Oʻzbekiston Respublikasi Qonunining “Mahalliy davlat hokimiyati toʻgʻrisida”gi 6, 24-moddalari va Byudjet kodeksining 27-, 99-moddalari, Oʻzbekiston Respublikasi Oliy Majlisining Senatida “2026-yil uchun Oʻzbekiston Respublikasining Davlat budjeti toʻgʻrisida”gi 2025-yil 25-dekabrdagi OʻRQ-1105-son Qonuniga va Xalq deputatlari Toshkent shahari Kengashining 2025-yil 27-dekabrdagi VII-18-207-14-0-K/25-son qaroriga muvofiq hamda Oʻzbekiston Respublikasi Toshkent shahar hokimligining 2025-yil 26-dekabrdagi 02-3657-sonli xatini inobatga olib, xalq deputatlari Olmazor tumani Kengashi qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat budjeti toʻgʻrisida”gi Qonuni hamda Xalq deputatlari Toshkent shahar Kengashining 2025-yil 27-dekabrdagi VII-18-207-14-0-K/25-son qarori (keyingi oʻrinlarda qaror deb yuritiladi) maʼlumot va ijro uchun qabul qilinsin.

2. Mazkur qarorga muvofiq, Olmazor tumani mahalliy budjetining 2026-yilgi daromadlari 191 736 369,0ming.soʻm va xarajatlari esa 191 736 369,0 ming.soʻm ming.soʻmga maʼlumot uchun qabul qilinganligi, shuningdek, Olmazor tumani mahalliy budjetining shaxsiy gʻazna hisob varagʻida turgan budjet mablagʻlarining yoʻl qoʻyiladigan eng kam miqdori 1 816 668,0 ming.soʻm etib belgilanganligi inobatga olinsin.

3. Qonunning 12-moddasi hamda Xalq deputatlari Toshkent shahar Kengashining 2025-yil 27-dekabrdagi VII-18-207-14-0-K/25-sonli qaroriga muvofiq:

a) soliqlarning quyidagi turlari tumanlar byudjetlariga toʻliq hajmda oʻtkaziladi:

jismoniy shaxslardan olinadigan mol-mulk soligʻi;

jismoniy shaxslardan olinadigan yer soligʻi;

suv resurslaridan foydalanganlik uchun soliq;

noruda qurilish materiallari boʻyicha yer qaʼridan foydalanganlik uchun soliq;

davlat aktivlarini ijaraga berishdan tushumlar.

b) quyidagilar Toshkent shahrining shahar byudjeti va tumanlar byudjetlari oʻrtasida taqsimlanadi:

aylanmadan olinadigan soliq;

yuridik shaxslarning mol-mulkiga solinadigan soliq (yirik soliq toʻlovchilar tomonidan toʻlanadigan soliqlar bundan mustasno);

yuridik shaxslardan olinadigan yer soligʻi (yirik soliq toʻlovchilar tomonidan toʻlanadigan soliqlar bundan mustasno);

mol-mulkni ijaraga berishdan olinadigan yillik daromad toʻgʻrisidagi deklaratsiyaga asosan jismoniy shaxslar tomonidan toʻlanadigan;

qoʻshilgan qiymat soligʻi Toshkent shahar mahalliy byudjetiga tushgan tushumlardan 5 foiz miqdorida (yirik soliq toʻlovchilaridan tashqari);

jismoniy shaxslardan olinadigan daromad soligʻi Toshkent shahar mahalliy byudjetiga tushgan tushumlardan (jismoniy shaxslar mol-mulkni ijaraga berishdan olinadigan yillik daromad toʻgʻrisidagi deklaratsiyaga asosan toʻlaydigan, shuningdek, yakka tartibdagi tadbirkorlar toʻlaydigan jismoniy shaxslardan olinadigan daromad soligʻidan tashqari) 5 foiz miqdorida (yirik soliq toʻlovchilaridan tashqari);

