Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-moddasi, Oʻzbekiston Respublikasi Budjet kodeksining 148-moddasi hamda Boysun tuman iqtisodiyot va moliya boʻlimining 2025-yil 19-noyabrdagi 204/5-03/102-sonli xatiga asosan, qaror qilaman:

1. Oʻzbekiston Respublikasi Budjet kodeksining 148-moddasi hamda Boysun tuman iqtisodiyot va moliya boʻlimining 2025-yil 19-noyabrdagi 204/5-03/102-sonli xatiga asosan xalq deputatlari Boysun tuman Kengashining 2025-yil 25-avgustdagi VII-13-82-8-110-K/25-sonli qarorining 2-ilovasi bilan tasdiqlangan tuman mahalliy byudjetidan 2025-yilda mahalliy byudjet mablagʻlarini taqsimlovchilarga ajratiladigan xarajatlarning cheklangan miqdorlariga kiritilgan oʻzgartirishlar ilovaga muvofiq tasdiqlansin.

2. Boysun tuman hokimligi bosh hisobchisi (Sh. Toshboyev) ajratilgan mablagʻning amaldagi qonunchilikda oʻrnatilgan tartibda samarali va maqsadli sarflanishini taʼminlasin.

3. Tuman hokimligi axborot xizmati rahbari (Y. Xoliyorov) mazkur qarorning “Boysun” gazetasida rasman eʼlon qilinishi hamda hokimlik rasmiy veb-saytiga joylashtirilishini taʼminlasin.

4. Mazkur qaror ijrosini nazorat tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — tuman iqtisodiyot va moliya boʻlimi boshligʻi Y. Joʻrayev zimmasiga yuklatilsin.

5. Ushbu qaror rasman eʼlon qilingan kundan boshlab kuchga kiradi.