Oʻzbekiston Respublikasining “Taʼlim toʻgʻrisida”gi qonunining 27, 47-moddalari, Vazirlar Mahkamasining 2017-yil 15-martdagi 140-son qarori bilan tasdiqlangan “Umumiy oʻrta taʼlim toʻgʻrisida”gi Nizomning 39, 41-bandlari, 2022-yil 1-iyundagi “Maktab taʼlimi tizimida davlat xizmatlari koʻrsatishni yanada takomillashtirish toʻgʻrisida”gi 295-son qaroriga hamda “Mahalliy davlat hokimiyati toʻgʻrisida”gi Qonunining 6, 25-moddalariga muvofiq, qaror qilaman:

1. Tuman maktabgacha va maktab taʼlimi boʻlimining 2026-yil 15-yanvardagi “Maktab yoshidagi bolalarni majburiy taʼlimga jalb etish maqsadida tumandagi har bir umumiy oʻrta taʼlim muassasalarini hudud va mikrohududlarga biriktirish toʻgʻrisida”gi 01-35-sonli xati maʼlumot uchun qabul qilinsin.

2. Tumandagi umumiy oʻrta taʼlim maktablarini shaharcha, qishloq va mahallafuqaro yigʻinlari mikrohududlarga biriktirish xarita va tavsif roʻyxati ilovaga muvofiq tasdiqlansin.

3. Tuman hokimining oʻrinbosari (T.Chorshanbiyev), tuman Maktabgacha va maktab taʼlimi boʻlimi (U.Xudayberdiyev) va tumandagi umumiy oʻrta taʼlim muassasalari rahbarlarining zimmalariga:

maktab yoshidagi bolalarni umumiy oʻrta taʼlimga 7 yoshga toʻladigan yilda toʻliq qamrab olish;

oʻquvchilarning darslarga qatnashish holati yuzasidan doimiy monitoring olib borish;

monitoring natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

4. Belgilansinki, tumandagi umumiy oʻrta taʼlim muassasalar rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida, umumiy oʻrta taʼlim muassasasiga oʻqishga jalb qilish uchun masʼul hisoblanadi.

5. Oʻzbekiston mahallalari uyushmasi tuman boʻlimi (Q.Safarov), Davlat kadastrlari palatasi Oltinsoy tuman filiali rahbari (K.Uluqberdiyev) va mahalla fuqarolar yigʻini raislariga:

mahalalar kesimida maktab mikrohududini koʻcha va uy raqamlari bilan belgilab olsin;

maktab yoshidagi bolalarni umumiy oʻrta taʼlim muassasalariga qamrab olishda, ota-onalariga mikrohududlariga jalb qilishda, umumiy oʻrta taʼlim muassasalariga amaliy yordam berisin.

6. Mazkur qaror “Xalq va hayot” gazetasida rasmiy eʼlon qilinsin hamda tuman hokimligining veb-saytiga joylashtirilsin.

7. Ushbu qaror rasmiy eʼlon qilingan kundan boshlab kuchga kiradi.

8. Ushbu qarorning bajarilishini nazorat qilish tuman hokimining oʻrinbosari T.Chorshanbiyev va tuman Maktabgacha va maktab taʼlimi boʻlimi boshligʻi U.Xudayberdiyev zimmalariga yuklatilsin.