foyda soligʻi Toshkent shahar mahalliy byudjetiga tushgan tushumlardan (Oʻzbekiston Respublikasi Prezidentining qarori bilan tasdiqlanadigan roʻyxatga muvofiq yirik soliq toʻlovchilar, Oʻzbekiston Respublikasida doimiy muassasa orqali faoliyatni amalga oshiruvchi Oʻzbekiston Respublikasi norezidentlari tomonidan, shuningdek, norezidentlarning toʻlov manbaida ushlab qolinadigan daromadlaridan toʻlanadigan foyda soligʻidan tashqari) 5 foiz miqdorida (yirik soliq toʻlovchilaridan tashqari);

davlat bojlari;

yigʻimlar;

jarimalar;

4. Quyidagilar:

2026-yil uchun tuman mahalliy budjeti daromadlari prognozi 1-ilovaga muvofiq;

2026-yil tuman mahalliy budjetidan hududiy budjet mablagʻlarini taqsimlovchilarga ajratiladigan mablagʻarning cheklangan miqdorlari 2-ilovaga muvofiq;

2026-yil uchun tuman mahalliy budjetiga umumdavlat soliqlaridan ajratmalar normativlari 3-ilovaga muvofiq tasdiqlansin:

Bunda, ajratma meʼyorlari boʻyicha Toshkent shahar mahalliy byudjeti bilan tumanlar byudjetlarining taqsimotini oʻrnatilgan tartibda “Davlat moliyasini boshqarish” axborot tizimiga Toshkent shahar Gʻaznachilik xizmati boshqarmasi tomonidan amalga oshirilishi belgilab qoʻyilganligi maʼlumot uchun qabul qilinsin.

5. Tuman mahalliy budjeti zahira jamgʻarmasi hajmi 2026-yil uchun 1 765 545,0 ming.soʻm miqdorida belgilansin. Bunda, zahira jamgʻarmasi mablagʻlarini amaldagi Budjet Kodeksining 73-moddasiga muvofiq, budjet tizimi budjetlari shakllantirilayotganda oldindan nazarda tutib boʻlmaydigan xarajatlarni, shuningdek ijtimoiy-iqtisodiy beqarorlik yuzaga kelgan vaziyatlarda amalga oshirilishi zarur boʻlgan tadbirlarni moliyalashtirish uchun yoʻnaltirilishi taʼminlansin.

6. Tuman hokimining birinchi oʻrinbosari (J.Maxmudjonov), tuman Iqtisodiyot va moliya boʻlimi (D.Xatamov), tuman Soliq inspektsiyasi (Sh.Tadjibayev) bilan birgalikda:

2026-yil mahalliy budjeti uchun belgilangan koʻrsatkichlarni oʻz vaqtida va samarali bajarilishini taʼminlash choralarini koʻrsin.

7. Olmazor tumani Soliq inspektsiyasi (Sh.Tadjibayev) Oʻzbekiston Respublikasi Soliq Kodeksida belgilangan vakolatlardan kelib chiqib:

soliqlarning toʻliq va toʻgʻri hisoblanishini hamda ushbu soliqlarni oʻz vaqtida byudjetga undirilishi ustidan soliq nazoratini oʻrnatish;

yer soligʻi, suv resurslaridan foydalanganlik uchun soliq va mol-mulk soliqlari boʻyicha doimiy tahlililar oʻtkazgan holda, soliqlarni toʻliq hisoblanishini taʼminlash hamda ushbu soliq toʻlovlari boʻyicha soliq qarzdorligiga yoʻl qoʻymaslik choralarini koʻrish;

aylanmadan soliq turi boʻyicha soliq toʻlovchilar tomonidan naqd pul aylanmalarining soliq hisobotlarida toʻliq aks ettirilishi ustidan doimiy soliq nazoratini oʻrnatish hamda qonun hujjatlariga amal qilgan holda zarur hollarda kameral soliq nazorati tadbirlarini oʻtkazish;

Xalq deputatlari Olmazor tumani Kengashi bilan birgalikda yer va mol-mulk soligʻining soliq bazasini oshirish, yaʼni xatlov ishlarini samarali va muntazam tashkil etib borish vazifalari yuklatilsin.

