Oʻzbekiston Respublikasi Iqtisodiyot va moliya vazirligi huzuridagi Kadastr agentligining 2025-yil 23-oktyabrdagi 03-08-12099-sonli xati orqali geografik obyektlarga nom berish yoki ularni qayta nomlash toʻgʻrisidagi takliflarning qonun hujjatlari talablariga muvofiqligi haqida ekspert xulosasi, yigʻilish bayoni hamda geografik obyektlarni nomlash va qayta nomlash masalalari boʻyicha tuman komissiyasining hisobotini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6- va 24-moddalariga muvofiq xalq deputatlari Kattaqoʻrgʻon tumani Kengashi yettinchi chaqiriq oʻn oltinchi sessiyasi qaror qiladi:

1. Oʻzbekiston Respublikasi Iqtisodiyot va moliya vazirligi huzuridagi Kadastr agentligining 2025-yil 23-oktyabrdagi 03-08-12099-sonli xati hamda ekspert xulosasiga asosan tumandagi ayrim koʻcha nomlarining qonun talablariga muvofiqlashtirilganligi, mazkur qarorning loyihasi normativ-huquqiy hujjatlar loyihalari muhokamasi portalida (https://regulation.gov.uz/oz/d/110258) muhokamada turganligi hamda Kattaqoʻrgʻon tuman adliya boʻlimi tomonidan normativ-huquqiy hujjat loyihasini huquqiy ekspertizadan oʻtkazish yuzasidan tuman adliya boʻlimining 2025-yil 25-noyabrdagi 10-sonli huquqiy xulosasida ijobiy baholanganligi maʼlumot uchun qabul qilinsin.

2. Tumandagi qonun hujjatlari talablariga muvofiq deb topilgan koʻcha nomlari ilovaga asosan tasdiqlansin.

3. Oʻzbekiston Mahallalar uyushmasi tuman boʻlimi (Gʻ.Toʻychiyev), tuman Obodonlashtirish boshqarmasi (B.Normurodov), tuman “Yoʻllardan foydalanish” DM korxonasi (X.Isoqov)ga:

-bir oy muddatda tuman mahalla fuqarolar yigʻinlaridagi koʻcha nomlari ushbu qaror ilovasiga muvofiq tasdiqlangan roʻyxat asosida nomlarni qaytadan oʻrnatish;

-olib borilgan ishlar toʻgʻrisidagi maʼlumotlarni belgilangan muddatda xalq deputatlari tuman Kengashi sessiyalari muhokamasiga kiritish vazifasi yuklatilsin.

4. Tuman hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi J.Sarmanov, Kadastrlar palatasi tuman filiali (F.Ibragimov)ga Oʻzbekiston Respublikasi Iqtisodiyot va moliya vazirligi huzuridagi Kadastr agentligining ekspertiza komissiyasi tomonidan nomuvofiq va takror koʻcha nomlari muvofiqlashtirish vazifasi yuklatilsin.

5. “Kattaqoʻrgʻon kecha va bugun” gazetasi tahririyati, tuman hokimligi axborot xizmati (J.Safarov) ushbu qarorning belgilangan tartibda eʼlon qilinishini ham da tuman hokimligining rasmiy veb-saytiga joylashtirilishini taʼminlasin.

6. Ushbu qaror ijrosini nazorat qilish xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohatlar boʻyicha doimiy komissiyasi (A.Xudayberdiyev), tuman hokimi oʻrinbosari M.Rasulov va mutasaddi tashkilotlar zimmasiga yuklatilsin.