҳуқуқий режим ўрнатилган ҳудуд иштирокчиларининг Ўзбекистон Республикаси Марказий банкининг назорати остидаги банклар ва бошқа ташкилотлар билан муносабатлари Ўзбекистон Республикаси Марказий банки томонидан махсус ҳуқуқий режим ўрнатилган ҳудуддаги ваколатли орган билан биргаликда тартибга солинади».

8. Ўзбекистон Республикасининг 1995 йил 21 декабрда қабул қилинган 163-I-сонли ва 1996 йил 29 августда қабул қилинган 256-I-сонли қонунлари билан тасдиқланган Ўзбекистон Республикасининг Фуқаролик кодекси (Ўзбекистон Республикаси Олий Мажлисининг Ахборотномаси, 1996 йил, 2-сонга илова, № 11-12; 1997 йил, № 2, 56-модда, № 9, 241-модда; 1998 йил, № 5-6, 102-модда; 1999 йил, № 1, 20-модда, № 9, 229-модда; 2001 йил, № 1-2, 23-модда, № 9-10, 182-модда; 2002 йил, № 1, 20-модда, № 9, 165-модда; 2003 йил, № 1, 8-модда, № 5, 67-модда; 2004 йил, № 1-2, 18-модда, № 5, 90-модда, № 9, 171-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 4, 154-модда, № 9, 494, 498-моддалар; 2007 йил, № 1, 3, 5-моддалар, № 4, 156, 164-моддалар, № 8, 367-модда, № 9, 416-модда, № 12, 598, 608-моддалар; 2008 йил, № 4, 192-модда, № 12, 640-модда; 2009 йил, № 9, 337-модда; 2010 йил, № 9, 335, 337, 340-моддалар; 2011 йил, № 12/2, 363, 364, 365-моддалар; 2012 йил, № 4, 106, 109-моддалар, № 12, 336-модда; 2013 йил, № 10, 263-модда; 2014 йил, № 5, 130-модда, № 12, 343-модда; 2015 йил, № 8, 310, 312-моддалар; 2016 йил, № 4, 125-модда; 2017 йил, № 4, 137-модда, № 9, 510-модда, № 12, 773-модда; 2018 йил, № 1, 4-модда, № 4, 224-модда, № 7, 433-модда, № 10, 673-модда; 2019 йил, № 3, 161, 166-моддалар, № 5, 267-модда, № 10, 671-модда, № 12, 880, 886-моддалар; 2020 йил, № 1, 3, 4-моддалар, № 10, 593-модда; 2021 йил, 4-сонга илова, № 8, 801-модда, № 10, 968-модда; 2022 йил, № 2, 79-модда, № 3, 217, 218-моддалар, № 4, 340-модда, № 5, 464-модда, № 6, 570, 577-моддалар, № 11, 1061, 1062-моддалар; 2023 йил, № 10, 795-модда, № 11, 921-модда; 2024 йил, № 2, 111, 114-моддалар, № 6, 530-модда, № 9, 960-модда, № 11, 1193-модда; 2025 йил, № 2, 188, 194-моддалар, № 3, 370-модда, № 4, 519, 520, 522-моддалар, № 6, 730-модда, № 8, 968-модда, № 10, 1152-модда, № 12, 1324, 1327, 1329-моддалар; 2026 йил, № 3, 255-модда, № 4, 354-модда, № 5, 497-модда) 3-моддасига қуйидаги қўшимчалар ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда фуқаролик-ҳуқуқий муносабатлар ушбу Кодексда белгиланганидан бошқача қоидалар билан тартибга солинади»;

иккинчи ва учинчи қисмлар тегишинча учинчи ва тўртинчи қисмлар деб ҳисоблансин;

учинчи қисм «мос бўлиши шарт» деган сўзлардан кейин «бундан махсус ҳуқуқий режим ўрнатадиган Ўзбекистон Республикасининг Конституциявий Қонуни билан белгиланган ҳоллар мустасно» деган сўзлар билан тўлдирилсин.

