Xalq deputatlari Hazorasp tuman Kengashining 2024-yil 27-dekabrdagi “Hazorasp tumanining 2025-yilgi mahalliy budjetini tasdiqlash toʻgʻrisida”gi VII-5-033-12-174-K/24-son qarori qabul qilingan.

Bugungi kunda ushbu qarorni 2-ilovasiga amaldagi qonunchilik hujjatlari talablariga muvofiqlashtirish uchun budjet parametrlariga tegishli oʻzgartirishlar kiritish lozim.

Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24-moddalari, Budjet kodeksining 127, 148-moddalari, “2026-yil uchun Oʻzbekiston Respublikasining Davlat budjeti toʻgʻrisida”gi Qonuniga asosan xalq deputatlari Hazorasp tuman Kengashi qaror qiladi:

1. Hazorasp tumani mahalliy budjetidan hududiy mablagʻlarini taqsimlovchilarga ajratiladigan mablagʻlar boʻyicha 2025 yilda tasdiqlangan xarajatlar 113 mlrd 60 mln 250 ming soʻm boʻlib, budjet parametrlariga kiritilgan oʻzgarishlardan keyin reja 153 mlrd 665 mln 570 ming soʻm, yaʼni tasdiqlangan rejaga nisbatan 40 mlrd 605 mln 320 ming soʻmga koʻp xarajatlarni tashkil qilganligi maʼlumot uchun qabul qilinsin.

2. Hazorasp tuman iqtisodiyot va moliya boʻlimi boshligʻi birinchi oʻrinbosari Sh. Xoʻjaniyozovning budjet parametrlariga qoʻshimcha oʻzgartirish kiritish yuzasidan taklifi maʼqullansin.

3. Hazorasp tumanining mahalliy budjetidan mablagʻ oluvchilariga ajratiladigan mablagʻlarning cheklangan miqdorlariga 2025-yil davomida kiritilgan oʻzgarishlar ilovaga muvofiq tasdiqlansin.

4. Ushbu qarorning ijrosini nazorat qilish xalq deputatlari Hazorasp tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya raisi Q. Nazarov zimmasiga yuklatilsin.