Oʻzbekiston Respublikasi Budjet kodeksining 147-moddasiga asosan, xalq deputatlari Boysun tuman Kengashining “Boysun tumanining 2025-yilgi mahalliy budjetini tasdiqlash toʻgʻrisida” 2024-yil 27-dekabrdagi VI-2-014-8-110-K/24-son qaroriga oʻzgartishlar kiritish maqsadida xalq deputatlari Boysun tumani Kengashi qaror qiladi.

1. Tuman iqtisodiyot va moliya boʻlimining 2025-yil 13-avgustdagi 01-395-sonli xati inobatga olinsin.

2. Xalq deputatlari Boysun tumani Kengashining “Boysun tumanining 2025-yilgi mahalliy budjetini tasdiqlash haqida” 2024-yil 27-dekabrdagi VI-2-014-8-110-K/24-son qarorining 2-ilovasi oʻz kuchini yoʻqotgan deb hisoblansin hamda ilovaga muvofiq tuman budjetidan 2025-yilgi budjet mablagʻlarini taqsimlovchilarga ajratiladigan xarajatlarning umumiy cheklangan miqdorlari qayta tasdiqlansin.

3. Xalq deputatlari Boysun tumani Kengashining “Boysun tumanining 2025-yilgi mahalliy budjetini tasdiqlash toʻgʻrisida” 2024-yil 27-dekabrdagi VI-2-014-8-110-K/24-son qarori ilovasiga muvofiq kiritilgan oʻzgartishlar budjet muassasalari kesimida 1 va 2 guruh xarajatlarini qoplashga yoʻnaltirilayotganligi maʼlumot uchun qabul qilinsin.

4. Mazkur qaror “Boysun” gazetasida rasman eʼlon qilinsin hamda tuman hokimligining rasmiy veb-saytiga joylashtirilsin.

5. Mazkur qarorning ijrosini nazorat qilish xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar boʻyicha doimiy komissiyasi (Q.B.Alimov) zimmasiga yuklatilsin.

6. Ushbu qaror qabul qilingan kundan eʼtiboran kuchga kiradi.