9. Ўзбекистон Республикасининг 1996 йил 25 апрелда қабул қилинган «Банклар ва банк фаолияти тўғрисида»ги 216-I-сонли Қонунининг (Ўзбекистон Республикасининг 2019 йил 5 ноябрда қабул қилинган ЎРҚ-580-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2019 йил, № 11, 788-модда; 2020 йил, № 1, 1-модда; 2021 йил, 4-сонга илова, № 10, 968-модда; 2023 йил, № 4, 267-модда, № 11, 923-модда; 2024 йил, № 2, 105, 111-моддалар, № 9, 965-модда; 2025 йил, № 2, 189, 194-моддалар, № 4, 520-модда, № 6, 730-модда; 2026 йил, № 3, 255-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда банклар ва банк фаолияти ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

10. Ўзбекистон Республикасининг 1996 йил 26 апрелда қабул қилинган «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги 223-I-сонли Қонунининг (Ўзбекистон Республикасининг 2014 йил 6 майда қабул қилинган ЎРҚ-370-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2014 йил, № 5, 128-модда; 2015 йил, № 8, 312-модда, № 12, 452-модда; 2016 йил, № 4, 125-модда, № 9, 276-модда; 2018 йил, № 1, 1, 4-моддалар, № 4, 224-модда; 2019 йил, № 3, 166-модда, № 12, 880, 886, 891-моддалар; 2020 йил, № 1, 4-модда, № 7, 449-модда, № 10, 593-модда; 2021 йил, 4-сонга илова, № 10, 973-модда; 2022 йил, № 3, 216, 217-моддалар; 2023 йил, № 1, 1-модда; 2024 йил, № 2, 110, 111-моддалар; 2025 йил, № 2, 188-модда, № 4, 519-модда, № 6, 730-модда, № 11, 1235-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда акциядорлик жамиятларининг ташкил этилиши, фаолияти, қайта ташкил этилиши ва тугатилиши, шунингдек акциядорларнинг ҳуқуқларини ҳимоя қилиш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи, учинчи ва тўртинчи қисмлар тегишинча учинчи, тўртинчи ва бешинчи қисмлар деб ҳисоблансин.

11. Ўзбекистон Республикасининг 1996 йил 30 августда қабул қилинган «Бухгалтерия ҳисоби тўғрисида»ги 279-I-сонли Қонунининг (Ўзбекистон Республикасининг 2016 йил 13 апрелда қабул қилинган ЎРҚ-404-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2016 йил, № 4, 124-модда; 2021 йил, № 1, 7-модда, 4-сонга илова, № 10, 973-модда; 2023 йил, № 11, 923-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда бухгалтерия ҳисобини ташкил этиш, юритиш ва ҳисоботни тузиш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

12. Ўзбекистон Республикасининг 1999 йил 19 августда қабул қилинган «Баҳолаш фаолияти тўғрисида»ги 811-I-сонли Қонунининг (Ўзбекистон Республикаси Олий Мажлисининг Ахборотномаси, 1999 йил, № 9, 208-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 4, 154-модда; 2009 йил, № 4, 135-модда; 2014 йил, № 5, 130-модда; 2015 йил, № 8, 312-модда; 2017 йил, № 6, 300-модда; 2021 йил, 4-сонга илова, № 10, 968-модда; 2022 йил, № 6, 577-модда; 2024 йил, № 8, 825-модда, № 10, 1079-модда; 2025 йил, № 1, 7-модда, № 2, 188-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда баҳолаш фаолиятини амалга ошириш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

13. Ўзбекистон Республикасининг 2001 йил 29 августда қабул қилинган «Суд ҳужжатлари ва бошқа органлар ҳужжатларини ижро этиш тўғрисида»ги 258-II-сонли Қонунига (Ўзбекистон Республикаси Олий Мажлисининг Ахборотномаси, 2001 йил, № 9-10, 169-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 8, 367-модда, № 12, 598-модда; 2008 йил, № 4, 184, 187-моддалар; 2009 йил, № 1, 1-модда; 2010 йил, № 9, 337, 340-моддалар; 2012 йил, № 12, 336-модда; 2014 йил, № 5, 130-модда; 2015 йил, № 8, 312-модда, № 12, 452-модда; 2016 йил, № 9, 276-модда; 2017 йил, № 9, 510-модда; 2018 йил, № 1, 1, 4, 5-моддалар; 2019 йил, № 2, 47-модда, № 5, 267-модда, № 7, 389-модда, № 8, 469-модда, № 10, 671-модда, № 12, 880-модда; 2021 йил, 4-сонга илова, № 8, 800, 803-моддалар; 2022 йил, № 4, 337-модда, № 6, 570-модда; 2023 йил, № 4, 269-модда; 2024 йил, № 2, 111-модда, № 8, 827-модда, № 10, 1073-модда; 2025 йил, № 4, 522-модда, № 6, 729-модда, № 8, 970-модда, № 10, 1153-модда, № 12, 1328-модда; 2026 йил, № 3, 248, 251-моддалар, № 4, 357, 360-моддалар) қуйидаги қўшимчалар ва ўзгартириш киритилсин:

1) 5-модда қуйидаги мазмундаги 3¹-банд билан тўлдирилсин:

«3¹) Тошкент халқаро тижорат судининг қарорлари»;

2) 7-модда:

биринчи қисми қуйидаги мазмундаги 1¹-банд билан тўлдирилсин:

«1¹) Тошкент халқаро тижорат судининг қарорлари асосида мазкур суд котиби томонидан бериладиган ижро варақалари»;

қуйидаги мазмундаги учинчи қисм билан тўлдирилсин:

«Тошкент халқаро тижорат судининг хорижий тилдаги қарорлари асосидаги ижро варақаси мазкур суд котиби томонидан қарорни давлат тилига таржима қилган ҳолда берилади ва унинг имзоси билан тасдиқланади. Бунда ижро варақаси Тошкент халқаро тижорат суди котибининг электрон рақамли имзоси билан тасдиқланган ҳолда, электрон ҳужжат тарзида ахборот тизими орқали тақдим этилиши мумкин»;

учинчи қисми тўртинчи қисм деб ҳисоблансин.

14. Ўзбекистон Республикасининг 2001 йил 6 декабрда қабул қилинган «Хўжалик ширкатлари тўғрисида»ги 308-II-сонли Қонунининг (Ўзбекистон Республикаси Олий Мажлисининг Ахборотномаси, 2002 йил, № 1, 8-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 7, 325-модда; 2014 йил, № 1, 2-модда, № 5, 130-модда; 2015 йил, № 8, 312-модда; 2018 йил, № 1, 1-модда; 2019 йил, № 3, 166-модда, № 12, 880, 891-моддалар; 2021 йил, 4-сонга илова; 2024 йил, № 2, 110-модда) 2-моддаси қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда хўжалик ширкатларининг ташкил этилиши, фаолияти, қайта ташкил этилиши ва тугатилиши соҳасидаги муносабатлар ушбу Қонунда белгиланганидан бошқача қоидалар билан тартибга солинади».

15. Ўзбекистон Республикасининг 2003 йил 30 августда қабул қилинган «Банк сири тўғрисида»ги 530-II-сонли Қонунининг (Ўзбекистон Республикаси Олий Мажлисининг Ахборотномаси, 2003 йил, № 9-10, 144-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 312-модда; 2009 йил, № 9, 337-модда; 2012 йил, № 4, 105-модда; 2016 йил, № 4, 125-модда; 2017 йил, № 9, 510-модда; 2019 йил, № 1, 5-модда; 2021 йил, 4-сонга илова, № 6, 524-модда; 2022 йил, № 4, 337-модда; 2024 йил, № 9, 965-модда; 2025 йил, № 2, 194-модда, № 6, 730-модда, № 12, 1322-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда банк сирини ташкил этувчи маълумотларни олиш, сақлаш, муҳофаза қилиш, эълон қилиш ва тақдим этиш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

16. Ўзбекистон Республикасининг 2003 йил 11 декабрда қабул қилинган «Хусусий корхона тўғрисида»ги 558-II-сонли Қонунининг (Ўзбекистон Республикаси Олий Мажлисининг Ахборотномаси, 2004 йил, № 1-2, 8-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 3, 119-модда; 2007 йил, № 12, 608-модда; 2011 йил, № 9, 248-модда; 2012 йил, № 9/1, 238-модда; 2014 йил, № 5, 130-модда; 2015 йил, № 8, 312-модда; 2016 йил, № 12, 385-модда; 2019 йил, № 3, 166-модда, № 12, 886-модда; 2020 йил, № 1, 2-модда; 2021 йил, 4-сонга илова) 2-моддаси қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда хусусий корхоналарнинг ташкил этилиши, фаолияти, қайта ташкил этилиши ва тугатилиши соҳасидаги муносабатлар ушбу Қонунда белгиланганидан бошқача қоидалар билан тартибга солинади».

