Oʻzbekistan Respublikasi Soliq kodeksining 429-, 437-, 445- va 452-moddalariga hamda Surxondaryo viloyat Kengashining 2025-yil 6-yanvardagi VII-17-2-8-0-K/26-son qarori asosan Shoʻrchi tumanida yuridik va jismoniy shaxslarning qishloq xoʻjaligiga moʻljallanmagan yerlariga 2026-yil uchun yer soligʻi stavkalarini tasdiqlash hamda suv resurslaridan foydalanganlik uchun soliq va yer qaʼridan foydalanganlik uchun bazaviy soliq stavkalariga qoʻllaniladigan kamaytiruvchi va oshiruvchi koeffitsiyentlarni qoʻllash yuzasidan deputatlar tomonidan bildirilgan fikr-mulohazalardan inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-, 24-moddalariga muvofiq xalq deputatlari tuman Kengashi qaror qiladi:

1. Tuman Davlat soliq inspeksiyasi Sh. Zokirovning Oʻzbekistan Respublikasi Soliq kodeksining 429, 437, 445 va 452-moddalariga asosan Shoʻrchi tumanida yuridik va jismoniy shaxslarning qishloq xoʻjaligiga moʻljallanmagan yerlariga 2026-yil uchun yer soligʻi stavkalarini tasdiqlash hamda suv resurslaridan foydalanganlik uchun soliq va yer qaʼridan foydalanganlik uchun bazaviy soliq stavkalariga qoʻllaniladigan kamaytiruvchi va oshiruvchi koeffitsiyentlarni qoʻllash yuzasidan bergan hisoboti maʼlumot uchun qabul qilinsin.

2. Tuman Iqtisodiyot va moliya boʻlimi (A. Soatov), tuman Davlat soliq inspeksiyasi (Sh. Zokirov)ga:

Surxondaryo viloyati boʻyicha qishloq xoʻjaligiga moʻljallanmagan yuridik shaxslarning 1 gektar yeri uchun 52,780 mln.soʻm hamda jismoniy shaxslarning 1 kvadrat metr yeri uchun 462,56 soʻm bazaviy soliq stavkalari belgilanganligi, yuridik va jismoniy shaxslarning qishloq xoʻjaligiga moʻljallanmagan yerlar uchun shahar va tumanlar kesimida, ularning iqtisodiy rivojlanishiga qarab yer soligʻi stavkasiga 0,5 dan 2,0 gacha kamaytiruvchi va oshiruvchi koeffitsiyentlarni qoʻllagan holda yer soligʻi stavkalarini belgilashi mumkinligi yuzasidan ommaviy axborot vositalari bilan hamkorlikda press klublar va chiqishlarni amalga oshirish orqali ommaga taqdim etish;

belgilangan yer soligʻi stavkalariga (yuridik va jismoniy shaxslarning) qishloq xoʻjaligiga moʻljallanmagan yerlar uchun, ularning hududlarida joylashgan daha, mavze, mahalla, koʻcha kesimida 0,7 dan 3,0 gacha kamaytiruvchi va oshiruvchi koeffitsiyentlarni qoʻllashlari yuzasidan maʼlumotlarni taʼminlab berish.

Shuningdek, Surxondaryo viloyatida yuridik va jismoniy shaxslarning 2026-yil uchun mol-mulk hamda yer soligʻi stavkalarini belgilash haqidagi Xalq deputatlari Surxondaryo viloyati kengashining 2026-yil 6-yanvardagi “Surxondaryo viloyatida yuridik va jismoniy shaxslarning 2026-yil uchun mol-mulk hamda yer soligʻi stavkalarini belgilash haqida”gi VII-17-2-8-0-K/26-sonli qarorida Surxondaryo viloyati Shoʻrchi tumani bo'yicha qishloq xo'jaligiga mo'ljallanmagan yuridik shaxslarning 1 gektar yeri uchun 52 780,0 ming.so'm hamda jismoniy shaxslarning 1 kvadrat metr yeri uchun 462,56 so'm bazaviy soliq stavkalari belgilanganligi;

xalq deputatlari tuman Kengashi tomonidan qishloq xoʻjaligiga moʻljallanmagan yer uchastkalari uchun keyingi soliq davriga tasdiqlangan soliq stavkalarini hamda suv resurslaridan foydalanganlik uchun soliq va yer qaʼridan foydalanganlik uchun bazaviy soliq stavkalariga qoʻllaniladigan kamaytiruvchi va oshiruvchi koeffitsiyentlarni besh kun ichida soliq toʻlovchilarga maʼlumot uchun yetkazilishini taʼminlash;

yuridik va jismoniy shaxslar tomonidan mavjud yer maydonlari uchun hisoblangan yer soliqlarini oʻz vaqtida va toʻliq toʻlab borishlarini nazoratga olish;

yuridik va jismoniy shaxslarga hisoblangan yer soligʻi va undirilgan soliqlari toʻgʻrisida xalq deputatlari tuman Kengashiga axborot berib borish vazifasi yuklatilsin.

3. Oʻzbekiston Respublikasi Soliq kodeksi bilan belgilanadigan soliq stavkalari asosida (yuridik va jismoniy shaxslarning) qishloq xoʻjaligiga moʻljallanmagan yerlar uchun mahalla fuqarolar kesimida, ularning iqtisodiy rivojlanishiga qarab kamaytiruvchi va oshiruvchi koeffitsientlari 1-ilovaga muvofiq;

Oʻzbekiston Respublikasi Soliq kodeksining 445-moddasiga muvofiq 2026-yilda suv resurslaridan foydalanganlik uchun soliq stavkalariga qoʻllaniladigan koeffitsiyentlar miqdori 2-ilovaga muvofiq;

Oʻzbekiston Respublikasi Soliq kodeksining 452-moddasiga muvofiq 2026-yilda yer qaʼridan foydalanganlik noruda qurilish materiallari uchun (sement ishlab chiqarish uchun moʻljallangan ohaktoshdan tashqari) qatʼiy soliq stavkalariga qoʻllaniladigan koeffitsiyentlar miqdori 3-ilovaga muvofiq tasdiqlansin.

4. Tuman hokimligining axborot xizmati (N. Shoyeva), “Tafsilot”gazetasi (B. Elmurodova)larga:

mazkur loyihalarni amalga oshirishdan maqsad va uning tuman iqtisodiyotini yuksaltirishdagi afzalliklari toʻgʻrisida ommaviy axborot vositalari va internet tarmoqlarida keng yoritib borish tavsiya etilsin.

5. Xalq deputatlari Shoʻrchi tumani Kengashining 2025-yil 29-yanvardagi VII-4-19-8-120-K/25-sonli qarori 2026-yil 1-yanvar kunidan oʻz kuchini yoʻqotgan deb topilsin.

6. Ushbu qarorning ijrosini nazorat qilish xalq deputatlari Shoʻrchi tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi (M. Yuldoshev) zimmalariga yuklatilsin.

7.Qaror loyihasi regulation.gov.uzga muhokamaga qoʻyilganda berilgan taklif va eʼtirozlardan kelib chiqib oʼzgartirish va qoʼshimchalar kiritilganligi inobatga olinsin.

8. Mazkur qaror rasman eʼlon qilingan kundan boshlab kuchga kiradi.