Oʻzbekiston mahallalari uyushmasi viloyat boshqarmasining 2025-yil 25-martdagi 01/107-sonli xati hamda viloyat hokimligi huzuridagi Mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasining 2025-yil 8-apreldagi 2-sonli bayoni bilan tasdiqlangan xulosasi va Qashqadaryo viloyati adliya boshqarmasining 2025-yil 30-apreldagi 6-12/1-474-sonli taqdimnomasini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 16² va 24-moddalariga asosan xalq deputatlari viloyat Kengashi qaror qiladi:

1. Oʻzbekiston mahallalari uyushmasi viloyat boshqarmasining 2025-yil 25-martdagi 01/107-sonli xati, viloyat hokimligi huzuridagi Mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasining 2025-yil 8-apreldagi 2-sonli bayoni bilan tasdiqlangan xulosasi, Qashqadaryo viloyati adliya boshqarmasining 2025-yil 30-apreldagi 6-12/1-474-sonli taqdimnomasi hamda Oʻzbekiston mahallalari uyushmasi viloyat boshqarmasi boshligʻi O. Ravshanovning maʼruzasi maʼlumot uchun qabul qilinsin.

2. Viloyatda birlashtiriladigan mahalla fuqarolar yigʻinlari roʻyxati ilovaga muvofiq maʼqullansin.

3. Tuman (shahar) hokimliklari aloqador tashkilotlar bilan birgalikda birlashtiriladigan mahalla fuqarolar yigʻinlarini qayta davlat roʻyxatidan oʻtkazsin hamda muhr va tamgʻalarini almashtirish choralarini koʻrsin.

4. Xalq deputatlari viloyat Kengashining 2025-yil 11-apreldagi VII-10-60-4-0-K/25-sonli qarori oʻz kuchini yoʻqotgan deb hisoblansin.

5. Ushbu qaror viloyat hokimligining rasmiy veb-sayti va ommaviy axborot vositalarida eʼlon qilinsin.

6. Ushbu qaror rasman eʼlon qilingandan soʻng kuchga kiradi.

7. Mazkur qarorning ijrosini nazorat qilish xalq deputatlari viloyat Kengashining Korrupsiyaga qarshi kurashish va xavfsizlik masalalari boʻyicha doimiy komissiyasi raisi I. Xalilov hamda viloyat hokimining oʻrinbosari A. Qobilov zimmasiga yuklansin.