17. Ўзбекистон Республикасининг 2004 йил 29 апрелда қабул қилинган «Электрон ҳужжат айланиши тўғрисида»ги 611-II-сонли Қонунининг (Ўзбекистон Республикаси Олий Мажлисининг Ахборотномаси, 2004 йил, № 5, 80-модда; 2021 йил, 4-сонга илова) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда электрон ҳужжат айланиши соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

18. Ўзбекистон Республикасининг 2008 йил 22 июлда қабул қилинган «Қимматли қоғозлар бозори тўғрисида»ги ЎРҚ-163-сонли Қонунининг (Ўзбекистон Республикасининг 2015 йил 3 июнда қабул қилинган ЎРҚ-387-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2015 йил, № 6, 227-модда; 2018 йил, № 1, 1-модда; 2019 йил, № 1, 5-модда, № 3, 166-модда, № 4, 199-модда, № 12, 891-модда; 2020 йил, № 7, 449-модда, № 10, 593-модда; 2021 йил, № 1, 13-модда, 4-сонга илова, № 10, 968, 973-моддалар; 2022 йил, № 3, 217-модда; 2023 йил, № 4, 272-модда; 2024 йил, № 2, 111-модда, № 10, 1079-модда; 2025 йил, № 2, 188, 191-моддалар, № 4, 519-модда, № 6, 730-модда, № 12, 1322-модда; 2026 йил, № 2, 132-модда, № 3, 251-модда) 1-моддаси қуйидаги мазмундаги учинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда қимматли қоғозлар бозори соҳасидаги муносабатлар ушбу Қонунда белгиланганидан бошқача қоидалар билан тартибга солинади».

19. Ўзбекистон Республикасининг 2015 йил 25 августда қабул қилинган «Инвестиция ва пай фондлари тўғрисида»ги ЎРҚ-392-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2015 йил, № 8, 313-модда; 2021 йил, 4-сонга илова, № 10, 968-модда; 2024 йил, № 1, 5-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда инвестиция ва пай фондлари фаолияти соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

20. Ўзбекистон Республикасининг 2016 йил 20 январда қабул қилинган ЎРҚ-400-сонли Қонуни билан тасдиқланган Ўзбекистон Республикасининг Божхона кодекси (Ўзбекистон Республикаси Олий Мажлиси палаталарининг Ахборотномаси, 2016 йил, 1-сонга илова; 2017 йил, № 9, 510-модда; 2018 йил, № 4, 224-модда, № 7, 433-модда, № 10, 670-модда; 2019 йил, № 1, 5-модда, № 2, 47-модда, № 5, 267-модда, № 9, 589-модда, № 10, 671-модда, № 12, 880-модда; 2020 йил, № 10, 593-модда; 2021 йил, 4-сонга илова, № 10, 969-модда; 2022 йил, № 2, 75-модда, № 7, 666-модда, № 12, 1190-модда; 2023 йил, № 12, 1010, 1011-моддалар; 2024 йил, № 1, 5-модда, № 2, 111, 113-моддалар, № 10, 1073-модда, № 11, 1190-модда; 2025 йил, № 11, 1235, 1237-моддалар) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда муайян божхона муносабатлари ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

21. Ўзбекистон Республикасининг 2018 йил 8 январда қабул қилинган «Маъмурий тартиб-таомиллар тўғрисида»ги ЎРҚ-457-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2018 йил, № 1, 2-модда; 2020 йил, № 1, 1-модда; 2021 йил, 4-сонга илова; 2025 йил, № 6, 730-модда) 3-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда маъмурий тартиб-таомилларни амалга ошириш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи ва учинчи қисмлар тегишинча учинчи ва тўртинчи қисмлар деб ҳисоблансин.

