Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarori ijrosini taʼminlash maqsadida, “Mahalliy davlat hokimiyati toʻgʻrisida”gi Qonunning 6-, 24-moddalariga asosan xalq deputatlari Zafarobod tumani Kengashi qaror qiladi:

1. Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi 387-sonli qarori ijro uchun qabul qilinsin.

2. Zafarobod tumani hokimligining 2026-yil 20-apreldagi 03-23-sonli xati maʼlumot uchun qabul qilinsin.

3. Zafarobod tumani Obodonlashtirish boshqarmasi tomonidan tuman markaziy koʻchalari boʻyidagi tadbirkorlik subʼektlari bilan tuzilgan shartnoma asosida chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflar ilovaga muvofiq tasdiqlansin.

4. Zafarobod tuman hokimining oʻrinbosari J.Sattarov, Zafarobod tumani Obodonlashtirish boshqarmasi (Sh.Zokirov)ga mazkur qaror ijrosini oʻz vaqtida va samarali taʼminlash vazifalari yuklatilsin.

5. Ushbu qaror “Zafar yoʻlidan” gazetasida rasmiy eʼlon qilinsin hamda tuman hokimligining rasmiy veb-saytiga joylashtirilsin.

6. Ushbu qaror rasmiy eʼlon qilingandan uch oyda kuchga kiradi.

7. Mazkur qaror bajarilishini nazorat qilish, xalq deputatlari tuman Kengashining “Mahalliy budjet, tadbirkorlikni rivojlantirish va iqtisodiy islohotlar masalalari boʻyicha№ doimiy komissiyasi (Oʻ.Bayjanova) zimmasiga yuklansin.