Suv resurslaridan foydalanganlik uchun soliq stavkalariga qoʻllaniladigan koeffitsiyentlar hamda noruda qurilish materiallari uchun belgilangan qatʼiy stavkalariga qoʻllaniladigan koeffitsiyentlar toʻgʻrisidagi Oltinsoy tumani Soliq inspeksiyasi boshligʻi R. Boymirzayevning 2025-yil 17-dekabrdagi 01-08350-son xatini inobatga olib, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6, 24-moddalariga muvofiq xalq deputatlari Oltinsoy tumani Kengashi qaror qiladi:

1. Suv resurslaridan foydalanganlik uchun soliq stavkalariga qoʻllaniladigan koeffitsiyentlar hamda noruda qurilish materiallari uchun belgilangan qatʼiy stavkalariga qoʻllaniladigan koeffitsiyentlar toʻgʻrisidagi Oltinsoy tumani Soliq inspeksiyasi boshligʻining R. Boymirzayevning hisoboti maʼlumot uchun qabul qilinsin.

2. Suv resurslaridan foydalanganlik uchun soliq stavkasiga 0,7 dan 1,5 gacha qoʻllaniladigan koeffitsiyentlar miqdori 1-ilovaga muvofiq;

noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan 1,3 barobargacha oshiruvchi koeffitsiyentlar miqdori 2-ilovaga muvofiq tasdiqlansin.

3. Tuman hokimligi Axborot xizmati (U. Abdurasulov), “Xalq va hayot” gazetasi tahririyati (N. Temirov)ga mazkur qarorni ommaviy axborot vositalari va internet tarmoqlarida keng yoritib borish tavsiya etilsin.

4. Mazkur qaror ijrosini taʼminlash tuman hokimining birinchi orinbosari (M. Rasulov), bajarilishini nazorat qilish xalq deputatlari tuman Kengashining Mahalliy byudjet, tadbirkorlikni rivojlantirish va iqtisodiy islohotlar boʻyicha doimiy komissiyasi raisi (Yu. Hakimov) zimmasiga yuklatilsin.

5. Ushbu qaror qabul qilingan kundan eʼtiboran kuchga kiradi.