22. Ўзбекистон Республикасининг 2018 йил 24 январда қабул қилинган ЎРҚ-461-сонли Қонуни билан тасдиқланган Ўзбекистон Республикасининг Иқтисодий процессуал кодекси (Ўзбекистон Республикаси Олий Мажлиси палаталарининг Ахборотномаси, 2018 йил, 1-сонга 2-илова, № 7, 433-модда, № 10, 672-модда; 2019 йил, № 3, 166-модда, № 5, 261, 266-моддалар, № 9, 592-модда, № 10, 671-модда, № 11, 791-модда, № 12, 880-модда; 2020 йил, № 1, 1-модда, № 3, 198-модда, № 10, 593-модда; 2021 йил, № 1, 10-модда, 4-сонга илова, № 8, 803-модда, № 9, 903-модда; 2022 йил, № 3, 216-модда, № 5, 463-модда, № 6, 577-модда, № 8, 787-модда; 2023 йил, № 4, 269-модда, № 12, 1008-модда; 2024 йил, № 2, 111-модда, № 9, 964, 969-моддалар, № 12, 1280, 1286-моддалар; 2025 йил, № 3, 373-модда, № 6, 729-модда, № 9, 1042-модда, № 10, 1153-модда, № 11, 1237-модда, № 12, 1328-модда; 2026 йил, № 2, 132-модда, № 4, 360, 364, 365-моддалар) 1-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда иқтисодий ишлар ушбу Кодексда белгиланганидан бошқача қоидаларга мувофиқ ихтисослашган суд томонидан кўриб чиқилади ва ҳал этилади»;

иккинчи ва учинчи қисмлар тегишинча учинчи ва тўртинчи қисмлар деб ҳисоблансин.

23. Ўзбекистон Республикасининг 2018 йил 25 январда қабул қилинган ЎРҚ-462-сонли Қонуни билан тасдиқланган Ўзбекистон Республикасининг Маъмурий суд ишларини юритиш тўғрисидаги кодекси (Ўзбекистон Республикаси Олий Мажлиси палаталарининг Ахборотномаси, 2018 йил, 1-сонга 3-илова, № 10, 672-модда; 2019 йил, № 5, 261-модда, № 9, 592-модда, № 11, 791-модда, № 12, 880-модда; 2020 йил, № 1, 1-модда, № 3, 198-модда; 2021 йил, № 1, 9-модда, 4-сонга илова, № 8, 800, 803-моддалар, № 9, 903-модда; 2022 йил, № 8, 787-модда, № 12, 1188-модда; 2023 йил, № 3, 185-модда, № 4, 269-модда, № 11, 923-модда, № 12, 1009-модда; 2024 йил, № 2, 115-модда, № 9, 964, 969-моддалар, № 12, 1286-модда; 2025 йил, № 3, 373-модда, № 6, 729-модда, № 9, 1042-модда; 2026 йил, № 2, 132-модда, № 4, 360-модда) 3-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда фуқароларнинг ва юридик шахсларнинг бузилган ёки низолашилаётган ҳуқуқлари, эркинликларини ва қонуний манфаатларини ҳимоя қилиш тўғрисидаги маъмурий ишлар ушбу Кодексда белгиланганидан бошқача қоидаларга мувофиқ ихтисослашган суд томонидан кўриб чиқилади ҳамда ҳал этилади»;

иккинчи қисм учинчи қисм деб ҳисоблансин.

24. Ўзбекистон Республикасининг 2019 йил 2 июлда қабул қилинган «Шахсга доир маълумотлар тўғрисида»ги ЎРҚ-547-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2019 йил, № 7, 385-модда; 2021 йил, № 1, 13-модда, 4-сонга илова; 2023 йил, № 11, 923-модда; 2026 йил, № 3, 254-модда) 3-моддаси қуйидаги мазмундаги учинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда шахсга доир маълумотларга ишлов бериш ва уларни ҳимоя қилиш билан боғлиқ муносабатлар ушбу Қонунда белгиланганидан бошқача қоидалар билан тартибга солинади».

25. Ўзбекистон Республикасининг 2019 йил 1 ноябрда қабул қилинган «Тўловлар ва тўлов тизимлари тўғрисида»ги ЎРҚ-578-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2019 йил, № 11, 786-модда; 2021 йил, 4-сонга илова, № 10, 968-модда; 2022 йил, № 4, 340-модда; 2024 йил, № 2, 105-модда, № 9, 965-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда тўлов хизматларини етказиб берувчи ва тўлов хизматларидан фойдаланувчи бўлган жисмоний ва юридик шахслар ўртасида тўловларни амалга ошириш ҳамда тўлов хизматлари кўрсатиш чоғида юзага келадиган муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

26. Ўзбекистон Республикасининг 2019 йил 25 декабрда қабул қилинган «Инвестициялар ва инвестиция фаолияти тўғрисида»ги ЎРҚ-598-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2019 йил, № 12, 892-модда; 2021 йил, 4-сонга илова; 2022 йил, № 6, 570-модда, № 12, 1190-модда; 2023 йил, № 10, 795-модда; 2024 йил, № 2, 111-модда; 2026 йил, № 3, 251-модда) 1-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда инвестициялар ва инвестиция фаолияти билан боғлиқ муносабатлар ушбу Қонунда белгиланганидан бошқача қоидалар билан тартибга солинади»;

иккинчи ва учинчи қисмлар тегишинча учинчи ва тўртинчи қисмлар деб ҳисоблансин.

27. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, № 12, 1011-модда; 2024 йил, № 2, 106, 110, 111-моддалар, № 4, 346-модда, № 5, 458, 459-моддалар, № 8, 822, 831-моддалар, № 9, 958-модда, № 10, 1076-модда, № 11, 1190-модда, № 12, 1283, 1284, 1296, 1297-моддалар; 2025 йил, № 2, 188, 194-моддалар, № 4, 519, 520, 521, 522-моддалар, № 5, 644, 645-моддалар, № 6, 729, 731-моддалар, № 8, 971-модда, № 10, 1153-модда, № 12, 1322, 1324, 1328, 1329-моддалар; 2026 йил, № 2, 132-модда, № 3, 251, 255-моддалар, № 4, 351, 352, 354-моддалар) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда солиқ билан боғлиқ муайян муносабатлар ушбу Кодексда белгиланганидан бошқача қоидалар билан тартибга солиниши ҳамда тегишли ваколатли органнинг қарори билан ушбу Кодекснинг айрим қоидаларини қўллаш бўйича алоҳида тартиб белгиланиши мумкин»;

иккинчи қисм учинчи қисм деб ҳисоблансин.

28. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда, № 9, 710-модда; 2024 йил, № 1, 5, 6, 7-моддалар, № 2, 101, 105, 107, 108, 111, 112-моддалар, № 7, 628-модда, № 8, 819, 823, 831-моддалар, № 9, 958-модда, № 10, 1076, 1079-моддалар, № 11, 1191-модда, № 12, 1279, 1280, 1285-моддалар; 2025 йил, № 1, 4, 6-моддалар, № 2, 188, 189, 195, 197-моддалар, № 4, 519, 520-моддалар, № 5, 648-модда, № 7, 828-модда, № 8, 968, 971-моддалар, № 10, 1153-модда, № 11, 1237-модда, № 12, 1322, 1328-моддалар; 2026 йил, № 1, 2, 4-моддалар, № 2, 132-модда, № 3, 249, 255-моддалар, № 4, 365-модда, № 5, 497-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда давлат божини белгилаш, ундириш, қайтариш ва уни тўлашдан озод қилиш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

29. Ўзбекистон Республикасининг 2020 йил 20 октябрда қабул қилинган «Аҳоли бандлиги тўғрисида»ги ЎРҚ-642-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2020 йил, № 10, 595-модда; 2021 йил, № 4, 287-модда, 4-сонга илова; 2022 йил, № 3, 216-модда, № 5, 464-модда, № 6, 570-модда, 10-сонга илова; 2023 йил, № 11, 923-модда; 2024 йил, № 2, 111-модда, № 8, 818-модда, № 9, 958, 968-моддалар, № 10, 1079-модда; 2025 йил, № 2, 188-модда, № 5, 648-модда, № 11, 1233-модда, № 12, 1328, 1329-моддалар; 2026 йил, № 2, 132-модда, № 4, 352-модда) 2-моддаси қуйидаги мазмундаги тўртинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда аҳоли бандлиги соҳасидаги муносабатлар ушбу Қонунда белгиланганидан бошқача қоидалар билан тартибга солинади».

30. Ўзбекистон Республикасининг 2021 йил 25 февралда қабул қилинган «Аудиторлик фаолияти тўғрисида»ги ЎРҚ-677-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2021 йил, № 2, 146-модда; 2022 йил, № 3, 216, 217-моддалар, № 4, 340-модда; 2023 йил, № 1, 2-модда, № 11, 923-модда; 2024 йил, № 2, 105-модда, № 11, 1193-модда; 2025 йил, № 2, 188-модда, № 6, 730-модда, № 8, 971-модда, № 12, 1328-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда аудиторлик фаолияти соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

