Oʻzbekiston Respublikasi Prezidentining 2023-yil 21-dekabrdagi “Oʻzbekiston mahallalari uyushmalari faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi PQ-402-sonli qarori ijrosini taʼminlash hamda Oʻzbekiston Respublikasining Budjet kodeksining 127-moddasi va “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6- va 24-moddalariga asosan xalq deputatlari Bulungʻur tumani Kengashining yettinchi chaqiriq yigirma ikkinchi sessiyasi qaror qiladi:

1. Oʻzbekiston Respublikasi Prezidentining 2023-yil 21-dekabrdagi “Oʻzbekiston mahallalari uyushmalari faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi PQ-402-sonli qaroriga asosan tumandagi jismoniy shaxslardan olinadigan mol-mulk va yer soligʻi boʻyicha undirilgan mablagʻlarning (noturar joylar boʻyicha undiriladigan mol-mulk va yer soligʻi bundan mustasno) 10 foizini mahalla jamgʻarmasiga oʻtkazishdan yuzaga kelgan farqni qoplash uchun 1 307 302,0 (bir milliard uch yuz yetti million uch yuz ikki ming) soʻm mablagʻ zarurligi maʼlumot uchun qabul qilinsin.

2. Oʻzbekiston mahallalar uyushmasi Bulungʻur tuman boʻlimi tasarrufidagi mahallalarning “Mahalla jamgʻarmasi”ga jismoniy shaxslardan olinadigan mol-mulk va yer soligʻi boʻyicha undirilgan mablagʻlarning (noturar joylar boʻyicha undiriladigan mol-mulk va yer soligʻi bundan mustasno) 10 foizini oʻtkazishdan yuzaga kelgan farqni qoplash uchun Samarqand viloyati

Iqtisodiyot va moliya bosh boshqarmasi bilan kelishilgan holda, xalq deputatlari Bulungʻur tumani Kengashining 2024-yil 27-dekabrdagi VII-5-027-7-93-K/24-son qarori 1-ilovasidagi 8-bandi hamda 2-ilovasidagi 9-bandi tuman mahalliy budjeti hisobidan Bulungʻur tuman mahalliy budjetining 2025-yil 4-chorak daromadlari va xarajatlarini 1 307 302,0 (bir milliard uch yuz yetti million uch yuz ikki ming) soʻm 1-ilovaga muvofiq oshirilsin.

3. Tuman Iqtisodiyot va moliya boʻlimi boshligʻi oʻrinbosari (T.Uljayev) Bulungʻur tuman mahalliy budjetining 2025-yil 4-chorak daromadlari va xarajatlari rejalariga tegishli oʻzgartirish kiritsin.

4. Mazkur qaror bajarilishini nazorat qilish, xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar boʻyicha doimiy komissiyasi raisi O.Axmedov va tuman hokimining birinchi oʻrinbosari Sh.Ibragimov zimmalariga yuklatilsin.