8. Majburiy ijro byurosi Olmazor tumani boʻlimi (F.Xamdamov), Olmazor tumani Soliq inspeksiyasi (Sh.Tadjibaev) bilan hamkorlikda soliqlar va boshqa majburiy toʻlovlar boʻyicha mavjud soliq qarzdorliklarini byudjetga undirish yuzasidan tegishli choralar koʻrib borsinlar hamda choraklar yakuni bilan soliq qarzdorliklarining chorak boshiga nisbatan kamayib borishi boʻyicha barcha kompleks chora-tadbirlar koʻrish vazifasi yuklatilsin.

9. Davlat kadastrlar palatasi Olmazor tumani filiali (A.Qosimov), tuman mahallalaridagi hokim yordamchilari, Davlat aktivlarini boshqarish agentligi Toshkent shahar hududiy boshqarmasi hamda boʻsh turgan obyektlaridan samarali foydalanishni tashkil etish markazining Toshkent shahar hududiy boshqarmalari tomonidan tumanga biriktirilgan vakillari bilan birgalikda:

boʻsh turgan davlat mulki obyektlarini aniqlash boʻyicha doimiy ravishda xatlov ishlarini tashkil etish;

xatlov natijalariga koʻra Olmazor tumanida mavjud boʻsh turgan davlat mulki obyektlari roʻyxatini shakllantirish, ijaraga berish yoki sotish boʻyicha tegishli takliflar tayyorlash choralari koʻrilsin.

10. Tuman hokimining birinchi oʻrinbosari (J.Maxmudjonov), tuman Iqtisodiyot va moliya boʻlimi (D.Xatamov):

har yili yil yakuni bilan belgilangan muddatlarda byudjet mablagʻlarining samarali va maqsadli sarflanganligi, xarajatlarning amaliy natijalari yuzasidan yillik faoliyati toʻgʻrisida xalq deputatlari Olmazor tumani Kengashlariga hisobot berib borsin.

Bunda, oʻz tasarrufidagi tizimda budjet intizomiga amal qilinishi ustidan nazorat qilish;

oʻzlarining va tasarrufidagi tashkilotlarning xarajatlar smetasi va shtat jadvallari hamda daromadlar va xarajatlar smetalarining toʻgʻri tuzilishini;

budjetdan ajratilgan mablagʻlarning maqsadli sarflanishi va maqsadli indikatorlarning toʻliq bajarilishini;

tasarrufidagi tizim tashkilotlariga budjetdan ajratiladigan mablagʻlarning toʻgʻri taqsimlanishini;

budjetdan ajratilgan mablagʻlardan maqsadli va samarali foydalanish, xususan ish haqi va unga tenglashtirilgan toʻlovlar, oziq-ovqat, dori-darmon, kommunal xizmatlar va davlat dasturlari uchun belgilangan xarajatlarni toʻliq rejalashtirilishi va oʻz vaqtida toʻlanishini;

budjet jarayonining ochiqligini taʼminlash maqsadida rasmiy veb-saytlarda maʼlumotlarni joylashtirib borilishini taʼminlasin.

11. Tuman hokimligi Matbuot xizmati (V.Talibdjanov)ga:

mazkur qaror rasmiy eʼlon qilinishi va www.olmazor.uz rasmiy veb-saytiga joylashtirilishi taʼminlansin.

12. Mazkur qaror 2026-yil 1-yanvardan eʼtiboran kuchga kiradi.

13. Ushbu qarorning ijrosini nazorat qilish xalq deputatlari Olmazor tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi T.Nazarova Olmazor tumani hokimining birinchi oʻrinbosari J.Maxmudjonov zimmasiga yuklansin.