31. Ўзбекистон Республикасининг 2021 йил 20 апрелда қабул қилинган «Норматив-ҳуқуқий ҳужжатлар тўғрисида»ги ЎРҚ-682-сонли Қонунига (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 288-модда; 2022 йил, № 3, 213-модда, № 8, 788-модда, № 10, 983-модда; 2023 йил, № 8, 629-модда, № 11, 923-модда; 2024 йил, № 2, 109-модда, № 9, 955-модда, № 10, 1075, 1076-моддалар; 2025 йил, № 4, 516-модда; 2026 йил, № 3, 256-модда) қуйидаги қўшимча ва ўзгартиришлар киритилсин:

1) 2-модда:

қуйидаги мазмундаги учинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда қабул қилинадиган бажарилиши мажбурий бўлган қарорларнинг турлари ва ушбу Қонундаги норматив-ҳуқуқий ҳужжатлар билан ўзаро нисбати, уларни тайёрлаш тартибига ҳамда уларнинг мазмунига нисбатан қўйиладиган асосий талаблар ва уларнинг ижросини ташкил этишни таъминлашнинг ўзига хос хусусиятлари Ўзбекистон Республикасининг Конституциявий Қонуни билан алоҳида белгиланади»;

учинчи қисми тўртинчи қисм деб ҳисоблансин;

2) 8-модданинг иккинчи қисми қуйидаги таҳрирда баён этилсин:

«Ўзбекистон Республикаси Конституцияси мамлакатнинг бутун ҳудудида олий юридик кучга эга, тўғридан-тўғри амал қилади ва ягона ҳуқуқий маконнинг асосини ташкил этади. Алоҳида ҳудудларда Ўзбекистон Республикасининг Конституциявий Қонуни билан ягона ҳуқуқий макон доирасида махсус ҳуқуқий режим ўрнатилиши мумкин».

32. Ўзбекистон Республикасининг 2021 йил 22 апрелда қабул қилинган «Давлат харидлари тўғрисида»ги ЎРҚ-684-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 289-модда; 2024 йил, № 2, 111-модда, № 2, 1288-модда; 2025 йил, № 2, 188-модда, № 4, 519-модда, № 6, 730-модда; 2026 йил, № 3, 255-модда, № 4, 364-модда) 2-моддаси қуйидаги мазмундаги бешинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда давлат харидлари соҳасидаги муносабатлар ушбу Қонунда белгиланганидан бошқача қоидалар билан тартибга солинади».

33. Ўзбекистон Республикасининг 2021 йил 14 июлда қабул қилинган «Лицензиялаш, рухсат бериш ва хабардор қилиш тартиб-таомиллари тўғрисида»ги ЎРҚ-701-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2021 йил, № 7, 661-модда; 2022 йил, № 4, 340-модда, № 5, 465-модда; 2023 йил, № 2, 103-модда, № 3, 185-модда, № 7, 533-модда, № 9, 710-модда, № 11, 921, 923-модда; 2024 йил, № 1, 5, 7-моддалар, № 2, 105, 112-моддалар, № 7, 628-модда, № 8, 819-модда, № 9, 957, 958-моддалар; 2025 йил, № 1, 3, 6-моддалар, № 2, 189, 197-моддалар, № 3, 376-модда, № 4, 519, 520, 521-моддалар, № 5, 644, 645-моддалар, № 10, 1155-модда, № 11, 1237-модда, № 12, 1322-модда; 2026 йил, № 1, 2, 4-моддалар, № 2, 133-модда, № 3, 253, 255-моддалар, № 5, 499-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги учинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда лицензиялаш, рухсат бериш ва хабардор қилиш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

учинчи қисм тўртинчи қисм деб ҳисоблансин.

34. Ўзбекистон Республикасининг 2021 йил 28 июлда қабул қилинган «Судлар тўғрисида»ги ЎРҚ-703-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2021 йил, № 7, 663-модда; 2024 йил, № 2, 117-модда, № 8, 823-модда, № 9, 964-модда; 2025 йил, № 1, 8-модда, № 6, 727-модда, № 8, 969-модда, № 12, 1329-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги учинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда ташкил этиладиган ихтисослашган суд мазкур Қонунда белгиланган суд тизимига кирмайди ҳамда унинг фаолияти ушбу Қонунда белгиланганидан бошқача қоидалар билан тартибга солинади»;

учинчи қисм тўртинчи қисм деб ҳисоблансин.

