Oʻzbekiston Respublikasi Iqtisodiyot va moliya vazirligi huzuridagi Kadastr agentligining 2025-yil 17-oktabrdagi 03/08-11827-sonli xatini inobatga olib, “Geografik obyektlarning nomlari toʻgʻrisida”gi Oʻzbekiston Respublikasining Qonunining 4-, 6- va 10-moddalariga asosan, Paxtachi tumani hokimi, tuman hokimligi huzuridagi geografik obyektlarni nomlash va qayta nomlash masalalari boʻyicha komissiyasining 2025-yil 17-sentabrdagi 01-14/218-sonli bayoniga, tuman hokimining Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi N. Shodiyevaning bildirgisiga hamda “Mahalliy davlat hokimiyati toʻgʻrisida”gi Oʻzbekiston Respublikasi Qonunining 24-moddasiga muvofiq xalq deputatlari tuman Kengashining yettinchi chaqiriq oʻn sakkizinchi sessiyasi, qaror qiladi:

1. Oʻzbekiston Respublikasi Iqtisodiyot va moliya vazirligi huzuridagi Kadastr agentligi Respublika toponomika xizmatining 2025-yil 17-oktabrdagi 05-19-958-sonli ekspertiza xulosasi maʼlumot uchun qabul qilinsin.

2. Tumanda geografik obyektlarga nom berish va ularning nomlarini oʻzgartirish masalalari boʻyicha komissiyaning tumanda mavjud boʻlgan, jami: 72 ta geografik obyektlarni (koʻcha, tor koʻcha va berk koʻcha) nomlash va qayta nomlash ilovaga muvofiq tasdiqlansin.

3. Tuman hokimining Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi (N.Shodiyeva) mazkur geografik obyektlarni Davlat reyestriga kiritish choralarini koʻrsin.

4. Tuman hokimligi Axborot xizmati rahbari (A.Husanov), “Paxtachi” gazetasi bosh muharriri (S.Qurbanov) mazkur qarorni oʻrnatilgan tartibda eʼlon qilinishini hamda tuman hokimligining rasmiy veb-saytiga joylashtirilishi tavsiya etilsin.

5. Mazkur qarorning ijrosini nazorat qilish xalq deputatlari tuman Kengashining Agrar, qurilish, kommunal sohalar, ekologiya, sanoat va transport masalalari boʻyicha doimiy komissiyasi (Sh.Musirmanov), bajarilishini nazorat qilish tuman hokimining Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi (N.Shodiyeva) zimmasiga yuklatilsin.