(қарор номи Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
LexUZ шарҳи
Мазкур қарор Ўзбекистон Республикаси Вазирлар Маҳкамасининг 2022 йил 21 июлдаги 396-сонли «Қонунчилик базасини янада тизимлаштириш чора-тадбирлари тўғрисида»ги қарорига асосан ўз кучини йўқотган.
Инсон манфаатларини таъминлаш чора-тадбирлари Дастурини бажариш ва янги туғилган чақалоқлар ҳамда ҳомиладор аёллардаги патологияни барвақт аниқлаш давлат тизимини ташкил этиш мақсадида Вазирлар Маҳкамаси қарор қилади:
1. Болаликдан ногиронлиги бўлган болалар туғилишининг олдини олиш учун янги туғилган чақалоқлар ҳамда ҳомиладор аёлларда туғма ва бошқа патологияни барвақт аниқлаш бўйича «Она ва бола скринингги» давлат дастури 1 ва 2-иловаларга* мувофиқ тасдиқлансин.
(1-банд Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
2. Ўзбекистон Республикаси Соғлиқни сақлаш вазирлиги ва «Соғлом авлод учун» жамғармасига «Она ва бола скринингги» дастурининг амалга оширилишини мувофиқлаштириб бориш ва назорат қилиш вазифаси юклансин.
скрининг-марказларни ташкил этиш фаолият кўрсатаётган даволаш-профилактика муассасалари шохобчалари ҳисобига амалга оширилади. Марказларни маблағ билан таъминлаш соғлиқни сақлашга ажратиладиган бюджет маблағлари ҳамда ҳомийлар маблағлари ҳисобига амалга оширилади;
1993 — 2001 йиллар даврида, «Соғлом авлод учун» жамғармаси томонидан «Валлак» концерни (Финляндия) ва «Бристол Майерс Сквибб» компанияси (АҚШ) билан тузилган битимларга мувофиқ, «Она ва бола скринингги» дастури доирасида ташкил этиладиган скрининг-марказлар техникавий мурувват ёрдами сифатида умумий суммаси 1,2 млн АҚШ долларидан иборат бўлган диагностика аппаратлари, ташкилий техника ва коммуникация воситалари билан жиҳозланади.
4. Ўзбекистон Республикаси Молия вазирлиги «Она ва бола скринингги» давлат дастурини амалга ошириш учун ҳар йили 1 ва 2-иловаларга мувофиқ маблағлар ажратишни назарда тутсин.
5. Ўзбекистон Республикаси Ташқи иқтисодий алоқалар вазирлиги, Ташқи иқтисодий фаолият миллий банки, Давлат божхона қўмитаси «Она ва бола скринингги» давлат дастурини бажариш доирасида тузилган контрактларни устувор асосда кўриб чиқсинлар.
бир ой муддатда «Ўзавтотранс» корпорациясининг ҳудудий бўлинмалари билан биргаликда скрининг давомида аниқланган патологияли шахсларни (ҳомиладор аёллар ва болаларни бир нафар кузатувчи билан бирга) шаҳарлараро қатнайдиган автобусларда яшаш жойидан тегишли минтақавий скрининг-марказгача бепул олиб келиш ва олиб кетиш тартибини ишлаб чиқсинлар;
«Соғлом авлод учун» жамғармаси, Ўзбекистон Республикаси Хотин-қизлар қўмитаси ва «Маҳалла» жамғармаси билан биргаликда «Она ва бола скринингги» давлат дастурини бажаришни ҳар томонлама қўллаб-қувватласинлар ҳамда аҳоли ўртасида болаларнинг ривожланиш хасталиклари билан туғилишининг олдини олишнинг ижтимоий аҳамияти тўғрисида кенг тушунтириш ишларини ташкил қилсинлар.