35. Ўзбекистон Республикасининг 2021 йил 23 ноябрда қабул қилинган «Суғурта фаолияти тўғрисида»ги ЎРҚ-730-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2021 йил, № 11, 1062-модда; 2025 йил, № 4, 519-модда) 1-моддаси қуйидаги мазмундаги учинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда суғурта соҳасидаги муносабатлар ушбу Қонунда белгиланганидан бошқача қоидалар билан тартибга солинади».

36. Ўзбекистон Республикасининг 2022 йил 12 апрелда қабул қилинган «Тўловга қобилиятсизлик тўғрисида»ги ЎРҚ-763-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2022 йил, № 4, 338-модда; 2023 йил, № 11, 923-модда; 2024 йил, № 1, 5-модда, № 8, 823-модда, № 10, 1073-модда; 2025 йил, № 2, 188, 191, 194-моддалар, № 6, 730-модда, № 12, 1329-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда юридик ва жисмоний шахсларнинг тўловга қобилиятсизлигига оид муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

37. Ўзбекистон Республикасининг 2022 йил 29 сентябрда қабул қилинган «Электрон тижорат тўғрисида»ги ЎРҚ-792-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2022 йил, № 9, 896-модда; 2025 йил, № 4, 519-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда электрон тижоратга оид муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

38. Ўзбекистон Республикасининг 2022 йил 12 октябрда қабул қилинган «Электрон рақамли имзо тўғрисида»ги ЎРҚ-793-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2022 йил, № 10, 980-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда электрон рақамли имзодан фойдаланиш соҳасидаги муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

39. Ўзбекистон Республикасининг 2022 йил 28 октябрда қабул қилинган ЎРҚ-798-сонли Қонуни билан тасдиқланган Ўзбекистон Республикасининг Меҳнат кодекси (Ўзбекистон Республикаси Олий Мажлиси палаталарининг Ахборотномаси, 2022 йил, 10-сонга илова; 2023 йил, № 4, 265-модда, № 11, 923-модда; 2024 йил, № 2, 111-модда, № 7, 627-модда, № 9, 964-модда; 2025 йил, № 2, 193-модда, № 6, 730-модда, № 11, 1233-модда, № 12, 1321, 1329-моддалар) 10-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда меҳнатга оид муносабатлар ушбу Кодексда белгиланганидан бошқача қоидалар билан тартибга солинади»;

иккинчи ва учинчи қисмлар тегишинча учинчи ва тўртинчи қисмлар деб ҳисоблансин.

40. Ўзбекистон Республикасининг 2025 йил 23 июнда қабул қилинган «Банкларни санация қилиш ва тугатиш тўғрисида»ги ЎРҚ-1070-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2025 йил, № 6, 730-модда) 2-моддасига қуйидаги қўшимча ва ўзгартириш киритилсин:

қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда банкларни санация қилиш ва тугатиш билан боғлиқ муносабатлар ушбу Қонунда белгиланганидан бошқача қоидалар билан тартибга солинади»;

иккинчи қисм учинчи қисм деб ҳисоблансин.

41. Ўзбекистон Республикасининг 2026 йил 21 апрелда қабул қилинган «Масъулияти чекланган жамиятлар тўғрисида»ги ЎРҚ-1137-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2026 йил, № 4, 360-модда) 2-моддаси қуйидаги мазмундаги иккинчи қисм билан тўлдирилсин:

«Ўзбекистон Республикасининг Конституциявий Қонуни билан махсус ҳуқуқий режим ўрнатилган ҳудудда масъулияти чекланган жамиятларнинг ташкил этилиши, фаолияти, қайта ташкил этилиши ва тугатилиши соҳасидаги муносабатлар ушбу Қонунда белгиланганидан бошқача қоидалар билан тартибга солинади».

Ўзбекистон Республикаси Президенти Администрацияси ушбу Конституциявий Қонуннинг ижросини ташкил этади ҳамда Молия марказининг давлат ҳокимияти органлари билан самарали ҳамкорлигини қонунда белгиланган тартибда таъминлайди.

Ўзбекистон Республикаси Вазирлар Маҳкамаси:

ҳукумат қарорларини ушбу Конституциявий Қонунга мувофиқлаштирсин;

республика ижро этувчи ҳокимият органлари ушбу Конституциявий Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

Ушбу Конституциявий Қонун расмий эълон қилинган кундан эътиборан ўн кун ўтгач кучга киради.